ကိုတီတူးရေ
ဒီတိုင်းသာဆို အိပ်တာရယ် မှတ်ဥါဏ်ရယ် အိပ်မက်ရယ် မှာ
အဆက်အစပ်လေးတွေ ရှိတယ်လို့ပြောရတော့မှာပေါ့။
ပညာရှင်ဆိုသူတွေကနဲနဲသိရင်မနေဘူး။ ထပ်ကွန့်ချင်တွန့်ချင်ကြတာ
မှတ်ဥါဏ်တိုင်းအိပ်မက်မှာလာပေါ်တာမဟုတ်ဘူး။
သဘောဥါဏ် (သဘောတရားကိုသာစွဲတဲ့ဥါဏ် semantic memory) ကသာပေါ်တာတဲ့။
ဥပမာ ကြောင်သည်ခြေလေးချောင်းသတ္တ၀ါဖြစ်သည် လို့ခင်ဗျားသိထားတာမျိုး။
တခါတလေများအိပ်မက်ထဲယောင်လို့ခြေနှစ်ချောင်းနဲ့ကြောင်များတွေ့ခဲ့ရင်
ကျနော့်ကိုပြောစမ်းပါဗျာ။ ဒီလူတွေနဲ့ငြင်းချင်စမ်းလှတယ်။
ဟုတ်ပြီ။ သူတို့ဆိုလိုတာက ငါးရှဥ့်ခြောက်စပ် ချက်သလို အသားညှပ်ပေါင်မုန့်လုပ်သလို
တခုပြီးတခုအစီအစဉ်တကျမှတ်မိတဲ့ဥါဏ်မျိုး (စီစဉ်ဥါဏ် Procedural memory) နဲ့အိပ်မက်
မဆက်စပ်လှဘူးဆိုပဲ။
သေချာစဉ်းစားကြည့်တော့ကျနော်အဲသည်အဆိုကိုသဘောတူချင်လာတယ်။
သဘောဥါဏ်ကအိပ်မက်မှာလာချိတ်တယ်ဆိုတာလေ။
သို့ပေသော်ငြား ခင်ဗျားဇတ်လမ်းဆန်ဆန်အစီအစဉ်လေးနဲ့မက်တာမျိုးကြုံဘူးရင်တော့
တမျိုးပြောရမယ်။ ဒါကို အစီအစဉ်နဲ့လုပ်တာကိုမှတ်မိတဲ့ဥါဏ်နဲ့တော့သွားရောလို့မရဘူး။
(နေ့အစဉ်မှာအစီအစဉ်နဲ့တဆင့်ချင်းဖြစ်ပျက်ရတာဆိုပေမဲ့ ...ဒါပြောချင်ပုံပဲ)
အဲဒီလိုမျိုး ခင်ဗျားဇတ်ကြောင်းပြောဆန်ဆန် အိပ်မက်တွေ့လာခဲ့ရင်
ဒါဟာ စိတ်ဖိစီးမှုတခုအောက်မှာရုန်းကန်နေရတဲ့သဘောဥါဏ်တွေရဲ့စုစည်းမှုလို့
အင်း ပညာရှင်တွေပေါ့ဗျာ သူတို့အဓိပ္ပါယ်ဖွင့်ကြလေရဲ့။
ဆက်ရဦးတော့မှာပါလား
KZ ကေ
No comments:
Post a Comment