Saturday, January 23, 2010

သက်မှတ်ချက်၊အချိန်ကာလနှင့်မြန်မာ့ပိုမိုလူ့အဖွဲ့အစည်း

ကိုလူ။ ။ကျနော်နဂိုက ပို့စ်မော်ဒန်ကိုဝါဒတခုလို့ထင်ထားတာဗျ။ မာ့က်စ်ဝါဒလိုပေါ့။
ကိုမူ။ ။မဟုတ်ဘူး။ ပို့စ်မော်ဒန်ဆိုတာခုခေတ်ဖြစ်နေတာတွေ၊ ခုကိုလက်တွေ့ဘ၀ထဲတွေ့မြင်နေရတာတွေ။ လူပေါ်မူတည်ပြီးအယူအဆတွေ၊ လက်ခံပုံတွေ ကွဲနိုင်တာမျိုးပါ။ မာ့က်စ် မှာကျတော့ လူ့သမိုင်းဆိုတာ လူတန်းစားတိုက်ပွဲပဲ။ စီးပွားရေးကအဆုံးအဖြတ်ပေးတဲ့အစိတ်အပိုင်းတခုဖြစ်မယ်။ အလုပ်သမားလူတန်းစားလွတ်မြောက် ဖို့ဆိုတာ အရင်းရှင်စံနစ်ကိုဖျက်သိမ်းပြစ်ရမယ်။ ဒီအခြေခံကနေလွဲသွားရင်မာ့က်စ်ကို နားလည်ပုံလွဲနေတယ်လို့ ပြောနိုင်တယ်။ ပုိ့စ်မော်ဒန်မှာကျတော့ခုလိုတိတိကျကျဘာကိုပြောရမလဲဆိုတာမေးလာရင်ဖြေရခက်မယ်။
ကိုလူ။ ။ဒါဆိုခင်ဗျားခုပြောနေတာတွေကမသေချာဘူးပေါ့။
ကိုမူ။ ။ခုကျနော်ပြောခဲ့တာတွေဟာ တကယ်တော့ Jameson ရဲ့အယူအဆတွေပါ။ အဓိကအနေနဲ့ Fredric Jameson’s Interpretation of Postmodernism ဆိုတဲ့ ကော်လိုရာဒိုတက္ကသိုလ်က Religious Studies ပါမောက္ခ Ira Chernus ရဲ့ စာတမ်းကိုအခြေခံပြီးပြောကြည့်တာ။ တခြားဟိုနဲနဲဒီနဲနဲ ဖတ်ထားတာလေးတွေ တချို့နေရာတွေ ပါသွားတာတော့ရှိတာပေါ့လေ။ Chernus ကလည်း ဂျိမ်းဆင်ရဲ့ Postmodernism, or the Cultural Logic of Late Capitalism ကိုအခြေခံပြီး အကျဉ်းပြန်ရေးထားစိစစ်ထားတာပါ။ မူရင်းဂျိမ်းဆင်ရဲ့အရေးအသားမှာတော့ အကြောင်းအရာပိုစုံတာပေါ့။ ဗင်ဂိုးနဲ့အင်ဒီဝါးဟိုး ပန်ချီကားတွေ နောက်ပိုင်းဓါတ်ပုံတွေ နှိုင်းယှဉ်ပြီးခေတ်တွေကိုဝေဖန်တာ၊ ဘာသာစကားကဗျာတွေကိုဆွေးနွေးတာ ချဉ်းကပ်တာ၊ ပို့စ်မော်ဒန်ဗိသုကာလက်ရာတွေ၊ ဗီဒီယို၊ ရုပ်ရှင်၊ ပေါ့ပ်ယဉ်ကျေးမှု စုံတယ်။ သို့ပေမယ့် အရေးအသားက ကျနော့်အတွက်တော့ နားလည်ရခက်နေပါတယ်။ သိချင်လွန်းလို့ဆက်စပ်သမျှလိုက်ရှာတော့ Chernus ကိုတွေ့တယ်။ အဲတာလေး ခုပြန်ပြောကြည့်တာပါ။ ကျနော်ကပညာရှင်မဟုတ်၊ ပို့စ်မော်ဒန်နဲ့ပတ်သက်လို့ ကျွမ်းကျင်သူလည်းမဟုတ်ပါဘူး။
ကိုလူ။ ။ဒါကြွားစရာလားဗျာ။ ဟုတ်ပြီဒါကတပိုင်း၊ ခင်ဗျားပြောတယ်၊ ပို့စ်မော်ဒန်ဆိုတာခုဖြစ်နေတာဆိုတော့ ကျနော်တို့နိုင်ငံမှာခုဖြစ် နေတာဟာ ပို့စ်မော်ဒန်ခေတ်ထဲရောက်နေပြီပြောနိုင်သလား၊
ကိုမူ။ ။ခက်တာကယှဉ်ပြောလို့မရတာပါ၊ အနောက်ကသူတွေကသူတို့ဖြတ်သန်းပုံ၊ ယဉ်ကျေးမှု အတွေးအခေါ်နဲ့သူတို့ရောက်နေတဲ့နေရာတခုအကြောင်းပြောတာကို ကျနော်တို့က တိုက်ရိုက်ဆွဲကပ်ကြည့်လို့မရနိုင်ပါဘူး။ တချို့နေရာတွေကျနော်တို့ခံစားကြည့်လို့ရနိုင်တာတွေရှိပေမဲ့ ဂျိမ်းဆင်ကပို့စ်မော်ဒန်ဆိုတာ အရင်းရှင်ခေတ်နှောင်းဆိုတော့ ကျနော်တို့ဆီမှာ ဘယ်အရင်းရှင်စံနစ်ကို ဘယ်လိုနှောင်းရမလဲ။ ခေတ်ကာလအပိုင်းအခြားကိုတည်ပြီးကိုယ့်ဆီကသွင်ပြင်လက္ခဏာကိုပြောရမလား၊ သဘောတရားနဲ့သတ်မှတ်ချက်ကိုတည်ပြီး ခေတ်ကိုပိုင်းရမလား စဉ်းစားဖို့ဖြစ်လာတယ်။
ကိုလူ။ ။သို့ပေမယ့် သူ့ယေဘူယျသတ်မှတ်ချက်တွေဖြစ်တဲ့ ခင်ဗျားပြောတဲ့ မီဒီယာ၊ ကြော်ငြာ၊ နိုင်ငံစုံကော်ပိုရေးရှင်းတို့ဆိုတာတွေက အပြည့်အ၀မဟုတ်ပေမဲ့ တစိတ်တပိုင်းတော့ရှိနေတယ်နော်။ ပြီးတော့ ဂလိုဘယ်ခေတ်ဆိုတော့ ကိုယ့်အကန့်နဲ့ကိုယ်ခွဲပြောရခက်နိုင်တာတွေလည်းရှိမယ်နော်။
ကိုမူ။ ။ ခေတ်မှီနည်းပညာသုံး မီဒီယာ၊ အင်တာနက်၊ မိုဘိုင်းဖုန်း၊ ဒစ်ဂျစ်တယ်ပုံရိပ်တွေက အားနည်းနေပါသေးတယ်။ ရန်ကုန်မြို့ဟောင်းကြီးမှာကိုပဲ လုပ်ရပါဦးမယ်။ တီဗွီချယ်နယ်ဘယ်နှစ်ခုရှိသလဲ။ တခြားကချယ်နယ်တွေကို ဘယ်နှစ်ခုဖမ်းနိုင်ပြီလဲ။ အဆက်မပြတ်ထုတ်လွှင့်နေတဲ့ အဆက်အစပ်မဲ့ ပုံရိပ်တွေကိုကျနော်တို့ခံစားနေရပြီလား။ ပြီးတော့နိုင်ငံစုံစီးပွားရေး ရေစီးကြောင်း ထဲကိုကျနော်တို့မရောက်သေးဘူး။ စားသုံးသူယဉ်ကျေးမှု ထဲကိုမရောက်တတ်သေးဘူး။ စားသုံးသူလူ့အဖွဲ့အစည်းလို့မပြောနိုင်သေးဘူး။ သို့သော်ရှိနေတဲ့အခြေအနေနဲနဲလေးမှာပါ ပို့စ်မော်ဒန်ခံစားမှု အနုပညာကိုဖန်တီးနိုင်သူတွေကတော့ရှိနိုင်ပါလိမ့်မယ်။ မော်ဒန်နဲ့ပို့စ်မော်ဒန်အရောအနှောဟာ ပုံမှန်ပါ။ ပြောစရာတွေကတော့များပါတယ်။ ပြီးတော့မြန်မာတွေရဲ့ human flight ကဒီနေ့တွေမှာအရမ်းများနေတယ်။ ဒါထူးခြားမှုပဲ ပြီးတော့တကွေ့မှာသက်ရောက်မှုတခုဖြစ်လာမှာပါ။
ကိုလူ။ ။ကဲဗျာ နိုင်ငံရေးစံနစ်အပြောင်းအလဲတစုံတရာပေါ်လာရင်ကော။ ကျနော်တို့အမှီလိုက်ဖြစ်စဉ်လေး ဘာလေးမရှိနိုင်ဘူးလား။
ကိုမူ။ ။ခင်ဗျားကျနော့်ကိုမတန်မရာတွေပြောခိုင်းနေပြီကိုး။ ခင်ဗျားသိချင်တာကိုကျနော်သိသလောက် ပြောပြီးပြီလေ။ တော်ကြရအောင်ပါ။
ကိုလူ။ ။နဲနဲလောက်တော့ကျိတ်ထဲ့စမ်းပါဗျာ။ ခင်ဗျားကိုဝိုင်းဆဲရင် ကျနော်ကကြည့်မနေပါဘူးလေ။
ကိုမူ။ ။ပို့စ်မော်ဒန်သမားတချို့ပြောကြတယ်။ ပြသနာကိုမတွေ့ရင်ကိုယ်ဟာပြသနာရဲ့အစိတ်အပိုင်းတခုပဲတဲ့။ ခုခင်ဗျားကကျနော့်ကိုပြသနာရှာခိုင်းနေတာပဲ။ နိုင်ငံရေးအရပြောရင်မြန်မာ့နိုင်ငံရေးဟာ မော်ဒန်နိုင်ငံရေးထဲမှာပါ။ ဒီမိုကရေစီကို သွားဖို့ကြိုးစားနေတယ်။

KZကေ

Tuesday, January 19, 2010

အတုဖန်တီးခြင်းအနုပညာ၊ သိမြင်မှုမြေပုံ နှင့် ပို့စ်မော်ဒန်ပုစ္ဆာများ

ယူတိုပီယာအယူအဆကိုမငြင်းလိုသော်လည်း ပုိ့စ်မော်ဒန်စိတ်ကူးယဉ်နိုင်ငံတော်ကိုလုံးဝဖြစ်နိုင်ခြေမရှိဟုလည်း ဆိုသည်။ အရင်းရှင်ယဉ်ကျေးမှုကစိတ်ကူးမယဉ်ဖို့လက်တွေ့ကျဖို့ကိုသင်ကြားပေးပြီးသားဖြစ်သည်။ သို့သော် စိတ်ကူးမရှိပဲ လက်တွေ့ဘယ်လိုကျရမည်နည်း။ reality အသစ်တခုကိုရှာဖို့စိတ်ကူးကပဲအရင်စရမည်။ ဒီစိတ်ကူးမျိုးဘယ်သူတွေပေးနိုင်မလဲ။ ဂျိမ်းဆင်အလိုအရ သူကအကဲဒမစ်သမားတွေထက်စာရင်အနုပညာသမား ကိုပိုအားကိုးသည်။ ဆိုတော့စိတ်ကူးအသစ်အဆန်းတွေရဖို့ postmodern art တွေကိုလေ့လာသည်။
ဒီမှာတင်ပို့စ်မော်ဒန်အနုပညာတွေမှာ စံနစ်တခုထဲမှာနေပြီးဒီစံနစ်ချိနဲ့အောင်အားထုတ်မှုတွေကိုဖော်ပြတာ တွေ့ရသည်။ လက်ရှိလူ့အဖွဲ့အစည်းထဲဖြစ်ပျက်နေတာတွေကိုပုံကြီးချဲ့ပြသည်။ အတုပုံရိပ်တွေဖန်တီးသည်။
နမူနာအနေဖြင့် အနုပညာသမားတယောက်က ပြတိုက်တခုထဲတီရှပ်တွေပြထားသည်။ ပြတိုက်ကအမှတ်တရရောင်းတဲ့တီရှပ်တွေလိုပဲဖြစ်သည်။ သေချာကြည့်လျှင်အနုပညာသမားရော ပြတိုက်ပါ နှစ်ဘက်စလုံးအတုပြုထားတာပဲဖြစ်သည်။ အနုပညာသမားကပြတိုက်လုပ်ပုံကိုအတုပြုသည်။ ပြတိုက်ကရော သူတို့ပြတိုက်ကနာမည်ကြီးအနုပညာရှင်တွေရဲ့လက်ရာကိုအတုပြုပြီးတီရှပ်ပေါ်တင်ထားတာပဲဖြစ်သည်။ တချို့ပို့စ်မော်ဒန်သမားတွေကခုလိုအတုပြုဖန်တီးခြင်းသည် လက်ရှိလူ့အဖွဲ့အစည်းထဲအတုဖန်တီးမှုတွေများ နေကြောင်းဖော်ပြရာရောက်သည်။ ပြပွဲကြည့်သူတွေကိုသူတို့နေထိုင်သည့် လက်ရှိလူမှုဝန်းကျင်ကို မြင်သာစေသည်ဟုယူဆကြသည်။ ဒါသည်ပင် သည်လူ့အဖွဲ့အစည်း၏အနှစ်မဲ့မှုထဲက ရုန်းထရန်တွန်းအား ပေးစေမည်ဖြစ်သည်။ ထိုမှတဆင့် အသစ်တခုစုစည်းဖြစ်တည်လာမည်ဆိုသည်။
ဒီလိုဆိုတော့လည်းလွယ်ပေသားပေါ့။ သို့သော်အတွင်းအနှစ်သားမဲ့နေသည့်လူ့အဖွဲ့အစည်းကနေ ယူတိုပီယာနိုင်ငံတော်ကိုဘယ်လိုကူးပြောင်းမလဲ။ အနဲဆုံးဘယ်လိုအခြေခံပေးမလဲ။ ဒီမေးခွန်းအတွက်ဂျိမ်းဆင်မှာအဖြေမရှိ။ တကယ်တော့ရှင်းလင်းမြင်သာတဲ့အယူအဆ အတွေးအခေါ် ခုထိမရှိသေး။ ပထမဆုံးအဆင့်ကိုလိုက်လျှင်လက်ရှိကိုယ်ဘယ်နေရာမှာရှိသလဲဆိုတာနားလည်ဖို့ဖြစ်သည်။
ဒီ့အတွက်ကျနော်တို့နဲ့ပို့စ်မော်ဒန်အရင်းရှင်ခေတ်နှောင်းရဲ့အဆက်အစပ်ကိုမျှပြီးနားလည်နိုင်မည့်ပုံရိပ်တွေရှိဖို့လိုသည်။ ပုံရိပ်တွေကလမ်းညွှန်မြေပုံလိုခေတ်ထဲကျနော်တို့ဘယ်နေရာမှာရှိသလဲဖော်ပြနိုင်တာမျိုး ဖြစ်ရမည်။
ပို့စ်မော်ဒန်ယဉ်ကျေးမှုကကျနော်တို့ဘ၀တွေထဲထိုးဖောက်စိမ့်ဝင်လာရာမှာယဉ်ကျေးမှုနဲ့ဘ၀ တသားတည်းကျ ပြီလို့ပင်ပြောနိုင်သည်။ ဒါကြောင့်ဘ၀အတွေ့အကြုံလမ်းညွန်မြေပုံကိုရဖို့ယဉ်ကျေးမှုကိုခြေရာခံရမည်။
ဒီမြေပုံမှာအချက်သုံးခုကိုဆက်စပ်ပေးနိုင်ရမည်။ ပထမ မီဒီယာနဲ့ပုံရိပ်တွေ၊ ဒုတိယ နှောင်းအရင်းရှင်ခေတ်ရဲ့ ကုန်ထုတ်လုပ်မှုပုံစံ၊ နောက်ဆုံးအချက်အနေနဲ့ ဒီအရင်းရှင်ခေတ်နှောင်းအတွင်းမှာပဲ သက်ဆိုင်ရာ စီးပွားရေးအဆင့်တခုကို ကိုယ်စားပြုမဲ့ လူတဦးချင်းစီရဲ့အတွေ့အကြုံ၊ ဒီသုံးမျိုးချိတ်ဆက်ပေးနိုင်ဖို့လိုပါမည်။ ကောင်းပြီ အသိပညာပေးမြေပုံ အချက်သုံးချက်ချိတ်ဆက်မှုတွေကနေ ကျနော်တို့ဘာတွေသိဖို့လိုလာမလဲ။ အရင်းရှင်ခေတ်နှောင်းရဲ့ကုန်ထုတ်မှုပုံစံကိုလူနည်းစုကပိုင်ဆိုင်ပြီး လူ့အဖွဲ့အစည်းကို ပုံဖော်ဖို့ကြိုးစားနေတာကိုသိလာမည်။ ကျနော်တို့မှာကိုယ့်ဘ၀ကိုယ် ကိုင်တွယ်ထိန်းကျောင်းဖို့အခွင့်အလမ်း နည်းနေတာ သိလာမည်။ တကယ်တမ်းရွေးချယ်ခွင့်နဲ့ပိုင်ဆိုင်မှုဆိုတာတွေကဟုတ်ထင်မြင်မှားမှုတွေ ဆိုတာနားလည်လာမည်။ ယနေ့လက်တွေ့ဘ၀အခြေအနေကိုနားလည်လာမှသာ အနာဂတ်ကိုဘယ်လိုပုံဖော်မလဲကွဲပြားပေလိမ့်မည်။ ဒါတွေကဂျိမ်းဆင်ရဲ့ခေတ်သစ်တခုအတွက်သိမြင်မှုမြေပုံ (cognitive map) ကိုရဖို့ ပို့စ်မော်ဒန်ခေတ်အပေါ် စီစစ်ဝေဖန်ချက်တွေဖြစ်သည်။ သို့သော်သူ့ဝေဖန်စီစစ်မှုဟာ ကွဲပြားခြားနားမှုတွေကိုစုစည်းပေးစေဖို့မဟုတ်။ အခြေအနေတွေကို transcoding လုပ်နေတဲ့နမူနာဖြစ်စဉ်တခုလို့ဆိုသည်။
ဒီသိမြင်မှုမြေပုံကိုစိတ်ကူးဖို့ရာမှာ ပုိ့စ်မော်ဒန်ခေတ်၊ သူ့အကျယ်အ၀န်းနဲ့အကန့်အသတ်တွေကို လက်ခံထားရမည်။ ပို့စ်မော်ဒန်ဖြစ်မှုထဲကကိုပဲ စိတ်ကူးယဉ်နိုင်ငံတော် ဖြစ်နိုင်ခြေတွေကိုဖော်ထုတ်နိုင်ရမည်။ မလိုအပ်ပဲ ယဉ်ကျေးမှုများဆက်စပ်စရာမလိုပဲ ယှဉ်တွဲဖွံ့ဖြိုးနိုင်ရမည်။ ခုထိတော့မြေပုံလမ်းစကိုမမှန်းဆနိုင်သေး။
တယ်လီဗေးရှင်းနဲ့ဈေးဝယ်ကုန်တိုက်ကြီးတွေ၊ ပို့စ်မော်ဒန်ယဉ်ကျေးမှုမှာ ကျနော်တို့တကယ် သဘောကျ နေထိုင်နေကြတာလား။

KZကေ

Monday, January 18, 2010

ပိုမိုစိတ်ကူးယဉ်နိုင်ငံတော်

ကိုလူ။ ။ဒီကနေ့မီဒီယာကတော့လက်တန်ရှည်လွန်းလှပါတယ်ဗျာ
ကိုမူ။ ။ဒါကြောင့်မို့ပဲကျနော်တို့ဟာ ကမ္ဘာလုံးအတိုင်းအတာနဲ့ တီထွင်မှု စမ်းသတ်မှုတွေလုပ်လာနိုင်ကြတယ်။ တကမ္ဘာလုံးစုပေါင်းပြီးဘယ်လိုနေထိုင်မှုပုံစံဟာ လူသားအတွက်သင့်တော်မယ်ဆိုတာ မျိုးတွေစဉ်းစားလာနိုင်ကြတာပေါ့။
ကိုလူ။ ။ခင်ဗျားပြောချင်တာ လူသားရဲ့အခြေခံလိုအပ်ချက်တွေ ဆန္ဒတွေကိုပြေလည်စေမဲ့ နိုင်ငံရေးစံနစ်တခုကိုဆိုချင်တာမလား။ ဒါပေမဲ့ခုပြောနေပုံက Utopia (စိတ်ကူးယဉ်နိုင်ငံတော်) ဆီပြန်သွားနေသလိုပဲ။
ကိုမူ။ ။ရှေးကတော့ဘုရင်တွေဟာ သူတို့ကိုယ်သူတို့ နတ်ဘုရားတမျိုးလိုလိုဆိုကြတာ။ သူတို့ဟာကယ်တင်ရှင်တွေပေါ့လေ။ အလယ်ခေတ် ခရစ်ရှယန်ဘုရင်တွေကသူတို့အုပ်ချုပ်မှုဟာ တိုင်းသူပြည်သားတွေအားလုံးကို အေဒင်ဥယဉ်ဆီခေါ်သွားမဲ့ အစီအစဉ်ရဲ့တစိတ်တပိုင်းလိုမျိုးကိုပြောတာ။ မော်ဒန်ခေတ်ရောက်တော့ ဒီမိုကရေစီပေါ့။ သာယာသောလူ့ဘောင်ကို နိုင်ငံရေးစံနစ်တခုတည်းနဲ့ရောက်ရမယ်ဆိုတယ်။
ကိုလူ။ ။ဘာလဲ ခင်ဗျားက ခေတ်တိုင်းမှာစိတ်ကူးယဉ်နိုင်ငံတော်ဆိုတဲ့အတွေးအခေါ်နဲ့တော့ မကင်းကြဘူးပြောချင်တာလား
ကိုမူ။ ။အင်း ဒါပေမဲ့ ခုပုိ့စ်မော်ဒန်ခေတ်ကြတော့ အရင်ခေတ်တွေကလို စိတ်ကူးယဉ် နိုင်ငံတော် ကတိက၀တ်တွေ နိုင်ငံရေး တွေကိုဘယ်လိုယုံကြည်ရမလဲဆိုတဲ့ပြသနာမရှိတော့ဘူး။ ပြောမယ်ဆို ပုိ့စ်မော်ဒန်လူသား ဟာအားလုံးစုစည်းပြီးသာယာသောလူ့အဖွဲ့အစည်းတခုတည်ဆောက်ကြမယ်ဆိုတဲ့ စိတ်ကူးမျိုးမရှိတော့ဘူး။
ကိုလူ။ ။ကျနော်တော့နားမလည်ဘူးဗျာ
ကိုမူ။ ။ပို့စ်မော်ဒန်ရဲ့စိတ်ကူးယဉ်နိုင်ငံတော်ဟာ အရင်ရှိခဲ့တဲ့ Utopia တွေလိုစုစည်းပေါင်းစပ်ပြီး အားလုံးတခုတည်းသောပန်းတိုင်ကိုသွားကြတာမျိုးမဟုတ်တော့ဘူး။ ပို့စ်မော်ဒန်ယူတိုပီယာ ဟာမတူညီမှု ကွဲပြားခြားနားမှုတွေကနေသွားတာ။ တစုတဖွဲ့ချင်းစီဟာကိုယ့်ရဲ့ကိုယ်ပိုင်နှုန်းစံတန်ဖိုးကို အခြားတဖွဲ့နဲ့ယှဉ်တွဲ ထားနိုင်ရမယ်။ ကိုယ့်အမှန်တရားကသူ့အမှန်တရားထက်သာတယ်ဆိုတာမျိုးလုပ်လို့မရဘူး။ TV မှာချယ်နယ်တွေယှဉ်ပြီးရှိနေသလိုပေါ့။
ကိုလူ။ ။အေးပေါ့ဗျာ ဟုတ်လာရင်တော့ဟုတ်လာတယ်ပြောရတော့မှာပေါ့။ ခင်ဗျားသုံးတဲ့စကားလုံးတွေပြန်သုံးရရင် တဦးချင်းဆီရဲ့ sign တွေ code တွေကို ပန်းစကြာံမှန်ပြောင်းထဲသူ့ချယ်နယ်နဲ့သူလှည့်မယ်။ သူများရဲ့အမှတ်အသားကိုကိုယ်ကအဓိပ္ပါယ်မဖေါ်ဘူး transcoding ပဲလုပ်မယ်။ ဒီ diversity နဲ့ postmodern utopia ကိုသွားမယ်ပေါ့။
ကိုမူ။ ။လက်ရှိအချိန်မှာလက်ရှိတွေ့နေတဲ့အတွေ့အကြုံကိုတန်ဖိုးထားရမယ်။ ဒါကိုအတိတ်နဲ့ရောအနာဂတ်နဲ့ရော သွားပြီးရောထွေးမပြစ်ရဘူး။ လူတဦးချင်းစီရဲ့ အတွေ့အကြုံဟာ အစစ်တွေအမှန်တွေပဲ။ ပြီးတော့ညီမျှမှုလည်းရှိနေရမယ်ပေါ့။ ဒီစံနဲ့မ၀င်လို့ ငါ့ဘောင်နဲ့မကိုက်လို့ဆိုတာမျိုးတွေ မရှိစေရဘူး။ တခုတည်းသောအလုံးစုံဖြစ်မှုသဘောဟာဒီလိုအယူအဆနဲ့ပျက်သွားရမယ်။
ကိုလူ။ ။အလဲ့၊ ခင်ဗျားပို့စ်မော်ဒန်က တယ်ဟန်ကျပါလားဗျာ။
ကိုမူ။ ။ဒီအခြေအနေကိုရောက်သွားရင် ပို့စ်မော်ဒန်ကိုကျော်သွားပြီလို့ပြောနိုင်တယ်။ လွတ်လပ်ပြီးတဦးချင်းစီဖြစ် နေတဲ့ပို့စ်မော်ဒန်လူသားဟာ သူတို့ရဲ့ကုန်ထုတ်လုပ်မှုပုံစံသစ်ကိုရှာဖွေလာကြမယ်။ စုစည်းရှာဖွေလာတယ်ဆိုပေမဲ့ တဦးစီရဲ့အခန်းဟာမြင့်မားလာတော့ ဆုံးဖြတ်ချက်နဲ့တာဝန်ယူမှုမှာ တဦးချင်းစီပါဝင်လာမယ်။ မော်ဒန်ခေတ်ရဲ့ centered self နဲ့ ပို့စ်မော်ဒန်ရဲ့ schizophrenic self ကိုကျော်လွန်လာမယ်လို့ဆိုတယ်။
ကိုလူ။ ။ခင်ဗျားကတော့လုပ်ချလိုက်ပြန်ပြီ။ centered self ကိုတော့ကျုပ်နားလည်သလိုပဲ။ တခုပေါ်(သို့) ဗဟိုကိုအားပြုထားတာ။ နိုင်ငံရေးမှာလူမျိုးကြီးအတွေးအခေါ်လိုမျိုး။ ၀ထ္ထုတပုဒ်လုံးမှာပေးချင်တဲ့အဓိက အယူအဆဆီရောက်အောင်(ဗဟိုချက်ကိုရောက်အောင်) ဘေးကသိုင်းဝိုင်းရေးသားတာမျိုး။ schizophrenic self ဆိုတာကြီးကဘာလဲဗျ။
ကိုမူ။ ။ကျနော်နဲ့လည်းဒီစကားလုံးတွေမရင်းနှီးလှပါဘူး။ ကျနော်တို့ရှေ့မှာပြောခဲ့ကြတယ်လေ။ ပို့စ်မော်ဒန်လူသားဟာ အဆက်အစပ်မဲ့နေတဲ့ အဓိပ္ပါယ်ဖွင့်စရာမလိုတဲ့ အမှတ်အသားတွေကို အမြဲထိတွေ့နေရတယ်။ TV ကနေပုံရိပ်တွေကိုတရစပ်လှည့်ထုတ်နေရာမှာ အစစ်အမှန်တရား (reality) ဟာဖြာထွက်သွားတယ်။ မော်ဒန်ခေတ်ကပြောခဲ့တဲ့ ကိုယ်ပိုင်ဖြစ်မှု (identity) တို့အစစ်အမှန်အတွေ့အကြုံ (authentic experience) တို့ ဆိုတာတွေကိုမပြောကြတော့ဘူး။ ဒီလိုလွတ်မြောက်ပြီး (ဗဟိုချုပ်မှု၊ အစစ်အမှန်တရား၊ ကိုယ်ပိုင်အမှတ်အသား တွေကနေလွတ်မြောက်ပြီး) ဖြာထွက်လွင့်မျောနေမှုကို schizophrenic self လို့ဆိုပုံပါပဲ။
ကိုလူ။ ။ခင်ဗျားဟာကသီချင်းထဲကလိုဆို ငါဟာငါမဟုတ်ဘူး၊ ဆိုတာမျိုးကြီးပေါ့။
ကိုမူ။ ။အဲဒါကိုပဲ The death of Subject လို့ဆိုကြကြောင်းပါဗျာ။

KZကေ

Sunday, January 17, 2010

မတူညီသောလွတ်လပ်မှုနှင့်စံနစ်သစ်

မာက့်စ်ဝါဒီတယောက်အဖြစ်နဲ့ဂျိမ်းဆင်ပြောတာကပို့စ်မော်ဒန်ယဉ်ကျေးမှုပြသနာတွေကို နိုင်ငံရေးနဲ့စီးပွားရေးအပြောင်းအလဲတွေအဖြစ်ဖော်ဆောင်နိုင်ဖို့ဖြစ်သည်။ လက်ရှိပို့စ်မော်ဒန်လူ့အဖွဲ့အစည်းမှာ အစိတ်အပိုင်းတခုကို ကိုင်တွယ်ဖြေရှင်းဖို့ မလွယ်ကူတာကိုတွေ့ရမည်။ မီဒီယာဈေးကွက်စံနစ်ဟာအမြစ်တွယ်လာပါပြီ။ အလုံးစုံဖြစ်မှုသဘောကိုချေဖျက်ဖို့ဆိုရာမှာပုိ့စ်မော်ဒန်ဖြစ်မှုကို လေ့လာဖို့လိုလာသည်။ ဒါမှပဲဒီစံနစ်ထဲကနေခွဲထွက်ဖို့အခြေအနေတွေကိုတွေ့လာမည်။ ပို့စ်မော်ဒန်ခေတ်ဆိုတာ ယခုဖြစ်နေ နောင်နှစ်အတန်ကြာထိသွားနေ မှာလည်းဖြစ်သည်။ အခြားစံနစ်တခုဆီသွားဖို့တွေးရာမှာဒီစံနစ်ထဲနေရဲဖို့လိုလာသည်။ ပို့စ်မော်ဒန်ရဲ့အလုံးစုံဖြစ်မှုသဘောဟာ ပန်းစကြာံမှန်ပြောင်းထဲကတစစီကွဲနေတဲ့အစိတ်ပိုင်းတွေပဲဖြစ်သည်။
တခုတည်းသဘောကိုယူရန်မဖြစ်နိုင်ရင်သော်မှ သူ့သဘောအတိုင်းလက်ခံရင်းအစိတ်အပိုင်းတခုချင်းကို ဆက်စပ်လာနိုင်မည်။
ဘယ်လိုအခက်အခဲတွေပဲကြုံရစေ လက်ရှိအနေအထားမှာတင်အပြောင်းအလဲရဲ့မျိုးစေ့တွေကိုမြင်နိုင်သည်။ အရေးကြီးတဲ့မေးခွန်းက ပို့စ်မော်ဒန်ခေတ်က အပြောင်းအလဲဖြစ်ဖို့အခြေခံကျတဲ့ အင်းအားကိုဘယ်လိုပေးမလဲ။ အဖြေက မတူကွဲပြားမှုပါ။ Diversity ပါ။ မတူညီမှုကိုလက်ခံနိုင်ဖို့လိုပါသည်။ ဒါက လွတ်လပ်မှုနဲ့မျှတမှုဆီမောင်းနှင်မဲ့စွမ်းအားတခုဖြစ်လာပါမည်။ အရေးပါတဲ့နိုင်ငံရေးအယူအဆအသစ်တွေနဲ့ လှုပ်ရှားမှုအသစ်တွေဆီသွားဖို့ Diversity လိုပါသည်။
မတူတဲ့ အစိတ်အပိုင်းတခုစီ ဒါမှမဟုတ် အမှတ်အသား (sign) တခုစီဟာ နေ့စဉ်လူမှုဘ၀ကိုဆိုးကျိုးတွေပေးနိုင် တယ်လို့ယူဆနိုင်ပါသည်။ တဘက်မှာ အစိတ်အပိုင်းတွေကိုပြန်ဆက်ဖို့လွတ်လပ်မှုကိုလည်းပေးပါလိမ့်မည်။
လွတ်လပ်မှုဆိုတာကစိန်ခေါ်မှုဖြစ်သည်။ အလကားမရ။ ဘယ်အာဏာပိုင်အဖွဲ့အစည်းကမှဘာလုပ်ပါလို့လာ ပြောတိုင်းမရပါ။ ကိုယ့်အားကိုယ်ကိုးရပါမည်။ လှည့်ပါစေပေါ့ပန်းစကြာံ။ တနေ့မှာမတူညီမှုနဲ့လွတ်လပ်မှုဟာစံနစ်သစ်ဆီသွားပါလိမ့်မည်။ ကမ္ဘာလုံးအတိုင်းအတာနဲ့ဆိုရင် ပတ်ဝန်းကျင်ထိမ်းသိမ်းမှု စီးပွားရေးနဲ့ ယဉ်ကျေးမှုဆိုင်ရာပြန်လှန်မှီခိုမှုတွေ ဟာတခုလုံးဖြစ်မှုရဲ့ အစိတ်အပိုင်းတွေဖြစ်သည်။ မီဒီယာမှာ နေ့စဉ်မြင်နေရတာမို့သက်သေ ပြစရာလည်းမလိုပါ။ ပို့စ်မော်ဒန်ခေတ်ဟာ အရင်းရှင်စံနစ်ရဲ့အဆင့်နှစ်ခုကြားမှာပေါ်လာတာဖြစ်သည်။ ပထမ ကမ္ဘာလုံးဆိုင်ရာစီးပွားရေးအဆောက်အအုံ ပြန်လည် ပြင်ဆင်မှုဖြစ်မည်။ နောက်မှာ လုပ်အားနဲ့ခေတ်ဟောင်းရဲ့အဖွဲ့အစည်းပုံစံတွေဟာ အခြေခံအယူအဆ ကနေ ပြောင်းလဲဖို့ဖြစ်လာပါမည်။ နောက်ဆုံးတော့ကုန်ထုတ်လုပ်မှုပုံစံသစ်နဲ့ယဉ်ကျေးမှုသစ်ကပေါ်လာပါမည်။ ပို့စ်မော်ဒန်ခေတ်ကပေးတဲ့ မီဒီယာရဲ့စွမ်းဆောင်မှုကြောင့်လို့လည်းပြောနိုင်ပါလိမ့်မည်။

KZကေ

Wednesday, January 13, 2010

မိုးစက်ဝင်းဝင်း

မှန်ပြူတင်းရဲ့အခြားတဘက်မှာမိုးရေတွေကျနေတာ
မကြည့်ပေမဲ့ ကျနော်သိတယ်
ပိတ်လိုက်ဖို့ခန်းဆီးကမရှိဘူး
အားယူပြီးမျက်လုံးကိုမှိတ်ထားမိပါတယ်
တ၀င်းဝင်းနဲ့ စိုစွတ်သော
မိုးဆင်းနေပုံအလင်းဟာအတိုင်းသား။

KZကေ

Tuesday, January 12, 2010

ကန်ရေလွင်ပြင်

လွင်ပြင်ထဲ
ကိုယ်မရည်ရွယ်ပဲလွှတ်ခဲ့သည့်အသံ
မြက်အရိုင်းပန်းဝတ်ဆံ။
ကန်ရေပြင်ပေါ်
ခု...ကိုယ့်အတွေးထဲတင်ကြည့်မိတာ
ရွက်လှေလား ကြာပန်းလား
လှိုင်းလား။

KZကေ