တယောက်တည်းဆိုတာ ဘယ်နှစ်ယောက်များလဲ

"တယောက်တည်းဆိုတာဘယ်နှစ်ယောက်များလဲ
တသီးပုဂ္ဂလဖြစ်မှုကိုစဉ်းစားစဉ်
သင်ငါနှင့်အခြားနာမ်စားများရောထွေးရ"

ဒါကပထမရေးတဲ့ကဗျာရဲ့အစ
ပြီးတော်တော်ကြာဘာမှဆက်မရေးဖြစ်ဘူး
တရက်မှာဒီအခြေခံကိုပဲအာရုံပြန်ရသော်လည်း
ကဗျာဟာလုံးဝနီးပါးခုလိုပြောင်းသွားပါတော့တယ်
........................................
ယခုစာပိုဒ်မှကွယ်ဝှက်အနက်ကိုမရှိ၍မရှာရန်ကြိုတင်မေတ္တာရပ်ခံလိုပါသည်တနင်္ဂနွေညတွင်နှိုးစက်ကိုသံပတ်ပြန်ပေးရပါသည် ကျွန်တော့်နာရီမှာ၁ဝမိနစ်မြန် စားပွဲတင်နာရီကနဲနဲနောက်ကျနေပြီး အခန်းဖော်ကနာရီမပတ်၍ တိုင်ကပ်နာရီလည်းသွားချင်သလိုသွားနေပါသည် ရုပ်ရှင်ပိတ်ကားအဖြူကြီးပမာအိပ်မက်တွေလင်းထိန်သွားသောအခါနံနက်ခင်းလည်းခြေအိတ်တွေလိုက်ရှာပါတော့သည် တယောက်ကထမင်းဗူးထဲ့ ဘူတာရုံပေါ်နောက်တယောက်အုံခဲနေချိန် အခန်းတိုင်းလမ်းတိုင်းမှာလည်းကိုယ့်ဇတ်ထုပ်နဲ့ကိုယ်ဖြစ်နေပါပြီ
ကျနော်ရုံးရောက်လျှင်ကွန်ပြူတာအရင်ဖွင့်လက်ဆွဲအိတ်အောက်ချပြီးအပေါ်အကျီင်္ ချွတ်ပါသည် လေ့ကျင့်ပေးထားသည့်စက်လို လှို့ဝှက်စကားလုံးရိုက်ထည့် လူဆိုတာအလုပ်လုပ်ရမယ် အမည်ရ ကိုယ်ကျိုးနဲ သီချင်းကိုလေချွန် အကြွေစိလိုက်စမ်းပြီး ကော်ဖီဖျော်စက်ရှေ့သွားပါသည် မင်္ဂလာနံနက်ခင်းကိုမျိုးခြားဘာသာစကားဖြင့် လက်ခြင်းလှုပ်ရမ်း ပါးခြင်းကပ် သူ့အလိုလိုရောက်လာသော အနာဂတ်အစား ပြီးခဲ့တဲ့အားလပ်ရက်ဘယ်သွားဘာစား အားကစား မိုးနှင်းမှုန်မှုန် ဖုန်မှုန့်ထဲလွင့်နေသောနေရာင်ခြည်၏အလေးအပေါ့ ပူပူကော်ဖီမှာအင်္ဂါနေ့တိုင်အောင်ပူပူ အငွေ့တထောင်းထောင်းနှင့် မဖတ်ရသေးသောလျှပ်စစ်စာနီနီများနှင့်မြီးရပါသည် ခုထိစိတ်ရှည်ရှည်ထားဖတ်လာတာကိုပဲ ကျေးဇူးတင်ရပါမည်
ကျန်တာတွေသင်အားဝင်စားနိုင်မည်မထင်ပါ ကိုယ့်ဒုက္ခသူ့ဒုက္ခ ကိုယ့်ဘဝသူ့ဘဝ တူဖို့ရာလည်း မမျှော်လင့်ထားလိုပါ နေကကိုယ့်အရင်အိမ်ပြန်ရောက်နေကျဖြစ်ပါသည် ထမင်းနှင့်သတင်းကိုဝတ်ကျေတန်းကျေ ဆိုဖာပေါ်ခြင်မရိုက်ရပဲ အိပ်ငိုက်ရလျှင်အဆင်ပြေပါသည် နိုင်ငံတကာမြစ်များချောင်းများဆန်ရေအမိုးအကာ စိတ်ပိုင်းဆိုင်ရာ ကြာတော့လှေကြောင့်ပုပ်ရသည်ဆိုသောငါးခုံးမပုံပြင်တွေကိုထပ်တလဲလဲမကြားလိုတော့ပါ ရုံးစာရေးကြီးသားနိုင်ငံခြားသွားမည့်အကြောင်း တခန်းကျော်ကဖျတ်ဖျတ်လတ်လတ် အမျိုးသမီးအကြောင်း ဤရပ်စစ်ပွဲအကြောင်း ဒီနေ့ကျွန်တော်စဉ်းစားချိန်မရတော့ပါ တခုခုစီစဉ်ထားတာများရှိခဲ့ရင် ကျွန်တော်လိုက်ပါနိုင်မည် မျှော်လင့်မထားစေလိုပါ ဖုန်းကဒ်အသစ်ဝယ်ရန် လာမည့်စနေနေ့ငွေသွားပို့မည်ဆိုလျှင် ဒါတွေလုပ်ရိုးလုပ်စဉ်မုိ့ မထူးဆန်း ခင်ဗျားလည်းအသိဖြစ်ပါသည် အင်အားသာဝမ်းနည်းစရာအမှန်တရားဖြစ်မြဲ အမှန်တရားအများကြီးရှိတယ်ဆိုတာပို့စ်မော်ဒန်သမားတွေပြောတာပါသူ့သဘောနဲ့သူပါ “နောက်ဆုံးတော့ကမ္ဘာကြီးပိုပြီးပူနွေးလာမှုကိုိဘယ်လိုလုပ်ဗုံးကြဲကြမလဲ” ဆိုပြန်ရာ ပါဝါအပျော့အမာလက်သင့်ရာတွေပြောနေကြခြင်းသာဖြစ်ပါသည် လေ့လာနိုင်သော်အကျိုးရှိကောင်းရာပါသည်
စာအုပ်ထက်အဖြစ်အပျက်တွေ၏အနက်ကိုကျွန်တော့်အဓိပ္ပါယ်နှင့်ချဉ်းကပ်ခြင်းမျှသာ
ကျွန်တော်ပျက်စီးသွားပြီဟုယူဆလိုသော်ငြိုငြင်စရာမရှိ်ပါ ပင်မရေစီးအားမရှိနိုင်သေးပါ ခွင့်လွှတ်ပါ ကျွန်တော့်တွင်လည်းခင်ဗျားတို့အပေါ်ကြီးနိုင်သောအထင်မရှိတော့ဟုထင်ရပါတော့သည် ဒီတော့ဘာဖြစ်သေးသနည်း ကမ္ဘာကြီးမှာယခုပညာတတ်တွေသဲသဲလှုပ်သည့်လူဖြူဂျာနယ်လစ်တွေပြောတိုင်းပြားသွားတာလည်းမဟုတ်ပါ လုံးမြဲလုံးလည်မြဲလည် သူ့အလုပ်မပျက် ကျနော်တို့မှာသာ

တယောက်ထဲဆိုတာဘယ်နှစ်ယောက်များလဲ
(တသီးပုဂ္ဂလဝါဒနောက်ထပ်ရက်သတ္တတပတ်ပြန်စခြင်း)
KZကေ