Wednesday, October 19, 2011

သုဝဏ္ဏအမြန်ရထား (၇)

ကိုတီတူး

အစကပြန်ကြည့်ကြရအောင်။ ကျနော်တို့ဆီမှာ လူထုဆန္ဒပြနိုင်ခြေဟာဖိနှိပ်ခံထားရတဲ့ကြားကနေ ထိုးထွက်နေဆဲပဲ။ ဒါကို သုဝဏအားကစားကွင်းထဲက ဘောလုံးပွဲအနိုင်ရလိုစိတ်ပြင်းထန်မှုမှာတွေ့ခဲ့ရတယ်။ မြန်မာတွေဟာဘယ်နေရာမှာမဆို ရှုံးနေတယ်။ သတင်းတွေဖတ်တော့ တရုတ်ကသူ့ပြည်နယ် တခုအဖြစ်လုပ်ဖို့ ကြိုးစား နေတယ်တဲ့။ ကုလားကတမျိုး၊ အော်မြန်မာလား အရင်ကငါတို့ လက်အောက်ခံလေလို့ ပြောခံ ရတာ ကျနော်ကိုယ်တိုင်ကို သုံးခါထက်မနည်းကြုံဖူးတယ်။ စင်ကာပူကုမဏီတခုမှာ ကျနော်တို့ဋ္ဌာန အတွက် လူတယောက် အရှေ့အလယ်ပိုင်းကို ကိုယ်စားလှယ်သဘောမျိုးအရင်လွှတ်ဖို့လိုနေတယ်။ ကျနော်အင်တာဗျူး ပြီး မြန်မာ အင်ဂျင်နီယာ တယောက်ခန့်လိုက်တယ်။ လစာညှိတော့ မြန်မာမို့ဒီလစာတော့ မပေးနိုင်ဘူးဆိုတဲ့ သဘောမျိုး HR မန်နေဂျာကပြောတယ်။ သူကျနော်မျက်နှာပျက်သွားတာတွေ့လို့ထင်တယ် ဒါငါ့အထက်က သဘောထားလို့ထပ်ပြောတယ်။

ထိုင်းမှာတခါ ကျနော်ပရောဂျက်တခုနဲ့သွားတော့ ဒင်နာတခုမှာ အင်္ဂလိပ်လိုယိုးဒယားသားတွေနဲ့ ပြောတော့ အနားဝိုင်းကရဲက ကျနော်တို့ ၀ိုင်းက ယပက်လက်ကို ဖမာ (မြန်မာကို ထိုင်းကဖမာ လို့ပဲအသံ ထွက်တယ်) လားလို့ မေးပြီးဘာတွေလည်းမသိဆက်ပြောနေတယ်။ ပြောချင်တာက ဒီကောင်ဘာကောင် လည်းပေါ့။ ရွှေ့ပြောင်းအလုပ်သမားတွေနဲ့ အတွေ့အကြုံများခဲ့တဲ့ ရဲကကျနော့်ကို နဲနဲပါးပါး ညှစ်ချင်ပုံရပါတယ်။ ဒါကျနော့်ကိုယ့်ပိုင်အတွေ့အကြုံတွေပါ။ ခင်ဗျားမှာလည်းရှိပါလိမ့်မယ်။

ယိုးဒယားမှာမြန်မာမလေးတွေလုပ်တဲ့ အဓိကအလုပ်ကတွေထဲကတခုက အနှိပ်ခန်းပါ။ သူတို့တွေ ကယပက်လက် ၁၀၉၊ ၁၁၀ တွေကိုယူပြီး ကျွေးထားဖို့ဝန်မလေးကြဘူး။ သူတို့နဲ့ယူမှ ထိုင်းနိုင်ငံသား ခံယူ နိုင်မယ်။ ဒါမှ ကျီးလန့်စားစားဘ၀ ကလွတ်မယ်ဆိုတာတွေကတော့ အဆင်ပြေတယ် ပြောလို့ရတဲ့ ယိုးဒယား ရောက်မြန်မာတွေဆီက ဇတ်လမ်းပဲ။ ဒီထက်ဆိုးတာတွေခင်ဗျားလည်းကြားဖူးမှာပါ။ ကဲဒီလိုဇတ်ပျက်နေတဲ့ လူမျိုးတမျိုးရဲ့ဇာတိမာန် ကိုဘယ်လိုပြန်ထူမတ်မလဲ။

ဆိုတော့ လူထုဟာအခွင့်အရေးကြုံရင် ရုန်းကြလိမ့်ဦးမယ်။ ဒါ ၂၀၁၁ အတွင်းကအတွေ့အကြုံတွေအရ ပဲသုံးသပ်တာပါ။ အိုမန်နဲ့ဘောလုံးပွဲအပြင်၊ အာဇာနည်နေ့ အလေးပြုပွဲ၊ နိုင်ငံရေးအကျဉ်းသား လွတ်မြောက်ဖို့ ဆုတောင်းပွဲ၊ နဲ့ဧရာဝတီ လှုပ်ရှားမှုတွေဟာ ဒီအချက်ကိုသက်သေခံနေပါတယ်။ ဒါပေမယ့် အာရပ်လှိုင်းကို စီးဖို့ဆိုတဲ့လှုံဆော်ချက်မျိုးတွေလုပ်စရာ မလိုပါဘူး။ အကြောင်းတိုက်ဆိုင်တာနဲ့ အဖြစ်အပျက်တခုဟာ ဆင်ခြင် နိုင်စွမ်းအားကလွတ်သွားတဲ့ ပွိုင့်တခုထဲဝင်သွားရင် ဇတ်ကနဲထောင်ထွက် လာနိုင်စရာရှိပါတယ်။ အရေးကြီး တာက ခင်ဗျားကဘယ်လိုစသလဲဆိုတာထက် ဘယ်လိုဆုံးသလဲဆိုတာပါ။ နောက်ကွယ်မှာ ပါဝါလေဟာနယ် ရှိတတ်ပါတယ်။ ဖြစ်နိုင်ရင် လူထုဆန္ဒပြပွဲတွေကို ရှောင်ဖို့ အစိုးရက လူထုဆန္ဒထုတ်ဖော်ပွဲတွေ စံနစ်တကျ လုပ်ဖို့အခွင့်အရေး ပေးစေချင်တယ်။

တခုပြောချင်တာက ဘယ်နိုင်ငံရေးသိပ္ပံပညာရှင်ကမှ တူနီးရှားပြဿနာနဲ့ အာရပ်နွေဦးကို ကြိုတင် မခန်းမှန်း နိုင်ခဲ့ကြဘူးဆိုတာပဲ။ အဲ ခင်ဗျားကွန်မင့်မှာရေးထားတဲ့ ဒိုမီနိုအကျိုးဆက်မျိုးကို လိုချင်တယ် ဆိုရင် တော့ တရုတ်ကဆန္ဒပြတဲ့အခါမှာတော့ ဖြစ်လာနိုင်စရာရှိတယ်။ ဟုတ်တယ် တရုတ်မှာဆန္ဒပြရင် အခြေအနေ တွေ အားလုံး ဟာလုံးလုံးလျားလျား ပြောင်းလဲသွားမှာပဲ။ ဖြစ်နိုင်ခြေခင်ဗျားမေးနေတာလား။ ဟုတ်ပြီ တရုတ်ကို အာရပ်ကမ္ဘာနဲ့ နဲနဲယှဉ် ကြည့်ကြရအောင်။

၁၉၉၀ နဲ့ ၂၀၀၀ ဆယ်စုနှစ်အတွက် ကုလသမဂ္ဂကထုတ်တဲ့ လူသားဖွံ့ဖြိုးမှုညွှန်ကိန်း (ပညာ၊ ကျန်းမာနဲ့ ၀င်ငွေကိုအဓိက ထားစီစစ်တာ) မှာ တူနီးရှားဟာ ၃၀%တက်လာပြီး အီဂျစ်ဟာ ၂၈% တက်လာတယ်။ နှစ်နိုင်ငံလုံးမှာ တက္ကသိုလ်ကျောင်းသားတွေနဲ့ ဘွဲ့ရပညာတတ်တွေပိုများလာတယ်။ အသစ်ဖြစ်ထွန်းလာတဲ့ တိုးတက်တဲ့အခြေအနေတွေဟာ ရှိနေတဲ့ နိုင်ငံရေးစံနစ်ဟောင်းထဲ ကျဉ်းကျပ်နေခဲ့တယ်။ ညိနေတယ်၊ လှုပ်ရှားရတာမလွယ်ဘူး။ အလုပ်ကောင်းတနေရာရဖို့ အဆက်အသွယ် ရှိဖို့က အဓိကဖြစ်နေတယ်။ ဒီတော့ ဒီဘောင်ကို ချဲ့ရတော့တယ်။ အာရပ် ပညာတတ်၊ နည်းပညာနဲ့အကျွမ်းတ၀င်ရှိတဲ့ လူလတ်တန်းစား တွေက ပြီးခဲ့တဲ့ လှုပ်ရှားမှုတွေကို ဦးဆောင်ခဲ့တဲ့အဓိကအချက်ပဲ။

တရုတ်မှာ ၂၀၁၁ နှစ်ဦးက တက္ကသိုလ်တခုကထွက်လာတဲ့ အစီရင်ခံစာတခုမှာ ၂၀၁၀အတွင်း လူမှုမတည်ငြိမ်မှု ၇၂ ခုရှိခဲ့ တယ်လုိ့ဖော်ပြတယ်။ တရုတ်လိုမီဒီယာကို ချုပ်ထားနိုင်တဲ့နိုင်ငံတနိုင်ငံမှာ ဒီကိန်းဟာ ဒီထက်ပိုများနိုင်ပြီး သတိထားရမဲ့ အနေအထားပဲ။ တရုတ်ဒေသအာဏာပိုင်တွေဟာလည်း အကြီးအကျယ် ခြစားနေကြတာပဲ။ ကျနော်သိတဲ့ပြည်မကြီး ကလာတဲ့ တရုတ်တော်တော် များများကို နဲနဲပါးပါးစကား ပြော ကြည့်ရင် တရုတ်မှာနေရာတိုင်းလာဘ်ပေးလာဘ်ယူမကင်း ဘူးဆိုတာပဲ။ ပိုက်ဆံသာပေးနိုင်ရင် ဘာမဆို အကုန် လုပ်နိုင်တယ်ဆိုတယ်။ ကွန်ဖျူးရှပ်ကို ကိုကာကိုလာ တိုက်ပြီး မက်ဒေါ်နယ်ကြော်ညာရိုက်ခိုင်းလို့ရတယ် ဆိုတာ မျိုးပေါ့။

နယ်တွေမှာလယ်တွေသိမ်း၊မြေတွေသိမ်း၊ လူထုကို နေရာတွေရွှေ့ပြောင်းပြီး အာဏာပိုင်တွေက ကုမဏီတွေကို လုပ်ကွက်တွေပေးတယ်။ ကုမဏီတွေဟာဆောက်ချင်သလို ဆောက်တယ်၊ သူတို့စွန့်ပစ်ပစ္စည်း တွေကို စံနစ်တကျတွေဘာတွေလုပ်မနေဘူး။ လက်ရှိရေပေးရေးစံနစ်တွေထဲလည်း လစ်ရင်လစ်သလို သူတို့ စွန့်ပစ် တဲ့ရေတွေ ထဲ့ချင်ထဲ့ချလိုက်တာမျိုးတဲ့။ ကံကြီးလို့ မြစ်ဆုံဆည်ခနရပ်ထားဖြစ်တာ ဆိုပေမယ့် တရုတ်နဲ့ လုပ်တဲ့ လုပ်ငန်းမှန်သမျှဟာ သတိထားရမှာချည်းပဲ။ သူတို့ဟာ ကိုယ့်နိုင်ငံထဲ တောင်ထင်ရာလုပ်တာ ဆိုတော့ ကျနော်တို့ဆီမှာဆိုရင် ပျင်းတောင်ပျင်းသေးတယ်ပေါ့ဗျာ။ တရုတ်မှာ အာဗာတာ ရုပ်ရှင် ပြတော့ တောသား တွေက သောက်သောက်လဲကြိုက်ကြဆိုတယ်။ သူတို့နယ်မြေတွေကို လုယုဖျက်စီး ခံရတဲ့ ရုပ်ရှင်ထဲက အဖြစ် ဟာ သူတို့ဘ၀နဲ့ တူတာကိုး။

လက်ရှိတရုတ်ချမ်းသာမှုဟာ ကမ်းခြေဒေသ နဲ့မြို့ကြီးတွေ မှာပဲရှိတယ်။ တရုတ်မှာ ဒေသတခုနဲ့တခု ဆင်းရဲချမ်းသာအရမ်းကွာသွားပြီ။
ဒါပေမယ့် ပညာရှင်တွေ ပြောသလိုပေါ့။ ခုခေတ်မှာ တော်လှန်ရေးကို ဆင်းရဲသားတွေကမလုပ်ဘူး၊ လူလတ်တန်းစားပညာတတ်တွေက ပဲလုပ်မှာဆိုတာကို တရုတ်အစိုးရကသိတယ်။ တရုတ်မှာ အာရပ်လိုဘွဲ့ရပြီး သစ်သီးလှည်းနဲ့တွန်းရောင်းရတဲ့ ပြဿနာမျိုးတွေမပေါ်အောင်ထိန်းထားတယ်။ တရုတ်ပညာတတ် လူလတ် တန်းစား ဟာ ဆူပါမားကက်ကြီးတွေထဲ ပျော်နေကြတယ်။ တရုတ်ပညာတတ်တွေမှာ အလုပ်လက်မဲ့ တွေရှိတယ် ဆိုပေမယ့် အများစုဟာ လက်ရှိဘ၀ကိုကျေနပ်နေကြတယ်။ အိုင်ဖုန်းတို့၊ အိုင်ပက်တို့၊ နာမည်ကြီး အမှတ်တံဆိပ် အ၀တ်အစား၊ အသုံးအဆောင် တွေမှာ စနေ၊ တနင်္ဂနွေတွေ ကုန်သွားကြတယ်၊

ပြီးတော့ တရုတ်မှာ မူဘာရက်တို့ ဘင်အလီတို့ ကဒါဖီတို့လို အာဏာကိုရေရှည်စွဲကိုင်ထားတာ မျိုးမရှိတော့ဘူး။ ဟူဂျင်တောင်ဟာ နောင်နှစ်ဆိုရင်ဆင်းပေးပြီ။ ခေါင်းဆောင်အပြောင်းအလဲမှာ ပေါ်လစီ အကူးအပြောင်း တွေရှိတတ်တော့ လူထုကိုနဲနဲတော့စောင့်ကြည့်စေတယ်။ ပြီးတော့ PLA (people liberation army) ဟာဘက်ပြောင်းပြီး လူထုလှုပ်ရှားမှုဘက်ကို ကူးပြောင်းဖို့ ဘာအရိပ်အရောင်မှမရှိဘူး။ ဒီအချက်တွေဟာ တရုတ်မှာလူထုအုံကြွမှုတွေ အချိန်တိုအတွင်းမှာဖြစ်ဖို့မရှိဘူးလို့တော့ညွှန်ပြနေတာပဲ။ အင်ပါယာဘ၀ကနေ တရုတ်တွေဟာ နှစ်ပေါင်းများစွာ အိမ်နိမ့်စံအဖြစ်နဲ့ အနောက်ရဲ့ ကျောသပ်ရင်သပ်ခြင်းကို ကျိတ်မှိတ်ခံလာ ခဲ့တယ်။ ခုတော့သူတို့ဟာ ၂၀၀၆မှာ ကမ္ဘာ့တတိယစီးပွားအင်အားကြီးနိုင်ငံ ဂျာမနီကို ကျော်တက်၊ ၂၀၁၁ မှာ ဂျပန်ကို ရာဇ၀င်ထဲမှာထားရစ်ခဲ့တယ်။ ဒီနှုန်းအတိုင်းသွားရင် ၂၀၃၀မှာ နံပတ်တစ် နေရာကို အမေရိကန်တွေ ဆီကယူကြလိမ့်မယ်။

ဒါပေမယ့် တရုတ်အာဏာပိုင် တွေဟာ အနာဂတ်ကို ထွက်ပြေးနေကြတယ်။ အရမ်းဖြစ်ချင်နေကြတယ်။ စီမံကိန်းအမှားတွေ အများကြီးလုပ်ခဲ့ကြတယ်။ သဘာဝပတ်ဝန်းကျင်တွေကိုအများကြီးထိခိုက်စေခဲ့တယ်။ အဲဒီထဲက တခုဟာ အမြန်ရထားလိုင်းတွေပဲ။ တရုတ်အာဏာပိုင်တွေ ကုမဏီတွေကနေလာဘ်စားပြီး ဒီစီမံကိန်း တွေကို နည်းပညာမသေချာခင် အလျှင်အမြန်အကောင်အထည်ဖော်ခဲ့ကြတယ်။ တရုတ်အမြန်ရထား နှစ်စီးဟာ ၂၀၁၁ ဇူလိုင် က ဗဟိုထိန်းချုပ်ခန်းကမသိတော့ ရထားတွေကို သတင်းမပေး နိုင်တော့ တခါတိုက်တယ်။ လူတွေ အများကြီးသေတယ်။ စက်တင်ဘာမှာ တခါတိုက်ပြန်တယ်။ ပြိုလဲနေတဲ့ အပျက်အစီးပုံတွေကြား မျက်ရည်တွေ ၀ဲနေတဲ့ ၀မ်ကျားပေါင်ကို ဟီရိုးဖြစ်စေတဲ့ ဇီချွမ်ငလျှင်ဟာ ဆည်တည် ဆောက်ခဲ့တဲ့ အကျိုးဆက်လို့ ခုတချို့တွေ က ဆိုလာကြပြီ။

အင်ပါယာအိမ်မက်ကို မမက်ပါဘူးလို့ပြောထားပေမယ့် တရုတ်စိတ်ထဲမှာဘာရှိသလဲ အားလုံးက စိုးရိမ်နေကြရပြီ။ အရှေ့တောင်အာရှမှာ တရုတ်ဟာ ဗီယက်နမ်နဲ့စစ်ဖြစ်ဘူးတယ်။ ချန်ကေရှိတ်တပ်တွေ မြန်မာပြည်ထဲဝင်ဘူးတယ်။ ခုဖိလစ်ပိုင်နဲ့ ကမ်းလွန်ရေနံမှာ လိပ်ခဲတင်းတင်းရှိတယ်။ ခေတ်မှီမှုနဲ့အတူ စွမ်းအင်လိုအပ်ချက်ဟာ အရမ်းအရေးကြီးလာတယ်။ တရုတ်နဂါးဟာ ကမ္ဘာပတ်ပြီးရေနံနဲ့ ဓါတ်ငွေ့ဈေးကွက် တွေထဲဝင်တယ်။ နိုင်ငံပိုင် CNOOC (China National Offshore Oil Cooperation) ဟာအမေရိကန်ကုမဏီ ယူနိုကယ်ကို ၂၀၀၅ မှာဝယ်ဖို့ကြိုးစားခဲ့တယ်။ ယူနိုကယ်ဟာ တိုတယ်နဲ့အတူမြန်မာ ကမ်းလွန်ရတနာမှာ ရှယ်ယာတွေရှိနေပါတယ်။ အာရှအလယ်ပိုင်းမှာရှိတဲ့ ယူနိုကယ်ရဲ့ကျယ်ပြန့်တဲ့ အကျိုးစီးပွားဟာ တရုတ်စွမ်းအင် မဟာဗျူဟာနဲ့ လိုက်ဖက်ပုံရပါတယ်။ ဒီတော့ အမေရိကန်မှာ ဒီမိုကရက်နဲ့ ရီပတ်ပလီကန်ဟာ ချက်ချင်းညှိပြီး ယူနိုကယ်ကို အမေရိကန်ကုမဏီချင်းဖြစ်တဲ့ ရှယ်ဗရွန် လက်ထဲ ထဲ့ခဲ့ကြတယ်။ ဒါ့အပြင် ခုတရုတ်တွေ ကျနော်တို့ ဆီမှာ ရေကာတာတွေနဲ့ ကမ်းလွန်သဘာဝဓါတ်ငွေ့ နဲ့ စွမ်းအင်စီမံကိန်းတွေကို ခြေသွက် လက်သွက် စာချုပ် တွေချုပ် ထားကြပြီ။

ကမ္ဘာ့စီးပွားရေးဘက်ကကြည့်ရင် တရုတ်ဟာပြည်တွင်းအခက်အခဲတွေကို ရင်ဆိုင်ရင်းတဖြည်းဖြည်းနဲ့ ဒုတိယအချမ်းသာ ဆုံးဖြစ်နေပါပြီ။ သူနဲ့အတူ G-20 ရဲ့နောက်တက်လာတဲ့ ဘရာဇီး၊ ရုရှား၊ အိန္ဒိယ၊ တောင်အာဖရိက တို့ဟာတကယ်များ နောင်ကမ္ဘာ့နိုင်ငံရေး အခင်းအကျင်းသစ်ကို သြဇာညောင်းလာမယ်ဆိုရင် နိုင်ငံတွေရဲ့နိုင်ငံခြားရေးမူဝါဒဟာ ဒေါင်ဒေါင်မည် အမျိုးသား အကျိုးစီးပွားကိုပဲ ပိုလို့အခြေခံလာကြပါလိမ့်မယ်။

ကျနော်တို့ကော ဘာလုပ်ကြမလဲ။ တရုတ်ကိုကန်တဲ့ မြန်မာနိုင်ငံခြားရေးပေါ်လစီဟာ အမျှော်အမျှင်နဲရာ ကျတယ်လို့ အနဲဆုံး ခုနေမှာပြောနိုင်ပါလိမ့်မယ်။ ဒါပေမဲ့ မကန်နိုင်ရင်တောင် မှီထားဖို့မသင့်တော်ပါဘူး။ ကျနော် တို့ အနောက်ကိုပြန်ကြည့်ကြရမယ်။ အိန္ဒိယသွားပြီး ဗုဒ္ဓဂါယာ ဘုရားဖူးတာ လေးတွေလုပ်သလို ဒေသတွင်း အာစီယံနဲ့ လည်း ချိတ်ထားရပါလိမ့်ဦးမယ်။ အစိုးရကသာ နိုင်ငံရေး အကျဉ်းသားအားလုံးလွှတ်ပေးလိုက်စမ်းပါ။ မြန်မာနိုင်ငံ အာစီယံဥက္ကဋ္ဌဖြစ်တာ ကျနော်တို့အကျုိုးစီးပွားပါ။ ထောက်ခံရမယ်။

ပိတ်ထားတဲ့ နိုင်ငံကို ကမ္ဘာကြီးထဲဖွင့်ထုတ်ပစ်ရမယ်။ ပြည်တွင်းအတိုက်အခံတွေ စုစည်းညီညွတ်ကြဖို့ ဆိုတာထက် အတိုက်အခံနဲ့အစိုးရ၊ တိုင်းရင်းသားအားလုံးစုစည်းညီညွတ်တဲ့ ပြည်ထောင်စုကြီး တခုဖြစ်ဖို့ လိုလာ ပါပြီ။ ကိုယ့်နိုင်ငံသားချင်း မပြေလည်ခင်မှာသဘောတူထားခဲ့ရတဲ့ စီမံကိန်းအမှားတွေကို ပြန်ပြီးချင့်ချိန်ပြီးပြင်ဆင် ပစ်ရပါမယ်။ ပျက်စီးလာနေတဲ့ ဂေဟစံနစ်တွေကိုကယ်တင်ရတော့မယ်။ မြန်မာပြည်အသက်ဟာ ၁၅နှစ်လောက် ပဲရှိပါတော့တယ်။ ၂၀၂၅ လောက်အထိ ကျနော်တို့သာ ဒီအခြေ အနေ ကနေ တိုးတက်အောင် မလုပ်နိုင်ဘူး ဆိုရင် ဒီထက်ပိုဆိုးတဲ့ အခြေအနေတခုကို ပြန်ရောက်သွားမယ် ဆိုရင် မြန်မာပြည်ဟာနောက်တခါ လွတ်လပ်ရေး ကို ဆုံးရှုံးရဖို့ ပါပဲ။ မြန်မာတွေ ဒလိုင်းလားမားတို့လို ရုန်းကန် ကြရပါလိမ့်မယ်။

ဘာတွေလုပ်သင့်သလဲဆိုတာ အပေါ်မှာကျနော်တို့အုပ်စုနှစ်စုခွဲပြီးကြည့်ခဲ့ပြီးပါပြီ။ ပထမအုပ်စုဖြစ်တဲ့ နိုင်ငံရေး အကျဉ်းသား အားလုံးကိုပြန်လွှတ်ပေးရေးဟာစနေပြီလို့ ယူဆကြည့် ချင်ပါတယ်။ နှစ်မကုန်ခင် လွှတ်ပေးတာကို ပြီးအောင်ကိုလုပ်ရပါမယ်။ ပြီးရင်အင်အယ်ဒီပါတီ တရားဝင်ဖြစ်ရေး (မှတ်ပုံတင်ရေး)မှာ အစိုးရက ၂၀၀၈ ဖွဲ့စည်းပုံ အတွင်းထဲကို သွင်းတယ်ဆိုရင် ကျနော်တို့ ဘာတွေဆွေးနွေးဖို့လိုမလဲ။ ဒီနေရာမှာ ဒီမိုကရေစီရဲ့ အနိမ့်ဆုံး အဆင့်အတန်းကိုပေးဖို့တော့ အနဲဆုံး လိုအပ် ပါတယ်။ Dahl ပြောတဲ့ အနိမ့်ဆုံးဒီမိုကရေစီမှာ အချက်လေးချက် ရှိရပါမယ်။
၁။ လွတ်လပ် ပြီး မျှတတဲ့ ပုံမှန်ရွေးကောက်ပွဲတွေရှိရမယ်။
၂။ အရွယ်ရောက်သူ နိုင်ငံသားအားလုံး မဲပေးခွင့်ရှိရမယ်။
၃။ လွတ်လပ်စွာ ပြောဆို၊ ပုံနှိပ်၊ ထုတ်ဝေ၊ အသင်းအပင်းများဖွဲ့စည်းခွင့်ရှိရမယ်။
၎။ ရွေးကောက်ပွဲအရမဟုတ်ပဲ အခွင့်အရေးတခုနဲ့ ရွေးချယ်သတ်မှတ်ခံခဲ့ရသူများမရှိဖို့လိုတယ်။

လောလောဆယ်မှာ နံပါတ်၂ ကလွဲလို့ကျန်တာအားလုံးအားနည်းချက်တွေရှိနေပါတယ်။ နံပါတ် ၃ကို ပေးဖို့အားယူနေတယ်လို့ကျနော်ထင်ပါတယ်။ နံပါတ် ၄ ကတော့ ၂၀၀၈ ဖွဲ့စည်းပုံက တပ်မတော်သား ၂၅% ကိုပြင်မှ သာရနိုင်ပါမယ်။ အစိုးရကဒီအချက်ဟာပြင်ဆင်သင့်တယ်လို့လက်ခံပြီးသားလို့ထင်ပြီး ညှိနှိုင်းစရာဟာ အချိန်ပဲလို့ယူဆပါတယ်။ ၂၀၁၅ ရွေးကောက်ပွဲမှာ ဒီအချက်၎ ချက်ပြည့်စုံ ရေးနဲ့ညီမယ်ဆိုရင် အင်အယ်ဒီ မှတ်ပုံတင် ရေးဟာမလုပ်နိုင်စရာမရှိပါဘူး။ အင်အယ်ဒီဟာ ဒီ၂၅% နေရာကို ၂၀၁၅ မှာဝင်မပြိုင်ဘူးဆိုခဲ့ရင်တော့ ပိုများ ညှိရတာလွယ်မလားပဲ။ လက်ရှိအစိုးရဟာ မဲဆန္ဒနယ်ရဲ့ ၂၅% မှာ အဓိကပြိုင်ဘက် အင်အယ်ဒီ မပါဘူး ဆိုရင် နံပါတ် ၁ ဟာလည်းဖြစ်လာနိုင်တာပါပဲ။

အပေါ်လေးချက်နဲ့ပြည့်စုံတဲ့ ရွေးကောက်ပွဲကို အင်အယ်ဒီသာတရားဝင် ၀င်ရောက်ယှဉ်ပြိုင်ပြီဆိုရင် ၉၀ရလဒ်ကို ပြောနေစရာမလိုတော့ပါဘူး။ ၂၀၁၅ မတိုင်ခင်ကြားခံကာလမှာ သဘောတူထားတဲ့ Political Order တခုမရှိပဲ လက်ရှိအစိုးရဟာ စီးပွားရေးကို ကိုင်ရင် မောင်ပုံစောင်းကြိုးပြတ်မှာပဲ။ တပြိုင်နက်တည်းမှာ စီးပွားရေး ပိတ်ဆို့မှုကို တဆင့်ချင်းဖြည်ချဖို့ကြိုးစားမယ်။ ပြည်တွင်းငြိမ်းချမ်းရေးကိုယူထားနိုင်ရပါမယ်။

ခင်ဗျားဟာတွေကတော့ ideal တွေပဲပြောရင်ကျနော် မငြင်းပါဘူး။ သို့သော်ဒီလိုပဲစိတ်ကူး ကြည့်ရ မှာပါပဲ။ တိုက်ယူမှရမယ်၊ တောင်းယူမှရမယ်ဆိုရင်လည်း တိုက်ကြတောင်းကြပေါ့။ လက်ရှိဖြစ်ထွန်းမှုကို နောက်ပြန်သွား တာမျိုးတော့မဖြစ်စေချင်ဘူး။ ဒါပေမယ့် လက်ရှိဖြစ်စဉ်မတော်လို့ ဘာအကြောင်းကြောင့် ပဲဖြစ်ဖြစ် လန်ကျသွားခဲ့သော် မူလဒုံရင်းကပြန်စကျိုးစားရတာမျိုးမဖြစ်အောင် တနေရာမှာပြန်ထစ်ထားနိုင်တဲ့ Physical Mechanism တခုလည်းရှိဖို့ လိုအပ်နေပါတယ်။ အဲဒါဟာဘာဖြစ်သင့်သလဲ။ နှစ်ဘက်စလုံးက ပြုပြင်ပြောင်းလဲရေးလုပ်လိုသူတွေသေသေချာချာစဉ်းစား ရမဲ့အချက်တချက်ပါပဲ။

ဒေါ်အောင်ဆန်းကြည်ပြောခဲ့တာတခုရှိတယ်။ ဆင်းသွားတဲ့အစိုးရကိုလည်းဘာဒုက္ခမှမပေးရဘူးတဲ့။ ဒါဟာ နိုင်ငံအာဏာကိုစွန့်လွှတ်သွားတဲ့ တပ်မတော်ခေါင်းဆောင်တွေရဲ့ပူပန်မှုဆိုရင် သူတို့ကို ကျနော့် ညာဏ်တထွာနဲ့ တခုပြောချင်တယ်။ အာဏာရှင်တွေကို အာမခံချက်ပေးနိုင်တာ ဟာနောက်ထပ် အာဏာရှင် မဟုတ်ပါဘူး။ ကောင်းမွန်တဲ့ အုပ်ချုပ်ရေးပုံစံတခုကသာပေးနိုင်တာပါ။ အဲဒီပုံစံကို အခုရအောင် တည်ယူကြ ရအောင်ပါ။

ကျနော်တို့ လူမျိုး ဆင်းရဲတာ၊ သိက္ခာမဲ့နေတာ၊ ကျနော်တို့နိုင်ငံ ကျနော်တုိ့မသိပဲ အနိုင်ကျင့်ခံရတာ ရောင်းစားခံရတာကြာပါပြီ။ ကျနော်တို့အခုပြောင်းမှဖြစ်တော့မယ်။ အချိန်သိပ်မရှိတော့ဘူး။ အပြောင်းအလဲကို အစိုးရကလက်ခံပြီး ပူးပေါင်းလုပ်ပါမှ လွယ်မယ်၊ မြန်မယ်။ အခြေအနေက မလုပ်ရင်မဖြစ်တော့ဘူး။

တရုတ်ဟာသီအိုရီမရှိတဲ့ အုပ်ချုပ်ရေးပုံသဏာန်တခုကိုစမ်းသတ် နေတာပါ။ အဲဒါဟာ ဗဟိုအာဏာ ချုပ်ကိုင်မှု နဲ့ ဈေးကွက်စီးပွားရေးပဲ။ ဗဟိုကချုပ်ကိုင်ပြီး အာဏာကို အလွဲသုံးစားလုပ်လို့ရနေတော့ စီးပွားရေးမှာ အကျင့်ပျက် ခြစားမှုတွေ ရှိနေတာ မဆန်းပါဘူး။ တရုတ်အစိုးရဟာ နည်းပညာမသေချာသေးခင် သူ့ပြည်သူ တွေစီးနင်းနေတဲ့ ဗဟိုထိမ်းချုပ်ခန်းနဲ့ လွတ်ထွက်သွားတတ်တဲ့ အမြန်ရထားတွေကို စမ်းသတ် မောင်းနှင်နေဆဲပဲ။

သူ့နိုင်ငံကမ္ဘာ့အဆင့်တစ် နိုင်ငံဖြစ်လာမလား။ လူမှုမတည်ငြိမ်မှုတွေနဲ့ ပြန်လည်ထွက်သွား မလား ဆိုတာ ကျနော်တို့တွေ့ကြရမှာပါ။ ဒါပေမယ့် ဒီရလဒ်ပေါ်မှာ ကျနော်တို့ လွတ်လပ်ခွင့်နဲ့ အချုပ်အချာ အာဏာကို လောင်းကြေးထပ်မထားနိုင်ဘူး။ ကျနော်တို့မှာ ကိုယ့်လွတ်လပ်ခွင့်နဲ့ ကိုယ့်တန်ဖိုးကို ကိုယ်ကိုယ်တိုင် ဖန်တီးခွင့်၊ သတ်မှတ်ခွင့် ရနေတယ်ဆိုရင် အားအားယားယားဗျာ ဘာလို့ဘောလုံးကွင်းထဲသွားပြီး အော်ဆဲနေကြမှာလဲ။ ဘယ်သူက လမ်းပေါ်ထွက်ပြီး ဆန္ဒပြဖို့တွေ တွေးနေမလဲ။

သုဝဏကွင်းထဲက အော်သံတွေ ကျနော်တို့ဘယ်အထိကြားရဦးမလဲ။

KZကေ

References:

- Linkages between politics and economics by Nelson Joan M. Journal of Democracy, October 1994
- Civil-Military Relations and Democracy Edited by Larry Diamond and Marc F. Plattner, The John Hopkins University 1996
- Elections without democracy, The Rise of Competitive Authoritarianism by Steven Levitsky and Lucan A. Way. Cambridge University Press, April 2010
- The impact of the economic crisis, from the G-8 to G-20 by Mark F. Plattner. Journal of Democracy. Jan’ 2011
- Can Europe be saved? By Paul Krugman. International Herald Tribune. Jan 12’ 2011
- Is China next? By Francis Fukuyama. International Herald Tribune. March 15’ 2010
- China’s high-speed politics by David Bandurski. International Herald Tribune. July 28’ 2011

Monday, October 17, 2011

သုဝဏအမြန်ရထား (၆)

ကိုတီတူး
စက်တင်ဘာ ၂၀၀၈ ကမွှေလိုက်တဲ့ လေးမင်းဘရားသားဘဏ်ပြဿနာ(ကမ္ဘာ့ဘဏာရေးအကျပ်အတည်း) ဟာ ကမ္ဘာကြီးတခုလုံးကိုတုန်လှုပ်သွားစေခဲ့တယ်။ ဒါဟာအနာဂတ်မှာ ကမ္ဘာ့စီးပွားရေးပြဿနာနဲ့ ငွေကြေးဈေးကွက်တခုလုံး ကိုပြန်ပြီး ပြင်ဆင်ဖို့နဲ့တင်ရပ်နေမှာမဟုတ်ပဲ ကမ္ဘာ့နိုင်ငံရေးကိုပါရိုက်ခတ်ချက်ဖြစ်လာမယ်လို့ လေ့လာသူတွေက သုံးသပ်ခဲ့ကြတယ်။ ဈေးကွက်ကို လွှတ်ပေးထားလိုက်၊ မမြင်ရတဲ့အင်အားစုတွေကသူ့ဘာသူထိမ်းသွားလိမ့်မယ်ဆိုတဲ့ ဖရီမားကက်ဘိုးအေကြီး အဒမ်စမစ်ရဲ့ဓါတ်ပုံဟာ လေးမင်းဘရားသားဘဏ်ရှေ့ကအမှိုက်ပုံးထဲမှာ။ အစိုးရတွေဟာ လွတ်လပ်တဲ့ဈေးကွက်စီးပွားရေးကိုဝင်ရောက်ထိန်းချုပ်ဖို့လိုလာမယ်။ ဒီမိုကရက်တစ်အစိုးရတွေရဲ့ အခန်းဟာမှေးမှိန် လာဖို့ရှိတယ်ဆိုတာတွေကိုပါ တဆက်တည်းသုံးသပ်ခဲ့ကြတယ်။

တကယ်ကျတော့အားလုံးထင်ထားသလောက်ဆိုးဝါးမသွားပဲ အခြေအနေတွေဟာထိမ်းနိုင်သိမ်းနိုင်ပြန်ဖြစ်လာခဲ့တယ်။ ၂၀၀၈ ကြောင့်မို့အကျပ်အတည်းတွေရှိပေမယ့် ဒါကြောင့်ဒီမိုကရက်တစ်အစိုးရတွေကို သူ့ပြည်သူတွေက လူကြိုက်နည်းသွားတာ ရွေးကောက်ပွဲတွေမှာအရေးနိမ့်သွားတာမျိုးတော့သိပ်မတွေ့ရဘူး။ လတ်ဗီးယားနဲ့ အိုက်စလန်လို နိုင်ငံလေးနှစ်ခုမှာ ဒီမိုကရက်အစိုးရတွေ ရှုံးသွားတယ်ဆိုပေမယ့် ကမ္ဘာ့စီးပွားရေးအကျပ်အတည်းကြောင့်လို့ ကောက်ချက် ချဖို့ မလုံလောက်ပါဘူး။
ဒီအကျပ်အတည်းကြောင့် လက်ဝဲယိမ်းပါတီတွေဟာအသာစီးမရခဲ့တဲ့အပြင် ဥရောပနိုင်ငံအတော်များများမှာ လက်ယာယိမ်းအစိုးရတွေ အဓိကအောင်ပွဲခံခဲ့တာတွေ့ရပြန်တယ်။ ၂၁ရာစုဆိုရှယ်လစ်စံနစ်ထူထောင်မယ်ဆိုတဲ့ ဟူဂိုးချေးဗက်စ် ရဲ့ ဗင်နီဇွဲလားကိုကြည့်တော့လည်း စီးပွားရေးအလားအလာတွေဟာ ဆိုးဝါးနေတာတွေ့ရပြန်တယ်။ အနှစ်ချုပ်ရရင် လွတ်လပ်တဲ့ ဈေးကွက်မှာ အစိုးရတွေရဲ့အခန်းဟာပြန်ပြီးများဖို့လိုလာပြီဆိုတဲ့ အသံတွေညံ ထွက်လာခဲ့ပေမယ့် အရင်းရှင်စံနစ်ကြီးတခုလုံးကိုစိန်ခေါ်တဲ့အတွေးအခေါ်နဲ့ အယူအဆတွေထွက်မလာခဲ့ဘူး။

ဆန့်ကျင်ဘက် အနေနဲ့ ဒီမိုကရေစီနိုင်ငံတွေအစား အာဏာရှင်နိုင်ငံတွေမှာသာ ဒီစီး ပွားပျက်ကပ်ကြောင့်ပို အခက်တွေ့စေနိုင်တယ် လို့တောင်ပြောကြပါသေးတယ်။
ဘာလို့လဲဆိုတော့ လက်ရှိအာဏာရှင်ပုံစံအုပ်ချုပ်နေတဲ့ တရုတ်နဲ့ရုရှားမှာ ဘာအိုင်ဒီယော်လော်ဂျီမှမရှိဘူး။ သူတို့ဟာ သူတို့နိုင်ငံကိုစီးပွားရေးတိုးတက်မှုနဲ့ချုပ်ကိုင်ထားတာမို့ ကမ္ဘာ့စီးပွားပျက်ကပ် ဟာသူတို့ကိုသာ ပိုဆိုးစေလိမ့်မယ် လို့တချို့စီးပွားရေးပညာရှင်တွေက ကောက်ချက်ပေးခဲ့တာဖြစ်တယ်။ ဒါပေမယ့် လက်တွေ့အဖြစ်အပျက်တွေကလည်း ဒီထင်မြင်ချက်တွေကို မှားကြောင်းသက်သေပြခဲ့တယ်။ တကယ်တမ်း ပြီးခဲ့တဲ့ စီးပွားပျက်ကပ်ဟာ ဘယ်လိုအစိုးရက အုပ်ချုပ်နေတာလည်းနဲ့မဆိုင်တာကိုတွေ့ရတယ်။

တရုတ်ဟာ အကျပ်အတည်းကနေ မြန်မြန်ဆန်ဆန်ပြန် ထွက်လာနိုင်တယ်။ ရုရှားဟာတော်တော်ပျာယာခတ်သွားခဲ့တယ်။ တချိန်တည်းမှာ အနောက်ကဒီမိုကရေစီ ချံပီယံနိုင်ငံကြီးတွေဟာ အကြီးအကျယ်အထိနာခဲ့ပေမယ့် အားကောင်းလာတဲ့ဈေးကွက်ဒီမိုကရေစီနိုင်ငံတွေဖြစ်တဲ့ ဘရာဇီး၊ အိန္ဒိယနဲ့ အင်ဒိုနီးရှား မှာတော့ဟန်တောင်မပျက်ခဲ့ဘူး။

သေချာပြန်ကြည့်တော့ ဒီစီးပွားပျက်ကပ်ဟာ ဇုံအလိုက်အထိနာခဲ့တာပဲဖြစ်တယ်။ မြောက်အမေရိက၊ ဥရောပ (ပြည့်ဝဒီမိုကရေစီနိုင်ငံတွေ) နဲ့ ယူရိုအေရှ (ကွန်မြူနစ်လွန်ဒီမိုကရေစီနိုင်ငံတွေနဲ့ ယှဉ်ပြိုင်ခံအာဏာပိုင်နိုင်ငံတွေ) တွေကို
ဆိုးဆိုးဝါးဝါးသက်ရောက်ခဲ့ပြီး တရုတ်နဲ့အားကောင်းကာစ ဒီမိုကရေစီနိုင်ငံတွေမှာအစွန်းခတ်ရုံမျှသာဖြစ်ခဲ့တယ်။ နောက်တမျိုးပြောရရင် ပြည့်ဝဒီမိုကရေစီနိုင်ငံကြီးတွေရဲ့(အနောက်ရဲ့) စုပေါင်းဦးဆောင်မှုအခန်းဟာအားနည်းနေတယ် ဆိုတာပဲ။ G-20 တက်လာတာဟာ ဒီအချက်ကို သက်သေပြလိုက်တာပဲ။

G-20 ဆိုတာအာရှစီးပွားပျက်ကပ်ဖြစ်တဲ့ ၁၉၉၀ နောက်ပိုင်းနှစ်တွေအပြီးမှာပေါ်လာတာ။ အဲဒီအချိန်ဆရာကြီးက G-8 (အင်္ဂလန်၊ ပြင်သစ်၊ ဂျာမနီ၊ အီတလီ၊ အမေရိကန်၊ ကနေဒါ၊ ဂျပန်နဲ့ ရုရှား)။ နောက်ဆုံးက ငနဲရုရှားက ပထမ ၇နိုင်ငံ G-7 ကနေသွင်းလိုက်လို့ပါလာပြီး G-8 ဖြစ်လာတာ။ G-20 ပထမထိပ်သီးအစည်းအဝေးကို ၂၀၀၈ နိုဝင်ဘာမှာပဲ ၀ါရှင်တန်မှာကျင်းပခဲ့တယ်။ ဒါပေမယ့် တကယ်အရေးပါလာတာက ၂၀၁၀ ကနေဒါမှာလုပ်တဲ့အစည်းအဝေးကျမှ။ ကမ္ဘာ့စီးပွားရေးကိုထိထိရောက်ရောက်ပြန်လုပ်ဖို့ဆိုရင် G-8 ဟာမလုံလောက်ဘူးဆိုတာ အနောက်က လက်ခံလိုက်တဲ့သဘောပဲ။ G-8 ကနေ G-20 ကိုနန်းတင်လိုက်တယ်ဆိုပါတော့။ ဘာကြောင့်လဲ G-20 ကိုလေ့လာကြည့်ရအောင်။

ပထ၀ီအနေအထားကစကြည့်ရင် ကမ္ဘာကြီးရဲ့ဒေသတိုင်းကစူပါပါဝါ တနိုင်ငံတော့အနဲဆုံးပါတယ်။ အင်္ဂလန်၊ပြင်သစ်၊ဂျာမနီ၊အီတလီ၊အီးယူ (ဥရောပ၊ G-8နိုင်ငံဟောင်းတွေနဲ့အသစ်ဖွဲ့လိုက်တဲ့ ဥရောပသမဂ္ဂ။ ဒီမှာကြည့်ရင် ဥရောပသမဂ္ဂဟာယူနီယံအဆင့်ကိုမှန်းထားသလောက်မရောက်နိုင်သေးတာတွေ့ရမယ်။သူသာစုစည်းမိရင် တနိုင်ငံချင်းစီ ဘာလို့ထဲ့နေဦးမလဲ)။ တရုတ်၊အိန္ဒိယ၊အင်ဒိုနီးရှား၊ဂျပန်၊တောင်ကိုရီးယား (အာရှ၊ နိုင်ငံသစ်တွေနဲ့ G-8 ဟောင်းဂျပန်)။ အာဂျင်တီးနား၊ ဘရာဇီး၊ မက္ကစီကို (တောင်အမေရိက)။ အမေရိကန်၊ ကနေဒါ (မြောက်အမေရိက၊ G-8နိုင်ငံဟောင်းတွေ)။ ဆော်ဒီအာရေဗျ၊ တူရကီ (အရှေ့အလယ်ပိုင်း)။ တောင်အာဖရိက (အာဖရိက)။ သြစတေးသျှ (ပစိဖိတ်) နဲ့ ရုရှား (အရင်ဆိုဗီယက်နိုင်ငံဟောင်း၊ ယူရိုအေးရှ၊ ပို့စ်ကွန်မြူနစ်၊ G-8 လက်ဟောင်း) ဆိုပြီးတွေ့ကြရမယ်။ အသစ် G-20 မှာ ခင်ဗျားသတိထားကြည့်ရင် ဒီမိုကရေစီအင်အားစုဟာလျှော့ကျမသွားသေးဘူး။ တရုတ်နဲ့ ဆော်ဒီပဲ (ရုရှားကအဟောင်းမို့ထဲ့မပြောတာ) ခုထိကို ဗြောင်ပဲဗျာ အာဏာရှင်ပုံစံအုပ်ချုပ်နေဆဲပဲ။

ကျန်နိုင်ငံတွေဟာ ဒီမိုကရေစီကိုအနဲနဲ့အများကျင့်သုံးနိုင်ကြတာချည်းပဲ။
G-20 ဟာ ကမ္ဘာ့လူဦးရေရဲ့ သုံးပုံနှစ်ပုံရှိတယ်။ ဒါပေမယ့်ခု ဥရောပနဲ့ဂျပန်မှာမွေးနှုန်းကျတယ်။ တက်မယ်ထင်ရတဲ့ အမေရိကန်နဲ့ကနေဒါမှာလည်းမတက်ဘူး။ ဒီအတိုင်းသွားရင် ၂၀၅၀မှာ G-20 ထဲက ပြည့်ဝဒီမိုကရေစီနိုင်ငံတွေရဲ့ စုစုပေါင်းလူဦးရေဟာ ကမ္ဘာရဲ့ရှစ်ပုံတပုံလောက်ပဲရှိတော့မယ်လို့ခန်းမှန်းကြတယ်။

တဆက်တည်းစီးပွားရေးကိုကြည့်တော့ G-20 ဟာ ကမ္ဘာ့ဂျီဒီပီရဲ့ ၈၈ရာနှုန်းရှိတယ်။ အရင် G-7 အဟောင်းနဲ့ အီးယူ၊ သြစတေးသျှ က အဲဒီ၈၈ထဲက ၆၆ရာနှုန်းလောက်ရှိတယ်။ တရုတ်က ၁၁ ရာနှုန်းလောက်ရှိပြီး ကျန်နိုင်ငံတွေက ၁၁ ရာနှုန်းလောက်ရှိတယ်။
ဆိုတော့ ပြည့်ဝဒီမိုကရေစီနိုင်ငံတွေဟာ ကမ္ဘာ့စီးပွားရေးရဲ့သုံးပုံနှစ်ပုံတော့ရှိနေဆဲပဲ။ ဒါပေမယ့် ၂၀၀၈ ဘဏာရေးအကျပ်အတည်းကာလမှာ ဈေးကွက်ထဲငွေတွေ ထိုးသွင်း တဲ့နည်း (stimulus package) နဲ့ကုစားရာမှာ ဒီနိုင်ငံတွေဟာဘတ်ဂျက်လိုငွေတွေအကြီး အကျယ်ပြနေကြပြီ်။ အကျိုးဆက်ကတော့ အမေရိကန်ရဲ့ အိုဘားမားဒီမိုကရက်အစိုးရဟာ ပြီးခဲ့တဲ့သြဂတ်နဲ့စက်တင်ဘာမှာ သူ့ချေးငွေကန့်သတ်ချက် (debt ceiling) ကို ထပ်မြှင့်ဖို့ လွှတ်တော်ထဲမဲခွဲတာနောက်ဆုံးအချိန်မှာနိုင်ခဲ့ပေမယ့် ကမ္ဘာကအမေရိကန်ရဲ့စီးပွားရေးအရ ဦးဆောင်နိုင်မှုကို မေးခွန်းထုတ်ခဲ့ကြတယ်။ အမေရိကန်ငွေကြေးခိုင်မာမှုနဲ့ပတ်သက်လို့အညွှန်းကိန်းဟာ အေသုံးလုံးကနေကျခဲ့တယ်။ သူ့ငွေကြေးဒေါ်လာဟာ လေလျှော့သွားတဲ့ပူပေါင်းလို ဝေ့လည်ဝေ့လည်နဲ့ တအိအိကျနေခဲ့တယ်။

ဥရောပကောသူလည်းဘာထူးသလဲ။ ဂရိပြဿနာရှင်းလို့မနိုင်သေးဘူး။ နောက်မှာ ပေါ်တူကီ၊ ပြီးတော့ အရင်G-7 ကအီတလီ တို့ဟာနိုင်ငံတွင်းစီးပွားရေးအတွက်အတော်ရုန်းကန်နေရတဲ့အချိန်တွေပါ။ ဟုတ်တယ် အမေရိကန် ဟာ ငွေကြေးဈေးကွက်ကိုလွှတ်ထားမိတဲ့ဒါဏ်ကိုခါးစီးခံနေရသလို၊ ဥရောပဟာ အချိန်မတိုင်ခင် ယူရိုငွေကြေးအထိုင်ချခဲ့မှုတွေ၊ (ယူရိုနိုင်ငံအားလုံးယူရိုငွေသုံးတာဟာ အဖွဲ့ဝင်တနိုင်ငံအကျပ်အတည်းဖြစ်ရင် ငွေကြေးပေါ်လစီကိုမပြင်နိုင်ဘူး။ ဘဏ်တိုးနှုန်းကို တနိုင်ငံချင်းစီမကစားနိုင်ကြတော့ဘူး။ ယူရိုဗဟိုဘဏ်ကထိမ်းလိုက်ပြီ။ ဒီတော့စီးပွားရေးကောင်းတဲ့ဂျာမနီ၊ ပြင်သစ်၊ စတဲ့နိုင်ငံတွေရဲ့အထောက်အပံ့ကို ပြဿနာတက်နေတဲ့နိုင်ငံတွေ ကမျှော်ရတော့တယ်။ ဒါပေမယ့်ချမ်းသာတဲ့နိုင်ငံတွေကလည်းပေးချင်တိုင်မပေးနိုင်ဘူး၊ သူ့ပြည်သူကရှိသေးတယ်။ ခင်ဗျားကအစိုးရကိုပေးတဲ့အခွန်နဲ့အစိုးရက တရုတ်ပြည်ကိုသွားအကူအညီပေးရင်ကြိုက်မလား။ ဒီသဘောပဲ။) ဥရောပဟာ ကြွေးမြီကိစ္စတွေ၊ လူမှုဖူလုံရေးစီမံချက်တွေနဲ့ ပိနေပြီ။ သူတို့ပြည်သူတွေဟာ ချိုးခြံချွေတာပါဆိုတာတွေ သိပ်လက်မခံနိုင်ကြဘူး။ ခုသုံးနေတာတွေဟာလူသားရဲ့မွေးရာပါအခွင့်အရေးတွေအတွက်လို့မြင်ထားကြပြီ။ ဒီခံစားခွင့်တွေကို အလျှော့အတင်းမလုပ်ချင်တော့ဘူး။ ချုပ်တော့ သူတို့လူဦးရေကျတဲ့နှုန်းကို ကျော်ပြီး ရှေ့နှစ်တွေမှာသူတို့စီးပွားရေးတွေ ကျတော့မှာမြင်သာနေပြီ။ ဒါဆိုကမ္ဘာ့စီးပွားရေးမှာ ဆရာကြီးတွေကဘယ်သူတွေ ဖြစ်လာမလဲဆိုတော့ အားလုံးက ထွန်းသစ်စဈေးကွက်ဒီမိုကရေစီနိုင်ငံတွေကိုစောင်းငဲ့ကြည့်လာကြရတယ်။ G-20 မှာ တကယ်တော့ တရုတ်ကအစွာဆုံး၊ ရုရှားနဲ့ဆော်ဒီက ရေနံနိုင်ငံရေးကိုဆက်ကစားလိမ့်မယ်။ ကျန်တဲ့နိုင်ငံတွေ ကကော။ ဒီမေးခွန်းရဲ့အဖြေဟာ ၂၁ရာစုကမ္ဘာကြီးရဲ့ဒီမိုကရေစီနဲ့ အာဏာပိုင်ဝါဒတွေရဲ့အားစမ်းပွဲရဲ့ အဖြေလည်းဖြစ်ပါလိမ့်မယ်။

တူရကီ။ သူကတော့ဒီမိုကရေစီပြောတယ်။ ဒါပေမယ့် နိုင်ငံရေးနဲ့ လူမှုလွတ်လပ်ခွင့်တွေတစိတ်တပိုင်းပဲ ရှိသေးတယ် လို့ဖရီးဒမ်းဟောက်စ်ကသတ်မှတ်တယ်။ ဘရာဇီး၊ အိန္ဒိယ၊ အင်ဒိုနီးရှား နဲ့တောင်အာဖရိက တို့ဟာ ပြည့်ဝဒီမိုကရေစီနိုင်ငံ တွေကို ပုံစံယူပြီးတည်ဆောက်နေတာ မဟုတ်ဘူး။ ကိုလိုနီနိုင်ငံဟောင်းတွေဖြစ်လို့ အရင်ကျွန်ပြုခဲ့သူနိုင်ငံကြီးတွေကို အခွင့်ရရင် တန်ပြန် လေ့ရှိတယ်။ ဘရာဇီးနဲ့ တူရကီဟာ အီရန်အစိုးရကိုအကာအကွယ်ပေးတာမေ့ထားလို့မရဘူး။ ဘရာဇီးဟာ ချေဗက်စ်နဲ့ကျူးဘားကိုလည်းနီးနီးကပ်ကပ်ဆက်ဆံတယ်။ တူရကီဟာ ဟားမားစ်တွေကိုထောက်ခံတယ်။ အိုစမာဘင်လာဒင်နဲ့တုန်းကလည်းဟိုလိုလိုဒီလိုလိုဆိုတာမျိုးရှိခဲ့တယ်။ တောင်အာဖရိက ကဇင်ဘာဘွေကိုကြည့်ခဲ့သလို။ အိန္ဒိယဟာ တရုတ်ဘက်နီးစပ်သွားမယ်ဆိုတဲ့အကြောင်းပြချက်နဲ့ မြန်မာ့ဒီမိုကရေစီရေးကိုပြောရလောက်အောင် အားမပေးတော့ဘူး။

စီးပွားရေးအရ၊ နိုင်ငံရေးအရ၊ နိုင်ငံတကာမှာကစားနေတဲ့နိုင်ငံခြားရေးပေါ်လစီတွေကို ကျနော်တို့အကြမ်းဖျင်းတော့ မြင်ပြီယူဆတယ်။ ၂၀၀၈ စီးပွားရေးအကျပ်အတည်းဟာ ၃နှစ်ပြည့်လို့ ခုလိုအချိန်မှာ စီးပွားရေးပြဿနာတွေဟာ အလုံးစုံကုစားနိုင်သေးတာမဟုတ်ပဲ ပြန်လည်လာနိုင်တဲ့ အခြေအနေတွေကိုစိုးရိမ်နေကြရပြီ။ ဒီရိုက်ခတ်ချက်ဟာ စီးပွားရေးပိတ်ဆို့မှုခံထားရတဲ့ကျနော်တို့ဆီကိုဘယ်လိုများသက်ရောက်မလဲ။ ဈေးကွက်ဖွင့်မယ်ဆိုဘယ်လိုဖွင့်မလဲ။ ဇုံပေါ်မူတည်ပြီးကစားမလား။ ကျနော်တို့ထားသင့်တဲ့နိုင်ငံခြားရေးပေါ်လစီဟာဘာဖြစ်သင့်သလဲ။ ခုအခြေအနေမှာအကောင်းဆုံး လုပ်နိုင်တာတွေဟာဘာရှိမလဲ။ ဘယ်လိုရေရှည်ရေတိုအစီအမံတွေထားဖို့လိုမလဲ။

အမျိုးသားပြန်လည်သင့်မြတ်ရေးဟာ စိတ်ကူယဉ်လား၊ လက်တွေ့နဲ့နီးစပ်လာပြီလား။ ဥပါယ်တံမျှင်တွေလား။ ဟုတ်တယ်ဆိုရင်ကောဘာတွေလုပ်ဖို့လိုမလဲဆိုတာ တရုတ်အကြောင်းနဲနဲပြောရင်းအဆုံးသတ်ကြရအောင်။

ဆက်ပါမည်
KZကေ

Tuesday, October 11, 2011

သုဝဏနှင့်ပါတ်သက်၍

္ကကိုတီတူး
သုဝဏ၅မှာခင်ဗျားကွန်မင့်တွေဖတ်ရတယ်။
ကျနော်ပြန်ရေးဖို့ရှိပါတယ်။ ကျနော်သုဝဏကို နံပါတ် ၇ မှာသိမ်းနိုင်မယ်ထင်တယ်။ ပြန်ရေးချင်တာတချို့လည်းနောက်ပို့စ်တွေထဲပါသွားမယ်ထင်တယ်။

ပြီးတော့သုဝဏဟာကျနော့်အတွက်ကျတော့ ဟိုး ၃လပိုင်းလောက်ကတည်းကရေးလာတဲ့
နိဒါန်း၊ ကြားခံကာလကုန်ဆုံးခြင်း၊ ကိုယ်ပိုင်အင်အား သီးခြားအဖွဲ့အစည်းများနှင့်မဟာဗျူဟာ၊ စီသုံးလုံးနဲ့မီးသုံးထောင့်ဆိုတာတွေနဲ့လည်းဆက်စပ်နေပါတယ်။

ကျနော့်အတွေးထဲမှာတော့ ဒါတွေဟာလုံးဟာဆက်စပ်နေတာပါ။
တခုရှိတာက ကျနော်ရေးနေတဲ့အချိန်အတွင်းမှာမြန်မာနိုင်ငံရေးဟာပြောင်းနေတယ်။ ကျနော်ရေးတဲ့အချိန်ကြာတော့ စာရေးပုံလေယူလေသိမ်းတွေကရေးချိန်မုဒ်ပေါ်မူတည်ပြီးပြောင်းသလို ဇောင်းပေးရေးချင်တာတွေကလည်းအခြေအနေတွေအရပြောင်းနေပါတယ်။

ဒါပေမယ့် ကျနော်ယုံကြည်ထားတဲ့ မြန်မာနိုင်ငံရေးပြန်ကောင်းလာဖို့နဲ့ နိုင်ငံပြန်လည်ထူထောင်ရေးအတွက်သွားရမဲ့နည်းနာတွေကတော့မပြောင်းလဲသလောက်ရှိနေပါတယ်။
နောက်ဆုံးပို့စ်မှာအဲဒီအချက်ကိုပီပြင်အောင်အားထုတ်ပြီးရေးသွားနိုင်မယ်မျှော်လင့်မိတယ်။
လောလောဆည် ခင်ဗျားရေးတဲ့ ကွန်မင့်တွေကိုကျနော်လက်ခံခြင်း၊ ငြင်းဆန်ခြင်းထက်စာရင် ခုလိုအပြုသဘော စံနစ်တကျပြန်လည်ဆွေးနွေးလာတာဟာ ကျနော့်အတွက်တော့အားတခုပါ။

အခြားကြုံလို့ပဲဖြစ်စေ၊ တမင်ပဲဖြစ်စေ ဒီပို့စ်တွေကို ဖတ်နေသူတွေလည်းခုလိုရေးလာမယ်ဆိုကျနော့်မှာဆင်ခြင်နိုင်စရာ၊ ပြန်လည်ဆွေးနွေးစရာတွေရှိလာလိမ့်မယ်လို့လည်းယုံကြည်ပါတယ်။

ကျေးဇူးတင်ပါတယ်ဗျာ။

ခင်မင်လျှက်
KZကေ

Friday, October 7, 2011

သုဝဏအမြန်ရထား (၅)

ကိုတီတူး
တကယ်စီစစ်ပြီးပြောရမယ်ဆိုရင် အခုမြန်မာပြည်ကိုအုပ်ချုပ်နေတဲ့ အစိုးရကို အာဏာရှင်အစိုးရလို့ ယတိပြတ် ခေါ်လို့တော့မရတော့ဘူးပေါ့။ ဒီပုံစံမျိုးကို ယှဉ်ပြိုင်ခံအာဏာပိုင်ဝါဒ (Competitive Authoritarianism) လို့ နိုင်ငံရေးသိပ္ပံပညာရှင်အများစု ကသတ်မှတ်ကြတယ်။ အခေါ်အဝေါ်တွေကတော့သိပ်အရေးမကြီးလှပါဘူးလေ။ အရေးကြီးတာက ဒီအခေါ်အဝေါ်နဲ့ ဒီပုံစံအစိုးရတွေဘယ်လို ပေါ်လာတာလဲဆိုတာပဲ။ Competitive Authoritarianism ဟာ စစ်အေးပြီးသွားလို့ ပေါ်လာတာပါ။
စစ်အေးရဲ့ အိုင်ဒီယော်လော်ဂျီ တိုက်ပွဲအပြီး ဆိုဗီယက် ပြည်ထောင်စုရဲ့ ကွန်မြူနစ်စံနစ်ဟာ အမေရိကန်ခေါင်းဆောင်တဲ့ အနောက်အုပ်စုရဲ့ လစ်ဘရယ်ဒီမိုကရေစီကိုအရှုံးပေးခဲ့ရတယ်။ ဒီမှာကမ္ဘာပေါ်မှာ ဒီမိုကရေစီ စံနစ်ကိုပဲလိုက်ကြရဖို့ ဖြစ်လာတယ်။ ဒီမိုကရေစီဟာ တခုတည်းသောစံသဘောသက်ဝင်လာခဲ့တယ်။ အနောက်မှာလည်းကွန်မြူနစ်ကို နှိမ်နှင်းဖို့ မလိုတော့ ဒီမိုကရေစီကို ပိုပြီးပရိုမိုးရှင်းလုပ်လာကြတယ်။ ဇန်းတင်လာကြတယ်။ နောက်တခါ လူတွေပိုကူးသန်း သွားလာနိုင်ကြတယ်။ သတင်းမီဒီယာ အစွမ်းထက်လာတယ်။ အင်တာနက်လိုအဆင့်မြင့်နည်းပညာတွေပေါ်လာတယ်။ ဒီမှာ မတရားမှုတွေ၊ လူ့အခွင့်အရေးချိုးဖောက်မှုတွေဟာ အရင်ခေတ်တွေကလိုဖုံးအုပ်ထားလို့မရတော့ဘူး။ သတင်းတွေဟာ မြန်ပြီး မြင်သာလာတယ်။ ဒါကြောင့်မို့ ကမ္ဘာပေါ်မှာရှိတဲ့ အာဏာရှင်အစိုးရတွေဟာ အနေအစား မချောင်ကြတော့ဘူး။ အာဏာရှင်တွေဟာ ပြောင်းတော့မယ်ဆိုတော့ ဘယ်လိုသက်သာအောင် ပြောင်းရမလဲလို့ ချိန်လာကြတယ်။
ကျနော်တို့ ပိုမြင်သာအောင် စစ်အေးရှေ့ကို နဲနဲမျှော်ကြည့်လိုက်ကြရအောင်။ ဒုတိယကမ္ဘာစစ်က ၁၉၄၅မှာပြီးတယ်။ နိုင်ငံတွေဟာ စာချုပ်တွေနဲ့ အပျက်အစီးတွေနဲ့ စစ်ပြီးခေတ်ကို ပြန်လည်ထူထောင်လာကြရတယ်။ အနုပညာသည်တွေရဲ့ အတွေးအခေါ်တွေ ခံစားချက်တွေကို ရိုက်ခတ်ခဲ့တယ်။ ပေါ်လစီသမားတွေ နိုင်ငံရေးသမားတွေဟာ ၆၀ နဲ့ ၇၀ ခုနှစ်တွေမှာ ခေတ်မှီရေး၊ကိုဦးတည်လာတယ်။ နီယို မာ့က်စ်တွေပေါ်လာတယ်။ နိုင်ငံထူထောင်ရေးမှာ အစဉ်အလာ အခံအတိုင်း ရှိတဲ့ သမိုင်းနဲ့ယဉ်ကျေးမှုကို အခြေခံစဉ်းစားလာကြတယ်။ ၈၀နောက်ပိုင်းရောက်တော့ လက်တင်အမေရိကနဲ့ ဆပ်ဆာဟာရအာဖရိကနိုင်ငံတွေ၊ ပို့စ်ကွန်မြူနစ်နိုင်ငံတွေမှာ ဒီမိုကရေစီရေးတွေပေါ်လာခဲ့တယ်။ အဓိက ကမ္ဘာ့ချမ်းသာတဲ့ နိုင်ငံကြီးတွေက အထောက်အပံ့မရတော့လို့ကော ကျောထောက်နောက်ခံမပေးတော့လုိ့ကော အာဏာရှင်တွေဟာ ပြိုကွဲခဲ့ရတယ်။ ဒီပုစ္ဆာမှာ ပထမလှုပ်ခတ်ခါစမသဲကွဲပေမယ့် အနယ်ထိုင်လို့ အချိန်တခုမှာကြည့်လိုက်တော့ ခိုင်မာမှုမရှိတဲ့ ဒီမိုကရေစီနိုင်ငံတွေကိုအဖြေအဖြစ်တွေ့လိုက်ကြရတယ်။ ဒီတော့ ကျနော်တို့နားလည်ထားရမှာက ဒီမိုကရေစီဆိုတာ အာဏာရှင်တွေကျဆုံးသွားတိုင်းသူ့အလိုလိုဖြစ်လာ ရလာတာမဟုတ်ဘူးဆိုတာပါပဲ။
ရှေ့က ကျနော်ပြောထားတာနဲ့ ဆက်ကြည့်လိုက်တော့ အဏာရှင်တွေကျဆုံးသွားပေမယ့် အာဏာပိုင်ဝါဒဟာ ပုံစံတမျိုးနဲ့ပြန်လည်လာတယ်။ Competitive Authoritarianism လို့ခေါ်လာကြတယ်။ ဒါမြန်မာတနိုင်ငံတည်းဖြစ်လာတာမဟုတ်ဘူး။ ကမ္ဘာ့သမိုင်းကြောင်းနဲ့ဆက်စပ်နေတာပါ။ စစ်အေးပြီးလို့ ဘာလင်တံတိုင်းပြိုလို့ ၆နှစ်အတွင်း ၁၉၉၅မှာ ယှဉ်ပြိုင်ခံအာဏာပိုင်ဝါဒဟာ နိုင်ငံ ၃၆နိုင်ငံမှာပေါ်လာတယ်။ နိုင်ငံရေးသိပ္ပံပညာရှင်တွေဟာ သူတို့ဒီနိုင်ငံတွေကို ဒေသအလိုက်၊ ယဉ်ကျေးမှုအလိုက်၊ သမိုင်းကြောင်းအလိုက် ခွဲလို့တမျိုး၊ ပေါင်းပြီးတခါပေ့ါဗျာ သူတို့ တွေးကြအဖြေရှာကြတယ်။ တချို့ဒီမိုကရေစီဖြစ်ပေမယ့် တချို့ဘာလို့ဒီမိုကရေစီ ဖြစ်မသွားတာလဲစဉ်းစားခန်းဝင်ကြတယ်။
ဒီမှာ ဒီမိုကရေစီကိုသွားနေတဲ့နိုင်ငံတွေရဲ့ အတွင်းနဲ့အပြင်အပိုင်းနှစ်ပိုင်းခွဲပြီးလေ့လာကြတယ်။ အဓိကအနေနဲ့ အတွင်းဆိုတာ သက်ဆိုင်ရာနိုင်ငံတွေရဲ့ ဖွဲ့စည်းပုံအခြေခံဥပဒေ (Constitution)၊ Institution (အသင်းအပင်း အဖွဲ့အစည်း) တွေနဲ့ ခေါင်းဆောင်မှုအခန်း (Leadership) တွေကို ပြန်လေ့လာကြတယ်။ အပြင်ဆိုတာမှာ အနောက်နဲ့နီးစပ်မှု၊ တွန်းအား (West linkage and West leverage) တွေကို ယှဉ်ကြည့်ကြတယ်။
အနောက်နဲ့နီးစပ်မှုဆိုတာက အနောက်နဲ့ စီးပွားဖက်၊ သံတမန်အဆက်အသွယ်၊ နည်းပညာအဆက်အစပ်၊ လူမှုရေး (ရွေ့ပြောင်းနေထိုင်၊ခရီးသွား)၊ အရပ်ဘက်လူ့အဖွဲ့အစည်းများဆက်နွယ်မှု တွေကြားက ထိတွေ့မှုတွေကိုဆိုတာပါ။ ဒီနီးစပ်မှုနဲတဲ့အခါ နိုင်ငံတကာနဲ့အဆက်အစပ်ကနဲသွားတယ်။ တိုင်းပြည်တပြည်မှာ နိုင်ငံသားတွေဟာ လူမသိသူမသိ ဖိနှိပ်ခံနေရမယ်။ အစိုးရတရပ်ရဲ့အာဏာအလွဲသုံးစားလုပ်မှုတွေဟာ နိုင်ငံတကာမှာမမြင်သာဘူး။ နိုင်ငံတကာအဖွဲ့အစည်းတွေ၊ အင်ဂျီအို၊ ဘဏ် စတာတွေနဲ့ကျယ်ကျယ် ပြန့်ပြန့်ချိတ်မိထားတာဟာ အာဏာပိုင်အစိုးရတရပ် ကိုထင်ရာမလုပ်ရဲအောင်ဖိအားပေးထားတာမျိုးပဲ။ ပြည်သူတွေနိုင်ငံတကာအသိအမြင်တွေပိုရစေတယ်။ နောက်ဆုံးမတော့ အစိုးရထဲကပြန်လည် ပြင်ဆင်ရေးသမားတွေကို စိတ်ဓတ်ပိုင်းဆိုင်ရာအားပေးရာရောက်စေတယ်။
တွန်းအားဆိုတာကတော့ အကူအညီပေးတာတွေရပ်လိုက်တာ၊ စီးပွားရေးပိတ်ဆုိ့တာ၊ စစ်ရေးအရ၀င်ရောက်အကူအညီ ပေးတာတွေကိုဆိုလိုပါတယ်။ ဒီဖိအားတွေဟာ ဟေတီ၊ပနားမားနဲ့ ဆာဘီးယားမှာ အာဏာရှင်တွေကိုဖြုတ်ချခဲ့တယ်။ ကင်ညာ၊ မာလာဝီနဲ့ နီဂါဂွာရာမှာ အာဏာရှင်တွေဟာဒီမိုကရေစီလမ်းကြောင်းကိုဖော်ဆောင်ပေးခဲ့ရတယ်။ အီကွေဒေါ၊ ဂွာတီမာလာနဲ့ ပါရာဂွေးမှာ စစ်တပ်အာဏာသိမ်းမှုတွေကိုရှောင်နိုင်ခဲ့တယ်။ ဒိုမီနီကန်ရီပတ်ဘလစ်နဲ့ ယူကရိန်းမှာ ရွေးကောက်ပွဲမသမာမှုတွေကိုပြန်စီစစ်နိုင်ခဲ့တယ်။
ဒါပေမယ့် နိုင်ငံတကာဖိအားတခုတည်းနဲ့အလုပ်မဖြစ်တဲ့အကြောင်းတွေ ရှိပါတယ်။ ဖိအားပေးခံရတဲ့ နိုင်ငံတနိုင်ငံချင်းစီရဲ့ အင်အားနဲ့ ခံနိုင်ရည်တွေမှာမူတည်ပြီး ထိရောက်မှုကွာပါတယ်။ ပြီးတော့ အနောက်အင်အားကြီးနိုင်ငံတွေရဲ့နိုင်ငံခြားရေး ပေါ်လစီ တွေနဲ့လည်းဆိုင်တာတွေ့ရပါမယ်။ အမေရိကန်က ဆော်ဒီနဲ့ အီဂျစ်ကိုသိပ်မထိချင်ဘူး။ ရုရုားက အာမေးနီးယား၊ ဘီလာရုစ်နဲ့ ယူကရိန်းကိုကာထားတယ်။ ပြင်သစ်ကျတော့ ကင်မရွန်း၊ ဂါဘွန်၊ အိုင်ဗရီကို့စ် ကို သူ့သြဇာအောက်ပဲ ဒီအတိုင်းဆက်ရှိချင်တယ်။ တောင်အာဖရိက က ဇင်ဘာဘွေက နာမည်ကြီး အာဏာရှင် မူဂါဘီကို အကူအညီပေးတယ်။
ကျနော်တို့ဆီမှာ နိုင်ငံတကာ ဆိုကြပါစို့ အနောက်နဲ့ နီးစပ်မှုနဲခဲ့သလို၊ အနောက်ကပေးတဲ့ဖိအားဟာလည်းမှန်မှန်ကန်ကန် မရခဲ့ဘူး။ ဒါ့အပြင် မြန်မာ အာဏာရှင်အစိုးရကိုတရုတ်က ဗီတိုနဲ့ အမြဲစောင့်ရှောက်ခဲ့တယ်။ ကောင်းပြီ ဒီတော့ ပြည်တွင်းကို ၀င်ကြည့်ကြမယ်။ မထမဆုံးနိုင်ငံတကာမှာ နိုင်ငံတချို့ရဲ့ ပြည်တွင်းရေးမှာ အစိုးရနဲ့ အတိုက်အခံအင်အားစု တွေကို ယှဉ်ထိုးကြည့်ကြရအောင်။ ဂျော်ဂျီယာမှာ ရဲတွေကို လစာ၃လမပေးနိုင်ဘူး။ သမ္မတရှီဗာနာဇေဟာ အရင် ဆိုဗီယက် နိုင်ငံခြားရေးဝန်ကြီးဖြစ်ခဲ့တယ်ဆိုပေမယ့် ဆန္ဒပြပွဲကိုဘယ်လိုတားနိုင်တော့မလဲ။ ကာဇက်စတန်မှာ လူငါးသောင်းလောက်ဆန္ဒပြတာ အစိုးရပြုတ်သွားတယ်။ ဟေတီမှာသူပုန်လက်နက်ကိုင်အင်အားက ၂၀၀လောက်ရှိတယ်။ ချီတက်လာပြီဆိုရုံရှိသေးတယ် ရဲတွေကယူနီဖောင်းချွတ်လဲနေကြပြီ။
ဒီလိုအားနဲတဲ့အစိုးရမျိုးရှိသလို ထစ်ကနဲဆို အူကြောင်ကြား လာမလုပ်နဲ့ဆိုတဲ့ အစိုးရတွေလည်းရှိနေတယ်။ အဇာဘိုင်ဂျန်နဲ့စစ်နိုင်ပြီးခါစ အာမေးနီးယားစစ်တပ်ဟာ ၉၆ ရွေးကောက်ပွဲကို ဆန္ဒပြတဲ့ လူတသိန်းကျော်ကို မိုးပေါ်ထောင်မပစ်ခဲ့ဘူး။ ဇင်ဘာဘွေမှာ ၂၀၀၀ ရွေးကောက်ပွဲမသမာမှုကို ဆန္ဒပြဖို့ကြိုးစားတဲ့ အစီအစဉ်ကို လှို့ဝှက်ရဲအဖွဲ့က လက်ဦးမှုယူပြီး ရက်ရက်စက်စက်နှိမ်နှင်းခဲ့တယ်။ ၉၈ က မလေးမှာ အတိုက်အခံခေါင်းဆောင် အန်နာအီဘရာဟမ်ကိုဖမ်းတော့ မြင့်တက်လာတဲ့လူထုဒီရေကို ရဲကစံနစ်တကျနဲ့ပြတ်ပြတ်သားသား နှိပ်ကွပ်ခဲ့တယ်။ ဆာဘီးယားမှာ နာမည်ကြီးမီလိုစီဗစ်ဟာ ပြည်သူကို လေးကြိမ်တိတိစစ်တပ်နဲ့ဖြိုခွင်းခဲ့တယ်။ နောက်ဆုံးစီးပွားရေး ကျလွန်းပြီး အုပ်ချုပ်ရေးပါဝါကို ထိန်းမထားနိုင်လွန်းလို့သာပြုတ်ကျသွားခဲ့တာ။
ကဲ ဟန်တင်တန် ပဲကိုးကားရဦးတော့မှာပဲ။ သူတခါပြောခဲ့တာရှိတယ်ဗျ။ အဖွဲ့အစည်းဆိုတာ နိုင်ငံရေးတည်ငြိမ်မှုရဲ့ အုတ်မြစ်ပဲ တဲ့။ အဖွဲ့အစည်းမှာ အဓိကလေ့လာစရာ ၂ မျိုးပဲရှိတယ်။ အစိုးရနဲ့ ပါတီအဖွဲ့အစည်းတွေပဲ။ ယှဉ်ပြိုင်ခံ အာဏာပိုင်အစိုးရ တခုဖြစ်ဖို့ဆိုတာကလည်းအလွယ်လေးမှတ်လို့လား။ အတိုက်အခံအင်အားစုကိုအမြဲ လေ့လာနေရတယ်။ ဘယ်သူ့ကိုထဲ့ထားပြီး ဘယ်သူ့ကိုလှန်ထားရမလဲသိရတယ်။ အတွင်းစည်းထဲမှာလည်းကိုယ့်ကို သစ္စာခံ ဘယ်သူမြဲမလဲတွက်ဆရတယ်။ ဘယ်သူ့ကိုရှင်းထုတ်ရမလဲ တိကျရတယ်။ တချိန်တည်းမှာ နိုင်ငံရေးပါတီတွေ၊ မီဒီယာ နဲ့အစိုးရမဟုတ်တဲ့အဖွဲ့အစည်းတွေ။ ပြီးတော့ ရွေးကောက်ပွဲ၊ တရားဥပဒေပြုအဖွဲ့၊ တရားရုံး စတဲ့အဖွဲ့အစည်တွေ အားလုံးကိုကိုယ်သဘောကျလည်ပတ်စေတဲ့ အဖွဲ့အစည်းတခုရဲ့ရုပ်ပိုင်းတည်ဆောက်ပုံကို ချိန်ဆရတယ်။ အားကောင်းတဲ့အစိုးရနဲ့ပါတီဟာ အတိုက်အခံတွေရဲ့ ပြင်းထန်တဲ့စိန်ခေါ်မှု တွေကို ထိမ်းထားနိုင်တယ်ဆိုတာ သဘောပေါက် ထားဖို့လိုပါတယ်။ ယှဉ်ပြိုင်ခံအစိုးရမှာ သူ့ပါတီဟာလည်းအရမ်းအခရာကျလာတယ်။ အာဏာရှင်သက်သက် မဟုတ်လေတော့ ဒီမိုကရက်တစ်အဖွဲ့အစည်းနဲ့လုပ်ထုံးလုပ်နည်းတွေကိုကျင့်သုံးပြရတယ်။ ရွေးကောက်ပွဲတွေဟာ အစိုးရကိုအမြဲခက်ခဲစေတယ်။ ကိုယ့်ပါတီအားကောင်းမှမဲဆွယ်တာ၊ မဲဝယ်တာ၊ စည်းရုံးတာ၊ ကမ်းပိန်းလုပ်တာတွေလုပ်နိုင်မယ်။ ရွေးကောက်ပွဲနိုင်ရုံနဲ့မပြီး လွှတ်တော်ထဲလဲလွှမ်းမိုးထားနိုင်ဖို့လိုတယ်။ ဒါမှဥပဒေပြုအဖွဲ့ ကိုကိုင်ထားနိုင်မယ်။ ယှဉ်ပြိုင်ခံအာဏာပိုင်အစိုးရတရပ်ဟာ ပါတီအင်အားတောင့်ဖို့ အင်အားသုံးအနိုင်ယူဖို့၊ ဒါမှမဟုတ် စီးပွားရေးအထိုက်အလျှောက်ပွင့်လန်းလာမှုစတာတွေနဲ့ သူ့အာဏာကိုထိမ်းဖို့ကြုိးစားလေ့ရှိတယ်။
အတိုက်အခံတွေဘက်ကိုကြည့်ရင် သူတို့ရဲ့အားကောင်းမှုဟာာအတိုက်အခံအင်အားစုခြင်းညီညွတ်ဖို့၊ သူတို့အဖွဲ့အစည်းရဲ့ တွေရဲ့လှုပ်ရှားနိုင်ခွင့် ကောင်းဖို့၊ (Political mobilization) ဆန္ဒပြုထုတ်ဖော်ခွင့်တွေရဖို့၊ (Protests) အရပ်ဖွဲ့လူ့အဖွဲ့အစည်း (Civil Society) တွေအားကောင်းဖို့ ဆိုတာတွေမှာတည်ပါတယ်။ အတိုက်အခံအင်အားစုဟာဒီအချက်တွေရဲ့အားကိုလုံးဝလျှော့မတွက်ထားဖို့လိုပါတယ်။ အမျိုးသားပြန်လည်သင့်မြတ်ရေးခေါင်းစဉ်အောက်မှာပဲ အပေါ်ကအချက်သုံးချက်ကိုပါးနပ်စွာပေါင်းစပ် ပေးတတ်ဖို့လိုပါတယ်။
ခုပြီးခဲ့သမျှ ဒီမိုကရေစီရေးအတွေ့အကြုံတွေကို သေချာပြန်စမ်းစစ်နိုင်ဖို့လိုပါတယ်။ စစ်ပွဲတွေ ဆန္ဒပြမှုတွေ အကြမ်းဖက်နှိမ်နှင်းမှုတွေရှိခဲ့တဲ့ အာဏာရှင်အစိုးရတွေရဲ့ ဖိနှိပ်မှုအမွေတွေဟာ ယှဉ်ပြိုင်ခံအာဏာပိုင်အစိုးရ တွေဆီကို ရောက်တတ်လေ့ရှိပါတယ်။ ဧရာဝတီလှုပ်ရှားမှုကနေထွက်ပေါ်လာတဲ့ လက်ရှိသမ္မတ ရဲ့ပြည်သူ့ဆန္ဒကိုလှိုက်လျှောခဲ့တာ၊ အတိုက်အခံနဲ့ညှိနှိုင်းဆွေးနွေးဖို့လက်ကမ်းခဲ့တာတွေဟာ ဖြစ်လေ့ဖြစ်ထရှိတာမျိုးတော့မဟုတ်ပါဘူး။ အားပေးသင့်ကြိုဆိုသင့်တာမျိုးပဲဖြစ်ပါတယ်။ နိုင်ငံဘေးကပ်နေတဲ့ အင်အားကြီးတရုတ်နိုင်ငံကို ထိန်းညှိဖို့ လက်ရှိအစိုးရရဲ့ အမေရိကန်နဲ့နီးစပ်ဖို့ကြိုးစားမှုဟာလည်း အနောက်နီးစပ်မှုနဲ့တွန်းအားကိုသွယ်ဝိုက်အားကောင်းလာစေ မှာလည်းဖြစ်ပါတယ်။ အကျဉ်းသားလွတ်မြောက်ရေး၊ တနိုင်ငံလုံးအတိုင်းအတာနဲ့ပါတီတရားဝင်လှုပ်ရှားခွင့်ရရေး၊ ဟာအတိုက်အခံကိုအင်အားဖြည့်တင်းရာရောက်သလို၊ စီးပွားရေးပိတ်ဆို့မှုတွေကို ဖြေရှင်းတာတွေဟာလည်း မလုပ်မဖြစ်လုပ်ကြရမှာပါ။
တချိန်တည်းမှာ ဒီမိုကရေစီတတိယလှိုင်းစီးခဲ့တဲ့နိုင်ငံတွေရဲ့ ကြားခံကာလ (transition period) နဲ့ ပေါင်းစည်းကာလ (Consolidation period) ကိုသတိမထားမိသူတွေဟာ ခုစတုထ္ထလှိုင်းလို့တချို့ခေါ်လာကြတဲ့ အာရပ်နွေဦးကို အသေအချာလေ့လာရင် ဘယ်လိုအခက်အခဲတွေဖြစ်လာဖို့ရှိသေးလည်းဆိုတာမြင်လာမှာပါ။
ကမ္ဘာ့နိုင်ငံရေးလက်ရှိမြင်ကွင်းကျယ်အာရပ်နွေဦးကနေမြန်မာနိုင်ငံရေးလက်တွေ့အနေအထားကိုခင်ဗျားချင့်ချိန် နိုင်ပြီဆို နောက်ထပ် ကမ္ဘာပေါ်လတ်တလောတမြေ့မြေ့လောင်ကျွမ်းနေတဲ့အခြေအနေတခုကို နောက်တပတ်မှာ ချိန်ဆကြည့်ရအောင်။ ကျနော်တို့ဆီဘယ်လိုရိုက်ခတ်မှုရှိလာမလဲဆိုတာ။
ဆက်ပါမည်
KZကေ
Ref. Elections without Democracy; The rise of competitive authoritarianism by Steven Levitsky and Lucan A. Way ။ April 2002