ကြာခဲ့ပါပြီ။
ချယ်ရီမှာ ဆရာညွန့်ကြူးကဗျာအလှရှာပုံတော်လုပ်တော့
ဆောင်းပါးမစခင်အမြဲတမ်းဖော်ပြလေ့ရှိ တဲ့အချီအချစကားပြောခန်းတခုရှိပါတယ်။ ဆရာဇော်ဂျီဘာသာပြန်တဲ့ပလေတိုးနိဒါန်းထဲကပါ။
ကဗျာကိုခံစားနိုင်တာဟာစိတ်နှလုံးတက်ကြွမှုကြောင့်ပါတဲ့။
တော်လို့တတ်လို့ထက်မြက်လို့မဟုတ်ပါဘူးတဲ့။
ဆရာညွှန်းခဲ့တာတွေထဲကတပုဒ်ကိုကျနော်မှတ်မိနေခဲ့တယ်။
နွေလယ်နေရဲ့ဆိုနေကျသီချင်း။
“စက်ရုံတံခါးဖွင့်ဖို့
သူတို့လိုပဲငါလာခဲ့
မြို့တော်ရဲ့ဟိုမှာဘက်ကိုလေ”
တောင်ဒဂုံသားကဒလသင်္ဘောကျင်းထဲထမင်းချိုင့်ဖွင့်နေချိန်
သာကေးဒီးယန်းအပျိုဖြန်းကလေးလည်းအင်းစိန်ရွာမကအထည်ချုပ်စက်ရုံထဲ
ဘ၀ဆိုတာအပ်ချည်လုံးလို အချိန်တန်ရင်အကုန်ပြေသွားမှာပဲ
လို့တွေးနေနိုင်တယ်။
“နေလုံးကအိပ်မှုံစုံမွှား
အရှေ့ဖျားမှာတွားတက်စ”
အလင်းရောင်သဲ့သဲ့မြင်တာနဲ့အိမ်ဟာရုံခါဖို့ပဲ
ကျနော့်ဘလော့ထဲမှတ်ချက်ပေးသူတဦးအလိုအရဆိုရင်
နပိုလီယံတောင်နိုးတာနဲ့ထရဆိုကိုး။
“ဘတ်စကားမှတ်တိုင်မှီရပ်
ပါးစပ်ဟဟသန်းဝေ
အိပ်တန်းကြောင်ငှက်ကလေးရေ
မင်းအိမ်ပြန်တော့မယ်လား
ငါတော့အလုပ်သွားတော့မကွဲ့
စက်ဆီညစ်ထေးထေးနဲ့
အေးစက်စက်သံထည်ကြီးတွေအောက်
ငါ့ကြွက်သားတွေညောင်းညာခိုက်
မင်းအိပ်ဖြစ်အောင်အိပ်လိုက်ဦး
မင်းနဲ့ငါမပါတဲ့
မြိုတော်ရဲ့ညနေခင်း
သူ့ဘာသာစီးဆင်း
ဆိုနေကျသီချင်းနဲ့
တို့ကိုတွေးမဲ့သူလည်းကင်းရဲ့မဟုတ်လား”
ကဗျာကကျန်သေးပေမဲ့ဒီနေရာမှပဲရပ်ကြည့်ရအောင်။
ကဗျာဖတ်သူဟာ ကဗျာရေးသူပေးချင်တဲ့ အချက်ကိုရသွားခဲ့ပြီဖြစ်ပါတယ်။
ဂျက်လန်ဒန်ရဲ့ပင်လယ်ဝံပုလွေကိုဘာသာပြန်ခဲ့သူဆရာညွန့်ကြူးက
သူဖတ်ဖူးသမျှအကောင်းဆုံးအလုပ်သမားလူတန်းစားဖွဲ့ကဗျာလို့ဆိုခဲ့ပါတယ်။
ဆက်ဦးမယ်
No comments:
Post a Comment