မိချောင်း၏ကုန်ထုတ်လုပ်မှုဖြစ်စဉ်ကိုစားသုံးခြင်း

ကိုလူ။ ။ ကျနော်တို့ဟာအချက်အလက်တွေ အမှတ်အသားပုံရိပ်တွေကိုစားနေတယ်လို့ဆိုပါလား
ကိုမူ။ ။ မငြင်းနဲ့။ ခုခင်ဗျားဝတ်ထားတဲ့စပို့ရှပ်ပေါ်ကမိချောင်းရုပ်ကဘာအဓိပ္ပါယ်လည်း။ ခုဒီဘက်ကိုလျှောက်လာနေတဲ့ချာတိတ်စီးထားတဲ့ဖိနပ်ပေါ်ကအမှန်ခြစ်ကလေးကကောဘာသဘောလဲ။
ကိုလူ။ ။ ကျနော်သဘောပေါက်သွားသလိုပဲ။ မိချောင်းရုပ်ကမိချောင်းပဲဒါ့အပြင်ဘာမှမဆိုလိုဘူး။ အမှန်ခြစ်က Nike တံဆိပ်။ ဒီထက်တော့ဘာမှမပိုဘူး သို့သော်ဒါတွေကိုပို့စ်မော်ဒန်လူသား ကသုံးစွဲနေတာကို ခင်ဗျားက အမှတ်အသားပုံရိပ်တွေကိုစားနေတယ်လို့ဆိုချင်တာကိုး။
ကိုမူ။ ။ ခင်ဗျားဟာဒီဝတ်စုံလေးနဲ့ကြည့်ကောင်းတယ် အဖြူလေးနဲ့ခန့်ညားတယ်ဆိုတာထက် လိုဂိုကပေးတဲ့ အရှိန်အ၀ါတခုကိုပါလိုချင်လာတယ်။ စားသုံးသူယဉ်ကျေးမှုခေတ်ထဲပလပ်ထိုးသွင်းပြီးချိတ်လိုက်တယ်။ တဆင့်တက်ပြောရရင်ခင်ဗျားဟာ ကုန်ပစ္စည်းကိုတင်မဟုတ်တော့ဘူး ကုန်ပစ္စည်းထုတ်လုပ်တဲ့ဖြစ်စဉ်တခုလုံးကိုသုံးစွဲလိုက်တာ။
ကိုလူ။ ။ တချို့လူတွေကလည်းဒီလူဘာဝတ်လည်းကြည့်ပြီးဆက်ဆံချင်ကြတာကိုးဗျ။ မော်ဒန်ခေတ်တုန်းကလည်းဒီလိုရှိခဲ့မှာပါပဲ။ တခြားနမူနာတခုလောက်ထပ်ပေးနိုင်ဦးမလား။
ကိုမူ။ ။ ရုပ်ရှင်ထဲ ကားတစီးနောက်ကိုရဲကားတွေကလိုက်တယ်။ ပညာပြခန်းတွေနဲ့ကားပြိုင်မောင်းကြရင်း တနေရာမှာကားတွေဆင့်တိုက်ချလိုက်တာမနဲဘူး။ တခါ တခြားရုပ်ရှင်တခုမှာဧရာမပေါက်ကွဲမှုကြီး ဖြစ်တယ်။ အပျက်အစီးတွေကသောက်သောက်လဲပေါ့။
ကိုလူ။ ။ ကုန်ကျမဲ့ငွေကလည်းနဲမှာမဟုတ်ဘူး။ ကျုပ်တို့ရပ်ကွက်တခုလုံးရဟန်းခံပြီးတပတ်လုံးမီးခိုးတိတ်ကျွေးလို့ရမယ်ထင်တယ်။ ဆိုချင်တာက။
ကိုမူ။ ။ ဒါပေမဲ့လူတွေကကြည့်ကြတာကိုးဗျ။ ခေတ်မှီနည်းပညာသုံးပြီးဖျက်ပြတဲ့အပျက်အစီးတွေကိုကြည့်တာ စောစောကကျနော်ပြောတဲ့ ကုန်ပစ္စည်းထုတ်တဲ့ဖြစ်စဉ်ကိုစားသုံးနေတာပဲမဟုတ်လား။ နောက်ကားမှာပိုဖျက်ပြဦးမယ်။ ကြည့်ကြဦးမှာပဲ။ အပျက်အစီးနဲသွားရင် အရင်ကားလောက်မစွံပါဘူးကွာလို့ပြောခံရမှာအသေအချာပဲ။
ကိုလူ။ ။ ကျနော်တို့ဟာပုံရိပ်တွေ မီဒီယာ ခေတ်မှီနည်းပညာနဲ့ ကုန်ပစ္စည်းထုတ်လုပ်မှုဖြစ်စဉ်ကြီးတခုလုံးကိုစားနေတာလို့ ဒါကြောင့်ခင်ဗျားကဆိုတာကိုး။
ကိုမူ။ ။ မီဒီယာနဲ့ပုံရိပ်တွေ ပို့စ်မော်ဒန်ယဉ်ကျေးမှုဟာ ကျနော်တို့နေ့စဉ်လူနေမှုဘ၀တွေကိုလွှမ်းမိုးတယ်။ အရင်းရှင်ခေတ်နှောင်းရဲ့ဈေးကွက် ကလည်းကျနော်တို့လူနေမှုဘ၀တွေကိုထိန်းချုပ်လာခဲ့တယ်။ ကျနော်နဲ့ခင်ဗျားဟာ နေရာဒေသအရ အသက်မွေးဝမ်းကျောင်းမှုအရ စိတ်ပါဝင်စားမှုအရ ကွဲပြားမှုတွေရှိနေပေမဲ့ ပို့မော်ဒန်ခေတ်ရဲ့အမှတ်အသားပုံရိပ် မီဒီယာ နှောင်းအရင်းရှင်ခေတ်ရဲ့ ဈေးကွက် နဲ့ စားသုံးသူယဉ်ကျေးမှုအောက်မှာမျောပါနေကြရတာကတော့အတူတူဖြစ်လာတယ်။

KZကေ

ရာဇ၀င်ကားကြည့်ရင်းအိပ်ပျော်သွားတဲ့မနက်ဖြန်

ကိုလူ။ ။ ခင်ဗျားလုပ်တာနဲ့ပဲ တီဗွီချယ်နယ်ပြောင်းတာတောင်ပို့စ်မော်ဒန်နဲ့မလွတ်ပါလားဗျ
ကိုမူ။ ။ တကယ်လည်းတီဗွီ ဟာကျနော်တို့နေ့စဉ်လူနေမှုဘ၀ကိုလွမ်းမိုးနေတာကိုး။ စဉ်ဆက်မပြတ်လွှင့်ထုတ်နေတဲ့ TV အစီအစဉ်တခုဟာ တချိန်လုံးလှည့်ပေးနေတဲ့ ပန်းစင်္ကြမှန်ပြောင်း ကြီးပဲမဟုတ်ဘူးလား။
ကိုလူ။ ။ ထားပါလေ။ ဒါပေမဲ့ အဓိပ္ပါယ်တွေပျောက်ကုန်တယ်ဆိုတဲ့သဘောကတော့ အဓိပ္ပါယ်မရှိဘူးဆိုတဲ့သဘောပဲ။ ဒါတော့ဘ၀င်မကျချင်ဘူးဗျာ
ကိုမူ။ ။ ဘယ်သူကကောTV ပုံရိပ်တွေကြည့်ပြီး ဘာအဓိပ္ပါယ်ပါလိမ့်စဉ်းစားကြလို့လဲ။ ဒီနေ့ကုန်ပစ္စည်းကြော်ညာတခုဟာ စီးပွားရေးလား ဖျော်ဖြေရေးလားဆိုတာတောင်မကွဲပြားတော့ပါဘူး။
ကိုလူ။ ။ TV ကြောင့်မို့ ကမ္ဘာကြီးရဲ့တခြားနေရာကဖြစ်ရပ်တွေကိုကျနော်တို့ချက်ချင်းသိကြရတယ်လေ မကောင်းဘူးလား။
ကိုမူ။ ။ ဒါပေါ့လေ။ တခုသတိထားမိဖို့လိုတာက TV က တကမ္ဘာလုံးကိုစုစည်းမိစေတယ်။ စူနာမီ တို့နာဂစ်တို့ ကိုလူတွေချက်ချင်းသိပြီး ခံစားရစေတယ်။ လူများစုကြီးဟာတချိန်ထဲမှာအဖြစ်အပျက်တခုပေါ်မှာရှိနေကြတယ်။ တဘက်ကပြောမယ်ဆိုရင် ဒါသမိုင်းကိုမှတ်တမ်းတင်နေတာပဲ။
ကိုလူ။ ။ ဒါတော့နားလည်သားဗျ။ ဒီလိုလေ ခုဖြစ်ခုပဲသမိုင်းထဲရောက်သွားလို့ ချက်ချင်းသမိုင်း (instant history) ဆိုပြီးပြောကြတာတွေကြားဖူးလို့ပါ။
ကိုမူ။ ။ သို့သော် ဒီသို့သော်လည်းအရေးကြီးမယ်ထင်တယ်။ ဒီနေ့ မုန်တိုင်းကျတယ်။ နောက်တစ်ပတ်ကျတော့ ငလျှင်လှုပ်တယ်။ ပြီးတော့တခါ မိုက်ကယ်ဂျက်ဆင်ဆုံးတယ်။ ဒီပန်းစင်္ကြာမှန်ပြောင်းဟာပုံရိပ်တွေကိုတင်လှည့်တာမဟုတ်ပဲ အဖြစ်အပျက် ခင်ဗျားပြောတဲ့ချက်ချင်းသမိုင်းတွေကိုပါလှည့်တော့ကာ လူတွေဟာသမိုင်းကိုအလွယ်နဲ့မေ့ဖို့ အကြောင်းဖန်လာပြန်တော့တယ်။
ကိုလူ။ ။ ဟေ့လူ ခင်ဗျားလွန်လာပြီနော်။ ခင်ဗျား ပထမ အဓိပ္ပါယ်တွေကိုသတ်ပစ်တယ်။ ခုသမိုင်းကိုအပျောက်ရှင်းဖို့ကြံနေတယ်မလား။ ကျုပ်ရိပ်မိတယ်နော်။
ကိုမူ။ ။ ပုံရိပ်တွေကတခုပြီးနောက်တခုဆိုတော့ ကျနော်တို့တွက်နေ့တိုင်းအသစ်တွေကိုတွေ့နေရတယ်။ အသစ်ဖြစ်မှုဟာမြန်လာတယ်။ နောက်ဆုံးအသစ်ဆိုတာလည်းပျောက်ရော အဟောင်းကိုဘယ်လိုအဓိပ္ပါယ်ဖွင့်ကြမလဲ။ အသစ်နဲ့အဟောင်းကြားမှာရှိတဲ့ ကွဲပြားမှုဟာပျောက်သွားတယ်။ ဒီတော့ မနက်ဖြန်ဆိုတာဘာလဲနောက်ထပ်ပေါ်လာမဲ့ ပုံရိပ်အသစ်တွေပဲ။အနာဂတ်ဆိုတာဒီနေ့လိုမျိုးပြောင်းနေဦးမဲ့ တူနေတဲ့ဖြစ်စဉ်တခုပဲဒီလိုနဲ့သမိုင်းဆိုတာ စဉ်းစားစရာမလိုတော့အောင်ဖြစ်လာရတယ်။
ကိုလူ။ ။ ဒီတော့ ပို့စ်မော်ဒန်ခေတ်ထဲမှာ သမိုင်းကြောင်းနဲ့ယှဉ်ပြီးတွေးတာတွေ စဉ်းစားတာတွေလုပ်စရာမလိုတော့ဘူးလို့ဆိုချင်တာလား။
ကိုမူ။ ။ ဒီလိုဗျ အတိတ်နဲ့ပတ်သက်တဲ့ပုံရိပ်တွေခုခေတ်မှာအများကြီးရှိတယ်။ ဒါပေမဲ့ဖန်တီးထားတာတွေ။ ခင်ဗျားပုံတပုံကိုကော်ပီကူးတယ်ဆိုရင်တောင်မူရင်းပုံနဲ့တူသေးတယ်။ ခုကဒီလိုမဟုတ်ဘူး။ ကျနော်တို့တိုက်တင်းနစ်ကြည့်တယ်။ တကယ့်သဘောင်္နစ်ခဲ့တာမဟုတ်တော့ဘူး။ သူကကျနော်တို့ကြည့်ကောင်းအောင် ခံစားရအောင်ဖန်တီးထားတာ။ ဗီယက်နမ်စစ်ကားတွေအများကြီး တကယ်ဗီယက်နမ်စစ်ကိုမှတ်တမ်းတင်ထားတာမဟုတ်ဘူး။
ကိုလူ။ ။ ဟုတ်ပါပြီ။ နမူနာပေးစရာတွေများပါတယ်။ လိုရင်းကဘာပြောချင်တာလဲ။
ကိုမူ။ ။ ကျနော်တို့မြင်နေရတဲ့အတိတ်ပုံရိပ်တွေဟာ တကယ့်အတိတ်တွေမဟုတ်ဘူး။ ဖန်တီးထားတာတွေ။ ဒီတင် အတိတ်နဲ့လက်ရှိကြားမှာအဆက်အစပ်မဲ့သွားတယ်။ တခါ Star War လို Matrix လို ပြီးတော့ bioengineering နဲ့နွယ်တဲ့ သိပ္ပံကားတွေ ကြည့်လိုက် အနာဂတ်ဟာပုံဖော်ဖို့ရာကိုတော်တော်ခက်လာတယ်။ ပို့စ်မော်ဒန်လူသားဟာ တကယ့်အတိတ်နဲ့ တကယ့်အနာဂတ်ကနေ မျက်ခြေပြတ်သွားတယ်။
ကိုလူ။ ။ မော်ဒန်ကျတော့အတိတ်ဆိုတာ လက်ရှိအချိန်ရဲ့မတိုင်ခင်ကအဖြစ်အပျက်တွေ။ အနာဂတ်ဟာ နောက်ရောက်လာမယ့်အချိန်။ ရှင်းတယ်။ အတိတ်နဲ့ပစ္စုပ္ပန်ကြားကအကျပ်အတည်းဟာ ပြဿနာတွေ ရှိနေပေမဲ့ အနာဂတ်ကိုပုံဖော်ကြည့်ဖို့စိတ်လှုပ်ရှားမှုကိုပေးတယ်။ ခုဒီနက်ရှိုင်းမှုပျောက်သွားတယ်လို့ ဆိုချင်တယ်ပေါ့။
ကိုမူ။ ။ အတိအကျပဲ။ ပို့စ်မော်ဒန်ခေတ်မှာကာလသုံးပါးစလုံးဟာရောသွားတယ်။ ကလေးတွေဆော့တဲ့ ကတ်ထူ ပုံအရုပ်ကလေးတွေပြန်ဆက်သလိုမျိုး။ ကျနော်တို့ဟာဆက်နေကြတာပဲ သို့သော်ဒါတွေအကုန်ဆက်လို့ရမှာလားမမေးကြတော့ဘူး။ လက်ရှိအဖြစ်အပျက်တွေထဲ ကိုယ်ဘယ်နေရာမှာရောက်နေသလဲ ဆိုတာကိုနားမလည်နိုင်တော့ဘူးဖြစ်လာကြတယ်။
ကိုလူ။ ။ အင်း။ ကျနော်တို့ဟာ ကိုယ်ပိုင်အတွေ့အကြုံတွေကို မီဒီယာကပေးတဲ့ပုံရိပ်တွေနဲ့ရောထွေးဖို့ဖြစ်လာရတယ်ပေါ့။
ကိုမူ။ ။ ကျနော်တို့ဟာ ကိုယ့်ကိုယ်ပိုင်ဘ၀တွေကိုဟောလိဝုဒ်ကရုပ်ရှင်တွေ နေ့စဉ်လာတဲ့ TV စီးရီးတွေနဲ့ရောမြင်လာကြတယ်။ ကျနော်တို့ဟာသမိုင်းဆိုတဲ့နောက်ခံကားမှာကိုယ့်ကိုကိုယ်နေရာချမကြည့်တော့ဘူး။
ကိုလူ။ ။ စဉ်းစားစရာပဲဗျာ။ အချိန်ရေစီးဟာကိုယ့်အပေါ်ကိုသက်ရောက်မှုမရှိသလိုနေလာကြတယ်ဆိုတာဟုတ်နိုင်ပါ့မလား
ကိုမူ။ ။ ဒါမတင်မကဘူး ကျနော်တို့ဟာအနာဂတ်ကိုသိပ်မလေးနက်တော့ဘူး။ လူ့အဖွဲ့အစည်းကိုဘယ်ပုံကောင်းလာအောင်ပြောင်းလဲကြမလဲဆိုတာတွေမစဉ်းစားတော့ဘူး။
ကိုလူ။ ။ အနာဂတ်နဲ့ပါတ်သက်တဲ့စိုးရိမ်မှုတွေမရှိတော့ဘူးလား
ကိုမူ။ ။ အဲသည်လိုပြောကျတယ်။ တကယ်တော့မစဉ်းစားချင်တော့တာ။ တွေးမယ်ဆိုစိုးရိမ်စရာတွေကများသား။ သဘာဝအန္တရယ်။ ရောဂါဘယ။ စစ်ပွဲ စုံလို့ပေါ့ ကမ္ဘာပျက်မယ်ဆိုတဲ့ထိပါတယ်။ သို့သော်ပို့စ်မော်ဒန်လူသားကဒါတွေကိုမပူတော့ဘူးဗျ။ ပြီခဲ့တဲ့အပတ်ကခင်ဗျားမေးခွန်း မြန်မာ့လူ့အဖွဲ့အစည်းနဲ့ပို့စ်မော်ဒန်ကိုဒီအချက်တွေနဲ့ချိန်ကြည့်လေဗျာ။
ကိုလူ။ ။ ခုကျနော်နဲနဲစဉ်းစားကြည့်နေတယ်။ သမိုင်းနဲ့ယှဉ်တဲ့အတွေးကျနော့်ဆီမှာပျောက်သွားပြီလား။ ကျနော်ဟာအနာဂတ်ကိုမေ့ထားမိသလား။

KZကေ

အရင်းရှင်ခေတ်နှောင်း၏ယဉ်ကျေးမှုယုတ္တိ

ကိုလူ။ ။ လင်းစမ်းပါဦး ကိုဓါတ်တိုင်ရယ်
ကိုမူ။ ။ ပထမအချက်အနေနဲ့ နိုင်ငံစုံကော်ပိုရေးရှင်းကြီးတွေပေါ်လာတာပေါ့။ နိုင်ငံတွင်းမှာပဲအားကောင်းနေတဲ့ကုမ္ပဏီကြီးတွေဟာနယ်နမိတ်တွေကျော်ပြီးအဆမတန်ကြီးထွားလာခဲ့တယ်။ နိုင်ငံပေါင်းစုံက ကုမ္ပဏီတွေဒီပုံချဲ့ထွင်ခဲ့ကြရာမှာ တနိုင်ငံချင်းရဲ့အမျိုးသားအကျိုးစီးပွားဟာ အချင်းချင်းအပြန်အလှန် ကမ္ဘာလုံးစီးပွားရေး မှာချိတ်ဆက်မိသွားတယ်။
ကိုလူ။ ။ multinational company တို့ global economy တို့ ဒီအပ်ကြောင်းထပ်စကားလုံးတွေလာဦးတော့မှာပေါ့ အင်းပေ့ါလေ ရှောင်ချင်လို့လဲမရဘူးဆိုတော့။
ကိုမူ။ ။ အကျိူးဆက်က ဥရောပပုံစံကိုလိုနီစံနစ်ဟာကမ္ဘာလုံးစီးပွားရေးအတွက်မထိရောက်တော့ဘူး။ နိုင်ငံစုံကော်ပိုရေးရှင်းကြီးတွေဟာဒေသခံနိုင်ငံတွေကချမ်းသာပြီးနိုင်ငံရေးမှာစွက်ဖက်နိုင်တဲ့ အီလစ်တွေနဲ့ ဆက်မိသွားကြတယ်။ အမေရိကန်ကလည်းတွန်းတယ်။ လွတ်လပ်တဲ့ကမ္ဘာဆိုပြီး ဒီရေစီးကိုအားကောင်းစေတယ်။ ကိုလိုနီလုပ်တဲ့ခေတ်ကကုန်ပြီလေ။ ဒါဒုတိယအချက်ပေါ့။
ကိုလူ။ ။ တတိယအပြောင်းအလဲလေးလုပ်ပါဦး
ကိုမူ။ ။ ကွန်ပျူတာ မီဒီယာ နဲ့ သတင်းအချက်အလက်ခေတ်ကြီးထဲကိုရောက်လာတာပါပဲ။ လူတွေကစားပွဲတွေကုလားထိုင်တွေရေစုပ်စက်တွေ လုပ်ရောင်းမဲ့အစား ချစ်ပ်ပြားလေးတွေလုပ်လာကြတယ်။ ရောင်းကုန်က ပုံတွေဇယားတွေအချက်အလက်တွေဖြစ်လာပြီ။ သတင်းအရေးကြီးတဲ့ခေတ်ကိုကူးလာတယ်။ ကုမဏီကြီးတွေက ထုတ်ကုန်မဟုတ်တဲ့ ဒီသတင်းအချက်အလက်တွေကိုပိုကြီးထိန်းချုပ်လာကြတာပါပဲ။
ကိုလူ။ ။ ဆိုတော့ လက်ဝါးကြီးအုပ်အရင်းရှင်စံနစ်ကနေ နိုင်ငံစုံအရင်းရှင်စံနစ် (Multinational Capitalism) ကိုပြောင်းလာတယ်ဆိုပါတော့
ကိုမူ။ ။ ဂျိမ်းဆင်က အရင်းရှင်ခေတ်နှောင်း (Late Capitalism) လို့လည်းခေါ်သဗျ။ သူ့ရဲ့ Postmodernism, or the cultural logic of late capitalism စာအုပ်ကိုအခြားပညာရှင်များ ကအလျင်းသင့်တဲ့အခါညွှန်းကြတာသတိထားမိတယ်။
ကိုလူ။ ။ သဘောပေါက်သလိုပဲ။ သူက ပို့မော်ဒန်ဟာ နိုင်ငံစုံအရင်းရှင်ခေတ်နှောင်းရဲ့ယဉ်ကျေးမှု။ မော်ဒန်ဟာလက်ဝါးကြီးအုပ်အရင်းရှင်စံနစ်ရဲ့ယဉ်ကျေးမှုလို့ပြောချင်တယ်ထင်တယ်။
ကိုမူ။ ။ ဒီသဘောပါ။ ဒါပေမဲ့ ခုခေတ်ကြုံတွေ့နေရတာအားလုံးကို ပို့စ်မော်ဒန်ယဉ်ကျေးမှုပဲလို့မပြောနိုင်ဘူးပေါ့ မော်ဒန်ယဉ်ကျေးမှုလည်းရောယှက်နေသေးသလို အချို့နေရာတွေမှာ နောက်ထပ်အယူအဆသစ်တွေ ဆီသွားဖို့အုံဖွဲ့နေတာမျိုးလည်းတွေ့နိုင်ပါတယ်။ အားကောင်းနေတာကတော့ပို့စ်မော်ဒန်ယဉ်ကျေးမှုပဲ
ကိုလူ။ ။ စိတ်မရှိနဲ့နော်။ ပို့စ်မော်ဒန် ကိုနားလည်လို့ဘာအကျိုးထူးမလဲဗျ
ကိုမူ။ ။ ဂျိမ်းဆင်စကားအတိုင်းပြောရရင်တော့ ဒီနေ့လူ့အဖွဲ့အစည်းကိုနားလည်ဖို့အတွက် သဲလွန်စတစ်ခုတဲ့။ အရင်းရှင်ခေတ်နှောင်းကုန်ထုတ်လုပ်မှုပုံစံနဲ့ ဒီနေ့ယဉ်ကျေးမှုပုံစံကြားက အဆက်အစပ်တဲ့။
ကိုလူ။ ။ ကောင်းပြီ။ ဒါဆိုရင်ပို့စ်မော်ဒန်ယဉ်ကျေးမှုဟာကျနော်တို့ဆီမှာခုရှိနေပြီလား။ မြန်မာလူ့အဖွဲ့အစည်းရဲ့ဒီနေ့ဖြစ်တည်နေတဲ့ ယဉ်ကျေးမှုကိုပုိ့စ်မော်ဒန်နဲ့ဘယ်လိုဟပ်ပြလို့ရမလဲ
ကိုမူ။ ။ ခင်ဗျား ကတော့အချွှန်နဲ့မပြီထင်ပါရဲ့။ ကျနော်လည်းပြောချင်တာလျှာတချောင်းလုံး ယားနေသော်လည်း ကိုယ့်အရာမဟုတ်သေးလို့သာပါ။ ခုပြောနေတာတွေအရင်ဖြတ်ဖို့လည်းလိုသေးတယ်မလား။

KZကေ

ဂျိမ်းဆင်ကိုအစဆွဲခြင်း

ကိုလူ။ ။ တခုဖြတ်မေးမယ်နော်။ ဒီအလုံးစုံအမှန်တရားဆိုတာတကယ်မရှိနိုင်ဘူးလား။ ဥပမာ တံခါးအားလုံးကို
ပွင့်တဲ့သော့လိုပေ့ါ။ ကျောင်းတွေမှာခုထိသင်နေတာဒီအခြေခံအတိုင်းပဲရှိသေးတယ်ထင်တယ်။
ကိုမူ။ ။ အလုံးစုံအမှန်တရားဆိုတာက totality/ universality ကိုကျနော်ဆိုလိုတာ။ ခင်ဗျားပြောတဲ့ master key ပေါ့လေ။
ဒါကြောင့်ပို့စ်မော်ဒန်သမားတွေက ဒီသဘောတရားသက်ဝင်တဲ့ ရှင်းလင်းချက်နဲ့အရေးအသား တွေကို
master narrative လို့ခေါ်ကြတယ်။
ကိုလူ။ ။ ဒါဆိုအချို့အစဉ်အလာဘာသာရေးထုံးတမ်းစဉ်လာသွန်သင်မှုတွေဟာ master narrative
ဘောင်ထဲမှာရှိနေတယ်လို့ ခင်ဗျားဆိုချင်တာလား။
ကိုမူ။ ။ ဟုတ်တယ်ပြောရမှာပဲ။ ကျွန်တော်တို့ငယ်ငယ်ကပုံပြင်တွေအများကြီးနားထောင်ခဲ့ရတယ်။
ရိုးသားကြိုးစားရင်တနေ့ကြီးပွားမှာပဲဆိုတဲ့ပုံပြင်တွေ။ ခုလိုပြောလို့ခိုးကြ၀ှက်ကြဟေ့လို့အားပေးနေတာမဟုတ်ဘူးနော်။
ရှေးအစဉ်အလာမှမဟုတ်ပါဘူး။ သမိုင်းဟာလမ်းဆုံးသွားပြီ။ ဈေးကွက်စီးပွားရေးနဲ့ လစ်ဘရယ်ဒီမိုကရေစီ
ဟာနိုင်ငံအားလုံးအတွက် အဖြေပဲတို့။ အားလုံးဟာအမေရိကန်ယဉ်ကျေးမှုနဲ့ လူနေမှုစတိုင်
နောက်ကိုလိုက်ကြရတော့မယ်/ လိုက်နေကြတယ်ဆိုတာမျိုး တို့ကိုလည်း master narrative ထဲ ထဲ့နိုင်ပါလိမ့်မယ်။
ကိုလူ။ ။ ခင်ဗျား master narrative ဆိုတာကြီးစကားလှယ်ပေးပါဦးဗျာ။ ကျုပ်သူများပြန်ဆရာလုပ်ချင်ရင်ခက်မယ်။
ကိုမူ။ ။ meta narrative သို့ grand narrative လို့လည်းခေါ်ကြတယ်။
ဇတ်လမ်းငယ်လေးတွေရဲ့သီးခြားအနေအထားမပေါ်လွင်တော့ပဲ ခြုံငုံ ကောက်ယူပြီး ရှင်းတဲ့ဇတ်လမ်း။
စုတ်ချက်တခုချင်းစီအသေးစိတ်ထက် တခုလုံးကြီးသဘောကိုယူတာ။ Big picture လို့လဲရေးတာတွေတွေ့ဘူးတယ်။
ကျနော်တို့ဆီကပညာရှင်တွေသဘောမညီခင် ခုနေတော့ master narrative ပဲလုပ်ပါဗျာ။ စကားမစပ်ပြောရရင်ဒီနေ့ခေတ်နိုင်ငံတွေမှာတိုင်းရင်းသားမျိုးနွယ်စုတခုချင်းရဲ့အရေးကိုမှိန်ပြီးယေဘူယျလူမျိုးဘောင်တခုထဲကနေကိုင်တွယ်ဖို့ကြိုးစားနေကြတာတွေ မပြေလည်တာတွေတွေ့ရတယ်။ ဒါကို ပို့စ်မော်ဒန်နိုင်ငံရေး ရဲ့အကျပ်အတည်းတခုလို့ပြောနိုင်တာပေါ့။
ကိုလူ။ ။ ကိုယ့်လူ ခင်ဗျားနိုင်ငံရေးနောက်မှလုပ်။ ခုပြောတဲ့ထိနားလည်သလောက်ကောက်ချက်ချရရင် ပို့စ်မော်ဒန်သမားတွေက အလုံစုံအမှန်တရားကိုငြင်းတယ် ဆိုတော့ မော်ဒန်ခေတ်ရဲ့အထင်ကရ မာ့စ်ဝါဒကိုဆန့်ကျင်လိုက်တာပေါ့။
ကိုမူ။ ။ Marx ၀ါဒီတွေထဲမလည်း ပို့စ်မော်ဒန်သမားတွေရှိပါတယ်။ ထင်ရှားတာက FREDRIC JAMESON
သူ့အကြောင်းကျနော်တို့ဆီက စာဆောင်တွေထဲရေးတာတွေနဲနဲတော့ဖတ်ဘူးတယ်။
ကိုလူ။ ။ လုပ်စမ်းပါဦး Marx ၀ါဒီက ပို့စ်မော်ဒန်နဲ့တလမ်းသွားအမှန်တရားကို ဘယ်သို့ဝေဖန်ပြီးဘယ်ပုံလက်ခံလိုက်တာပါလိမ့်။
ကိုမူ။ ။ ကားလက်မှတ်ကြီးရဲ့တပည့်သားမြေးတွေက ခေါင်းမာတာခင်ဗျားလည်းသိသားသနဲ့။ ဂျိမ်းဆင်ကြီးကအလုံးစုံအမှန်တရားကို ပို့စ်မော်ဒန်ဘောင်ထဲကနေသူလက်ခံလိုက်ပုံကတမျိုး။ ယဉ်လှတယ်။
ကိုလူ။ ။ ဒီလိုဆိုလည်းနောက်တခေါက်ယဉ်ယဉ်လှလေးအကြောင်းလုပ်ပါဗျာ။

KZကေ

ပို့စ်မော်ဒန်ကျွဲပြဲ စီးခြင်း

ကိုလူ။ ။ ခင်ဗျားလာတာအတော်ပဲ။ ကျနော်တခုမေးချင်နေတာ။ ပို့စ်မော်ဒန်ဆိုတာဘာလဲဗျ
ကိုမူ။ ။ မထိတ်သာမလန့်သာဗျာ။ ခင်ဗျားကကျုပ်ကိုဘာထင်လို့ဒီလိုအထူးအဆန်းမေးခွန်းတွေမေးရတာပါလိမ့်
ကိုလူ။ ။ ခင်ဗျားကဒါမျိုးတွေနှံ့စပ်လို့ပါကိုယ့်ဆရာရယ်
ကိုမူ။ ။ အင်း ကျနော်ဖတ်ဖူးတဲ့ကာတွန်းတခုသွားသတိရတယ်။ ကားမှတ်တိုင်မှာဗျာ လူတွေအများကြီးစောင့်နေတုန်း
တယောက်က ဆရာ လို့ခေါ်လိုက်တာ အားလုံးလှည့်ကြည့်ကြတာကလား
ဘာပဲဖြစ်ဖြစ်ပေါ့လေ ဆရာဆိုတော့လည်းသိသမျှလေး ၀ါးကြည့်ရတော့မှာပေါ့
ကိုလူ။ ။ ဆရာကတော့တကယ့်ဆရာပါဆရာရယ်
ကိုမူ။ ။ ဒီလိုလုပ်မယ်လေ။ ပို့စ်မော်ဒန်ဆိုတဲ့စကားလုံးကိုပဲခဏနားလည်အောင်ကြိုးစားရအောင်။
စကားလုံးချည်းသက်သက်ပေါ့ဗျာ ပို့စ်မော်ဒန်ကိုခင်ဗျားဘယ်လိုနားလည်လဲ
ကိုလူ။ ။ ဟာ ဟေ့လူ ခင်ဗျားကဖြေမှာလား မေးမှာလား
ကိုမူ။ ။ ဒီလောက်တော့ ခင်ဗျားရပါတယ်လေ လုပ်ကြည့်စမ်းပါ
ကိုလူ။ ။ ပို့စ်မော်ဒန်ဆိုတော့ မော်ဒန်လွန်ပေါ့ မဟုတ်ဘူးလား
ကိုမူ။ ။ မငြင်းသာပါဘူးလေ ဆိုတော့တဆင့်တက်ကြည့်ရအောင် ခင်ဗျားအဖြေအရ ပို့စ်မော်ဒန်ကိုနားလည်ဖို့
၂ခုတော့သိဖို့လိုလာတယ် မော်ဒန်ဆိုတာဘာလဲနဲ့ ဘာလို့မော်ဒန်ကိုလွန်လာရတာလဲ
ဒီလိုပြောရင်ရနိုင်မယ်ထင်တယ်
ကိုလူ။ ။ ဆက်စမ်းပါဦးဗျာ
ကိုမူ။ ။ မော်ဒန်ဆိုတာလည်းပြောရရင်ရှည်မှာပဲ
ဒီအထဲကျနော်တို့ဆီမှာပြောတဲ့မော်ဒန်နဲ့အနောက်ကလူတွေပြောတဲ့မော်ဒန်ကတူပုံမရဘူး
ကိုလူ။ ။ ဒီအကြောင်းနောက်မှရှင်း ခုပို့စ်မော်ဒန်ဆိုတာကိုပဲဦးတည်ပြီးပြောဗျာ
ကိုမူ။ ။ မော်ဒန်ကိုလွန်လာရတဲ့အကြောင်းတွေကတော့များပုံရတယ် ကျနော်စကားခံထားတယ်နော်
ဝါးကြည့်မယ်ဆိုတာ ဒီထဲကအခရာကျတဲ့အချက်လေးတွေရွေးပြောရင်ကောင်းမလားပဲ
ကိုလူ။ ။ ခင်ဗျားသဘော ကျုပ်နားလည်အောင်ပြောဖို့တော့လိုမယ် ဒါလိုရင်းပဲ
ကိုမူ။ ။ အဲသည်မှာခက်တာပဲ ကျနော်လည်းနားမလည်လို့လျှောက်ဖတ်ရင်း ဖတ်သမျှလေးပြောပြမှာပါ
ပို့စ်မော်ဒန်ဆိုတာ အဓိပါယ်တွေဆုံးရှူံးသွားတာလို့ တချို့ဖွင့်ဆိုချက်တွေမှာဆိုသဗျ
လွန်လွန်ကဲကဲပြောရရင်ပို့စ်မော်ဒန်ဆိုတာနားလည်ဖို့မဟုတ်ဘူးဆိုပဲ
ကိုလူ။ ။ ကျုပ်ကတော့ နားလည်မှဖြစ်မယ် ခင်ဗျားကိုလည်းဆရာခေါ်ပြီးပြီ ရအောင်သာရှင်းပေတော့
ကိုမူ။ ။ သင့်မြတ်လှပါပေတယ် ကောင်းပြီလေ မရဲသော်လည်းဒီကျွဲပြဲ ကျနော်စမ်းစီးကြည့်တာပ

ဆက်ပါဦးမယ်