Tuesday, August 30, 2011

သုဝဏအမြန်ရထား - ၄

ကိုတီတူး

ကမ္ဘာ့နိုင်ငံတွေမှာ အာဏာရှင်အစိုးရတွေအမျိုးမျိုးရှိတယ်။ တပါတီအာဏာရှင်၊ ကွန်မြူနစ်အာဏာရှင်၊ စစ်အာဏာရှင်စသည်ဖြင့်ပေါ့။ အာဏာရှင်စံနစ်တွေမှာ ပုံစံတွေကွဲနေပေမယ့် တူညီတာတခုတော့ရှိတယ်။ အဲဒါဟာ အာဏာရှင်နိုင်ငံတွေမှာ စစ်ဘက်အရပ်ဘက်ဆက်ဆံရေးဟာ အားနဲချက်တွေ၊ ပြန်တဲ့မတ်ရမှာတွေ အများကြီး ရှိနေသေးတာပဲ။ စက်မှုထွန်းကားပြီးဒီမိုကရေစီတိုင်းပြည်တွေမှာရှိတဲ့ စစ်ဘက်အရပ်ဘက် ဆက်ဆံရေးမျိုးနဲ့ တော်တော်လည်းကွာခြားနေပါတယ်။

Objective Civilian Control လို့ ဟန်တင်တန် ပြောခဲ့တာတခုရှိတယ်။ OCC မှာပါတာတွေက ၁) တပ်မတော် ခေါင်းဆောင်တွေ အရာရှိတွေဟာ သူ့တို့ အသက်မွေးဝမ်းကြောင်းလုပ်ငန်းမှာအရည်အသွေးမြင့်ဖို့၊ ကိုယ့်ပရော်ဖက်ရှင်ရဲ့ ပြင်ပ အခြားနယ်ပယ်မှာရှိတဲ့ ကိုယ့် ကျွမ်းကျင်မှုရဲ့အကန့်အသတ်တွေကိုနားလည်ဖို့ ၂) စစ်တပ်ကို နိုင်ငံခြားရေးနဲ့ စစ်ရေးပေါ်လစီတွေကိုအဆုံးအဖြတ်ပေးမယ့် အရပ်သားနိုင်ငံရေးခေါင်းဆောင်တွေ အောက်မှာထားဖို့၊ ၃) ကိုယ့်အသက်မွေးမှုနယ်ပယ်မှာပဲခေါင်းဆောင်မှုပေးတာကိုအသိအမှတ်ပြု လက်ခံနိုင်ဖို့၊ ၄) နိုင်ငံရေးထဲ စစ်တပ်စွက်ဖက်မှုနဲ့ စစ်တပ်ထဲနိုင်ငံရေးစွက်ဖက်မှုကိုတတ်နိုင်သမျှနဲအောင်ဖြစ်စေဖို့ ဆိုတဲ့ ၄ ချက် ဖြစ်တယ်။ တခွန်းထဲပြတ်အောင်ပြောဗျာ ဆိုရင်တော့ ကိုယ့်အလုပ်ကိုယ် ကောင်းအောင် လုပ်ကြဖို့ပဲ။
စစ်အာဏာရှင်စံနစ်မှာတော့ စစ်တပ်ဟာနေရာတိုင်းကိုထိန်းချုပ်ထားတယ်။ ကွန်မြူနစ်တို့ တပါတီအာဏာရှင်စံနစ်တို့မှာ စစ်တပ်ဟာ ပါတီရဲ့ကိရိယာတန်ဆာပလာ တခုပဲ။ ပါတီက စစ်တပ်ကြားခံပြီး အားလုံးကိုချယ်လှယ်တယ်။ အားလုံးဟာ ပါတီကိုပဲ သစ္စာခံပြီး နိုင်ငံကိုပစ်ပယ်ထားကြတာပဲ။ ပြောမယ်ဆို ဘယ်အာဏာရှင်စံနစ်မဆို စစ်တပ်ကိုအသုံးချပြီးတိုင်းပြည်ကို ဂုပ်သွေးစုပ်တာပဲ။

ဒါကတော့ဟုတ်ပါပြီ။ ကျုပ်ကပြဿနာမရှိဘူး။ စစ်တပ်ခေါင်းဆောင်တွေကကော OCC ကိုလက်ခံနိုင်ပါ့မလား လို့ခင်ဗျားမေးလာရင် ဂျိုးဇက်အက်နိုင်း(အငယ်) ပြောတဲ့လစ်ဘရယ်အစဉ်အလာ (Liberal Tradition) ကို ထပ်ပြောကြည့်ချင်တယ်။ သူပြောတာမှာ စစ်တပ်က ၁) ဥပဒေနဲ့အညီဖြစ်ဖို့ကိုတာဝန်ယူရမယ်၊ အရပ်သားအစိုးရရဲ့အာဏာနဲ့ လုပ်ပိုင်ခွင့် ကိုလေးစားရမယ် ၂) လက်နက်ကိုင်အဖွဲ့အစည်းတွေဟာ ပါတီနိုင်ငံရေးနဲ့ မပတ်သက်ရဘူး၊ ပါတီနိုင်ငံရေးအထက်မှာရှိမယ်။ (Arm forces are nonpartisan and remain above politics)
အရပ်သားနိုင်ငံရေးသမားဘက်ကျတော့ ၁) စစ်တပ်ဟာဒီမိုကရက်တစ်နိုင်ငံတနိုင်ငံရဲ့ တရားဝင် အရေးပါတဲ့ အဖွဲ့အစည်းအဖြစ်အသိအမှတ်ပြုရမယ်။ ၂) စစ်တပ်ရဲ့ အရည်အသွေး၊ တာဝန်နဲ့မစ်ရှင်ကိုမှန်မှန်ကန်ကန် မြှင့်တင်ပေးနိုင်ရမယ်။ ၃) နိုင်ငံကာကွယ်ရေးနဲ့ဆိုင်တဲ့ ကိစ္စရေးရာတွေနဲ့ စစ်တပ်ရဲ့ယဉ်ကျေးမှုကို နားလည် သဘောပေါက်အောင် ဆည်းပူးထားဖို့လိုတယ်။

OCC ထက်စာရင် LT ဟာပျော့ပြောင်းပြီး စစ်ဘက်၊ အရပ်ဘက် နှစ်ဘက်စလုံးကိုတည့်မတ်ထားတာဖြစ်တယ်။ အမေရိကန် မှာတော့ IMET (International Military Education and Training) ဆိုတာရှိတယ်။ သမ္မတ ကလင်တန် နိုင်ငံခြားရေးပေါ်လစီထဲက အရေးကြီးတဲ့တခုဟာ ကမ္ဘာ့နိုင်ငံတွေမှာလစ်ဘရယ်အစဉ်အလာတွေနဲ့ ရင်းနှီးကျင့်သုံးလာနိုင်ဖို့ပဲ။ ဒီသင်တန်း ကလစ်ဘရယ်အစဉ်အလာ ကိုနားလည်ဖို့ လက်ခံဖို့ ကလင်တန်ရဲ့ နိုင်ငံခြားရေး ပေါ်လစီကိုအကောင်အထည်ဖော်ဖို့ နိုင်ငံတကာမှာရှိတဲ့ စစ်တပ် ခေါင်းဆောင်ပိုင်းတွေ၊ အရာရှိတွေကို ပေးတဲ့ သင်တန်းဖြစ်တယ်။ IMET ဟာ စည်းမျဉ်းစည်းကမ်းပိုင်းတွေ ပိုတိုးတက်လာအောင်၊ တိုက်ခိုက်ရေးစွမ်းရည်တွေမြင့်မားလာအောင်တွေမှာတင်မကဘူး စစ်ဘက်အရာရှိတွေကို ဒီမိုကရေစီ ကူးပြောင်းရေး ကာလအတွက်အကျိုးကျေးဇူးတွေကိုပါသင်ကြားပေးတယ်။

ပြီးတော့ EIMET (Expended IMET) ဆိုတဲ့သင်တန်းတခုပါရှိနေသေးတယ်။ EMIT ရဲ့အဓိကရည်ရွယ်ချက်က စစ်ဘက်အရပ်ဘက်ဆက်ဆံရေး၊ စစ်ဘက်အရာရှိတွေအတွက် စီမံခန့်ခွဲမှုစွမ်းရည်၊ စစ်တပ်တရားစီရင်ရေး၊ အမူအကျင့်၊ လူ့အခွင့်အရေးစတာတွေကိုပါ သင်ကြားပေးပါတယ်။

IMET သင်တန်းဆင်းဖြစ်တဲ့ အယ်ဘေးရီးယား ကြည်းတပ်စစ်ဦးစီးချုပ်ဟာ သူ့နိုင်ငံပြန်ရောက်တော့ သူ့ကိုယ်ပိုင် အမေရိကန်ပုံစံ သင်တန်းတခုကိုတီထွင်ပြီး သူ့အရာရှိတွေကိုပို့ချရာမှာ အယ်ဘေးနီးယားရဲ့ စစ်ဘက်ခေါင်းဆောင်ပိုင်းဟာ ပိုအရည်အသွေးမြင့်တက်လာပြီး၊ အရပ်သား အစိုးရရဲ့ နိုင်ငံရေးဦးဆောင်မှုကို ကောင်းကောင်းလက်ခံနိုင် လာတယ်ဆိုတယ်။

ကျန်တဲ့အထောက်အထားတွေလည်းရှိပေမယ့်မပြောတော့ပါဘူး။ လိုရင်းကတော့ စစ်ဗိုလ်ချုပ်တွေတိုက်ရိုက်ဖြစ်စေ၊ လူထွက်ပြီးတော့ဖြစ်စေ၊ အရပ်ဘက်နိုင်ငံရေးကို နှစ်ပေါင်းများစွာ လုပ်လာခဲ့တဲ့ ကျနော်တို့နိုင်ငံမှာ ကျနော်တို့ဆီက တပ်မတော် အရာရှိတွေဟာ ခေတ်မှီအရည်အချင်းပြည့် တပ်မတော်ထူထောင်ဖို့နဲ့ အရပ်ဘက် နိုင်ငံရေးသမားတွေနဲ့ အပြန်အလှန်လေးလေးစားစားဆက်ဆံနိုင်ဖို့ ဒီလိုသင်တန်းတွေတက်ပြီး လေ့ကျင်သင်ကြားဖို့လိုနေပါတယ်။

OCC နဲ့ LT ကိုပြောပြီးတော့ လက်တင်အမေရိက စစ်ဘက်အရပ်ဘက်ဆက်ဆံရေး ရဲ့မူကွဲလေးကို နဲနဲ ကြည့်ကြရင်ကောင်းမယ်။ သူ့မှာကျတော့ Corporatist Tradition ဆိုတာကိုသုံးတယ်။ CT ကဘာကွာသလဲဆိုတော့ စစ်တပ်နဲ့ဆိုင်တဲ့ အ၀န်းအ၀ိုင်းထဲမှာ တပ်မတော်ခေါင်းဆောင်ပိုင်း ကသာ အားလုံးကိုအဆုံးအဖြတ်ပေးမယ်ဆိုတာဖြစ်တယ်။ စစ်တပ်ဟာ အရပ်သားနိုင်ငံရေးသမားရဲ့ဦးဆောင်မှုအောက် ကိုမ၀င်ဘူးဆိုတဲ့သဘောပဲ။ ဒီအယူအဆဟာ ဘာကြောင့်ဖြစ်လာသလဲဆိုတော့ လက်တင်အမေရိက အစိုးရတွေဟာ စီးပွားရေးပြောင်းလဲမှုတွေ ဖော်ဆောင်ရင်းမအောင်မြင်တဲ့အချိန်တချို့မှာ တိုင်းပြည်ထဲ မငြိမ်မသက်မှုတွေ ပေါ်လာတဲ့အခါမှာ စစ်တပ်ကိုခေါ်ပြီးထိမ်းသိမ်းရတာမျိုးတွေရှိခဲ့လို့ပဲ။ ခုတော့ လက်တင်အမေရိကနိုင်ငံအများစု ဟာ စီးပွားရေးဖွံ့ဖြိုးမှုတွေရပြီး ဒီမိုကရေစီရေး လူ့အခွင့်အရေးတွေမှာအောင်မြင်မှု ရလာကြတော့ CT ကိုပြန်လည်ဆန်းစစ်နေကြပါပြီ။ CT ဟာ LT အပြည့်မသွားခင်ကြားခံအဖြစ်သုံးနိုင်တယ်ဆိုတဲ့သဘောပါ။

ကျနော်တို့စစ်တပ်ဟာ နိုင်ငံရေးနယ်ပယ်ကနေပြန်ထွက်ပြီး တပ်မတော်ရဲ့စစ်မှန်တဲ့၊ စစ်ဘက်ခေါင်းဆောင်တွေ အမှန်တကယ် တတ်ကျွမ်းနားလည်တဲ့ နိုင်ငံတော်လုံခြုံရေးနဲ့ကာကွယ်ရေး နယ်ပယ်ထဲကိုပြန်သွားရမှာကတော့ မလုပ်မဖြစ်လုပ်ရမှာဖြစ်တယ်။ CT ပြီးတော့ LT နဲ့ နောက်ဆုံး OCC အထိကို ဘယ်လိုပြန်သွားမလဲ ဆိုတာကလည်း တွေ့ဆုံဆွေးနွေးပွဲရဲ့ ဒုတိယအဆင့် ၂၀၀၈ အခြေခံဥပဒေ နဲ့အတူဆက်စပ်နေတဲ့ အချက်တခုပါ။

ခုချိန်ကတည်းက အရပ်သား နိုင်ငံရေးခေါင်းဆောင်တွေက စစ်တပ်ဟာ ဒီမိုကရေစီလူ့အဖွဲ့အစည်းမှာ အမိန့်နာခံမှုနဲ့ သွားတဲ့ ထူးခြားတဲ့ အင်စတီကျူးရှင်းတခုဖြစ်တယ်။ စစ်တပ်ရဲ့ယဉ်ကျေးမှု အစဉ်အလာနဲ့ မြန်မာ့နိုင်ငံရေးနဲ့ပတ်သက်နေသမျှတွေမှာ အားသာချက်တွေ အားနဲချက်တွေကို နားလည်အောင်လေ့လာထားဖို့ လိုပါတယ်။ တဆက်တည်း ဒီမိုကရေစီကြားခံကာလအခက်အခဲတွေနဲ့ တိုင်းရင်းသားပြဿနာ၊ စစ်မှန်တဲ့ ဖက်ဒရယ်ပြည်ထောင်စုနဲ့ တိုင်းရင်းသားလက်နက်ကိုင်အဖွဲ့အစည်းများနဲ့ လက်ရှိတပ်မတော်ရဲ့ ပေါင်းစည်းရေး ပြဿနာတွေကိုပါ ချိန်ဆထားဖို့လိုပါလိမ့်မယ်။

အပေါ်မှာ ပြောခဲ့တဲ့ နိုင်ငံတော်လုံခြုံရေးနဲ့ ကာကွယ်ရေးဆိုရာမှာလည်း စစ်တပ်ရဲ့ဦးတည်ရာဟာ အတွင်းကိုလှည့်သလား အပြင်ကိုလှည့်သလားဆိုတဲ့ အချက်တချက်ရှိနေပါတယ်။ ဆိုလိုတာက စစ်တပ်ကို နိုင်ငံတော် ကာကွယ်ရေး အတွက် ပြည်ပရန်ကိုပဲ အဓိကထား တဲ့ တိုင်းပြည်တွေမှာ စစ်ဘက်အရပ်ဘက် ဆက်ဆံရေး ဟာပိုကောင်းပြီး ပြည်တွင်းရန်ကို အဓိကထား ကာကွယ်တဲ့ တိုင်းပြည်တွေမှာ စစ်ဘက်အရပ်ဘက်ဆက်ဆံရေးဟာ ပိုအခက်အခဲတွေရှိတာကို စစ်အေးခေတ်နောက်ပိုင်းမှာ ပိုတွေ့လာကြရပါတယ်။

စစ်အေးပြီးတော့ အမေရိကန်လိုနိုင်ငံတွေမှာ နေတိုးအုပ်စုဝင်တွေမှာ ကွန်မြူနစ်ရန်ကို ထဲ့တွက်စရာမလိုတော့ ပြည်ပရန်ကာကွယ်ရေးအတွက် အခိုင်အမာရှိနေတဲ့ စစ်တပ်ကို အသုံးစရိတ်လျှော့ဖို့၊ အင်အားလျှော့ဖို့စဉ်းစားလာ ကြရတယ်။ စစ်တပ်မှမဟုတ်ပါဘူး။ ဘယ်ဝန်ထမ်းမဆို ဘယ်ဋ္ဌာနမှာမဆို လူလျှော့ချဖို့လိုတဲ့အခါ ၀န်ထမ်းတွေရဲ့ အနာဂတ်ကိုထဲ့သွင်းတွက်ချက်ရတာပဲ။ ဒီတော့ သိပ်များတဲ့စစ်အင်အားကိုဒီအတိုင်းမလျှော့နိုင်တဲ့ အခါတွေမှာ မူးယစ်ဆေးဝါးနှိမ်နှင်းရေးလို၊ သဘာဝဘေးအန္တရယ်ကာကွယ်ရေးလို၊ အရပ်သားတွေရှိတဲ့နယ်ပယ်တချို့ ကိုပို့နိုင်မလား စဉ်းစားပြီး စမ်းသတ်ရာမှာယေဘူယျအနေနဲ့ သိပ်မသင့်တော်လှဆိုတဲ့အသံတွေထွက်လာပါတယ်။

ဒါဆိုရင် စစ်တပ်အရာရှိတွေကို အရပ်ဘက်ဝန်ကြီးဋ္ဌာနနယ်ပယ်တွေကို စေလွှတ်နေတာဟာ မှန်သလားမှားသလား ရေရှည်တိုင်းပြည်အကျိုးဖြစ်စေမဲ့အချက်လား အကျိုးယုတ်စေမဲ့အချက်လားဆိုတာ ချိန်ဆနိုင်ပါပြီ။

စစ်အေးနောက်ပိုင်း အတွေ့အကြုံတွေကနေပြီးအမေရိကန်ဟာ စစ်တပ်မစ်ရှင်တွေနဲ့ပတ်သက်ပြီး သင်ခန်းစာ ၄ခုရခဲ့ပါတယ်။

၁။ ပြည်ပကျူးကျော်မှုကိုကာကွယ်ဖို့၊ နိုင်ငံရဲ့အရေးကြီးတဲ့အမျိုးသားအကျိုးစီးပွားနဲ့ဆက်စပ်နေတဲ့ပြဿနာ တွေမှာလိုအပ်ရင်တိုက်ခိုက်အနိုင်ယူဖို့ (၉၁၁ ဖြစ်ခဲ့လေတော့ အီရတ်ကိုဝင်တိုက်တာမျိုး ကို အမျိုးသားအကျိုး စီးပွားနဲ့ ဆွဲစိခဲ့ပုံ ရပါတယ်)
၂။ ဒုတိယဦးစားပေးမှာ သဘာဝဘေးရန်ကျရောက်ပြီး ကယ်ဆယ်ရေးလုပ်ငန်းတွေမှာပါဝင်ဖို့
၃။ နိုင်ငံရပ်ခြားမှာ ငြိမ်းချမ်းရေးတပ်များချထားမှု
၎။ အခြားအကူးအပြောင်းမှာ လိုအပ်မယ်ထင်တဲ့ အခါပါဝင်ဖို့၊ သို့သော် အရပ်ဘက်တာဝန်ရှိသူတွေဟာ သူတို့ချည်းပဲကိုင်တွယ်နိုင်ပြီဆိုတဲ့အခါ ချက်ခြင်းပြန်လည်ဆုတ်ခွာဖို့ ဆိုတာတွေပါ။

ဒီလိုတိကျတဲ့ ဦးစားပေးနဲ့ အစီအစဉ်တွေသတ်မှတ်ထားကြတာတောင် ဖွံ့ဖြိုးပြီးနိုင်ငံတွေမှာ ဒီမိုကရက်တစ် လူ့အဖွဲ့အစည်းမှာ စစ်တပ်ကိုအရပ်ဘက်နဲ့ဆက်စပ်တဲ့ မစ်ရှင်တခု ကိုပေးမယ်ဆိုရင် အချက် ၃ချက်နဲ့ ထပ် စီစစ်ကြပါတယ်။

၁။ စစ်တပ်ရဲ့ပါဝင်မှုဟာ အခြားအဖွဲ့အစည်းတွေဖြစ်တဲ့ ရဲ၊ စီးပွားရေးလုပ်ငန်းရှင်၊ ပတ်ဝန်းကျင် ထိန်းသိမ်းရေးအဖွဲ့၊ ကျန်းမာရေးဝန်ထမ်း၊ ကျောင်းဆရာ စတာတွေရဲ့လုပ်ငန်းတွေကိုထိခိုက်စေသလား။ (စစ်တပ် ၀င်လာလို့အခြားဋ္ဌာနတွေဝန်ထမ်းလျှော့ သို့ အလုပ်အကိုင်အခွင့်အလမ်းတွေနဲသွားသလား)
ပြီးတော့စစ်တပ်မှာသူ့မူရင်း နိုင်ငံတော်ကာကွယ်ရေးအပြင် အခြားဝန်ထုပ်ဝန်ပိုးတွေဖြစ်စေသလား
၂။ စစ်တပ်ဝင်ရောက်မှုကြောင့် စစ်တပ်ဟာ အထူးအခွင့်အရေးတခုရပြီး အခြားနိုင်ငံပိုင် နဲ့ ပုဂ္ဂလိက ပိုင်လုပ်ငန်းတွေထက် ပိုသာတယ်ဆိုတဲ့ အဖွဲ့အစည်းတခုအဖြစ်ကိုရောက်စေသလား။
၃။ စစ်တပ်ဟာသူ့ပင်မမစ်ရှင်ဖြစ်တဲ့ နိုင်ငံတော်ကာကွယ်ရေးလုပ်ငန်းတွေ (အစီအစဉ်၊ သင်တန်း၊ အဆင်သင့်ဖြစ်မှု) ကိုစပြီးလစ်လျူရှုဖို့ဖြစ်စေသလား။ ဆိုတာတွေပါ။

ဒီတော့ဗျာ ချုပ်ပြောရရင်တော့ စစ်တပ်ဟာမူရင်းနိုင်ငံတော်ကာကွယ်ရေးကိုပဲအဓိကလုပ်ပါ။ ကျနော်တို့ စစ်တပ်ဟာ တပါတီအာဏာရှင်နဲ့ စစ်အာဏာရှင်စံနစ်တွေကိုဖြတ်သန်းခဲ့ရလို့ နိုင်ငံရေးနယ်ပယ်ကပြန်ဆုတ်ခွာဖို့ သင်တန်းတွေ သင်ယူမှုတွေလိုအပ်နေပါတယ်။ နိုင်ငံရေးအရကင်းရှင်းယုံမက အရပ်ဘက်နဲ့ဆက်စပ်တဲ့ မစ်ရှင် တွေကို စီစစ်ပြီးမှလုပ်ဖို့လိုနေပါတယ်။

တချိန်တည်းမှာအရပ်သားနိုင်ငံရေးသမားတွေကိုစစ်တပ် ရဲ့သီးခြားဆန်တဲ့ ယဉ်ကျေးမှုနဲ့ နိုင်ငံတော်ကာကွယ်ရေးအသိအမြင်တွေရှိဖို့ ပြန်လည်သင်ယူမှုတွေလုပ်ဖို့လိုနေပါတယ်။ နှစ်ပေါင်းများစွာ စစ်ဘက်အရာရှိတွေဦးဆောင်ခဲ့တဲ့ နိုင်ငံအုပ်ချုပ်ရေး နယ်ပယ်တွေကို ၀င်ဖို့ အရပ်သားနိုင်ငံရေး သမားတွေကိုလည်း တိကျတဲ့သင်တန်းတွေ၊ လေ့လာမှုတွေ၊ စစ်ဘက်ခေါင်းဆောင်ဟောင်းတွေနဲ့တွဲပြီး ပူးပေါင်းဆောင်ရွက်တတ်မှုတွေ ပြုလုပ်ဖို့လိုနေပါတယ်။

ဆက်ပါမည်
KZကေ

Reference: Civil-Military Relations and Democracy
Edited by Larry Diamond and Marc F. Plattner, The John Hopkins University 1996

Saturday, August 27, 2011

သုဝဏအမြန်ရထား - ၃

အခန်း (၄)
ကိုတီတူး

လတ်တလောသတင်းတွေကြောင့်ကျနော်ဆက်မရေးပဲခနစောင့်ကြည့်နေခဲ့တယ်။
ကြည့်နေတာတော့အစုံပေါ့။ အစိုးရကဘာပြောသလဲ။ ဘယ်သူတွေကဘာပြန်ပြောသလဲ။ ဘယ်လိုထင်မြင်ချက် တွေပေးသလဲ။ စသည် စသည် ….။

အနာသိရင်ဆေးရှိပါတယ်လို့ ကျနော်တို့မှာစကားပုံရှိတယ်မလား။ အနာတွေကများတော့ သမားတော်များလည်း ဘာဆေးနဲ့ ကုရကောင်းမလဲ။ ရောဂါကရှည်နေတော့ ဆေးကောတိုးပါ့မလား အမျိုးမျိုးဝေဖန်သံတွေ ကြားရတာပေ့ါ။ ကျနော်လည်း ရောယောင်ပြီး တတ်ကျွမ်းနားလည်သူများ ကိုအားကျပြီးစဉ်းစားကြည့်တယ်။
ပြဿနာက လွတ်လပ်ရေးရကတည်းကစတာပဲလို့ဆိုလိုက်ရင် မျှော်ကြည့်ရတာတွေများကုန်မယ်။ ဒါပေမယ့် တိုင်းရင်းသား လက်နက်ကိုင်တော်လှန်ရေးကတော့ ကျနော်စတည်ချင်တဲ့ ၈၈ မတိုင်ခင်ကတည်းကရှိခဲ့တာ။ သူက ရှေးဦးအကျဆုံး ပြဿနာ နဲ့အသိမ်မွေ့ဆုံးပဲ။

၈၈ အရေးတော်ပုံဟာ မဆလ ခေတ်တခေတ်ကိုပြည်ဖုံးကားချခဲ့တယ်။ တပါတီအာဏာရှင်စံနစ်ကိုဖြိုချနိုင်ခဲ့တယ်။ နောက်တော့ စစ်တပ်ကအာဏာပြန်သိမ်းပြီး ၉၀ ရွေးကောက်ပွဲကိုဒိုင်လုပ်ပေးခဲ့တယ်။ သို့သော် အနိုင်ရပါတီ အင်အယ်ဒီကို အာဏာမလွှဲပေးခဲ့ဘူးဒီမှာ ခုထိမရှင်းနိုင်တဲ့ ဒုတိယပြဿနာ တရပ်ကိုပေါ်ခဲ့စေတယ်။ အပယ်ခံ ၁၉၉၀ ရွေးကောက်ပွဲ ရလဒ်။

အဲဒီကာလ ကနေခုထိရုန်းကန်နေကြတာမှာ နိုင်ငံရေးအကျဉ်းသားတွေ၊ စစ်အာဏာရှင်အစိုးရကိုနိုင်ငံတကာက ဖိအားပေးတဲ့ စီးပွားရေးပိတ်ဆို့မှုတွေဟာလည်း နောက်ထပ်ပြဿနာတွေအဖြစ်စာရင်းဝင်ခဲ့တယ်။ နောက်ဆုံးတော့ ၂၀၀၇ ရွှေဝါရောင် အရေးအခင်းကိုအကြမ်းဖက်ဖြိုခွင်းအပြီးမှာ စစ်အစိုးရဟာ ၂၀၀၈ ဖွဲ့စည်းပုံအခြေခံဥပဒေကို ရေထဲမိုးထဲမှာ အတည်ပြုခဲ့တယ်။ (နာမည်ပေးကောင်းတဲ့ ကျနော်တို့ရွှေမြန်မာတွေက နာဂစ်ဥပဒေလို့ ခေါ်ကြတယ်။ မဆိုးဘူးဗျားဒီနာမည်။ ကျနော်ကြိုက်တယ်။ သူနဲ့ကျမှတိုက်တိုက်ဆိုင်ဆိုင်ကိုး။)
ဒီဥပဒေနဲ့ လုပ်တဲ့ ၂၀၁၀ ရွေးကောက်ပွဲကို ကန့်ကွက်တဲ့ ၉၀ အနိုင်ရ ပါတီဟာ တရားမ၀င်ဖြစ်ခဲ့ရတယ်။ ဒါလည်းနောက်ထပ်ရှင်းရမဲ့ ပြဿနာတခုထဲမှာပါလာတယ်။

ခုလက်ရှိမှာတော့ စစ်အာဏာရှင်အစိုးရကနေ ၂၀၁၀ ရွေးကောက်ပွဲနည်းမျိုးစုံအနိုင်ရ အရပ်သားအစိုးရဖြစ်လာပြီ။ လွှတ်တော်အမတ်မင်းများ ပြည်သူ့ရွေးကောက်ခံ ကိုယ်စားလှယ်တော်ကြီးများလည်းရှိနေပြီ။ လွှတ်တော်အသစ်ကြီးရှိနေပြီ။ အဲသည်မှာအရင်ထက်စာရင်နဲနဲပိုလွတ်လပ်လာတယ်လို့လည်းဆိုလာကြပြီ။ နဲနဲလွတ်လပ်လာတယ်ဆိုတာဟုတ်မှာ။ သမ္မတကြီးက ပြန်လာခဲ့တော့ချစ်သူရေ သီချင်းတောင်ဆိုခဲ့သေးတယ်ဆိုသကိုးဗျ။ ဒီလိုပဲမှန်းကြည့်ရတာပေါ့။

အမှန်အတိုင်းပြောရရင် မျှော်လင့်ကြည့်တဲ့အထဲမှာခုကျနော်လည်းပါနေပါတယ်။ အရေးအသားသေသပ်တဲ့ မီဒီယာဆရာများပြောသလို သတိကြီးကြီးနဲ့ထောက်ခံလိုက်သည်ဆိုတဲ့အထဲ ကျနော်လည်းပါတယ်။ ကဲဘေး ဝေ့နေလို့မဖြစ်သေးဘူး။ ဘယ်ပြဿနာကစရှင်းရင်ကောင်းမလဲ။ ပြဿနာတွေအများကြီးလို့ပြောခဲ့တာကိုး။
အရေးကြီးတာနဲ့အရင်လိုတာနဲ့စခွဲကြည့်ရအောင်။ ကျနော့်အတွက်ကတော့ အရေးအကြီးဆုံးဟာ ၂၀၀၈ဥပဒေပဲ။ သူနဲ့တွဲရှင်းရမှာက တိုင်းရင်းသားအရေးနဲ့ ၉၀ရလဒ်။ ဒါပေမဲ့အရင်လိုနေတာကျတော့ နိုင်ငံရေးအကျဉ်းသားပြဿနာနဲ့ စီးပွားရေးပိတ်ဆို့မှုပဲ။ ဒီအမှုတွဲထဲကို ကျနော်က အင်အယ်ဒီပါတီတရားဝင်ဖြစ်ရေး ကိုပါထဲ့ချင်တယ်။ ဒီတော့ ခုရှိနေတဲ့ ပြဿနာတွေကို ၂စုခွဲပြီးမြင်ကြည့်လို့ရသွားပြီ။

နို့ ကိုယ့်လူက ဘဇာအရေးကိုထောက်ပြီး အင်အယ်ဒီတရားဝင်မှုကို နိုင်ငံရေးအကျဉ်းသားနဲ့ စီးပွားရေးပိတ်ဆို့မှုထဲထည့်ရတာလည်းလို့ ခင်ဗျားကမေးရင် ဒါ အင်အယ်ဒီကကိုင်ထားတဲ့ စေ့စပ်ဆွေးနွေးညှိနှိုင်းပြီးတော့သာ ပြဿနာ တွေကိုဖြေရှင်းမယ်ဆိုတဲ့ နည်းလမ်းကြောင့်ပဲ။ အင်အယ်ဒီဟာ အစိုးရကို လူထုတိုက်ပွဲခေါ်သံနဲ့ ရင်ဆိုင်ဖို့မရွေးချယ်ဘူးဆိုရင် ဆွေးနွေးညှိနှိုင်းမှုနဲ့သာသွားမယ်ဆိုရင် တရားဝင်နိုင်ငံရေးပါတီအဖြစ်နဲ့ပဲသွားစေချင်တယ်။ သို့သော်ဒါဟာ ၂၀၀၈ ဥပဒေအောက်ကိုခေါင်းထိုးဝင်တာ တော့လည်းမဟုတ်ဘူး။ ဒါပေမဲ့သူ့ကို ၂၀၀၈အခြေခံဥပဒေနဲ့ရောရှင်းမယ်ဆိုရင် အချိုန်ယူရလွန်းမှာစိုးလို့ ရှေ့ကိုတင်လိုက်တယ်။ ဒီတော့ထပ်အနုစိတ်ရရင် နိုင်ငံရေးအကျဉ်းသားကိစ္စက ထိပ်ဆုံးမှာ ပြီးရင် စီးပွားရေးပိတ်ဆို့မှုနဲ့ ပါတီတရားဝင်ဖြစ်ရေးကို တပြိုင်နက်ဆက်စေချင်တယ်။ ပြီးရင် ဒုတိယအုပ်စုဖြစ်တဲ့ တိုင်းရင်းသားအရေး၊ ၉၀ ရလဒ်အရေးနဲ့ ၂၀၀၈ အခြေခံဥပဒေကိုဆက်မယ်။

ပထမအုပ်စုဟာ အကြာကြီးလုပ်စရာမလိုဘူး၊ အားလုံးဟာ တနှစ်အတွင်းပြေလည်ဖို့ပဲ။ အကျဉ်းသားအားလုံးဟာ ဒီနှစ်အစိုးရသစ်တက်တဲ့ ၂၀၁၁အတွင်းမှာ အသုတ်လိုက်လွှတ်မယ်။ ဒါပြတ်ရင် ၂၀၀၈ ဥပဒေနဲ့ပါတ်သက်တဲ့ သဘောတူချက်တခုကိုအရင်ယူရမယ်။ (ဘာသဘောတူညီချက်နောက်မှာဆက်ပါမယ်)။ ပြီးရင် ပါတီတရားဝင်ဖြစ်ရေးဟာ ၂၀၁၂ ပထမ၃ လအတွင်းမှာပြီးမယ်။ ဒါဆို စီးပွားရေးပိတ်ဆို့မှုတွေဟာ နောင်နှစ်သက်တမ်းတွေမတိုးခင်မှာ ပြေလည်သွားပါလိမ့်မယ်။ ကျနော်တော့အဲသည်လိုအစီအစဉ်လေး ဆွဲကြည့်တယ်။

ကျနော်တို့ ဆွေးနွေးတဲ့အခါ၊ အပေးအယူလုပ်တဲ့အခါ မတူတဲ့အုပ်စုတွေမှာ မတူတဲ့ အားသာချက် နဲ့ အားနဲချက် တွေ ရှိနေလိမ့်မယ်။ ဥပမာ အစိုးရဟာ လက်ရှိအာဏာရထားတယ်။ အင်အယ်ဒီဟာ လက်ရှိလူထုထောက်ခံမှုရထားတယ် ဆိုတာမျိုး ပေါ့။ တခါ အကျိုးစီးပွား ဆိုပြီး စစ်တပ်၊ တိုင်းရင်းသား နဲ့ အင်အယ်ဒီ လို့ခွဲကြည့်ရင်လည်း မတူတာတွေရှိနေသေးတယ်။ သို့ပေမယ့် နိုင်ငံနဲ့ တိုင်းရင်းသားလူမျိုးအားလုံးရဲ့ အကျိုးစီးပွားလို့မြင်ကြည့်မယ်ဆိုရင်တော့ ကွဲနိုင်တာတွေကမရှိသလောက်ဖြစ်လာမှာပဲ။ တူတာတွဲလုပ်မယ်ဆိုရင်တော့ တူတဲ့အကျိူးစီးပွားတခုရှိရမယ်။ အဲဒါဟာ နိုင်ငံနဲ့ပြည်သူအားလုံးဆိုတဲ့ ရှုထောင့်ကချဉ်းကပ်မှပဲရနိုင်မယ်။

အနှစ်ချုပ်က မြန်မာပြည်မှာလက်ရှိဖြစ်နေတဲ့ ပြဿနာတွေအားလုံးကို တိုင်းပြည်နဲ့လူမျိုးအကျိုးစီးပွားအတွက် လို့ရည်ရွယ်ပြီး မဖြေရှင်းဘူးဆိုရင် တွေ့ဆုံဆွေးနွေးရေးနဲ့ အမျိုးသားပြန်လည်သင့်မြတ်ရေး မှာကိုင်စရာစံမရှိဘူးဖြစ်နေပါလိမ့်မယ်။
အားလုံးကဒီစံကို ရိုးရိုးသားသားကိုင်ပြီးရှင်းမယ်ဆိုရင်တော့ ပြဿနာတွေဟာ အတိုင်းအတာတခုအတွင်းမှာ ပြေလည်လာမယ်။ သွားနေတဲ့ဖြစ်စဉ်အတွင်းမှာလည်းတိုးတက်မှုတွေကိုတွေ့ရမှာဖြစ်တယ်။

ဒီတော့ ကျနော်တို့မှာ ကိုင်ရမဲ့စံရှိနေပြီ။ စလုပ်ရမဲ့အလုပ်ရှိနေပြီဆိုရင် အခုပဲစလိုက်ရင်မကောင်းဘူးလား။ ဘာတွေခုခံနေသေးလည်းခင်ဗျားတွေးလာနိုင် ဝေဖန်လာနိုင်ပါတယ်။ ဒီအစီအစဉ်ကိုဆန့်ကျင်လိုသူတွေကို ပြောလိုတာက လက်ရှိအဖြစ်အပျက်တွေဟာ နိုင်ငံတကာမှာကော ပြည်တွင်းမှာပါ သဘောတရားကော လက်တွေ့ မှာပါပြောင်းလဲနေတာတွေရှိနေတယ်ဆိုတာပါ။ ဒါတွေကို ကီးပလေယာတွေအားလုံးက သဘောပေါက်ထားတယ် လို့ကျနော်ထင်ပါတယ်။ ဘာတွေများပါလိမ့်ကြည့်ရအောင်။

ဆက်ပါမည်။
KZကေ

Sunday, August 7, 2011

သုဝဏအမြန်ရထား - ၂

အပိုင်း (၃)
အာဏာရှင်စံနစ်ကနေဒီမိုကရေစီကို ပြောင်းမယ်လို့ဆိုတဲ့အတွက် စီးပွားရေးပြန်လည်ပြင်ဆင်မှုတွေ ဟာမလွဲမသွေလိုအပ်လာပါတယ်။ အပြောင်းအလဲအောင်မြင်မလားဆိုတာကို အဓိကချိန်ကြည့်တဲ့အချက် တချက်ရှိပါတယ်။ အဲဒါအစိုးရဟောင်းရဲ့ဦးစီးဦးဆောင်နိုင်ငံရေးစီမံခန့်ခွဲသူတွေဘယ်လောက် ပြန်ပါနေသလဲ ဆိုတာပါ။ နဲလေပိုအောင်မြင်လေပါ။ ကျနော်တို့ဆီမှာ စစ်အစိုးရဟောင်းထဲက လူအားလုံး အရပ်သားအစိုးရသစ်အဖြစ် အသွင်ပြောင်း လာတယ်။ အတော်များများဟာ လက်ရှိစီးပွားရေးနယ်မှာ ထုနဲ့ထည်နဲ့ကို အကျိုးစီးပွား တွေရှိနေပါတယ်။ ဒီတော့ ဒီအကျိုးစီးပွားကိုဆန့်ကျင်ပြီး နိုင်ငံအတွက် ပြည်သူအတွက် ရေရှည်စီးပွားရေးဗျုဟာ တွေကိုဘာမှတည်ခွင့် မရနိုင်ဘူးဖြစ်နေတယ်။
တကယ်တမ်းမှာ စီးပွားရေးတည်ငြိမ်လာဖို့၊ ဈေးနှုန်း နဲ့ ကုန်သွယ်မှုစည်းမျဉ်းနဲ့လွတ်လပ်ခွင့် တွေဖြစ်လာဖို့ အတွက် စီးပွားရေးတတ်ကျွမ်းနားလည်တဲ့ ပညာရှင်တွေ လိုပါတယ်။ လက်ရှိအစိုးရအဖွဲ့ထဲက မဟုတ်တဲ့ နိုင်ငံရေးဖိအားကင်းတဲ့ ပညာရှင်အဖွဲ့တဖွဲ့လိုပါတယ်။ သူတို့ကို ထိပ်တန်းလက်ရှိ နိုင်ငံရေးအာဏာ ရှိသူတွေက ကျောထောက်နောက်ခံပေးရပါမယ်။ ပိုလန်ရဲ့စီးပွားရေးအရ ကနဦးပြုပြင်ပြောင်းလဲရေးအစီအစဉ်ကို Leszek Balcerozicz တို့အဖွဲ့က ဦးဆောင်ခဲ့သလိုမျိုးပေါ့။ စီးပွားရေးပညာရှင်ကိုအကြံပေးအဖွဲ့ထားရုံနဲ့မပြီးပါဘူး။ တကယ်အကောင်အထည် ဖော်နိုင်တဲ့ အခြေအနေမျိုးလည်းရှိနေဖို့လိုပါတယ်။ အစိုးရသစ်မှာ တချို့ကတကယ် စီးပွားရေးပြောင်းလဲမှုတွေကို စိတ်ဝင်စားကောင်းစိတ်ဝင်စားပါလိမ့်မယ်။ သို့သော်အချို့အဓိကကျသူတွေအတွက် ဒါဟာ စစ်တပ်နဲ့ အရပ်သားနိုင်ငံရေးသမားကြားက နောက်ထပ်အားပြိုင်တဲ့ နိုင်ငံရေးကစားပွဲတမျိုး ပါပဲလို့ မြင်နေရင် အပြောင်းအလဲ ဟာ ဟန်ပြပဲဖြစ်လာမှာပါ။
နောက်တချက်က အခြေခံကျတဲ့စီးပွားရေးအပြောင်းအလဲအတွက် ကျယ်ပြန့်တဲ့သဘောတူညီမှုတခု လိုပါတယ်။ အရှေ့ဥရောပကွန်မြူနစ်အာဏာရှင်စံနစ်အောက်ကထွက်လာပြီး စီးပွားရေးနိုင်ငံရေး ပြင်ဆင်မှုတွေ လုပ်ချိန်နဲ့ ဂိုးသွင်းကောင်းတဲ့ ကိုကိုတွေဖြစ်တဲ့ ဘရာဇီးတို့ အာဂျင်တင်းတို့လို လက်တင်အမေရိကသားတွေ စစ်အာဏာရှင်စံနစ်ကလွတ်လာပြီး ပြန်လည်ပြင်ဆင်ရေးတွေလုပ်တဲ့ အချိန်ခြင်းအတူတူလောက်ပါ။ ဈေးကွက်မိုဒယ်ကိုဘယ်လိုချိန်မယ်၊ ဘယ်အပိုင်းကိုအရင်ဖွံ့ဖြိုးအောင်လုပ်မလဲ။ ကုန်သွယ်ရေးအတားအဆီးတွေ ဘယ်လိုပြန်ညှိမလဲစတာတွေမှာ ဆိုင်ရာနိုင်ငံရေးအင်အားစုတွေ သဘောတူညီမှု ရအောင်လုပ်နိုင်ခဲ့တဲ့ အရှေ့ဥရောပဟာ လက်တင်အမေရိကထက်အောင်မြင်မှုပိုစောခဲ့ပါတယ်။
ဒါတွေဟာ စီးပွားရေးသီအိုရီတွေ တခြားနိုင်ငံအတွေ့အကြုံတွေ နဲ့ချဉ်းကပ်နေတာပဲ။ ကိုယ့်နိုင်ငံနဲ့ ဘယ်လောက်ဟပ်မိလို့လဲလို့ ခင်ဗျားကမေးချင်တယ်ဆိုရင်လက်တွေ့မှာဘာတွေဖြစ်နေသလဲဆိုတာ ကြည့်ကြရအောင်။ လက်ရှိအစိုးရအမွေရထားတာက နိုင်ငံတော်ကဦးဆောင်တဲ့အရင်းရှင်စံနစ် (State Capitalism)။ အရင် စစ်အစိုးရဟာ နိုင်ငံရေးဖြေရှင်းမှုကိုအဓိကမလုပ်ခဲ့ပဲ သူ့လက်ထက်မှာဒီစံနစ်ကို အသက်သွင်းခဲ့တယ်။ ဒီစံနစ်ကနိုင်ငံရေးအရ နိုင်ငံတကာနဲ့ ကိုယ့်ပြည်သူထောက်ခံမှုမရတဲ့အစိုးရတွေဟာ နိုင်ငံရေးအကြိုးအမြတ်ကို ရှေ့တန်းတင်တဲ့စီးပွားရေးကို လက်သင့်ရာလုပ်ငန်းရှင်နဲ့ လုပ်တာပါ။ လွယ်လွယ်ဥပမာပေးရရင် လုံခြုံရေးကောင်စီမှာ မြန်မာကိစ္စမဲခွဲတော့မယ်ဆိုရင် တရုတ်ဆီပြေးပြီး သူ့အတွက် ပဲအကျိူးရှိပြီး၊ ကိုယ့်အတွက်သိပ်အကျိုးမရှိတဲ့ စာချုပ်တခုပြေးချုပ်ထားတာမျိုးပေါ့။ ဒါမှ ဗီတိုရမယ်လေ။ စီးပွားရေးလုပ်ငန်းရှင်ကြီးတွေ ဟာ အရှုံးခံပြီး အစိုးရပေါ်လစီကိုလိုက်အကောင်အထည်ဖော်ကြတယ်။ ပြီးရင်အစိုးရကလည်းမြိုးမြိုးမြက်မြက်ရနိုင်တာမျိုးတွေပြန်ပြီးဂွင်ရှာပေးရပြန်တယ်။ ဒါတွေကဒီလောက်ထိပြော ဖို့တောင်မလိုပါဘူး။ ခင်ဗျားသိပါတယ် အစိုးရနဲ့ စီးပွားရေးလုပ်ငန်းရှင်တွေပေါင်းပြီး ထွင်ထားတဲ့ ရိုက်စားဂွင်တွေဟာ အများကြီးပါ။ ပြီးတော့အဲသည်ကရလာတဲ့ ငွေတွေနဲ့ တခြားဈေးကစားမှုတွေလုပ်ကြတယ်။
ကမ္ဘာမှာ အစုတ်ဆုံးဆိုပေမဲ့ဈေးအကြီးဆုံးကားတွေကျနော်တို့ ၀ယ်စီးခဲ့ကြရတယ်။ အခုအိမ်ခြံမြေဈေးတွေဟာ တဟုန်ထိုးမြင့်တက်သွားပြီ။ ရန်ကုန်မှာ မြို့သစ်ချောင်ကျတဲ့နေရာက မြေကွက်လေးတကွက်ဟာ အနဲဆုံးသိန်းတရာ ရှိတယ်။ တလကို ဒေါ်လာ ငါးရာစုနိုင်တဲ့ လူတယောက် ဒီမြေကွက်ဝယ်ဖို့ ၃နှစ်ကြာမယ်။ အိမ်ဆောက်ဖို့ နောက်၃ နှစ်ငွေထပ်စုရမယ်။ ကားဈေးကွက်တွေပျက်တယ်ဆိုပေမယ့် ဂျစ်ကားကလွဲလို့ သိန်းတရာဆိုဘာကားမှမရဘူး။ ထားတော့ ကားစီးဖို့နောက်၃နှစ်စာ ငွေလိုတယ်။ အဲ ၉နှစ် ၁၀နှစ်ကုန်းလုပ်ပြီး မြန်မာပြည်ပြန်လာရင် မြို့သစ်မှာ အိမ်လေးနဲ့ ကားလေးနဲ့ဆိုတော့ မဆိုးဘူးပဲထားဦး။ မီးမမှန်ဘူး၊ အ၀ီစိရေမမောင်းနိုင်ဘူး။ ကားဆီတန်းစီတာ စတဲ့ဒုက္ခဆိုတာကရှိသေးတယ်။ အဲဒါတွေအားလုံးသည်းခံ နိုင်တယ်ဆိုဦး။ မြန်မာပြည်မှာဘာလုပ်စားမလဲ။ ဒီအချက်တွေဟာ လူလတ်တန်းစားတွေရဲ့ သေကွင်းသေကွက်တွေကို တိုက်ရိုက်မှန်တာပဲ။ လူလတ်တန်းစားအားမကောင်းတဲ့ နိုင်ငံဟာ စီးပွားရေးဘယ်လိုဖွံဖြိုးမလဲ။ လူလတ်တန်းစားတောင်မနဲရုန်းကန်နေရတယ်ဆိုတော့ အောက်ခြေပြည်သူ တွေဘယ်လိုလုပ်ကြမလဲ။ မင်္ဂလာဒုံလေဆိပ်ကို နိုင်ငံခြားသွားမဲ့သူတွေ တီအီးကားကြီးတွေနဲ့ လာတာမြင်ဖူးလား။ တောက လူတွေ (လယ်လုပ်သူတွေနေမှာပေါ့) မလေးရှားသွားဖို့လာတာတဲ့။ အစိုးရတရပ်ဟာ ပြည်သူ့အကျိူးစီးပွားကို အကာအကွယ်မပေးနိုင်ဘူး။ ပေးချင်တဲ့ဆန္ဒမရှိတာလား။ ပေးနိုင်တဲ့တတ်ကျွမ်းနား လည်မှုမျိုးမရှိတာလား။ အစိုးရကလုပ်မပေးနိုင်သလို ပြည်သူတွေမှာလည်းထောက်ပြဝေဖန်ခွင့်မရဘူး။ မီဒီယာတွေဟာ တနေ့ဥပဒေတမျိုးအောက်မှာ စည်းချက်ကြည့်ပြီး ခေါင်းခါးခြေလက် လှုပ်နေကြရတယ်။
အောက်မှာထိုင်နေတာ နိုင်ငံရေးပြဿနာတွေ။ အဲဒီပေါ်တည်ပြီး ရှိနေတဲ့ အကျင့်ပျက်ခြစားမှုနဲ့ တလွဲစီးပွားရေးပေါ်လစီတွေ။ အမတရာဆင်းပြောခဲ့သလို စီးပွားရေးဖွံ့ဖြိုးမှုဆိုတာ လူတဦးချင်းစီရဲ့ လွတ်လပ်ခွင့်နဲ့ လုပ်ကိုင်နိုင်စွမ်းရည်၊ အလုပ်ရရှိရေးအခွင့်အလမ်း၊ လူမှုဘ၀လုံခြုံရေး။ ဒါတွေနဲ့တိုက်ရိုက် ကိုပတ်သက်နေတာပါ။ ဖွံ့ဖြိုးတိုးတက်မှုဆိုတာ လွတ်လပ်မှုကိုတိုးချဲ့နေတဲ့ဖြစ်စဉ်ပါ။ ဒါတွေကို တပြိုင်နက်မရှင်းပဲ ဆင်းရဲမှုတိုက်ဖျက်ရေးဆိုရင်တော့ မိုးယိုနေတာမဖာပဲ ရေယိုတဲ့နေရာခွက်ခံထားတာမျိုးပဲ။ ဖိနပ်နဲ့မတော်လို့ ဖနှောင့်လှီးတာမျိုးပဲ။ အခြေခံကျတဲ့ရောဂါကိုမကုပဲ ကွမ်းရွက်ပြုတ်ရေလေး ရေနွေးနဲ့တိုက်ရင်တော့ ချွေးလေးတော့စို့ကောင်းစို့လာလိမ့်မယ်။ ဘာမှတော့ထူးလာမှာမဟုတ်ဘူး။ ကောင်းပြီလေ။ နိုင်ငံရေးအပြောင်းအလဲဟာမဖြစ်မနေလိုနေပြီဆိုတော့ ဘယ်လိုလုပ်ကြမလဲ။ ၁၉၆၀ ပြည့်နှစ်တွေက စခဲ့တဲ့ စစ်တပ်ကအဓိက ဦးဆောင်ခဲ့တဲ့ အချင်းချင်းချကောင်းနေကြတဲ့ မြန့်မာ့နိုင်ငံရေး နှစ်ငါးဆယ်ကျော် ကို ဘယ်အချက်တွေကအရင်စရှင်းမလဲ။ ကောင်းမွန်တဲ့ စစ်ဘက် အရပ်ဘက် ဆက်ဆံရေးတခုကို ဘယ်လိုရအောင်သွားမလဲ။ ဒီမေးခွန်းဟာ လက်ရှိနိုင်ငံပြန်လည်ထူထောင်လိုတဲ့ အစိုးရ၊ နိုင်ငံရေးသမားတွေ၊ စစ်တပ်အကြီးအကဲတွေနဲ့ နိုင်ငံရေးနားလည်ကျွမ်းကျင်သူ ဆိုသူတိုင်းကို စိန်ခေါ်နေတဲ့မေးခွန်းလည်းဖြစ်ပုံရပါတယ်။ ဒီမေးခွန်းကို ဘာကောင်မှမဟုတ်ပေမယ့် ကျနော် ကြိုးစားပြီးဖြေကြည့်ပါ့မယ်။

Reference: Linkages between politics and economics by Nelson Joan M.
Journal of Democracy, October 1994

ဆက်ပါမည်
KZကေ

Wednesday, August 3, 2011

သုဝဏ္ဏအမြန်ရထား

ကိုတီတူး
ပြီးခဲ့တဲ့အပတ်က သုဝဏ္ဏ ကွင်းထဲမှာ အိုမန်အသင်းကို မြန်မာဘောပွဲကြည့် ပရိတ်သတ်က ရေသန့်ဗူးတွေ ခဲတွေနဲ့ပေါက်တယ်။ တကွင်းလုံးပွက်လောရိုက်ပြီး ထိမ်းလို့သိမ်းလို့မရတာကြောင့် တရုတ်မှာ ရထားနှစ်စင်း တိုက်ပါလေရော။

အခန်း(၁)
အိုမန်ဆိုတာအရှေ့အလယ်ပိုင်းနိုင်ငံငယ်လေးတခုဖြစ်လို့ အာရပ်နွေဦးဟာ သုဝဏ္ဏကွင်း ထဲပုံစံတမျိုးနဲ့များ ဖူးပွင့် ဖို့ဖြစ်လာတာလားလို့ ကျနော်ပြောရင် ခင်ဗျားကတော့ အတွေးခေါင်လှချည်ရဲ့ပြောတော့မှာပဲ။ မြန်မာတွေရိုင်းတယ် စည်းကမ်းမရှိဘူး လို့ပြောရင်ခင်ဗျားလည်းကြိုက်မှာမဟုတ်ဘူး။ နို့ ကျုပ်တို့က အလကားနေရင်း ဘာလို့စိတ်ရိုင်းတွေ ၀င်နေရတာလည်းဆိုတာတော့ စဉ်းစားကြည့်စေချင်တယ်။
ရှင်းရှင်းပြောရရင် ဘောလုံးပွဲမှမဟုတ်ပါဘူး။ ဘာအားကစားခင်ဗျားပြောချင်သလဲ။ ပြော။ အမှိုက်ကို စည်းကမ်းတကျမပစ်တတ်တဲ့လူမျိုးတမျိုးဟာ၊ ဒါမှမဟုတ် အဲသည်လိုစည်းနဲ့ကမ်းနဲ့ စံနစ်တကျနေထိုင်နိုင်အောင်ကို အခွင့်အရေးမရှိတဲ့ နေ့တဓူဝ စားဝတ်နေရေးနဲ့ ဗျာများနေတဲ့ လူမျိုးတမျိုးဟာ ကမ္ဘာ့ဖလားခြေစစ်ပွဲ အောင်ချင်တယ် ဆိုရင်တော့ အဲဒါစိတ်ကူးယဉ်တာပဲ။ ကိုယ့်ဆီက လယ်ယာမြေတွေပစ်၊ မိသားစုတွေကိုပစ်၊ တခြားနိုင်ငံက စိုက်ခင်းတွေ၊ စက်ရုံတွေနဲ့ အနှိပ်ခန်းတွေမှာ ပြည်တွင်းမှာကောပြည်ပမှာပါခေါင်းပုံဖြတ်ခံပြီး ထွက်အလုပ်လုပ်စားနေရတဲ့ လူမျိုးတမျိုးဟာ အာရှဖလားခြေစစ်ပွဲအောင်ချင်တယ်ဆိုရင်တော့ အဲဒါ ကျနော်ကြားဖူးသမျှ ရင်နာစရာအကောင်းဆုံး ဟာသပဲ။ ကျနော်တို့ နောက်ပြောနေကျသလိုပေါ့ဗျာ။ အားမှကစားလို့ရတာပါ။ အခြေခံစားဝတ်နေရေးမပြည့်စုံတဲ့။ လူလတ်တန်းစား မထွန်းကားတဲ့ နိုင်ငံသား တယောက်အနေနဲ့ ကျနော်တော့ ဘာအားကစားမှစိတ်ရှိတိုင်း မ၀င်စားနိုင်တာအမှန်ပါ။ ပရိတ်သတ်ကြီးကလည်းသိမှာပါ။ ကျနော်တို့ အဆင့်ကဒီအတိုင်းသွားရင် အရှေ့တောင်အာရှမှာကို နောက်ဆုံးမရောက်ရေးကြိုးစားရမှာပါ။ ဒါဆိုဘာလို့ ဒေါသတွေထွက်နေရတာလဲ။ ရှင်းတာပဗျာ။ ရန်ကုန်လူထုဟာ သူတို့မကျေနပ်မှုတွေကို ဘောလုံးကွင်းထဲမှာလာပြီး ဖွင့်ချပြလိုက်တာပဲ။
ဟုတ်တယ် လာခဲ့။ သုဝဏ္ဏ ကွင်းဟာ ၀င်ဘယ်ဒန် မဟုတ်ဘူး။ ဆဲနည်းပေါင်းစုံရှိတယ်။ ဒီလိုဆိုတော့ မြန်မာတွေက တခါကအရှင်သခင် နေမ၀င်ပြည့်ရှင်မင်းများလို နိုင်ငံကြီးသားတွေမဟုတ်ဘူးပေါ့။ အင်္ဂလန်နွေရာသီကို ကက်ဦးထုပ် နဲ့ ရေဘင်မျက်မှန်နဲ့ကွယ်၊ ဂျူလိုင်နေရောင်မှာ ကြေးနီရောင်သမ်းလာတဲ့ ရှာရာပိုဗာ ရဲ့ပေါင်တံရှည်ရှည်ကို ယဉ်ယဉ်ကျေးကျေးငေးကြည့်ခွင့်ရတဲ့ လန်ဒန်မြို့ကြီးသားတွေလိုမဟုတ်ဘူးပေါ့။ ကျုပ်တို့ဟာ အရိုင်းအစိုင်းတွေပေါ့၊ ဟုတ်စ။

အခန်း (၂)
အဝေးကြီးကစပြောရင် ခင်ဗျားသမ်းပြမှာစိုးလို့ နီးနီးနားနား ၂လ ၃လ လောက်ပြန်ကြည့်ရအောင်ဗျာ။ ၂၀၁၁ အစိုးရသစ်ဟာ ကျနော်တို့နိုင်ငံမှာ နိုင်ငံရေးအကျဉ်းသားမရှိဘူးဆိုခဲ့တယ်။ အစိုးရသစ်လွတ်ချမ်းသာခွင့်မှာ နိုင်ငံရေး အကျဉ်းသားတွေကိုမလွှတ်ခဲ့ဘူး။ နယ်စပ်မှာတိုင်းရင်းသားတွေကို ထိုးစစ်ကြီးတွေဆင်ခဲ့တယ်။ အင်အယ်ဒီကို ခြေလှမ်းတွေမကျဲဖို့ သတိပေးစာပို့ခဲ့တယ်။ တဘက်မှာ ဆင်းရဲမှုတိုက်ဖျက်ရေးစာတမ်းတွေဖတ်စေတယ်။ ဒီ့အရင်ကလည်း နိုဘယ်အကျော်အမော် စတစ်ဂလစ်လို စီးပွားရေးပညာရှင်ကို နေပြည်တော်ထိပင့်ခဲ့တယ်။ စိုက်ပျိုးရေးကိုပဲအခြေခံပါဆိုတဲ့ အကြံပြုချက်ကြောင့်လားမသိ၊ လက်ရှိသမ္မတကြီးက ကိုယ်တိုင်စပါးတွေဘာတွေစမ်းစိုက်ကြည့်တယ် ဆိုလား သတင်းတွေကြားရတယ်။ “ရမထာရွှေကြီမ်လုံးရယ်နဲ့ ထွန်တုံးကိုတဲ့ခြေတော်တင်၊ နွားကြံစုံရှင်…..” အမယ်မင်း ခင်ဗျား လယ်ထွန်မင်္ဂလာ သီချင်းများတောင်ကြားယောင်မိသေးဗျာ။ ဘဏ်တိုးနှုန်းတွေပြင်မယ်ဆိုတယ်။ ဒေါ်လာနဲ့ ကျပ်ကို တရားဝင် ငွေလဲလှယ်နှုန်းတွေ ပြန်လုပ်မယ်ဆိုလာတယ်။ ပင်စင်စားလစာ ငွေကိုမြှင့်ပေးခဲ့တယ်။ ဒီလောက်ဆိုရပါပြီ။ နိုင်ငံရေး လုပ်မလား။ ရတာပ။ ကိုယ်တို့ ခွင့်ပြုတဲ့အတိုင်းလုပ်၊ ညှိနှိုင်းဖို့မရှိသေးဘူး။ တိုင်းပြည်အခြေအနေမကောင်းတာ လက်ခံတယ်။ စီးပွားရေးကောင်းအောင်ကိုယ်တို့ဘာသာ ကြိုးစားလုပ်မယ်။ ကောင်းရင်နိုင်ငံရေးအကျပ်အတည်းဟာ သင့်သလောက် ပြေလည်လာမှာပဲ။ လတ်တလောတည်ငြိမ်မှုရဖို့အတွက် အနု၊ အကြမ်း အဆင်ပြေသလိုသုံးမယ်။ ဒါလက်ရှိအစိုးရရဲ့လုပ်ရပ်တွေကနေ နားလည်နိုင်တဲ့ အတွေးအခေါ်ပါ။ သို့သော် အခုအဓိကကျတဲ့ ဒီသို့သော်ဟာ ဘာလဲဆိုတော့ လက်ရှိ နိုင်ငံရေး ပြေလည်မှုမရပဲစီးပွားရေး ကောင်းလာဖို့ဆိုတာ မမျှော်မှန်းနိုင်ပါဘူး။ ဒါလဲ အာရှဖလားခြေစစ်ပွဲအောင်ချင်တာမျိုးနဲ့ ခပ်ဆင်ဆင်လို့ပြောရတော့မှာ။ အင်း၊ မဟုတ်ရင်တော့လွဲမှာပဲ။ ဒီလိုဗျ။

ဆက်ပါမည်
KZကေ