Saturday, March 19, 2011

ပြာခြွေခွက် ၂။ အထိုင်များရွေ့ခြင်း


Kripke ဟာကျနော်တို့ခေတ်ရဲ့တွေးခေါ်ရှင်တဦးပါ။ ဖလော်ဆော်ဖာတွေဟာ သူ့ရဲ့ ပညတ်နဲ့လိုအပ်ချက် အကြောင်းကိုဆွေးနွေးငြင်းခုံနေရဦးမှာပဲ။ လောလောဆယ်မှာ ပညာရှင်ရာချီပြီးသူ့ရဲ့လက်ချာသုံးခုတွဲကို နှစ်ပြီးလေ့လာနေကြတယ်။ သူ့ပို့ချချက်တွေဟာ ကျနော်တို့နားလည်ထားတဲ့ အဓိပ္ပါယ်နဲ့အညွှန်း၊ အထူးသဖြင့် ကမ္ဘာလောကကြီးနဲ့ဘာသာစကားကြားဘယ်လိုချိတ်ဆက်ထားတယ်ဆိုတာတွေကိုပြန်ပြီးတဲ့မတ်ပေးနေတာပဲ။ Kripke အလိုအရဆိုရင်စကားလုံးတွေဟာကမ္ဘာထဲကအရာဝထ္ထုတွေနဲ့ သမိုင်းကြောင်းကိုအခြေခံပြီး ဆက်စပ်ထားတယ်ဆိုတယ်။ ဒီတော့ ဂျုးလီးယက်ဆီဇာတို့ မိုးဇက်တို့ ဆိုတဲ့နာမည်တွေဟာလည်း ရေတို့ ရွှေတို့ဆိုတာတွေလိုပဲတဲ့။
သူပြောတာတွေက ဘာထရန်ရပ်ဆဲတို့ ၀စ်ဂျင်စတိန်း တို့ပြောတဲ့ ဖော်ပြချက်သီအိုရီ (Description Theory) နဲ့မတူဘူး။ ဘာကွာလဲဆိုတာနမူနာတခုပေးလို့ရပါတယ်။ ဥပမာ ငါးကန်ထဲ ငါလေးနှစ်ကောင်ရှိတယ်ဆိုပါတော့။ တကောင် ကရွေရောင်မို့ ၀ါဝါ၊ နောက်တကောင်ကအစိမ်းရောင်ရှိလို့ စိမ်းစိမ်းပဲဆိုပါတော့။ ခင်ဗျားကပထမတော့ ရွှေရောင်ရှိတဲ့ငါးလေးကို တွေ့တာနဲ့ဝါ၀ါလို့သိနေတယ်။ ဒီလိုနဲ့နေလာရင်း ၀ါဝါဆိုတဲ့ငါးလေးဟာတချိန်မှာ ရွှေရောင် အဆင်းဟာဖျော့လာပြီး တဖြည်းဖြည်းစိမ်းရောင်သန်းလာတယ်။ အစိမ်းရောင်ငါးလေးကတော့ ဒါနဲ့ဆန့်ကျင်ဘက် ရွှေရောင်ဝင်းလာတယ်။ ဒါပေမဲ့ အရင်ရွှေရောင်ရှိတဲ့ ငါးလေးနာမည်ဟာ ၀ါဝါပဲ၊ သူ့အရောင်စိမ်းလာလို့မို့ စိမ်းစိမ်းလို့ကျနော်တို့ပြောင်းမခေါ်ကြတော့ဘူး။ သူဟာတခြားငါးတကောင်အဖြစ်ပြောင်းသွားတာမဟုတ်ဘူး၊ ၀ါဝါပဲ၊ ပြောင်းသွားတာကသူ့ အရောင်ပဲဖြစ်တယ်။
ဖော်ပြချက်သီအိုရီသာမှန်ရင် ရွှေရောင်ငါးသာ ၀ါဝါဖြစ်ရမှာဖြစ်တယ်။ ဒါပေမယ့် Kripke အတွက်ကတော့ ၀ါဝါဆိုတဲ့အမည်နာမနဲ့ အရောင်ပြောင်းသွားတဲ့ငါးလေးကြားမှာ သမိုင်းကြောင်းနဲ့ဆက်ကြည့်လို့ရတဲ့ နားလည်မှုရှိနေတယ်။ ၀ါဝါဟာ ၀ါဝါပဲ ဘာအရောင်ပဲပြောင်းသွားသွား။
Kripke ပြောတာကဒီလို၊ ရှင်လင်းချက်တခု (ချဲ့ပြောရင် ယုံကြည်ချက်တခု) ဟာ အညွှန်းတခုနဲ့ချိတ်ဆက်ပေး လိုက်တယ်။ နာမည်တခုကို အရာဝထ္ထုတခုနဲ့ တွဲပေးလိုက်တယ်။ ဒါပေမဲ့ ရှင်းလင်းချက်ကနေ အညွှန်းတခုကိုတော့ သတ်မှတ်မပေးနိုင်ဘူး။ ကျနော်တို့ရဲ့ဖွင့်ဆိုချက်နဲ့ယုံကြည်မှုတွေကြောင့် မောင်ဘဆိုတဲ့နာမည်ဖြစ်နေတာမဟုတ်ဘူး။ ကျနော်တို့မောင်ဘအပေါ်ဘယ်လိုပဲမြင်မြင်မောင်ဘဟာမောင်ဘပဲ။ စကားလုံးနဲ့ ပြင်ပအရာဝထ္ထုကြားမှာသမိုင်းကြောင်းနဲ့ချီပြီးဆက်စပ်မှုရှိထားတယ်။
ခန်း ရဲ့ သိပ္ပံနည်းပညာတော်လှန်ရေးသမိုင်း မှာကျတော့အဲသည်လိုမဟုတ်ဘူး။ ခန်းကပိုနာမည်ကြီးပါတယ်။ ဒါကလည်းအဲသည်အချိန်က ပေါ်ပြူလာယဉ်ကျေးမှု နဲ့ကိုက်ညီလို့လဲဖြစ်နိုင်ပါတယ်။ အမှန်တရားဆိုတာ ယဉ်ကျေးမှုတခုကမွေးထုတ်လိုက်တာဖြစ်ပြီး ခင်ဗျားဘယ်ပေါ်ကိုအခြေခံပြီးရပ်ခံသလဲဆိုတာပေါ်မူတည်တယ် ဆိုတာပါပဲ။ ဒီအယူအဆဟာ ပို့စ်မော်ဒန်သမားတွေအတွက်ကျမ်းစာလိုဖြစ်လာခဲ့တယ်။
ခန်း ကသူ့စာအုပ်ထဲမှာသူ့ကိုယ်ပိုင်းစကားလုံးတွေထဲ့သွင်းထားခဲ့တယ်။ ခန်း ပြောတာက သိပ္ပံမှာ ပုံမှန် နဲ့ တော်လှန် ဆိုပြီးနှစ်ပိုင်းရှိတယ်။ ပုံမှန်သမားတွေမှာအခြေကျပြီးသား သတ်မှတ်ချက်နဲ့ပြဿနာဖြေရှင်းချက်တွေ ရှိတယ်။ ဒါကိုပဲ အထိုင်လို့ခေါ်တာ။ ကမ္ဘာကြီးဟာ ဒီလိုကြောင်းကျိုးဆင်ခြေ တွေးခေါ်ပုံတွေနဲ့ အဆင်ပြေနေတယ်။ ဒါပေမဲ့တချိန်မှာ ပုံမှန်ကိုသွေဖီမှုတခုဖြစ်လာတယ်။ ဒါဟာ အထိုင်တခုရဲ့တည်ငြိမ် အေးချမ်းမှု ကိုဖျက်ပစ်လိုက်တယ်။ ဒီသွေဖီမှုဟာ လက်တွေ့စမ်းသတ်ချက်တခုရဲ့ရလဒ်ဖြစ်ချင်လည်းဖြစ်မယ်။ အပြောင်းအလဲ၊ တော်လှန်ရေးတခုဖြစ်လာတယ်။ နောက်တော့ ရှိနေတဲ့အထိုင်ဟာပျက်သွားပြီး နောက်ထပ်အထိုင်အသစ်တခုဆီကိုကူးပြောင်းလာတယ်။
ခန်းသီအိုရီ နဲ့ပတ်သက်လို့အငြင်းအပွားရဆုံးကတော့ သူအသုံးပြုခဲ့တဲ့စကားလုံးတွေပါပဲ။ အထိုင်ရွေ့ခြင်း (Paradigm Shift) နဲ့ စံတခုဖြင့်နှိုင်းယှဉ်မဖော်ပြနိုင်ခြင်း (Incommensurability) တွေပါ။ အထိုင်တခုမှာရှိနေတဲ့ သိပ္ပံစာလုံးတခုကို သူ့ကိုအစားထိုးနေရာယူလာတဲ့နောက်အထိုင်တခုမှာသုံးလို့မရဘူးလို့ဆိုတာပါ။ ဒါကိုသက်သေပြဖို့လည်းသူအများကြီးကြိုးစားခဲ့တယ်။ ၁၉၆၂ မှာနောက်ထပ်တည်းဖြတ်ထားတဲ့ သိပ္ပံနည်းပညာ တော်လှန်ရေးများ၏ ပုံသဏန်ံစာအုပ်မှာသူဟာ နှိုင်းယှဉ်မဖော်ပြနိုင်ခြင်း (Incommensurability) ကို ပုံရိပ်အလှန် (Gestalt Flip) နဲ့ချိတ်ပြီးတင်ပြလာတယ်။ (မှတ်ချက်။ Gestalt ကဂျာမန်ဘာသာပါ။ Shape လို့ဘာသာပြန်နိုင်ပါတယ်။ မျက်မြင်ပုံရိပ်တွေနဲ့ပါတ်သက်ပြီး လူ့စိတ်ဟာ ဘယ်လိုမြင်တယ်၊ တွေးတယ်၊ အလုပ်လုပ်တယ်ဆိုတာကိုလေ့လာတာကို Gestalt Theory လို့ခေါ်တယ်။ ပုံတပုံထဲကိုပဲ တခါကြည့်တော့အဖွားကြီးပုံ။ နောက်တခါမှာ မိန်းမပျိုလေးလည်စည်းထားတဲ့ပုံတွေ့ဖူးပါလိမ့်မယ်။ အဲဒါမျိုးကို Gestalt Flip လို့ခေါ်နိုင်ပါမယ်။) ကျနော်တို့လောကကိုဘယ်လိုမြင်သလဲဆိုတာပဲ။
ကျနော်တော့ သူပြောတာကို သဘောမတွေ့နိုင်ဘူး။ ပုံရိပ်အလှန်မှာကျတော့ကျနော်တို့ဟာ ယုန်လားဘဲလားဆိုတဲ့ေ၀၀ါးမှုမျိုးမဖြစ်ဘူး (ပုံကိုကြည့်ပါ)။ သူတို့နှစ်ကောင်ကိုတချိန်တည်းမှာမမြင်ရဘူးဆိုတာတောင်မှ ဘာမှဇဝေဇ၀ါမဖြစ်ကြဘူး၊ ယုန်ဟာယုန် ဘဲဟာဘဲပဲ။ ဒါပေမဲ့ ခန်းကျတော့ သိပ္ပံတော်လှန်ရေးတခုဖြစ်ခင်မှာ ကျနော်တို့ဟာ ယုန်ကိုဘဲထင်နေကြတယ် (မိန်းမပျိုလေးကိုအဖွားကြီးထင်နေကြတယ်) လို့ဆိုတယ်။
ဒါဟာ ကျနော်တို့ရဲ့ အမှန်တရားပေါ်ထင်မြင်ယူဆပုံလား၊ အမှန်တရားကိုယ်တိုင်ပဲလား။ ဘဲတွေဟာယုန်ဖြစ်လာကြတယ်လား။ ပြဿနာကဒီလိုစတာ။
၁၉၆၉ ကျတော့ ခန်းဟာ နှိုင်းယှဉ်မဖော်ပြနိုင်ခြင်းကို ဘာသာဗေဒနဲ့ဆက်စပ်ပြန်တယ်။ မတူတဲ့အထိုင်နှစ်ခုမှာရှိနေတဲ့ လူတွေဟာ မတူတဲ့ဘာသာစကားကိုပြောကြတယ်။ ဒါကြောင့် အထိုင်တခုမှာရှိနေတဲ့ သိပ္ပံဘာသာစကားကို တခြားအထိုင်တခုမှာဘာသာပြန်ပြီး သုံးဖို့မဖြစ် နိုင်ဘူး လို့ ခန်း ကဆိုတယ်။ ကိုပါးနီးကပ်ကို ကမ္ဘာကရွေ့ပြီး နေကရပ်နေတာပြောလို့အရှုးပြောတဲ့သူတွေရှိတယ်။ အဲသည်လိုပြောတဲ့သူတွေအတွက်က ကမ္ဘာဆိုတာရပ်နေတာ၊ ကိုပါးနီးကပ်ကျတော့ ကမ္ဘာကိုရွေ့တယ်ပြောယုံ မဟုတ်ဘူး၊ ဒါဟာ နက္ခတ်ဗေဒနဲ့ရူပဗေဒကိုပုံစံအသစ်နဲ့ပြန်ကြည့်တာ။
ဒီတော့ ဒါကိုအထိုင်နှစ်ခု၊ ကမ္ဘာနှစ်ခု သူ့ယူဆချက်နဲ့သူပဲလို့ပြောလို့ဖြစ်မလား။ ကျနော် ခန်းကိုငြင်းဖို့ကြိုးစားတယ်။ စံတခုဖြင့်နှိုင်းယှဉ်ဖော်မပြနိုင်ခြင်းဟာ သူ့ဘာသူကိုအခြေမခိုင်ဘူး။ ခန်းပြောသလို အခြေအနေနှစ်ခုဟာ နှိုင်းယှဉ်ဖော်ပြဖို့မဖြစ်နိုင်ဘူးဆိုရင် ဘာလို့ဒီစကားလုံးကိုသုံးဖို့ရှိသေးလဲ။
ဖော်ပြချက်သမားတွေက နာမည်ကိုသူနဲ့သက်ဆိုင်တဲ့အညွှန်းနဲ့တွဲပြီးထားနိုင်တယ်။ ခန်းအယူအဆကတော့ ဖော်ပြချက်တွေဟာသူအမျိုးအစားတူရာစုတွေနဲ့ထပ်ညွှန်းဖွင့်ဆိုလို့မဆုံးနိုင်အောင်ဖြစ်တော့မယ်။
(မှတ်ချက်။ ကမ်းနားလမ်းဆိုတာ မြစ်ဘေးကလမ်းကိုခေါ်တာ၊ နှစ်တွေကြာလာလို့ကုန်းမြေတင်ပြီး မြစ်ကောသွားလည်း ဒီလမ်းဟာ ကမ်းနားလမ်းပဲ၊ ဖွင့်ဆိုချက် (ကမ်းနားလမ်းဘေးမှာရှိလို့) နဲ့ ကမ်းနားလမ်း (အမည်နာမည်) ကြားမှာ သမိုင်းနောက်ခံချိတ်ဆက်မှုရှိနေတယ်။ မြစ်ကောသွားတယ်ဆိုဦး တခုခုပြောင်းလဲသွားလည်း ကမ်းနားလမ်းဆိုတာကတော့ကမ်းနားလမ်းပဲ။ ဒါက Kripke ရဲ့အယူအဆ။ ဘာထရန်ရပ်ဆဲတို့ ကျတော့ တနေရာမှာကမ်းဖို့ပြီးနောက်တနေရာမြစ်ကြောင်းပေါ်သွားရင် အဲဒီမြစ်အသစ်ဘေးကလမ်းဟာ ကမ်းနားလမ်းပဲ။ ဖွင့်ဆိုချက်နဲ့အမည်ကိုတခါတည်းကပ်ထားတာမျိုး၊ ခု ခန်း ကျတော့ အရင်မြစ်ဘေးကလမ်းနဲ့ ခုမြစ်မရှိတော့တဲ့လမ်းနှစ်ခုကြားမှာ အထိုင်ကပြောင်းသွားပြီ။ ဒီတော့ ကမ်းနားလမ်းလို့သုံးရင် မြစ်ရှိစဉ်ကကမ်းနားလမ်းလား၊ မြစ်မရှိတော့တဲ့ ကမ်းနားလမ်းလား ခွဲပြောဖို့ဖြစ်လာတယ်။ ဘာလို့လဲဆိုတော့ ဒီနှစ်ခုကြားမှာ ယှဉ်ထိုးဖော်ပြလို့မရတော့ဘူး (Incommensurable)။ အတိတ်ကပြောခဲ့တဲ့ကမ်းနားလမ်းနဲ့ခုရှိနေတဲ့ကမ်းနားလမ်းကြား အမည်တူနှစ်ခုမှာကိုပဲ ဆိုလိုရင်းတွေမတူတော့ဘူး။ သီးခြားစီဖြစ်သွားပြီ။ စကားလုံးတခု အဓိပ္ပါယ်တခုကို သူနဲ့ပဲပတ်သက်တဲ့ အထိုင်တခုထဲမှာပဲဖွင့်ဆိုတယ်။ အဲဒီအထိုင်နဲ့ပဲသက်ဆိုင်တယ်ဆိုတဲ့အတွက် တချို့က Relativism လို့ဆိုတယ်)
ခန်း ရဲ့အယူအဆဟာ အန္တရာယ်ရှိလာတယ်။ အမှန်တရားကိုငြင်းဆိုတဲ့ အထိကိုဖြစ်လာတဲ့အတွေးအခေါ်ပဲ။ ဒီလိုဆိုလည်း ခန်းအယူအဆကိုရှင်းပစ်လိုက်ပေါ့ဆိုတော့၊ မဖြစ်သေးပြန်ဘူး။ ကျနော်တို့ဟာ အထိုင်တွေနဲ့ အထိုင်အရွေ့တွေကို နေရာတိုင်းမှာတွေ့နေရတာမဟုတ်လား။ နှိုင်းရ၀ါဒ (Relativism) ဟာရှိနေတယ်။

ပြာခြွေခွက်

၃။ ဆင်ခြေနည်းလမ်းတကျမဖော်ထုတ်နိုင်သောကိန်းများ

ဆက်ပါမည်
KZကေ

7 comments:

  1. "အရင်ရွှေရောင်ရှိတဲ့ ငါးလေးနာမည်ဟာ ၀ါဝါပဲ၊ သူ့အရောင်စိမ်းလာလို့မို့ စိမ်းစိမ်းလို့ကျနော်တို့ပြောင်းမခေါ်ကြတော့ဘူး။ သူဟာတခြားငါးတကောင်အဖြစ်ပြောင်းသွားတာမဟုတ်ဘူး၊ ၀ါဝါပဲ၊ ပြောင်းသွားတာကသူ့ အရောင်ပဲဖြစ်တယ်။" (ရှင်းတယ်ဗျာ ….သူ.ရဲ.ဗဟိဒ္ဓသွင်ပြင်ပြောင်းသွားရုံနဲ.တော့ သူ.ကို ညွှန်းထားတဲ့အချက်ဟာ ပြောင်းမသွားဘူးဆိုတဲ့သဘောပဲထင်ပါရဲ…။ မှားနေရင် ပြင်ပေးပါဦးဗျာ။)

    "ဒါပေမယ့် Kripke အတွက်ကတော့ ၀ါဝါဆိုတဲ့အမည်နာမနဲ့ အရောင်ပြောင်းသွားတဲ့ငါးလေးကြားမှာ သမိုင်းကြောင်းနဲ့ဆက်ကြည့်လို့ရတဲ့ နားလည်မှုရှိနေတယ်။ ၀ါဝါဟာ ၀ါဝါပဲ ဘာအရောင်ပဲပြောင်းသွားသွား။
    Kripke ပြောတာကဒီလို၊ ရှင်လင်းချက်တခု (ချဲ့ပြောရင် ယုံကြည်ချက်တခု) ဟာ အညွှန်းတခုနဲ့ချိတ်ဆက်ပေး လိုက်တယ်။ နာမည်တခုကို အရာဝထ္ထုတခုနဲ့ တွဲပေးလိုက်တယ်။" (သိပ်မရှင်းပါ ။ ခက်ဆစ်ဖွင့်ပြဖို. လိုနေသလားပဲ ။)

    "အမှန်တရားဆိုတာ ယဉ်ကျေးမှုတခုကမွေးထုတ်လိုက်တာဖြစ်ပြီး ခင်ဗျားဘယ်ပေါ်ကိုအခြေခံပြီးရပ်ခံသလဲဆိုတာပေါ်မူတည်တယ် ဆိုတာပါပဲ။ "(ကျွန်တော့်အမြင်အရတော့ တော်တော်ကြီးကို ကြောက်စရာကောင်းတဲ့အတွေးအခေါ်ပဲဗျာ။ ဒါကတော့ ငါ့ရဲ.ယဉ်ကျေးမှုပဲကွာ....အဲဒီတော့ အဲဒီအတိုင်းပဲ ငါလုပ်လိုက်တယ်"..............
    အဲလိုများပြောလိုက် ၊ လုပ်လိုက်တယ်ဆိုရင်တော့ သေပြီပေါ့ဗျာ
    တော်တော်ကိုရှုပ်သွားမှာနော
    "အင်မတန်ကို လျှပ်ပေါ်လော်လီတဲ့ အတွေးအခေါ်ပါဗျာ"။ ဒါပေမယ့် အဲဒီတွေးခေါ်ပုံဟာ လွတ်လပ်မှုတော့ အရှိသား ။ Creativity ကောင်းစေတာတော့အမှန်ပဲ ။)

    ReplyDelete
  2. "၁၉၆၉ ကျတော့ ခန်းဟာ နှိုင်းယှဉ်မဖော်ပြနိုင်ခြင်းကို ဘာသာဗေဒနဲ့ဆက်စပ်ပြန်တယ်။ မတူတဲ့အထိုင်နှစ်ခုမှာရှိနေတဲ့ လူတွေဟာ မတူတဲ့ဘာသာစကားကိုပြောကြတယ်။ ဒါကြောင့် အထိုင်တခုမှာရှိနေတဲ့ သိပ္ပံဘာသာစကားကို တခြားအထိုင်တခုမှာဘာသာပြန်ပြီး သုံးဖို့မဖြစ် နိုင်ဘူး လို့ ခန်း ကဆိုတယ်။" (ရှုမြင်သုံးသပ်ပုံချင်း သို.မဟုတ် ယဉ်ကျေးမှုချင်း မတူတဲ့အတွက် အမှန်တရားနဲ. ပက်သက်တဲ့ သိမြင်မှုဟာ ပုဂ္ဂလဓိဋ္ဌာန်ဖြစ်တယ်လို. ပြောနေတာများလားဗျာ ။ သိပ္ပံပညာနဲ.ပက်သက်ရင်တော့ သုံးလို.ရတယ်မလား ။ ပြောချင်တာက သိပ္ပံပညာမှာ ရှိနေတဲ့ သီအိုရီတို. ၊ သက်သေပြချက်တို.က အမှန်တွေပဲလေ ။ ဟူးးးးးးးးးးးးးမောတယ်…..။)

    ReplyDelete
  3. "ကိုပါးနီးကပ်ကျတော့ ကမ္ဘာကိုရွေ့တယ်ပြောယုံ မဟုတ်ဘူး၊ ဒါဟာ နက္ခတ်ဗေဒနဲ့ရူပဗေဒကိုပုံစံအသစ်နဲ့ပြန်ကြည့်တာ။
    ဒီတော့ ဒါကိုအထိုင်နှစ်ခု၊ ကမ္ဘာနှစ်ခု သူ့ယူဆချက်နဲ့သူပဲလို့ပြောလို့ဖြစ်မလား။" (ကိုပါးနီကပ် ကိစ္စကတော့ တမင်ကပ်ပြီးပြောနေသလိုဖြစ်နေမှာပေါ့ဗျ……။ ဒီကိစ္စကကျတော့ Reference Frame ပြောင်းသွားတဲ့ကိစ္စပဲဟာကို…။ သူ.အရင်လူတွေနားလည်ပုံက တစ်မျိုး ။ သူကကျတော့ အမှန်ကိုသိတာကိုး ။ ဒါပေမယ့် တခြားသောသိပ္ပံဆိုင်ရာ သဘောတရားတွေမှာကျတော့ “အမှန် ၊ အမှား” ကိစ္စမဟုတ်ဖူးနော…။ လူသားရဲ. သိမြင်မှုကျယ်ပြန်.လာတာတွေပါ ။ ဥပမာဗျာ……ရူပဗေဒမှာရှိနေတဲ့ စကြာဝဠာနဲ.ဆိုင်တဲ့ သိမြင်မှုတွေနဲ. ကွမ်တမ်မက္ကင်းနစ်က သိမြင်မှုတွေလိုပေါ့ ။ နောက်ပိုင်းမှာ ကွမ်တမ်မက္ကင်းနစ်ကို သိလာတယ် ….ဒါကြောင့် စကြာဝဠာနဲ. ပက်သက်တဲ့ သိမြင်မှုတွေဟာ မှားသွားပြီလို. ပြောလို.မရဘူးလေ ။ ဒီကိစ္စမှာကျတော့ လူသားရဲ. သိမြင်မှုကျယ်ပြန်.လာတာပဲ ။ ကိုပါးနီးကပ်ကိစ္စကတော့ လိုက်ပြီးကပ်ပြောနေသလိုပဲ ။ အဲဒီကိစ္စတစ်ခုတည်းကိုပဲကြည့်ပြီးပြောရင်တော့ ဟုတ်ချင်ဟုတ်မှာပေါ့ဗျာ ။)

    ReplyDelete
  4. ဟဲဟဲ.........လိုက်ပြီးလေပေါနေတာ ။ အားနေလို.တော့မမှတ်လိုက်နဲ.နော် ။ ဒါတွေက အရေးကြီးတယ်လို.ထင်လို.လိုက်ပြီးလေပေါပေးနေတာ ။ လွယ်မှတ်လို.။ ညနေတိုင်း အင်္ဂလိပ်စာပိုပြီးကျွမ်းကျင်လာအောင် ABC သောက်ပြီးစဉ်းစားထားရတာတွေ။

    ReplyDelete
  5. ဒီလိုပျင်းစရာကောင်းတဲ့ပို့စ်ကိုဖတ်ပြီး မန့်တယ်ဆိုတော့
    နဲတဲ့ဝဋ်ဒုက္ခလား။
    တခြားတယောက်ယောက်ကများ သူရေးချင်တာလေးတွေဝင်ရေး
    သွားမလားဆိုပြီး နဲနဲတော့စောင့်ချင်ပါသေးတယ်။
    ဒီလိုဆိုတော့ ခင်ဗျားကထင်မယ်။
    ဒီလူနှယ်ပျင်းစရာကောင်းတာတွေရေးတဲ့အပြင်
    စိတ်ကူးကလည်းယဉ်သေးလို့။
    ခဏစောင့်ပါဗျာ။

    ReplyDelete
  6. အင်းးးးးးးးးးးးဒီနေ. ဧပြီ ၂၈ ရက်နေ.နော် .....။ ပို.စ်တင်တာက မတ်လ ၁၉ ရက်နေ.ဆိုတော့ .............။ အင်းးးးးးးးးးးးးး Comment ရေးချင်သူဆိုရင်တော့ ရေးပြီးလောက်ပြီထင်တာပဲ ။ လူတွေက မိမိတို.လောက်မအကြဘူးဆိုတာကို လက်ခံလိုက်စမ်းပါလေ ။ ကိုယ်တွေပဲ အ,နေကြတာဗျ ။ ဒီလောက်ဆို သဘောပေါက်...........ဟဲဟဲ..။

    ReplyDelete
  7. ဟုတ်ပါ့မလားဗျ...
    တချို့က မဖတ်ရသေးလို့လည်း ဖြစ်နိုင်တယ်...
    သည်ဘလော့ကို မသိသေးလို့လည်း ဖြစ်နီုင်တယ်...

    ReplyDelete