ဥါဏ်အနီနဲ့အိပ်မက်အနက် ၃

ကိုတီတူးရေ
ဒီပို့စ်မှာတော့ကျနော်ထင်တာလေးတွေ သို့မဟုတ်
ကျနော့်အတွေ့အကြုံလေးတွေ ကိုရေးခွင့်ပြုစေချင်ပါတယ်။
တနေ့လုံးကျနော်တို့လှုပ်ရှား ကိုယ်စိတ်နှလုံး၃ပါးစလုံးနဲ့
တကွင်းလုံးတွန်းတွန်းတိုက်တိုက်လိုက်ကစားပြီး
ညတိုင်ရောက်တော့အနားယူကြရတယ်။
အိပ်စက်ရာသလွန်ညောင်စောင်းမှာ
တနေ့လုံးမိခဲ့တဲ့အာရုံတွေထဲက
ကိုယ်အချိန်ပေးခွင့်စူးစိုက်ခွင့်မရခဲ့တဲ့အာရုံတွေ
ဥမမာ ခင်ဗျားဆုပ်ထားတဲ့လက်ကိုဖြေလိုက်ရတာ။
တယ်လီဖုန်းမြည်မယ် ခနလေးပြောပြီး ညနေပြန်ခေါ်မယ် ဆိုသော်လည်း
သူ့အတွက် ညနေညိုရီဟာရောက်မလာ။
၅ နာရီမှာလာမယ်တဲ့ မာရီယာ က ……
အဆိုပါအဖြစ်အပျက်အလုံးစုံဟာ တိုက်ဆိုင်သလို
ညမှာအိပ်မက်အဖြစ်လာထင်ဖို့ကြိုးစားပုံရပါတယ်။
တိတိကျကျဆိုရရင် (ကျနော်တယောက်တည်းအတွက်တော့)
ကိုယ်စိတ်ထဲမိမိရရလုပ်ခွင့်မရ တွေးခွင့်မရ ပြောခွင့်မရ တာတွေ
သိစိတ်ရဲ့နက်တဲ့တနေရာကို မထင်မှတ်ပဲရောက်သွားတယ်
သိစိတ်ချည်းလုံးလုံးနဲ့တော့ ခင်ဗျားဘယ်လိုအိပ်မက်မလဲဗျနော။
အိပ်မက်ဟာ တ၀က်သိစိတ်နဲ့ ပြောခဲ့တဲ့နက်တဲ့တနေရာကဟာကိုပြန်တူးပြီးပို့တယ်။
မသေချာပဲပူပန်နေရတာတွေ ဘယ်တော့မှန်းမသိတဲ့မျှော်ရည်အလွမ်းတွေ
ကိုယ်ဆုံးရှုံးခဲ့တာတွေ အောင်မြင်မှုအရိပ်အငွေ့တွေ အားနည်းချက်တွေ ပိုင်ဆိုင်မှုတွေ
ကျနော့်အတွက်တော့ ကောင်းတာတွေရှိပေမဲ့ ဆိုးရိပ်ပိုသာတဲ့ အတွေ့အကြုံ အာရုံ
တွေဟာ တ၀က်သိစိတ်ပိုက်နဲ့ညိပြီး ညဆီမှာ အိပ်မက်အဖြစ် လွတ်လမ်းရှာပါတယ်။
(တခါက ပြည်တော်ကြီးက စိတ်ပညာဆရာတဦးက Subconscious ကို
မသိစိတ်လို့ဆိုမဲ့အစား တ၀က်သိစိတ်လို့ ပြန်ဖို့အကြံပြုဖူးပါတယ်။ ကျနော်သဘောကျတာနဲ့
ခုဒီလိုပဲရေးပါတယ်။)
သို့ပေမယ်လို့ ထူးခြားတာတခုက အိပ်မက်ဟာ ကာလနဲ့ဒေသ ကို
(တ၀က်သိစိတ်အကူအညီနဲ့) ချယ်လှယ်ရာမှာတော့စွမ်းလှပါပေရဲ့။
ခင်ဗျားကတော့ထင်မှာပဲ ဒီလူတော့ လိုင်းပြောင်းပြီး အိပ်မက်အနက်ဖွင့်ကျမ်းတွေ
ဘာတွေရေးတော့မယ်လို့။
ဒါကြောင့်ကိုယ့်ဆရာလို ပညာတတ်များလည်း အထင်မသေးရဲအောင်
နောက်ပို့စ်မှာ အိပ်မက်ထဲ time နဲ့ space ကိုကျနော်ကြိုးစားပြီးထဲ့ကြည့်ပါ့မယ်။

ဇတ်သိမ်းပိုင်းကိုမျှော်ပါ
KZ ကေ