မီးလား၊ ပန်းလား။ နီရဲသောဘာသာစကား၏ခြေရာ

Structuralism မှာတုန်းက signifier နဲ့ signified အကြောင်းပြောကြတယ်။ မြင်းလို့ပြောလိုက်တော့ မြင်းဆိုတဲ့စကားလုံးနဲ့ မြင်းလို့ကိုင်တွယ်ညွှန်ပြလို့ရတဲ့ပြင်ပကသက်ရှိ၊(အရာဝထ္ထုစသည်)တခုနဲ့ဆိုပြီး အညွှန်းနဲ့ အညွှန်းခံ ကိုနားလည်ခဲ့တယ်။ ဒါတင်မက ထိုနှစ်ခုကြား အဆက်အစပ်မဲ့ပုံကိုပါသိခဲ့ကြတယ်။ ဘယ်သူကမှ မြင်းကိုဘာလို့မြင်းလို့ခေါ်ရသလဲမသိသလိုမေးလည်းမမေးခဲ့ကြဘူး။ ပြီးတော့ မြန်မာကမြင်းလို့ပြောပြီး အင်္ဂလိပ်က Horse လုိုပြောတာ အတူတူပဲ။ ငါတို့ဒီတိရိစ္ဆာန်ကိုမြင်းလို့ခေါ်တာ သူတို့ Horse လို့ခေါ်တာထက်ပိုသင့်တော်တယ်ဆိုတာမျိုးဘယ်သူကမှ မနှိုင်းယှဉ်ခဲ့ကြဘူး။ ဆိုလိုတာက ဘာသာစကားနဲ့ပတ်သက်လို့ကျနော်တို့ဟာ ကိုယ့်ဘာသာစကားနဲ့ကိုယ် သီးခြားယုံကြည်မှုရှိခဲ့ကြတယ်။ မြန်မာကထွက်တဲ့သစ်ကနိုင်ငံခြားသစ်တွေထက်ပိုကောင်းတယ်လို့ပြောပေမဲ့ မြန်မာလိုကျွန်းသစ်လို့ခေါ်တာ အင်္ဂလိပ်လို teak လို့ခေါ်တာထက်ပိုသဘာဝကျတယ်လို့ဘယ်သူမှမနှိုင်းယှဉ်ကြဘူး။ အဆက်အစပ်မဲ့တယ်ဆိုပေမဲ့ မံမံ ဆိုတော့စားစရာပေါ့။ အီးအီးဆိုတော့ရွံစရာပေ့ါ။ သားသား ဟိုအကောင်ဘာကောင်လဲပြောလိုက်စမ်းဆိုတော့ ကြောင်ပေါ့၊ ခွေးပေါ့။ ဒီကောင်လေးအတတ်မြန်လိုက်တာပေါ့။ ဆိုတော့ ဘာသာစကားရဲ့သတ်မှတ်ချက် တွေပေါ်မှာ အားလုံးသက်တောင့်သက်သာရှိစွာသဘာဝအလျှောက်သင်ယူ လက်ခံနိုင်ခဲ့ကြတယ်။
ရှေ့မှာတုန်းကကျနော်တို့ဘာသာစကားနဲ့အဓိပ္ပါယ်အကြောင်းပြောတော့အဓိပ္ပါယ်ကိုကျနော်တို့လုပ်နေတာ မဟုတ်ဘူးလို့ပြောခဲ့တယ်။ အဓိပ္ပါယ်ဆိုတာခြားနားခြင်းကဖြစ်လာတာလို့ပြောခဲ့တယ်။ နမူနာတခုလောက်ပြန် ကြည့်ကြရင် ဥပမာ မီးပွိုင့်မှာမီးနီတဲ့အခါကျနော်တို့ရပ်ကြရတယ်။ ဒီလိုမီးနီရင်ရပ်ဆိုတဲ့အသိဟာ သူ့ချည်းရပ်တည်နေတာတော့မဟုတ်ဘူး။ မီဝါနဲ့ မီးစိမ်းနဲ့ဆက်စပ်ပြီးရလာတဲ့အဓိပ္ပါယ်ပဲ။ မတူလို့ဖြစ်လာရတဲ့ အဓိပ္ပါယ်ပဲ။ စကားလုံးတခု၊ စာသားတခုဟာ သူ့ချည်းအဓိပ္ပါယ်မရှိဘူး။ မီးနီကိစ္စမှာ သုံးပွင့်ဆိုင် Structure တခုကနေအဓိပ္ပါယ်ကိုထုတ်ပေးလိုက်တာ။ အနီဆိုတာ ရပ်ဆိုတာမျိုးအမြဲယူလို့ဘယ်ဖြစ်တော့မလဲ။ စိန်ပန်းအနီဟာလောကအပူကိုအံတုတဲ့အဓိပ္ပါယ်ဖြစ်လာနိုင်တယ်၊ နှင်းဆီအနီဟာ ချစ်ခြင်းရဲ့ရဲရင့်မှုဖြစ်လာနိုင်တယ်။ စကားလုံးတွေဟာမတည်ငြိမ်ဘူး။ အချိန်အလိုက် နေရာအလိုက် အဓိပ္ပါယ်တွေ ပြောင်းနေတယ်။ ဘာသာစကားဆိုတာက သူ့အရင်ရှိနေတဲ့အရာတွေကိုဖွင့်ဆိုဖို့ပေါ်လာတာ ဆိုပေမဲ့ တကယ်တမ်းကျတော့ အစစ်အမှန်တရားကိုဖော်ပြဖို့ရာမစွမ်းသာဘူး။ လူနဲ့တကယ့်အစစ်အမှန်တရားကြားမှာ ဘာသာစကားနဲ့အမြဲကာစီးထားခြင်းခံရတယ်လို့ ပြောဖို့ဖြစ်လာတယ်။

ဒီတော့ သူ့တည်ဆောက်ပုံစံနစ်ကိုနားလည်ဖို့လိုတယ်။ မိမိကိုယ်ကိုယ် နဲ့ ကမ္ဘာကြီးကို နားလည်ဖို့ဆိုတာ ဘာသာစကား ဟာအချက်အချာပဲလို့ Structuralist တွေကယူခဲ့ကြတယ်။ ဘာသာစကားကိုအဓိကထားတဲ့အချက်ကို Poststructuralist တွေကဆက်ယူခဲ့ကြပါတယ်။ Structuralism မရှိရင် Post structuralism ဆိုတာလည်းမရှိနိုင်ဘူး။ သူတို့ဟာ ခက်ရင်းရဲ့ခွနှစ်ဘက်ပဲ။ သို့ပေမဲ့ ဒီနှစ်ခုအဓိကကွဲလွဲချက်ကလည်း ဘာသာစကားပေါ်မှာပဲရှိနေတယ်။
ဘာသာစကားဟာထင်သလောက်မရိုးစင်းဘူး။ သူ့မှာထူးခြားချက်တွေရှိတယ်။ မောင်ချစ်ရဲ့ မြင်းက ဒီရွာမှာတော့ အချောဆုံးပဲ အပြေးနိုင်ဆုံးပဲလို့ ဘာသာစကားကိုသုံးပြီးရှင်းပြနိုင်တယ်။ မြို့တက်တော့ငါ့ကောင်ရေ လိုင်းကားတွေမောင်းတာကသောက်ကျိုးနဲမြန်တာကလားလို့လဲပဲ ဘာသာစကားကိုသုံးပြီးရှင်းပြနိုင်တယ်။ ဒါပေမဲ့ ဘာသာစကားတခုအကြောင်းကို ဘာသာစကားမသုံးပဲ ဘာနဲ့ရှင်းပြလို့ရမလဲဆိုတော့ အင်းဒါတော့အဲ လို့ပြောရတော့တယ်။ မြင်းကို ဒါမှမဟုတ် ကားကို သူ့အပြင်ဘက်ထွက်ပြီး ကြည့်ပြီး ပြောပြ ရှင်းပြနိုင်ပေမဲ့ ဘာသာစကားကိုသူ့အပြင်ဘက်ကကြည့်ပြီးပြောလို့မရဘူး။ ကျနော်တို့ဟာပိတ်မိနေတယ်၊ ဒါပေါ့ ဘာသာစကားထဲမှာပေါ့။ ကျနော်တို့ဟာ Structure တွေကိုမြင်ပြီးနားလည် နေတာမဟုတ်ဘူးတဲ့။ ကျနော်တို့ဟာ Structure ထဲမှာနေနေရတာတဲ့။ ကျနော်တို့ဟာ ဘာသာစကားကိုအသုံးပြုဖို့အတွက် သူကတည်ဆောက်ထားတဲ့စံနစ်ရဲ့ထိမ်းချုပ်မှုကိုခံလိုက်ရတယ်။ ကျနော်တို့ဟာကိုယ်ပြောချင်တဲ့ စကားရဲ့အဓိပ္ပါယ်ကိုမထိန်းချုပ်နိုင်ဘူး။ ကိုယ်ရေးချင်တဲ့စာသားရဲ့အဓိပ္ပါယ်ကိုမထိမ်းချုပ်နိုင်ဘူး။ ကျနော်တို့ကဘာသာစကားကိုသုံးနေတာမဟုတ်ဘူး။ ဘာသာစကားကလူကိုသုံးနေတာလို့ဆိုတယ်။ ဒီတော့ ဘာသာစကားကို ကရိယာတန်ဆာပလာအဖြစ်သုံးပြီးအနုပညာကိုဖန်တီးနေတယ်ဆိုတာက ဒါရီဒါ ပြောချင်တာနဲ့လွဲနေတယ်လို့ပြောမယ်ဆိုပြောနိုင်တယ်ပေ့ါ။
သူပြောတဲ့အတိုင်းပြန်ပြောရရင် Il n’y a de hors-texte (there is nothing outside text) ပေါ့။ စာသားရဲ့အပြင်မှာဘာမှမရှိဘူးတဲ့။ ဒီလိုပြောင်းလာတာ Post structuralism အမြင်ဖြစ်တယ်။ ဒါဟာ ဒါရီဒါ (Jacques Derrida 1930-2004) ရဲ့အယူအဆဖြစ်ပြီး သူ့ရဲ့ Of Grammatology (1967) မှာ Deconstruction ဆိုတဲ့စကားလုံးကိုစတင်မိတ်ဆက်အသုံးပြုခဲ့တယ်။ ဒါကြောင့်သူမြင်တဲ့ အဆောက်အအုံလွန်ဝါဒ ဟာ Deconstruction လို့လည်းလူသိများတယ်။ Structuralism သမားတွေရဲ့ တည်ဆောက်ပုံစံနစ်တွေကို ပြန်ပြီးပိုင်းဖြတ်ကြည့်လို့မို့ Deconstruction လို့သုံးတာဖြစ်ပြီး ဒါရီဒါ နဲ့ Deconstruction ဟာခွဲလို့မရအောင် ဖြစ်လာခဲ့ရတယ်။

KZကေ

၁၆။ အားလုံးမလွတ်မြောက်မချင်းမည်သူမျှလွတ်မြောက်လိမ့်မည်မဟုတ်

ဥရောပပေါင်းစည်းရေးအတွက်စဉ်းစားလာရသည့်အချက်တချက်မှာ ကမ္ဘာလုံးစီးပွားရေးစံနစ်၏ နိုင်ငံတခုချင်းပေါ်သို့ရိုက်ခတ်ချက်ကြောင့်ဖြစ်သည်။ ယေဘူယျဆိုရလျှင် ခေတ်မှီဖွံ့ဖြိုးပြီးနည်းပညာ ရှေ့တန်းရောက်နေသည့်စက်မှုနိုင်ငံကြီးများတွင် စီးပွားရေးဖွံ့ဖြိုးမှုအတွက် နိုင်ငံရေးနှင့်လူမှုရေးဘက်တွင် ပေးဆပ်ရတတ်သည်ဆိုသည့်အချက်ဖြစ်သည်။ ဒါတွေက အလုပ်လက်မဲ့နှုန်းများလာခြင်း၊ ဆင်းရဲမွဲတေမှု နှင့် ၀င်ငွေမညီမျှမှုတို့ဖြစ်သည်။ အဆိုပါအချက်များကလူမှုပေါင်းစည်းရေးကိုပြေလျှော့စေသည်။ ပြည်တွင်းနိုင်ငံရေးတည်ငြိမ်မှုကိုထိပါးစေသည်။ လူမှုဖူလုံရေးစံနစ်၊ အလုပ်သမားဈေးကွက်ကိုအလျှော့ အတင်းပြုခြင်း၊ ပြန်လည်ဖြန့်ဖြူးရေးပေါ်လစီ တို့ဖြင့်အထက်ကဆိုခဲ့သည့်အကျပ်အတည်းများကိုဖြေရှင်းနိုင်သည်။
သို့သော် ကမ္ဘာလုံးစီးပွားရေး နှင့် ငွေကြေးဈေးကွက်တို့က စီးပွားရေးဖွံ့ဖြိုးမှု၏ဘေးထွက်ပြဿနာများကို လူမှုဖူလုံရေးစံနစ်ဖြင့်ထိမ်းကျောင်းနိုင်စွမ်းကို ထိခိုက်လာစေသည်။ ဆိုလိုသည်မှာကမ္ဘာလုံးစီးပွားရေးနှင့် အတူပေါ်ပေါက်လာသော နိုင်ငံစုံကော်ပိုးရေးရှင်းကြီးများကသူတို့ရင်းနှီးမြှုပ်နှံသည့်နိုင်ငံတွင် အလုပ်သမား ဈေးကွက်ကိုဥပဒေများသုံးပြီးထိမ်းချုပ်လာပါက အခြားလုပ်အားဈေးချို ပြီးကန့်သတ်မှုနဲသည့်နိုင်ငံသို့ပြောင်းရွေ့ ရင်းနှီးမြှုပ်နှံပေလိမ့်မည်။ ဒီခြိမ်းခြောက်မှုကနိုင်ငံများအနေဖြင့် နိုင်ငံခြားရင်းနှီးမြှုပ်နှံမှုများစီးဝင်လာရန်၊ ၀င်လာပြီးသားမြှုပ်နှံမှုများပြန်ထွက်မသွားစေရန် ထိုလုပ်ငန်းများအရင်းအနှီးများအတွက်အခွန်အကောက်နှုန်းများ ကိုတိုးမြှင့်ကောက်ခံရန်မလွယ်ကူပေ။ တဘက်တွင်လည်းလူမှုဖူလုံရေးဝန်ထုပ်ဝန်ပိုးကလည်းရှိပြန်သည်။ အခွန်ငွေတိုးချဲ့ကောက်ခံဖို့ကလည်းအမြဲလိုကျားမြီးဆွဲရသလိုဖြစ်နေသည့်အတွက် အစိုးရ၏အုပ်ချုပ်ရေး ယန္တယားလည်ပတ်စေမည့် ဘတ်ဂျက်လိုငွေကိုရှာဖွေရန်ခက်ခဲလာပေသည်။
ဒီပြဿနာတွေကိုဖြေရှင်းရန် ဟာဘားမားကဖြစ်နိုင်ခြေနှစ်ခုတင်ပြထားသည်။ ပထမတချက်က အသုံးစရိတ် တွေကိုလျှော့ချ၊ လေဘာမားကက်ကိုဖွင့်ပေးထား၊ သို့သော်လူမှုဖူလုံရေးကိုမလုပ်နှင့်တော့။ ဖျားမယ်နာမယ်ဆို ကိုယ့်စရိတ်နဲ့ကိုယ်ကု၊ ဆေးရုံတက်လို့ကတော့စုထားတာလေးတွေထုတ်သုံးပေတော့။ ဆိုလိုတာကနိုင်ငံသား တွေစီးပွားရေးဘက်ကအသာရထားသမျှ လူမှုရေးနှင့်နိုင်ငံရေးတွင်ပြန်လည်ပေးဆပ်ရပေတော့မည်။ ဒါကနီယိုလစ်ဘရယ်နည်း၊ ဟာဘားမားသိပ်သဘောတွေ့ပုံမပေါ်။ နောက်တနည်းက နိုင်ငံရေးကိုပါ ကမ္ဘာလုံးဇတ်သွင်းဖို့ဖြစ်သည်။ ကမ္ဘာပတ်နေသည့် လက်ရှိဂလိုဘယ်စီးပွားရေးကိုနှင်တံလေးနှင့် မောင်းဖို့ဖြစ်သည်။ ဒီအယူအဆကိုအားလုံးကမျက်ခုံးပင့်ပြီးကြည့်ကြသည်။ ဟုတ်ပါ့မလားမောင်ကာလုရဲ့ဆိုသည့်မျက်နှာပေးတွေနဲ့။ ဟာဘားမားကတော့အောင်မြင်မည်မဆို။ စမ်းကြည့်ရမည်တဲ့။ ခုကိုပဲစတင်နေပါပြီ။ ဥရောပယူနီယံဖြစ်သည်။ ဟာဘားမားကတော့ ဒါကပုံစံပြောင်းတာမဟုတ်။ တိုးချဲ့နေခြင်းလို့ဆိုသည်။ စံနစ်တခုကနေ၊ ပုံစံတခုကနေ တခြားတခုကို ကူးပြောင်းနေတာမဟုတ်။ ပုံစံတူကိုတိုးချဲ့နေခြင်းဟုဆိုသည်။ ဒေသမတူ၊ ဘာသာစကားမတူ၊ ယဉ်ကျေးမှုအခြေခံမတူသည့် အဖွဲ့ဝင်နိုင်ငံများအားလုံး ဥရောပသမဂ္ဂဆိုသည့်ခေါင်းစဉ်တခုတည်း အောက်တွင်မည်သို့စုစည်းကြမည်နည်း။ ဒါလည်းပဲ မေးစရာကောင်းသည့်အချက်တခုဖြစ်သည်။ သို့သော် ယဉ်ကျေးမှုပေါင်းစုံရောပြွန်းလာပြီး လူများရွှေ့ပြောင်းနေထိုင်နိုင်စွမ်းအားမြင့်လာသည့် အတွက်ရေရှည်တွင်လည်းနိုင်ငံဆိုသည့်စည်းတခုတားပြီး အထီးတည်းနေဖို့မလွယ်တော့ပါဟု ဟာဘားမားကထောက်ပြထားသည်။ ယဉ်ကျေးမှုများအပြန်အလှန်လေ့လာခြင်း၊ ခရီးသွားလာမှုများလွယ်ကူအောင်ပြုလုပ်ခြင်း၊ တက္ကသိုလ်များတွင်ကူးပြောင်းပရိုဂရမ်များထဲ့သွင်းခြင်း တို့သည်အဖွဲ့ဝင်နိုင်ငံများအတွင်း ကောင်းမွန်သောနားလည်ယုံကြည်မှုကိုရေရှည်တွင်ပေးပေလိမ့်မည်။ ဥရောပအဖွဲ့ဝင်နိုင်ငံများအနေဖြင့်အစောပိုင်းကာလများတွင် ဒေသသတ်မှတ်ချက်အရနိုင်ငံပုံစံယှဉ်ပြိုင်မှုများရှိ နေပေဦးမည်။ သို့သော်တချိန်တွင်ယူနီယံအဆင့်ထိနားလည်တိုးမြှင့်ခံစားလာနိုင်မည်ဟုဆိုသည်။ ဒီပုံစံကသင်ခန်းစာနှင့်အတွေ့အကြုံများသည် ကော်စမိုပေါ်လီတန်ကမ္ဘာ့နိုင်ငံရေးထဲကိုဝင်ရောက်လာ နိုင်ပေလိမ့်မည်။ နောက်ဆုံးသွားမည့်ပန်းတိုင်မှာ ကမ္ဘာဈေးကွက်စီးပွားရေးနှင့် သူ့ကိုတည့်မတ်မည့် ကမ္ဘာ့နိုင်ငံရေးဖြစ်သည်။
ဒါက ကမ္ဘာသားတွေအတွက်အကောင်းဆုံးနိုင်ငံရေးပုံစံဖြစ်ပြီး အားလုံးကြိုးစားရမည့် ဖြစ်စဉ်တခုလို့လည်းဆိုသည်။ အားလုံးဆက်လက်စမ်းသတ်သွားရမည့်နည်းလမ်းလို့လဲဆိုသည်။ ဘာလို့လဲ၊ အခြားနည်းတွေကပိုဆိုးမည့်အကျိုးဆက်တွေကိုတွေ့နေရလို့ပဲဖြစ်သည်။ အရင်းရှင်စံနစ်ကိုဇက်ကြိုးဖြည်ပြီး လွှတ်ပေးလိုက်လို့မဖြစ်။ စမ်းသတ်ချက်သေချာပေါက်အောင်မြင်မည်မဆိုနိုင်၊ သို့သော် မဖြစ်နိုင်သောကိစ္စလည်းမဟုတ်။ ဒီမိုကရက်တစ်စံနှုန်းများအရ လွတ်လပ်ပြီးညီမျှသည့်နိုင်ငံသားတွေစုပေါင်းပြီး သူတို့လူမှုကမ္ဘာကိုပုံဖော်နိုင်စွမ်းသည် အခွင့်အရေးကိုဘာလို့လက်လွှတ်ခံမည်နည်း။ ဟာဘားမားကတော့ အားလုံးမလွတ်မြောက်မချင်းမည်သူမျှလွတ်မြောက်လိမ့်မည်မဟုတ် ဟုဆိုသည်။

KZကေ

Main References:
HABERMAS (a very short introduction) by James Gordon Finlayson 2005, Oxford
Fifty Major Political Thinkers (Second Edition, 2007) by Ian Adams and R.W. Dyson, Routledge

၁၅။ ဘာလင်တံတိုင်းအပြို နှင့် အမျိုးသားပြန်လည်ပေါင်းစည်းရေးရစ်သမ်

ကိုလူ။ ။ အမျိုးသားရေးဝါဒကဂျာမာန်မှာတော်တော်မွှေနေလို့ ဟာဘားမားကဒါကိုအရေးတကြီး ပြောရတာလား။
ကိုမူ။ ။ ခင်ဗျားလည်းသိပါတယ်။ ဟစ်တလာကအာရိယာန်သွေးဆိုပြီး အမျိုးသားရေးဝါဒကနေ ဖက်စစ်စံနစ်ကိုကူးခဲ့တယ်။ အော့ဇ၀စ် လိုငရဲခန်းတွေထဲမှာ ဂျုး၆သန်းကိုရှင်းခဲ့တယ်၊ ဂျာမာန်တွေဟာ စစ်ကြီးနှစ်ခုစလုံးရှုံးခဲ့တယ်။ အမေရိကန်နဲ့ ဆိုဗီယက်ကဒုတိယကမ္ဘာစစ်အပြီးမှာ ဂျာမနီ ကိုခွဲစိတ်ပြီး သူတို့စိတ်ကြိုက် အစိုးရနဲ့အယူဝါဒတွေသွတ်သွင်းခဲ့တယ်။ နောက်ဆုံးတော့ဘာလင်တံတိုင်းအပြိုမှာ စစ်အေးနိဂုံးဆိုတဲ့ သမိုင်းတကွေ့ကိုရောက်ခဲ့ကြတယ်။
ကိုလူ။ ။ ဂျာမာန်ပေါင်းစည်းရေးအကြောင်းလည်းပြောပါဦးဗျ
ကိုမူ။ ။ နိုဝင်ဘာ၉. ၁၉၈၉ မှာ ဂျာမာန်အရှေ့နဲ့အနောက် နှစ်နိုင်ငံပေါင်းစည်းကြတယ်။ GDR (German Democratic Republic) အရှေ့ဂျာမနီ ပြိုကျသွားတယ်။ ဟာဘားမားဟာအဲဒီအချိန်ကပြန်လည်ပေါင်းစည်းရေးနဲ့ ပါတ်သက်ပြီး ရေရှည်လုပ်ငန်းစဉ်ကိုအကြံပြုခဲ့တယ်။
ကိုလူ။ ။ အဲဒီအချိန်က ချန်ဆယ်လာက ဟဲလမွတ်ခိုး မဟုတ်လားဗျ။
ကိုမူ။ ။ အင်း။ သူနဲ့သူ့လူတွေကဂျာမာန်ပေါင်းစည်းရေးကို ကြားခံဥပဒေနဲ့အဆင့်တွေမခံပဲ တိုက်ရိုက်သွားဖို့လုပ်ခဲ့ကြတယ်။ ကပ်ရက်ရွေးကောက်ပွဲမှာလူထုထောက်ခံမှုကောင်းဖို့ ဆိုတဲ့ရည်ရွယ်ချက် ကြောင့်ဆိုပဲ။
ကိုလူ။ ။ အဲဒါဘာများမှားသွားသလဲ။ ခုလည်း ဂျာမနီဟာတည်တည်ငြိမ်ငြိမ်ပဲမလား။
ကိုမူ။ ။ ဟာဘားမားအမြင်ကတော့ အချိန်သာပိုယူခဲ့ရင်အရှေ့ဂျာမနီသားတွေဟာ အနောက်က ဗျုရိုကရက်တွေခင်းပေးတဲ့အယူအဆ၊ လမ်းကြောင်းအတိုင်းသွားစရာမလိုပဲ သူတို့လည်း ပေါင်းစည်းရေးဖြစ်စဉ်မှာ တစုံတရာထဲ့ဝင်နိုင်မယ်။ လုံလောက်တဲ့ ကိုယ်ကျင့်နဲ့ နိုင်ငံရေးဆိုင်ရာ သဘောညီမှုတွေအားနည်းခဲ့ရတယ်ဆိုပဲ။ ပိုဆိုးတာက အရှေ့ဂျာမနီရဲ့အုပ်ချုပ်ရေးအဆောက်အအုံဟောင်းကို ဖျက်ပြီး သူနဲ့ဆက်စပ်တဲ့ နိုင်ငံရေးအင်စတီကျုးရှင်းတွေအားလုံးကိုပါချုပ်ငြိမ်းစေတာဟာ မှားတယ်ဆိုတယ်။
ကိုလူ။ ။ အရှေ့ရဲ့အာဏာရှင်ပုံစံကိုမကြိုက်လို့ဖျက်ပြီးအနောက်နဲ့ပေါင်းပါတယ်ဆိုမှ ဘာကိုသံယောဇဉ်တွယ်နေရဦးမလဲဗျ၊
ကိုမူ။ ။ သူတို့ဖျက်သိမ်းခဲ့တာတွေထဲမှာ အရပ်ဘက်လူ့အဖွဲ့အစည်းလည်းပါတာကိုး။ ဒါကိုဟာဘားမား ကကြိုက်ပုံမရဘူး။ အုပ်ချုပ်ရေးနဲ့စီးပွားရေးနှစ်ခုထဲပဲကြည့်ပြီးပေါင်းစည်းရေးကိုမလုပ်နိုင်ဘူး။ နိုင်ငံရေးအရကိုပေါင်းနိုင်မှ ပီပြင်တဲ့ပေါင်းစည်းရေးဖြစ်လာမှာ။ အရှေ့ဂျာမာန်တွေကိုဘယ်လိုဖွံ့ဖြိုးတိုးတက် အောင်ပြန်စရမယ်ဆိုတဲ့ကိုယ်တိုင်နားလည်သိမြင်မှု အချိန်တခုတော့ပေးရမယ်။
ကိုလူ။ ။ တချို့ကတော့ခုလိုစာရွက်ပေါ်ကစီမံကိန်းတွေမကြည့်ပဲလက်တွေ့ဖော်ဆောင်လိုက်တာကိုပဲ အမှတ်ပေးကြတယ်နော်။
ကိုမူ။ ။ ဒါပေမဲ့ဟာဘားမားသံသယရှိတဲ့နောက်တချက်က ဂျာမနီဟာ ပန်ဂျာမန်အမျိုးသားရေးအခြေခံစိတ်ဓါတ် (Pan-German Nationalist Sentiment) နဲ့ပေါင်းခဲ့တယ်။ နောက်ပိုင်းအရှေ့ဂျာမန်မှာတခြားကလာအလုပ်လုပ်တဲ့သူတွေကိုဂျာမန်လူမျိုးရေးအစွန်းရောက်တွေက နှောင့်ယှက်ခဲ့တာတွေဟာ ဒီအကျိုးဆက်လို့ သူသုံးသပ်တယ်။
ကိုလူ။ ။ ဘာလဲဗျ ပန်ဂျာမန် ဆိုတာ။
ကိုမူ။ ။ ဂျာမန်စကားပြောသူတွေအားလုံးပေါင်းစည်းရေးပဲ။ ဥရောပအလယ်ပိုင်းအရှေ့ပိုင်းနဲ့ ပြောရရင် ဒတ်ခ်ျတွေနဲ့ ဖလင်းမစ်ခ်ျ တွေကလည်းမူရင်းဂျာမန်စကားရဲ့ဒေသသုံးတွေလို့ဆိုတယ်။
ကိုလူ။ ။ ဖလင်းမစ်ခ်ျကဘယ်လ်ဂျီယံမှာပဲပြောတာမဟုတ်ဘူးလား။
ကိုမူ။ ။ ဟုတ်တယ် ဘယ်လ်ဂျီယံသားတွေအဓိကပြောတာ ပြင်သစ်နဲ့ဖလင်းမစ်ခ်ျ ပေါ့။ ဘရပ်ဆဲမှာရေဒီယိုမှာနှစ်ဘာသာနဲ့အဓိကလွှင့်ပြီး တမြို့ထဲနေပြီး နာမည်ကြီးပြင်သစ်အဆိုတော်နာမည်ကို ဖလင်းမစ်ခ်ျ ပြောတဲ့သူတွေကမသိကြဘူးလို့ ကျနော်တခါကဖတ်လိုက်ရတယ်။ ပန်ဂျာမန်ရဲ့မူလရည်ရွယ်ချက်ကတော့ နပိုလီယံရဲ့အင်အားချဲ့ထွင်မှုကိုတားဖို့ပါပဲ။
ကိုလူ။ ။ အော် ဥရောပသမဂ္ဂရုံးစိုက်တဲ့ မြို့တော်မှာ ဘာသာစကားနှစ်ခုနဲ့ကပ်ညိနေတဲ့ဆရာများက ဥရောပယူနီယံကိုဘယ်လိုများ ထူထောင်ကြမလဲဗျာ။
ကိုမူ။ ။ အဲဒါလေ ခင်ဗျားသိချင်နေတဲ့ ကျနော်တို့နောက်ဆုံးပြောမဲ့ဟာပေါ့။ ဥရောပပေါင်းစည်းရေးနဲ့ ဟာဘားမားရဲ့ပို့စ်နေရှင်နယ်လစ် အယူအဆ။
ကိုလူ။ ။ မြန်မြန်သာပြီးပါမှပဲကိုယ့်ဆရာရေ။ ဒါပြတ်ပါမှပဲကျနော်လည်းရွာပြန်ပြီး သာဂိတို့ထန်းတောမှာ မနက်စောစော နှစ်မြူလောက်သွားဆွဲပြီး မိန်းမချောမှတ်မိလေမလားကွယ် ကန်ပတ်လည်ခရေပွင့် ရွာထိပ်ကကျောင်းတော်သာနဘေး ……. ဆိုပြီးအကျယ်ကြီးဟဲလိုက်ဦးမယ်ဗျာ။

KZကေ

၁၄။ အမျိုးသားရေးဝါဒကိုလက်သပ်မွေးတဲ့ လူ့အဖွဲ့အစည်းကျောမှာဒါဏ်ရာတွေနဲ့

ကိုလူ။ ။ အင်း လူမှုအစီအစဉ် တခုတည်ငြိမ်ဖို့ဆိုတာလည်းဘက်ပေါင်းစုံကကြည့်ရတာကလား။ ခင်ဗျားနောက်ဆုံးပြောမယ်ဆိုတဲ့ Post-national Citizenship ဆိုတာလေးဆက်ပါဦး။
ကိုမူ။ ။ ဆက်တာပေါ့လေ။ ဒါပေမဲ့ အမျိုးသားရေးဝါဒ (Nationalism) ကိုအရင်စကြည့်ရအောင်။ မော်ဒန်ခေတ်ဦးလူ့အဖွဲ့အစည်းပုံစံဟာ ဒေသ၊ ဓလေ့ထုံးတမ်း၊ ဘာသာရေးယုံကြည်မှုနဲ့ မြေရှင်စံနစ်ရဲ့အရိပ်အောက်မှာရှိခဲ့တယ်။ ဒါပေမဲ့ ၁၈ရာစုအကုန်ပိုင်းလောက် ကစပြီး ဥရောပနိုင်ငံတွေဟာ အဲဒီအချိန်မှာရှိတဲ့လူမှုပြဿနာပေါင်းစုံကိုဖြေရှင်း ရင်းပုံစံကွဲလာခဲ့တယ်။ မြို့ပြယဉ်ကျေးမှုစတယ်၊ လူတွေကုန်တွေ လှုပ်ရှားစီးဆင်းလာတယ်၊ ဘာသာရေးအစွဲအလမ်းနဲလာတယ်။
ကိုလူ။ ။ ဒီရွာလေးမှာ ဆွေစဉ်မျိုးဆက် ဓါးမဦးချ နေထိုင်လုပ်ကိုင်စားသောက်သူတွေ၊ ကိုယ့်ဘေးအိမ်မှာမရှိတော့ဘူး၊ လူစိမ်းတွေရောက်လာတယ်။ ဘာသာစကားအရ ယဉ်ကျေးမှုအရ အစဉ်အလာထုံးဖွဲ့မှုတူညီပြီးဖွဲ့စည်းထားတဲ့ ကွန်မြူနတီတွေဟာ မျှခြေယိုင်လာတယ်ပေါ့။
ကိုမူ။ ။ ဒီတော့ဗျာ လူမှုပေါင်းစည်းရေးကအရင်ထက်ပိုအရေးပါလာတယ်။ နိုင်ငံသားတွေကြားမှာရှိတဲ့ ဆက်ထုံးတွေကိုခိုင်မြဲအောင်လုပ်ဖို့လိုလာတယ်။ နိုင်ငံနဲ့နိုင်ငံသားသိစိတ် (National Consciousness) နှစ်ခုကိုတပြိုင်နက်ထဲထူထောင်ဖို့ စုပေါင်းယဉ်ကျေးမှုနဲ့နိုင်ငံရေး ကိုယ်ပိုင်အမှတ်သညာ (Collective cultural and political Identity) ကိုခံစားတတ်ဖို့လိုလာတယ်။
ကိုလူ။ ။ အဲဒီခံစားမှုဟာအစွန်းရောက်လွန်ကဲလာရင် အမျိုးသားရေးဝါဒ ထောင်ချောက်ထဲဝင်သွားရော လို့ခင်ဗျားပြောချင်တာလား။
ကိုမူ။ ။ ဟုတ်တယ်၊ အမျိုးသားရေးလက္ခဏာဆိုတာက ဆင်ခြင်မှုအခြေခံနဲ့သွားတာမဟုတ်ဘူး။ ခံစားမှုနဲ့သွားတာကိုး။ ခေတ်မှီလာတဲ့ ရောထွေးစုပေါင်းလာတဲ့လူ့အဖွဲ့အစည်းတွေမှာ ယူနီဘာဆယ်စံ အရ ညီမျှပြီး စည်းကမ်းဥပဒေတကျဖြစ်သင့်တယ်ဆိုတဲ့ အစုအဖွဲ့တွေရှိတယ်။ တဘက်မှာ နယ်ချဲ့ဆန့်ကျင်ရေးလို၊ လွတ်လပ်ရေးလို၊ စစ်ပွဲနဲ့သမိုင်းတွေကို အတူဖြတ်သန်းရင်းရလာခဲ့တဲ့ သမိုင်းကြောင်းအရ ဂုဏ်ရောင် ထွန်းပြောင်မှုပေါ် အခြေခံထားတဲ့ စုစည်းမှုရှိတယ်။ ဒီနှစ်ခု မျက်နှာချင်းဆိုင်မိရင်း အကဲဆတ်လာကြတယ်။
ကိုလူ။ ။ အဲဒီတော့
ကိုမူ။ ။ အမျိုးသားနိုင်ငံတွေမှာဒီခြိမ်းခြောက်မှုကြီးလာတော့ အမျိုးသားရေးဝါဒကို လှမ်းဆွဲတော့တာပေါ့။
ကိုလူ။ ။ တည်ငြိမ်မှုကိုဗန်းပြပြီး အမျိုးသားရေးကိုရှေ့တန်းတင်လာတာလည်းမရှိနိုင်ဘူးလား။
ကိုမူ။ ။ ရှိနိုင်တာပါပဲ။ ရှိနေတာပါပဲ။ သို့သော်ကျနော်ပြောချင်တဲ့အပိုင်းက ဖွံ့ဖြိုးပြီးဖြစ်စေ၊ဖွံ့ဖြိုးဆဲဖြစ်စေ၊ မဖွံ့ဖြိုးသေးတာပဲဖြစ်စေ၊ ဒါဏ်ရာတမျိုးမျိုးရထားတဲ့ လူ့အဖွဲ့အစည်းမှာသာ အမျိုးသားရေးဝါဒကို အတွေ့ရများတယ် ဆိုတာပါ။ ဘေးဖယ်ထုတ်ခံထားရတဲ့လူနည်းစုတွေဟာ သူတုိ့အသိမှတ်ပြုခံရဖို့၊ ပြန်လည်ရုန်းကန်ကြမှာအမှန်ပဲ။
ကိုလူ။ ။ ဖိတော့ရုန်း၊ ရုန်းတော့ဖိ၊ ဂျာအေးကိုသူ့ကြီးဒေါ်ကြီးကပါဝင်ရိုက်တယ်ဆိုပါတော့။
ကိုမူ။ ။ အမျိုးသားရေးဝါဒကရှို့ဖို့လွယ်တယ်။ ငြိမ်းဖို့ကျတော့အများကြီးခက်ပါတယ်။ မထိမ်းနိုင်ရင်လူမျိုးရေးသန့်စင်မှုနဲ့ လူမျိုးစုလိုက်မျိုးဖြုတ်သုတ်သင်မှုတွေထိပါရောက်ခဲ့တာတွေမျက်မြင်ပဲမလား။
ကိုလူ။ ။ ဒီထောင်ချက်ကထွက်နိုင်တဲ့နည်းများ ခင်ဗျားဘုတ်အုပ်တွေထဲမတွေ့မိဘူးလား။
ကိုမူ။ ။ ဟာဘားမားပြောတာကတော့ ဖွဲ့စည်းအုပ်ချုပ်ပုံနည်းလမ်းတကျဖြစ်တဲ့မျိုးချစ်ဝါဒ (Constitutional Patriotism) တဲ့။ အမျိုးသားရေးဝါဒဆိုတာက Post-conventional Morality ကနေThe Conventional Morality ကိုပြန်သွားတာကိုး၊ သမိုင်းဆိုင်ရာဖွံ့ဖြိုးတိုးတက်မှုကိုနောက်ပြန်လှည့်တာကိုး၊ ဥပဒေနဲ့ထိန်းကျောင်းရမယ်။ ဒီမိုကရေစီလုပ်ထုံးလုပ်နည်းတွေနဲ့ပဲတည့်မတ်ရမယ်။ အဲသည်မှာအရေးကြီးတာက အခြေအနေအရပ်ရပ်နဲ့ပြေလည်နိုင်စွမ်းရှိတဲ့နိုင်ငံရေးယဉ်ကျေးမှု ရှိနေဖို့လိုတယ်။

KZကေ

၁၃။ လူတဦးချင်းစီ၏လွတ်လပ်မှုကိုလူ့အဖွဲ့အစည်းတွင်းလေ့ကျင့်ခြင်း

Moral Discourse အရဆက်စပ်ပတ်သက်နေသူအားလုံးလက်ခံနိုင်သည့်စံနှုန်းများလိုလာသည်။ Moral Discourse ကိုသုံးစွဲပြီးအရောက်သွားရမည့် Post-conventional Morality ၏အဆင့်ခြောက်တွင် ထိုစံနှုန်းများဖြင့် တရားမျှတမှု၊ညီမျှမှုတို့ဖြင့်လူသား၏ ဂုဏ်သိက္ခာကိုလေးစားသိမှတ်မှုပြုရမည်ဖြစ်သည်။ တဘက်တွင်မော်ဒန်လူ့အဖွဲ့အစည်းသည် ရှုပ်ထွေး၊ ကွဲပြား၊ယဉ်ကျေးမှုပေါင်းစုံရောနှောလာပြီး ဓလေ့ထုံးတမ်းစဉ်လာ စံတခုတည်း ခေါင်မှ ထိန်းချုပ်ထားမှုမျိုးမရှိတော့။ ဒီအချက်တွေက မော်ဒန်လူသား၏ ကိုယ်ပိုင်အတွေ့အကြုံနှင့်လောကအမြင် (Subjectivity) ကိုအခြားသူများနှင့်ညှိနှိုင်းရင်းဆုံးရှုံး ခံလိုက်ရမည်ဟုမဆိုလို၊ ကျယ်ပြန့်လာသည့်ကိုယ်ပိုင်အမြင် (larger self) တခုဖွံ့ဖြိုးလာစေရန်သာဖြစ်သည်။ တွေးခေါ် မျှော်မြင်မှုပြည့်ဝသည့် စုပေါင်းအမြင်တခု (an idealized we-perspective) ထူထောင်နိုင်ရန်ဖြစ်သည်။ ဟာဘားမား၏ ဆိုခဲ့ပါ အယူအဆသည် ဖီလော်ဆော်ဖီရှုထောင့်မှသည် နိုင်ငံရေးအမြင်တခုကိုရွေ့ပြောင်းလာခဲ့သည်။ တကယ်တမ်းဆိုလျှင် နိုင်ငံရေးနှင့်ဥပဒေကို ကိုယ်ကျင့်ရှုထောင့်မှ ခွာပြောရန်မဖြစ်နိုင်ပေ။
ဟာဘားမားကနိုင်ငံရေးကိုအ၀န်းအ၀ိုင်းနှစ်ခုခွဲပြောသည်။ စည်းတွင်းအ၀န်းအ၀ိုင်း (Formal Sphere) နှင့် စည်းပြင်အ၀န်းအ၀ိုင်း (Informal Sphere) ဖြစ်သည်။ စည်းပြင်ဝန်းဝိုင်းတွင် အရပ်ဘက်လူ့အဖွဲ့အစည်း (Civil Society) ရှိသည်။ အစိုးအရမဟုတ်သည့်အဖွဲ့အစည်းများ၊ နိုင်ငံရေးအဖွဲ့အစည်းများ နှင့် မီဒီယာတို့သည် အရပ်ဘက်လူ့အဖွဲ့အစည်းထဲတွင်ပါသည်။ ဒီအဖွဲ့အစည်းတွေကအဆုံးအဖြတ်ပေးနိုင်သူတို့မဟုတ်။ သူတို့က နိုင်ငံ၏ ယေဘူယျပြဿနာများ၊ သီးခြားဖြစ်ရပ်များနှင့်ပါတ်သက်သည်တို့တွင်ဆွေးနွေး၊ နားလည်မှုယူ၊ အလျှော့အတင်းပြု၊ အယူအဆများစုစည်းတင်ပြကြသည်။ တဘက်တွင် ပါလီမန်၊ ၀န်ကြီးအဖွဲ့၊ ရွေးကောက်တင်မြှောက်ခံထားရသောအဖွဲ့များ နှင့် နိုင်ငံရေးပါတီများသည် စည်းတွင်းဝန်းဝိုင်း ထဲတွင်ရှိပြီး ပေါ်လစီချမှတ်သူများ၊ ဆုံးဖြတ်နိုင်သူများ၊ ဥပဒေပြုသူများ ဖြစ်သည်။ ဟာဘားမားအယူအဆအရ နိုင်ငံရေးစံနစ်တခုတွင်ဆုံးဖြတ်ချက်ချနိုင်သော အဖွဲ့အစည်းများသည် အရပ်ဘက်လူ့အဖွဲ့အစည်း၏ တွေးခေါ်ယူဆချက်၊ဝေဖန်ပိုင်းဖြတ်ချက်များ စီးဝင်နိုင်စွမ်းရှိရမည်။ ဆုံးဖြတ်ချက်ချနိုင်သော အစိုးရအဖွဲ့အစည်းများသည် အသွင်း (Input) တွင်အရပ်ဘက် လူ့အဖွဲ့အစည်း၏ လူထုအယူအဆ၊ အတွေးအခေါ်များရှိပြီး အထွက် (Output) တွင် လူထုပေါ်လစီနှင့် ဥပဒေတို့ရှိရမည်။ ဒါကခေတ်မှီမော်ဒန်လူ့အဖွဲ့အစည်းတခုအတွက် အပြိုင်သွားနေရမည့်နိုင်ငံရေးစည်းတွင်းစည်းပြင်အ၀န်းအ၀ိုင်း နှစ်ခုဖြစ်သည်။
ထုိ့အပြင် အခြေခံအတွေးအခေါ်ပိုင်းတွင်လည်း ဟာဘားမားသည် အစဉ်အလာ နိုင်ငံရေးအယူအဆ နှစ်ခုကိုမျှပြီးပုံဖော်ဖို့တင်ပြထားပြန်သည်။ ထိုနှစ်ခုမှာ Liberal Democracy နှင့် Civic Republican ဖြစ်သည်။
လစ်ဘရယ်ဒီမိုကရေစီမှာ လူ့အခွင့်အရေးနှင့်တဦးချင်းလွတ်လပ်ခွင့် (Individual Self-determination) ပေါ်အခြေခံသည်။ လူတဦးချင်းစီ၏စိတ်ခံစားမှုအပေါ်မူတည်ပြီး လွတ်လပ်မှုကို အခွင့်အရေးအဖြစ် မြင်နိုင်သည့်အချက်ဖြစ်သည်။ Freedom ကို Opportunity အဖြစ်ဆွဲယူသုံးစွဲနိုင်ခြင်းဖြစ်သည်။ ရီပတ်ပလီကန်မှာ အချုပ်အချာခိုင်မာမှု၊ လူထုနှင့်နိုင်ငံရေးချုပ်ကိုင်မှု (Self-realization of the political community) ပေါ် အခြေခံသည်။ လူထု၏စုပေါင်းနိုင်ငံရေးချုပ်ကိုင်မှုဆိုသဖြင့် လူတဦးချင်းစီ၏လွတ်လပ်ခွင့် ကိုကန့်သတ်သည်။ လွတ်လပ်မှုကိုအလေ့အကျင့်အဖြစ်မြင်သည်။ Freedom ကို Exercise ဟုအနက်ဖွင့်သည်။
ဟာဘားမားကလူတဦးချင်းစီ၏လွတ်လပ်ခွင့်ကိုမထိပါးသည့်လူထုနိုင်ငံရေးအာဏာဖွင့်ဆိုလိုသူဖြစ်သည်။ ဒီမျှခြေကိုရှာလိုသဖြင့် ပါလီမန်၊ လွှတ်တော်စသည့် နိုင်ငံရေးအဖွဲ့အစည်း၏ဆုံးဖြတ်ခွင့်အတွင်း အရပ်ဘက်လူ့အဖွဲ့အစည်း၏ အယူအဆနှင့်အမြင်တို့ကိုထဲ့သွင်းစဉ်းစားစေလိုခြင်းဖြစ်သည်။
သို့သော် သြော်သို့သော်ဖြစ်သည်။ လူတဦးချင်းစီ၏လွတ်လပ်ခွင့်ဆိုသည်မှာအမြဲလိုလိုလူ့အဖွဲ့အစည်း၏ တည်ငြိမ်မှုနှင့် တွန်းထိုးလွန်ဆွဲရမှုများရှိသည်။ ဒီနှစ်ခုကြားတင်းမာများရှိသည်။ ဒါကိုဟာဘားမားကမငြင်း။ အဖြေက ဥပဒေကိုကြားခံထားပြီးဖြေရှင်းဖို့ဖြစ်သည်။ ဥပဒေတရပ်သည်လိုက်နာရန်ကောင်းမွန်သည့်အချက်(Appreciable) ထင်ရှားရှိရမည်။ အသိအမှတ် ပြုခံရသည့်အဖွဲ့အစည်းတခုကချမှတ်ရမည် (Positive Effect)။ ဥပဒေကိုလိုက်နာဖို့ တင်းမာသည့်တွန်းအား (Coercible) ရှိရမည်။ ထိုအချက်များထင်ရှားမရှိပါက ဥပဒေအရပြဋ္ဌန်းထားသည့်လူ့အခွင့်အရေးသည် အရပ်ဘက်လူ့အဖွဲ့အစည်းကို ဈေးကွက်နှင့် အုပ်ချုပ်ရေးယန္တာရား၏ ခြစားမှုဒါဏ်မှ ကာကွယ်ပေးနိုင်ရန်ခဲယဉ်းမည်။ တနည်းဆိုလျှင်အားနည်းသည့်အရပ်ဘက်လူ့အဖွဲ့အစည်းများမှ နိုင်ငံရေးအဖွဲ့အစည်းများကိုမှန်ကန်စွာဆုံးဖြတ်ချက်ပေးရန်ပံ့ပိုးနိုင်စွမ်းရှိမည်မဟုတ်။ အကျိုးဆက်မှာအစိုးရ အဖွဲ့အစည်းအတွင်း အာဏာပါဝါကိုတည်ဆောက်နိုင်သည့် အုပ်စုတခုကသာနိုင်ငံ၏ကံကြမ္မာကိုချယ်လှယ်ခွင့် ရပေလိမ့်မည်။

KZကေ

၁၂။ Moral Discourse (သို့) သင်ယူမှုဖြစ်စဉ်ကိုဖြတ်သန်းခြင်း

ကိုမူ။ ။ အေးဗျာ ဒီနေရာမတော့ကျနော်တို့ပို့စ်မော်ဒန်သမားတွေကိုနဲနဲပြောဖို့လိုလာတယ်။ ဥပမာ ဖူးကို (Michel Foucoult 1926 – 1984) ရဲ့အလိုအရတော့ Conflict ကတော့ရှိမှာပဲတဲ့။ ဒါကိုရှင်းထုတ်လိုက်ချင်လို့မရ ဘူးတဲ့။ ဟာဘားမားလိုချင်တဲ့အားလုံးသဘောညီလက်ခံနှိုင်မှု (Consensus) ဆိုတာက တခုခုကိုချိုးနှိမ်ပစ် လိုက်မှရတာမျိုးလို့ဆိုတာကိုး။ လူနဲစုရဲ့သဘောထားကိုဖိနှိပ်ပစ်လိုက်ရတာ မျိုးတွေပေါ်လာနိုင်တယ်ပေါ့။
ကိုလူ။ ။ ခင်ဗျားဆိုချင်တာက အမျိုးသမီးလှုပ်ရှားမှုတွေ၊ လူနည်းစုရပိုင်ခွင့်တွေ ဒါတွေကို Consensus နဲ့မသွားနိုင်ဘူးပေါ့။
ကိုမူ။ ။ ကျနော်တို့ဂျိမ်းဆင်နဲ့ပို့စ်မော်ဒန်အကြောင်းပြောတုန်းက အလုံးစုံအမှန်တရား (Totality/ Universality) ကိုပို့စ်မော်ဒန်သမားတွေကပယ်တယ်ဆိုတာ ပြန်သတိရစေချင်တယ်။ ဒီတော့ ဟာဘားမားနဲ့ ပို့စ်မော်ဒန်နဲ့လာညိနေတဲ့အထဲဒီတခုလည်းပါတယ်ပေါ့။ ဟာဘားမားက အဆင့်ငါးကနေခြောက်ကို ကူးပြောင်းတာကို သင်ယူမှုဖြစ်စဉ် (Learning Process) လို့ဆိုတယ်။ သူကကြိုတော့ပြောထားတာပဲမလား။ မော်ဒန်ဟာမပြီးသေးဘူးဆိုတာ။ ဒီအဆင့်ကို သင်ယူရင်းဖြတ်သန်းရဦးမယ် ဆိုတဲ့သဘောပေါ့။
ကိုလူ။ ။ ဟုတ်ပြီ၊ ဒါဆို Ethic နဲ့ Moral ခွဲတာလေးဘက်လှည့်ပါဦး။
ကိုမူ။ ။ Ethic က အကောင်းနဲ့အဆိုးခွဲတယ်။ တန်ဖိုး (Value) ကိုအခြေခံတယ်။ ငါ့အတွက် ငါတို့အတွက် ဘာကကောင်းသလဲတွေးတယ်။ Moral ကျတော့ အမှန်နဲ့အမှားခွဲတယ်။ နှုန်းစံ (Norm) ကိုအခြေခံတယ်။ ဘယ်ဟာအမှန်လဲ၊ ငါဘာလုပ်သင့်သလဲ၊ ဘာကြောင့်လဲ ဆိုတာတွေမေးတယ်၊ တွေးတယ်။
ကိုလူ။ ။ အကောင်းအဆိုးနဲ့ အမှားအမှန်ကွာတာတော့ဟုတ်ပါပြီ။ တန်ဖိုးနဲ့ နှုန်းစံကိုဘယ်လိုခွဲတာလည်း။ တန်ဖိုးကိုအခြေမခံတဲ့ စံနှုန်းစံထားဆိုတာမျိုးကောရှိလို့လား။
ကိုမူ။ ။ ဟာဘားမားအဆိုအရတော့ Value ဆိုတာ ယဉ်ကျေးမှုနဲ့ဆက်စပ်တယ်။ Culture ကလာတာ၊ တဦးချင်း၊ အုပ်စုတစုနဲ့ပိုသက်ဆိုင်တယ်။ ဖြည်းဖြည်းချင်းဖွံ့ဖြိုးလာတာ။ ဒါပေမဲ့ Normကတော့ စံတခုအနေနဲ့ရှိတယ်။ သတ်မှတ်လိုက်တာ။ ဥပမာဗျာ ကျနော်တို့ယဉ်ကျေးမှုမှာ ကြီးသူကိုငယ်သူကရိုသေတာ၊ ဒါက Value၊ လူကြီးသူမကဆုံးမရင်လိုက်နာရတာမျိုး။ သက်ကြီးစကားသက်ငယ်ကြားတို့ဘာတို့ဟာ ဒီတန်ဖိုးကိုပံ့ပိုး ထားတာမျိုးပေါ့။ စံနှုန်းနဲ့ချဉ်းကပ်တဲ့အခါမျိုးကြတော့ ငယ်တဲ့သူက ဟာဒီလူကြီးဒီအယူအဆကို ဘာစံကိုယူပြီးပြောတာလဲ၊ သူပြောတာကိုလက်ခံဖို့ခြေခြေမြစ်မြစ်ဘာရှိသလဲ။ ဒါတွေဝင်လာတယ်။
ဒါ့အပြင် Norm (စံနှုန်း) တခုသတ်မှတ်ဖို့ဆိုတာ ဆက်စပ်ပတ်သက်သူအားလုံး လက်ခံလိုက်နာ နိုင်တာမျိုးဖြစ်ရမယ်။ ဥပမာ၊ လူတယောက်တယောက်ကို ကတိက၀တ်ပေးပြီးမဖောက်ဖျက်ရဘူး ဆိုတာ ကိုယ်ကျင့်အရ၊ တန်ဖိုးအရကောင်းပေမဲ့အားလုံးကျင့်သုံးဖို့မလွယ်ကူဘူး။ ခင်ဗျားဟာကတိပေးပြီးလို့ကတော့ ဘယ်တော့မှမဖျက်ဘူးဆိုတာက သိပ်ကောင်းတဲ့တန်ဖိုးတခုပေါ့။ ဒါပေမဲ့ စံနှုန်းတခုအနေနဲ့ တခြားသူအားလုံး လိုက်နာကျင်သုံးရမယ်လို့တော့သတ်မှတ်လို့မဖြစ်ချေဘူး။ သို့သော် သူတပါးအသက်မသတ်ရဖူး ဆိုတာကျတော့ နှုန်းစံအနေနဲ့ကိုလက်ခံပြီးကျင့်သုံးသင့်တာမျိုးဖြစ်တယ်။
ကိုလူ။ ။ ဒီတော့ Ethic ကအချက်အလက်တခု ရဲ့ခိုင်မာမှုဟာ ဆက်စပ်ပတ်သက်မှု၊ အခြေအနေတခုပေါ်မှီခိုမှု တွေနဲ့ဆိုင်ပြီး Moral ကျတော့ ဘယ်ပေါ်မှုမမှီခိုတော့ဘူး၊ သူချည်းပဲမှန်ကန်ပြည့်စုံမှုရှိနေတယ်။ Conditional နဲ့ Unconditional ကွာသွားတယ်။ Relative နဲ့ Absolute ကွာလာတယ် ပေါ့။
ကိုမူ။ ။ အတိအကျပဲ။ သီအိုရီအရတော့ Ethic က ကိုယ့်လုပ်ဆောင်ချက်ကနေထွက်လာတဲ့အကျိုးဆက်တွေ ကိုမူတည်ပြီးကောင်းဆိုး (မှားမှန်) ခွဲတဲ့ Theological ဖြစ်ပြီး Moral ကတော့ ခင်ဗျားဘယ်လိုတာဝန်တွေ ကိုယူတယ်ဘာတွေ လုပ်တယ်ဆိုတဲ့အချက်ကိုမူတည်ပြီး မှားမှန်ခွဲတယ်။ Deontological လို့ဆိုတယ်။ နည်းလမ်းကိုကြည့်တာနဲ့ ရလဒ်ကိုကြည့်တာ နှစ်ခုကွဲသွားတယ်။
ကိုလူ။ ။ ခင်ဗျားအလုံးကြီးတွေနဲနဲလျှော့ပါလေ။ ခုလောက်ဆိုရင် ဟာဘားမားဟာ Ethical Discourse ထက်စာရင် Moral Discourse ကိုပိုဦးစားပေးတယ်ဆိုတာကျနော်ရိပ်မိသွားပါပြီ။
ကိုမူ။ ။ ဟုတ်တယ်၊ လူ့အဖွဲ့အစည်းတခုမှာ ဆက်စပ်ပတ်သက်နေတဲ့သူ (agent) အားလုံးလက်ခံ လိုက်နာနိုင်တဲ့ စံနှုန်းတွေရှိရမယ်။ သတ်မှတ်ရမယ်။ ဒါတွေနဲ့ conflict တွေကိုရှင်းရမယ်။ ဒီလိုမရှင်းနိုင်သေးတာဟာ အဲဒီလူ့အဖွဲ့အစည်းဟာ Post-conventional Morality ရဲ့အဆင့်ခြောက် ကိုမရောက်သေးလို့ပဲ။ ရှေ့အပတ်ကပြောတာနဲ့ပြန်ဆက်စပ်ရရင် ကိုယ်ကျင့်ဖွံ့ဖြိုးမှုရဲ့ အဆင့်ငါးကနေ ခြောက်ကို ကူးပြောင်းဖို့လုပ်နေတဲ့ သင်ယူမှုဖြစ်စဉ်ကို Moral Discourse နဲ့ဖြတ်ကျော်ရမယ်ဆိုတာ ဟာဘားမား အယူအဆပဲ။
Moral Discourse တို့ Ethical Discourse တို့ဆိုတာ တွေကိုဟာဘားမားရှေ့ကဆရာသမားတွေ ပြောခဲ့ဘူးတာမရှိဘူး။ သူကစတာပဲ။ ကျနော်တို့ ခုပြောတာလည်း သဘောလေး ငုံမိတယ်ဆိုရုံသာပါ။ ခင်ဗျားစိတ်ဝင်စားရင် ကန့် ကစပြီး လေ့လာစေချင်တယ်။

KZကေ

၁၁။ Post-conventional Morality: ကိုယ်ကျင့်ဖွံ့ဖြိုးမှု၏ နောက်ဆုံးအဆင့်ကိုမျှော်ကြည့်ခြင်း

ကိုလူ။ ။ ရှေ့ဆက်မသွားခင်ပြီးခဲ့သမျှလေးပြန်ပြောကြည့်ရအောင်လား။
ကိုမူ။ ။ ကျနော်တို့ပြောချင်တာလေးနဲနဲတော့ပုံပေါ်လာပုံပဲ။ ရောမအင်ပါယာပြိုကွဲအပြီး အလယ်ခေတ်မှာ ဘာသာရေးစစ်ပွဲတွေ၊ ကျောင်းတော်ကလွှမ်းမိုးမှုတွေများတော့ အနောက်တိုင်းလူ့အဖွဲ့အစည်းဟာ တချို့သမိုင်းဆရာများအလိုအရဆို အမှောင်ခေတ်ထဲဖြတ်သန်းခဲ့ရတယ်။
ကိုလူ။ ။ ပြီးတော့ ရီနေးဆန်း အလင်းရောင်၊ ပြီးတော့ Enlightenment (ညာဏ်အလင်းပွင့်ခေတ်) ကစတည် လိုက်တဲ့ မော်ဒန်ခေတ်။ ခုပို့စ်မော်ဒန်ကတော့ကော။
ကိုမူ။ ။ ဘာသာရေးယုံကြည်မှုအစွန်းရောက်ခဲ့တဲ့ အလယ်ခေတ်ကိုပြင်ဖို့ Enlightenment တွေးခေါ်ရှင်တွေက ဆင်ခြင်မှုကိုရှေ့တန်းတင်ခဲ့ကြတယ်။ ဆင်ခြင်တုံတရားနဲ့ပြည့်စုံတဲ့ လူ့အဖွဲ့အစည်း ဘာသာရေးအစွဲအလန်းကင်းတဲ့လူ့အဖွဲ့အစည်းမျိုးပေါ့။ ဒီမှာမော်ဒန်လူ့အဖွဲ့အစည်းဖြစ်လာတယ်။
သိပ္ပံနည်းပညာ တွေအရမ်းထွန်းကားလာတယ်။ ပို့စ်မော်ဒန်ဆိုတဲ့အသုံးတွင်ကျယ်စပြုလာတာကို ၁၉၆၀ ပြည့်နှစ်တွေမှာစတွေ့တယ်။ လူသားရဲ့ ဆင်ခြင်နည်းလမ်းတကျအတွေးအခေါ်နဲ့နည်းနာတွေထက်ကျော်လွန်ပြီး လူ့အဖွဲ့အစည်းဟာပိုရှုပ်ထွေး လာတယ်၊ ဒါကြောင့် အခြားအယူအဆသစ်တွေကိုရှာဖွေရမယ်။ ခေတ်ကိုအခြားအမြင်တွေနဲ့မြင်တတ်ဖို့လိုလာပြီဆိုပြီး ပို့စ်မော်ဒန် ဆရာများက ဆိုလာတယ်။ ဒါပေမဲ့ ဟာဘာမားဟာ မော်ဒန်မပြီးသေးဆိုတာ ဆင်ခြင်တုံတရားကိုလက်လွှတ်လို့မရဘူးဆိုတာ အချက်သုံးချက်ကိုရှင်းရင်းရပ်တည်ခဲ့တယ်။
ကိုလူ။ ။ တစ်၊ သူ့ဘာသာစကားအမြင်မှာအခြေခံတဲ့ အဓိပ္ပါယ်ကိုနားလည်ခြင်း၊ ဆက်တော့ Validity Claim သုံးမျိုး။ နှစ်၊ ဒါကိုတခါသူက စံနစ် (System) က ဘ၀ကမ္ဘာ (Lifeworld) ကိုလွမ်းမိုးရင်းပေါ်လာတဲ့ ရှုပ်ထွေးမှု တွေကြောင့် လူတွေဟာအဖြစ်အပျက်တွေကိုမှန်မှန်ကန်ကန်နားမလည်နိုင်တော့ဘူး။ တနည်းဆိုရရင် ငွေ နဲ့ အာဏာကို အခြေခံထားတဲ့ Instrumental Actions တွေကြောင့်လူဘ၀ဟာ လူမှုမတည်ငြိမ်မှုတွေနဲ့ ရင်ဆိုင်နေရတယ်။ ဆင်ခြင်မှုအခြေခံလူ့အဖွဲ့အစည်းဟာမဖြစ်နိုင်တာမဟုတ်ဘူး။ မော်ဒန်ခေတ် ရဲ့ကောင်းမွန်တဲ့ နှုန်းစံတန်ဖိုးတွေကို Communicative Actions သုံးပြီးပြန်လည်တည်ဆောက်ရမယ်လို့ဆိုတယ်။
ဒီလိုကျနော်နားလည်တာမှန်လား။
ကိုမူ။ ။ ဟုတ်ပါတယ်။ ကျနော်တို့ ဟာဘားမားရဲ့ကိုယ်ကျင့်ပိုင်းအယူအဆကိုဆက်ကြမယ်။ သူက ကလေးဘ၀ကစလို့ လူတွေရဲ့ ကိုယ်ကျင့်ဖွံ့ဖြိုးမှုသီအိုရီကို Lawrence Kohlberg (1927 – 1987) ဆိုတဲ့ Developmental Psychologist တယောက်ဆီကယူတယ်။ ဒီမှာ အပိုင်းသုံးပိုင်းရှိပြန်တယ်။ Pre-conventional, The conventional နဲ့ Post-conventional လို့ဆိုတယ်။ တပိုင်းကိုတခါ ၂ဆင့်ပြန်ခွဲလိုက်တော့ စုစုပေါင်း ခြောက်ဆင့်ရှိသွားတယ်။ ပထမပိုင်း Pre-conventional Moral ရဲ့ အဆင့်တစ် မှာ ပြစ်ဒါဏ်၊ ရိုသေမှု နဲ့ တခြားသူကို မထိခိုက်စေတာကစတယ်။နှစ် ကျတော့ကိုယ့်ရဲ့ကိုယ်ပိုင်အကျိုးစီးပွားကို ဖြည့်စီးပေးနိုင် မဲ့နည်းလမ်းတခု အဖြစ်မြင်တာ၊ တခြားသူတွေ ကိုလည်း ဒီလမ်းပဲလိုက်စေချင်တာ။
ကိုလူ။ ။ ဆက်ပါဦး
ကိုမူ။ ။ ဒုတိယပိုင်း Conventional Morality ကျတော့ အဆင့် ၃ နဲ့ ၄ ဖြစ်လာပြီ။ သုံးမှာ လူကောင်းဖြစ်စေဖို့၊ လိမ္မာယဉ်ကျေးတဲ့ အမျိုးကောင်းသား၊ အမျိုးသမီးကောင်းလေးတွေဖြစ်လာဖို့၊ စည်းကမ်းတွေလိုက်နာတာ၊ မျှော်လင့်ထားသလိုဖြစ်စေတာ၊ တခြားသူတွေတွက်စိုးရိမ်ပူပန်တတ်လာတာ။ တခါ အဆင့်လေးမှာ တာဝန်ယူတာ၊ ကိုယ့်ဝန်းကျင်နဲ့ လူ့အဖွဲ့အစည်းရဲ့ လူမှုကျင့်ဝတ်နဲ့ဖြစ်စဉ် တွေကိုထိမ်းသိမ်းတာ တွေပါလာတယ်။
ကိုလူ။ ။ အပိုင်းတစ်ရဲ့အဆင့်၂ဆင့်မှာ Morality ဆိုတာကိုသင်ယူနေတုန်းပဲရှိသေးတယ်။ အပိုင်းနှစ်ရဲ့ အဆင့်သုံးနဲ့လေးရောက်တော့မှကျင့်သုံးဖို့သဘောဝင်လာတယ်လို့ကျနော်တော့မြင်တယ်။ Post-conventional ကိုပြောပါဦး။
ကိုမူ။ ။ အဆင့်ငါးရောက်တော့ Morality ဆိုတာလူ့အဖွဲ့အစည်းရဲ့ အခြေခံမှန်ကန်မှု၊ တန်ဖိုး၊ ဥပဒေနဲ့လျှော်ညီတဲ့ စည်းမျဉ်းတွေလို့သိမြင်ရမယ်လို့ဆိုလာတယ်။ လူများစုကြီးရဲ့သဘောထားနဲ့ မကိုက်ညီဘူးဆိုရင်တောင်မှ လူနည်းစုရဲ့တန်ဖိုးထားပုံနဲ့စံတွေကို ကာကွယ်ရမယ်ဆိုတယ်။ နောက်ဆုံးအဆင့်ခြောက်မှာ Morality ကို အားလုံးဆက်စပ်လက်ခံနိုင်တဲ့ယူနီဘာဆယ် အခြေခံနှုန်းစံတန်ဖိုး အဖြစ်နားလည်လက်ခံထားဖို့ပဲဖြစ်တယ်။ တရားမျှတမှုအခြေခံစည်းမျဉ်းတွေ၊ ညီမျှမှု နဲ့ လူ့ဂုဏ်သိက္ခာကို လေးစားသိမှတ်ပြုဖို့ထိပါလာတယ်။
ကိုလူ။ ။ ဟုတ်ပြီလေ။ သူကဒီ Morality ခြောက်ဆင့်ကနေဘာကိုဆက်ပြောချင်တာလဲ။
ကိုမူ။ ။ သူက Moral နဲ့ Ethic ဆိုပြီးခွဲပြောတယ်၊ တကယ်တော့ ၁၉၈၀ ပြည့်နှစ်တွေထိသူလည်း ဒီနှစ်ခုကို လှယ်သုံးနေတာပါ။ ၁၉၉၁ နောက်ပိုင်းရောက်လာမှသာစခွဲပြီး ပြောလာတာ။ ဆိုတော့ကာ သူက Moral Discourse ကနေ Ethical Discourse ဆိုပြီးခွဲလိုက်တယ်။ လောလောဆယ်တဆင့်ဖြတ်ပြီးချုပ်လိုက်ရင်တော့ ပြည့်စုံတဲ့လူ့အဖွဲ့အစည်းတခုကိုရဖို့ဆိုတာ Post-Conventional Morality ထိရောက်အောင် သွားနိုင်ရမယ် လို့ဆိုတာပေါ့လေ။
ကိုလူ။ ။ ကျနော်ကြားဖူးတာပေါ့ဗျာ။ Moral နဲ့ပါတ်သက်ပြီး ယူနီဘာဆယ်စံ ထိရောက်အောင်စခဲ့တာ ကန့် (Immanuel Kant 1724 – 1804) လို့ဆိုတယ်။ ဟာဘားမားနဲ့ဘာတွေကွာလို့လဲ။
ကိုမူ။ ။ ဟာဘာမားအလိုအရ ကန့်ဟာ Monological ဖြစ်နေတယ်ပေါ့။ လူတဦးချင်းစီရဲ့ လွတ်လပ်ခွင့် ကိုပိုဦးစားပေးလိုက်တယ်။ တဦးတယောက်ပေါ်အားပြုထားတဲ့အမြင်ကနေဘယ်လိုယူနီဘာဆယ် အဆင့်ကိုသွားလို့ရမလဲပေါ့။ ဟာဘားမားဝေဖန်တာပါ။ ကန့်က အဆင့်ငါးမှာရပ်နေတယ်၊ အဆင့်ခြောက်ထိမရောက်သေးဘူး၊ Dialogical မဖြစ်သေးဘူး ဆိုတယ်။ တကယ်တော့ကိုယ်ကျင့်ဆိုတာက ခင်ဗျားတယောက်တည်းနဲ့ကိုက်ညီပြီး လက်ခံထားတာမျိုးကိုပြောလို့မရဘူးလေ။ လူမှုဝန်းကျင်၊ လူ့ဘောင်လောက၊ လူ့အဖွဲ့အစည်း စတာတွေအားလုံးနဲ့ သဘောညီဖို့လိုတာပဲမဟုတ်လား။
ကိုလူ။ ။ ဒါဆိုသူတို့အနောက်တိုင်းလူ့အဖွဲ့အစည်းဟာ အဆင့်ငါးထိတော့ရောက်နေပြီပေါ့။ အဆင့်ခြောက်ကို မကူးပြောင်းနိုင်သေးဘူးလို့ဆိုချင်တာလား။

KZကေ