၃။ လူသား၏အခြားမျက်နှာစာများပျောက်ဆုံးခြင်း

ကိုလူ။ ။ ဒီတပတ်တော့ Critical Theory အကြောင်းနဲနဲထပ်ပြောကြည့်ပါလား
ကိုမူ။ ။ Critical Theory က ၂မျိုးကွဲနေတယ်။ စာပေဝေဖန်ရေးဘက်ကိုလေ့လာပုံကတပိုင်း၊ Social Theory အနေနဲ့လေ့လာပုံကတပိုင်းပေါ့။ ကျနော်တို့က ဖရင့်ဖတ်ကျောင်းအကြောင်းပြောနေကြတာ ဆိုတော့စာပေဝေဖန်ရေးရှုထောင့်ကလေ့လာမှာမဟုတ်ဘူးဆိုတာတော့ကနဦးနားလည်ထားကြရမယ်။
ကိုလူ။ ။ အင်း ခင်ဗျား Neo – Marxian တွေအကြောင်းပြောချင်နေတယ်လို့တော့ အကြမ်းဖျင်းနားလည် ထားပါတယ်။
ကိုမူ။ ။ Habermas တို့ကို Neo – Marxian လို့ပြောလို့ရသလားဆိုတာကျနော်တော့သိပ်မသေချာဘူး။ စာပေဘက်ကလေ့လာမယ်ဆိုရင်လည်း Critical Theory ဟာ Structuralism, Post-structuralism, Deconstruction နဲ့ Postmodernism စတဲ့စိတ်ဝင်စားစရာတွေဘက်ကိုနွယ်သွားမှာပါ။
ကိုလူ။ ။ စလက်စနဲ့ Sociology ဘက်ကအပိုင်းကိုပဲ အရင်ပြောပါဦး။
ကိုမူ။ ။ အဓိက အကျဆုံးကတော့ လူသားကိုဖိနှိပ်မှုပုံစံအမျိုးမျိုးကလွတ်မြောက်ပြီး ဆင်ခြင်တုံတရားနဲ့ ပြည့်စုံတဲ့ လူ့အဖွဲ့အစည်းတခုကိုထူထောင်ဖို့ ရည်ရွယ်တာပါပဲ။ ဟော့ကိုင်းမားရှေ့မှာ ဖရင့်ဖတ်ကျောင်းစတင် ခဲ့သူတချို့ရှိပေမဲ့ အရမ်းရှေ့တိုးလွန်းရင်လည်းဒီဘက်ပိုင်းကိုရောက်ဖို့ကကြာမယ်။ ဟောကိုင်းမားပြောခဲ့တာတခုက လူ့အဖွဲ့အစည်းရဲ့စီးပွားရေးဘ၀၊ လူတဦးချင်းရဲ့စိတ်ပိုင်းဆိုင်ရာ ဖွံ့ဖြိုးတိုးတက်မှု ကိုယဉ်ကျေးမှုအ၀န်းအ၀ိုင်းထဲပုံစံကူးပြောင်းတာတွေ၊ ဒီကြားကအဆက်အစပ်ကိုလေ့လာတာ၊ သိပ္ပံ၊ အနုပညာ၊ ဘာသာတရားဆိုတာတွေအပြင် ဥပဒေ၊ ကိုယ်ကျင့်တရား၊ ဖက်ရှင်၊ အားကစား၊ လူထုသဘောထား၊ လူနေမှုပုံစံ တွေကိုပါလေ့လာတာ၊ လူ့အဖွဲ့အစည်းကိုဘက်ပေါင်းစုံကလေ့လာပြီး သာယာ တဲ့လူ့အဖွဲ့အစည်းတခုကိုတည်ဆောက်ဖို့စဉ်းစားတာ Critical Theory ပါပဲ။
ကိုလူ။ ။ မာ့က်စ်တုန်းကတော့ လူတဦးချင်းနဲ့သူတို့ရဲ့ လူမှုဘ၀စိတ်ခံစားမှုတွေကိုပယ်ထားခဲ့တယ်နော်။
ကိူမူ။ ။ ဒီလိုပြောလို့ရပါလိမ့်မယ်။ မာ့က်စ်ရဲ့ Dialectical Materialism (အနုပဋ္ဋိလောမရုပ်ဝါဒ) နဲ့တော့ကွဲသွားတာပေါ့။ သို့သော် ဟော့ကိုင်းမား၊ အာဒိုးနိုးတို့နဲ့မတူတဲ့ ဖရင့်ဖတ်ဂိုဏ်းထဲကပဲ နာမည်ကြီးတယောက်ရှိသေးတယ်။ သူက Herbert Marcuse (1898 – 1979)။ သူ့ကိုလည်းထဲ့ပြောရပါ လိမ့်မယ်။
ကိုလူ။ ။ အရေးကြီးမယ်ထင်တဲ့အစမှန်သမျှတော့ဆွဲထုတ်သွားပေါ့လေ။ ကျန်တာတွေကတော့ တဦးနဲ့တဦး စိတ်ဝင်စားပုံကိုမူ တည်ပြီး ဆက်လေ့လာကြရမှာပေါ့။ လေ့လာပုံလည်းကွဲနိုင်ပါတယ်။
ကိုမူ။ ။ မားကူ့စ် ကဖရင့်ဖတ်ကျောင်းကို ၁၉၃၃ မှာစရောက်တယ်။ သူလည်းဂျုးစပ်တော့ ဟော့ကိုင်းမားတို့ အာဒိုးနိုးတို့နဲ့အတူတူ အမေရိကားကိုပါသွားတယ်။ သူတို့တွေနယူးယော့က ကိုလံဘီယာတက္ကသိုလ်မှာ ဖရင့်ဖတ် ကိုဆက်အသက်သွင်းကြတယ်။
ကိုလူ။ ။ သူကအမေရိကန်ထောက်လှမ်းရေးမှာဝင်လုပ်သေးတယ်လို့ကြားဖူးသလိုပဲ။
ကိုမူ။ ။ ဟော့ကိုင်းမားနဲ့အာဒိုနို ဂျာမနီကိုပြန်လာတော့ သူကအမေရိကားမှာကျန်နေခဲ့တယ်။ ခင်ဗျားပြောတဲ့ American Intelligence နဲ့ State Department အတွက်အလုပ်လုပ်ပေးတာ ဟာနောက်ပိုင်း သူ့နောက်လိုက်တွေ ကျောင်းသားတွေ အတွက်စိတ်အနှောင့်အယှက်တော့ဖြစ်ခဲ့တယ်ဆိုတယ်။ သူ့အယူအဆနဲ့ အရေးအသားတွေဟာ New Left လှုပ်ရှားမှုတွေအတွက်ဦးဆောင်မှုပေးနိုင်ခဲ့တယ်။ ဥရောပမှာနာဇီတွေစစ်ရှုံးတော့ အုပ်ချုပ်ခံလူတန်းစားကို အစွမ်းကုန်ဖိနှိပ်ခဲ့တဲ့ ဖက်ဆစ်စံနစ်ဟာ ကျဆုံးသွားတယ်ဆိုပေမယ့် အလုပ်သမား လူတန်းစားဟာ အရင်းရှင်စံနစ်ရဲ့ သက်တောင့် သက်သာအခိုင်းစေခံဘ၀ (comfortable slavery) ကနေမလွတ်မြောက်ခဲ့ကြဘူး။
ကိုလူ။ ။ လူတွေဟာသူတို့လက်ရှိဘ၀ကိုအမှန်အတိုင်းနားမလည်နိုင်ပဲ အရင်းရှင်စံနစ်ရဲ့ လိမ္မာပါးနပ်တဲ့ လှည့်စားမှုအောက်မှာကမ္ဘာကြီးကိုပြောင်းလဲလိုစိတ်တွေပျောက်သွားတယ်ဆိုပါတော့။
ကိုမူ။ ။ ဟော့ကိုင်းမားနဲ့အာဒိုးနိုး တို့ကဒီအနေအထားမှာ တော်လှန်ရေး ကိုမြင်ကြည့်လို့မရတော့ဘူး။ စိတ်ပျက်အားလျော့သွားခဲ့ကြတယ်။ ဒီသဘောကို The Dialectics of Enlightenment မှာတွေ့ရတယ်။ သို့သော် မားကူ့စ်ကလက်မလျှော့ဘူး။
ကိုလူ။ ။ လုပ်ပါဦး ခင်ဗျား မားကူ့စ်ကြီးကတော်လှန်ရေးအတွက်ဘယ်လိုမျှော်လင့်ချက်အသစ်တွေပေးခဲ့သလဲ။
ကိုမူ။ ။ သူကဖရွိုက်ဒ် (Sigmund Freud) နဲ့ မာ့က်စ် ကိုရောဖို့လုပ်လာတယ်။ ဖရွိုက်ဒ် ကိုပြန်အသက်သွင်း လာတာ ဖရင့်ဖတ် အတွက်တော့အသစ်မဟုတ်ပါဘူး။ ဒါပေမဲ့မားကူ့စ်လောက်တော့ဘယ်သူမှထဲထဲဝင်ဝင် မလုပ်ခဲ့ကြဘူး။
ကိုလူ။ ။ ဖရွိုက်ကိုတော့ကျနော်ကြားဘူးတယ်။ သူက မသိစိတ် (Unconscious Mind) နဲ့နာမည်ကြီးတာပဲ။ Psychoanalysis ပညာရှင်၊ ဒါကိုမာ့က်စ် ရဲ့ Materialism နဲ့ ဘယ်လိုပေါင်းတာလဲ။
ကိုမူ။ ။ ဖရွိုက်ဒ် ကတော့ရှင်းတယ်။ လူ့ဘ၀ကိုမောင်းနှင်တဲ့အခြေခံအင်အားဟာ လိင်စိတ်ပဲ။ Sexual Desire ဒါအခြေခံပဲ။ လူ့ယဉ်ကျေးမှုမြင့်လာတာနဲ့အမျှ ဒီလိင်စိတ်ဟာ ဖိနှိပ်ခံလာရတယ်။ ဒါမရှောင်လွဲနိုင်ဘူး။ လူ့အဖွဲ့စည်း တခုဟာယဉ်ကျေးမှုမြင့်မားလာလေလေ ဒီလိင်စိတ်ဟာဖိနှိပ်ခံလာရလေလေပဲ၊ ဒီလိုဆိုတယ်။
ကိုလူ။ ။ ဆိုတော့ ယဉ်ကျေးတဲ့လူ့အဖွဲ့အစည်းတခုပေးဆပ်ရတဲ့တန်ရာတန်ဖိုးက လိင်စိတ်ဖိနှိပ်ခံရလို့ပေါ်လာ တဲ့မပျော်ရွှင်မှုနဲ့ စိတ်ပိုင်းဆိုင်ရာနာမကျန်းမှုပဲလို့ပြောချင်တာလား။
ကိုမူ။ ။ ဒါကိုမားကူ့စ်ကလက်မခံဘူး။ လူ့ယဉ်ကျေးမှုအတွက်လိင်စိတ်ဖိနှိပ်ခံရတယ်ဆိုတာ မပြည့်စုံတဲ့အချိန် မှာတော့ဖြစ်ကောင်းဖြစ်မယ်။ ခုလိုအနောက်ရဲ့ကြွယ်ဝချမ်းသာနေချိန်မှာတော့ ဒါမလိုအပ်တော့ဘူးလို့ဆိုတယ်။
နည်းပညာ၊ ကုန်ပစ္စည်း နဲ့ ဈေးပေါတဲ့ဖျော်ဖြေမှုပုံစံတွေကြောင့် စစ်ပြီးခေတ်အရင်းရှင်စံနစ်အောက်မှာ လူသား ဟာခေတ်ပြောင်းတော်လှန်ရေးစေ့ဆော်မှုတွေပျောက်ဆုံးသွားတယ်၊ ပိုပြီးဖိနှိပ်ခံရဖို့ဖြစ်လာတယ်။ သူတို့ရဲ့အတွေ့အကြုံပေါ်မှာမူတည်ပြီးပေါ်လာတဲ့ ဆန္ဒတွေအပေါ်မှာကို ဝေဖန်သုံးသပ်မှုတွေ ပျောက်ဆုံးလာတော့တယ်။ အကျိုးဆက်က လူသားဟာ ကျဉ်းမြောင်းတဲ့ နေ့စဉ်လူ့ဘ၀ကိုဖြတ်သန်းခြင်း ဆိုတဲ့ မျက်နှာစာ တဘက်တည်းမှာပဲ သူ့ဘ၀ကိုမျှောသွားနေတော့တယ်။ မော်ဒန်လူ့အဖွဲ့အစည်းထဲက မော်ဒန်လူသား ရဲ့ ယျေဘူယျပုံစံလို့သူ့ရဲ့ထင်ရှား တဲ့ One Dimensional Man (1964) မှာတင်ပြခဲ့တယ်။
ကိုလူ။ ။ ဒါဆိုသူက ကွန်မြူနစ်လူ့အဖွဲ့အစည်းကော၊ အရင်းရှင်လူ့အဖွဲ့အစည်း ကောနှစ်ခု စလုံးကို ဝေဖန်ခဲ့တာပေါ့။
ကိုမူ။ ။ ဒါကြောင့်သူ့ကိုလည်းနှစ်ဘက်စလုံးကပြန်တိုက်ခိုက်ခဲ့ကြတာပေါ့။ သူကတော်လှန်ရေးအတွက် မာ့က်စ်ပြောခဲ့တဲ့အလုပ်သမားလူတန်းစားအစား ကျောင်းသား၊ အမျိုးသမီး၊ လူမည်း၊ Gay ၊ ဆင်းရဲသားတွေ ကသာ အတွေးအခေါ်အရကော လှုပ်ရှားမှုအရပါ အရေးပါလာခဲ့မယ်ဆိုတယ်။ မာ့က်စ်ရဲ့ နိုင်ငံရေးဘောဂဗေဒ ထဲကိုဖရွိုက်ရဲ့စိတ်သရုပ်ခွဲပညာကိုပေါင်းစပ်ချင်တယ်။ ဒါကြောင့်မာ့က်စ်ဝါဒီတွေကမကြိုက်ကြဘူး။ တဘက်မှာလည်း လက်ရှိသိပ္ပံနဲ့နည်းပညာ လူ့အဖွဲ့အစည်းကိုသူမကြိုက်ပေမဲ့ ဒါကိုဘယ်လိုဖြေရှင်းရမလဲဆိုတဲ့ တိကျတဲ့အတွေးအခေါ်တခုကိုမပေးနိုင်ခဲ့ဘူးလို့ ဝေဖန်ခံရပါတယ်။
ကိုလူ။ ။ ဟာဘားမားကျတော့သူတို့တွေနဲ့ဘာကွာသလဲ၊ သူကခုထိသက်ရှိထင်ရှားရှိနေတာနော်။
ကိုမူ။ ။ ဖရင့်ဖတ်ကျောင်း၊ ဝေဖန်ရေးသီအိုရီ နဲ့ ဆက်စပ်တဲ့ နိုင်ငံရေးတွေးခေါ်ရှင်တွေဟာ မာ့က်ကိုလက်ရှိ လူ့အဖွဲ့အစည်းနဲ့ လိုက်ဖက်တဲ့အတွေးအခေါ်တစ်ရပ်ဖြစ်လာအောင်ပြန်ပြီးအားထုတ်ကြတာပါပဲ။ ဟော့ကိုင်းမားနဲ့အာဒိုးနိုး ပြီးတော့ သူတို့ရဲ့ ဥါဏ်အလင်းခေတ်ရဲ့ဒိုင်ယာလက်တစ်။ မားကူ့စ် နဲ့သူ့ရဲ့ မျက်နှာစာတဘက်တည်းရှိသောလူသား၊ ဒါတွေကိုအကြမ်းဖျင်းသိထားမှသာ လက်ရှိသွားနေတဲ့ ဟာဘားမားတို့ လမ်းကြောင်းကို ပိုနားလည်လာမှာပါ။

KZကေ

မေရေ.....မေလရဲ့နွေရက်ရှည်

မင်းအပေါ့စွန့်တဲ့ခွက်ထဲမှာငါရေလာမကူးဘူး
ငါ့ရေကူးကန်ထဲမှာ အပေါ့လာမစွန့်ပါနဲ့
မင်းဆေးလိပ်ပြာခွက်ထဲမှာ ငါ ရှုးရှုးမသွားဘူး
ငါ ရှုးရှုးသွားတဲ့ခွက်ထဲမှာ စီးကရက်အစီခံတွေပစ်မသွားပါနဲ့
နံရံရဲ့ဆယ်ပေအမြင့်က စာတကြောင်း
ဒီအထိရောက်အောင်လှမ်း ပန်းနိုင်ရင်
ခင်ဗျားကို ကျနော်တို့ အရံမီးသတ်တပ်ဖွဲ့ကအလိုရှိနေပါတယ်၊
ဝင်းမောင်ကဗျာတပိုင်းတစ ခုတလောငါသတိရလှ
“၀ဋ္ဋ်ဒုက္ခဟာရေမီးအစုံအလင်နဲ့”
အာဏာနဲ့ငွေဟာ ဂရိဘာသာစကားပဲ
ငါက မြန်မာလိုကို လူနားလည်အောင် ကောင်းကောင်းရေးတတ်တာမဟုတ်
မဖြစ်ဘူး ကိုယ်ကောင်းလျှင်ခေါင်းမရွေ့ဘူးဆိုသော်လည်း
အနဲဆုံး ဓါတ်ကြီးလေးပါးလောက်တော့ ကိုးကွယ်ပါမှ၊
မေ ၂၀၀၈ ထဲက ရှုထားတဲ့အသက်
ခုထိပြန်မထွက်ဘူး။

KZကေ

၂။ သမိုင်းကြောင်လိမ်လှေခါးပေါ်က ဒိုင်ယာလက်တစ်

ကိုလူ။ ။ ဖရင့်ဖတ်အကြောင်းကြားတော့ကြားဖူးနေတယ်။ မေးချင်တာလေးတွေလည်းရှိနေတယ်ဗျ။
ဒိုင်ယာလက်တစ် ကပဲစလိုက်ရအောင်။ ခင်ဗျားရှင်းထားလို့ Thesis ၊ Antithesis နဲ့ Synthesis ကိုတော့သဘောပေါက်သလိုရှိသွားပြီ။ ဒါပေမဲ့ ခုခေတ် ပို့စ်မော်ဒန်သမားတွေက Dialectic ကိုခေတ်ကုန်သွား ပြီပြောနေကြတယ်ဆို။
ကိုမူ။ ။ အင်း ဒီလိုဗျ။ ကျနော်တို့ခုသိသလောက်မှာဒိုင်ယာလက်တစ်ဟာ မရပ်တော့ဘူး။ ခင်ဗျား သမူဟ ရပြီးတာနဲ့ မူလ ပြန်ဖြစ်ပြန်ရော။ အဆင့်တခုတော့ မြင့်တက် ဒါမှမဟုတ်ပြောင်းသွားတာတော့ရှိတာပေါ့လေ။ ဒီမှာ နောက်ပိုင်းတွေးခေါ်ရှင်တွေက အဖြစ်အပျက်အားလုံး သူ့ဂွင်ထဲကိုသွင်းပြီးရှင်းတယ်။ ဒိုင်ယာလက်တစ်ဟာ အားလုံးကိုချုပ်ထားတယ်။ သူ့အပြင်ဖက်ကနေထွက်တွေးလို့ ရှင်းလို့ကော မရနိုင်ဘူးလား စသည်ဖြင့် ကြံဆလာကြတယ်။
ကိုလူ။ ။ တရုတ်သိုင်းကားထဲကလိုဆို စူ့ထက်စူ လူစွမ်းကောင်းတွေပေါ်လာတာပေါ့။ ဆက်ပါဦး။
ကိုမူ။ ။ အဓိက ကတော့ ပြင်သစ်တွေပဲ၊ Gorges Bataille (ဂျော့ခ်ျဘာတိုင်းယီ) နဲ့ Baudrillard (ဘိုးဒရီးယား)နောက်ကဆရာကခုခေတ်မှာပိုအပြောများလာတယ်။ (နီးစပ်အောင်မှန်း အသံထွက် ထားပါသည်၊ ပြင်သစ်က ILL သုံးလုံးတွဲကို ယပက်လက်သံ ယူပါသည်)
ကိုလူ။ ။ Bataille ကိုစပြောဗျာ
ကိုမူ။ ။ သူပြောတာက မော်ဒန်လူ့အဖွဲ့အစည်းဟာ အသုံးဝင်မှုနောက်ကိုပဲလိုက်တယ်။ လက်တွေ့ကျတယ်၊ အသုံးတဲ့တယ်ဆိုရင်ပြီးရောဆိုပဲ။ အဓိကခြင်းရာ ၂ရပ်ရှိမယ်။ ကုန်ပစ္စည်း ထုတ်လုပ်ရေးနဲ့သိုမှီးရေး (Production and Conservation of goods) လူ့ဘ၀ရဲ့ ပြန်လည်ထုတ်လုပ်ခြင်း နဲ့ ထိမ်းသိမ်းထားခြင်း (Reproduction and Conservation of human life) လို့ဆိုတယ်။ စားသုံးမှု (Consumption) ဟာလိုသလောက်ပဲဖြစ်ရမယ်တဲ့။ ဒါပေမဲ့ သူမြင်တာက စားသုံးမှုမှာနှစ်ပိုင်းကွဲနေတယ်။ လူဟာသူ့ဘ၀ကိုဆက်လက်မောင်းနှင်ဖို့လိုအပ်တဲ့စွမ်းအင် အတွက်စားသုံးတာကတပိုင်း၊ ဆော့ဖို့ ပျော်ပါးဖို့ စစ်ပွဲ စတာတွေအတွက် အပိုဖြုန်းတီးဖို့ (Unproductive Expenditure) သုံးစွဲတာကတပိုင်း၊ လို့ဆိုတယ်။ ဒီလို process (မူလမှသည်သမူဟထိဖြစ်စဉ်) ထဲမှာ ပြုန်းတီးသွားတာတွေဟာ ဒိုင်ယာလက်တစ်လို ခိုင်မတ်ကျပ်တည်းတဲ့ အတွေးအခေါ်ဘောင် ထဲကိုပြန်သွင်း လို့မရနိုင်ဘူးလို့ကောက်ချက်ဆွဲတယ်။ အသုံးအဖြုန်း (Expenditure) ဟာဒိုင်ယာလက်တစ် ကိုအာခံတယ် လို့ဆိုတယ်။
ကိုလူ။ ။ သိပ်မရှင်းဘူး။ ခုတချို့လူတွေပြောနေတဲ့ အဖြူမဟုတ်ရင်အမဲဖြစ်ရမယ် ဆိုတာမရှိတော့ဘူး။ မမှန်တိုင်းမှားရမလား၊ မချစ်တိုင်းမုန်းရမှာလားပေါ့။ ဒီလိုဒွိစုံ နှစ်ခုကြားထဲမှာ ပြတ်ပြတ်သားသား ဆန့်ကျင်ဘက်မဟုတ်တဲ့ ဇုန်တွေ နယ်တွေ ရှိနေတယ်ဆိုတာကမှ နဲနဲနားလည်သလိုရှိသေးတယ်။
ကိုမူ။ ။ Bataille ကဟေဂယ်ကိုဝေဖန်ခဲ့တဲ့ ဒီအပျိုးပေါ်မှာ အခြေခံပြီး ဘိုးဒရီးယားက မာ့က်စ်ကို ဆက်ဝေဖန်တယ်။ Dialectic ဟာခုခေတ်ပြဿနာ တွေကိုရှင်းဖို့ ဘောင်ကျဉ်းနေပြီ ဆိုတဲ့သဘောပဲ၊ သူ့ရဲ့ စားသုံးသူလူ့အဖွဲ့အစည်း (Consumer’s Society) စာအုပ်မှာ ဘာတိုင်းယီ ရဲ့ expenditure နဲ့ waste ကိုရှင်းထားတယ်လို့ဆိုတယ်။
ကိုလူ။ ။ ထားတော့ ဖြည်းဖြည်းချင်းတော့ဇတ်ရည်လည်လာမယ်လို့ယူဆရမှာပဲ။ ဒိုင်ယာလက်တစ်ကိုတခြား ဖြည့်စွက်ပြောချင်တာများရှိသေးသလား။
ကိုမူ။ ။ ပြင်သစ်တော်လှန်ရေးရဲ့ကြွေးကြော်သံတွေခင်ဗျားမှတ်မိသေးလား။
ကိုလူ။ ။ လွတ်လပ်ရေး (freedom)။ ညီမျှရေး(equality) နဲ့ ညီရင်းအကိုဖြစ်ရေး (fraternity)။ အရေးထဲခင်ဗျားကသမိုင်းစာမေးပွဲလာစစ်နေပြန်ပါပြီ။
ကိုမူ။ ။ ဟုတ်ပြီ။ လွတ်လပ်ခြင်းဆိုရာမှာ ပုဂ္ဂလိက (individual) သဘောကကပ်ပါလာတယ်။ ညီမျှခြင်းကျတော့ နိုင်ငံတော်ရဲ့(state) အခန်းကပါလာတယ်။ ဒီမှာ ညီရင်းအကိုဖြစ်ခြင်းကျတော့ ကျနော်တို့ ဘယ်ထဲသွင်းရင်ကောင်းမလဲ
ကိုလူ။ ။ သူက အဖွဲ့အစည်းသဘောထဲသွင်းရမယ်ထင်တယ်။ Community အဲ ကြီးလာရင်တော့ Society ပေါ့။ တဦးချင်းနဲ့နိုင်ငံတော်ရဲ့ကြားမှာရှိမယ်။ လူ့အဖွဲ့အစည်း ငြိမ်းချမ်းမှ ညီညွတ်မှ ညီရင်းအကိုဖြစ်နိုင်မယ်မဟုတ်လား။
ကိုမူ။ ။ ခုအင်္ဂလန်မှာ လေဘာနဲ့ကွန်ဆာဗေးတစ်မှာ လေဘာကလက်ဝဲယိမ်းတော့ နိုင်ငံတော်ချုပ်ကိုင်မှုကိုအားသာတယ်။ Equilityကိုအသားပေးတယ်။ ကွန်ဆာဗေးတစ်တွေက လက်ယာသမားတွေ တဦးချင်းလွတ်လပ်ခွင့်ကိုပိုအခွင့်ပေးတယ်။ Freedomပေါ့။ မတူကြဘူး၊ တူတာက ဒိုင်ယာလက်တစ်ကိုသူတို့သုံးတဲ့ အခါ စတည်တဲ့ Thesis (မူလ) တွေမှာ လေဘာက freedom ညီမျှခြင်း၊ ကွန်ဆာဗေးတစ်က equility လွတ်လပ်ခြင်း။ ပြီးတော့ antithesis ကျတော့နှစ်ဘက်စလုံးက fraternity ကိုယူကျတယ်။
ကိုလူ။ ။ ကွန်မြူနတီကို တဦးချင်းအတွက် နိုင်ငံတော်အတွက် ဘုံဆန့်ကျင်ဘက်ယူပြီး သမူဟကို ရှာတယ်တဲ့လား။
ကိုမူ။ ။ ဒါအခု အင်္ဂလန်ဝန်ကြီးချုပ်ဖြစ်လာတဲ့ ဒေးဗစ်ကင်မရွန်းရဲ့အကြံပေးတဦးဖြစ်တဲ့ Danny Kruger ရဲ့ ၂၀၀၆ က စာတမ်း။ Right Dialectic ထဲကအယူအဆပါ။ Community ၊ Society ရှင်းအောင်ပြောရရင် ခုအပြောများလာတဲ့ Civil Society (အရပ်ဘက်လူ့အဖွဲ့အစည်း) ဒီနယ်ကိုရတဲ့သူ နိုင်ငံတော်ရှုထောင့်ကပဲကြည့်ကြည့် လူတဦးချင်းရှုထောင့်ကပဲကြည့်ကြည့် အောင်ပွဲရမယ်လို့ဆိုတယ်။
ကိုလူ။ ။ ခင်ဗျားဆိုချင်တာက အကြံပေးကောင်းလို့ ဒိုင်ယာလက်တစ်ပိုင်လို့ ကင်မရွန်းဝန်ကြီးချုပ် ဖြစ်တယ် ပြောချင်တာလား
ကိုမူ။ ။ မဟုတ်ဘူး။ တဘက်နဲ့တဘက်ထိပ်တိုက်တွေ့နေတဲ့ binary politics မှာကိုယ်က၀င်တိုးခွင့် မသာတဲ့အခါ ကြားနယ်တခုမှာဝင်ခိုရတတ်တယ်။ တတ်နိုင်သမျှရှေ့ကိုကြိုတွေးပြီး ကြိုအထိုင်ချထားဖို့လိုတယ်။ အချိန်ရွေးချယ်တတ်ဖို့လိုတယ်ဗျာ။ ခင်ဗျားပြောစေချင်တဲ့ မြန်မာ့နိုင်ငံရေးမှာ အဓိကလိုနေတာ Fraternity ပဲ။ ညီရင်းအကိုဖြစ်ရေးပဲ။ အဖွဲ့အစည်းတွေရဲ့ အတွင်းစည်းမှာကော အပြင်စည်းမှာပါ လိုနေတာ။ ဖက်ဒရယ်စည်းမှာရော နိုင်ငံတော်စည်းမှာရောလိုနေတာ ဒါပဲ။
လူမှုရေးကိုကြားခံလိုက်တဲ့ နိုင်ငံရေးတခုရှိလာတော့မယ်။ နိုင်ငံတော်ဘက်ကဒါကို ကိုယ့်နိုင်ငံရဲ့ ရေရှည်အကျိုးကိုမျှော်ကိုးပြီး Civil Society ရဲ့အင်အားကြီးထွားဖို့ကိုခွင့်ပြုရမယ်။ အနုစိတ်နိုင်ငံရေး Micropolitics နယ်ကိုကျယ်စေရမယ်။ Community ဘက်ကပြန်ကြည့်ရင်ရည်ရွယ်ချက်ကတော့အတူတူပဲ။ ဒီမိုကရေစီပန်းတိုင်ကိုသွားချင်တာ။ ဒါပေမဲ့ ဂွင်ကပြောင်းသွားပြီ။ ကိုယ်ရပ်ရမဲ့ ground ကပြောင်းသွားသလို ကိုယ်ဖြည်ရမဲ့ frame ကလည်းပြောင်းနေပြီ။ နောက်အရေးကြီးတဲ့ ကွဲလွဲချက်တခုလည်းရှိနေတယ်။
ကိုလူ။ ။ ဆက်ပါဦး
ကိုမူ။ ။ ကျနော်တို့ဆီမှာ တခြားနိုင်ငံတွေလိုတဦးချင်းစီကလွတ်လပ်ခွင့်ကိုပြောတယ် ဆိုတာမှန်ပေမဲ့ State က ကျတော့ Equility ကိုပြောတာမဟုတ်ဘူး။ Stability ကိုပြောနေတာ။ ဒါကိုလည်းသတိမလစ်စေချင်ဘူး။

ဆက်ပါမည်
KZကေ

၁။ ပွင့်သစ်စ ဖရင့်ဖတ်ကျောင်းတော်

ဖရင့်ဖတ်ကျောင်းတော်ကိုမိတ်ဆက်လျှင် ဟေဂယ် (၁၇၇၀-၁၈၃၈)နှင့် ကားလ်မာက့်စ်(၁၈၁၈-၁၈၈၃) ကိုချန်ထားလို့မရ။ နာမည်ကျော်ဒိုင်ယာလက်တစ်ကိုဟေဂယ်ကစခဲ့ပြီး မာ့က်စ်က ကမ္ဘာကျော်စေခဲ့သည်။
Thesis, Antithesis နှင့် Synthesis ကိုမြန်မာပညာရှင်တို့က မူလ၊ပဋိမူလနှင့် သမူဟ ဟုဘာသာပြန်ခဲ့ကြသည်။
အဆိုတခုကိုဆန့်ကျင်ဘက်အယူအဆနှင့်ထိပ်တိုက်တွေ့စေပြီး၊ ထိုနှစ်ခုငြင်းဆန်တွန်းတိုက်ပြီးနောက်၊ စုစည်းပြီးအတွေးအခေါ်သစ်တခုကိုရမည်၊ ယင်းစုစည်းမိသော Synthesis သည် မူလ (thesis) ပြန်ဖြစ်လာပြီး ပဋိမူလ (antithesis) နှင့်ပြန်တွေ့၊ ပြီးတဖန်ထိုနှစ်ခုပေါင်းစပ်ရင်း Synthesis ဖြစ်ပြန်၊ ဒီလိုနှင့်သမိုင်းသည်ဆင့်ကဲတိုးတက်လာခဲ့သည်ဆိုသည်၊
ဟေဂယ်၏ဒိုင်ယာလက်တစ်တွင် မာ့က်စ်က Class Struggle ကိုထဲ့ပေးခဲ့ခြင်းဖြစ်သည်။ ဟေဂယ်သည် ဆာ့တ်ကို ဖယ်လိုက်လျှင် မျက်မှောက်ပုိ့စ်မော်ဒန်ခေတ်တွင် ထိပ်ကပြေးနေသည့် ပြင်သစ်အတွေးအခေါ် ပညာရှင်များကို အများဆုံး သြဇာညောင်းခဲ့သူတဦးဖြစ်ပြီး မာ့က်စ် ဟူဆိုလိုက်လျှင်အနောက်တကမ္ဘာလုံး ဖိမ့်ဖိမ့်တုန်စေခဲ့သူ တွေးခေါ်ပညာရှင်တဦးအဖြစ်သိရှိထားကြသည်၊
ဆက်စပ်ပြီးပြောရသော် သမိုင်းကိုနိဂုံးချုပ်ပြီဆိုသော ဖူကူယားမားသည် ဟေဂယ်လီယန်မာ့က်စစ်(Hegelian – Marxist) ဖြစ်သည်။
ဖရင့်ဖတ်ကျောင်းကိုစသူက မက်စ်ဟောကိုင်းမား (Max Horkheimer 1895 – 1973) ဖြစ်သည်။ ပထမကမ္ဘာစစ်အပြီး စီးပွားပျက်ကပ်ဖြစ်ပြီး ၁၉၃၀ ပြည့်များတွင် Critical Theory ကိုစခဲ့သည်။ အထက်မှာဆိုခဲ့သော ဟေဂယ်နှင့် မာ့က်စ် ၏ ဒိုင်ယာလက်တစ်ကိုအခြားဘာသာရပ်များဖြစ်သည့် စိတ်သရုပ်ခွဲပညာ၊မနုဿဗေဒ၊လူမှုဗေဒဘာသာ ရပ်များနှင့် စုစည်းပုံဖော်ဖို့ကြိုးစားခြင်းဖြစ်သည်။
Critical Theory ကိုအဓိကပုံဖော်သည့်သွင်ပြင်လေးချက် မှာ Interdisciplinary, Reflective, Dialectical နဲ့ Critical တို့ဖြစ်သည်။ ဖရင့်ဖတ်ကျောင်းတော်သားများက ကျင့်ဝတ်၊ ဘာသာတရား၊ သိပ္ပံ၊ ကျိုးကြောင်းဆင်ခြင် မှုစသည် တို့ကို ဘက်ပေါင်းစုံ၊ နယ်ပယ်ပေါင်းစုံ (Interdisciplinary) မှလေ့လာခဲ့ကြသည်။ ထိုခေတ်အခါက တွင်ကျယ်နေသည့် သဘာဝသိပ္ပံကို လက်တွေ့အတွေ့အကြုံ သိပ္ပံနည်းကျစမ်းသတ်ချက်များဖြင့်သာ မှန်ကန်စွာ နားလည်နိုင်သည်ဆိုသည့် (Empirical Approach) မှခွဲထွက်ခဲ့ခြင်းလည်းဖြစ်သည်။ Critical Theory သည် လူ့အဖွဲ့အစည်းတခုကို ထိုလူ့အဖွဲ့အစည်းအတွင်းရှိ လူမှုဝန်းကျင် (Social Context ၊ ဆိုလိုသည်မှာ ယဉ်ကျေးမှု၊ ပတ်ဝန်းကျင်၊အဖွဲ့အစည်း၊ လူ) တွင်းမှာပင် ထင်ဟပ်နားလည်(Reflective) နိုင်စွမ်းရှိရမည်၊
Knowledge နှင့်ပါတ်သက်ပြီး အချက်အလက်တွေကို အသေမယူပဲ ရှေ့မှာရှင်းခဲ့သည် Dialectics သဘောအရ စဉ်ဆက်လှုပ်ရှားပြောင်းလဲနေသည့်ဖြစ်စဉ်တခုအဖြစ်ယူခဲ့သည်။ နောက်ဆုံးအချက်တွင် Critical Theory သည်Critical ဖြစ်ဖို့ပင်။ လက်ရှိလူ့အဖွဲ့အစည်းကိုနားလည်နေယုံနဲ့မပြီး၊ ဘာတွေမှားနေသလဲ နှင့် ဘယ်လိုပြင် ရမလဲ သိရမည်။ ဒဿန ကိုလက်တွေ့အသုံးချဖို့ဖြစ်သည်။
ဂျာမဏီမှာနာဇီတွေဓါးထက်လာတော့ ဂျုးစပ်သည့် ဟောကိုင်းမား ဂျနီဗာကိုပြေးသည်။ နောက် ဥရောပစစ်မီးကိုပါရှောင်ရင်း အမေရိကားကိုရောက်သည်။ အဲဒီအချိန် ဟိုမှာ ဖို့ဒ်ကရှိနှင့်နေပြီ။ ဖို့ဒ်ရဲ့ကွန်ဗေယာပတ်လမ်း ပေါ်မှာအလုပ်သမားတွေ အုံနဲ့ကျင်းနဲ့လုပ်သည့် ထုနဲ့ထည်နဲ့ထုတ်လုပ်ရေးကရှိနှင့်နေပြီ၊ စက်မှုအရင်းရှင်စံနစ်ကရှိနှင့်နေပြီ။ စားသုံးသူယဉ်ကျေးမှု၊ စာအုပ်ထုတ်လုပ်ရေးလုပ်ငန်းကြီးတွေနဲ့ မီဒီယာကအရှိန်စရနေပြီ။ ဟောလိဝုဒ်ကဒုတိယ တန်းစားရုပ်ရှင်ကားတွေက လူတွေရဲ့တကယ့်ပျော်ရွှင်မှု ကိုမျက်ခြေဖြတ်နေပြီ။ ဒါကို ဟောကိုင်းမားနှင့် သူ့သူငယ်ချင်း သီအိုဒေါအာဒိုနို (Theodor W Adorno 1903 – 1969) တို့က Cultural Industry လို့ခေါ်ခဲ့ကြသည်။
အမေရိကန် အတွေ့အကြုံတွေကသူတို့နှစ်ယောက်ပေါ်များစွာရိုက်ခတ်ခဲ့သည်။စက်မှုယဉ်ကျေးမှုသည် လူသားကိုစစ်မှန်သည့် ပျော်ရွှင်သာယာမှုကိုထင်ယောင်မြင်မှားစေခဲ့သည်ဟုသူတို့ကောက်ချက်ချသည်။ ဒီအခြေခံမှာ သူတို့နှစ်ဦး၏ ထင်ရှားသည့် The Dialectic of Enlightenment (1947) ထွက်လာခဲ့သည်။
နှစ်ဆယ်ရာစုစက်မှုနဲ့ဗျုရိုကရက် မော်ဒန်ကမ္ဘာကို လူသား၏ ဆင်ခြင်နည်းလမ်းတကျ တွေးခေါ်မှုဖြင့် တည်ဆောက်ခဲ့ခြင်းဖြစ်သည်။ ခေတ်မှီသိပ္ပံပညာ သချာင်္ံစသည်တို့က ရှေးဟောင်းပုံပြင်တွေနဲ့ ဘာသာရေးအစွဲအလမ်းတွေကိုဖယ်ထုတ်ခဲ့သည်။ ၁၈ရာစုဥါဏ်အလင်းခေတ်တွေးခေါ်ရှင်တွေဖြစ်သည့် ရုးဆိုး ဗော်တဲယား ကန့် တို့က လူသားကိုသဘာဝတရား ကနေလွတ်မြောက်ပြီးလွတ်လပ်စေရမည်ဆိုသည်။ သို့သော်လက်တွေ့တွင် သိပ္ပံ နည်းပညာနှင့်ဆင်ခြင်နည်းကျ တွေးခေါ်မှုတွေက လူသားကိုသဘာဝတရားဆီမှ လွတ်မြောက်မှုမပေးနိုင်ခဲ့။ သဘာဝအရင်းအမြစ်များကြွယ်ဝသော်လည်း ဆင်းငဲငတ်မွတ်မှုကမလွတ်သေး၊ ကိုယ်ကျင့်တရားတွေတိုးတက် လာသည်ဆိုသော်လည်း အာဏာရှင်စံနစ်နှင့်ညှင်းပန်းနှိပ်စက်မှု အကြမ်းဖက်မှုတွေကမပျောက်ကွယ်သေး၊ နှစ်ငါးဆယ်ကျော်ကြာခဲ့သော်လည်း ဖရင့်ဖတ်ခေတ်ဦး ကျောင်းတော်သားနှစ်ဦး၏ The Dialectic of Enlightenment သည်မျက်မှောက်ကမ္ဘာကို ကောင်းစွာထင်ဟပ် နေဆဲပင်ဖြစ်သည်။ ဒီသမိုင်းနောက်ခံတီးလုံး တွင်ဖရင့်ဖတ်ဒုတိယမျိုးဆက် ဖြစ်သည့် ဂျာဂန်ဟာဘားမား (Jurgen Habermas, 1929 - ) အော်ပရာကိုကြည့်ကြရဖို့ဖြစ်လာပါသည်။

ဆက်ပါမည်
KZကေ

PLAY: ARt froM mYanmaR toDay ကအပြန်

စနေနေ့က ကျနော်တို့ Osage ကိုရောက်ပါတယ်
ကျနော်နဲ့ သရပါ ဘလော့ဆရာ ၂ယောက်ချိန်းပြီးသွားကြတယ်
နဲနဲတော့ရှာရတယ် ကျနော် စလုံးကိုသိပ်မသွားတတ်လို့လဲဖြစ်နိုင်ပါတယ်
Dhoby Ghaut ဘူတာ က The Cathay ရုပ်ရှင်ရုံကိုသိတဲ့သူတွေလွယ်အောင်ရှာနိုင်ပါလိမ့်မယ်
Link မှာပြထားတဲ့ပုံထဲက အတိုင်း Handy လမ်းဘက်ကဆို အထစ် ၁၄၀ ရှိတဲ့လှေကားကိုတက်ရပါမယ်
Sophia road ဘက်ကဆိုရင် လမ်းကုန်းမြင့်လေးအတိုင်းတက်ရပါလိမ့်မယ်
ကျနော်တို့တော့ Sophia လမ်းကိုမရှာနိုင်တာနဲ့ နောက်လည်းမကျချင်လို့
အထစ် ၁၄၀တက်ခဲ့ပါတယ်။ သွားရကျိုးနပ်ပါတယ်။
Panel Discussion မှာ ထွန်းဝင်းအောင်က သူ့ဆလိုက်ရှိုးကိုစပြပါတယ်
သူလက်ရာ သူ့အမျိုးသမီး (၀ါနု) လက်ရာ နဲ့သူ့သူငယ်ချင်းတချို့လက်ရာတွေပါတယ်
တချို့ဟာ အသိအမှတ်ပြုရလောက်အောင်အားထုတ်ထားတာပါ။ သူတို့နှစ်ယောက်စလုံးငယ်သေးတော့
ရှေ့မှာဆက်ပြီးအများကြီးလုပ်နိုင်ပါလိမ့်ဦးမယ်
ပြီးတော့ NTU က ပရော်ဖက်ဆာက မြန်မာ့ခေတ်ပြိုင် art နဲ့သူ့ဆက်စပ်မှုတွေကိုရှင်းပါတယ်
အမျိုးသမီးပါ။ မယ်လင်ဒါ တဲ့ မြန်မာ artist တွေနဲ့ရင်းနှီးကျွမ်းဝင်တာတွေ့ရတယ်
ပြီးတော့ ပိုပို။ သူက အပိုင်း ၄ ပိုင်းခွဲပြီး သူ့ presentation ကိုလုပ်ပါတယ်
ကိုလိုနီမတိုင်မီ၊ ကိုလိုနီအပြီး၊ ၂၆ နှစ်ပြည်နှင်ခံနှစ်များ၊ ၈၀ပြည့်နှစ်များနောက်ပိုင်း၊
အဖွင့်စတက်လာတဲ့ ရွှေတိဂုံဘုရား ကိုငြမ်းဆင်ထားတာတွေနဲ့ ဖြတ်ရိုက်ထားတဲ့ ဓါတ်ပုံနဲ့တင်
သူ့တင်ပြပုံဟာအသက်ဝင်လာခဲ့တယ်။
မြန်မာပြည် က artist တချို့ရဲ့ လက်ရာတွေ (Performance, Installation, Videos, Documentary, ....) တော်တော်ပါပါတယ်
နောက်ဆုံး စင်ကာပူလူမျိုး Conceptual Artist တယောက်က နဲနဲပြော ပြီးမေးခွန်းတချို့ ပိုပိုကိုမေးပြီး discussion ပြီးပါတယ်
ကိုပိုပို အနုပညာလက်ရာက ခေါင်မိုးပေါ်မှာ မိုးရွာချလိုက်တော့ ပျက်သွားတယ် ပြန်လုပ်ရပါလိမ့်ဦးမယ်
သူ့ဟာ က project ဆိုတော့ကြာဦးမယ် ၂ လလောက်နေရလိမ့်မယ် ကျန်တဲ့သူတွေက တနင်္ဂံနွေပြန်ကြမယ်ပြောတယ်
Discussion ပြီးတော့ ဦးအောင်မြင့် က Performance လုပ်ပါတယ်။
ဒီစနေမှာ ပိုပို discussion ထပ်ရှိပါမယ်။ သွားအုံးမယ်လို့တော့အားယူထားပါတယ်၊
ပြပွဲကတော့ ၂၀ရက်နေ့ထိရှိမယ်။
ဓါတ်ပုံတချို့ရိုက်လာခဲ့တယ် နောက်ရက်တွေမှာတင်ပေးပါမယ်
သို့သော် ကိုယ်တိုင်သွားကြည့်နိုင်ရင်ပိုမကောင်းပေဘူးလားဗျာ
လမ်းပျောက်နေရင် သို့ ပြပွဲမသွားခင်သိချင်တာလေးတွေရှိရင်
လူကြီးမင်းမရှိတဲ့ ၆၃၃၇ ၉၉၀၉ ကိုဆက်သွယ်မေးမြန်းနိုင်ပါတယ်။

KZကေ

PLAY: ARt froM mYanmaR toDay

အိပ်ခါနီးမှ facebook မှာ ကိုမော်နိုင်အောင် ဆီက
message ကိုမဖတ်ရသေးတာသတိရမိတယ်
အောက်က link ကိုဝင်လို့မရရင် မန့်ပေးစေလိုပါတယ်
PLAY: art from myanmar today ပြပွဲကို စင်ကာပူမှာဒီစနေဖွင့်ပွဲလုပ်ပါလိမ့်မယ်
စိတ်ဝင်စားသူများလက်မလွတ်သင့်တဲ့ပွဲမျိုးပါ
ကြော်ညာနဲ့တင် ၀မ်းသုံးခါသွားတယ် ဆိုတာဒါမျိုးလို့သဘောပေါက်သွားပါတယ်
အကြာကြီးတော့မလုပ်နဲ့ပေါ့ ရေပေါပေမဲ့လေတိုက်တယ်၊ (လင့်ကိုကြည့်ပြီးရင်ကျနော်ကျီစယ်တာကိုရိပ်မိပါလိမ့်မယ်)
http://www.osagegallery.com/ecard166.html
ကြည့်ရချည်သေးရဲ့ မော်ဒန်တွေ မော်ကြေးနီတွေ ပို့စ်ပလက်တီနမ်တွေ

KZကေ

မှီ ဖြစ်နိုင်ခြေ

အားလပ်ရက်အပန်းဖြေစခန်းတခုကိုမသွားခင်တရက်မှာ ကိုမင်းကသူ့ပန်းပင်တွေအတွက် အိမ်နီးချင်းတယောက်ကို မှာတယ်။ ကျနော့်အပင်ကလေးတွေနဲနဲကြည့်ပြီး ရေလောင်းပေးပါလား။ ဒီရက်ပိုင်းနေ့လည်ဘက်နေပူလွန်းတော့အပင်တွေကညရောက်တဲ့အထိအရင်လိုပြန်လန်းမလာဘူး။ ကျနော်မကြာပါဘူး၊တပတ် အလွန်ဆုံးဆယ်ရက်ပေါ့။
သူစိတ်ပူမယ်ဆိုလည်းပူစရာ ရေသာမလောင်းလို့ကတော့ပန်းပင်တွေဟာ ၉၀%လောက်သေဖို့ရှိနေတာကိုး၊ ရေလောင်းတာတောင် မှ ၂၀%မသေချာဘူး။ သေနိုင်သေးတယ်။ သို့ပေမယ့် အိမ်နီးနားချင်း ကလည်း မေ့နေဖို့က ၃၀% လောက်ရှိပြန်ရော။ ဒီနေရာမှာမေးခွန်းသုံးခုလောက်မေးကြည့်ချင်ပါတယ်။
၁) အဲဒီအပတ်အတွင်းပန်းပင်လေးတွေသေသွားဖို့ ဖြစ်နိုင်ခြေဘယ်လောက်ရှိသလဲ
၂) ကိုမင်းပြန်လာတဲ့အချိန်မှာ ပန်းပင်လေးတွေကသေနေပြီဆိုရင်ကော၊ သူ့အိမ်နီးနားချင်းကရေလောင်းပေးဖို့ မေ့နေမဲ့ ဖြစ်နိုင်ခြေဘယ်လောက်လဲ
၃) အိမ်နီးနားချင်းကရေလောင်းဖို့များမေ့နေရင် ကိုမင်းပြန်လာတဲ့အချိန်မှာပန်းပင်လေးတွေသေနေဖို့ဖြစ်နိုင်ခြေ ဘယ်လောက်ရှိလေမလဲ
မေးခွန်းတွေကဆင်သလိုရှိနေတယ်၊ အထူးသဖြင့် ၂ နဲ့ ၃ ပေါ့။ တကယ်သေချာဖတ်ကြည့်လိုက်ရင် မေးခွန်း ၃အတွက်အဖြေက ၉၀% လို့ပေးထားပြီးသားပါ။ ဒါဆို ၁ နဲ့ ၂ ကိုဘယ်လို လုပ်ကြမလဲ။ ရှုပ်သလိုဖြစ်သွားရတာက ကျနော်တို့မှာ အခြေအနေတွေပေါ်မူတည်ပြီး ဖြစ်နိုင်ခြေ ရာခိုင်နှုန်းတွေကို ပေါင်းစပ်စဉ်းစားဖို့ကြုံလာရလို့ပါ။ သချာင်္ံ မှာတော့ဒါကို Conditional Probability လို့ခေါ်ပါတယ်။
ကောင်းပြီလေ တကယ်စိတ်ဝင်စားသူတွေအတွက် အောက်ကမေးခွန်းလေးကိုပဲအရင် ဖြေကြည့် စေချင်ပါတယ်။ နားလည်ရလွယ်စေမယ်လို့အာမခံပါတယ်ဗျာ။ ဒီလို
အမျိုးသမီးတွေမှာရင်သားကင်ဆာဖြစ်နိုင်ခြေက ၀.၈% လို့ သုတေသန တခုကဆိုတယ်။ တကယ်ရောဂါရှိသူတဦးကိုစက်နဲ့စစ်ကြည့်ရင် ထွက်လာတဲ့အဖြေက ၉၀% ပဲမှန်တယ်။ ရောဂါမရှိပဲလည်း ရှိတယ်ဆိုပြီး မှားအဖြေပေးတာက ၇%လောက်ရှိနေပြန်ရော။ ဒါဆို Positive လို့အဖြေထွက်တဲ့ အမျိုးသမီးတယောက်ရဲ့ရောဂါဖြစ်နိုင်ခြေဘယ်လောက်ရှိသလဲ။
(ကဲ ခဏလေးနားပြီးစဉ်းစားကြည့်မယ်။ ပြီးတော့အဖြေမှန်မမှန်တိုက်ကြည့်ကြတာပေါ့)
ဒီမေးခွန်းကို ဂျာမန်ဆရာဝန် ၂၄ ယောက်ကိုမေးကြည့်တာ အဖြေဟာ ၁ ကနေ ၉၀ အတွင်းထဲမှာရှိတယ် (၀ါးတားတားတွေ၊ ဒါကြောင့်ဂျာမန်ကောင်တွေစစ်ရှုံးတာနေမှာ) အမေရိကန်ဆရာဝန်တွေမေးကြည့်တော ၁၀၀မှာ ၉၅ ယောက် လောက် က ၇၅% ပတ်ဝန်းကျင်မှာဖြေကြတယ်။ (အမေရိကန်တွေဟာ ဟိတ်ကြီးဟန်ကြီး အဖြေကြီးကြီးသဘောကျသူတွေကိုး)
အတင်းပြောပြီးသွားပြီဆိုတော့ ကျနော်တို့အဖြေလေးတွေတိုက်ကြရအောင်။ ၉% တဲ့။
အတူရှင်းကြတာပေါ့၊ ဒီလိုလုပ် ၀.၈% အတွက် လူ ၁၀၀၀ မှာ ၈ ယောက်ကရောဂါဖြစ်နိုင်ခြေရှိတယ်လို့ ယူလိုက်ကြမယ်။
၁။ ဖြစ်နိုင်တဲ့ ၈ ယောက်ကိုစစ်ကြည့်ရင် (၈X၉၀%= ၇ ယောက်) မှာအမှန်အတိုင်းအဖြေထွက်မယ်။
၂။ မဖြစ်နိုင်တဲ့ ၉၉၂ ယောက်က မှားပြီး (၉၉၂X၇%= ၇၀ ယောက်) မှာ ရောဂါရှိတယ်လို့အဖြေရလိမ့်မယ်။
၃။ စုစုပေါင်းစစ်ကြည့်လို့ positive တွေ့ရမဲ့ ၇၇ ယောက် (၇+၇၀) မှာ တကယ်ရောဂါရှိနေတာက ရ ယောက်
ဆိုတော့ အဖြေက 7/77 *100 = 9 % လို့ရလာပါတယ်။
ဖြစ်နိုင်ခြေတွေ ဟာတကယ်အတိအကျဖြစ်လာမှာတွေမဟုတ်ပါဘူး။ ခေါင်းပန်းလှန်လို့ ခေါင်းကျဖို့ ၅၀% ရှိတယ်ဆိုတာ ဘယ်သူမှမငြင်းပေမဲ့ ၁၀ ခါလှန်ရင်ခေါင်း ၅ခါကျမလားဆိုပြန်တော့ ဘယ်ပြောလို့ရပါ့မလဲ။ ဘ၀မှာဖြစ်နိုင်ခြေတွေကိုစဉ်းစားရတဲ့အချိန်တွေရှိပါတယ်။ မိုးလေ၀သကစလို့ လူမှုခေတ်ပြောင်းချိန်များအဆုံး Probability တွေရှိနေပါတယ်။ ဘ၀မှာအခြေအနေတွေကိုထဲ့သွင်းတွက်ချက်ရတာမျိုးတွေလည်းရှိပါတယ်။ သူစဉ်းစားသလိုကိုယ်မစဉ်းစားနိုင်တာ၊ သူဝယ်တုန်းကဈေးကိုကိုယ်ဝယ်တော့မရတော့တာ condition တွေမတူလို့ ပြောင်းသွားလို့ပါ။ Conditional Probability ကို သချာင်္ံသမားတွေက Bayes’ Theorem နဲ့ ရှင်းရမယ်လို့နားလည်ထားပါလိမ့်မယ်။ ကျနော့်ရည်ရွယ်ချက်ကဒီညီမျှခြင်းတွေနဲ့ ပုံသေနည်းတွေကိုပြောဖို့မဟုတ်ပါဘူး။
တစက္ကန့်ချင်း တနာရီချင်း တနေ့ချင်း အားလုံးဟာပြောင်းနေပါတယ်၊ နည်းလမ်း နဲ့ တန်ဖိုးတွေကို ဆုပ်ကိုင်ထားဖို့လိုတဲ့အချိန်တွေရှိပါတယ်။ အသေတော့မဖြစ်ပါစေနဲ့၊ မဟုတ်ရင် လူသားရဲ့သဘာဝကျတဲ့ ရိုးစင်းစွာ တွေးခေါ် ခံစားနိုင်တဲ့ အခြေခံရပိုင်ခွင့်၊ နဲ့ အလှတရား ကိုဆုံးရှုံးရမှာပါ။

ချစ်ခင်စွာဖြင့်
KZကေ
Chances are (Steven Strogatz) IHT 25 April 2010 လည်းနဲနဲပါတယ်။