ပြာခြွေခွက်။ ၅။ အနက်ကောက်ယူအားပြိုင်ပွဲ

၅။ အနက်ကောက်ယူအားပြိုင်ပွဲ
စတီဖင်ဝိန်းဘတ် (Steven Weinberg)က နယူးယော့ စာအုပ်ရီဗျုးမှာ ခန်းနဲ့သူ့ပါရာဒိုင်းအရွေ့အကြောင်းကို ခြေခြေမြစ်မြစ်ရေးခဲ့ပြီးပါပြီ။ နိုဗယ်ဆုရရူပဗေဒပညာရှင်ဟာ ခန်းယူဆထားတဲ့သိပ္ပံပညာနဲ့ တကယ့်လက်တွေ့ သိပ္ပံပညာကြားကကွာခြားချက်ကိုထုတ်ပြခဲ့ပါတယ်။ ခန်းရဲ့သီအိုရီတွေဟာ သူနားလည်ထားတဲ့သိပ္ပံပညာနဲ့ကိုက် ညီမှုမရှိဘူးလို့လည်းဆိုခဲ့တယ်။ ခန်းရဲ့နောက်ပိုင်းအရေးအသားတွေဟာ သိပ္ပံပညာနဲ့ပတ်သက်လို့ ပြီးမြောက်အောင်မြင်မှုရခဲ့တာတွေအပေါ် သံသယပါတဲ့ကောက်ချက်တွေပဲ။ ဒီကောက်ချက်တွေဟာ ခန်းကို သိပ္ပံပညာရဲ့သိမြင်နားလည်မှုကို ဓမ္မဒိဋ္ဌာန်ကျမှုနဲ့မမြင်ပဲ လူမှုတည်ဆောက်မှုအနေနဲ့မြင်တဲ့ အတွေးအခေါ်ပညာရှင်၊ သမိုင်းပညာရှင်၊ လူမှုဗေဒပညာရှင်တွေကြားမှာ သူရဲကောင်းဖြစ်စေခဲ့တယ်။ ၀ိန်းဘတ်က ဒါတွေကို ဖတ်ရမြင်ရတာ စိတ်အနှေင့်အယှက်ဖြစ်ရတယ်လို့ဆိုတယ်။ သိပ္ပံဆိုင်ရာသီအိုရီတွေကို လူမှုတည်ဆောက်မှုနဲ့ရောမြင်တာဟာ ဒီမိုကရေစီနဲ့ဘေ့စ်ဘော ဘာမှမကွဲပြားသလိုပဲ လို့လည်းဆိုတယ်။
တိုးတက်မှုနဲ့ပါတ်သက်လို့လည်းသူဟာ ခန်းအယူအဆကိုသဘောမတွေ့ပြန်ဘူး။ ခန်းကပြောတယ်။ သီအိုရီတွေဟာ သိပ္ပံနည်းပညာတော်လှန်ရေးတခုပြီးမှဖွံ့ဖြိုးလာတယ်ဆိုတာကလည်းအဓိပ္ပါယ်မရှိဘူးတဲ့။ ဒါကဘာကိုပြောတာနဲ့တူနေသလဲဆိုတော့ ဒီနည်းပညာတော်လှန်ရေးတခုမဖြစ်ခင်မှာကိုပဲသိရမဲ့ဟာတွေက သိထားပြီးသလိုဖြစ်နေတယ်လို့ဆိုတယ်။ ၁၉၉၂ က သူ ဟားဗတ်မှာပေးတဲ့လက်ချာတခုအရဆိုရင် သိပ္ပံသီအိုရီတခုဟာ အမှန်တရားနဲ့နီးကပ်လာတယ်ဆိုတာ ဘာကိုဆိုလိုတယ် လို့ပြောရမှန်းမသိဘူးလို့တောင် သူမှတ်ချက်ပေးခဲ့တယ်။
ဒါတောင် ၀ိန်းဘတ်မပြောခဲ့တာတခုရှိနေပါသေးတယ်။ တကယ်သာ အထိုင်တွေ (ပါရာဒိုင်းတွေ) ဟာသာ စံတခုထဲကနေယှဉ်ထိုးပြောဖို့မဖြစ်နိုင်ဘူးဆိုရင် ဒီစံတခုနဲ့နှိုင်းယှဉ်မဖော်ပြနိုင်ခြင်းဆိုတဲ့ စကားလုံးကိုဘာလို့ သုံးဖို့လိုဦးမလဲ။ ဟစ်ပါးစုရဲ့သက်သေပြချက်တွေကို ပိုက်သာဂိုရဂိုဏ်းသားတွေကနားမလည်(နိုင်)ဘူးဆိုရင် ဘာကြောင့်သူ့ကိုသတ်ပစ်ဖို့လိုနေသေးလဲ။
ဝိန်းဘတ်ဟာ (ကျနော့်လိုပဲ) ခန်းရဲ့သိပ္ပံပညာတော်လှန်ရေးဆိုတာဘာလဲ (What are scientific revolution?) ထဲကနမူနာတခုကိုပြောတယ် ဒီထဲ အရစ္စတိုတယ်၊ ပုံရိပ်အလှန်တို့နဲ့ပတ်သက်တာတွေ ပါလာတယ်။ သူ့သဘောထားက ကျုပ်ပြောတာတွေခင်ဗျားနားလည်ဖို့မလွယ်ဘူး၊ ပြောတာသာလက်ခံထားလိုက်စမ်းပါ ဆိုတာမျိုးပဲ။
“ကျနော် (ခန်း) အရစ္စတိုတယ်ရဲ့အရေးအသားကို၁၉၄၇ နွေမှာဖတ်တယ်။ တက္ကသိုလ်မှာ ရူပဗေဒ တက်နေတဲ့အချိန်၊ စက်မှုပညာဖွံ့ဖြိုးမှုနဲ့ပါတ်သက်တဲ့လေ့လာမှုတခုကိုသိပ္ပံသမားမဟုတ်သူတွေအတွက် စာတမ်းတခုရေးနေတဲ့အချိန်ပေါ့။ ကျနော်စားပွဲမှာထိုင် ရှေ့မှာအရစ္စတိုတယ်ရဲ့ ရူပဗေဒဆိုတဲ့စာအုပ်ကြီးဖွင့် လက်ထဲမှာလေးရောင်စုံခဲတံနဲ့။ ပြူတင်းပေါက်ကို အကြောင်းမဲ့ မျောပြီး ကျနော်ငေးကြည့်နေခဲ့တယ်။ ရုတ်တရက် ဟိုတစဒီတစရှိနေတဲ့စိတ်ကူးတွေဟာသူ့ဘာသာသူစုမိပြီးပုံစံအသစ်တမျိုးထွက်လာတယ်။ အရစ္စတိုတယ်ဟာ ရူပဗေဒကိုသေခြာသိမြင်နားလည်သူလို့ကျနော် လက်ခံလိုက်တယ်။ အိပ်မက် ဆန်ဆန်ပုံစံ မျိုးတော့လည်းမဟုတ်ဘူး။ သူပြောခဲ့တာတွေကိုဘာကြောင့်ပြောတာလဲ၊ သူ့သြဇာဘယ်လောက်ရှိခဲ့သလဲ ဆိုတာကိုသဘောပေါက်လိုက်တယ်။ ပထမဘယ်လိုမှလက်ခံလို့မဖြစ်နိုင်တဲ့ဖော်ပြချက်၊ အယူအဆတွေဟာ အစဉ်အလာခိုင်ခိုင်မာမာလက်ခံနေတဲ့ဘောင်ထဲမှာ အလွန်ဆုံးနဲနဲပါးပါးချွတ်ချော်နိုင်တယ် သတိထားရမယ် ဆိုတာလောက်ပဲ ဖြစ်လာတော့တယ်။ ဒီလိုရုတ်တရက်ပြန့်ကြဲနေတဲ့စိတ်ကူးတွေစုစည်းမိပြီး အသိတခုရတဲ့အတွေ့အကြုံမျိုးဟာ သိပ္ပံညာတော်လှန်ရေးရဲ့ပထမလက္ခဏာရပ်ပဲဖြစ်တယ်။” (မှတ်ချက်။ ခန်းဟာ ရုတ်တရက်ညာဏ်ရပြီး အရစ္စတိုတယ်ကိုနားလည်သွားတယ်လို့ပြောချင်တဲ့သဘော။ လူတယောက်ဟာအချက်အလက်တခုကို အလင်းပွင့်ပြီးရတယ်ဆိုတာ တခြားလူကိုဘယ်လိုလက်ခံ အောင်ရှင်းမလဲ။ သိပ္ပံမှာဒါကိုဘယ်လိုသက်သေပြမလဲ။ ငါညာဏ်ပွင့်ပြီးရတဲ့ကိစ္စ မင်းဘယ်လိုနားလည်မလဲ၊ ဒီအတိုင်းသာလက်ခံလိုက်ဆိုတာမျိုးဖြစ်နေတယ်)
ညာဏ်တွေ ဈာန်တွေကိုကျနော်တို့ဘယ်လိုလုပ်ရှင်းကြမလဲ။ တဆိတ် လူကြီးမင်းခင်ဗျား ကျနော်တော့ လိုက်လို့မမှီတော့ဘူး ဆိုပြီး ၀ိန်းဘတ်က ခန်းကိုဖြေရှင်းချက်တောင်းတယ်။ အရစ္စတိုတယ်သိပ္ပံကိုခုခေတ် အာရုံနဲ့ ခန်း ဘယ်လိုများခံစားလိုက်နိုင်တာလဲ။ ဒီလိုသာဆိုဟိုးလွန်ခဲ့တဲ့ခေတ် ၂၀၀၀လောက်ကစပြီး သွားနဲ့ပါတ်သက်တဲ့ ဆေးသိပ္ပံနယ်မှာလည်း တိုးတက်မှုတွေရှိခဲ့တယ်လို့ပြောရမလိုပါပဲ။ ဘာထရန်ရပ်ဆဲပြောတာတခုကိုပြန်ကိုးကားရရင် အရစ္စတိုတယ်က မိန်းမတွေဟာ ယောကျာင်္းတွေထက် သွားအချောင်းရေနဲတယ်လို့ဆိုခဲ့တယ်။ မိန်းမနှစ်ယောက်ရခဲ့ဘူးတဲ့အရစ္စတိုတယ်ဟာ သူ့မိန်းမတွေရဲ့သွားတွေကို ရေကြည့်ခဲ့ဖို့ကောင်းတယ်။ ဒီလိုတိတိကျကျမခိုင်မာပဲပြောတာထက်စာရင် မိန်းမရေ မင်းသွားတွေ ကိုယ်ရေနေတုန်း ပါးစပ်တောက်လျှောက်ဖွင့်ထားပေးပါကွာ လို့ပဲပြောဖို့ကောင်းတယ်။ (မှတ်ချက်။ အရစ္စတိုတယ်ရဲ့ ရူပဗေဒသဘောတချို့ ဟာ ခုခေတ်သိပ္ပံသမားတွေအတွက်လက်ခံနိုင်ပုံမရဘူး၊ ဒါကိုခန်းက တခဏညာဏ်အလင်းပွင့်ပြီး သိမြင်ခဲ့တယ်လို့ပြောခဲ့ပုံရတယ်။ ဒါကြောင့်စာရေးသူက အရစ္စတိုတယ်မှားပြောခဲ့တဲ့ သွားအရေအတွက်အကြောင်းကိုပြန်ကိုးကားပြီး ခိုင်မာမှုမရှိတဲ့အချက်အလက်တွေကို ထင်သလိုယူတယ်ဆိုပြီး ခန်းကိုတွယ်တဲ့သဘောပါ။ ပြီးတော့ဒီလိုမရေမရာသိတဲ့အသိကိုပဲ သိပ္ပံပညာတော်လှန်ရေး သို့ အသိသစ်အတွက် ပထမဆုံးအဆင့်ဆိုတာမျိုးလုပ်ထားတာကို သူဘ၀င်ကျပုံမပေါ်ဘူး)
နော်တန်ဝိုက်စ် (Norton Wise) ဟာပရင်စတန်မှာ ဒေါက်တာဘွဲ့ယူခဲ့တယ်။ ခန်း ရ၀ပြည့်နှစ်တွေက လုပ်ခဲ့တဲ့ သိပ္ပံပညာသမိုင်းနဲ့အတွေးအခေါ် ဋ္ဌာနဒါရိုက်တာ နေရာကို ၉၁ ကနေ ၂၀၀၀ ထိလုပ်ခဲ့တယ်။ ကျနော်ဟာသူနဲ့ ညနေပေါင်းများစွာစကားပြောခဲ့ဘူးတယ်။ ခန်းအကြောင်းတော်တော်များများကို ဝေဖန်ခဲ့ကြဘူးတယ်။ သူနဲ့မတွေ့တာနှစ် ၄၀လောက်ရှိပြီဆိုပေမယ့် ကျနော့်အတွက်တော့အချိန်ကာလဟာရပ်နေသလိုပါ။ သူ့သမီးအမွှာလေးနှစ်ယောက်တောင်ခုဆို ၄၀ ကျော်ပြီပေါ့။
နော်တန်ဟာ ကျနော့်ထက်တော့ပိုနှစ်လိုဘွယ်ကောင်းတာအမှန်ပါ။ ကျနော်တို့စကားဝိုင်းမှာ သူ့ပွင့်လင်း ရိုးသားမှုကို ကျနော်သတိပြုမိခဲ့တယ်။
နော်တန်။ ။ ခင်ဗျား သူဆေးလိပ်သောက်တဲ့ပုံစံကိုမှတ်မိသေးလား။ စီးကရက်တလိပ်ကိုသူမီးစညှိမယ်။ ပြီးရင်စကားစပြောမယ်။ စကားတ၀က်လောက်မှာ စီးကရက်ကို တ၀က်ကျိူးလောက်တဲ့အထိဆက်ဖွာမယ်။ ပြီးတော့ သူပြောတာကိုအစကပြန်ပြောမယ်။ ဒါသူနဲ့ပါတ်သက်လို့ ကျနော်မှတ်မိနေတဲ့ပုံရိပ်တခုပဲ။
မောရစ်။ ။ ကျနော်မှတ်မိတာတော့ အစီခံတွေနဲ့ပြာတွေတောင်လိုပုံနေတာပဲ။
နော်တန်။ ။ စီမီနာတခုထဲမှာမလား။
မောရစ်။ ။ အင်း ဟုတ်တယ်
နော်တန်။ ။ ကျနော် လည်းဒါကိုမှတ်မိတယ်။ သူ့လိုဆေးလိပ်သောက်တဲ့သူတော့ တခါမှမတွေ့ဖူးဘူး။ ဒါနဲ့ပဲသူသေတဲ့အထိဖြစ်တာပဲ။
မောရစ်။ ။ ကျနော်လည်းတခါတခါဆေးလိပ်ရဲ့ဆွဲဆောင်မှုကိုတွေးမိတယ်။ စီးကရက်သမားတွေအတွက် ကမ္ဘာကြီးဟာရိုးရိုးရှင်းရှင်းသုံးပိုင်းကွဲသွားတယ်။ ခင်ဗျားရယ်၊ စီးကရက်ရယ်၊ ဒါကလွဲတဲ့ တခြားအရာတွေရယ်ပဲ။
နော်တန်။ ။ အင်း၊ သူဆေးလိပ်သောက်တာက ကျနော့်အတွက်တော့ ဆွေးနွေးပွဲတွေရဲ့နက်ရှိုင်းမှု ကိုဖော်ပြတာပဲ။ ဆွေးပွဲတွေကတခုပြီးတခု၊ စပြီဆိုတာနဲ့လူတိုင်းဟာ ပေါ့ပေါ့ပါးပါးမရှိတော့ဘူး။ သိသာတာတခုကတော့ ခန်းဟာသူပြောချင်တာတွေကိုတော့လေးလေးနက်နက်ဖြစ်အောင် သေသေချာချာ ပြင်လာတယ်။ တခြားသူတွေကိုလဲမျှော်လင့်ထားတယ်။ ဒါပေမယ့်သူပြင်လာတာတွေကို အသေအချာဖတ်ပြီး စိစစ်တဲ့သူကအနည်းအကျဉ်းပါ။ ပြီးတော့ခင်ဗျားဟာ အယူအဆတခုကို ချက်ချင်း လက်ခံရင်လက်ခံလိမ့်မယ်။ ဒါမျိုးကဖြစ်ခဲတယ်။ တနည်းနည်းနဲ့တော့ ကျနော်တို့ ပြန်ပြီး ချဲလင့်လုပ်ကြတယ်။ ပြီးတော့နှစ်ပေါင်းများစွာ ရန်ဘက်တွေလိုဖြစ်ကြရတယ်။ တခါတခါကျတော့အရမ်းစိတ်အနှောင့်အယှက်ဖြစ်ကြရတယ်။ သူမသေခင်ထိပဲ ကျနော်တို့ဟာ အကြောင်းအရာတခုခုပေါ်ကောက်ယူကြတာမှာ အပြိုင်အဆိုင်လိုသဘောထားခဲ့ကြတယ်။
မောရစ်။ ။ မျှော်လင့်မထားတာမျိုးပဲ။
နော်တန်။ ။ ပထမ စဖြစ်တာက ၀ီလျှံသော်မဆင်ရဲ့အစောပိုင်းလျှပ်စစ်သံလိုက်သချာင်္အပိုင်းမှာ။ သူက ကျနော့်ဆိုလိုရင်းကိုအပြတ်ငြင်းထဲ့လိုက်တယ်။ ဒါမဖြစ်နိုင်ဘူးတဲ့။ ဒါ သော်မဆင်တည်ဆောက်ခဲ့တဲ့အဆင့်တွေ အတိုင်းသွားတာမဟုတ်လို့တဲ့။ ဒါရူပဗေဒသမားတယောက်ရဲ့အားလုံးကိုခြုံကြည့်တဲ့အမြင်မျိုးတဲ့။ နောက်ပိုင်းမှ သိတဲ့အမြင်ကိုအခြေခံပြီးပြန်အဓိပ္ပါယ်ဖွင့်ထားတာလို့ပြောတယ်။ ကျနော်လည်းဒီတခုတော့ အသေအချာ ပြင်ဆင်သွားတော့ အသေးစိတ်ပြန်ပြောနိုင်ခဲ့တယ်။ အဲဒီမှာတယောက်နဲ့တယောက်အပြန်အလှန် လေးစားမှုရခဲ့တယ်။ သူဟာကျောင်းသားတွေဆီကသူ့အသိကိုစံနစ်တကျဝေဖန်တိုက်ခိုက်တာမျိုးကိုလိုချင်တာ။ တချို့အတွက်တော့အဆင်ပြေပေမယ့် တချို့မတော့ကပ်ဆိုက်သလိုပေါ့။
မောရစ်။ ။ ခင်ဗျားက ပြိုင်ဘက်လို့သုံးတယ်နော်။ ကျနော့်အတွေ့အကြုံအရတော့ ခြိမ်းခြောက်ခံရတဲ့အထိပဲ။
နော်တန်။ ။ အင်း
မောရစ်။ ။ ကျနော် ပရင်စတန်ကိုစရောက်တော့ Kripke လက်ချာတွေမတက်ဖို့အထိ ရာဇသံပေးခံရတာ။
နော်တန်။ ။ ကျနော်တော့လုံးဝမကြားမိဖူးဘူး။ အဆန်းပဲ။
မောရစ်။ ။ ဟုတ်တယ်။ ခင်ဗျားဆိုသွားချင်မှသွားမှာ။
နော်တန်။ ။ အင်း သေချာတာပေါ့။ ခင်ဗျားတော့သွားတာပဲမလား။
မောရစ်။ ။ ဟုတ်တယ်။
ကျနော်တို့ဆွေးနွေးတာ Butterfield နဲ့ Whiggishness ဘက်ကိုရောက်သွားတယ်။
(မှတ်ချက်။ ။Herbert Butterfield သည်အင်္ဂလိပ်သမိုင်းဆရာ၊ Whiggishness သည် ဘတ်တာဖီး၏ The Whig Interpretation of History, 1931 စာအုပ်မှယူထားခြင်းဖြစ်သည်။ အတိတ်ကို လက်ရှိအမြင်နှင့်ကြည့်ပြီးဆုံးဖြတ်ရာ သမိုင်းသည်တဆင့်ပြီး တဆင့်မြင့်တက်ပြောင်းလဲလာသည် ဆိုသည့်အမြင်ကိုရစေသည်။ မူရင်းမှာ နိုင်ငံရေး၊ အထူးသဖြင့် အင်္ဂလန် ပါလီမန်ဒီမိုကရေစီ သို့ရောက်ရန်သမိုင်းသည်ဆင့်ကဲတိုးတက်ပြောင်းလဲလာရသည်ဆိုသည့်အမြင်ဖြစ်သည်။ ထိုအမြင်၏အားနည်းချက်တခုမှာ သမိုင်းကိုအကောင်းမြင်ဖြင့်ကြည့်ခြင်းဖြစ်သည်။ အတိတ်တွင်ရှိခဲ့သည့် အမှားနှင့် အခြားပိုကောင်းမွန်နိုင်သည့်အနေအထားများကို စိစစ်မှုလုပ်စရာ မလိုသကဲ့သို့ ဖြစ်သွားသည်။ ထိုနိုင်ငံရေးစကားလုံးကို သိပ္ပံသမိုင်းအတွက်ကူးပြောင်းသုံးစွဲခြင်းဖြစ်သည်။ ဆန့်ကျင်ဘက်အမြင်တခုမှာ Cultural Pessimism ဖြစ်သည်)
မောရစ်။ ။ ခင်ဗျားမပြောပေမဲ့ ခန်းဆီမှာစာသင်လာခဲ့ရတော့ Whiggishness ဆိုတာဟာခင်ဗျားလျှာဖျားပေါ်မှာ ရှိနေမှာပဲ။ သော်မဆင် အကြောင်းခင်ဗျားတို့ငြင်းကြတာဒါနဲ့လည်းပါတ်သက်မယ်။ ကျနော်တိတိကျကျလေး သိချင်တယ်။ ခင်ဗျားဟာ မကြာသေးခင်ကမှ ရူပဗေဒနဲ့ ပီအိပ်ခ်ျဒီ ရတာဆိုတော့ ရူပဗေဒသမားတယောက် လိုတွေးမှာပဲ။ သမိုင်းဆရာတယောက်လိုတော့တွေးမှာမဟုတ်ဘူး။ (မှတ်ချက်။ သိပ္ပံမှမဟုတ်အကြောင်းအရာ တခုကို ဖြေရှင်း ဖို့ကြိုးစားတဲ့အခါ ကျနော်တို့ဟာ ကိုယ်သိပြီးသားအချက်တွေအားလုံးကို ထဲ့သွင်းစဉ်းစား ကြတယ်။ ဒီမှာပြောလိုရင်းက နျူတန်ရဲ့မက်ကင်းနစ်ကို အိုင်စတိုင်းကိုနားလည်ပြီးမှ သိထားတဲ့အချက်တွေနဲ့ စဉ်းစားရင် နျူတန်ဘယ်လိုစဉ်းစားပြီးဘာပြောချင်တာလဲဆိုတဲ့ ဆိုလိုရင်းကို ရဖို့မလွယ်ဘူး။ သို့သော်နျူတန်အကြောင်းစဉ်းစားနေစဉ်မှာသမိုင်းအရအိုင်းစတိုင်းကနောက်ကမို့သူ့ကိုထဲ့တွေးလို့မဖြစ်ဘူး ဆိုတာမျိုး ရူပဗေဒသမားကလုပ်ဖို့သတိရမယ်မထင်ဘူးဆိုလိုသည်)
နော်တန်။ ။ အတိအကျပဲ။
မောရစ်။ ။ အဲဒါကြီးကတော့တော်တော်ဆိုးတယ်ဗျာ။ ဘယ်လိုရှင်းပြရမှန်းတောင်မသိဘူး။ Whiggishness ၀င်နေတယ်လို့စွပ်ဆွဲချက်ဟာ ကြိမ်နဲ့နှက်ခံရသလိုပဲ။
နော်တန်။ ။ ဟုတ်တယ်။ တယောက်ယောက်အမြင်နဲ့တွေးခေါ်နိုင်စွမ်းကို ပျက်အောင် ဒီတံဆိပ်ကပ်ပြီး တွယ်တော့တာပဲ။
မောရစ်။ ။ ကြိမ်တချောင်းနဲ့၊ တုတ်တိုနဲ့ ပေါ့။
နော်တန်။ ။ ကျနော်လည်းပုံစံတမျိုးနဲ့ပြန်လေ့လာခဲ့ရတယ်။ ၀ါကျတွေတခြားနည်းနဲ့အသစ်ပြန်ရေး၊ စာလုံးတွေကို တကြောင်းချင်းတကြောင်းချင်းပြန်စိစစ်ကြည့်ရတော့တာပဲ။
မောရစ်။ ။ ဘာလဲ၊ အသေးစိတ်ဖတ်ခြင်း (Close Reading) လား။
နော်တန်။ ။ ဟုတ်တယ်။
အသေးစိတ်ဖတ်ခြင်း။ ဒါကိုဘာနဲ့ငြင်းမလဲ။ အသေးစိတ်နားလည်အောင်ဖတ်တယ်ဆိုတာ တကယ်ကောင်းတာကိုး။ ဒါပေမယ့် ဒါဟာ Incommensurability နဲ့ဆန့်ကျင်ဘက်ပဲ။ စာတပိုဒ်ကိုသာစေ့စေ့စပ်စပ်ဖတ်၊ ဒါဆိုကျနော်တို့နားလည်မယ်လို့အသေးစိတ်ဖတ်ခြင်းကဆိုတယ်။ Incommensurability (စံတခုနှင့်နှိုင်းယှဉ်မဖော်ပြနိုင်ခြင်း) ကအထိုင်တခုထဲမှာရေးထားတဲ့စာ၊ အယူအဆ တခုကို အခြားအထိုင်တခုကနေ နားလည်ဖို့မဖြစ်နိုင်ဘူးဆိုတယ်မလား။
ဒီမှာ Kripke ကိုပြန်သတိရဖို့ဖြစ်လာတယ်။ ဘာကြောင့်သူနဲ့ဆီလျှော်ရသလဲဆိုတော့ သူ့ရဲ့ ပညတ်နဲ့လိုအပ်ချက်က စကားလုံးနဲ့အရာဝထ္ထုကြား အတိတ်နဲ့လက်ရှိကြားမှာ ဆက်စပ်ပေးလို့ပဲ။ သူကဒီလိုမပြောပေမဲ့လည်း သူဟာ သမိုင်းတွေးခေါ်ရှင်တွေထဲကတယောက်ပါ။ ကျနော်တို့ဟာအတိတ်က အထူးအဆန်းတွေကိုယုံကြည်နိုင်တယ်။ ပြန်ပြီးကိုးကားနိုင်တယ်။ ဓမ္မဒိဋ္ဌာန်ကျတဲ့အမှန်တရားတခု၊ သမိုင်းတခု ဟာရှိနေတယ်။ ခရစ်မတိုင်မီ ၆ ရာစုလောက်ကယုံကြည်မှုတွေကို၊ အဲဒီခေတ်သချာင်္ပညာရှင်တွေကို ကျနော်တို့လက်လှမ်းမမှီဘူးဆိုဦးတော့၊ နားလည်ဖို့ ခက်ခဲတယ်ဆိုဦးတော့၊ ဟစ်ပါးစုပဲဖြစ်ဖြစ်သူ့ခေတ်ပြိုင် တယောက်ယောက်ကပဲဖြစ်ဖြစ် √2 လို့ပြောလာရင် ဒါကျနော်တို့ပြောချင်တဲ့ √2 နဲ့အတူတူပါပဲ။
ငါးလေးဝါ၀ါဥပမာကိုပြန်ကြည့်ပါ။ အချိန်တွေပြောင်းသွားလို့ ၀ါဝါနဲ့ပတ်သက်လို့ကျနော်တို့လက်ခံထားတာတွေ ပြောင်းသွားတယ်ဆိုဦးတော့ (၀ါဝါဟာအရောင်ပြောင်းသွားတယ်ဆိုဦးတော့) ၀ါဝါဆို ကျနော်တို့သူ့ကိုညွှန်းတာပါ။ ခုအထိုင်တခုမှာရှိတဲ့ဝါ၀ါ၊ နောက်အထိုင်တခုပြောင်းသွားလို့ဝါ၀ါမဟုတ်တော့ဘူး ဆိုတာမျိုးမဟုတ်ဘူး။ ကလေးတယောက်က ကမ္ဘာကြီးပြားတယ်ပြောတယ်။ ကျနော်ကလုံးတယ်ပြောတယ်။ ပြားတယ်၊ မဟုတ်ဘူး လုံးတယ်၊ ပြားတယ်ဗျာ၊ လုံးတယ်ကွာ၊ ဒီလိုအငြင်းအခုံကျတော့ ခန်းသဘောက ကျနော်တို့ဟာ မတူတဲ့အထိုင်နှစ်ခုမှာရှိနေလို့ ကျနော်မြင်တဲ့ ကမ္ဘာကို ကလေးမြင်တဲ့ကမ္ဘာနဲ့ယှဉ်ကြည့်လို့မရဘူးလို့ပြောတယ်။ ဘုံအညွှန်းဘောင်မရှိဘူးတဲ့။ ဒါပေမယ့်၊ နေဦးနေဦး၊ ကျနော်တို့မှာ တကယ့်ကမ္ဘာကြီးရှိနေတယ်။ အဲဒါဟာပြားလား။ လုံးလား။ ဘာမှမဟုတ်ဘူးလား၊ တခုခုတော့ဖြစ်ရမှာပေါ့။ တခုမှမဟုတ်တော့ရင် ဒါ အဲလစ် ကလေးကို Humpty Dumpty ပြောသလိုဖြစ်လိမ့်မယ်။ ဒါမှမဟုတ်ရင် ပြာခြွေခွက် ငြင်းခုံမှုပေါ့။ ကျေးဇူးပြုပြီး သိထားဖို့လိုတာက ဒါဥာဏ်စမ်းသက်သက်မေးခွန်းမဟုတ်ဘူး။ ကျနော်တို့ရဲ့ရှုပ်ထွေးတဲ့နေ့စဉ်ဘ၀ ဟာသဘာဝ တရားရဲ့ရွေးချယ်မှုလား၊ ဘုရားသခင်ဖန်တီးတာလားဆိုတဲ့ ကွဲပြားချက်ကိုသိဖို့လုပ်နေတာလည်းမဟုတ်ဘူး။ ကမ္ဘာကြီးပူနွေးလာမှုလည်းမဟုတ်ဘူး။ ဒါဟာသိပ္ပံဆိုင်ရာအမှန်တရားအကြောင်းပါ။ ဒါကိုတန်ဖိုးချဖို့မဟုတ်ဘူး၊ ဒီ့အတွက် တာဝန်တချို့ကိုခွဲယူဖို့ပါ။
တကယ်သာ တဦးဦးကသာ အမှန်တရားဟာ ပုဂ္ဂလဓိဋ္ဌာန်၊ ကြည့်သူပေါ်မှာပဲတည်တယ်။ ဒါမှမဟုတ် တခြားမှီရာတခုခုစီမှာသာတည်တယ်လို့ဆိုရင်၊ ရာဇ၀တ်မှုတခုရဲ့အပြစ်ရှိခြင်းမရှိခြင်းကိုဘာနဲ့တိုင်းတာမလဲ။ ခင်ဗျားမကျူးလွန်တဲ့ရာဇ၀တ်မှုတခုကြောင့်ခင်ဗျားကိုပြစ်ဒါဏ်ချခံရပါပြီတဲ့၊ ဘာပြောမလဲ။ ဒီမှာ အချက်အလက်ကတခုပဲ၊ ခင်ဗျားကျူးလွန်သလား၊ မလွန်ဘူးလား။ ဒါပဲ။
ခင်ဗျားကိုလျှပ်စစ်ကုလားထိုင်မှာချည်နှောင်နေပြီ။ ခင်ဗျားမှာဘာအပြစ်မှမရှိဘူး။ အဲဒီအချိန်တယောက်ယောက် အပြစ်ရှိတယ်မရှိဘူးဆိုတာ သူနဲ့ဆိုင်ရာဆိုင်ရာ အညွှန်းတခုပေါ်မှာမူတည်တာပဲလို့ပြောလာရင် ခင်ဗျားဘာပြန်ပြောမလဲ။ ငါမလုပ်ဘူး၊ သက်သေတွေအားလုံးရှိတယ်လို့အော်မလား။ ဂျုရီလူကြီးက အမှုတခုကို မင်းမြင်တဲ့ပါရာဒိုင်းနဲ့ ငါလက်ခံထားတဲ့ပါရာဒိုင်းကမတူဘူး။ မတူတဲ့ ပါရာဒိုင်းနှစ်ခုကြားမှာ ငါတို့အမှန်တွေကို ယှဉ်ကြည့်လို့မရဘူး။ ငါမြင်တာငါဆုံးဖြတ်မယ်ဆိုရင် လက်ခံမလား။
သမိုင်းမှာဖြစ်ခဲ့တဲ့အချက်အလက်တခုရဲ့တိကျမှုဟာအမြဲတမ်းဆိုသလို နှိုင်းရမှန်ကန်မှုနဲ့သွားရောထွေးပါတယ်။ မတူတဲ့သဘောတရားနှစ်ခုပါ။ ရှေးကစစ်ပွဲတပွဲ တကယ်ဖြစ်ခဲ့တဲ့ရက်စွဲနဲ့နေရာအတိအကျကို ပြောဖို့ခက်နိုင်ပါတယ်။ ဒါပေမယ့် ဒါဟာအဲဒီမှာစစ်မဖြစ်ခဲ့ဘူးလို့တော့ဆိုလိုတာမဟုတ်ပါဘူး။ အယ်ပီ ဟတ်တလေ ရေးခဲ့သလိုပေါ့။ အတိတ်ကာလဆိုတာ နိုင်ငံခြားတိုင်းပြည်တခုပါပဲ။ သူတို့တခြားကျနော်တို့နဲ့ မတူတာတွေလုပ်ကြတယ်။ ဒါပေမယ့် ဟိုးမားစာထဲက နေလုံးကြီး ဟာ အဲလီယော့ပြောတဲ့ နေပါပဲ။ ရွေ့နေတဲ့အရာဝထ္ထုတွေရဲ့ လျှပ်စစ်ဒိုင်းနမစ်အကြောင်း အိုင်စတိုင်းနဲ့နျူတန်သာဆွေးနွေးကြရင် သဘောတရားမှာသာမတူတာရှိနိုင်ပေမယ့် တယောက်ပြောတဲ့ လျှပ်စစ်ဒိုင်းနမစ်ဟာ နောက်တယောက် မှာလည်းဒါပါပဲ။ အတိတ်ဟာ နိုင်ငံခြားတိုင်းပြည်တခု၊ ဒါပေမယ့်အဲဒီမှာပြောတဲ့ဘာသာစကားကို နားမလည်နိုင် ဘူးလို့တော့ ကျနော်မယုံကြည်ပါဘူး။

Ref. Ashtray by Errol Morris, IHT March 6/7/8/9/10’ 2011
ကျေးဇူးတင်ပါတယ်။
KZကေ

ပြာခြွေခွက် ၄။ ဒွန်ကွီဇုတ်စာရေးဆရာ အပိုင်း-၂

သူ့ဟာက ဂျယ်ရမီဘင်သမ် (Jeremy Bentham) ရဲ့ထောင်လိုဖြစ်နေတယ်။ စက်ဝိုင်းပုံထောင်မှာ ပတ်ပတ်လည်မှာအချုပ်ခန်းတွေထားပြီး စောင့်ကြပ်သူက ဗဟိုကအခန်းထဲမှာရှိနေမယ်။ အကျဉ်းသားတွေဟာ တယောက်နဲ့တယောက်ဆက်သွယ်ခွင့်မရဘူး။ ဗဟိုကအစောင့်ကိုကြားခံထားပြီးတော့အဆက်အစပ်လုပ် လို့ရတယ်။ ခန်း ရဲ့သမိုင်းဆိုင်ရာပါရာဒိုင်း အကျဉ်းထောင်ပေါ့။ အစောင့်ကသာအထိုင်တခုနဲ့အခြားတခု ကြား (အကျဉ်းသားတဦးနဲ့တဦးကြား) ကအနေအထားတွေကိုသာ ယှဉ်ထိုးဆုံးဖြတ်နိုင်ပြီး ကျန်တဲ့သူတွေမှာ တော့ဒီအခွင့်အရေးမရဘူး။ ခန်းကိုဘယ်သူကဒီစောင့်ကြည့်သူနေရာကိုပေးခဲ့သလဲ။
ကျနော့်ယုံကြည်တာက ခန်းဆီမှာသူ့အယူအဆနဲ့ပတ်သက်လို့သူ့ဘာသာသံသယ၀င်နေတဲ့အချက်တွေရှိတယ်။ ဒါနဲ့ကျနော့်ဝေဖန်မှုကြောင့်စိတ်ပျက်ရတာပါပေါင်းပြီး ပြာခြွေခွက်ငြင်းခုံမှုဆီကိုရောက်လာခဲ့တာပဲ (ဆေးလိပ်ခွက်နဲ့ပေါက်တာ)။ ကျနော့်အယူအဆဟာ မကြာခင်ကမှကထွက်လာတဲ့ စတန်လေကာဗဲ ရဲ့ “Little did I Know – 2010) စာအုပ်ကြောင့်ပိုခိုင်မာလာတယ်။ သူနဲ့ခန်းက ၅၀ပြည့်နှစ်တွေတုန်းက ဟားဗတ်မှာအတူတူ၊ ပြီးလို့ ဘာကလေမှာဆရာပေါက်စတွေစလုပ်တော့လည်းအတူတူ။ ခန်း “Structure” ကိုရေးနေတဲ့အချိန်။ သူ ဟစ်တလာနဲ့ ၀စ်ဂျင်စတိန်းကိုသွားအမှတ်ရလိုက်တယ်။ အဲဒီကာလ ဂျုးလူတော်ကလေးတွေလိုပေါ့ ခန်းဟာ တတိယဂျာမာန်နိုင်ငံတော်(Third Reich) ရဲ့အဓိပ္ပါယ်အောက်မှာ ရုန်းကန်နေရတယ်။ သမိုင်းခေတ်တွေအားလုံးနဲ့ ပတ်သက်ပြီး တခုတည်းသော အလုံးစုံအမှန်တရား ကိုသာလက်မခံဘူးဆိုရင် နာဇီတွေကိုဘယ်လိုလုပ်ကြမလဲ။ (မှတ်ချက်။ ရှေ့မှာပြောခဲ့သလို အမှန်တရားဟာပြောင်းနေတယ်၊ ခေတ်ကာလအလိုက်ပိုင်းခြားပြီးလက်ခံရမယ် ဆိုရင် နာဇီတွေဟာခေတ်တခု၊ စံနစ်တခုရဲ့သားကောင်ပဲဆိုပြီး ခွင့်လွှတ်လိုက်ရမလား လို့ဆိုချင်တာ) ဋ္ဌာနတွင်းအစည်းအဝေးပြီးတော့ ခန်းဟာ ကာဗဲအိမ်ကိုလိုက်လာခဲ့တယ်။
“…….စကားကောင်းလာလို့သန်းကောင်လည်းကျော်လာရော တွမ် (Thomas ဆိုတဲ့ပထမနာမည်ကို ရင်းနှီးသူများအခေါ် Tom) ဟာ ဂဏာမငြိမ်ဖြစ်လာတယ်။ ဒီပုံစံမျိုး ကျနော်(စာရေးသူ ကာဗဲ) မမြင်ဘူးဘူး။ သူဟာရုတ်တရက်ကုလားထိုင်ကနေရှေ့ကိုကိုင်းညွှတ်လာတယ်။ သူ့မျက်နှာမှာကျနော် နောက်ပိုင်းရင်းနှီးလာတဲ့ မသက်မသာပုံစံနဲ့။
ဝစ်ဂျင်စတိန်းလည်းပါရာဒိုင်းကိုသုံးခဲ့တာကျနော်(ခန်း) သိတယ်။ ဒါပေမယ့် အသုံးချတဲ့အပိုင်းတော့မတွေ့မိဘူး။ သိပ္ပံပညာရဲ့အမှန်တရားကိုဖျက်စီးတဲ့ ငြင်းဆိုမှုဆိုတာကိုကျနော်ဘယ်လို ပြန်ဖြေရမလဲ။ ကျနော်ဒီအတွေးအခေါ်နဲ့ပတ်သက်လို့တော်တော်လေးကိုစိတ်မသက်မသာဖြစ်မိတယ်။ တကယ်လို့သာ ညွှန်ကြားချက်နဲ့သဘောတူမှုကသာ အကြောင်းအရာတခုရဲ့အနှစ်သာရသာဆိုရင် ဟစ်တလာကကျနော့်ကို သီအိုရီတခုပေးပြီး အဲဒါကိုမှန်တယ်လို့သဘောတူဖို့ ညွှန်ကြားချက်ပေးလိုက်ယုံပေါ့။
ကျနော် (ကာဗဲ) ပြန်ပြောတာက၊ မဟုတ်ဘူး၊ သူကခင်ဗျားကိုဘယ်လိုလုပ်အသိပညာတိုးစေမှာလဲ။ အမှန်ကိုသိအောင်သင်ပြနိုင်မှာလဲ။ သူကသီအိုရီတခုကိုအမိန့်အာဏာသုံးပြီးထုတ်ပြန်လို့သာရနိုင်မယ်။ ဒါကိုခင်ဗျားမလိုက်နာရင်သတ်ပစ်မယ် လို့ခြိမ်းခြောက်မယ်။ ဒီမှာဆိုလိုတာက ခင်ဗျားသူ့အမိန့် ကိုလိုက်နာမယ်လို့သူယုံကြည်အောင်တခုခုမလုပ်နိုင်ရင်သတ်ခံရမယ်ဆိုတာပဲ။
ခန်းရဲ့တုန့်ပြန်ပုံကအံ့အားသင့် စရာကောင်းတယ်။ သူကုလားထိုင်ကခပ်ကြမ်းကြမ်းထပြီး မီးလင်းဖိုရှေ့မှာလျှောက်နေတယ်။ တခုခုလည်းရွတ်နေတယ်။ အင်း၊ အင်း၊ ဘာကခိုင်မာတဲ့ယုံကြည်မှုကိုဖြစ်စေသလဲ။ ဘာကမသိမသာစွဲထင်နေတဲ့ ယုံကြည်မှု (unnoticed conviction) ကိုဖျက်ပစ်နိုင်မလဲ”
ကျနော် (မောရစ်) ကာဗဲကိုသူ့စာအုပ်ထဲကဒီစာပိုဒ်ကိုမေးတယ်။ ခန်းနဲ့ ၀စ်ဂျင်စတိန်းအကြောင်း။ ၀စ်ဂျစ်စတိန်းဟာဘယ်လို လုပ်ပြီး နှိုင်းရအမှန်ဝါဒ (relativism - အားလုံးအတွက်တခုတည်းသောအမှန်မရှိ။ တဦးချင်းရဲ့ပုဂ္ဂလိကအမြင်၊ အတွေ့အကြုံ၊ ယုံကြည်မှုနဲ့တွဲနေတဲ့အမှန်တွေပဲရှိတယ်ဆိုတဲ့အယူအဆ) ဆီကိုရောက်သွားရတာလဲ ဆိုတာတွေ ကိုမေးတယ်။
ကာဗဲ။ ။ ၀စ်ဂျင်စတိန်းက အမှန်တရားရဲ့ကျိုးကြောင်းဆီလျှော်မှုကိုငြင်းတယ်လို့သိတော့ ခန်းဟာ တော်တော်တော့ ပြာသွားတယ်။ တနည်းမဟုတ်တနည်းနဲ့တော့ အားလုံးဟာ သဘောတူညီမှုရအောင်လုပ်ကြ ရတာပဲ။ ဒါကဝေ့နေတယ်ဆိုဦးတော့ ပြဿနာလို့တော့မထင်မိဘူး။ ဒါမှန်တယ်လို့တော့ငါထင်တယ်။
မောရစ်။ ။ ဒါနဲ့ပါတ်သက်ပြီး ဆရာ့ခံစားချက်ကကော။
ကာဗဲ။ ။ တကယ့်ပြဿနာကို ၀စ်ဂျင်စတိန်းက အစဆွဲလိုက်တာပဲ။ သဘောတူညီမှုဆိုတာဘာလဲ။
မောရစ်။ ။ အဲဒါ အတွေးအခေါ်ပိုင်းဆိုင်ရာစိစစ်မှုများ (Philosophical Investigation) ထဲမှာပါတယ်မလား။
ကာဗဲ။ ။ ဟုတ်တယ်။ အဲဒါပေါ့ ငါတို့ပြောခဲ့တာ။ အစောပိုင်းဝစ်ဂျင်စတိန်းက အေးခဲနေတဲ့သမိုင်း။ ဘယ်သူမှသိပ်မပြောကြတော့ဘူး။ ဒီစာအုပ်ကတော့ခုထိ ဟော့နေတုန်းပဲ။ သဘောတူညီမှုတခုကိုဘယ်လို ထူထောင်မလဲ။ ဘယ်လောက်လေးနက်မှုရှိသလဲ။ ၀စ်ဂျင်စတိန်းအပြောအရဆိုရင် ငါတို့ဟာဆုံးဖြတ်ချက်တွေမှာ သဘောတူကြတာမဟုတ်ဘူး။ ငါတို့ ဘ၀ရဲ့ဖွဲ့တည်ပုံ ထဲမှာသဘောတူကြတာ။ (We don’t agree in judgement, we agree in form of life)
တကယ့်စာသားက အတွေးအခေါ်ပိုင်းဆိုင်ရာစိစစ်မှုများ ထဲက အပိုဒ် ၂၄၁ မှာပါတယ်။ လူသားရဲ့သဘောတူညီမှုက ဘာကမှားတယ် ဘာကမှန်တယ်ဆိုတာကို ဆုံးဖြတ်ချက်ချလိုက်တာပဲ။ ဒါ အမှားနဲ့ အမှန်ကိုလူတွေလက်ခံနေကြတာ။ သူတုိ့သုံးတဲ့ ဘာသာစကားထဲမှာသဘောတူပြီးပြောနေကြတာပေါ့။ အယူအဆတွေထဲမှာလက်ခံထားကြတာမဟုတ်ဘူး။ ဘ၀ဖွဲ့တည်ပုံ ထဲမှာလက်ခံထားကြတာ။
ဒီအချက်ကြောင့်ပဲ သူ့အယူအဆအပေါ် ဝေဖန်သံတွေလျှံကြလာခဲ့တယ်။
ဝစ်ဂျင်စတိန်းဟာအနည်းဆုံးဒီတခုတော့ခေါင်းမာမာနဲ့ကို သူ့ဖလော်ပေါ်မှာတောင့်ခံထားခဲ့တယ်။ အမှန်ဆိုတာလူတွေရဲ့ဆုံးဖြတ်ချက်ပဲ။ အမှန်တရားဆိုတာ လူအချင်းချင်းသဘောတူဖို့ပဲ။ ကမ္ဘာဟာလုံးနေဦးတော့ ပြားတယ်လို့သာအားလုံးကသဘောတူရင် ပြားတာကအမှန်ပဲလို့ဆိုတယ်။
ခန်းဟာဒီဒဿနနဲ့ငြိမ်းချမ်းရေးယူထားတယ်။ သူ့ရဲ့သိပ္ပံပညာရဲ့ဒဿန အခြေခံအဖြစ်ကိုယူထားခဲ့တယ်။ နောင်နှစ်အနည်းငယ်ရလာတော့ သူ့ရဲ့ Structure စာအုပ်ထဲမှာ ခန်းကခုလိုရေးခဲ့တယ်။
ယေဘူယျပဲဆိုဆို အသေးပဲစိတ်ကြည့်ကြည့် ပိုပြီးတိကျအောင်ပြောရမယ်ဆိုရင် ကျနော်တို့အနေနဲ့ ပါရာဒိုင်းအပြောင်းကြောင့် သိပ္ပံပညာရှင်တွေ သူတို့တွေဆီကလေ့လာသူတွေဟာ အမှန်တရားနဲ့ပိုပြီးနီးကပ်လာတယ်ဆိုတဲ့အချက်ကို စွန့်လွှတ်ကောင်းစွန့်လွှတ်ပစ်ကြရပါလိမ့်မယ်။
(မှတ်ချက်။ ၀စ်ဂျင်စတိန်းဟာ သြစတြီးယားနိုင်ငံသား။ ၂၀ရာစုရဲ့ထင်ရှားတဲ့ တွေးခေါ်ရှင်တွေထဲကတဦးဖြစ်ပြီး သူ့ဒဿနမှာအဆင့်၂ဆင့်တွေ့နိုင်တယ်လို့နောက်ပိုင်းပညာရှင်တွေက သုံးသပ်ကြတယ်။ ပထမအဆင့်က လောဂျစ်ကို Metaphysics (ဖလော်ရဲ့လက်တက်တခု၊ သဘာဝရဲ့ဖြစ်တည်မှုကိုလေ့လာတဲ့ပညာရပ်) နဲ့ ဘာသာစကားကိုကြားခံပြီးဆက်စပ်လေ့လာ တာဖြစ်ပြီး ဒုတိယအဆင့်က အပေါ်မှာပြောတဲ့ အတွေးအခေါ်ပိုင်းဆိုင်ရာစိစစ်မှုများ (Philosophical Investigation - ၁၉၅၃) ပါ။ ဒီအဆင့်မှာတော့သူဟာ အစဉ်အလာတွေးခေါ်မှုတွေအားလုံးအပြင် ပထမအဆင့်ကသူ့ရဲ့နာမည်ရှိပြီး သားအယူအဆတွေ ကိုအကုန်ဆွဲလှန်ပစ်ခဲ့တယ်။ သူပြောတဲ့ ဘ၀ဖွဲ့တည်ပုံဆိုတာဟာ ဘာသာစကားသုံးစွဲခြင်း ကိုအဓိကရည်ညွှန်းလိုပြီး လူတွေဟာတယောက်အယူအဆအတွေးအခေါ်ကို တယောက် လက်ခံရာမှာ ဘာသာစကားသုံးစွဲမှုအတွင်း (ယဉ်ကျေးမှု၊ ဇာတိ၊ ဓလေ့ထုံးတမ်း စတဲ့) ဘ၀ဖွဲ့တည်ပုံထဲကသာလက်ခံ ကြတာ၊ စဉ်းစားဆင်ခြင်နိုင်စွမ်းအားနဲ့လက်ခံကြတာမဟုတ်ဘူးဆိုလို့၊ အားလုံးလက်ခံနိုင်တဲ့ ဓမ္မဓိဋ္ဌာန်ကျတဲ့အမှန်ဆိုတာမရှိတော့ပဲ လူတစု၊ အချိန်ကာလတခု၊ ယဉ်ကျေးမှုတခုအတွင်းမှာ လက်ခံနိုင်ရင် မှန်တာပဲလို့ယူလို့ we agree in form of life လို့ပြောတာဖြစ်တယ်။)
နောက်ဆုံးပို့စ် အပိုင်း၅ တွင်ပြီးပါမည်။
KZကေ

ပြာခြွေခွက် ၃။ ဆင်ခြေနည်းလမ်းတကျမဖော်ထုတ်နိုင်သောကိန်းများ

စံတခုဖြင့်နှိုင်းယှဉ်မဖော်ပြနိုင်ခြင်းဟာ ထူးဆန်းတဲ့အသုံးတခုဖြစ်တယ်။ ဒါကိုဘယ်က ခန်းရသလဲဆိုတာ ကျနော်လိုက်ရှာကြည့်တယ်။ သူ့ရဲ့အက်ဆေးပေါင်းချုပ်တခုထဲမှာ ဂရိဖီလော်ဆော်ဖာ ၃ ယောက်နဲ့ အင်တာဗျူး တခုပါတယ်။ အဲဒီထဲမှာ ခန်းကသူ့စကားလုံးနဲ့ပါတ်သက်လို့အကျဉ်းရှင်းပြတာလေးတခုတော့ရှိတယ်။
ခန်း။ ။ ဒီမှာကြည့်။ စံတခုဖြင့်နှိုင်းယှဉ်မဖော်ပြနိုင်ခြင်းဆိုတာအလွယ်လေး။
ဂရိ။ ။ ခင်ဗျားသချာင်္မှာပြောချင်တာလား။
ခန်း။ ။ ကျနော်အထက်တန်းကျောင်းသားဘ၀က ကဲကုလနဲ့စတွေ့တယ်။ ဘယ်သူလည်းတော့မမှတ်မိတော့ဘူး။ တယောက်ကကျနော့်ကို အတွဲ၂တွဲပါတဲ့ ကဲကုလစာအုပ် တအုပ်ပေးတယ်။ စာအုပ်အစပိုင်းမှာ √2 ကို အီရာရှင်နယ်ကိန်း ဖြစ်ကြောင်းသက်သေပြချက်လေးပါလာတယ်။ ကျနော်သဘောကျသွားတယ်။ စိတ်လည်းတော်တော် လှုပ်ရှားသွားတယ်။ အဲဒီကနေကျနော် နှိုင်းယှဉ်မဖော်ပြနိုင်ခြင်းကိုစတွေ့ခဲ့တာပဲ။ ကျနော့်မျက်စိထဲတော့ √2 ဟာ နှုတ်ခမ်းနီရဲရဲ၊ အပျံစားဝတ်စားထားပြီး ရင်ခုန်စရာကောင်းနေတယ်။ တခုတော့အံ့အားသင့်စရာပေါ့။ ဒီအယူအဆကို ကျနော်ဟာ ရူပဗေဒ၊ ဖီလော်ဆော်ဖီ ဒါမှမဟုတ် ဘာသာဗေဒ တခုခုကရခဲ့တာမဟုတ်ပဲ သချာင်္ကရခဲ့တဲ့အတွက်ပဲ။ √2 ဟာ ကိန်းပြည့်နှစ်ခုနဲ့အချိုးချဖော်ပြလို့မရနိုင်ဘူးဆိုတဲ့သက်သေပြချက်က ရခဲ့တာပဲ။ ဒါဟာ သချာင်္မှာပြတဲ့ နှိုင်းယှဉ်မဖော်ပြနိုင်ခြင်းပဲ။ အကွာအဝေးတိုင်းကို ကိန်းပြည့် (သို့) အပိုင်းကိန်းတခုနဲ့ဖော်ပြလို့မရနိုင်ဘူးဆိုတာ။
ဒီအချက်မှာ ပိုက်သာဂိုရသီအိုရမ်သမားတွေမှားသွားခဲ့တာပေါ့လေ။ ဟဲလမက်ပြောခဲ့သလိုပေါ့။ ဟိုရာတီရို ကောင်းကင်ဘုံနဲ့ကမ္ဘာမြေမှာမင်းအတွေးအခေါ်စိတ်ကူးအိပ်မက်ထက် ပိုတဲ့အရာတွေရှိနေတယ်ဆိုသလိုပေါ့။
ဒါပေမဲ့ ဒီသချာင်္သဘောတရားကနေ ဘယ်လိုလုပ် ခန်းဟာ သူ့အတွေးအခေါ်ဒဿနိကအတွက် နှိုင်းယှဉ်မဖော်ပြနိုင်ခြင်းကို ညာဏ်ပွင့်ခဲ့ရတာလဲ။ သချာင်္ပညာဟာပိုဖွံ့ဖြိုးလာတယ်။ အယူအဆသစ်တွေပေါ်တယ်။ သက်သေပြချက်အသစ်တွေ၊ ရှင်းလင်းချက်အသစ်တွေပေါ်လာတယ်။ ဒီနေ့မှာ အီရာရှင်နယ်ကိန်းမှမဟုတ်ဘူး၊ စံကိန်း (Ideal Number) တို့၊ ရှုပ်ထွေးကိန်း (Complex Number) တို့၊ စိတ်ကူးယောင်ကိန်း (Imaginary Number) တို့လည်းရှိနေပြီမလား။ ဒါတွေရှိလာလို့မို့ ကျနော်တို့ဟာအတိတ်ကပေါ်ခဲ့တဲ့ သချာင်္သဘောတရားတွေကိုနားလည်လို့မရ တော့ဘူးဆိုတာမှမရှိပဲ။ အီရာရှင်နယ်ကိန်းတွေပေါ်လာလို့ ရာရှင်နယ်ကိန်းတွေကိုသဘောမပေါက်နိုင်တော့ဘူးဆိုတာာမှ မရှိပဲ။ ကျနော်တို့ဟာ ကိုယ့်ရဲ့သချာင်္နဲ့ပတ်သက်တဲ့နားလည်နိုင်စွမ်းအားတွေကိုပိုလို့တောင်ချဲ့ထွင်လာနိုင်ခဲ့တယ်။
ဂါစီယာမားကွတ်စ် က ကပ်ဖကာရဲ့ အသွင်းပြောင်းလဲခြင်း (Metamorphosis) ကိုဖတ်ပြီးပြောသလိုပေါ့။ မင်းဒီလိုရေးခွင့်ရှိရဲ့လားလို့တော့ငါမသိဘူး တဲ့။ သူပြောတဲ့ အခွင့်ရှိရဲ့လား ဆိုတဲ့စကားလုံးကို သတိထားစေချင်တယ်။ မားကွတ်စ်က ၀ထ္ထုထဲကဇတ်ကောင် ဂရီကိုဆမ်ဆာ ဟာပိုးဟပ်ကြီးတကောင်အဖြစ်ပြောင်းနေတာကိုသိတယ်။ ဂရီကို ကိုယ်တိုင်ကလည်းသိနေတယ်။ ဒီဇတ်လမ်းဟာ နှိုင်းယှဉ်မဖော်ပြနိုင်ခြင်းနဲ့ အထိုင်ကူးပြောင်းခြင်း တွေနဲ့ပါတ်သက်တဲ့ ရှုပ်ထွေးမှုတချို့ကိုဖော်ပြနေတယ်။ ဒါဟာ ဘာကိုနားလည်ရမလဲဆိုတဲ့မေးခွန်းတခုလား၊ ဒါမှမဟုတ် ဘာကိုခွင့်ပြုရမလဲဆိုတဲ့မေးခွန်းတခုလား။
ခန်း ရဲ့အင်တာဗျုးကိုပြန်ကြည့်ရအောင်
ခန်းက ဒါကိုဥပမာတခုအနေနဲ့ပြောခဲ့တာလို့ဆိုတယ်။ ဘယ့်အတွက်ဥပမာလဲ။ √2 ကို ကိန်းပြည့်တွေနဲ့နှိုင်းယှဉ်ဖော်ပြလို့ မရဘူးဆိုတဲ့ သချာင်္ဆိုင်ရာတွေ့ရှိချက်ဟာ ခန်း ပြောချင်တဲ့ ဒဿနက အဓိပ္ပါယ်တွေကိုယှဉ်တွဲဖော်ပြလို့မရတာနဲ့ဘယ်လို ပတ်သက်လို့လဲ။ ကျနော်လည်း ဒီ √2 သမိုင်းကြောင်းကိုပြန်ရှာရင်များတွေ့မလားလို့တွေးမိတယ်။
ပထမ ဒေးဗစ်ဘာလင်စကီရဲ့ “Infinite Ascent” ကိုအရင်တွေ့တယ်။ အဲဒီမှာ ပိုက်သာဂိုရနဲ့သူ့အဖွဲ့သားတွေအတွက်က ကိန်းတွေဟာပထမဆုံးနဲ့အခြေခံအကျဆုံး ဥပဒေသ၊ အမှန်တရားဖြစ်တယ်။ သချာင်္ ပညာရဲ့မူလဟာ ကိန်းတွေဖြစ်ပြီး ဒီကိန်းတွေဟာ သူ့တို့ဘာသာပေါင်းစပ်ဖန်တီးနိုင်စွမ်းအားရှိတယ်လို့ မသိစိတ်ထဲစွဲစွဲမြဲမြဲယုံကြည်ထားကြတယ်။(မှတ်ချက်။ √2 ဟာသူ့ဘာသာဖန်တီးဖြစ်ပေါ်လာတယ်ဆိုတဲ့သဘော)
နောက်တခုက ချားလ်စီးဖ် ရဲ့ “Zeros : The Biography of a Dangerous Idea” ကနေတွေ့တာ။ ဟစ်ပါးစု (Hippasus of Metapontum) ရဲ့ဘေးမှာလူတစုဝိုင်းထားကြတယ်။ ဟစ်ပါးစု ရဲ့တွေ့ရှိချက် ဟာ လှို့ဝှက်အဖွဲ့အစည်းတခုရဲ့ အယူအဆတခုကိုမှားယွင်းကြောင်းသက်သေပြသလိုဖြစ်ခဲ့တယ်။ ဂရိတွေရဲ့အတွေးအခေါ် လမ်းကြောင်းတခုလုံးတိမ်းစောင်းအောင်လုပ်လိုက်တာနဲ့အတူတူပဲ။ ပိုက်သာဂိုရ ကိုယ်တိုင်ကသူ့ကို ရေနှစ်သတ်ဖို့ အပစ်ပေးခဲ့တယ်။ (မှတ်ချက်။ √2 ကို ဟစ်ပါးစု က အီရာရှင်နယ်ကိန်းဖြစ်ကြောင်းသက်သေပြလိုက်တယ်။ ဒီတော့ ကိန်းမှန်ရင် သဘာဝကိန်း၊ ကိန်းပြည့်ပဲဖြစ်ရမယ်ဆိုတဲ့ ပိုက်သာဂိုရနဲ့ဂရိတွေရဲ့တွေ့ရှိချက်နဲ့ယုံကြည်ချက်ကို ပျက်ပြယ်စေတယ်)
ကျနော်ဒီနှစ်ခုကိုထုတ်ပြပေမယ့် မူကွဲတွေအများကြီးရှိနေသေးတယ်။
ဖျတ်ကနဲကြည့်လိုက်တော့ ခန်း ယူချင်တဲ့သဘောကိုတွေ့ရမယ်။ ပထမ ပိုက်သာဂိုရဂိုဏ်းဝင်တွေအတွက် သချာင်္မှာကိန်းတွေဟာ ကိန်းပြည့်တွေပဲဆိုတဲ့ အထိုင်တခုမှာနေကြတယ်။ နောက်တော့ အလျှားတယူနစ်စီရှိတဲ့ ထောင့်မှန်တြိဂံရဲ့ထောင့်ဖြတ်မျဉ်းဟာ √2 ဖြစ်မှန်းတွေ့လာကြတယ်။ ဒီတော့ မူလပိုက်သာဂိုရအထိုင်ဟာ အီရာရှင်နယ်ကိန်း ဆိုတဲ့တော်လှန်ရေးတခုဝင်လာပြီးပျက်သွားတယ်။ အီရာရှင်နယ်ကိန်းအထိုင် ဆီကိုရွှေ့ပြောင်းလာတယ်။ ဒါပေမယ့် ခန်း ဟာဒီ ဒဏာရီနဲ့ပတ်သက်လို့တော့ဘာမှပြောမသွားဘူး။ သူမကြားဘူးလို့ ဆိုတာလည်းမဖြစ်နိုင်ဘူး။ ဟိုးရှေးခေတ်ကမှတ်တမ်းမှတ်ရာတွေဆိုတာကလည်းရှိတာမဟုတ်။ တချို့အရေးကြီးတာတွေ ရေးမှတ်ထားတယ်ဆိုပြန်တော့လည်းပေရွက်ပေါ်မှာ၊ ရေရှည်ခံတာမဟုတ်တော့ ထပ်ထပ်ပြီးကူးရေးလာခဲ့ကြတာတွေ။ ဒီ ဟစ်ပါးစု ဆိုတဲ့ ငနဲကကောဘယ်သူလဲ။ ဒီ နှိုင်းယှဉ်မဖော်ပြနိုင်ခြင်း ဆိုတဲ့စကားလုံးကို ခန်း ဘယ်ဇတ်လမ်းကနေယူ လိုက်တာလဲဆိုတာကျနော်တိတိကျကျသိချင်တယ်။
Kurt Von Fritz ရဲ့ “The Discovery of Incommensurability by Hippasus of Metapontum” (1945) စာတမ်းတခုရှိတယ်။ အဲဒီထဲမှာတော့ Incommensurability ဆိုတာဂရိသချာင်္ခေတ်ရဲ့ အံ့သြဘွယ် တွေ့ရှိမှုတခု အဖြစ်သတ်မှတ်ခဲ့တယ်။ ပိုက်သာဂိုရ အသင်းဝင်ဂရိသချာင်္သမားတဦးဖြစ်တဲ့ ဟစ်ပါးစု က ဖော်ထုတ်ခဲ့တယ် လို့ရေးထားတယ်။ အောက်ခြေမှတ်စုမှာကျတော့ ဒါအပြည့်အ၀ မသေချာဘူးလို့လည်းဆိုတယ်။ ဘာသဘောလဲ။ ဒီဇတ်လမ်းဟာတကယ်မဖြစ်ခဲ့ဘူးလား။ ပါးစပ်ဒဏာရီသက်သက်လား။ ဗွန်ဖရစ်ကပြောတော့ ဒီအချက်ကိုမှတ်တမ်းတင်ခဲ့တာ ဒီအဖြစ်အပျက်ဖြစ်ခဲ့တယ်ဆိုတဲ့ အချိန်ပြီးလို့နှစ်ပေါင်း၈၀၀ လောက်ကြာမှပေါ်လာတဲ့ Chalcia ဆိုတဲ့ နီယိုပလေတိုနစ်သမား စာရေးသူတဦးလို့ဆိုတယ်။
ကျနော်လည်းဆက်လိုက်ဖို့ဆုံးဖြတ်ခဲ့တယ်။ ဒါနဲ့ ဟားဗတ်က စာကြည့်တိုက်တခုကိုရောက်သွားတယ်။ ကျနော်လက်ခံထားတာတခုရှိတယ်။ စိတ်ပျက်လက်ပျက်ဖြစ်နေတဲ့အခါမျိုးမှာ စာကြည့်တိုက်ထဲကိုသွား၊ လူတွေဖန်တီးရေးသားထားတာတွေကြားထဲခနသွားနေ၊ လူတွေကြားထဲတော့မနေလေနဲ့။
ကျနော် ဓါတ်လှေခါးနဲ့ ငါးထပ်ကိုတက်ခဲ့တယ်။ ပြီးတော့စာအုပ်တန်းတွေကြားထဲရောက်သွားတယ်။ ကျနော်လည်းနံပါတ်နဲ့တိုက်ပြီး Iamblichus’s “Life of Pythagoras, or, Pythagoric Life (De vita pythagorica)” စာအုပ်ကို လိုက်ရှာတယ်။ အသက် ရ၀ ဆယ်ကျော်လောက်ရှိမယ့်အဘိုးကြီးတယောက် ကျနော့်ဘေးက ဖြတ်လျှောက်သွားရင်း သတိတော့ထား Iamblichus ဇတ်လမ်း ကသိပ်ယုံလို့ရတာမျိုးတော့ မဟုတ်လူး လို့ဆိုတယ်။ ကျနော်လည်းသူ့ကိုတားလိုက်ဖို့ကောင်းတယ်။ (ဇတ်လမ်းအရဆိုရင်မတွေ့လိုက်တာကလည်း ပိုကောင်းနိုင်တာပါပဲ)။ ဒါပေမယ့်သူမှန်တာကိုတွေ့ရတယ်။ စာအုပ်ထဲမှာ Iamblichus နဲ့ ဟစ်ပါးစု ရဲ့အဆက်အစပ်တွေတွေ့ရပေမယ့် Incommensurability ကိုသက်သေပြတာတော့ ဘယ်မှာမှမတွေ့ရဘူး။ ကျနော်လည်းနောက်တအုပ်နောက်လိုက်ရပြန်တယ်။ Pappus of Alexandria သူက Iamblichus ပြီးလို့နှစ်ငါးဆယ်လောက် ကြာမှပေါ်လာတာ။ ယူကလစ်နဲ့ပါတ်သက်လို့ ဝေဖန်ချက်တွေအတွဲလိုက်ရေးခဲ့တဲ့သူ။ အဲဒီမှာလည်း ဟစ်ပါးစု ကိုမတွေ့ရပြန်ဘူး၊ သူ့အစားဘယ်သူမှန်းတိတိကျကျ သတ်မှတ်မထားတဲ့ သူတယောက်က ဒီသက်သေပြချက်တွေကိုပေးလို့ အပစ်ပေးလိုက်တယ်လို့ပဲပါတယ်။
ဝေါတာဘားကတ်ဟာ ပညာရှင်ဆွေးနွေးပွဲတခုနဲ့ပါတ်သက်ပြီး ပိုက်သာဂိုရနဲ့ အစောပိုင်းသချာင်္အကြောင်း စာအုပ်တအုပ် ရေးဖူးတယ်။ သူများကျနော့်ကို အတိအကျပြောနိုင်မလား၊ ဂရိသချာင်္ဝင်္ကဘာထဲက ဆွဲထုတ်နိုင်မလားပဲ။ ခုသူကဇူးရစ်တက္ကသိုလ်မှာအတိုင်ပင်ခံပါမောက္ခလုပ်နေတယ်။
အာရိုးမောရစ်။ ။ ခုဆို ဒီအကြောင်းတွေဆရာနဲ့ပြောမယ့်သူဆိုလို့ လက်ချိုးရေလို့ရတယ်။
ဝေါတာဘားကတ်။ ။ (ရယ်လျှက်) ဟုတ်မှာပေါ့။ ဆိုပါဦး မောင်ရင်က ဟစ်ပါးစု နဲ့ပါတ်သက်ပြီး ဘာစိတ်ကူး အဆန်းရလာလို့လဲ။
မောရစ်။ ။ အင်း၊ စိတ်ကူးအဆန်းလို့လည်းပြောရပါ့မလားမသိဘူး။ ကျနော် √2သက်သေပြချက်ဇတ်လမ်း ကိုခြေခြေမြစ်မြစ် သိချင်တယ်။ ဟစ်ပါးစု ကို ပိုက်သာဂိုရ ဂိုဏ်းသားတွေရေနှစ်သတ်လိုက်တယ် ဆိုတဲ့ဇတ်လမ်းကောပေါ့။
ဘားကတ်။ ။ ရေနှစ်သတ်တယ်ဆိုတဲ့ဇတ်လမ်းက နီယိုပလေတိုးနစ်တွေစလိုက်တာကွ။ သူတို့စံနစ်နဲ့ဘောင်ဝင်တာကိုး။ ငါတော့နဲနဲသံသယရှိတယ်။
မောရစ်။ ။ နဲနဲသံသယရှိတယ်။
ဘားကတ်။ ။ ပထမတော့ လူတွေကိုအီရာရှင်နယ်ကိန်းတွေအကြောင်းရှင်းပြရခက်တာပဲ။ မင်းမှာ ဒဿမကိန်းစံနစ်ရှိတယ်ဆိုတော့ကောဘယ်သူကဂရုစိုက်မှာလဲ။ ၀.၃၃၃၃….ဟာမတိကျဘူးဆိုတော့ကောဘယ်သူက ဂရုစိုက်လို့လဲ။ ကိန်းဂဏန်းစဉ်တခုမှာနောက်လာမဲ့ကိန်းတခုက မတိကျဘူးဆိုတော့ကော ဘယ်သကောင့်သားက ဂရုစိုက်မလဲ။ ဒါပေမဲ့လူတွေကိုရှင်းပြရတာတော့ခက်တယ်။ အထူးသဖြင့် သချာင်္တို့ဘာတို့ဝါသနာမပါတဲ့သူဆို ပြီးပါလေရော။
မောရစ်။ ။ ဒါတော့လည်းဟုတ်ပါတယ်။
ဘားကတ်။ ။ ငါအဲသည်ပြဿနာ √2 နဲ့ ပုံမှန်ကိန်းတွေအချိုးနဲ့ကို ပထမဆုံးသတိထားမိတာကို မှတ်မိတယ်။
မောရစ်။ ။ ဆရာဘယ်အရွယ်လောက်ကလည်း။
ဘားကတ်။ ။ ၁၃ နှစ် ၁၄ နှစ်လောက်ကပေါ့။
မောရစ်။ ။ အဲတော့ ဆရာဘာလုပ်လည်း။
ဘားကတ်။ ။ ဒါကတမျိုးပဲမတူဘူးလို့ငါသတိပြုမိတယ်။ ကြည့်ရတာ ဂရိသချာင်္နဲ့ပါတ်သက်ပြီး တွေ့ရှိချက်တခုပေါ့။ ပိုက်သာဂိုရသီအိုရီ နဲ့ဆန့်ကျင်ဘက် ဘေဘီလုံနီးယန်းသချာင်္မှာကဒါမျိုးဘာ သက်သေပြချက်မှမတွေ့ဘူးပဲကိုး။ ဒီဇတ်ကြောင်းကိုလိုက်တော့ Iamblichus နဲ့ Proclus နှစ်ယောက်စလုံးကိုတွေ့ရမှာပဲ (မှတ်ချက်။ ရှေးကထင်ရှားသောနီယိုပလာတိုးနစ် ဂရိတွေးခေါ်ရှင် ၂ဦးဖြစ်သည်) Iamblichus အကြောင်းပြောရင် အရစ္စတိုတယ်ထိကိုခြေရာခံဖို့လိုကောင်းလိုလာမယ်။ ဒါပေမဲ့ တကယ်လို့သမိုင်းကြောင်းနဲ့သာ ဆက်စပ်ပြီး ရှာမယ်ဆိုရင် ဟစ်ပါးစု ကိုဘယ်လိုထဲ့စဉ်းစားမလဲ။
မောရစ်။ ။ တကယ်လို့ ပိုက်သာဂိုရ ဂိုဏ်းသားတွေကကော ဟစ်ပါးစု ကိုသတ်ခဲ့တယ်ဆိုရင် ဘာကြောင့်လဲ။ သူ့သက်သေပြချက်ကိုလက်မခံနိုင်လို့လား။ သူ့သက်သေပြချက်က သူတို့ယုံကြည်လက်ခံမှု ကိုပျက်စီးစေလို့လား။ ဒါမှမဟုတ်သူကအဖွဲ့ရဲ့လှို့ဝှက်ချက်တခုခုကိုဖွင့်ချလိုက်လို့လား။ ဒီသုံးခုထဲကတခုခုကို ရွေးရမှာပဲ။
ဘားကတ်။ ။ စတုထ္ထတခုလည်းရှိနေလိမ့်မယ်။ သူရေနစ်တယ်ဆိုတာက သူ့ဘာသာနစ်တာလည်း ဖြစ်ချင်ဖြစ်မယ်။ နှစ်အသတ်ခံရတာဟုတ်ချင်မှလည်းဟုတ်မှာ။
မောရစ်။ ။ အက်စီးဒင့်လား။ ဒါဆို ဒီဇတ်လမ်းကဘယ်လိုအဓိပ္ပါယ်ရှိတော့မလဲ။
ဘားကတ်။ ။ ငါတို့ ပိုက်သာဂိုရတွေအကြောင်းသိလှတာမဟုတ်ပါဘူး။ ဟစ်ပါးစု အကြောင်းလည်း ထို့အတူပဲ။ ငါတောင်စာအုပ်ရေးခဲ့တယ်ဆိုပေမယ့်ဘာမှထောက်ထောက်ထားထားဖော်ပြနိုင်တာမရှိလှဘူး။ ဆော့ခရတ္တိလည်းဒီအတိုင်းပဲ။ သူ့ကျတော့နဲနဲတော်သေးတာပေါ့လေ။ သူ့တပည့် ပလေတိုတို့ရေးခဲ့သားခဲ့ တာတွေ ရှိနေတာကိုး။ ငါတို့မှာပိုက်သာဂိုရတွေရဲ့လက်ရင်းတပည့်တွေရေးခဲ့တာတွေမှမရှိပဲကိုး။ ဒါကစိတ်ပျက်စရာသမိုင်းကြောင်းတခုပဲ။
မောရစ်။ ။ စိတ်ပျက်စရာ ဟုတ်လား
ဘားကတ်။ ။ ဟုတ်တယ်။ ငါတို့မှာသမိုင်းကြောင်းနဲ့ယှဉ်တဲ့ သတင်းကရှိတယ်ဆိုရုံပဲ။
မောရစ်။ ။ ဒါပေမဲ့ ဟစ်ပါးစု အကြောင်းကတော့ လူတွေပြောပြီးရင်းပြောနေကြတာပဲ။ ဘာလို့လဲ။
ဘားကတ်။ ။ ဒဏာရီတွေကပြောလို့ကောင်းတာကိုး။ ဘာကကျိုးကြောင်းဆီလျှော်လည်းတွေးရတာ ထက်စာရင် ပါးစပ်ရာဇ၀င်တွေအကြောင်းငါတို့တွေစဉ်းစားကြတယ်။ ဒါပေမဲ့ဒါဟာတကယ့်အချက်အလက်တခု မဟုတ်ဘူးဆိုတာတော့သတိထားဖို့လိုတယ်။
ဒါဟာ ဘားကတ် အယူအဆရဲ့အခြေခံပါပဲ။ ခုဆို ပိုက်သာဂိုရတို့ ဟစ်ပါးစု တို့ကိုကောင်းကောင်းသိသူက မရှိသလောက်ဖြစ်နေပြီ။

ဆက်ပါမည်
KZကေ

ပြာခြွေခွက် ၂။ အထိုင်များရွေ့ခြင်း

Kripke ဟာကျနော်တို့ခေတ်ရဲ့တွေးခေါ်ရှင်တဦးပါ။ ဖလော်ဆော်ဖာတွေဟာ သူ့ရဲ့ ပညတ်နဲ့လိုအပ်ချက် အကြောင်းကိုဆွေးနွေးငြင်းခုံနေရဦးမှာပဲ။ လောလောဆယ်မှာ ပညာရှင်ရာချီပြီးသူ့ရဲ့လက်ချာသုံးခုတွဲကို နှစ်ပြီးလေ့လာနေကြတယ်။ သူ့ပို့ချချက်တွေဟာ ကျနော်တို့နားလည်ထားတဲ့ အဓိပ္ပါယ်နဲ့အညွှန်း၊ အထူးသဖြင့် ကမ္ဘာလောကကြီးနဲ့ဘာသာစကားကြားဘယ်လိုချိတ်ဆက်ထားတယ်ဆိုတာတွေကိုပြန်ပြီးတဲ့မတ်ပေးနေတာပဲ။ Kripke အလိုအရဆိုရင်စကားလုံးတွေဟာကမ္ဘာထဲကအရာဝထ္ထုတွေနဲ့ သမိုင်းကြောင်းကိုအခြေခံပြီး ဆက်စပ်ထားတယ်ဆိုတယ်။ ဒီတော့ ဂျုးလီးယက်ဆီဇာတို့ မိုးဇက်တို့ ဆိုတဲ့နာမည်တွေဟာလည်း ရေတို့ ရွှေတို့ဆိုတာတွေလိုပဲတဲ့။
သူပြောတာတွေက ဘာထရန်ရပ်ဆဲတို့ ၀စ်ဂျင်စတိန်း တို့ပြောတဲ့ ဖော်ပြချက်သီအိုရီ (Description Theory) နဲ့မတူဘူး။ ဘာကွာလဲဆိုတာနမူနာတခုပေးလို့ရပါတယ်။ ဥပမာ ငါးကန်ထဲ ငါလေးနှစ်ကောင်ရှိတယ်ဆိုပါတော့။ တကောင် ကရွေရောင်မို့ ၀ါဝါ၊ နောက်တကောင်ကအစိမ်းရောင်ရှိလို့ စိမ်းစိမ်းပဲဆိုပါတော့။ ခင်ဗျားကပထမတော့ ရွှေရောင်ရှိတဲ့ငါးလေးကို တွေ့တာနဲ့ဝါ၀ါလို့သိနေတယ်။ ဒီလိုနဲ့နေလာရင်း ၀ါဝါဆိုတဲ့ငါးလေးဟာတချိန်မှာ ရွှေရောင် အဆင်းဟာဖျော့လာပြီး တဖြည်းဖြည်းစိမ်းရောင်သန်းလာတယ်။ အစိမ်းရောင်ငါးလေးကတော့ ဒါနဲ့ဆန့်ကျင်ဘက် ရွှေရောင်ဝင်းလာတယ်။ ဒါပေမဲ့ အရင်ရွှေရောင်ရှိတဲ့ ငါးလေးနာမည်ဟာ ၀ါဝါပဲ၊ သူ့အရောင်စိမ်းလာလို့မို့ စိမ်းစိမ်းလို့ကျနော်တို့ပြောင်းမခေါ်ကြတော့ဘူး။ သူဟာတခြားငါးတကောင်အဖြစ်ပြောင်းသွားတာမဟုတ်ဘူး၊ ၀ါဝါပဲ၊ ပြောင်းသွားတာကသူ့ အရောင်ပဲဖြစ်တယ်။
ဖော်ပြချက်သီအိုရီသာမှန်ရင် ရွှေရောင်ငါးသာ ၀ါဝါဖြစ်ရမှာဖြစ်တယ်။ ဒါပေမယ့် Kripke အတွက်ကတော့ ၀ါဝါဆိုတဲ့အမည်နာမနဲ့ အရောင်ပြောင်းသွားတဲ့ငါးလေးကြားမှာ သမိုင်းကြောင်းနဲ့ဆက်ကြည့်လို့ရတဲ့ နားလည်မှုရှိနေတယ်။ ၀ါဝါဟာ ၀ါဝါပဲ ဘာအရောင်ပဲပြောင်းသွားသွား။
Kripke ပြောတာကဒီလို၊ ရှင်လင်းချက်တခု (ချဲ့ပြောရင် ယုံကြည်ချက်တခု) ဟာ အညွှန်းတခုနဲ့ချိတ်ဆက်ပေး လိုက်တယ်။ နာမည်တခုကို အရာဝထ္ထုတခုနဲ့ တွဲပေးလိုက်တယ်။ ဒါပေမဲ့ ရှင်းလင်းချက်ကနေ အညွှန်းတခုကိုတော့ သတ်မှတ်မပေးနိုင်ဘူး။ ကျနော်တို့ရဲ့ဖွင့်ဆိုချက်နဲ့ယုံကြည်မှုတွေကြောင့် မောင်ဘဆိုတဲ့နာမည်ဖြစ်နေတာမဟုတ်ဘူး။ ကျနော်တို့မောင်ဘအပေါ်ဘယ်လိုပဲမြင်မြင်မောင်ဘဟာမောင်ဘပဲ။ စကားလုံးနဲ့ ပြင်ပအရာဝထ္ထုကြားမှာသမိုင်းကြောင်းနဲ့ချီပြီးဆက်စပ်မှုရှိထားတယ်။
ခန်း ရဲ့ သိပ္ပံနည်းပညာတော်လှန်ရေးသမိုင်း မှာကျတော့အဲသည်လိုမဟုတ်ဘူး။ ခန်းကပိုနာမည်ကြီးပါတယ်။ ဒါကလည်းအဲသည်အချိန်က ပေါ်ပြူလာယဉ်ကျေးမှု နဲ့ကိုက်ညီလို့လဲဖြစ်နိုင်ပါတယ်။ အမှန်တရားဆိုတာ ယဉ်ကျေးမှုတခုကမွေးထုတ်လိုက်တာဖြစ်ပြီး ခင်ဗျားဘယ်ပေါ်ကိုအခြေခံပြီးရပ်ခံသလဲဆိုတာပေါ်မူတည်တယ် ဆိုတာပါပဲ။ ဒီအယူအဆဟာ ပို့စ်မော်ဒန်သမားတွေအတွက်ကျမ်းစာလိုဖြစ်လာခဲ့တယ်။
ခန်း ကသူ့စာအုပ်ထဲမှာသူ့ကိုယ်ပိုင်းစကားလုံးတွေထဲ့သွင်းထားခဲ့တယ်။ ခန်း ပြောတာက သိပ္ပံမှာ ပုံမှန် နဲ့ တော်လှန် ဆိုပြီးနှစ်ပိုင်းရှိတယ်။ ပုံမှန်သမားတွေမှာအခြေကျပြီးသား သတ်မှတ်ချက်နဲ့ပြဿနာဖြေရှင်းချက်တွေ ရှိတယ်။ ဒါကိုပဲ အထိုင်လို့ခေါ်တာ။ ကမ္ဘာကြီးဟာ ဒီလိုကြောင်းကျိုးဆင်ခြေ တွေးခေါ်ပုံတွေနဲ့ အဆင်ပြေနေတယ်။ ဒါပေမဲ့တချိန်မှာ ပုံမှန်ကိုသွေဖီမှုတခုဖြစ်လာတယ်။ ဒါဟာ အထိုင်တခုရဲ့တည်ငြိမ် အေးချမ်းမှု ကိုဖျက်ပစ်လိုက်တယ်။ ဒီသွေဖီမှုဟာ လက်တွေ့စမ်းသတ်ချက်တခုရဲ့ရလဒ်ဖြစ်ချင်လည်းဖြစ်မယ်။ အပြောင်းအလဲ၊ တော်လှန်ရေးတခုဖြစ်လာတယ်။ နောက်တော့ ရှိနေတဲ့အထိုင်ဟာပျက်သွားပြီး နောက်ထပ်အထိုင်အသစ်တခုဆီကိုကူးပြောင်းလာတယ်။
ခန်းသီအိုရီ နဲ့ပတ်သက်လို့အငြင်းအပွားရဆုံးကတော့ သူအသုံးပြုခဲ့တဲ့စကားလုံးတွေပါပဲ။ အထိုင်ရွေ့ခြင်း (Paradigm Shift) နဲ့ စံတခုဖြင့်နှိုင်းယှဉ်မဖော်ပြနိုင်ခြင်း (Incommensurability) တွေပါ။ အထိုင်တခုမှာရှိနေတဲ့ သိပ္ပံစာလုံးတခုကို သူ့ကိုအစားထိုးနေရာယူလာတဲ့နောက်အထိုင်တခုမှာသုံးလို့မရဘူးလို့ဆိုတာပါ။ ဒါကိုသက်သေပြဖို့လည်းသူအများကြီးကြိုးစားခဲ့တယ်။ ၁၉၆၂ မှာနောက်ထပ်တည်းဖြတ်ထားတဲ့ သိပ္ပံနည်းပညာ တော်လှန်ရေးများ၏ ပုံသဏန်ံစာအုပ်မှာသူဟာ နှိုင်းယှဉ်မဖော်ပြနိုင်ခြင်း (Incommensurability) ကို ပုံရိပ်အလှန် (Gestalt Flip) နဲ့ချိတ်ပြီးတင်ပြလာတယ်။ (မှတ်ချက်။ Gestalt ကဂျာမန်ဘာသာပါ။ Shape လို့ဘာသာပြန်နိုင်ပါတယ်။ မျက်မြင်ပုံရိပ်တွေနဲ့ပါတ်သက်ပြီး လူ့စိတ်ဟာ ဘယ်လိုမြင်တယ်၊ တွေးတယ်၊ အလုပ်လုပ်တယ်ဆိုတာကိုလေ့လာတာကို Gestalt Theory လို့ခေါ်တယ်။ ပုံတပုံထဲကိုပဲ တခါကြည့်တော့အဖွားကြီးပုံ။ နောက်တခါမှာ မိန်းမပျိုလေးလည်စည်းထားတဲ့ပုံတွေ့ဖူးပါလိမ့်မယ်။ အဲဒါမျိုးကို Gestalt Flip လို့ခေါ်နိုင်ပါမယ်။) ကျနော်တို့လောကကိုဘယ်လိုမြင်သလဲဆိုတာပဲ။
ကျနော်တော့ သူပြောတာကို သဘောမတွေ့နိုင်ဘူး။ ပုံရိပ်အလှန်မှာကျတော့ကျနော်တို့ဟာ ယုန်လားဘဲလားဆိုတဲ့ေ၀၀ါးမှုမျိုးမဖြစ်ဘူး (ပုံကိုကြည့်ပါ)။ သူတို့နှစ်ကောင်ကိုတချိန်တည်းမှာမမြင်ရဘူးဆိုတာတောင်မှ ဘာမှဇဝေဇ၀ါမဖြစ်ကြဘူး၊ ယုန်ဟာယုန် ဘဲဟာဘဲပဲ။ ဒါပေမဲ့ ခန်းကျတော့ သိပ္ပံတော်လှန်ရေးတခုဖြစ်ခင်မှာ ကျနော်တို့ဟာ ယုန်ကိုဘဲထင်နေကြတယ် (မိန်းမပျိုလေးကိုအဖွားကြီးထင်နေကြတယ်) လို့ဆိုတယ်။
ဒါဟာ ကျနော်တို့ရဲ့ အမှန်တရားပေါ်ထင်မြင်ယူဆပုံလား၊ အမှန်တရားကိုယ်တိုင်ပဲလား။ ဘဲတွေဟာယုန်ဖြစ်လာကြတယ်လား။ ပြဿနာကဒီလိုစတာ။
၁၉၆၉ ကျတော့ ခန်းဟာ နှိုင်းယှဉ်မဖော်ပြနိုင်ခြင်းကို ဘာသာဗေဒနဲ့ဆက်စပ်ပြန်တယ်။ မတူတဲ့အထိုင်နှစ်ခုမှာရှိနေတဲ့ လူတွေဟာ မတူတဲ့ဘာသာစကားကိုပြောကြတယ်။ ဒါကြောင့် အထိုင်တခုမှာရှိနေတဲ့ သိပ္ပံဘာသာစကားကို တခြားအထိုင်တခုမှာဘာသာပြန်ပြီး သုံးဖို့မဖြစ် နိုင်ဘူး လို့ ခန်း ကဆိုတယ်။ ကိုပါးနီးကပ်ကို ကမ္ဘာကရွေ့ပြီး နေကရပ်နေတာပြောလို့အရှုးပြောတဲ့သူတွေရှိတယ်။ အဲသည်လိုပြောတဲ့သူတွေအတွက်က ကမ္ဘာဆိုတာရပ်နေတာ၊ ကိုပါးနီးကပ်ကျတော့ ကမ္ဘာကိုရွေ့တယ်ပြောယုံ မဟုတ်ဘူး၊ ဒါဟာ နက္ခတ်ဗေဒနဲ့ရူပဗေဒကိုပုံစံအသစ်နဲ့ပြန်ကြည့်တာ။
ဒီတော့ ဒါကိုအထိုင်နှစ်ခု၊ ကမ္ဘာနှစ်ခု သူ့ယူဆချက်နဲ့သူပဲလို့ပြောလို့ဖြစ်မလား။ ကျနော် ခန်းကိုငြင်းဖို့ကြိုးစားတယ်။ စံတခုဖြင့်နှိုင်းယှဉ်ဖော်မပြနိုင်ခြင်းဟာ သူ့ဘာသူကိုအခြေမခိုင်ဘူး။ ခန်းပြောသလို အခြေအနေနှစ်ခုဟာ နှိုင်းယှဉ်ဖော်ပြဖို့မဖြစ်နိုင်ဘူးဆိုရင် ဘာလို့ဒီစကားလုံးကိုသုံးဖို့ရှိသေးလဲ။
ဖော်ပြချက်သမားတွေက နာမည်ကိုသူနဲ့သက်ဆိုင်တဲ့အညွှန်းနဲ့တွဲပြီးထားနိုင်တယ်။ ခန်းအယူအဆကတော့ ဖော်ပြချက်တွေဟာသူအမျိုးအစားတူရာစုတွေနဲ့ထပ်ညွှန်းဖွင့်ဆိုလို့မဆုံးနိုင်အောင်ဖြစ်တော့မယ်။
(မှတ်ချက်။ ကမ်းနားလမ်းဆိုတာ မြစ်ဘေးကလမ်းကိုခေါ်တာ၊ နှစ်တွေကြာလာလို့ကုန်းမြေတင်ပြီး မြစ်ကောသွားလည်း ဒီလမ်းဟာ ကမ်းနားလမ်းပဲ၊ ဖွင့်ဆိုချက် (ကမ်းနားလမ်းဘေးမှာရှိလို့) နဲ့ ကမ်းနားလမ်း (အမည်နာမည်) ကြားမှာ သမိုင်းနောက်ခံချိတ်ဆက်မှုရှိနေတယ်။ မြစ်ကောသွားတယ်ဆိုဦး တခုခုပြောင်းလဲသွားလည်း ကမ်းနားလမ်းဆိုတာကတော့ကမ်းနားလမ်းပဲ။ ဒါက Kripke ရဲ့အယူအဆ။ ဘာထရန်ရပ်ဆဲတို့ ကျတော့ တနေရာမှာကမ်းဖို့ပြီးနောက်တနေရာမြစ်ကြောင်းပေါ်သွားရင် အဲဒီမြစ်အသစ်ဘေးကလမ်းဟာ ကမ်းနားလမ်းပဲ။ ဖွင့်ဆိုချက်နဲ့အမည်ကိုတခါတည်းကပ်ထားတာမျိုး၊ ခု ခန်း ကျတော့ အရင်မြစ်ဘေးကလမ်းနဲ့ ခုမြစ်မရှိတော့တဲ့လမ်းနှစ်ခုကြားမှာ အထိုင်ကပြောင်းသွားပြီ။ ဒီတော့ ကမ်းနားလမ်းလို့သုံးရင် မြစ်ရှိစဉ်ကကမ်းနားလမ်းလား၊ မြစ်မရှိတော့တဲ့ ကမ်းနားလမ်းလား ခွဲပြောဖို့ဖြစ်လာတယ်။ ဘာလို့လဲဆိုတော့ ဒီနှစ်ခုကြားမှာ ယှဉ်ထိုးဖော်ပြလို့မရတော့ဘူး (Incommensurable)။ အတိတ်ကပြောခဲ့တဲ့ကမ်းနားလမ်းနဲ့ခုရှိနေတဲ့ကမ်းနားလမ်းကြား အမည်တူနှစ်ခုမှာကိုပဲ ဆိုလိုရင်းတွေမတူတော့ဘူး။ သီးခြားစီဖြစ်သွားပြီ။ စကားလုံးတခု အဓိပ္ပါယ်တခုကို သူနဲ့ပဲပတ်သက်တဲ့ အထိုင်တခုထဲမှာပဲဖွင့်ဆိုတယ်။ အဲဒီအထိုင်နဲ့ပဲသက်ဆိုင်တယ်ဆိုတဲ့အတွက် တချို့က Relativism လို့ဆိုတယ်)
ခန်း ရဲ့အယူအဆဟာ အန္တရာယ်ရှိလာတယ်။ အမှန်တရားကိုငြင်းဆိုတဲ့ အထိကိုဖြစ်လာတဲ့အတွေးအခေါ်ပဲ။ ဒီလိုဆိုလည်း ခန်းအယူအဆကိုရှင်းပစ်လိုက်ပေါ့ဆိုတော့၊ မဖြစ်သေးပြန်ဘူး။ ကျနော်တို့ဟာ အထိုင်တွေနဲ့ အထိုင်အရွေ့တွေကို နေရာတိုင်းမှာတွေ့နေရတာမဟုတ်လား။ နှိုင်းရ၀ါဒ (Relativism) ဟာရှိနေတယ်။

ပြာခြွေခွက်

၃။ ဆင်ခြေနည်းလမ်းတကျမဖော်ထုတ်နိုင်သောကိန်းများ

ဆက်ပါမည်
KZကေ

ပြာခြွေခွက်

၁။ ရာဇသံ

ငါနားမလည်တဲ့ဘာသာစကားတခုထဲမှာငါမသေချင်ဘူး။
ဂျော့ခ်ျလူးဝစ်ဘောဂဲ

၁၉၇၂ ဧပရယ် တုန်းက။ ၁၉၅၀ ပြည့်နှစ်တွေတုန်းက အိုင်စတိုင်းနဲ့ကတ်ကိုဒယ် တို့နေခဲ့တဲ့ ပရင်စတန်ကအဆင့်မြင့်လေ့လာရေးဋ္ဌာနမှာပေါ့။ သိပ္ပံနည်းပညာတော်လှန်ရေးများ၏ပုံသဏန် စာအုပ်ကိုရေးခဲ့တဲ့ သောမတ်ခန်း (Thomas Kuhn)၊ ခုလူပြောများတဲ့ အထိုင်ရွေ့ခြင်း (Paradigm Shift) စကားလုံးရဲ့ဖခင်ကြီးဟာ ဆေးလိပ်ပြာခံခွက်နဲ့ ကျနော့်ခေါင်းကိုလှမ်းပေါက်ခဲ့တယ်။
ပြဿနာကအဲဒီအရင်၆လလောက်ကစတာ။
ဘာပဲဖြစ်ဖြစ် မင်းအဲဒီလက်ချာတွေတော့သွားမတက်နဲ့၊ ငါပြောတာကြားလား။ ဒီလို ရာဇသံပေးတုန်းက ခန်းက သိပ္ပံပညာသမိုင်းနဲ့အတွေးအခေါ်ဋ္ဌာနမှာ​ဋ္ဌာနမှုး၊ ကျနော်က ကျောင်းသား။ သူပြောတဲ့ လက်ချာတွေဆိုတာက Saul Kripke ကပေးမှာ၊ နောက်ပိုင်းကျတော့ ပညတ်နဲ့လိုအပ်ချက် (Naming and Necessity) ဆိုပြီးခေါ်တွင် လာတဲ့ အကြောင်းတွေသင်မှာ။ ၁၉၇၀ တုန်းကပရင်စတန်မှာလာသင်ပြီးသား၊ ခုဆောင်းဦးပေါက်နောက်တကြိမ် ပြန်လာမှာ။
ဒါပေမဲ့ ခန်း မှာ Kripke နဲ့ဘာများ ချိတ်မိထားတာရှိသလဲ။
ခန်း ကအဲဒီတုန်းကတရှိန်ထိုးနာမည်ရလာတာ။ သူ့ဘာသာရပ် သမိုင်းနဲ့ဒဿနမှာတင်အကောင်ဖြစ်လာတာ မဟုတ်ဘူး။ အထိုင်တို့ အထိုင်ရွေ့ခြင်းတို့နဲ့ပါတ်သက်ပြီး ဆက်စပ်မိသမျှနယ်အားလုံးမှာပါဆရာကြီးတဆူဖြစ်နေ တာပါ။
Kripke ကပါးပါးလျားလျား၊ ပါးသိုင်းမွှေးနဲ့ သုံးဆယ်ကျော်ကာစ။ သူကနာမည်တော့ကြီးလှတယ်မဟုတ်ဘူး။ ဒါပေမဲ့ ပါရမီရှင်လို့သူ့ကိုပြောကြတာတွေတော့ရှိတယ်။ ဆယ်ကျော်သက်လောက်ကတည်းက လိုက်ဗနစ် (Leibniz) ရဲ့ယုတ္တိပုံစံတခုကို အစအဆုံးသက်သေပြချက်ပေးခဲ့ဘူးတယ်ဆိုတယ်။ ဒါနဲ့ပဲ ဟားဗတ်က သူ့ကိုသူတို့ကျောင်း တက်ဖို့ သူ၁၆နှစ်သားမှာကမ်းလှမ်းခဲ့တယ်။ ကျေးဇူးပါ၊ အမေကအထက်တန်းပြီးအောင် အရင်တက်ရမယ် လို့ပြောတယ် ဆိုပြီးအကြောင်းပြန်ခဲ့သတဲ့။
အဲဒီအထိတော့ ကျနော်လည်း ခန်းနဲ့ Kripke ကြားကိုဆက်စပ်မရခဲ့သေးဘူး။
ကျနော်ကတော့ဂရုစိုက်ဘူး။ လက်ချာတွေသွားတယ်။ ဒီတော့ ခန်းနဲ့ခွာပြဲတော့တာပေါ့။
စာသင်ခန်းအကျဉ်းလေးထဲမှာ ကျောင်းသားတွေနဲ့ ပါမောက္ခတချို့ ပေါင်း အယောက် နှစ်ဆယ်လောက်တော့ ရှိမှာပေါ့။ Kripke ပြောတာတွေကျနော်နားမလည်ပါဘူး။ နောင်တနှစ်ကျော်လောက်နေလို့ ဘာကလေ ကိုရောက်တော့မှ သူငယ်ချင်းတယောက်ရှင်းပြလို့နဲနဲသိလာတယ်။
ခန်းကအဲသည်အချိန်တုန်းက ဆေးလိပ်ကိုမီးကူးပြီး သောက်တာ၊ ပထမ ပေါလ်မော နောက်တော့ ထရူးဘလူးကိုပြောင်းသောက်တယ်။ တနေ့ကို ၆ဗူး ရ ဗူးလောက်ကုန်မယ်။ ဆေးလိပ်ပြာခွက်ထဲမှာ ထိုးချေထားတဲ့ အစီခံတွေကပုံလို့ပဲ။
စီမီနာကလူစုံလာတယ်။ သူ့ကျောင်းသားတွေ၊ အပြင်ကလာလေ့လာတဲ့ဧည့်ပညာရှင်တွေ၊ သူပြောတာသက်သက် နားထောင်ဖို့ ခရီးဝေးကလာတဲ့ စုံတွဲတတွဲလည်းပါတယ်။ သူ့အယူအဆနဲ့ပါတ်သက်ပြီးမကြာခဏ ငြင်းခုံရတတ် တာက သမိုင်းဟာမျက်မှောက်အချိန်ကာလကိုရောက်ဖို့ထိဆင့်ကဲပြောင်းလဲလာရတယ်ဆိုတဲ့အယူအဆပဲ။ Whigggishness လို့ခေါ်ကြတယ်။ သိပ္ပံပညာရဲ့သမိုင်းမှာ နည်းပညာတခုကိုသူနဲ့သက်ဆိုင်တဲ့ခေတ်ကာလထဲမှာ ပိုင်းခြားကြည့်မြင်တာမဟုတ်ပဲ ဒီနေ့ခေတ်သိမြင်မှုပေါ်အခြေခံပြီးသုံးသပ်ဖို့တိမ်းညွှတ်ချက်ရှိတာကိုဆိုတာပါ။ Whigggishness ဆိုတဲ့ စကားလုံးက ၃၁နှစ်မှာ ဟားဗတ်ကျောင်းတော်ရဲ့ သမိုင်းပါမောက္ခဖြစ်ခဲ့တဲ့ ဟားဗေးဘတ်တာဖီး (Herbert Butterfield) ရဲ့ The Whig interpretation of History စာအုပ်ကနေ ယူထားတာ။ ဘတ်တာဖီးပြောတာကတော့ အတိတ်ကိုဒီနေ့ခေတ်နဲ့တချိန်လုံးတိုက်ရိုက်ချိန်ထိုးပြီးညှိကြည့်နေတဲ့ အမြင်တဲ့။ ဒီတော့ဘာဖြစ်သလဲဆိုတော့ သမိုင်းဆိုတာဒီနေ့ခေတ်ကိုရောက်ဖို့၊ လူသားဟာသူ့လွတ်လပ်မှုနဲ့သိမြင်မှုအတွက်ခရီးရှည်ကြီးကိုဖြတ်သန်းနေရတယ်ဆိုတဲ့ကောက်ချက်ကိုဦးတည် စေတယ်လို့ ဝေဖန်တယ်။ ဘတ်တာဖီးမြင်ပုံကြတော့တမျိုး၊ ဘ၀ကို တခြားရာစုနှစ်ကနေပြန်ကြည့်ပြီးမြင်မှ တကယ့် သမိုင်းဆိုင်ရာသိမြင်နားလည်မှုကိုရမယ်လို့ဆိုတယ်။
ပရင်စတန်ဟာဆုလဒ်တမျိုးပါ။ ကျနော် ဟားဗတ်သိပ္ပံပညာသမိုင်း အတန်းအတွက်ဝင်ခွင့်မရခဲ့ဘူး။ ဟားဗတ်ကပါမောက္ခ အာဝင်ဟီးဗေး က ခန်း ဆီကိုထောက်ခံစာတဆောင်ရေးပေးလိုက်တယ်။ ပြဿနာတက်တော့မယ် ဆိုတာကျနော်ကြိုသိသင့်ပါတယ်။ တက္ကသိုလ်ဆိုတာ ကုန်းမြင့်လေးပေါ်ကတောက်ပ နေတဲ့မြို့လေးလို့မြင်ကြည့်သင့်တာ။ ခုတော့ ဂူထဲဝက်ဝံဆီသွားလည်ဖို့ ဗီဇာထပ်တိုးခွင့်ရသလိုဖြစ်သွားတာပေါ့။ ကျနော်လည်း ခန်းရဲ့၁၉ရာစု လျှပ်စစ်နဲ့သံလိုက်ပညာ အကြောင်းစီမီနာအတွက် ဂျိမ်းကလပ်မက္ကဆွဲ (James Clerk Maxwell) ရဲ့အစားထိုးလျှပ်စစ်စီးကြောင်း စာတမ်းကိုရေးတယ်။ စာတမ်းက စာမျက်နှာ၃၀လောက်ရှိမယ်။ ခန်း ပြန်ရေးတဲ့ကွန်မင့်ကလည်းအဲလောက်ရှည်တယ်။ မျဉ်းမပါတဲ့ စာရွက်အ၀ါပေါ်မှာ ဘေးမျဉ်းတောင်မပါဘူး၊ တောက်လျှောက်ကိုရိုက်ထားတာ။ သူတော်တော်စိတ်ဆိုးနေပုံပါ။
နောက်ဆုံးမှာသူရေးထာတာက မင်းဟာမင်းစခဲ့တဲ့လမ်းပေါ်ပြန်လျှောက်မိနေပြီတဲ့။ ဘာအဓိပ္ပါယ်လည်း ကျနော် ၂၄နှစ်ပဲရှိသေးတယ်လို့ ပြန်မေးလိုက်တယ်။ သူကပြောတယ်။ ကျနော်ဟာအစကတော့ဟုတ်မလိုလိုနဲ့ နောက်တော့လျှော်သွားတယ်တဲ့။ ကျနော်တို့စကားပြောနေတာ အနောက်ဘက်ဆောင်မှာ၊ အဆင့်မြင့်လေ့လာမှု ဋ္ဌာနရဲ့အဆောင်သစ်မှာပေါ့။ ခန်း က ကိုယ်ခန္ဓာအနက်သီအိုရီနဲ့ ကွမ်တမ်အဆက်ပြတ်မှု စာအုပ်ရေးဖို့ခွင့်ယူထားတာ။ ကျနော်တို့ငြင်းကြတယ်။ ခန်းက ကျနော့်အစားထိုးလျှပ်စီးကြောင်း (displaced current) ဆိုတဲ့စကားလုံးကိုအဓိပ္ပါယ်ဖွင့်ရာမှာ Whiggish ပုံစံဝင်နေတယ် (မက္ကဆွဲခေတ်ကနားလည်မှုကို ကနေ့အသိနဲ့ပြန်ဆိုတယ်) ဆိုပြီး တိုက်ခိုက်တယ်။ ကျနော်ဟာ မက္ကဆွဲပထမဆုံး အားထုတ်ထားတဲ့ လျှပ်စစ်နဲ့သံလိုက်သီအိုရီကို တလွဲယူဆပြီးရေးထားတယ်လို့ သူမြင်တယ်။
ကျနော့်ဘက်ကြတော့ မက္ကဆွဲကိုလွဲကောက်နေတာသူ ကျနော်မဟုတ်ဘူး သူလို့ခံစားရတယ်။ ဆရာကျနော့်တယ်လီစကုပ် (မှန်ဘီလူး) နဲ့ကြည့်ဖို့ငြင်းနေတာပဲ။ ဟေ့ အာရိုး မင်းဟာကတယ်လီစကုပ် မဟုတ်ဘူးကွ၊ ပန်းစင်္ကြာမှန်ပြောင်းကြီး။ ဒီလိုတော့လည်းသူမှန်ချင်မှန်ပါလိမ့်မယ်။ ကျနော်တို့စကားဝိုင်းက ပုံပျက်ပန်းပျက်ဖြစ်လာတယ်။ ကျနော်နဲ့သူကြားမှာရှိခဲ့တဲ့ပြဿနာကြောင့်လား။ သူ့အယူအဆနဲ့ ကျနော်ရေးထားတဲ့အမြင်တွေကြားထဲကပြဿနာလား တခုခုပဲ။ ကျနော်သူ့ကိုပြောတယ်။ ပုံမှန်အထိုင်တွေဟာ တကယ့်ကိုတခြားပြောင်းလဲဖြစ်ထွန်းမှုတွေနဲ့ထပ်ဟပ်ပြီးယှဉ်မကြည့်နိုင်ဘူးဆိုရင် (If paradigms are really incommensurable)၊ သိပ္ပံပညာရဲ့သမိုင်းဟာ ဘယ်လိုလုပ် ဖြစ်နိုင်ပါတော့မလဲလို့။
သူစပြီး ငြီးတွားတော့တာပဲ။ ခေါင်းကိုလက်နှစ်ဘက်ကြားထိုးသွင်းပြီး သူငါ့ကိုသတ်နေတာပဲ၊ သူငါ့ကိုသတ်နေတာပဲလို့ တယောက်တည်းရွတ်နေတယ်။ သူ့ကိုယ်သူဘုရားလို့ထင်နေတဲ့သူကလွဲရင်ပေါ့ လို့ကျနော်လည်းထပ်ဖြည့်ပေးလိုက်တယ်။ အဲဒီမှာတင် ကျနော့်ကိုဆေးလိပ်ခွက်နဲ့ပစ်တော့တာပါပဲ။
မထိဘူး။ ကျနော်ဆေးလိပ်ခွက်လာတဲ့လမ်းကြောင်း ဘယ်လိုကွေးညွတ်လာတယ်ဆိုတာကအစ မြင်တယ်။ ပြာခြွေခွက်ဟာ သီးခြားနေစင်္ကြာဝဋ္ဋာတခုလိုပဲ။ အစီခံတွေက ဂြိုလ်တွေလိုလှည့်လို့ ဂြိုလ်သိမ်ဂြိုလ်မွှားတွေနဲ့ ကြယ်တာရာ တွေကြားကအငွေ့တွေဟာ ပြာတွေလိုလွင့်နေတယ်လို့ထင်ခဲ့တယ်။ ကျနော်လည်း ခနစောင့် အိုင်စတိုင်းရုံးခန်းကဒီကွေ့လေးတင်၊ ဒါအဆင့်မြင့်နည်းပညာလေ့လာရေးဋ္ဌာနလို့ အော်လိုက်တယ်။
ခန်း ရဲ့တုန့်ပြန်မှုကို ကျနော်က ပြာခြွေခွက်ငြင်းဆိုမှု လို့နာမည်ပေးခဲ့တယ်။ တယောက်ယောက်ကများခင်ဗျားနဲ့ ငြင်းပြီး တခုခုနဲ့ပစ်လိုက်ပြီဆို ဒါဟာ ဘာသာဗေဒ၊ အဓိပ္ပါယ်နဲ့အမှန်တရားအကြောင်းပြောတာလည်း ဖြစ်ချင်ဖြစ်မယ်။ တယောက်နဲ့တယောက်မုန်းပြီး သတ်ဖြတ်ချင်တာလည်းဖြစ်ချင်ဖြစ်မယ်ပေါ့။
နောက်တော့ ခန်း ကကျနော့်ကိုပရင်စတန်ကနေထုတ်ပစ်လိုက်တယ်။ သူ့မှာဒီလိုလုပ်နိုင်စွမ်းရှိတယ်။ သူလုပ်ခဲ့တယ်။ ကျနော့်မှာနောက်၂နှစ်၃နှစ်ထိ သူငါ့ဘ၀ကိုဖျက်စီးပစ်ခဲ့တယ်လို့ထင်နေခဲ့တယ်။ ခုနေပြန်စဉ်းစားတော့ ဒါဟာကျနော်နဲ့မသင့်တော်နိုင်တဲ့ အသက်မွေးပညာတခုကနေသူကျနော့်ကိုကယ်တင် ခဲ့တာပဲလို့လည်း ခံစားမိတယ်။

ပြာခြွေခွက်

၂။ အထိုင်များရွေ့ခြင်း

ဆက်ပါမည်
KZကေ