သုဝဏနှင့်ပါတ်သက်၍

္ကကိုတီတူး
သုဝဏ၅မှာခင်ဗျားကွန်မင့်တွေဖတ်ရတယ်။
ကျနော်ပြန်ရေးဖို့ရှိပါတယ်။ ကျနော်သုဝဏကို နံပါတ် ၇ မှာသိမ်းနိုင်မယ်ထင်တယ်။ ပြန်ရေးချင်တာတချို့လည်းနောက်ပို့စ်တွေထဲပါသွားမယ်ထင်တယ်။

ပြီးတော့သုဝဏဟာကျနော့်အတွက်ကျတော့ ဟိုး ၃လပိုင်းလောက်ကတည်းကရေးလာတဲ့
နိဒါန်း၊ ကြားခံကာလကုန်ဆုံးခြင်း၊ ကိုယ်ပိုင်အင်အား သီးခြားအဖွဲ့အစည်းများနှင့်မဟာဗျူဟာ၊ စီသုံးလုံးနဲ့မီးသုံးထောင့်ဆိုတာတွေနဲ့လည်းဆက်စပ်နေပါတယ်။

ကျနော့်အတွေးထဲမှာတော့ ဒါတွေဟာလုံးဟာဆက်စပ်နေတာပါ။
တခုရှိတာက ကျနော်ရေးနေတဲ့အချိန်အတွင်းမှာမြန်မာနိုင်ငံရေးဟာပြောင်းနေတယ်။ ကျနော်ရေးတဲ့အချိန်ကြာတော့ စာရေးပုံလေယူလေသိမ်းတွေကရေးချိန်မုဒ်ပေါ်မူတည်ပြီးပြောင်းသလို ဇောင်းပေးရေးချင်တာတွေကလည်းအခြေအနေတွေအရပြောင်းနေပါတယ်။

ဒါပေမယ့် ကျနော်ယုံကြည်ထားတဲ့ မြန်မာနိုင်ငံရေးပြန်ကောင်းလာဖို့နဲ့ နိုင်ငံပြန်လည်ထူထောင်ရေးအတွက်သွားရမဲ့နည်းနာတွေကတော့မပြောင်းလဲသလောက်ရှိနေပါတယ်။
နောက်ဆုံးပို့စ်မှာအဲဒီအချက်ကိုပီပြင်အောင်အားထုတ်ပြီးရေးသွားနိုင်မယ်မျှော်လင့်မိတယ်။
လောလောဆည် ခင်ဗျားရေးတဲ့ ကွန်မင့်တွေကိုကျနော်လက်ခံခြင်း၊ ငြင်းဆန်ခြင်းထက်စာရင် ခုလိုအပြုသဘော စံနစ်တကျပြန်လည်ဆွေးနွေးလာတာဟာ ကျနော့်အတွက်တော့အားတခုပါ။

အခြားကြုံလို့ပဲဖြစ်စေ၊ တမင်ပဲဖြစ်စေ ဒီပို့စ်တွေကို ဖတ်နေသူတွေလည်းခုလိုရေးလာမယ်ဆိုကျနော့်မှာဆင်ခြင်နိုင်စရာ၊ ပြန်လည်ဆွေးနွေးစရာတွေရှိလာလိမ့်မယ်လို့လည်းယုံကြည်ပါတယ်။

ကျေးဇူးတင်ပါတယ်ဗျာ။

ခင်မင်လျှက်
KZကေ

ကင်းဖာဟဒ်အမှတ်လေးလမ်းမဆီမှသည်မော်စကိုရင်ပြင်နီသို့

ကိုတီတူး။
မတွေ့တာတောင်ကြာမှပဲ။
ပြီးခဲ့တဲ့နှစ် နိုဝင်ဘာလကုန်က ကျနော်ဆော်ဒီ ခဏသွားရတယ်။ ခင်ဗျားလည်းကြားမှာပါ။
အဲဒီက ပြန်လာတော့ ၀ါကျတကြောင်းဟာ ကျနော်နဲ့ပြန်လိုက်လာတယ်။
စွန်ပလွန်ယိုဟာကိတ်မုန့်ထဲတ၀က်မြုပ်နေတယ် ဆိုတဲ့စာကြောင်း။
ကင်းဖာဟဒ်နံပါတ်လေးလမ်းပေါ်က ကမ့်နံပါတ်-၇။ ဆော်ဒီအရှေ့ဘက် ပါရှန်းပင်လယ်ကွေ့ကမ်းစပ်က စက်မှုဇုံ မြို့ကလေး ဂျုဘေး။ စင်ကာပူ၊ ကာတာ၊ ဘာရိန်း ပြီးတော့ ဘာရိန်းနယ်စပ်ကိုဖြတ်ပြီး ဂျုဘေးကိုဝင်ရတယ်။
မြန်မာနိုင်ငံကူးလက်မှတ်ကို ဘာရိန်းလူဝင်မှုကြီးကြပ်ရေးအရာရှိကကြည့်ပြီး ကားနောက်ခန်းက ကျနော့်ကိုကြည့်တဲ့အကြည့်ကိုတွေ့တော့ မထင်မှတ်ပဲ ကဗျာအပိုင်းအစတခုကိုသတိရမိသေးတယ်။
အကြည့်တွေဟာအစိတ်စိတ်အမွှာမွှာနဲ့ ပါဒတွေ နာရီတွေ ……..
၂၀၁၄ မှာ ကမ္ဘာ့အကြီးဆုံး ရေနံချက်စက်ရုံရှိလာတော့မဲ့ ဂျုဘေး စက်မှုဇုံမြို့ထဲ ညဘက်ကျနော်သွားလည်ကြည့်တယ်။
Taxi ကားတွေလူခေါ်ပုံဟာ ရန်ကုန်ကိုသတိရစေတယ်။ လမ်းတချို့ကညစ်ပတ်နေတယ်။ အမျိုးသမီးတွေက ၀တ်စုံအနက်တွေ၊ အမျိုးသားတွေက ၀တ်စုံအဖြူတွေ။ ရှုပ်ထွေးပြီး ရိုးရာဝတ်စုံတွေနဲ့ ဘလက်အင်ဝှိုက် ဂျုဘေးရဲ့ ပျားပန်းခတ်နေတဲ့ လူတွေကြားမှာပဲ မက်ဒေါ်နယ်နဲ့ ပီဇာဆိုင်တွေဟာ ကမ္ဘာကြီးရဲ့လမ်းကြိုလမ်းကြားတွေအထိအရောက် သွားနိုင်တာကို မျက်မြင်တွေ့ခဲ့ရတာပဲ။ အဲ ရန်ကုန်ဟာဒီတခုတော့ဂျုဘေးကိုမလိုက်နိုင်ခဲ့ဘူး။
အာရေဗျ ပျိုဖြူလေးတွေဟာ မျက်နှာဖုံးနဲ့ မိုဘိုင်းဖုန်းနဲ့ မိုဘိုင်းဖုန်းဆလိုက်ကိုတွန်းဖွင့်တဲ့ လက်ချောင်းလေးတွေမှာ တက်တူးရုပ်တွေနဲ့ လက်သည်းခွံတွေဟာ ဆိုးဆေးရောင်စုံနဲ့ပေါ့။ ဂလိုဘယ်လိုက်ဇေးရှင်းပေါ့ဗျာ။ အင်တာနက်ကဖေးဆိုင်တွေနဲ့။ မုတ်ဆိတ်မွှေးထူလဗျစ်နဲ့ အာရပ်လူရွယ်ဟာ နားကပ်တဘက်နဲ့ နားကြပ်ကြီးတပ်လို့ ချက်တင်ဝင်နေတာတွေ့ရပြန်တယ်။ ဂိုဂယ်လိုက်ဇေးရှင်းပေါ့ဗျာ။
တပတ်လောက်ကြာတော့ ကျနော်ပြန်လာခဲ့တယ်။ ဘာရိန်းလေဆိပ်ဟာ သေးသေးလေးပေမဲ့ လေယဉ်အတက်အဆင်းတွေများလွန်းလှတယ်။ ဘားတွေနဲ့ကလပ်တွေ ရာချီပြီး ရှိတဲ့ မနားမား မြို့ကိုဖြတ်ပြီးကားမောင်းလာတော့ တွေ့ရတဲ့မြင်ကွင်းတွေအရဆိုရင် အရှေ့အလယ်ပိုင်းမှာ ကာတာ၊ ဘာရိန်း၊ ယူအေအီးတို့ဟာ ရေနံကိုမှီပြီး ကမ္ဘာကြီးထဲ ခေတ်မှီစွာ ကျင်လည် နေကြပြီဆိုတာပဲ။
လေဆိပ်က ကော်ဖီဆိုင်မှာကော်ဖီတခွက် ကို ဘာရိန်း ၂ ဒီနာ ပေးရတယ်။ ယူအက် ၅ဒေါ်လာနဲနဲကျော်တယ်။ ကျနော်လည်းရန်ကုန်ကလှမ်းပို့ထားတဲ့ မင်းခက်ရဲ ရဲ့မောင်ချောနွယ်လေ့လာချက် စာအုပ်ကိုဆက်မဖတ်ဖြစ်တော့ပဲ အရှေ့အလယ်ပိုင်း နဲ့ စွမ်းအင်နိုင်ငံရေး ပြီးတော့ ပြည်တော်ကြီးအကြောင်းကိုပါတဆက်တည်းစဉ်းစားကြည့်မိတယ်။
တိုက်ဆိုင်တယ်ပြောရမလားပဲ ဒီဇင်ဘာရန်ကုန်ပြန်ဖြစ်တဲ့ ၃ပတ်မှာ သွေးနဲ့ရေနံဆိုတဲ့ အမျိုးသားစာပေဘာသာပြန် ဆုရစာအုပ်ကိုနဲနဲမြည်းခဲ့ရတယ်။ ဒီပြန်ရောက်တော့ ခရစ်စမတ်အပြီး၂၀၁၁ မကူးခင်မှာပဲ ရုရှားမှာ တချိန်က သူ့နိုင်ငံရဲ့အချမ်းသာဆုံးဖြစ်တဲ့ ကိုဒေါ်ကိုစကီ ကို တရားဆက်စွဲပြီး သံတိုင်တွေနောက်မှာ ဆက်ထိန်းထားခဲ့တဲ့သတင်းကိုဖတ်ရတယ်။ ကိုဒေါ်ကိုစကီဟာ ယူကို (Yukos) ရေနံကုမဏီပိုင်ရှင်ပေါ့။ ထုံးစံအတိုင်းအမှုကသားရေပြားလိုဆွဲနိုင်ကျုံ့နိုင်တဲ့ အခွန်တော်ငွေကိစ္စပေါ့။ တရားစွဲခံရတဲ့အတိုင်းသာဆိုရင် သူဟာ ၂၀၁၇အထိပြန်လွတ်ဖို့မရှိဘူး။ သူ့ရှေ့နေရဲ့အပြောအရဆိုရင်တော့ ဒီတရားစီရင်ရေးသာမှန်ရင် ဂက်ဇ်ပရွန် (Gazprom) ရဲ့ချယ်ယာမင် လက်ရှိရုရှားသမ္မတမက်ဗီဒက်လည်း မော်စကိုဆောင်းရာသီကို အချုပ်ခန်းထဲကပဲ ရင်ဆိုင်သွားသင့်တယ်လို့ဆိုတယ်။
သူဟာနိုင်ငံရေးမှာသာဆက်မပတ်သက်တော့ဘူးဆိုရင် သူ့ချမ်းသာမှုနဲ့အပြင်မှာအေးအေးဆေးဆေးနေခွင့်ရမယ်လို့ ကရင်မလင်အရာရှိမင်းများက ကတိပေးထားပြီးသားပါ။ သို့ပေမယ့် ဓါတ်ပုံထဲမှာတော့ ၄၇နှစ်ရှိပြီဖြစ်တဲ့ဒီမိုကရေစီရေး လှုပ်ရှားသူရုရှဘီလီယံနာဟာ သူ့နိုင်ငံရဲ့တရားစီရင်ရေးကို ထီမထင်အကြည့်နဲ့ပြန်ကြည့်နေဆဲပဲ။ အကျဉ်းစခန်းထဲ လက်အိပ်တွေချုပ်ခဲ့ရတဲ့ ကတုံးဆံတောက်ဆံပင်နဲ့ ရုရှားတိုင်ကွန်းရဲ့ပြတ်သားထောင်မတ်နေတဲ့မေးရိုးတွေဟာ ဂျုဒိုခါးပတ်နက် ဗလာဒီမာပူတင်ရဲ့လက်သီး နဲ့ ခြစားနေတဲ့ State Capitalism ကိုစိန်ခေါ်နေဆဲပဲ။
အဲဒီနေ့က အမေရိကားအင်တာနက်ကုမဏီတခုမှာအလုပ်လုပ်နေတဲ့ နှစ်ဆယ့်ငါးနှစ်အရွယ် သားဖြစ်သူဟာ မာကျောသူဖခင် အတွက် နယူးယော့တိုင်းစကွဲယားမှာ တကိုယ်တော်ဆန္ဒပြပွဲလုပ်ခဲ့တယ်။ ပြောရရင် ရုရှားနိုင်ငံရေးနဲ့ နောက်ခံသမိုင်း ဒီအဖြစ်အပျက်တွေရဲ့အမှားအမှန်ကို ကျနော် သိပ်သိလှတာမဟုတ်ပါဘူး။
ကျနော့်အာရုံက ပြည်တော်ကြီးဆီကိုသာပါ။ ကမ္ဘာကြီးထဲမှာ ပါဒတွေ နာရီတွေ ယုံကြည်ချက်တွေကအစိတ်စိတ်အမွှာမွှာဖြစ်ခဲလွန်းသူတွေအတွက် ကျနော်တို့ဟာ ညနေခင်းသတင်းကြည့်သူများသာဖြစ်နေဆဲပဲဆိုတဲ့အသိနဲ့ ရှုပ်ထွေးစွာခံစားရပါတယ်။
၂၀၁၁ နှစ်သစ် အီကွေတာရာသီ မိုးရက်များပါ။
စွမ်းအင်လုံခြုံရေး၊ ဟန်တင်တန်ရဲ့ တတိယလှိုင်းဒီမိုကရေစီအားအလျှော့မှာ ထိုးတက်လာခဲ့တဲ့ ရွေးကောက်ခံအာဏာပိုင်ဝါဒ နဲ့ အနောက်ကစံထားတဲ့ ခေတ်မှီရေး လူ့အခွင့်အရေးဆိုတာတွေဟာ ကလေးတွေဆက်တမ်းကစားတဲ့ ကတ်ထူစက္ကူပြားတွေလို ကျနော့်မျက်စိရှေ့မှာေ၀၀ါးပြီး ၀ိုင်းပတ်ပြေးလွှား နေတော့တာပါပဲ။

KZကေ

မှောင်သောညတွေပြီးရင်တွေ့မယ် ငြိမ်းချမ်းသော တို့ဘ၀တို့ကမ္ဘာ

ကိုတီတူး

ကျနော်တို့ စာချုပ်ကိုလက်မှတ်ထိုးတဲ့လက်ဟာနိုင်ငံကိုဖျက်နေတယ်ဆိုတဲ့
ဘားတော့ဘရက်ကိုမပြောခင် မောင်ချောနွယ်ပြောတဲ့ ပေါင်မုန့်ဖုတ်တဲ့လက်ကပဲစကြရအောင်လား။

၁။
မာ့က်စ် က Man was born to labor လို့ပြောတော့ ကျနော်လည် ဘာမှန်းညာမှန်းမသိ ကော်ပီစာအုပ် ထဲကူးရေးတာပေါ့။ နောက်တော့ ဟိုနဲနဲဒီနဲနဲလေးဖတ်မိတော့မာ့က်စ် ရဲ့အလုပ်သမားလူတန်းစား ကိုညွတ်ချက်ဟာ အကြောင်းမဲ့မဟုတ်မှန်းသိလာတယ်။ သို့သော်ခုကျနော်ပြောမဲ့ ပေါင်မုန့်ဖုတ်တဲ့လက်ဟာ မာ့က်စ်ကိုညွန်းချင်တာလည်းမဟုတ်သလို ကျနော်တို့ခေတ်ရဲ့ ခေတ်ပေါ်ကဗျာဆရာ မောင်ချောနွယ်ကို ကိုးကားဖို့လည်းမဟုတ်ပါဘူး။ ရှင်းပါတယ်၊ လူဆိုတာအလုပ် လုပ်ဖို့တော့လိုတာပ။

၂။
“အေးစက်နေတဲ့တံတားသံလက်ရန်းပေါ်မှာ သူငယ်ချင်းနှစ်ယောက်မတူညီတဲ့ အတွေးနှစ်ခုကိုတွေးနေကြတယ်တဲ့”
ဆရာမြဘာသာပြန်ကဗျာတပုဒ်ထဲက၊ ပေါဗါရီလိန်း ထင်တာပါပဲ။ မသေချာတော့ဘူး။ ထားတော့။
မနက်ခင်းအလင်းမှိန်ပျပျ ဆိုတဲ့စာအုပ်ခင်ဗျားဖွင့်လိုက်တော့ မတူတဲ့အတွေးတွေနဲ့လမ်းပေါ်ရုန်းရင်းဆန်ခတ်သွားနေတဲ့လူတွေကိုတွေ့မှာပါ။
မော်ဒန်လူသားဟာအမှောင်ထဲသူ့ကိုယ်သူလှုပ်နှိုးလိုက်တယ်။ အိပ်ယာထဲက အိပ်မက်နဲ့ မတူနဲ့ နောက်ထပ်
အိပ်မက်တခုကို ကားပေါ်မှာ ရထားပေါ်မှာ သူဆက်မက်လိမ့်မယ်။ တနေ့တာ ရုံးဋ္ဌာနဖွဲ့စည်းအုပ်ချုပ်ပုံ စီမံခန့်ခွဲပုံ တခု ထဲမှာ ကျင်လည်ဖို့ သူ ဟာအိမ်ကို (သို့) သူ့အခန်းလေးကိုစွန့်ပစ်ထွက်ခွာလာခဲ့တယ်။ ဖိအားတွေရှိတဲ့ကော်ပိုရိတ်စီမံခန့်ခွဲမှုယန္တရားထဲသူဟာ ခွေးသွားစိတ်လေးတခုလိုလည်တော့မှာ။
လူသားဟာဒီခေတ်မှာကုန်ကြမ်းတမျိုးပဲ။
ဗျုရိုကရေစီတဲ့။ Bureau ကပြင်သစ်လိုရုံးပဲ၊ မူရင်းမတော့ လက်တင်တွေဘာတွေကလာကောင်းလာမယ်။ ရုံးကနေအုပ်ချုပ်တယ်လို့အလွယ်ပြောကြပါစို့။ ခေတ်မှီတဲ့လူ့ဘ၀ ဆိုတာက ပိုပြီးစံနစ်ကျလာတဲ့၊ နောက်တမျိုးပြောရရင် ခေတ်မှီအုပ်ချုပ်ရေးနည်းစံနစ်တွေနဲ့ ပိုပြီးထိန်းချုပ်ခံလာရတဲ့ လူ့ဘ၀ကိုဆိုလိုလာပုံပါ။ ပြောမယ်ဆို ခုခေတ်ရှိနေတဲ့ အင်စတီကျုးရှင်းအားလုံးက ခင်ဗျားလွတ်လပ်မှုကိုထိန်းချုပ်ထားလိုက်ပါပြီ။ ခင်ဗျားစနေနေ့အိုဗာတိုင်ဆင်းတာ ပိုက်ဆံတခုတည်းကြောင့်တော့မဟုတ်ဘူး။ ပရောဂျက်အချိန်မှီပြီးဖို့ ခင်ဗျားအသက်မွေးဝမ်းကျောင်းအရလူကြီးသဘောကျဖို့၊ ရာထူးတိုးဖို့။ ဒါတွေနဲ့လည်းပတ်သက်ကောင်းပတ်သက်နေပေလိမ့်မယ်။ လုပ်ငန်းခွင်ထက်အောက်ဖိစီးမှုဟာ မော်ဒန်ခေတ်မှာ ပိုများလာတယ်။ ဒါမော်ဒန်ဖြစ်မှုဆိုတော့ ခင်ဗျားတို့ကျနော်တို့ရှောင်လို့မရပေဘူး။

၃။

မတော်လို့အမှုအခင်းများဖြစ်ရင် ခုခေတ်မှာဘယ်သူများကိုယ်ပိုင်လျှောက်လဲကျလို့လဲ။ ရှေ့နေတွေဘာလို့လိုလာသလဲ။ ဥပဒေတွေကပိုရှုပ်ထွေးလာတယ်။ ထောင်တန်းကျဖို့ကိစ္စမပြောနဲ့၊ ဈေးထောင့်မှာကွမ်းယာဆိုင်လေးဖွင့်ဖို့ကိုပဲ မြူနီစပယ်အက်ဥပဒေရှိတယ်။ အခွန်ရှိတယ်။ အဲသည်လိုအသေးအမွှားလေးတွေကစလို့ ခင်ဗျားရဲ့နိုင်ငံသားဆုံးဖြတ်ခွင့်အထိပါယနေ့ခေတ်အုပ်ချုပ်ရေးစံနစ်က လက်တံ ရှည်နေပါတယ်။
တရုတ်ကုန်တွေအခွန်ပိုကောက်မယ်။ မိုနာကိုနိုင်ငံသားဖြစ်ဖို့ ဆွေစဉ်မျိုးဆက် ၄ခု တိတိသေတပန်သက်တဆုံး နေသွားကြောင်းသက်သေပြနိုင်ရမယ်။ သေခါနီးကျမှ ကက်စရိုကဆိုရှယ်လစ်စီးပွားရေးစံနစ် မှားပါတယ်ကိုသောင်းရယ်တဲ့။ ဒါပေမဲ့ ဖလော်ရီဒါကမ်းခြေအိမ်မက်နဲ့ ဂွန်ဇာလက်အမေကတော့ ပင်လယ်ထဲမျောနေတဲ့ စည်ပိုင်းထဲမှာသေသွားခဲ့တယ်။ စတိဂျော့ဟာ အိုင်ဖုန်းကိုဘယ်ဗားရှင်းထိ ထုတ်မယ်မခန့်မှန်းနိုင်တော့ဘူး။
ပြီးရင် ငွေဟာညီမလေးကိုအမှောင်ထဲပို့ခဲ့တယ်ဆိုတဲ့ကဗျာမျိးတွေ ကျနော်မဖတ်ရဲတော့ဘူး။
ဂျော့ရ်ှဘွတ်က အီရတ်ကိုပုံအောပြီးတိုက်ခဲ့တယ်။
ဟန်ဂေရီကိုဆိုဗီယက်တင့်ကားတွေဝင်တော့ ဖအေလုပ်တဲ့သူကပြင်သစ်ကိုပြေးလာတယ်။ အမယ်မင်းငါ့သား၊ ခုမော်ဒယ်ချောလေးလင်တော်မောင်သမ္မတကြီး ဆာကိုဇီက ရိုးမားကမ့်တွေကိုပြင်သစ်မှာနှိပ်ကွပ်နေပြီ။ ဘရပ်ဆဲကမောင်တွေကလူကြားကောင်းအောင်နဲနဲပါးပါးတော့ပြောလာကြတယ်။ ဗမာပြည်ဆိုတာအဝေးကြီး။ ထားတော့။

၎။

အုပ်ချုပ်သူမှာ အုပ်ချုပ်ခွင့်အာဏာရှိတယ်။ သူတို့ မတရားမသုံးစွဲအောင်ဥပဒေနဲ့ကန့်သတ်ဦးတော့ ခါးမှာဗျောက်ချိတ်ထားတဲ့ ရပ်ကွက်ငြိမ်ဝပ်ပိပြားဖို့တာဝန်ရှိသူ အုပ်ချုပ်သူလူငယ်ဟာ ဆယ်ကျော်သက်မလေး သူ့မိုဘိုင်းဖုန်းပေါ်သာယာသလိုမျိုး၊ မာန်တက်သလိုမျိုး၊ မသာရင်တောင်မလျှော့တဲ့စိတ်နဲ့ ဘူတာရုံထဲကင်းလှဲ့နေတာခင်ဗျားတွေ့ဘူးမှာပါ။ ခေတ်မှီနိုင်ငံတွေမှာကိုပဲ အရပ်သားလက်နက်ကိုင်ဆောင်ခွင့်တွေရှိနေတာ ကိုယ်ပိုင်ကာကွယ်ပိုင်ခွင့်ကြောင့်ပဲ။ ကိုယ့်လွတ်လပ်ခွင့်ကိုထိပါးမဲ့ အုပ်ချုပ်သူအပါအ၀င် အခြားသူတွေရန်က ကာကွယ်ဖို့ပါ၊ သေချာစဉ်းစားရင် အသွားနှစ်ဘက်ရှိနေတယ်၊ ခင်ဗျားကိုချုပ်နှောင်ထားတဲ့ဥပဒေဟာခင်ဗျားကိုကာကွယ်ဖို့စဉ်းစားထားသေးတယ်။ တခါတခါတော့လည်းမစဉ်းစားချင်ဘူး။ ခက်တယ်။ ဘီယာဗူးဖွင့်တာထက်တော့အနဲနဲ့အများပိုခက်တာအမှန်ပဲ။

၅။

ညာဏ်အလင်းပွင့်ခေတ်ကစခဲ့တဲ့ ကျိုးကြောင်းဆီလျှော်မှုနဲ့တည်ဆောက်လာခဲ့တဲ့ အဖွဲ့အစည်းတွေနဲ့ ဒီနေ့ကမ္ဘာဟာ လူသားရဲ့လွတ်လပ်မှုနဲ့လုံခြုံမှုကို တချိန်လုံးခြိမ်းခြောက်နေတယ်။ တချိန်လုံးဖိအားပေးနေတယ်။ ခင်ဗျားမှာမနက်ရုံးမမှီမှာကိုစိုးရိမ်ရတယ်၊ ရေခွန်၊ မီတာခွန် မဆောင်ရင်ဒါဏ်ရိုက်ခံရမှာစိုးရိမ်ရတယ်၊ ဖုန်းခပေးဖို့ ၂လလောက် မေ့တာနဲ့လိုင်းကပြတ်ကရောပဲ။ ဒါကိုဟာဘားမားက Instrumental Actions တွေလို့ပြောတယ်။
System လို့ဆိုတယ်။ ခင်ဗျား သားတော်မောင်လေး ဘားရက်တီတူးအေ နဲ့ခင်ဗျားနဲ့ကြားက Lifeworld ကိုထိခိုက်လာတယ်လို့ဆိုတယ်။လူသားရဲ့ဆင်ခြုံတုံတရားဟာ လူသားကိုမော်ဒန်ဖြစ်မှု သံလှောင်ချိုင့်ထဲကိုထဲ့ခဲ့တယ်လို့ မက်စ်ဝက်ဘာကဒါကြောင့်ပြောခဲ့တယ်လို့ ကျနော်နားလည်မိတာပါပဲ။ ဒီတော့ဒါတွေကိုအကုန်မေ့ပြီး နောက်ကြောင်းပြန်လှည့်ကြမှာလား။ ဒီအုပ်ချုပ်ရေးနဲ့ ဗျုရိုကရေစီအထောက်အပံ့တွေမရှိရင် ကော လူ့ဘ၀ဟာ ပြန်ပြီးနေပျော်သွားမလား။ လုံခြုံလာရောလား။ လူသားရဲ့ခေတ်မှီပြီး နေပျော်တဲ့ဘ၀တခုအတွက် လူမှုဖြစ်စဉ် (Social Order)ကို သူတို့စဉ်းစားကြတာ၊ အဲဒါဗျာ၊ ခုကျနော်ပြန်ပြောကြည့်နေတာပါ။


၅.၁။
အဖြေ ကလည်းကောင်းဘွိုင်သာသာပါဗျာ။

ချစ်ခင်စွာဖြင့်
KZကေ

ဘာစီလိုနာညချမ်း ၂၀၁၀ အမ်စတာဒမ်အလွမ်း

ကိုတီတူး။
ဒါနဲ့ပဲ ကျနော်လည်းကျားကိုအင်္ဂလိပ်စာသင်ပေးရအောင်လို့ပြောမိတယ်။
ဒီလိုဆိုတော့ကျနော့်ကိုဆပ်ကပ်ထဲကလူတယောက်လို့ထင်ကြတော့မှာပဲ။
ဆပ်ကပ်ထဲကဆိုလို့ကျနော်ဟာစက်ဝိုင်းထဲမှာကပ်နေတဲ့ အမျိုးသမီးကိုဒါးနဲ့ပေါက်တဲ့လူနဲ့တော့
တူကောင်းတူပေလိမ့်မယ်။ သိတဲ့အတိုင်းကျနော်စာရေးရင်လိုရင်းမရောက်ဘူး။ ပစ်မှတ်ကိုမထိဘူးပြောနိုင်တာပေါ့။ ကွာတာကတော့ဆပ်ကပ်ထဲအဲသလိုများ အကြိုအကြားတွေဒါးစိုက်သွားလို့
ကတော့ (ချိုင်းကြားတို့ ပေါင်ကြားတို့ ကိုပြောချင်တာ) ပရိတ်သတ်ကအားပေးကြတာကလား။
ကျနော်မှာတော့ ခေတ်ကမကောင်းတော့ကိုယ်ပြောချင်တာရဲရဲမပြောရဲတဲ့အကျင့်ကရလာတော့ ဒီလိုပဲ သေကွင်းသေကွက်နဲ့နီးတဲ့နေရာလေးတွေဝေ့၀ိုက်ပစ်တဲ့အကျင့်ကရလာတယ်။ ပိုလန်းစကီးကတော့ ဒါဟာနှင်းခဲလျောစီးသူတွေလိုပဲတဲ့ အနုပညာဆိုတာဒီလိုအလံတိုင်လေးတွေကြားကသွားတတ်ရတယ် လို့ပြောဘူးတယ်လို့မှတ်မိသလိုပဲ။ ကြာပီ ဒီအကြောင်းကျနော်ပြောတာ ဘာကလေမှာဂျာနယ်လစ်ဆမ်သွား တက်တဲ့ ကျနော့်သူငယ်ချင်းနဲ့ ဂွတ်တလစ်နားကအရက်ဆိုင်လေးတဆိုင်မှာ ကြာပီပေါ့။ ကျနော်ဆေးလိပ်မပြတ် သေးဘူး။ မြင်းခြံဘော့တွေခဲနေတုန်း၊ ရန်ကုန်မှာ စင်တင်ဂီတတွေအားကောင်းတုန်း၊ လူတွေပန်းကုံးတွေသောက်သောက်လဲစွပ်တုန်း၊ ကာရာအိုကေဆိုတာ ဘာလဲလို့လူတွေမေးရကောင်းမှန်းတောင် မသိကြသေးဘူးဆိုတဲ့အချိန်တုန်းကပေါ့။ တိုက်ဂါးဘီယာမပေါ်သေးဘူး၊ အေဘီစီလည်းမပေါ်သေးဘူး။ ကျနော်လည်း ကျားကိုအင်္ဂလိပ်လိုတတ်အောင်မသွန်သင်နိုင်သေးဘူးပေါ့။
တကယ်တမ်းကျနော်ပြောချင်တာ ကျားနဲ့ ဘာမှမဆိုင်ဘူးရယ်။ ရေဘ၀ဲဗျ ရေဘ၀ဲ၊ ဒီလောက်ဆိုခင်ဗျားသိသွားပါပြီ။ ကျနော်ဘာပြောတော့မယ်ဆိုတာ။ အေးဗျာ ခက်သားကလား၊ ခုခေတ် မီဒီယာ ဆိုတာက မင်းသမီးလေးသွေးစုနာပေါက်တာကစလို့ အင်္ဂါဂြိုလ်မှာရေတွေ့တဲ့အထိအကုန်သိတာကလား။ ဟုတ်တယ်၊ ဘောလုံးပေါ့ အဲဒီလုံးနေတဲ့ဘောပေါ့ဗျာ။ ခုကျနော်အဲဒီအကြောင်းပြောချင်နေတာပါပဲ။ ခုလိုပညာတတ်တွေ ဂလိုဘယ်လိုက်ဇေးရှင်းလို့အော်နေတဲ့ခေတ်မှာ ကျနော်လိုထူထူပိန်းပိန်းကောင်က တခြားဟာတွေနားမလည်တောင်မှ ကမ္ဘာနဲ့အ၀ှမ်းစိတ်ဝင်စားတဲ့ ဒီဘောပွဲတော့နဲနဲဝင်ရောသင့်တာပေါ့။
တနေ့မှာကျနော်တို့အခန်းထောင့်ကတရုတ်ကကျနော့်ကိုမေးတယ်။ ဘယ်အသင်းကြိုက်သလဲတဲ့။ ကျနော်တောင် ဘာမှပြန်မပြောရသေးဘူးသူက ဂျာမနီနိုင်မှာတဲ့ အော်တိုပတ်စ်က ဂျာမနီကိုရွေးလိုက်တယ်လို့ပြောတယ်။
အဲဒီနေ့က ကွာတားပွဲ၊ ဂျာမနီနဲ့ အာဂျင်တီးနားတွေ့တဲ့နေ့၊ ကျနော့်စိတ်ထဲတော့ ဂျာဂင်ကလင်းစမန်းတို့ ဂျာဂင်ဟာဘားမားတို့ကိုရင်းနှီးနေပေမဲ့ အာဂျင်တိုင်းတွေကိုပဲနိုင်စေချင်တယ်။ မြန်မာတွေက အာဂျင်တိုင်းပရိတ်သတ်များတာကိုး။ ဒိုင်တော့မစားစေချင်ဘူးလေ။ ခက်တာက ဘောပွဲလောင်းတယ်ဆိုတာက ပိုက်ဆံလိုချင်လို့လောင်းကြတာဆိုပေမဲ့ လူတွေက ကိုယ်ကြိုက်တဲ့အသင်းဘက်ကလောင်းကြတာများတယ်။ ဆိုလိုတာကဗျာ နိုင်ဖို့အရေးကြီးတယ် ဆိုတာထက် ကြိုက်တာကိုဦးစားပေးတာကိုး။ အဖြူရောင်လေးဝယ်ရင် ကျောင်းလည်းဝတ်လို့ရတယ်ဆိုပေမဲ့ အနက်ကလေးကြိုက်လို့ဝယ်လာခဲ့တယ်ဆိုတာမျိုးကြားဘူးပါလိမ့်မယ်။ အော်လူတွေ ဆင်ခြင်တုံတရားဆိုတာ နားလည်တယ်ဆိုဦးတော့ လက်တွေ့မှာ ဆုံးဖြတ်ချက် ဆိုတာ Irrational လို့ပြောတော့ ငြင်းရတာခက်တာပေါ့ဗျာ။ ထားတော့ ဘယ်နားရောက်သွားပါလိမ့်၊ ဟုတ်ပြီ အဲဒီနေ့ကကျနော်သူငယ်ချင်းတယောက်အိမ်သွားပြီးဘောပွဲကြည့်ဖြစ်တယ်၊ ဂျာမန်တွေဗျာ လေးဂိုးတောင် သွင်းလိုက်တာ ကျနော့်မှာ မက်ဆီလေးနဲ့ ၀တ်လစ်စလစ်နဲ့ ဗျုနိုအေရီလမ်းတွေပေါ်ပြေးမယ်ဆိုတဲ့ သူ့ဆရာ မာရာဒိုနာတို့ကို သနားသလိုတောင်ဖြစ်မိတယ်။ နောက်တော့လည်းမနိုင်တော့ရှုံးမှာပေါ့လေ ဒီကောင်တွေ ငါ့စပင်းနစ်တွေနဲ့တွေ့ကြတာပေါ့လို့တေးထားမိတယ်။ အဲဒီမှာဇတ်လမ်းကစတာပဲ။ အင်္ဂလန်ကိုလေးဂိုး တဂိုး၊ အဂျင်တီးနားကို လေးဂိုးပြတ်သွင်းလာတဲ့ ဂျာမန်တွေကို အားလုံးကချန်ပီယံလို့သတ်မှတ်လိုက်ကြပီပဲ။
ဒီမှာကျနော်နဲ့ဘောလုံးပွဲတွေအကြောင်းနဲနဲတော့ပြောရတော့မှာပဲ။ ကျနော်ဘောလုံးပွဲစကြည့်တော့နယ်မှာ။ ၈၈ အရေးအခင်းဖြစ်ပြီးနောက်ပိုင်းကျောင်းတွေပိတ်ထားချိန်ပေါ့။ ကျနော်လည်းလက်ဘက်ရည်ဆိုင်ကို နေ့မီးညမီးထိုင်နေတဲ့အချိန်ပေါ့။ တီဗွီရှိတဲ့သူငယ်ချင်းကစနေတနင်္ဂနွေတွေမှာ ဘောပွဲ ကြည့်ဖို့လာလာခေါ်တယ်
အလန်ရှီးယား ဘလက်ဘန်းမှာကန်နေတဲ့အချိန်ပေါ့။ ဒါပေမဲ့စာဆောင်တွေအရ ကျနော်စကြိုက်တဲ့ဘောသမား တွေက ဒတ်ခ်ျတွေပဲ အေစီမီလန်ရောက်ဟော်လန်ရဲသုံးဘော်ပဲ။ ဗာစတင်၊ ဂူးလစ်၊ ဘားကမ့် တို့သုံးယောက်ပေါ့။
အဲဒီကနေကျနော်ဘောပွဲတွေနဲနဲသတိထားမိတာမှာ ကျောင်းပြန်တက်တော့ ရန်ကုန်ကို တောင်ကိုးရီးယားက ပေါ့စကိုအတမ်ဆိုတဲ့အသင်းတသင်းလာတယ်။ စီဆောင်မှာပြတဲ့မြန်မာ့လက်ရွေးစင်အသင်းနဲ့ကန်တဲ့ပွဲ ဒီမှာတင် ကျနော်နားလည်ထားတဲ့ဘောလုံး ကစားနည်းဟာပြောင်းသွားပြီလို့ခံစားမိတော့တယ်။ ကျနော်ဟာဘောလုံးပွဲကို ပြည်တွင်းတိုင်းနဲ့ပြည်နယ် ပွဲတွေ ရေဒီယိုကကြော်ညာတဲ့ ခေတ်ကစလို့ ကျနော်တို့နယ်သားတယောက်က အကောက်ခွန်မှာညွှန်မှုးဖြစ်တဲ့အချိန် အကောက်ခွန်က မြန်မာပြည် အကောင်းဆုံးဘောသမားတွေ တောကွင်းမှာလားကစားတာတွေကို ကလေးဘ၀ကတည်းကကြည့်ခဲ့ဘူးပါတယ်။
နောက်တော့ မျိုးလှိုင်ဝင်း နဲ့ ကျနော်တို့ကျောင်းတော်သား သန်းတိုးအောင်တို့ဟာ ဆီဂိမ်းမှာ ဒုတိယ ရလာခဲ့တဲ့အချိန်မှာ ဟော်လန်မှာ အက်ဂါဒေးဗစ်တို့ ဆီးဒေါ့တို့ နောက်တန်းမှာ ဘိုဝါးအမွှာညီအကိုတို့ ခေတ်ကိုရောက်လာတယ်၊ အေဂျက်အမ်စတာဒမ်ဟာ ဥရောပရဲ့အကောင်းဆုံး ချန်ပီယံလိဂ်ဖလားကို သုံးကြိမ်ဆက်ရခဲ့တယ်လို့ထင်တယ်။ ကျနော် အမ်စတာဒမ်ကိုကြိုက်ပါတယ်။ မြို့ဟာတူးမြောင်းတွေနဲ့လှတယ်။ လှေအဟောင်းတွေကိုစားသောက်ဆိုင်ပြန်လုပ်ထားတာ၊ မြို့လယ်ညဘက်လမ်းကြားတွေမှာဆေးခြောက်တရားဝင်သုံးခွင့်ရတာ၊ ရော့တာဒမ်ကလေရဟတ်တွေ။ ဒတ်ခ်ျတွေဟာစည်းကမ်းရှိတယ်၊ ဥါဏ်ကောင်းတယ်။အင်္ဂလိပ်စကားပြောကောင်းတယ်ဆိုပေမဲ့ စီးပွားရေးမဟာဘွဲ့ရ အာဆင်ဝင်းဂါးရဲ့အာဆင်နယ် အသင်းမှာခြေစွမ်းပြတတ်တဲ့ ဗန်ပါစီလောက်နဲ့ ဘန်ဘရွန်ခရော့စ် လောက်နဲ့ ဂျာမန်တွေကိုဘောလုံးအဖျက်နဲ့ စင်တာပတ်စ်တွေသင်တန်းပေးခဲ့တဲ့ စပိန်တွေကိုဘယ်လိုနိုင်အောင်ကန်မှာလဲ။ အထိန်း အဖျက် ဘောလုံးဖြန့်ဝေမှု အစစမှာ စပိန်ဟာ ဂျိုဟန်ခရိုက်ရဲ့ သားမြေးတွေကို သာပါတယ်။
ကျနော်ဟာအကြိုက်အရ နိုင်ငံအသင်းမှာ စပိန်၊ ကလပ်အသင်းမှာ မန်ယူပါ။ တကယ်တော့ မေးရိုးတွေထောင်အောင် ဟစ်အော်ပြီးအသင်းကိုမောင်းတဲ့ ကွင်းလယ်မှာဘောလုံးဖြန့်ဝေမှုကောင်းတဲ့ ရိုးရိုးရှင်းရှင်းနဲ့ ဘောလုံးပိုင်ဆိုင်မှုများအောင်ကစားတဲ့ မန်ယူရဲ့ ကပ္ပတိန်ဟောင်း အိုင်းရစ်သူပုန် ရိုင်းကိန်း၊ ကျနော်အကြိုက်ဆုံး ဘောသမားတွေထဲကတယောက်ကို ခုဘာစီလိုနာနဲ့ စပိန် ကွင်းလယ်ဖန်တီးရှင်ဇာဗီ ဟာ ရှေ့တက်ဂိုးသွင်းတတ်တာနဲ့ အသင်းမောင်းနှင်အားကလွဲလို့ကျန်တဲ့နေရာတွေအားလုံးမှာသာပါတယ်။ ဂျိုဟန်ခရိုက် နည်းပြလုပ်ဖူးတဲ့ ဘာစီလိုနာအသင်း။ အဲဒီအသင်းသား ခြောက်ယောက် လိုင်းနပ်အပြည့်ကစားနေတဲ့ စပိန်ကို တိုတယ်ဖွတ်ဘောနဲ့ ဟော်လန်ကအနိုင်ယူမယ်ပြောရင်တော့ မြေးကလေးဆုံးလို့ပူဆွေးနေတဲ့ တောင်အာဖရိကရဲ့ဖခင်ကြီး မန်ဒဲလားကပြုံးပါလိမ့်မယ်။
တခုပဲ ခုနယ်သာလန် ဘရာဇီးကိုကစားသွားတာဟာ ခေတ်အဆက်ဆက် သူ့နောင်တော်တွေကစားခဲ့တဲ့ ဘောလုံးရသအပြည့်ပေးခဲ့တဲ့ ဟော်လန်တွေရဲ့ညက်ညောတဲ့ကစားဟန်မဟုတ်ပါဘူး။ ခုအင်္ဂလိပ်ကလပ် ချန်ပီယံချယ်ဆီးကိုနည်းပြခဲ့ဘူးတဲ့ ရုဂူးလစ်ဟာ တခါက ပွဲစဉ်အရကွာတားမှာဘရာဇီးနဲ့တွေ့ဖို့ရှိနေတယ်။ နည်းပြနဲ့ကြိုညှိရာမှာ ဟော်လန်စတိုင်အပွင့်တိုက်စစ်နဲ့ကစားခွင့်မရဘူးဆိုတဲ့ နည်းစံနစ်ပိုင်းဆိုင်ရာ ငြင်းခုန်မှုတခုကြောင့် ကမ္ဘာ့ဖလားပွဲကိုငြင်းဆန်ခဲ့တယ်။ ခုရှေ့တန်းကရော်ဘင် အလယ်ကနာမည်ရနေတဲ့ ဆရာလေး (ကျနော်နံမည်မေ့နေတယ်) လောက်နဲ့တော့ လီဗာပူးဂိုးသွင်းဘုရင်တောရက်နဲ့ ဂိုးသွင်းစက် ဗီလာ တို့ အသက်နှစ်ဆယ့်တစ်နှစ်နဲ့ အာဆင်နယ်အသင်းခေါင်းဆောင်လက်ပတ်နဲ့ ဖာဘရီဂတ်စ်တို့ ကွင်းလယ်က ဇာဗီနဲ့ အင်နီအက်စ်ထရာတို့ ဘာစီလိုနာ ကပ္ပတိန် နောက်တန်းခံစစ်မှုး၊ ပူရိုးတို့ပါတဲ့ စပိန်ကိုဘယ်လိုနိုင်အောင်ကန်မှာလဲ။
တခုပဲ နောက်ဆုံးပြောစရာ တခုပဲ။ နောက်ညာအစွန်ကရာမို့စ်ဟာရှေ့တန်းတိုက်စစ်ထိပါတယ် ကွင်းလယ်မှာအဖျက်ကစားတယ် ကျွံလာတဲ့ညာနောက်ခံလူကိုထိမ်းကျောင်းတယ်။ အားနဲချက်၂ခုဖြစ်လာနိုင်တယ်။ ဟော်လန် ခံစစ်ကကောင်တာပေးရင် သူနေရာမှန်ပြန်ရောက်မလား နဲ့ သူ့အဖျက်ကကြမ်းတော့ နီသွားနိုင်တာတခုရှိတယ်။ ဒီအဆင့်မှာ ၁၀ယောက် ၁၁ယောက်ကစားပြီဆိုရင် နိုင်ဖို့မစဉ်းစားပါနဲ့။ ပြီးတော့ တည်ဘောတွေ။ ထောင့်ကန်ဘောနဲ့ ပြစ်ဒါဏ်ဘောတွေကနေဘယ်လိုဂိုးရမလည်း ခုဟော်လန်အသင်းနည်းပြရဲ့အတွေးဟာ ဒီနှစ်ချက်ပေါ်မှာရှိနိုင်ပါတယ်။ ပင်နယ်တီမှာတော့ ရော်နယ်ဒို၊ ဇီဒန်း၊ ဘက်ခမ်း၊ ဖီဂို တို့တပြိုင်နက်ကစားတဲ့ ရီးရဲမက်ဒရစ် ဂိုးပေါက်ကိုစောင့်ကြပ်သူ စပိန်ခေါင်းဆောင် ကားဆီးလတ်နဲ့ နယ်သာလန်ဂိုးသမား ကွာပါတယ် (နယ်သာလန်ကို မန်ယူဂိုး သမားဖမ်းနေတာတော့မတွေ့မိဘူး) ။ ပြောရရင်နှစ်ဘက်စလုံးဟာ မိနစ်ကိုးဆယ်အတွင်း အပြတ်ဖြတ်ကြမဲ့ နည်းပရိယါယ်တွေရှိနေပါလိမ့်မယ်။ Little India က ကြက်တူရွေးက ဟော်လန်တွေကို ရွေးတယ်ဆိုဦးတော့ ကျနော်ကတော့စပိန်ပါပဲ။ အားကစားဟာမော်ဒန်အရင်းရှင်ခေတ်က လူတန်းစားလွတ်မြောက်မှု တွေကိုလမ်းကြောင်းလွှဲဖို့ အစိုးရတွေကစံနစ်တကျဖန်တီးလိုက်တာလို့ ဖရင့်ဖတ်ဂိုဏ်းသား ဂျာမန်တွေးခေါ်ရှင်တွေကသုံးသပ်ခဲ့ပါတယ်။ ဖြစ်နိုင်ခြေရှိတယ်လို့ ပြောရုံကလွဲလို့ ခုကမ္ဘာ့ဖလားရဲ့သြဇာကိုကျနော်လည်းအလုံးစုံမလွန်ဆန်နိုင်ပါဘူး။ မက်စ်ဝက်ဘာပြောတဲ့ မော်ဒန်သံလှောင်အိမ်ထဲ တနလာင်္နေ့မနက်စောစောမှာ ကျနော်တော့ခေါင်းထိုးဝင်ရပေဦးမယ်။ မြန်မာ့အားကစားဟာ ကမ္ဘာကိုမီးလာရင် ချောင်းကြည့်နေရတုန်းပါပဲ။ နိုင်ငံစုံအရင်းရှင်ခေတ်၊ အားကစားဟာဒီနေ့ခေတ်ရဲ့ ဖျော်ဖြေမှုတခုဖြစ်လာပုံကအစ၊ နိုင်ငံတကာမှာကျနော်တို့လူမျိုးတွေရဲ့ အမျိုးသားရေးမာန်မာန နိမ့်ကျလာပုံအလယ်၊ အစရှာမရသေးတဲ့ နိုင်ငံပြန်လည် တည်ဆောက်ပုံ အဆုံး၊ ကျနော်ဟာ ဂျုရောင်းအနောက်ကိုဝင်လာတဲ့ နေရောင်ကိုကြည့်ရင်း ခဲရောင်နောက်နောက်တရုတ်ကော်ဖီကိုသောက်ရင်း ဘောလုံးပွဲတွေပြီးသွားမဲ့ ၂၀၁၀ ရဲ့အနောက်ဘက် ရန်ကုန်မြင်ကွင်း ကိုမျှော်ကြည့်နေခဲ့မိတာပါပဲ။

ချစ်ခင်စွာဖြင့်
KZကေ

ပိုမို ဟာဝေးနေသေးလား

ကိုမူ

ခင်ဗျားနဲ့မတွေ့ဖြစ်တာတောင်ကြာပြီ။
နေထိုင်ကောင်းတယ်မလား။ ကျနော်လည်း မတ်လနေရောင်မှာငေါင်တောင်တောင်နဲ့ပါ။
ခင်ဗျားလည်းကြားမှာပါ။ ရွေးကောက်ပွဲဥပဒေတွေထုတ်လိုက်တာကို။
တကယ်တမ်းကျနော်စာရေးဖို့ကချိန်နေတာကြာလှပေါ့။ အညာဘက်သွားပြီးပြန်လာကတည်းကရေးချင်တာ။
ပြီးတော့လည်းမေ့မေ့ပျောက်ပျောက်ပေါ့ဗျာ။
ခုဒီဥပဒေတွေထွက်လာတော့ ခရီးသွားတုန်းကကြုံလို့စကားပြောဖြစ်ခဲ့တာတွေသတိပြန်ရလာပြီး
စိတ်ကောင်းဝင်နေတာလေးမပျောက်ခင်စာရေးလိုက်ရတာပဲ။
ဒီလိုဗျ၊ ကျနော်နယ်ရောက်တုန်း ဒေသခံလူငယ်တချို့နဲ့စကားပြောဖြစ်ခဲ့တယ်။
ဘယ်ပုံဘယ်လိုဆက်စပ်တဲ့အကြောင်းသာပြောရရင် တရုတ်သိုင်းဝထ္ထုတွေလို အခန်းဆက်ဖြစ်မှာမို့လိုရင်းကိုပဲပြောတော့မယ်။
ခင်ဗျားနဲ့ဆွေးနွေးတဲ့ ပို့စ်မော်ဒန်အကြောင်းတွေအဓိကပြောဖြစ်ကြတယ်။
သူတို့လည်းစာဖတ်နှံ့စပ်ကြပုံပဲ၊ ပို့စ်မော်ဒန်ဂုရုကြီးတွေအကြောင်းနဲ့သူတို့အယူအဆတွေ
ထပ်သိချင်ကြသေးတယ်လို့ပြောတယ်ဗျာ။
ကျနော်လည်းကိုယ်မတတ်နိုင်တဲ့ကိစ္စမို့ ခင်ဗျားနဲ့ဖုန်းရရင်ဒီအကြောင်းပြောပြမယ်လို့ပြောခဲ့တယ်။
ကျနော်သိထားတာက ခင်ဗျားကဒီပုိ့စ်တွေပြီးရင် Postmodern Politics အကြောင်းကူးချင်နေတာမဟုတ်လား။
ဒီမယ် တယောက်ကဘာထောက်သလဲဆိုတော့ ပို့စ်မော်ဒန်ပိုလက်တစ်စ်ကနဲနဲလှမ်းနေပါသေးတယ်တဲ့
ကျနော်တို့နဲ့အနီးစပ်ဆုံး လက်ရှိကိုယ့်နိုင်ငံအခြေအနေတွေနဲ့ဟပ်မဲ့ဟာလေးတွေ ခင်ဗျားနဲ့ဆွေးနွေးပြီးပြန်ရေးပါလားဆိုတယ်။
ကျနော်လည်း ကောင်းလှပါပြီလို့တော့ပြောခဲ့မိတယ်။
ခင်ဗျားအားရင်တရက်လောက်တော့တွေ့ကြရအောင်လေ။

ခင်မင်စွာ
ကိုလူ

KZကေ

ဇေ၀၀ါရီ။နှစ်ဆယ်တစ်ဆယ်

ကိုတီတူး
ယိုးဒယားမှာတနှစ်ကြာ
ပြီး ခရီးယာယီများ များပြီးနောက် တရက်မှာ
ယာယီတိုက်ခန်းကျဉ်းလေးထဲကထွက်တော့
ဓါတ်လှေခါးကျဉ်းထဲမှာ မျက်ပေါက်ကျဉ်းကျဉ်းနဲ့
တရုတ်မလေးတွေတွေ့တော့မှ အော်ခင်ဗျားမပျော်ဘူးပြောလေ့ရှိတဲ့
စင်ကာပူကိုပြန်ရောက်ပါပေါ့လားလို့ဇဝေဇ၀ါနဲ့ပဲ သေချာမိရတယ်
ပျော်တယ်ဆိုတာဆုံးဖြတ်ချက်တမျိုးလို့ဘယ်နေရာမှာမှန်းမသိကျနော်ဖတ်ခဲ့ဘူးလေတော့
ခင်ဗျားမှာဆုံးဖြတ်ရခက်တာတွေရှိနေလို့ပဲလို့အလွယ်ပြောလိုက်ရင် ကိုယ့်ဆရာဘာပြန်ပြောမလဲ
သိချင်သလိုဖြစ်လာမိသေးတယ်။
ဒီလကကျနော့်ဘလော့တနှစ်ပြည့်လေတော့ ကျနော်လည်းကိုယ့်ပို့စ်တွေနဲနဲပါးပါးပြန်ဖတ်ရင်း
စိစစ်သုံးသပ်ကြည့်ချင်စိတ်ပေါ်လာတယ်။
ခင်ဗျားပြောသလိုလူမဖတ်တဲ့ဘလော့တွေရေးနေမဲ့အစား
ကိုယ့်အတွက်ကျန်အောင်ဂျုတီဖရီးက၀ယ်လာတဲ့ယမကာလေးမှီဝဲနေတာကပိုကောင်းမယ်ဆိုတာ
သဘောမတူပေမဲ့ ခုတော့အဲသည်လိုပဲလုပ်ရကောင်းမလား ယောင်နနစဉ်းစားရင်းဒီစာကိုရေးလိုက်ပါတယ်။
လောလောဆယ်တော့ကျနော့်ဘလော့ကိုနဲနဲမွမ်းမံကြည့်ပါဦးမယ်။
အကြံပေးချင်တာတွေရှိရင်လည်း အားမနာတမ်းပြောပါ။
နေဖို့အိမ်ရှာရင်းစာရေးဖို့ကီသွင်းနေပါတယ်။ ပြီးတော့တွေ့ကြတာပေါ့။

KZကေ
ps. recent comments.. တွေဘယ်လိုထဲ့သလည်း အစရှိတာတွေပြောစမ်းပါဦးဗျာ။

ပြီးခဲ့တလတာအကျဉ်းချုပ်

ကိုတီတူး
စက်တင်ဘာအမှောင်မှာကျနော်ပုန်းနေတာ
မိတ်ဆွေကြီးဆရာဘိုကတော့မင်းဘာသာစိတ်ကူးတွေမပွင့်လန်းတိုင်း
အနက်ရောင်စက်တင်ဘာတွေဘာတွေမလုပ်ပါနဲ့လို့ဆိုသဗျ
ဘယ်ဆိုးမလဲ သူလည်းသူ့စကားအရကျနော့်ဘလော့စောင့်ဖတ်သူပေါ့
ဒါကအရေးမကြီးပါဘူး
ဆိုတော့ဘာကအရေးကြီးမတဲ့တုန်း
ဒီလိုဗျ သူပြောတာလည်းမမှားဘူး
အနုပညာ(ဒီလိုပဲခန့်ခန့်ထည်ထည်သုံးခွင့်ပြုပါ)တခုဖန်တီးဖို့
ကျနော့်အတွက်တော့ အနဲလေး ကျနော်တယောက်တည်းအတွက်တော့
ထူးသယောင်စိတ်အခြေအနေတရပ်တော့လိုတယ်
ထူးမှခြားနားဆိုတာမျိုးနဲ့လည်းမရောနဲ့ပေါ့လေ
လောဘစိတ်ကင်းတဲ့လိုချင်မှုတခု
ကျနော်လည်းမပြောတတ်ဘူး ဘာသာစကားကဗျာဆရာတွေအားတက်အောင်ပြောရရင်
ဘာသာစကားနဲ့ရှင်းပြရန်ခက်ခဲတဲ့စိတ်ခံစားမှုတရပ်ပေါ့ဗျာ
ရှေးဆရာတွေပြောခဲ့တဲ့ အင်စပက်ရေးရှင်းလိုဟာမျိုးဖြစ်မှာပေါ့
အဲဒါကျနော့်ဆီမှာ စက်တင်ဘာတလလုံးချို့တဲ့နေခဲ့တာ
ဒါနဲ့ မနေ့က ဘရင်းကြက်ပေါင်းရေသောက်ကြည့်တယ်
ညှီစို့စို့နဲ့ ဘယ်လိုဟာပါလိမ့်ပေါ့
ပြောရရင် ပက်ပက်စက်စက်ပြောရရင် မကောင်းဘူး
မကောင်းရင်မပြောနဲ့ပေါ့ဗျာ ဆိုရင်ဖြင့်
ဘေးကင်းရန်ရှင်း သွေးတိုးရောဂါသိကောင်းစရာတို့ဘာတို့ပဲရေးရတော့မှာပဲ
စကားမစပ် ခင်ဗျားကရပ်မင်ကြီးလည်း အိမ်ဖြူကိုမျက်စောင်းထိုးခဲ့ဆိုပဲ
အနဲဆုံး ဖက်ငှက်ကထ (FED) လောက်တော့မှန်းကောင်းမှန်းခဲ့ပေမပေါ့
ကျနော်ဟာ အမြဲမကြေနပ်နေတဲ့သူပုန် တယောက်ပါဗျာ ဆိုတဲ့
သူ့အပြောလေး ခင်ဗျားသဘောကျနိုင်တာပ
ထပ်ပြီးစကားမစပ်ရရင် ပိုလန်းစကီးကို ဆွစ်ရောက်တုန်းဖမ်းလိုက်တယ်
မန်ယူမှာအရင်ကစားသွားတဲ့ ပိုလန်းစကီးလားလို့မမေးနဲ့ပေါ့လေ
ဘားလမ်းထိပ်မှာ နားကွင်းတဘက်နဲ့ နောက်နှစ်ရာသီအစမှာ
အိုဘားမားကို စံချိန်တင်ပြောင်းရွှေ့ကြေးပေးပြီး
ရန်ကုန်ယူနိုက်တက်ကိုခေါ်မယ်ဆိုတဲ့ ခေတ်လူငယ်လေးလိုတော့ မမေးနဲ့ပေါ့လေ
အနုပညာဟာ အမြဲတန်းအာဏာရှင်ဆန်ခဲ့တာ ဆိုတဲ့သူ့အပြောတော့
ခုထိကျနော်ချေဖျက်ရခက်တုန်းပဲ
ပီယာနိုထဲမှာ လူပြုတ်ကျတဲ့အသံသူရိုက်လိုက်တာ
ကျနော့်မှာကတုန်ကယင်တွေဘာတွေဖြစ်လို့
ကျနော်ခုနေတဲ့အိမ်က ကေဘယ်လိုင်းကိုရုံးကခုထိပိုက်ဆံသွင်းပုံမရဘူး
ဘာချယ်နယ်မှကြည့်မရဘူး
မဟာတရုတ်ပြည်ကြီးနှစ်၆၀ပြည့်ပွဲလွဲသပေါ့
တမျိုးကောင်းတာပေါ့ cnn တို့ bbc တို့လည်းဘာထူးလို့လည်း
ရေကြီးတယ် လေတိုက်တယ် လောက်ပါပဲ
အီရတ်မှာဗုံးကွဲတယ် အာဖဂန်မှာ လည်းဗုံးကွဲတယ်
အီရန် ညူကလီးယားက ဘာဘာညာညာ ဒါတွေပါပဲ
ကဒါဖီက ကိုလံဘီယာ (ဗင်နီဇွဲလားထင်တယ်) သွားတယ် အားအားယားယားဗျာ
အိမ်ရှင်ကောင်ကလည်း အမျိုးသားရေးဒါဒီလိုလို
လက်ဝဲသစ်လိုလို ဘာလိုလို ဆန်သစ်ဆန်ဟောင်းလောက်တော့
ကျနော်တို့နဲ့မနီးစပ်တာအမှန်ပဲ
ဂျာမန်မှာ ဟိုအမျိုးသမီးကရွေးကောက်ပွဲနိုင်ပြန်တယ်
ဒါနဲ့ပဲ ကျနော်ရေးခဲ့တဲ့ ချက်ပွိုင့်ချာလီကိုသတိရပြန်ရော
ဒီလထဲမတော့
ဆက်ဆံရေးနဲ့ ဘာတွေကစားဦးမလဲမသိ
ဆက်သွယ်ရေးတွေကောင်းဖုိ့လိုတယ်ဗျာ အိမ်ကိုဖုန်းဆက်ရခက်လို့
ပြောရင်လည်းခက်ဦးတော့မှာ
သွေးတိုးရောဂါသိကောင်းစရာဆိုဘေးကင်းရန်ရှင်း
ခင်ဗျားရဲ့အပျော်တမ်းသမားကျနော်ရေးမှာပါ
ခနစောင့်

KZကေ

မီးများလင်းလျှင်

သဲသာသောင်မြေ မြစ်ကမ်းခြေလည်း
အကြေတပြင် တို့အောက်ခွင်ဝယ်
ရေလျှင်ပတ်ဝန်း ပျော်ဖွယ်ထွန်းလိမ့်............

သားသားကြီးနဲ့သမီးလေး
ဖေဖေစာရေးလိုက်ပါတယ်
နေကောင်းကြတယ်မလား ပြီးခဲ့တဲ့အပတ်ကတယ်လီဖုန်းပြောပြီးတော့
သားနဲ့သမီးကို ဖေဖေနေ့တိုင်းလိုသတိရမိတယ်
ပထမဆုံးစပြီးပြင်းပြင်းထန်ထန်သတိရမိတာက မနှစ်က သီတင်းကျွတ်ရက်တွေမှာပေါ့
အဲဒီရက်ကဖေဖေ အလုပ်ပိတ်ရက်ပေမဲ့ အလုပ်များနေတာနဲ့သွားရတယ်
ဝပ်ရှော့ထဲမှာ နော်ဝေက offshore platform တခုအတွက်လက်ခံထားတဲ့
utility skids တွေကအပ်ရမဲ့ရက်သိပ်နီးနေတာကိုး
သံကြမ်းခင်းတွေ ဖရိန်တွေ လက်ရမ်းတွေ ပိုက်တွေ tank တွေ
ဂဟေဆရာတွေက မီးတ၀င်းဝင်းနဲ့ သံသားကိုပျော့ပြောင်းအောင်စီးနင်းကြတာတွေ့တော့မှ
အော်မြန်မာပြည်မှာဒီနေ့သီတင်းကျွတ်လပြည့်ပဲလို့သတိရဖို့ဖြစ်လာရတယ်
ပန်းထွက်လာတဲ့မီးတွေဟာ သားတို့ဆော့တဲ့ မီးပန်းတွေလိုပေါ့
ဖေဖေက အလုပ်ထဲမှာ မေမေကမီးဖိုထဲမှာ သားသားနဲ့ သမီးတို့ကခြံရှေ့ကလမ်းပေါ်မှာ
ဖိုးဖိုးနဲ့ဖွားဖွားက ဘုရားခန်းထဲမှာ ထွန်းထားတဲ့မီးတွေ ညှိထားတဲ့မီးတွေ
အော်လူသားဟာ မီးကိုလိုသလိုစီမံရင်း လောင်းကျွမ်းနေတာပါလားလို့ ဖေဖေ တွေးဖို့ဖြစ်လာခဲ့တယ်
လောင်ကျွမ်းမှုတိုင်းမှာ အလင်းရောင်နဲ့ ပူလောင်မှုရှိတယ် သားနဲ့သမီး
ကိုယ့်ကိုယ်ပိုင်ဘ၀ကိုမီးရှူးမီးပန်းလိုသဘောထားပြီး
သူတပါးအတွက် အလင်းဓတ်နဲ့နွေးထွေးမှုကိုပေးတဲ့သူရဲကောင်းတွေ
ကမ္ဘာမြေပေါ်မှာရှိနေကြတယ်
သားနဲ့သမီးတို့ခုနေတော့မီးနဲ့ဆော့သူ နောင်မှာမီးကိုယဉ်ကျေးအောင်သွန်သင်သူ
ပြီးတော့ မီးကိုအများအတွက်ထွန်းညှိသူတွေ ဖြစ်လာနိုင်ပါစေလို့
ဖေဖေဆုတောင်းပေးလိုက်ပါတယ်

မီရှိရှိလျှင် သီရိကျက်သရေ
တက်ဖြိုးဝေသား အောင်မြေကြော့ကြော့
ဘုန်းမော့မော့နှင့်.............


KZကေ