ကင်းဖာဟဒ်အမှတ်လေးလမ်းမဆီမှသည်မော်စကိုရင်ပြင်နီသို့

ကိုတီတူး။
မတွေ့တာတောင်ကြာမှပဲ။
ပြီးခဲ့တဲ့နှစ် နိုဝင်ဘာလကုန်က ကျနော်ဆော်ဒီ ခဏသွားရတယ်။ ခင်ဗျားလည်းကြားမှာပါ။
အဲဒီက ပြန်လာတော့ ၀ါကျတကြောင်းဟာ ကျနော်နဲ့ပြန်လိုက်လာတယ်။
စွန်ပလွန်ယိုဟာကိတ်မုန့်ထဲတ၀က်မြုပ်နေတယ် ဆိုတဲ့စာကြောင်း။
ကင်းဖာဟဒ်နံပါတ်လေးလမ်းပေါ်က ကမ့်နံပါတ်-၇။ ဆော်ဒီအရှေ့ဘက် ပါရှန်းပင်လယ်ကွေ့ကမ်းစပ်က စက်မှုဇုံ မြို့ကလေး ဂျုဘေး။ စင်ကာပူ၊ ကာတာ၊ ဘာရိန်း ပြီးတော့ ဘာရိန်းနယ်စပ်ကိုဖြတ်ပြီး ဂျုဘေးကိုဝင်ရတယ်။
မြန်မာနိုင်ငံကူးလက်မှတ်ကို ဘာရိန်းလူဝင်မှုကြီးကြပ်ရေးအရာရှိကကြည့်ပြီး ကားနောက်ခန်းက ကျနော့်ကိုကြည့်တဲ့အကြည့်ကိုတွေ့တော့ မထင်မှတ်ပဲ ကဗျာအပိုင်းအစတခုကိုသတိရမိသေးတယ်။
အကြည့်တွေဟာအစိတ်စိတ်အမွှာမွှာနဲ့ ပါဒတွေ နာရီတွေ ……..
၂၀၁၄ မှာ ကမ္ဘာ့အကြီးဆုံး ရေနံချက်စက်ရုံရှိလာတော့မဲ့ ဂျုဘေး စက်မှုဇုံမြို့ထဲ ညဘက်ကျနော်သွားလည်ကြည့်တယ်။
Taxi ကားတွေလူခေါ်ပုံဟာ ရန်ကုန်ကိုသတိရစေတယ်။ လမ်းတချို့ကညစ်ပတ်နေတယ်။ အမျိုးသမီးတွေက ၀တ်စုံအနက်တွေ၊ အမျိုးသားတွေက ၀တ်စုံအဖြူတွေ။ ရှုပ်ထွေးပြီး ရိုးရာဝတ်စုံတွေနဲ့ ဘလက်အင်ဝှိုက် ဂျုဘေးရဲ့ ပျားပန်းခတ်နေတဲ့ လူတွေကြားမှာပဲ မက်ဒေါ်နယ်နဲ့ ပီဇာဆိုင်တွေဟာ ကမ္ဘာကြီးရဲ့လမ်းကြိုလမ်းကြားတွေအထိအရောက် သွားနိုင်တာကို မျက်မြင်တွေ့ခဲ့ရတာပဲ။ အဲ ရန်ကုန်ဟာဒီတခုတော့ဂျုဘေးကိုမလိုက်နိုင်ခဲ့ဘူး။
အာရေဗျ ပျိုဖြူလေးတွေဟာ မျက်နှာဖုံးနဲ့ မိုဘိုင်းဖုန်းနဲ့ မိုဘိုင်းဖုန်းဆလိုက်ကိုတွန်းဖွင့်တဲ့ လက်ချောင်းလေးတွေမှာ တက်တူးရုပ်တွေနဲ့ လက်သည်းခွံတွေဟာ ဆိုးဆေးရောင်စုံနဲ့ပေါ့။ ဂလိုဘယ်လိုက်ဇေးရှင်းပေါ့ဗျာ။ အင်တာနက်ကဖေးဆိုင်တွေနဲ့။ မုတ်ဆိတ်မွှေးထူလဗျစ်နဲ့ အာရပ်လူရွယ်ဟာ နားကပ်တဘက်နဲ့ နားကြပ်ကြီးတပ်လို့ ချက်တင်ဝင်နေတာတွေ့ရပြန်တယ်။ ဂိုဂယ်လိုက်ဇေးရှင်းပေါ့ဗျာ။
တပတ်လောက်ကြာတော့ ကျနော်ပြန်လာခဲ့တယ်။ ဘာရိန်းလေဆိပ်ဟာ သေးသေးလေးပေမဲ့ လေယဉ်အတက်အဆင်းတွေများလွန်းလှတယ်။ ဘားတွေနဲ့ကလပ်တွေ ရာချီပြီး ရှိတဲ့ မနားမား မြို့ကိုဖြတ်ပြီးကားမောင်းလာတော့ တွေ့ရတဲ့မြင်ကွင်းတွေအရဆိုရင် အရှေ့အလယ်ပိုင်းမှာ ကာတာ၊ ဘာရိန်း၊ ယူအေအီးတို့ဟာ ရေနံကိုမှီပြီး ကမ္ဘာကြီးထဲ ခေတ်မှီစွာ ကျင်လည် နေကြပြီဆိုတာပဲ။
လေဆိပ်က ကော်ဖီဆိုင်မှာကော်ဖီတခွက် ကို ဘာရိန်း ၂ ဒီနာ ပေးရတယ်။ ယူအက် ၅ဒေါ်လာနဲနဲကျော်တယ်။ ကျနော်လည်းရန်ကုန်ကလှမ်းပို့ထားတဲ့ မင်းခက်ရဲ ရဲ့မောင်ချောနွယ်လေ့လာချက် စာအုပ်ကိုဆက်မဖတ်ဖြစ်တော့ပဲ အရှေ့အလယ်ပိုင်း နဲ့ စွမ်းအင်နိုင်ငံရေး ပြီးတော့ ပြည်တော်ကြီးအကြောင်းကိုပါတဆက်တည်းစဉ်းစားကြည့်မိတယ်။
တိုက်ဆိုင်တယ်ပြောရမလားပဲ ဒီဇင်ဘာရန်ကုန်ပြန်ဖြစ်တဲ့ ၃ပတ်မှာ သွေးနဲ့ရေနံဆိုတဲ့ အမျိုးသားစာပေဘာသာပြန် ဆုရစာအုပ်ကိုနဲနဲမြည်းခဲ့ရတယ်။ ဒီပြန်ရောက်တော့ ခရစ်စမတ်အပြီး၂၀၁၁ မကူးခင်မှာပဲ ရုရှားမှာ တချိန်က သူ့နိုင်ငံရဲ့အချမ်းသာဆုံးဖြစ်တဲ့ ကိုဒေါ်ကိုစကီ ကို တရားဆက်စွဲပြီး သံတိုင်တွေနောက်မှာ ဆက်ထိန်းထားခဲ့တဲ့သတင်းကိုဖတ်ရတယ်။ ကိုဒေါ်ကိုစကီဟာ ယူကို (Yukos) ရေနံကုမဏီပိုင်ရှင်ပေါ့။ ထုံးစံအတိုင်းအမှုကသားရေပြားလိုဆွဲနိုင်ကျုံ့နိုင်တဲ့ အခွန်တော်ငွေကိစ္စပေါ့။ တရားစွဲခံရတဲ့အတိုင်းသာဆိုရင် သူဟာ ၂၀၁၇အထိပြန်လွတ်ဖို့မရှိဘူး။ သူ့ရှေ့နေရဲ့အပြောအရဆိုရင်တော့ ဒီတရားစီရင်ရေးသာမှန်ရင် ဂက်ဇ်ပရွန် (Gazprom) ရဲ့ချယ်ယာမင် လက်ရှိရုရှားသမ္မတမက်ဗီဒက်လည်း မော်စကိုဆောင်းရာသီကို အချုပ်ခန်းထဲကပဲ ရင်ဆိုင်သွားသင့်တယ်လို့ဆိုတယ်။
သူဟာနိုင်ငံရေးမှာသာဆက်မပတ်သက်တော့ဘူးဆိုရင် သူ့ချမ်းသာမှုနဲ့အပြင်မှာအေးအေးဆေးဆေးနေခွင့်ရမယ်လို့ ကရင်မလင်အရာရှိမင်းများက ကတိပေးထားပြီးသားပါ။ သို့ပေမယ့် ဓါတ်ပုံထဲမှာတော့ ၄၇နှစ်ရှိပြီဖြစ်တဲ့ဒီမိုကရေစီရေး လှုပ်ရှားသူရုရှဘီလီယံနာဟာ သူ့နိုင်ငံရဲ့တရားစီရင်ရေးကို ထီမထင်အကြည့်နဲ့ပြန်ကြည့်နေဆဲပဲ။ အကျဉ်းစခန်းထဲ လက်အိပ်တွေချုပ်ခဲ့ရတဲ့ ကတုံးဆံတောက်ဆံပင်နဲ့ ရုရှားတိုင်ကွန်းရဲ့ပြတ်သားထောင်မတ်နေတဲ့မေးရိုးတွေဟာ ဂျုဒိုခါးပတ်နက် ဗလာဒီမာပူတင်ရဲ့လက်သီး နဲ့ ခြစားနေတဲ့ State Capitalism ကိုစိန်ခေါ်နေဆဲပဲ။
အဲဒီနေ့က အမေရိကားအင်တာနက်ကုမဏီတခုမှာအလုပ်လုပ်နေတဲ့ နှစ်ဆယ့်ငါးနှစ်အရွယ် သားဖြစ်သူဟာ မာကျောသူဖခင် အတွက် နယူးယော့တိုင်းစကွဲယားမှာ တကိုယ်တော်ဆန္ဒပြပွဲလုပ်ခဲ့တယ်။ ပြောရရင် ရုရှားနိုင်ငံရေးနဲ့ နောက်ခံသမိုင်း ဒီအဖြစ်အပျက်တွေရဲ့အမှားအမှန်ကို ကျနော် သိပ်သိလှတာမဟုတ်ပါဘူး။
ကျနော့်အာရုံက ပြည်တော်ကြီးဆီကိုသာပါ။ ကမ္ဘာကြီးထဲမှာ ပါဒတွေ နာရီတွေ ယုံကြည်ချက်တွေကအစိတ်စိတ်အမွှာမွှာဖြစ်ခဲလွန်းသူတွေအတွက် ကျနော်တို့ဟာ ညနေခင်းသတင်းကြည့်သူများသာဖြစ်နေဆဲပဲဆိုတဲ့အသိနဲ့ ရှုပ်ထွေးစွာခံစားရပါတယ်။
၂၀၁၁ နှစ်သစ် အီကွေတာရာသီ မိုးရက်များပါ။
စွမ်းအင်လုံခြုံရေး၊ ဟန်တင်တန်ရဲ့ တတိယလှိုင်းဒီမိုကရေစီအားအလျှော့မှာ ထိုးတက်လာခဲ့တဲ့ ရွေးကောက်ခံအာဏာပိုင်ဝါဒ နဲ့ အနောက်ကစံထားတဲ့ ခေတ်မှီရေး လူ့အခွင့်အရေးဆိုတာတွေဟာ ကလေးတွေဆက်တမ်းကစားတဲ့ ကတ်ထူစက္ကူပြားတွေလို ကျနော့်မျက်စိရှေ့မှာေ၀၀ါးပြီး ၀ိုင်းပတ်ပြေးလွှား နေတော့တာပါပဲ။

KZကေ

ဦးစားပေးမဖော်ပြနိုင်သောသဲလွန်စများ

ဒါနဲ့ပဲ အွန်ဂျူယွမ်း သည် ညဦးဆည်းဆာမှိုင်းတိုင်း
ကျနော်တို့အိမ်သို့ရောက်ရှိလာသည်ဟုရေးလိုက်သည်
သူမအသားဖြူသည် အရှေ့တိုင်းသူဖြစ်သည်
ခြိုးခြိုးခြံခြံနှင့်ထွင်းဖောက်မတတ်မြင်သာသောဖက်ရှင်များဝတ်တတ်သော်လည်း
ပြည်တွင်းစစ်ကိုမကြုံဖူးခဲ့
အင်္ဂလိပ်စာတန်းထိုးကားတွေကိုသဘောကျသူဖြစ်သည်။
အိပ်ခန်းထဲရှိတယ်လီဗီးရှင်းဘေးတွင်ငါးကန်လေးရှိ၏
အချိန်ပိုရှိလျှင် အလှအပနှင့်ကျပ်တည်းမှုအကြောင်း
တိရိစ္ဆာန်အခွင့်အရေးများအကြောင်းကျနော်တို့ပြောနိုင်ပေမည်
ဒါတွေက လူသားအတွက် အခြား အားနဲနှင့်ညာဏ်ရည်နိမ့်သတ္တ၀ါများလောင်ကျွမ်းဖို့ ဖျော်ဖြေဖို့ အပြောင်းအလဲကိုထွန်းညှိခြင်းကိုသတိရဖို့ ပင်
ရွှေငါးသည်တကောင်တည်းကူးခတ်နေရာ မူရင်းတွင်ပါသည့်ပျော်ရွှင်စွာ ဆိုသည့်
ကြိယာဝိသေသနကို ဘာသာပြန်သောအခါ ကျနော်ဖြုတ်ပစ်ခဲ့သည်။ မတတ်နိုင်။
ယခုပင်သစ်ပင်များ၏ ငြိမ်းချမ်းစွာအတူယှဉ်တွဲရေးမူများကိုသင်တွေ့နေရပြီ။
ဆံသဆိုင်တွင်စောင့်ဆိုင်းနေသူများအတွက်
တကမ္ဘာလုံးတွင်ကန်သော ဘောလုံးပွဲသတင်းများနှင့်ယနေ့ထုတ်ဂျာနယ်များရှိသည်
တမြို့လုံးခံစစ်ကစားနေရသည့်အကြောင်းများတိုက်ရိုက်မပါရှိပါ။
ဆံသဆရာက ဂျင်မီကာတာနှင့် စွမ်းအင်လုံခြုံရေးပေါ်လစီကိုစက်ကပ်ကျေးနှင့်ထိုးပစ်လိုက်ပြီး
ကာတာသည် ၂၀၂၂ တွင် ကမ္ဘာ့ဖလား အိမ်ရှင်ဖြစ်လာတော့မည်ဆိုသည်
ရေနံဈေးတက်လာတာကိုရိုးတိုးရိပ်တိပ်သိသည်။ မခေလှ။
ပုဂ္ဂလိက စက်သုံးဆီအရောင်းဆိုင်သတင်းနှင့် ၂၀၁၀စစ်တမ်းအရ
ပရိတ်သတ်အကြိုက်ဆုံးမြန်မာသရုပ်ဆောင်မင်းသားမင်းသမီးတို့ကိုသိသည်။
ဓါတ်ဆီနှင့်ဒီဇယ်သည်စက်ပစ္စည်းများအတွက်ဆန်စပါးဖြစ်သည်
စက်မှုတော်လှန်ရေးအပြီးတွင် စက်တွေကိုလူတွေအားကိုးလာရသည်
ယုတ္တိဗေဒအရ ဆန်ဈေးကြီးရန်မပူပင်ရသော ပြေတီဦးနှင့်အိနြ့ာကျော်ဇင်တွင်မော်တော်ကားတစီးစီရှိကြပေလိမ့်မည်။
အိမ်ကိုပြန်လာသော ညထဲသင်မမြင်ရသော်ငြား
မြစ်ရေသည်စီးဆင်းသည်သာ
စွန်ပလွန်ယိုသည်ကိတ်မုန့်ထဲတ၀က်မြုပ်နေသည်
ချောကလက်တောင့်သည်ညိုမဲနေသည်
ငှက်တွေဆိုဖို့သီချင်းအသစ်မရှိ
ကော်ဖီသည်ရည်ရွယ်ချက်ရှိရှိအမြုပ်ထနေသည်။
ကျနော်ပြန်ရောက်တော့ အွန်ဂျူယွမ်း တို့မအိပ်သေး။

KZကေ

မီးလား၊ ပန်းလား၊ အားလုံးဟာအနက်ကောက်ခြင်းလား

စာသားမှာ တခုနှင့်အထက်ဗဟိုချက်တွေရှိတယ်လို့ အဆောက်အဦလွန်သမားတွေကဆိုတယ်။ ဒါကစာသားရဲ့ေ၀၀ါးနေတဲ့ အဓိပ္ပါယ်တွေကိုချုပ်လိုက်တယ်။ စာသားကိုတိကျတဲ့အဓိပ္ပါယ် တခုရှိလာစေတယ်ပေါ့။ စာသားဟာဆိုလိုရင်းကိုတည်ငြိမ်လာစေဖို့ ဒွိစုံတွဲ (Binary Oppositions) တွေဖန်တီးတည်ဆောက်လိုက်ရတယ်။
ဒီအတွဲတွေထဲမှာအပေါ်အောက်ဖိစီးမှုတွေဝင်လာတယ်။ ဆိုလိုတာက အဖြူဟာအမဲနဲ့၊ အကောင်းဟာအဆိုးနဲ့၊ အချစ်ဟာအမုန်းနဲ့ စတဲ့ဒွိစုံတွဲတွေမှာလူတွေက အဖြူကိုအပြုသဘောမြင်ပြီးအမဲကိုအပျက်သဘောမြင်တယ်။ အချစ်ဟာ အပေါင်းလက္ခဏာ အမုန်းဟာအနုတ်သဘော စသည်ဖြင့်တဘက်ဘက်ကို ဦးစားပေးအဖြစ်ကောက်ယူမိကြတယ်။ တခုကတခြားတခုကိုအသာစီးကနေပြီးအဓိပ္ပါယ်ဖွင့်ဆိုစေတာပဲ။ ဒီစုံတွဲတွေဟာ စာသားတွေထဲအမြဲလို ထင်ထင်ရှားရှားတွေ့ရတာတော့မဟုတ်ဘူး။
Poststructuralist သမားတွေက ဒီအတွဲတွေကိုရှာ၊ ကြားကဆက်သွယ်မှုကိုဖြည်ပစ်လိုက်ပြီး စာသားရဲ့တကယ့်မူလ သဘောကို ဖမ်းဆုပ်ဖို့ကြိုးစားတာ။ ဒါကိုပဲ Deconstruction လို့ဆိုတာပါ။

၂။
‘အချက်အလက်ဆိုတာမရှိဘူး၊ အားလုံးအနက်ကောက်ခြင်းပဲ’
နိရှေး
မူရင်းက “There are no facts, only interpretations.” ဖြစ်သည်။

ကဗျာဆရာက နိရှေးရဲ့အဆိုအမိန့်တခုကိုယူပြီး သူ့ကဗျာကိုစဖွင့်လိုက်သည်။
ကဗျာရဲ့ပထမစာကြောင်းမှာကိုပဲ အချက်အလက်နဲ့ အနက်ကောက်ခြင်းဟာ အတွဲတခုအနေနဲ့ထွက်လာတယ်။
ဟုတ်တယ်၊ ကျနော်တို့ရှေ့မှာပြောခဲ့ကြတဲ့ ဒွိစုံတွဲပေါ့။
ဒီလိုလုပ်ကြရအောင်၊ ကျနော်တို့စကားပြောခန်းတခုလောက်နားထောင်ကြည့်မယ်။
“ငါမနက်ကဈေးထဲမှာ မောင်ဘတို့ညီအကိုနှစ်ယောက်ကို အောင်မြန်မာ လက်ဘက်ရည်ဆိုင်မှာတွေ့ခဲ့တယ်။ သူ့ညီကအေးအေးဆေးဆေးပါပဲ။ ငါ့ကိုတောင်အစ်ကိုထိုင်ပါဦးလားပြောသေးတယ်။ ဒါပေမဲ့မောင်ဘကြည့်ရတာ ငါ့တို့ကိုသိပ်အစာကြေပုံမပေါ်ဘူး။ ညကကိစ္စကိုဒီကောင်စိတ်ခုသွားပုံပေါ်တယ်။”

ကောင်းပြီ။ ဒီစကားပြောခန်းမှာ အချက်အလက်နဲ့ အနက်ကောက်ချက်တွေဟာ ရောထွေးနေတယ်။
အချက်အလက်တွေက ပြောသူဟာ မောင်ဘတို့ညီအကိုကိုတွေ့ခဲ့တယ်။ ညီဖြစ်သူကသူ့ကိုထိုင်ခိုင်းတယ်။ အနက်ကောက်ချက်တွေက ညီဖြစ်သူကပုံမှန်ဆက်ဆံတယ်။ မောင်ဘကတော့ကျနော်တို့မသိတဲ့ ညက အဖြစ်အပျက်တခုပေါ်မှာ စကားပြောသူကိုကြည်လင်ပုံမရ ဆိုတာ သွားတွေ့ရတယ်။
ဆိုတော့ အချက်အလက် (fact) ဆိုတာကတိကျမှုရှိတယ်။ အနက်ကောက်ခြင်း (Interpretation) ဟာထွေပြားတယ်။ ပြောသူရဲ့ယူဆချက်တို့ ခံစားမှုတို့ ပါလာတယ်။ မှန်ချင်မှမှန်မယ်။ မှန်ချင်လည်းမှန်မယ်။ ဒီဒွိစုံအတွဲမှာ ကဗျာဆရာဟာ အချက်အလက်ကိုအပေါ်တင်ပြီး အနက်ကောက်ခြင်းကိုဖိထားတာတွေ့ရတယ်။ နဲနဲတဆင့်တက်လိုက်ရင် ဒါဟာ ဒွိစုံတွဲရဲ့ပေါ်အောက်ဖိစီးမှု (Hierarchy) လို့ပြောနိုင်တယ်။ သူရည်ရွယ်ချင်မှရည်ရွယ်မယ်။ သို့သော် ဆက်ဖတ်တော့ဒီသဘောက ပိုပြီးပေါ်လွင်လာပါတယ်။

နိရှေးဟာလည်းငါ့အတွက်အချက်အလက်ထက်
အနက်ကောက်ခြင်းသက်သက်ပဲ သူ့ရဲ့ဆော့ခရတ္တိပေါ့
လူစည်ကားရာဈေးထဲပြေးဝင်လာတယ်
‘ဖန်ဆင်းရှင်သေဆုံးသွားပြီ”
ဇရသုစတြ ဟာသူ့ကိုယ်သူဖေါက်ခွဲပစ်လိုက်တယ်။

ကဗျာဆရာ ကိုးကားတဲ့ အဆိုအမိန့်ကိုရေးခဲ့တဲ့ ထင်ရှားတဲ့ဂျာမာန်တွေးခေါ်ရှင် နိရှေး ကိုယ်တိုင်သည်ပင်လျှင်ကဗျာဆရာအတွက်တော့ အချက်အလက်မဟုတ်ဘူး။ အနက်ကောက်ခြင်းပဲတဲ့။ သူဟာ နိရှေး ကိုတိုက်ရိုက်ထိတွေ့ရတာမဟုတ်ဘူး။ တခြားသူတွေဖွင့်ဆိုသလောက် (သို့မဟုတ်ရင်) သူနဲ့နိရှေးနဲ့ဟာ ကြားကတခြားလူတွေရဲ့ အနက်ကောက်ခြင်းကို ဘာသာစကားကခွင့်ပြုသလောက်သာသိရတာ။ ဒါဘယ်လောက်မှန်မယ်သူမသိဘူးလို့ဆိုချင်ပုံပဲ။

ဆက်တိုက်ဆိုသလိုပင် ကဗျာဆရာသည် နိရှေးရဲ့ နောက်ထပ် အဆိုအမိန့်တခုကိုဖော်ပြသည်။ ဖန်ဆင်းရှင်သေဆုံးသွားပြီ။ မူရင်းက God is dead. ဒီအဆိုအမိန့်ကတော့ နိရှေး ရဲ့နာမည်ကျော် နာရေးကြော်ညာဖြစ်သည်။ ဒွိစုံတွဲမှာ ဖန်ဆင်းရှင်သေဆုံးသွားပြီ ရဲ့ကျန်တဖက်ကဘာဖြစ်မလဲ။ ဖန်ဆင်းခံရသူတွေသာကျန်ခဲ့တယ်ဆိုတာပေါ့။ ဒါကဗျာဆရာပြောချင်တဲ့အချက်ဖြစ်ပုံရတယ်။ ကျယ်ကျယ်လောင်လောင် ကိုကြားစေချင်တဲ့သဘောကိုတွေ့ရတယ်။ ဘာလို့လဲဆိုတော့ လူစည်ကားတဲ့ဈေးရဲ့ဆူညံ ပျားပန်းခတ်မျှလှုပ်ရှားသွားလာမှု ရစ်သမ် ကိုဒီစကားလုံးနဲ့ဖောက်ခွဲပစ်လိုက်တာကိုး။
ဖန်ဆင်းရှင်သေပြီ ဖန်ဆင်းခံရတဲ့ လူသာမာန်တွေပဲကျန်ရှိနေတယ်ဆိုတာဟာ ပတ်ဝန်းကျင်မှာရှိနေတဲ့လူအုပ်ကြီးရဲ့ နဲနဲချဲ့ကားပြောရရင် ခေတ်ကြီးတခုလုံးရဲ့ အာရုံစိုက်ခံရမှုကိုတောင်းဆိုလိုက်တယ်။ ဒါဟာအနဲဆုံး ကဗျာဆရာရဲ့သိစိတ်ရှိရှိ (သို့) မသိစိတ်ထဲကနေ ကဗျာဖတ်သူကိုပေးလိုက်တဲ့ အချက်အလက်တခုမဟုတ်ရင်တောင်မှ အနက်ဖွင့်မှုတခုတော့ဖြစ်ကောင်းဖြစ်ပေလိမ့်မယ်။

မဟုတ်ဘူး ငါဟာဆူပါမင်းမဟုတ်ဘူး
ငါ့မှာဗလလည်းမရှိဘူး အသားကပ်ဝတ်စုံလည်းမရှိဘူး
လေထဲလည်းမပျံတတ်ဘူး
အများနည်းတူနေထိုင်တတ်မှုဆုတံဆိပ်တွေ
ငါ့ရင်ဘတ်သားမှာတန်းစီလို့ တဆင့် နှစ်ဆင့် သုံးဆင့်
ငါ့ရင်ဘတ်ထဲကနှလုံးသားဟာတချက်ပြီးတချက်သတိပေးတယ်
ဒိုင်ခွက်ကဂဏန်းတွေဟာတလုံးစီ လျှော့လာတယ်
၂၅ - ၂၄ - ၂၃ - ၂၂ - ၂၁

ဒီအပိုဒ်မှာတွေ့ရတဲ့ ဆူပါမင်းမဟုတ်တာ ဗလမရှိတာ အများနည်းတူ ဤကိုကျွှဲဖတ်တာ ဟာ လူသာမန်တွေ ထဲကတယောက် အဖြစ်ကဗျာဆရာဖွဲ့ဆိုလိုတာဖြစ်တယ်။ နှလုံးဟာတချက်ချင်းခုန်နေတယ်။ သာမန်နေထိုင်မှုမျှသာ ထူပိန်းနေပြီး ဒီ့အတွက်ရတဲ့ မလုပ်၊မရှုပ်၊မပြုတ် ဆုတံဆိပ်တွေသာ တဆင့်ပြီးတဆင့်မြင့်တက်လာတယ်။ အပေါစားရှင်သန်မှုမြင့်မားလာတာရဲ့အခြားတဘက်မှာ ရခဲတယ်ဆိုတဲ့လူ့ဘ၀ဟာလက်ကျန်နဲလာတယ်။ တချက်ချင်း တနာရီချင်း တရက်ချင်း နေ့တွေ နာရီတွေ မိနစ်တွေ အသက်ဟာတလိမ့်ချင်း စိမ့်ကျနေတယ်။

၂၀
ဒီညသတင်းမှာမင်းငါ့ကိုတွေ့ရှိရမှာဖြစ်တယ်
အလကားတွေစည်ကားတဲ့ စကားလုံးအပိုင်းအစတွေ
အဓိပ္ပါယ်ကျဲကျဲ အကွက်အကွက်တွေ
အနက်တွေလိုက်ကောက်ရတဲ့လက်ပတ်တွေ
အကောင်းဆုံးကဗျာရေးနည်းဆိုတာမရှိတော့ဘူး။

လက်ရှိအနေအထားတွေကိုလှောင်ပြောင်ဖို့ကြိုးစားလိုက်တဲ့ ကဗျာဆရာရဲ့မဲ့ပြုံးကိုဒီအပိုဒ်မှာတွေ့ရပါတော့တယ်။
လူသာမန် လူဗလံလေး ဟာ ဒီနေ့ညနေခင်းသတင်းထဲမှာပါလာတော့မယ်တဲ့။ တယ်ဟုတ်ပါလား။ အရေးမပါဘူးဆိုပေမဲ့ သူဟာအရေးကြီးတဲ့သတင်းတွေထဲကတခုဖြစ်တော့မယ်။ အရေးမကြီးဘူးအမြဲေ၀၀ါးနေတယ်ဆိုတဲ့ဘာသာစကား။ စကားလုံးအကျိုးအပဲ့ အပိုင်းအစ တွေနဲ့စည်ကားနေတာဘယ်မှာလည်း။ အဓိပ္ပါယ်ကျဲကျဲတခွက်၊ မန္တလေးစီဘီယာ၂ ခွက်၊ ကဗျာဆရာဟာ လေးနက်မှုရှိသင့်တဲ့ အဓိပ္ပါယ်ဆိုတာကို ကျဲကျဲ တို့ အကွက်အကွက်တို့နဲ့လျှော့ချဖို့ကြိုးစားတယ်။
ကျနော်တို့ဟာ အမြဲတမ်းအဓိပ္ပါယ်တွေကိုပဲလိုက်ရှာနေကြတယ်။ ဒါပေမဲ့ အဓိပ္ပါယ်ကိုကျနော်တို့လုပ်နိုင်တာမှမဟုတ်တာ။ သူဟာကွဲပြားခြားနားမှုကြောင့်ဖြစ်လာတာ။ ဘာသာစကားရဲ့မပြည့်စုံတဲ့တီထွင်မှုကပိတ်ဆို့ထားတဲ့အရာ။ အိုးထရက်ဖို့ဒ်ထဲလျှောက်ပြေးနေတဲ့ ရိုင်ယန်ဂစ်လိုပေါ့။ ဆိပ်ခံဘောတံတားမှာကုန်တင်ကုန်ချ အလုပ်သမားတွေကိုကြီးကြပ်ရသူတဦးလိုပေါ့။ ခင်ဗျားတို့ဟာအရေးပါတဲ့လက်ပတ်တွေနဲ့ ပြန့်ကျဲနေတဲ့ အဓိပ္ပါယ်တွေကိုလိုက်ကောက်ဖို့ကြိုးစားနေကြတာကလား။ သို့ပေမယ့်ကျနော်ပြောချင်တယ်။ ဒီမယ် အကောင်းဆုံးကဗျာရေးနည်း ဆိုတာကတော့ဖြင့် မရှိတော့ပေဘူး။

ကျနော်ဟာနိရှေးရဲ့နာမည်ကျော်ဇတ်ကောင် ဇရသုစတြလည်းမဟုတ်ဘူး။ နိရှေးစွန့်ပစ်လိုက်တဲ့ ခင်ဗျားတို့အားလုံး (သို့) လူ့အဖွဲ့အစည်းကြီးတခုလုံး အားကိုးတဲ့ ယုံကြည်တဲ့ ဖန်ဆင်းရှင်လည်းမဟုတ်ဘူး။ ဒီညသတင်းထဲဖျတ်ခနဲပါလာမဲ့ အချက်အလက်ကလေးတခုပါ။ အစက်အပြောက်လေးတခုပါ။ ဘင်္ဂလားပင်လယ်အော်မှာ ရံဖန်ရံခါမိုးသက်လေပြင်း များကြရောက်ပြီးလှိုင်းကြီးနိုင်ပါသည် ဆိုတဲ့ အချက်အလက်လေးတခုပဲ။ ဤတွင်သတင်းများကိုကြေညာလို့ပြီးပါပြီ ဆိုတာနဲ့မေ့ပစ်လို့ရနိုင်တဲ့ အချက်အလက်လေးတခုလောက်ပါပဲ။
ဒါပေမဲ့ ဇရသုစတြ တဲ့ ငါ့အလုပ်ငါလုပ်ပြီးပြီလို့တော့ကဗျာဆရာကဆိုလေရဲ့။ ကဗျာဆရာထားရစ်ခဲ့တဲ့နောက်ဆုံးဒွိစုံဟာ သူပေးချင်တဲ့နောက်ထပ်အချက်အလက်တခုလည်းဖြစ်ပေလိမ့်မယ်။

မဟုတ်ဘူး ငါဟာဇရသုစတြမဟုတ်ဘူး
ငါဟာဖန်ဆင်းရှင်လည်းမဟုတ်ဘူး
ဒီညသတင်းမှာငါဟာလည်းမင်းအတွက်
မေ့လွယ်ပျောက်လွယ် အချက်အလက်သက်သက်ပဲ
ဖြစ်လိမ့်မယ်။
ဇရသုစတြ
၁၈ မိနစ်တိတိနောက်ကျတဲ့ ဇရသုစတြ
ငါ့အလုပ်ငါလုပ်ပြီးပြီ
မင်းလုပ်စရာရှိတာဆက်လုပ်။

၃။
ကဗျာဖတ်ပြီးပြီးချင်းပဲကျနော့်စိတ်ထဲမှာတခုခုဟာ ကဗျာရဲ့ဗဟိုချက်ကနေလွတ်နေတဲ့ခံစားမှုကိုရတယ်။ ဟုတ်တယ်။ ဆော့ခရတ္တိဟာ အစွန်အဖျားတနေရာမှာမှိန်ပြစွာရပ်နေတယ်။ သူ့ကိုကျနော်ကဗျာနဲ့ကြိုးစားချိတ်ဆက်လိုက်တိုင်းသူဟာလွတ်ထွက်နေတယ်လို့ခံစားရတယ်။ ကဗျာထဲမှာမနေပဲ ကဗျာအပြင်ဘက်ကနေတချိန်လုံးစောင့်ကြည့်နေတာ ဆော့ခရတ္တိများလား။ အေသင်မြို့ကြီးသားများက ခုလက်ခံထားတဲ့အယူအဆကိုစွန့်မလား မေးတော့ ဆော့ခရတ္တိကအဆိပ်ခွက်ကို အားဖြည့်ဘီယာစတောက်လို ကောက်မော့ချလိုက်တာအားလုံးသိပြီးဖြစ်မှာပါ။
သူမှန်တယ်ထင်တဲ့ယုံကြည်ချက်နဲ့သူဟာတချက်ထဲကျင်းစိမ်သွားခဲ့တယ်။ သူ့အသက်ကိုတစက်ချင်းစိမ့်အကျမခံခဲ့ဘူး။
ဒါပေမဲ့ ခေတ်တိုင်းမှာ အဆိပ်ခွက်ဟာပြန်ပြီးပြည့်လျှံလာစမြဲပဲ။ လူများစုရဲ့အထိုင်ကျနေတဲ့အတွေးအခေါ်တွေကိုငြင်းဖို့ ဖိစီးထားတဲ့လက်ပတ်တွေကိုငြင်းဖို့ ဆော့ခရတ္တိချန်ထားခဲ့တဲ့စိမ်းဖန့်ဖန့်အချိုရည်ဟာ ယနေ့ရဲ့မီးလျှံထဲလျှံကျနေစမြဲပဲ။
၃.၁။
လုပ်စရာရှိတာဆက်လုပ် ကြဖို့ပဲ။

၎။
ဇရသုစတြ မင်းလုပ်စရာရှိတာဆက်လုပ်
ဇေယျာလင်း

‘အချက်အလက်ဆိုတာမရှိဘူး၊ အားလုံးအနက်ကောက်ခြင်းပဲ’
နိရှေး

နိရှေးဟာလည်းငါ့အတွက်အချက်အလက်ထက်
အနက်ကောက်ခြင်းသက်သက်ပဲ သူ့ရဲ့ဆော့ခရတ္တိပေါ့
လူစည်ကားရာဈေးထဲပြေးဝင်လာတယ်
‘ဖန်ဆင်းရှင်သေဆုံးသွားပြီ”
ဇရသုစတြ ဟာသူ့ကိုယ်သူဖေါက်ခွဲပစ်လိုက်တယ်။

မဟုတ်ဘူး ငါဟာဆူပါမင်းမဟုတ်ဘူး
ငါ့မှာဗလလည်းမရှိဘူး အသားကပ်ဝတ်စုံလည်းမရှိဘူး
လေထဲလည်းမပျံတတ်ဘူး
အများနည်းတူနေထိုင်တတ်မှုဆုတံဆိပ်တွေ
ငါ့ရင်ဘတ်သားမှာတန်းစီလို့ တဆင့် နှစ်ဆင့် သုံးဆင့်
ငါ့ရင်ဘတ်ထဲကနှလုံးသားဟာတချက်ပြီးတချက်သတိပေးတယ်
ဒိုင်ခွက်ကဂဏန်းတွေဟာတလုံးစီ လျှော့လာတယ်
၂၅ - ၂၄ - ၂၃ - ၂၂ - ၂၁

၂၀
ဒီညသတင်းမှာမင်းငါ့ကိုတွေ့ရှိရမှာဖြစ်တယ်
အလကားတွေစည်ကားတဲ့ စကားလုံးအပိုင်းအစတွေ
အဓိပ္ပါယ်ကျဲကျဲ အကွက်အကွက်တွေ
အနက်တွေလိုက်ကောက်ရတဲ့လက်ပတ်တွေ
အကောင်းဆုံးကဗျာရေးနည်းဆိုတာမရှိတော့ဘူး။

မဟုတ်ဘူး ငါဟာဇရသုစတြမဟုတ်ဘူး
ငါဟာဖန်ဆင်းရှင်လည်းမဟုတ်ဘူး
ဒီညသတင်းမှာငါဟာလည်းမင်းအတွက်
မေ့လွယ်ပျောက်လွယ် အချက်အလက်သက်သက်ပဲ
ဖြစ်လိမ့်မယ်။

ဇရသုစတြ
၁၈ မိနစ်တိတိနောက်ကျတဲ့ ဇရသုစတြ
ငါ့အလုပ်ငါလုပ်ပြီးပြီ
မင်းလုပ်စရာရှိတာဆက်လုပ်။

၅။
ကျနော့်ဘက်က အနက်ကောက်ကြည့်ခြင်းသက်သက်မျှသာပါ။

KZကေ

မီးလား၊ ပန်းလား။ နီရဲသောဘာသာစကား၏ခြေရာ

Structuralism မှာတုန်းက signifier နဲ့ signified အကြောင်းပြောကြတယ်။ မြင်းလို့ပြောလိုက်တော့ မြင်းဆိုတဲ့စကားလုံးနဲ့ မြင်းလို့ကိုင်တွယ်ညွှန်ပြလို့ရတဲ့ပြင်ပကသက်ရှိ၊(အရာဝထ္ထုစသည်)တခုနဲ့ဆိုပြီး အညွှန်းနဲ့ အညွှန်းခံ ကိုနားလည်ခဲ့တယ်။ ဒါတင်မက ထိုနှစ်ခုကြား အဆက်အစပ်မဲ့ပုံကိုပါသိခဲ့ကြတယ်။ ဘယ်သူကမှ မြင်းကိုဘာလို့မြင်းလို့ခေါ်ရသလဲမသိသလိုမေးလည်းမမေးခဲ့ကြဘူး။ ပြီးတော့ မြန်မာကမြင်းလို့ပြောပြီး အင်္ဂလိပ်က Horse လုိုပြောတာ အတူတူပဲ။ ငါတို့ဒီတိရိစ္ဆာန်ကိုမြင်းလို့ခေါ်တာ သူတို့ Horse လို့ခေါ်တာထက်ပိုသင့်တော်တယ်ဆိုတာမျိုးဘယ်သူကမှ မနှိုင်းယှဉ်ခဲ့ကြဘူး။ ဆိုလိုတာက ဘာသာစကားနဲ့ပတ်သက်လို့ကျနော်တို့ဟာ ကိုယ့်ဘာသာစကားနဲ့ကိုယ် သီးခြားယုံကြည်မှုရှိခဲ့ကြတယ်။ မြန်မာကထွက်တဲ့သစ်ကနိုင်ငံခြားသစ်တွေထက်ပိုကောင်းတယ်လို့ပြောပေမဲ့ မြန်မာလိုကျွန်းသစ်လို့ခေါ်တာ အင်္ဂလိပ်လို teak လို့ခေါ်တာထက်ပိုသဘာဝကျတယ်လို့ဘယ်သူမှမနှိုင်းယှဉ်ကြဘူး။ အဆက်အစပ်မဲ့တယ်ဆိုပေမဲ့ မံမံ ဆိုတော့စားစရာပေါ့။ အီးအီးဆိုတော့ရွံစရာပေ့ါ။ သားသား ဟိုအကောင်ဘာကောင်လဲပြောလိုက်စမ်းဆိုတော့ ကြောင်ပေါ့၊ ခွေးပေါ့။ ဒီကောင်လေးအတတ်မြန်လိုက်တာပေါ့။ ဆိုတော့ ဘာသာစကားရဲ့သတ်မှတ်ချက် တွေပေါ်မှာ အားလုံးသက်တောင့်သက်သာရှိစွာသဘာဝအလျှောက်သင်ယူ လက်ခံနိုင်ခဲ့ကြတယ်။
ရှေ့မှာတုန်းကကျနော်တို့ဘာသာစကားနဲ့အဓိပ္ပါယ်အကြောင်းပြောတော့အဓိပ္ပါယ်ကိုကျနော်တို့လုပ်နေတာ မဟုတ်ဘူးလို့ပြောခဲ့တယ်။ အဓိပ္ပါယ်ဆိုတာခြားနားခြင်းကဖြစ်လာတာလို့ပြောခဲ့တယ်။ နမူနာတခုလောက်ပြန် ကြည့်ကြရင် ဥပမာ မီးပွိုင့်မှာမီးနီတဲ့အခါကျနော်တို့ရပ်ကြရတယ်။ ဒီလိုမီးနီရင်ရပ်ဆိုတဲ့အသိဟာ သူ့ချည်းရပ်တည်နေတာတော့မဟုတ်ဘူး။ မီဝါနဲ့ မီးစိမ်းနဲ့ဆက်စပ်ပြီးရလာတဲ့အဓိပ္ပါယ်ပဲ။ မတူလို့ဖြစ်လာရတဲ့ အဓိပ္ပါယ်ပဲ။ စကားလုံးတခု၊ စာသားတခုဟာ သူ့ချည်းအဓိပ္ပါယ်မရှိဘူး။ မီးနီကိစ္စမှာ သုံးပွင့်ဆိုင် Structure တခုကနေအဓိပ္ပါယ်ကိုထုတ်ပေးလိုက်တာ။ အနီဆိုတာ ရပ်ဆိုတာမျိုးအမြဲယူလို့ဘယ်ဖြစ်တော့မလဲ။ စိန်ပန်းအနီဟာလောကအပူကိုအံတုတဲ့အဓိပ္ပါယ်ဖြစ်လာနိုင်တယ်၊ နှင်းဆီအနီဟာ ချစ်ခြင်းရဲ့ရဲရင့်မှုဖြစ်လာနိုင်တယ်။ စကားလုံးတွေဟာမတည်ငြိမ်ဘူး။ အချိန်အလိုက် နေရာအလိုက် အဓိပ္ပါယ်တွေ ပြောင်းနေတယ်။ ဘာသာစကားဆိုတာက သူ့အရင်ရှိနေတဲ့အရာတွေကိုဖွင့်ဆိုဖို့ပေါ်လာတာ ဆိုပေမဲ့ တကယ်တမ်းကျတော့ အစစ်အမှန်တရားကိုဖော်ပြဖို့ရာမစွမ်းသာဘူး။ လူနဲ့တကယ့်အစစ်အမှန်တရားကြားမှာ ဘာသာစကားနဲ့အမြဲကာစီးထားခြင်းခံရတယ်လို့ ပြောဖို့ဖြစ်လာတယ်။

ဒီတော့ သူ့တည်ဆောက်ပုံစံနစ်ကိုနားလည်ဖို့လိုတယ်။ မိမိကိုယ်ကိုယ် နဲ့ ကမ္ဘာကြီးကို နားလည်ဖို့ဆိုတာ ဘာသာစကား ဟာအချက်အချာပဲလို့ Structuralist တွေကယူခဲ့ကြတယ်။ ဘာသာစကားကိုအဓိကထားတဲ့အချက်ကို Poststructuralist တွေကဆက်ယူခဲ့ကြပါတယ်။ Structuralism မရှိရင် Post structuralism ဆိုတာလည်းမရှိနိုင်ဘူး။ သူတို့ဟာ ခက်ရင်းရဲ့ခွနှစ်ဘက်ပဲ။ သို့ပေမဲ့ ဒီနှစ်ခုအဓိကကွဲလွဲချက်ကလည်း ဘာသာစကားပေါ်မှာပဲရှိနေတယ်။
ဘာသာစကားဟာထင်သလောက်မရိုးစင်းဘူး။ သူ့မှာထူးခြားချက်တွေရှိတယ်။ မောင်ချစ်ရဲ့ မြင်းက ဒီရွာမှာတော့ အချောဆုံးပဲ အပြေးနိုင်ဆုံးပဲလို့ ဘာသာစကားကိုသုံးပြီးရှင်းပြနိုင်တယ်။ မြို့တက်တော့ငါ့ကောင်ရေ လိုင်းကားတွေမောင်းတာကသောက်ကျိုးနဲမြန်တာကလားလို့လဲပဲ ဘာသာစကားကိုသုံးပြီးရှင်းပြနိုင်တယ်။ ဒါပေမဲ့ ဘာသာစကားတခုအကြောင်းကို ဘာသာစကားမသုံးပဲ ဘာနဲ့ရှင်းပြလို့ရမလဲဆိုတော့ အင်းဒါတော့အဲ လို့ပြောရတော့တယ်။ မြင်းကို ဒါမှမဟုတ် ကားကို သူ့အပြင်ဘက်ထွက်ပြီး ကြည့်ပြီး ပြောပြ ရှင်းပြနိုင်ပေမဲ့ ဘာသာစကားကိုသူ့အပြင်ဘက်ကကြည့်ပြီးပြောလို့မရဘူး။ ကျနော်တို့ဟာပိတ်မိနေတယ်၊ ဒါပေါ့ ဘာသာစကားထဲမှာပေါ့။ ကျနော်တို့ဟာ Structure တွေကိုမြင်ပြီးနားလည် နေတာမဟုတ်ဘူးတဲ့။ ကျနော်တို့ဟာ Structure ထဲမှာနေနေရတာတဲ့။ ကျနော်တို့ဟာ ဘာသာစကားကိုအသုံးပြုဖို့အတွက် သူကတည်ဆောက်ထားတဲ့စံနစ်ရဲ့ထိမ်းချုပ်မှုကိုခံလိုက်ရတယ်။ ကျနော်တို့ဟာကိုယ်ပြောချင်တဲ့ စကားရဲ့အဓိပ္ပါယ်ကိုမထိန်းချုပ်နိုင်ဘူး။ ကိုယ်ရေးချင်တဲ့စာသားရဲ့အဓိပ္ပါယ်ကိုမထိမ်းချုပ်နိုင်ဘူး။ ကျနော်တို့ကဘာသာစကားကိုသုံးနေတာမဟုတ်ဘူး။ ဘာသာစကားကလူကိုသုံးနေတာလို့ဆိုတယ်။ ဒီတော့ ဘာသာစကားကို ကရိယာတန်ဆာပလာအဖြစ်သုံးပြီးအနုပညာကိုဖန်တီးနေတယ်ဆိုတာက ဒါရီဒါ ပြောချင်တာနဲ့လွဲနေတယ်လို့ပြောမယ်ဆိုပြောနိုင်တယ်ပေ့ါ။
သူပြောတဲ့အတိုင်းပြန်ပြောရရင် Il n’y a de hors-texte (there is nothing outside text) ပေါ့။ စာသားရဲ့အပြင်မှာဘာမှမရှိဘူးတဲ့။ ဒီလိုပြောင်းလာတာ Post structuralism အမြင်ဖြစ်တယ်။ ဒါဟာ ဒါရီဒါ (Jacques Derrida 1930-2004) ရဲ့အယူအဆဖြစ်ပြီး သူ့ရဲ့ Of Grammatology (1967) မှာ Deconstruction ဆိုတဲ့စကားလုံးကိုစတင်မိတ်ဆက်အသုံးပြုခဲ့တယ်။ ဒါကြောင့်သူမြင်တဲ့ အဆောက်အအုံလွန်ဝါဒ ဟာ Deconstruction လို့လည်းလူသိများတယ်။ Structuralism သမားတွေရဲ့ တည်ဆောက်ပုံစံနစ်တွေကို ပြန်ပြီးပိုင်းဖြတ်ကြည့်လို့မို့ Deconstruction လို့သုံးတာဖြစ်ပြီး ဒါရီဒါ နဲ့ Deconstruction ဟာခွဲလို့မရအောင် ဖြစ်လာခဲ့ရတယ်။

KZကေ

၁၆။ အားလုံးမလွတ်မြောက်မချင်းမည်သူမျှလွတ်မြောက်လိမ့်မည်မဟုတ်

ဥရောပပေါင်းစည်းရေးအတွက်စဉ်းစားလာရသည့်အချက်တချက်မှာ ကမ္ဘာလုံးစီးပွားရေးစံနစ်၏ နိုင်ငံတခုချင်းပေါ်သို့ရိုက်ခတ်ချက်ကြောင့်ဖြစ်သည်။ ယေဘူယျဆိုရလျှင် ခေတ်မှီဖွံ့ဖြိုးပြီးနည်းပညာ ရှေ့တန်းရောက်နေသည့်စက်မှုနိုင်ငံကြီးများတွင် စီးပွားရေးဖွံ့ဖြိုးမှုအတွက် နိုင်ငံရေးနှင့်လူမှုရေးဘက်တွင် ပေးဆပ်ရတတ်သည်ဆိုသည့်အချက်ဖြစ်သည်။ ဒါတွေက အလုပ်လက်မဲ့နှုန်းများလာခြင်း၊ ဆင်းရဲမွဲတေမှု နှင့် ၀င်ငွေမညီမျှမှုတို့ဖြစ်သည်။ အဆိုပါအချက်များကလူမှုပေါင်းစည်းရေးကိုပြေလျှော့စေသည်။ ပြည်တွင်းနိုင်ငံရေးတည်ငြိမ်မှုကိုထိပါးစေသည်။ လူမှုဖူလုံရေးစံနစ်၊ အလုပ်သမားဈေးကွက်ကိုအလျှော့ အတင်းပြုခြင်း၊ ပြန်လည်ဖြန့်ဖြူးရေးပေါ်လစီ တို့ဖြင့်အထက်ကဆိုခဲ့သည့်အကျပ်အတည်းများကိုဖြေရှင်းနိုင်သည်။
သို့သော် ကမ္ဘာလုံးစီးပွားရေး နှင့် ငွေကြေးဈေးကွက်တို့က စီးပွားရေးဖွံ့ဖြိုးမှု၏ဘေးထွက်ပြဿနာများကို လူမှုဖူလုံရေးစံနစ်ဖြင့်ထိမ်းကျောင်းနိုင်စွမ်းကို ထိခိုက်လာစေသည်။ ဆိုလိုသည်မှာကမ္ဘာလုံးစီးပွားရေးနှင့် အတူပေါ်ပေါက်လာသော နိုင်ငံစုံကော်ပိုးရေးရှင်းကြီးများကသူတို့ရင်းနှီးမြှုပ်နှံသည့်နိုင်ငံတွင် အလုပ်သမား ဈေးကွက်ကိုဥပဒေများသုံးပြီးထိမ်းချုပ်လာပါက အခြားလုပ်အားဈေးချို ပြီးကန့်သတ်မှုနဲသည့်နိုင်ငံသို့ပြောင်းရွေ့ ရင်းနှီးမြှုပ်နှံပေလိမ့်မည်။ ဒီခြိမ်းခြောက်မှုကနိုင်ငံများအနေဖြင့် နိုင်ငံခြားရင်းနှီးမြှုပ်နှံမှုများစီးဝင်လာရန်၊ ၀င်လာပြီးသားမြှုပ်နှံမှုများပြန်ထွက်မသွားစေရန် ထိုလုပ်ငန်းများအရင်းအနှီးများအတွက်အခွန်အကောက်နှုန်းများ ကိုတိုးမြှင့်ကောက်ခံရန်မလွယ်ကူပေ။ တဘက်တွင်လည်းလူမှုဖူလုံရေးဝန်ထုပ်ဝန်ပိုးကလည်းရှိပြန်သည်။ အခွန်ငွေတိုးချဲ့ကောက်ခံဖို့ကလည်းအမြဲလိုကျားမြီးဆွဲရသလိုဖြစ်နေသည့်အတွက် အစိုးရ၏အုပ်ချုပ်ရေး ယန္တယားလည်ပတ်စေမည့် ဘတ်ဂျက်လိုငွေကိုရှာဖွေရန်ခက်ခဲလာပေသည်။
ဒီပြဿနာတွေကိုဖြေရှင်းရန် ဟာဘားမားကဖြစ်နိုင်ခြေနှစ်ခုတင်ပြထားသည်။ ပထမတချက်က အသုံးစရိတ် တွေကိုလျှော့ချ၊ လေဘာမားကက်ကိုဖွင့်ပေးထား၊ သို့သော်လူမှုဖူလုံရေးကိုမလုပ်နှင့်တော့။ ဖျားမယ်နာမယ်ဆို ကိုယ့်စရိတ်နဲ့ကိုယ်ကု၊ ဆေးရုံတက်လို့ကတော့စုထားတာလေးတွေထုတ်သုံးပေတော့။ ဆိုလိုတာကနိုင်ငံသား တွေစီးပွားရေးဘက်ကအသာရထားသမျှ လူမှုရေးနှင့်နိုင်ငံရေးတွင်ပြန်လည်ပေးဆပ်ရပေတော့မည်။ ဒါကနီယိုလစ်ဘရယ်နည်း၊ ဟာဘားမားသိပ်သဘောတွေ့ပုံမပေါ်။ နောက်တနည်းက နိုင်ငံရေးကိုပါ ကမ္ဘာလုံးဇတ်သွင်းဖို့ဖြစ်သည်။ ကမ္ဘာပတ်နေသည့် လက်ရှိဂလိုဘယ်စီးပွားရေးကိုနှင်တံလေးနှင့် မောင်းဖို့ဖြစ်သည်။ ဒီအယူအဆကိုအားလုံးကမျက်ခုံးပင့်ပြီးကြည့်ကြသည်။ ဟုတ်ပါ့မလားမောင်ကာလုရဲ့ဆိုသည့်မျက်နှာပေးတွေနဲ့။ ဟာဘားမားကတော့အောင်မြင်မည်မဆို။ စမ်းကြည့်ရမည်တဲ့။ ခုကိုပဲစတင်နေပါပြီ။ ဥရောပယူနီယံဖြစ်သည်။ ဟာဘားမားကတော့ ဒါကပုံစံပြောင်းတာမဟုတ်။ တိုးချဲ့နေခြင်းလို့ဆိုသည်။ စံနစ်တခုကနေ၊ ပုံစံတခုကနေ တခြားတခုကို ကူးပြောင်းနေတာမဟုတ်။ ပုံစံတူကိုတိုးချဲ့နေခြင်းဟုဆိုသည်။ ဒေသမတူ၊ ဘာသာစကားမတူ၊ ယဉ်ကျေးမှုအခြေခံမတူသည့် အဖွဲ့ဝင်နိုင်ငံများအားလုံး ဥရောပသမဂ္ဂဆိုသည့်ခေါင်းစဉ်တခုတည်း အောက်တွင်မည်သို့စုစည်းကြမည်နည်း။ ဒါလည်းပဲ မေးစရာကောင်းသည့်အချက်တခုဖြစ်သည်။ သို့သော် ယဉ်ကျေးမှုပေါင်းစုံရောပြွန်းလာပြီး လူများရွှေ့ပြောင်းနေထိုင်နိုင်စွမ်းအားမြင့်လာသည့် အတွက်ရေရှည်တွင်လည်းနိုင်ငံဆိုသည့်စည်းတခုတားပြီး အထီးတည်းနေဖို့မလွယ်တော့ပါဟု ဟာဘားမားကထောက်ပြထားသည်။ ယဉ်ကျေးမှုများအပြန်အလှန်လေ့လာခြင်း၊ ခရီးသွားလာမှုများလွယ်ကူအောင်ပြုလုပ်ခြင်း၊ တက္ကသိုလ်များတွင်ကူးပြောင်းပရိုဂရမ်များထဲ့သွင်းခြင်း တို့သည်အဖွဲ့ဝင်နိုင်ငံများအတွင်း ကောင်းမွန်သောနားလည်ယုံကြည်မှုကိုရေရှည်တွင်ပေးပေလိမ့်မည်။ ဥရောပအဖွဲ့ဝင်နိုင်ငံများအနေဖြင့်အစောပိုင်းကာလများတွင် ဒေသသတ်မှတ်ချက်အရနိုင်ငံပုံစံယှဉ်ပြိုင်မှုများရှိ နေပေဦးမည်။ သို့သော်တချိန်တွင်ယူနီယံအဆင့်ထိနားလည်တိုးမြှင့်ခံစားလာနိုင်မည်ဟုဆိုသည်။ ဒီပုံစံကသင်ခန်းစာနှင့်အတွေ့အကြုံများသည် ကော်စမိုပေါ်လီတန်ကမ္ဘာ့နိုင်ငံရေးထဲကိုဝင်ရောက်လာ နိုင်ပေလိမ့်မည်။ နောက်ဆုံးသွားမည့်ပန်းတိုင်မှာ ကမ္ဘာဈေးကွက်စီးပွားရေးနှင့် သူ့ကိုတည့်မတ်မည့် ကမ္ဘာ့နိုင်ငံရေးဖြစ်သည်။
ဒါက ကမ္ဘာသားတွေအတွက်အကောင်းဆုံးနိုင်ငံရေးပုံစံဖြစ်ပြီး အားလုံးကြိုးစားရမည့် ဖြစ်စဉ်တခုလို့လည်းဆိုသည်။ အားလုံးဆက်လက်စမ်းသတ်သွားရမည့်နည်းလမ်းလို့လဲဆိုသည်။ ဘာလို့လဲ၊ အခြားနည်းတွေကပိုဆိုးမည့်အကျိုးဆက်တွေကိုတွေ့နေရလို့ပဲဖြစ်သည်။ အရင်းရှင်စံနစ်ကိုဇက်ကြိုးဖြည်ပြီး လွှတ်ပေးလိုက်လို့မဖြစ်။ စမ်းသတ်ချက်သေချာပေါက်အောင်မြင်မည်မဆိုနိုင်၊ သို့သော် မဖြစ်နိုင်သောကိစ္စလည်းမဟုတ်။ ဒီမိုကရက်တစ်စံနှုန်းများအရ လွတ်လပ်ပြီးညီမျှသည့်နိုင်ငံသားတွေစုပေါင်းပြီး သူတို့လူမှုကမ္ဘာကိုပုံဖော်နိုင်စွမ်းသည် အခွင့်အရေးကိုဘာလို့လက်လွှတ်ခံမည်နည်း။ ဟာဘားမားကတော့ အားလုံးမလွတ်မြောက်မချင်းမည်သူမျှလွတ်မြောက်လိမ့်မည်မဟုတ် ဟုဆိုသည်။

KZကေ

Main References:
HABERMAS (a very short introduction) by James Gordon Finlayson 2005, Oxford
Fifty Major Political Thinkers (Second Edition, 2007) by Ian Adams and R.W. Dyson, Routledge

၁၅။ ဘာလင်တံတိုင်းအပြို နှင့် အမျိုးသားပြန်လည်ပေါင်းစည်းရေးရစ်သမ်

ကိုလူ။ ။ အမျိုးသားရေးဝါဒကဂျာမာန်မှာတော်တော်မွှေနေလို့ ဟာဘားမားကဒါကိုအရေးတကြီး ပြောရတာလား။
ကိုမူ။ ။ ခင်ဗျားလည်းသိပါတယ်။ ဟစ်တလာကအာရိယာန်သွေးဆိုပြီး အမျိုးသားရေးဝါဒကနေ ဖက်စစ်စံနစ်ကိုကူးခဲ့တယ်။ အော့ဇ၀စ် လိုငရဲခန်းတွေထဲမှာ ဂျုး၆သန်းကိုရှင်းခဲ့တယ်၊ ဂျာမာန်တွေဟာ စစ်ကြီးနှစ်ခုစလုံးရှုံးခဲ့တယ်။ အမေရိကန်နဲ့ ဆိုဗီယက်ကဒုတိယကမ္ဘာစစ်အပြီးမှာ ဂျာမနီ ကိုခွဲစိတ်ပြီး သူတို့စိတ်ကြိုက် အစိုးရနဲ့အယူဝါဒတွေသွတ်သွင်းခဲ့တယ်။ နောက်ဆုံးတော့ဘာလင်တံတိုင်းအပြိုမှာ စစ်အေးနိဂုံးဆိုတဲ့ သမိုင်းတကွေ့ကိုရောက်ခဲ့ကြတယ်။
ကိုလူ။ ။ ဂျာမာန်ပေါင်းစည်းရေးအကြောင်းလည်းပြောပါဦးဗျ
ကိုမူ။ ။ နိုဝင်ဘာ၉. ၁၉၈၉ မှာ ဂျာမာန်အရှေ့နဲ့အနောက် နှစ်နိုင်ငံပေါင်းစည်းကြတယ်။ GDR (German Democratic Republic) အရှေ့ဂျာမနီ ပြိုကျသွားတယ်။ ဟာဘားမားဟာအဲဒီအချိန်ကပြန်လည်ပေါင်းစည်းရေးနဲ့ ပါတ်သက်ပြီး ရေရှည်လုပ်ငန်းစဉ်ကိုအကြံပြုခဲ့တယ်။
ကိုလူ။ ။ အဲဒီအချိန်က ချန်ဆယ်လာက ဟဲလမွတ်ခိုး မဟုတ်လားဗျ။
ကိုမူ။ ။ အင်း။ သူနဲ့သူ့လူတွေကဂျာမာန်ပေါင်းစည်းရေးကို ကြားခံဥပဒေနဲ့အဆင့်တွေမခံပဲ တိုက်ရိုက်သွားဖို့လုပ်ခဲ့ကြတယ်။ ကပ်ရက်ရွေးကောက်ပွဲမှာလူထုထောက်ခံမှုကောင်းဖို့ ဆိုတဲ့ရည်ရွယ်ချက် ကြောင့်ဆိုပဲ။
ကိုလူ။ ။ အဲဒါဘာများမှားသွားသလဲ။ ခုလည်း ဂျာမနီဟာတည်တည်ငြိမ်ငြိမ်ပဲမလား။
ကိုမူ။ ။ ဟာဘားမားအမြင်ကတော့ အချိန်သာပိုယူခဲ့ရင်အရှေ့ဂျာမနီသားတွေဟာ အနောက်က ဗျုရိုကရက်တွေခင်းပေးတဲ့အယူအဆ၊ လမ်းကြောင်းအတိုင်းသွားစရာမလိုပဲ သူတို့လည်း ပေါင်းစည်းရေးဖြစ်စဉ်မှာ တစုံတရာထဲ့ဝင်နိုင်မယ်။ လုံလောက်တဲ့ ကိုယ်ကျင့်နဲ့ နိုင်ငံရေးဆိုင်ရာ သဘောညီမှုတွေအားနည်းခဲ့ရတယ်ဆိုပဲ။ ပိုဆိုးတာက အရှေ့ဂျာမနီရဲ့အုပ်ချုပ်ရေးအဆောက်အအုံဟောင်းကို ဖျက်ပြီး သူနဲ့ဆက်စပ်တဲ့ နိုင်ငံရေးအင်စတီကျုးရှင်းတွေအားလုံးကိုပါချုပ်ငြိမ်းစေတာဟာ မှားတယ်ဆိုတယ်။
ကိုလူ။ ။ အရှေ့ရဲ့အာဏာရှင်ပုံစံကိုမကြိုက်လို့ဖျက်ပြီးအနောက်နဲ့ပေါင်းပါတယ်ဆိုမှ ဘာကိုသံယောဇဉ်တွယ်နေရဦးမလဲဗျ၊
ကိုမူ။ ။ သူတို့ဖျက်သိမ်းခဲ့တာတွေထဲမှာ အရပ်ဘက်လူ့အဖွဲ့အစည်းလည်းပါတာကိုး။ ဒါကိုဟာဘားမား ကကြိုက်ပုံမရဘူး။ အုပ်ချုပ်ရေးနဲ့စီးပွားရေးနှစ်ခုထဲပဲကြည့်ပြီးပေါင်းစည်းရေးကိုမလုပ်နိုင်ဘူး။ နိုင်ငံရေးအရကိုပေါင်းနိုင်မှ ပီပြင်တဲ့ပေါင်းစည်းရေးဖြစ်လာမှာ။ အရှေ့ဂျာမာန်တွေကိုဘယ်လိုဖွံ့ဖြိုးတိုးတက် အောင်ပြန်စရမယ်ဆိုတဲ့ကိုယ်တိုင်နားလည်သိမြင်မှု အချိန်တခုတော့ပေးရမယ်။
ကိုလူ။ ။ တချို့ကတော့ခုလိုစာရွက်ပေါ်ကစီမံကိန်းတွေမကြည့်ပဲလက်တွေ့ဖော်ဆောင်လိုက်တာကိုပဲ အမှတ်ပေးကြတယ်နော်။
ကိုမူ။ ။ ဒါပေမဲ့ဟာဘားမားသံသယရှိတဲ့နောက်တချက်က ဂျာမနီဟာ ပန်ဂျာမန်အမျိုးသားရေးအခြေခံစိတ်ဓါတ် (Pan-German Nationalist Sentiment) နဲ့ပေါင်းခဲ့တယ်။ နောက်ပိုင်းအရှေ့ဂျာမန်မှာတခြားကလာအလုပ်လုပ်တဲ့သူတွေကိုဂျာမန်လူမျိုးရေးအစွန်းရောက်တွေက နှောင့်ယှက်ခဲ့တာတွေဟာ ဒီအကျိုးဆက်လို့ သူသုံးသပ်တယ်။
ကိုလူ။ ။ ဘာလဲဗျ ပန်ဂျာမန် ဆိုတာ။
ကိုမူ။ ။ ဂျာမန်စကားပြောသူတွေအားလုံးပေါင်းစည်းရေးပဲ။ ဥရောပအလယ်ပိုင်းအရှေ့ပိုင်းနဲ့ ပြောရရင် ဒတ်ခ်ျတွေနဲ့ ဖလင်းမစ်ခ်ျ တွေကလည်းမူရင်းဂျာမန်စကားရဲ့ဒေသသုံးတွေလို့ဆိုတယ်။
ကိုလူ။ ။ ဖလင်းမစ်ခ်ျကဘယ်လ်ဂျီယံမှာပဲပြောတာမဟုတ်ဘူးလား။
ကိုမူ။ ။ ဟုတ်တယ် ဘယ်လ်ဂျီယံသားတွေအဓိကပြောတာ ပြင်သစ်နဲ့ဖလင်းမစ်ခ်ျ ပေါ့။ ဘရပ်ဆဲမှာရေဒီယိုမှာနှစ်ဘာသာနဲ့အဓိကလွှင့်ပြီး တမြို့ထဲနေပြီး နာမည်ကြီးပြင်သစ်အဆိုတော်နာမည်ကို ဖလင်းမစ်ခ်ျ ပြောတဲ့သူတွေကမသိကြဘူးလို့ ကျနော်တခါကဖတ်လိုက်ရတယ်။ ပန်ဂျာမန်ရဲ့မူလရည်ရွယ်ချက်ကတော့ နပိုလီယံရဲ့အင်အားချဲ့ထွင်မှုကိုတားဖို့ပါပဲ။
ကိုလူ။ ။ အော် ဥရောပသမဂ္ဂရုံးစိုက်တဲ့ မြို့တော်မှာ ဘာသာစကားနှစ်ခုနဲ့ကပ်ညိနေတဲ့ဆရာများက ဥရောပယူနီယံကိုဘယ်လိုများ ထူထောင်ကြမလဲဗျာ။
ကိုမူ။ ။ အဲဒါလေ ခင်ဗျားသိချင်နေတဲ့ ကျနော်တို့နောက်ဆုံးပြောမဲ့ဟာပေါ့။ ဥရောပပေါင်းစည်းရေးနဲ့ ဟာဘားမားရဲ့ပို့စ်နေရှင်နယ်လစ် အယူအဆ။
ကိုလူ။ ။ မြန်မြန်သာပြီးပါမှပဲကိုယ့်ဆရာရေ။ ဒါပြတ်ပါမှပဲကျနော်လည်းရွာပြန်ပြီး သာဂိတို့ထန်းတောမှာ မနက်စောစော နှစ်မြူလောက်သွားဆွဲပြီး မိန်းမချောမှတ်မိလေမလားကွယ် ကန်ပတ်လည်ခရေပွင့် ရွာထိပ်ကကျောင်းတော်သာနဘေး ……. ဆိုပြီးအကျယ်ကြီးဟဲလိုက်ဦးမယ်ဗျာ။

KZကေ

၁၄။ အမျိုးသားရေးဝါဒကိုလက်သပ်မွေးတဲ့ လူ့အဖွဲ့အစည်းကျောမှာဒါဏ်ရာတွေနဲ့

ကိုလူ။ ။ အင်း လူမှုအစီအစဉ် တခုတည်ငြိမ်ဖို့ဆိုတာလည်းဘက်ပေါင်းစုံကကြည့်ရတာကလား။ ခင်ဗျားနောက်ဆုံးပြောမယ်ဆိုတဲ့ Post-national Citizenship ဆိုတာလေးဆက်ပါဦး။
ကိုမူ။ ။ ဆက်တာပေါ့လေ။ ဒါပေမဲ့ အမျိုးသားရေးဝါဒ (Nationalism) ကိုအရင်စကြည့်ရအောင်။ မော်ဒန်ခေတ်ဦးလူ့အဖွဲ့အစည်းပုံစံဟာ ဒေသ၊ ဓလေ့ထုံးတမ်း၊ ဘာသာရေးယုံကြည်မှုနဲ့ မြေရှင်စံနစ်ရဲ့အရိပ်အောက်မှာရှိခဲ့တယ်။ ဒါပေမဲ့ ၁၈ရာစုအကုန်ပိုင်းလောက် ကစပြီး ဥရောပနိုင်ငံတွေဟာ အဲဒီအချိန်မှာရှိတဲ့လူမှုပြဿနာပေါင်းစုံကိုဖြေရှင်း ရင်းပုံစံကွဲလာခဲ့တယ်။ မြို့ပြယဉ်ကျေးမှုစတယ်၊ လူတွေကုန်တွေ လှုပ်ရှားစီးဆင်းလာတယ်၊ ဘာသာရေးအစွဲအလမ်းနဲလာတယ်။
ကိုလူ။ ။ ဒီရွာလေးမှာ ဆွေစဉ်မျိုးဆက် ဓါးမဦးချ နေထိုင်လုပ်ကိုင်စားသောက်သူတွေ၊ ကိုယ့်ဘေးအိမ်မှာမရှိတော့ဘူး၊ လူစိမ်းတွေရောက်လာတယ်။ ဘာသာစကားအရ ယဉ်ကျေးမှုအရ အစဉ်အလာထုံးဖွဲ့မှုတူညီပြီးဖွဲ့စည်းထားတဲ့ ကွန်မြူနတီတွေဟာ မျှခြေယိုင်လာတယ်ပေါ့။
ကိုမူ။ ။ ဒီတော့ဗျာ လူမှုပေါင်းစည်းရေးကအရင်ထက်ပိုအရေးပါလာတယ်။ နိုင်ငံသားတွေကြားမှာရှိတဲ့ ဆက်ထုံးတွေကိုခိုင်မြဲအောင်လုပ်ဖို့လိုလာတယ်။ နိုင်ငံနဲ့နိုင်ငံသားသိစိတ် (National Consciousness) နှစ်ခုကိုတပြိုင်နက်ထဲထူထောင်ဖို့ စုပေါင်းယဉ်ကျေးမှုနဲ့နိုင်ငံရေး ကိုယ်ပိုင်အမှတ်သညာ (Collective cultural and political Identity) ကိုခံစားတတ်ဖို့လိုလာတယ်။
ကိုလူ။ ။ အဲဒီခံစားမှုဟာအစွန်းရောက်လွန်ကဲလာရင် အမျိုးသားရေးဝါဒ ထောင်ချောက်ထဲဝင်သွားရော လို့ခင်ဗျားပြောချင်တာလား။
ကိုမူ။ ။ ဟုတ်တယ်၊ အမျိုးသားရေးလက္ခဏာဆိုတာက ဆင်ခြင်မှုအခြေခံနဲ့သွားတာမဟုတ်ဘူး။ ခံစားမှုနဲ့သွားတာကိုး။ ခေတ်မှီလာတဲ့ ရောထွေးစုပေါင်းလာတဲ့လူ့အဖွဲ့အစည်းတွေမှာ ယူနီဘာဆယ်စံ အရ ညီမျှပြီး စည်းကမ်းဥပဒေတကျဖြစ်သင့်တယ်ဆိုတဲ့ အစုအဖွဲ့တွေရှိတယ်။ တဘက်မှာ နယ်ချဲ့ဆန့်ကျင်ရေးလို၊ လွတ်လပ်ရေးလို၊ စစ်ပွဲနဲ့သမိုင်းတွေကို အတူဖြတ်သန်းရင်းရလာခဲ့တဲ့ သမိုင်းကြောင်းအရ ဂုဏ်ရောင် ထွန်းပြောင်မှုပေါ် အခြေခံထားတဲ့ စုစည်းမှုရှိတယ်။ ဒီနှစ်ခု မျက်နှာချင်းဆိုင်မိရင်း အကဲဆတ်လာကြတယ်။
ကိုလူ။ ။ အဲဒီတော့
ကိုမူ။ ။ အမျိုးသားနိုင်ငံတွေမှာဒီခြိမ်းခြောက်မှုကြီးလာတော့ အမျိုးသားရေးဝါဒကို လှမ်းဆွဲတော့တာပေါ့။
ကိုလူ။ ။ တည်ငြိမ်မှုကိုဗန်းပြပြီး အမျိုးသားရေးကိုရှေ့တန်းတင်လာတာလည်းမရှိနိုင်ဘူးလား။
ကိုမူ။ ။ ရှိနိုင်တာပါပဲ။ ရှိနေတာပါပဲ။ သို့သော်ကျနော်ပြောချင်တဲ့အပိုင်းက ဖွံ့ဖြိုးပြီးဖြစ်စေ၊ဖွံ့ဖြိုးဆဲဖြစ်စေ၊ မဖွံ့ဖြိုးသေးတာပဲဖြစ်စေ၊ ဒါဏ်ရာတမျိုးမျိုးရထားတဲ့ လူ့အဖွဲ့အစည်းမှာသာ အမျိုးသားရေးဝါဒကို အတွေ့ရများတယ် ဆိုတာပါ။ ဘေးဖယ်ထုတ်ခံထားရတဲ့လူနည်းစုတွေဟာ သူတုိ့အသိမှတ်ပြုခံရဖို့၊ ပြန်လည်ရုန်းကန်ကြမှာအမှန်ပဲ။
ကိုလူ။ ။ ဖိတော့ရုန်း၊ ရုန်းတော့ဖိ၊ ဂျာအေးကိုသူ့ကြီးဒေါ်ကြီးကပါဝင်ရိုက်တယ်ဆိုပါတော့။
ကိုမူ။ ။ အမျိုးသားရေးဝါဒကရှို့ဖို့လွယ်တယ်။ ငြိမ်းဖို့ကျတော့အများကြီးခက်ပါတယ်။ မထိမ်းနိုင်ရင်လူမျိုးရေးသန့်စင်မှုနဲ့ လူမျိုးစုလိုက်မျိုးဖြုတ်သုတ်သင်မှုတွေထိပါရောက်ခဲ့တာတွေမျက်မြင်ပဲမလား။
ကိုလူ။ ။ ဒီထောင်ချက်ကထွက်နိုင်တဲ့နည်းများ ခင်ဗျားဘုတ်အုပ်တွေထဲမတွေ့မိဘူးလား။
ကိုမူ။ ။ ဟာဘားမားပြောတာကတော့ ဖွဲ့စည်းအုပ်ချုပ်ပုံနည်းလမ်းတကျဖြစ်တဲ့မျိုးချစ်ဝါဒ (Constitutional Patriotism) တဲ့။ အမျိုးသားရေးဝါဒဆိုတာက Post-conventional Morality ကနေThe Conventional Morality ကိုပြန်သွားတာကိုး၊ သမိုင်းဆိုင်ရာဖွံ့ဖြိုးတိုးတက်မှုကိုနောက်ပြန်လှည့်တာကိုး၊ ဥပဒေနဲ့ထိန်းကျောင်းရမယ်။ ဒီမိုကရေစီလုပ်ထုံးလုပ်နည်းတွေနဲ့ပဲတည့်မတ်ရမယ်။ အဲသည်မှာအရေးကြီးတာက အခြေအနေအရပ်ရပ်နဲ့ပြေလည်နိုင်စွမ်းရှိတဲ့နိုင်ငံရေးယဉ်ကျေးမှု ရှိနေဖို့လိုတယ်။

KZကေ