Saturday, April 23, 2011

ပြာခြွေခွက် ၄။ ဒွန်ကွီဇုတ်စာရေးဆရာ အပိုင်း-၂






သူ့ဟာက ဂျယ်ရမီဘင်သမ် (Jeremy Bentham) ရဲ့ထောင်လိုဖြစ်နေတယ်။ စက်ဝိုင်းပုံထောင်မှာ ပတ်ပတ်လည်မှာအချုပ်ခန်းတွေထားပြီး စောင့်ကြပ်သူက ဗဟိုကအခန်းထဲမှာရှိနေမယ်။ အကျဉ်းသားတွေဟာ တယောက်နဲ့တယောက်ဆက်သွယ်ခွင့်မရဘူး။ ဗဟိုကအစောင့်ကိုကြားခံထားပြီးတော့အဆက်အစပ်လုပ် လို့ရတယ်။ ခန်း ရဲ့သမိုင်းဆိုင်ရာပါရာဒိုင်း အကျဉ်းထောင်ပေါ့။ အစောင့်ကသာအထိုင်တခုနဲ့အခြားတခု ကြား (အကျဉ်းသားတဦးနဲ့တဦးကြား) ကအနေအထားတွေကိုသာ ယှဉ်ထိုးဆုံးဖြတ်နိုင်ပြီး ကျန်တဲ့သူတွေမှာ တော့ဒီအခွင့်အရေးမရဘူး။ ခန်းကိုဘယ်သူကဒီစောင့်ကြည့်သူနေရာကိုပေးခဲ့သလဲ။
ကျနော့်ယုံကြည်တာက ခန်းဆီမှာသူ့အယူအဆနဲ့ပတ်သက်လို့သူ့ဘာသာသံသယ၀င်နေတဲ့အချက်တွေရှိတယ်။ ဒါနဲ့ကျနော့်ဝေဖန်မှုကြောင့်စိတ်ပျက်ရတာပါပေါင်းပြီး ပြာခြွေခွက်ငြင်းခုံမှုဆီကိုရောက်လာခဲ့တာပဲ (ဆေးလိပ်ခွက်နဲ့ပေါက်တာ)။ ကျနော့်အယူအဆဟာ မကြာခင်ကမှကထွက်လာတဲ့ စတန်လေကာဗဲ ရဲ့ “Little did I Know – 2010) စာအုပ်ကြောင့်ပိုခိုင်မာလာတယ်။ သူနဲ့ခန်းက ၅၀ပြည့်နှစ်တွေတုန်းက ဟားဗတ်မှာအတူတူ၊ ပြီးလို့ ဘာကလေမှာဆရာပေါက်စတွေစလုပ်တော့လည်းအတူတူ။ ခန်း “Structure” ကိုရေးနေတဲ့အချိန်။ သူ ဟစ်တလာနဲ့ ၀စ်ဂျင်စတိန်းကိုသွားအမှတ်ရလိုက်တယ်။ အဲဒီကာလ ဂျုးလူတော်ကလေးတွေလိုပေါ့ ခန်းဟာ တတိယဂျာမာန်နိုင်ငံတော်(Third Reich) ရဲ့အဓိပ္ပါယ်အောက်မှာ ရုန်းကန်နေရတယ်။ သမိုင်းခေတ်တွေအားလုံးနဲ့ ပတ်သက်ပြီး တခုတည်းသော အလုံးစုံအမှန်တရား ကိုသာလက်မခံဘူးဆိုရင် နာဇီတွေကိုဘယ်လိုလုပ်ကြမလဲ။ (မှတ်ချက်။ ရှေ့မှာပြောခဲ့သလို အမှန်တရားဟာပြောင်းနေတယ်၊ ခေတ်ကာလအလိုက်ပိုင်းခြားပြီးလက်ခံရမယ် ဆိုရင် နာဇီတွေဟာခေတ်တခု၊ စံနစ်တခုရဲ့သားကောင်ပဲဆိုပြီး ခွင့်လွှတ်လိုက်ရမလား လို့ဆိုချင်တာ) ဋ္ဌာနတွင်းအစည်းအဝေးပြီးတော့ ခန်းဟာ ကာဗဲအိမ်ကိုလိုက်လာခဲ့တယ်။
“…….စကားကောင်းလာလို့သန်းကောင်လည်းကျော်လာရော တွမ် (Thomas ဆိုတဲ့ပထမနာမည်ကို ရင်းနှီးသူများအခေါ် Tom) ဟာ ဂဏာမငြိမ်ဖြစ်လာတယ်။ ဒီပုံစံမျိုး ကျနော်(စာရေးသူ ကာဗဲ) မမြင်ဘူးဘူး။ သူဟာရုတ်တရက်ကုလားထိုင်ကနေရှေ့ကိုကိုင်းညွှတ်လာတယ်။ သူ့မျက်နှာမှာကျနော် နောက်ပိုင်းရင်းနှီးလာတဲ့ မသက်မသာပုံစံနဲ့။
ဝစ်ဂျင်စတိန်းလည်းပါရာဒိုင်းကိုသုံးခဲ့တာကျနော်(ခန်း) သိတယ်။ ဒါပေမယ့် အသုံးချတဲ့အပိုင်းတော့မတွေ့မိဘူး။ သိပ္ပံပညာရဲ့အမှန်တရားကိုဖျက်စီးတဲ့ ငြင်းဆိုမှုဆိုတာကိုကျနော်ဘယ်လို ပြန်ဖြေရမလဲ။ ကျနော်ဒီအတွေးအခေါ်နဲ့ပတ်သက်လို့တော်တော်လေးကိုစိတ်မသက်မသာဖြစ်မိတယ်။ တကယ်လို့သာ ညွှန်ကြားချက်နဲ့သဘောတူမှုကသာ အကြောင်းအရာတခုရဲ့အနှစ်သာရသာဆိုရင် ဟစ်တလာကကျနော့်ကို သီအိုရီတခုပေးပြီး အဲဒါကိုမှန်တယ်လို့သဘောတူဖို့ ညွှန်ကြားချက်ပေးလိုက်ယုံပေါ့။
ကျနော် (ကာဗဲ) ပြန်ပြောတာက၊ မဟုတ်ဘူး၊ သူကခင်ဗျားကိုဘယ်လိုလုပ်အသိပညာတိုးစေမှာလဲ။ အမှန်ကိုသိအောင်သင်ပြနိုင်မှာလဲ။ သူကသီအိုရီတခုကိုအမိန့်အာဏာသုံးပြီးထုတ်ပြန်လို့သာရနိုင်မယ်။ ဒါကိုခင်ဗျားမလိုက်နာရင်သတ်ပစ်မယ် လို့ခြိမ်းခြောက်မယ်။ ဒီမှာဆိုလိုတာက ခင်ဗျားသူ့အမိန့် ကိုလိုက်နာမယ်လို့သူယုံကြည်အောင်တခုခုမလုပ်နိုင်ရင်သတ်ခံရမယ်ဆိုတာပဲ။
ခန်းရဲ့တုန့်ပြန်ပုံကအံ့အားသင့် စရာကောင်းတယ်။ သူကုလားထိုင်ကခပ်ကြမ်းကြမ်းထပြီး မီးလင်းဖိုရှေ့မှာလျှောက်နေတယ်။ တခုခုလည်းရွတ်နေတယ်။ အင်း၊ အင်း၊ ဘာကခိုင်မာတဲ့ယုံကြည်မှုကိုဖြစ်စေသလဲ။ ဘာကမသိမသာစွဲထင်နေတဲ့ ယုံကြည်မှု (unnoticed conviction) ကိုဖျက်ပစ်နိုင်မလဲ”
ကျနော် (မောရစ်) ကာဗဲကိုသူ့စာအုပ်ထဲကဒီစာပိုဒ်ကိုမေးတယ်။ ခန်းနဲ့ ၀စ်ဂျင်စတိန်းအကြောင်း။ ၀စ်ဂျစ်စတိန်းဟာဘယ်လို လုပ်ပြီး နှိုင်းရအမှန်ဝါဒ (relativism - အားလုံးအတွက်တခုတည်းသောအမှန်မရှိ။ တဦးချင်းရဲ့ပုဂ္ဂလိကအမြင်၊ အတွေ့အကြုံ၊ ယုံကြည်မှုနဲ့တွဲနေတဲ့အမှန်တွေပဲရှိတယ်ဆိုတဲ့အယူအဆ) ဆီကိုရောက်သွားရတာလဲ ဆိုတာတွေ ကိုမေးတယ်။
ကာဗဲ။ ။ ၀စ်ဂျင်စတိန်းက အမှန်တရားရဲ့ကျိုးကြောင်းဆီလျှော်မှုကိုငြင်းတယ်လို့သိတော့ ခန်းဟာ တော်တော်တော့ ပြာသွားတယ်။ တနည်းမဟုတ်တနည်းနဲ့တော့ အားလုံးဟာ သဘောတူညီမှုရအောင်လုပ်ကြ ရတာပဲ။ ဒါကဝေ့နေတယ်ဆိုဦးတော့ ပြဿနာလို့တော့မထင်မိဘူး။ ဒါမှန်တယ်လို့တော့ငါထင်တယ်။
မောရစ်။ ။ ဒါနဲ့ပါတ်သက်ပြီး ဆရာ့ခံစားချက်ကကော။
ကာဗဲ။ ။ တကယ့်ပြဿနာကို ၀စ်ဂျင်စတိန်းက အစဆွဲလိုက်တာပဲ။ သဘောတူညီမှုဆိုတာဘာလဲ။
မောရစ်။ ။ အဲဒါ အတွေးအခေါ်ပိုင်းဆိုင်ရာစိစစ်မှုများ (Philosophical Investigation) ထဲမှာပါတယ်မလား။
ကာဗဲ။ ။ ဟုတ်တယ်။ အဲဒါပေါ့ ငါတို့ပြောခဲ့တာ။ အစောပိုင်းဝစ်ဂျင်စတိန်းက အေးခဲနေတဲ့သမိုင်း။ ဘယ်သူမှသိပ်မပြောကြတော့ဘူး။ ဒီစာအုပ်ကတော့ခုထိ ဟော့နေတုန်းပဲ။ သဘောတူညီမှုတခုကိုဘယ်လို ထူထောင်မလဲ။ ဘယ်လောက်လေးနက်မှုရှိသလဲ။ ၀စ်ဂျင်စတိန်းအပြောအရဆိုရင် ငါတို့ဟာဆုံးဖြတ်ချက်တွေမှာ သဘောတူကြတာမဟုတ်ဘူး။ ငါတို့ ဘ၀ရဲ့ဖွဲ့တည်ပုံ ထဲမှာသဘောတူကြတာ။ (We don’t agree in judgement, we agree in form of life)
တကယ့်စာသားက အတွေးအခေါ်ပိုင်းဆိုင်ရာစိစစ်မှုများ ထဲက အပိုဒ် ၂၄၁ မှာပါတယ်။ လူသားရဲ့သဘောတူညီမှုက ဘာကမှားတယ် ဘာကမှန်တယ်ဆိုတာကို ဆုံးဖြတ်ချက်ချလိုက်တာပဲ။ ဒါ အမှားနဲ့ အမှန်ကိုလူတွေလက်ခံနေကြတာ။ သူတုိ့သုံးတဲ့ ဘာသာစကားထဲမှာသဘောတူပြီးပြောနေကြတာပေါ့။ အယူအဆတွေထဲမှာလက်ခံထားကြတာမဟုတ်ဘူး။ ဘ၀ဖွဲ့တည်ပုံ ထဲမှာလက်ခံထားကြတာ။
ဒီအချက်ကြောင့်ပဲ သူ့အယူအဆအပေါ် ဝေဖန်သံတွေလျှံကြလာခဲ့တယ်။
ဝစ်ဂျင်စတိန်းဟာအနည်းဆုံးဒီတခုတော့ခေါင်းမာမာနဲ့ကို သူ့ဖလော်ပေါ်မှာတောင့်ခံထားခဲ့တယ်။ အမှန်ဆိုတာလူတွေရဲ့ဆုံးဖြတ်ချက်ပဲ။ အမှန်တရားဆိုတာ လူအချင်းချင်းသဘောတူဖို့ပဲ။ ကမ္ဘာဟာလုံးနေဦးတော့ ပြားတယ်လို့သာအားလုံးကသဘောတူရင် ပြားတာကအမှန်ပဲလို့ဆိုတယ်။
ခန်းဟာဒီဒဿနနဲ့ငြိမ်းချမ်းရေးယူထားတယ်။ သူ့ရဲ့သိပ္ပံပညာရဲ့ဒဿန အခြေခံအဖြစ်ကိုယူထားခဲ့တယ်။ နောင်နှစ်အနည်းငယ်ရလာတော့ သူ့ရဲ့ Structure စာအုပ်ထဲမှာ ခန်းကခုလိုရေးခဲ့တယ်။
ယေဘူယျပဲဆိုဆို အသေးပဲစိတ်ကြည့်ကြည့် ပိုပြီးတိကျအောင်ပြောရမယ်ဆိုရင် ကျနော်တို့အနေနဲ့ ပါရာဒိုင်းအပြောင်းကြောင့် သိပ္ပံပညာရှင်တွေ သူတို့တွေဆီကလေ့လာသူတွေဟာ အမှန်တရားနဲ့ပိုပြီးနီးကပ်လာတယ်ဆိုတဲ့အချက်ကို စွန့်လွှတ်ကောင်းစွန့်လွှတ်ပစ်ကြရပါလိမ့်မယ်။
(မှတ်ချက်။ ၀စ်ဂျင်စတိန်းဟာ သြစတြီးယားနိုင်ငံသား။ ၂၀ရာစုရဲ့ထင်ရှားတဲ့ တွေးခေါ်ရှင်တွေထဲကတဦးဖြစ်ပြီး သူ့ဒဿနမှာအဆင့်၂ဆင့်တွေ့နိုင်တယ်လို့နောက်ပိုင်းပညာရှင်တွေက သုံးသပ်ကြတယ်။ ပထမအဆင့်က လောဂျစ်ကို Metaphysics (ဖလော်ရဲ့လက်တက်တခု၊ သဘာဝရဲ့ဖြစ်တည်မှုကိုလေ့လာတဲ့ပညာရပ်) နဲ့ ဘာသာစကားကိုကြားခံပြီးဆက်စပ်လေ့လာ တာဖြစ်ပြီး ဒုတိယအဆင့်က အပေါ်မှာပြောတဲ့ အတွေးအခေါ်ပိုင်းဆိုင်ရာစိစစ်မှုများ (Philosophical Investigation - ၁၉၅၃) ပါ။ ဒီအဆင့်မှာတော့သူဟာ အစဉ်အလာတွေးခေါ်မှုတွေအားလုံးအပြင် ပထမအဆင့်ကသူ့ရဲ့နာမည်ရှိပြီး သားအယူအဆတွေ ကိုအကုန်ဆွဲလှန်ပစ်ခဲ့တယ်။ သူပြောတဲ့ ဘ၀ဖွဲ့တည်ပုံဆိုတာဟာ ဘာသာစကားသုံးစွဲခြင်း ကိုအဓိကရည်ညွှန်းလိုပြီး လူတွေဟာတယောက်အယူအဆအတွေးအခေါ်ကို တယောက် လက်ခံရာမှာ ဘာသာစကားသုံးစွဲမှုအတွင်း (ယဉ်ကျေးမှု၊ ဇာတိ၊ ဓလေ့ထုံးတမ်း စတဲ့) ဘ၀ဖွဲ့တည်ပုံထဲကသာလက်ခံ ကြတာ၊ စဉ်းစားဆင်ခြင်နိုင်စွမ်းအားနဲ့လက်ခံကြတာမဟုတ်ဘူးဆိုလို့၊ အားလုံးလက်ခံနိုင်တဲ့ ဓမ္မဓိဋ္ဌာန်ကျတဲ့အမှန်ဆိုတာမရှိတော့ပဲ လူတစု၊ အချိန်ကာလတခု၊ ယဉ်ကျေးမှုတခုအတွင်းမှာ လက်ခံနိုင်ရင် မှန်တာပဲလို့ယူလို့ we agree in form of life လို့ပြောတာဖြစ်တယ်။)
နောက်ဆုံးပို့စ် အပိုင်း၅ တွင်ပြီးပါမည်။
KZကေ

Saturday, April 16, 2011

ပြာခြွေခွက် ၄။ ဒွန်ကွီဇုတ်စာရေးဆရာ


ဟစ်ပါးစု ဟာရေနှစ်သတ်ခံရတာဖြစ်ချင်မှဖြစ်မယ်။ ပိုက်သာဂိုရ ဆိုတာသချာင်္ပညာရှင်ဖြစ်ချင်မှလည်းဖြစ်မယ်။ တိကျတဲ့အထောက်အထားပြနိုင်တဲ့ဘာစာရွက်စာတမ်းမှမရှိဘူး၊ တယောက်ရေးတာတယောက်ဆက်ကိုးကား လာကြတာပါပဲ။ ရီနေးဆန်းက ပန်းချီဆရာနှစ်ယောက်ဆွဲတဲ့ကားတွေအရပြောရရင် ထင်ရှားတဲ့ပိုက်သာဂိုရက နှစ်ယောက်ရှိတယ်။ တယောက်က ရာဖယ် (Raphael) ကားထဲက သူက စကော်လာ သချာင်္ဆရာ ၊ နောက်တယောက် က ရူဘင် (Rubens) ကားထဲက သက်သတ်လွတ်စားတဲ့ ဘာသာရေးဆရာ။ နောက်နှစ်ပေါင်း ၂၀၀၀ လောက်ကြာလာတော့လူတွေလည်းဘာကိုအတည်ယူရမလဲခက်လာတယ်။ သချာင်္ဆရာလား ဘာသာရေးခေါင်းဆောင်လား။ ဘားကတ်အလိုအရတော့ ပိုက်သာဂိုရဆိုတာ တိတိကျကျဖော်ပြရခက်သူတဦး၊ သမိုင်းရဲ့အလင်းရောင်လေးအောက်ရပ်နေသူတဦးပဲ။ ပိုက်သာဂိုရ ဟာေ၀၀ါးဝါးဖြစ်နေတယ်ဆိုရင် ဟစ်ပါးစုကကော ဘယ်သူလဲ။ ပိုက်သာဂိုရဂိုဏ်းသားတွေရေနှစ်သတ်လိုက်တယ်ဆိုတာကကော ပုံကြီးချဲ့ထားတဲ့ ခုခေတ်သမိုင်းဆရာတွေ ဖတ်ကောင်းအောင်ဇတ်လမ်းဆင်ရေးထားတာတွေမဖြစ်နိုင်ဘူးလား။ ဒါဆိုရင် ဒီဇတ်လမ်းပေါ်မှာအခြေခံထားတဲ့ အယူအဆ၊ အထိုင်တွေပြောင်းပြီး စံတခုတည်းကိုင်ပြီး တခုကိုအခြားတခုနဲ့ နှိုင်းယှဉ်မဖော်ပြနိုင်ခြင်းဆို တာကကော။ သမိုင်းမှာထူးဆန်းပြီးရူးနှမ်းတဲ့အချက်တချက်ကပုံပြင်တွေ၊ ဒဏာရီတွေဟာ တကယ့်အချက်အလက်တွေထက်ပိုပြီးထင်ရှားကျော်ကြားတာပဲဖြစ်တယ်။ ဘာဖြစ်လို့လဲ ဒဏာရီတွေမှာက ဇတ်လမ်းဆိုတဲ့ စိတ်ဝင်စားအောင် အခင်းတွေ အတက်တွေ အဖြေတွေနဲ့ ရေးထားတာကိုး။ ဟစ်ပါးစု ဇတ်လမ်းမှာကြတော့ ပုံနှိပ်အရေးအသားမပေါ်ခင်မှာကိုပဲစိတ်ကူးထားတဲ့ဇတ်လမ်းတခုပဲ။ ဟစ်ပါးစုဟာ ပိုက်သာဂိုရ ဂိုဏ်းသားတွေရဲ့လှို့ဝှက်ချက်ကိုဖော်ထုတ်လိုက်လို့ ရေနှစ်သတ်ခံရတယ်ဆိုတာ ဇတ်လမ်းရေးသူက ဆင်ထားတဲ့အကွက်တကွက်ပေါ့။ ဟေဂယ်နောက်လိုက်တွေလိုပေါ့ အယူအဆတခုကိုဆန့်ကျင်ဘက်တခုနဲ့တေ့ ပေးလိုက်ရမှသဘောကျသူတွေ။ ကဲထားတော့ ဒီဇတ်လမ်းကိုအမှန်အဖြစ်ယူခဲ့ရင်တောင်မှ ခန်းပြောချင်တဲ့ စံတခုဖြင့် နှိုင်းယှဉ်မဖော်ပြနိုင်ခြင်းနဲ့ဘယ်လိုသွားဆက်စပ်ရမလဲ။ ဒါဟာ လူတယောက်ပြောတဲ့ အယူအဆအသစ်တခုကို တခြားလူတွေကနားမလည်လို့ဖြစ်ရတာမဟုတ်ဘူး၊ သူတို့လှို့ဝှက်ချက်ကိုဖော်ထုတ်လို့ (√2 ဟာ သဘာဝကိန်း မဟုတ်တာကိုထိန်ချန်ထားတာကိုဆိုလိုသည်) မကျေနပ်ချက်ကြောင့်ဖြစ်ရတာပဲ။ ၀ီဘာခနော (Wilbur Knorr 1945 – 97, The Evolution of the Euclidean Elements စာအုပ်ရေးသူ) အလိုအရဆိုရင် ဒီ ဂရိ သချာင်္ပြဿနာ ဇတ်လမ်း ကနောက်ပိုင်းကျမှပေါ်လာတဲ့ မော်ဒန်ဇတ်လမ်းပဲဖြစ်တယ်။ Iamblichus လို နီယိုပလာတိုးနစ်တွေထက် နှစ်ပေါင်း ၁၅၀၀ နောက်ကျပြီးမှပေါ်လာတဲ့ဇတ်လမ်းလို့ဆိုတယ်။ ခနော ရဲ့ကောက်ချက်ကသုံးခုရှိတယ်။ ၁။ ဒီဂရိခေတ် ၅၀၀ ဘီစီလောက်က ပြဿနာအတွက် ဘာအထောက်အထားမှမရှိဘူး ၂။ အဲဒီအချိန်မှာဒီလိုပြဿနာမျိုးပေါ်ဖို့ဆိုတဲ့ အကြောင်းအကျိုးလည်းမရှိဘူး ၃။ ဒါနောက်ပိုင်း ၁၉ ရာစုရောက်လာမှ ထွင်လိုက်တဲ့ဇတ်လမ်းဆိုတာသက်သေပြနိုင်တယ် လို့ဆိုတယ်။ ခနော ပြောတာကတော့ရှင်းတယ်။ ပိုက်သာဂိုရ ဂျီသြမေတြီရဲ့အ၀န်းအ၀ိုင်းထဲမှာ သူ့ကိုပြန်ချဲလင့်လုပ်နိုင်တဲ့ စံတခုဖြင့်နှိုင်းယှဉ်မဖော်ပြနိုင်ခြင်းဆိုတဲ့ ဖော်ထုတ်တွေ့ရှိချက်မျိုးမရှိဘူး။ ခနော လိုပဲ ဒီဇတ်လမ်းနောက်ကိုလိုက်ပြီး ယုတ္တိမတန်ဘူးလို့ ဒေးဗစ်ဖောင်လာ ကလည်းသူ့စာအုပ်တအုပ်မှာရေးခဲ့တယ်။ ဖောင်လာအလိုအရ ဒီဇတ်လမ်း ဟာ ဂရိခေတ်နောက် ၉ရာစုလောက်နေမှပေါ်လာတာ။ ဒါပေမယ့် သူကဘားကတ်နဲ့တူတာတခုတော့ရှိတယ်။ ဒါဆို ပိုက်သာဂိုရဆိုတာဘယ်သူလည်းဆိုတာကိုစိတ်ဝင်စားတာ။ သူက ပိုက်သာဂိုရဆိုတာဘယ်သူလည်း ဆိုတာကိုဆာဗေးတခုလုပ်ခဲ့တယ်။ လက်ရှိခေတ်ပြိုင်ပညာရှင်တွေရဲ့ ပိုက်သာဂိုရအပေါ်သဘောထားအမြင်ကို ကောက်ခံကြည့်တာ။ ကျနော်လည်း အကူအညီပေးသူတွေရှိလို့ အင်တာနက်ပေါ်မှာ စစ်တမ်းလေးတခု ကောက်ကြည့်မိတယ်။ လူ ၁၉၀လောက်ပြန်ဖြေကြတယ်။ ၄၀% က သချာင်္ပညာရှင်လို့အဖြေပေးကြပြီး ၂၈% ကအတွေးအခေါ်ပညာရှင် လို့ဆိုတယ်။ ၁၂% က သချာင်္နဲ့အတွေးအခေါ်ပညာရှင်လို့ဖြေကြပြီး ကျန်တာတွေကတော့ အမျိုးမျိုးဆိုကြတယ်။ ဖောင်လာရဲ့ဆာဗေးဟာရုတ်တရက်ကြည့်ရင် တော့ခပ်ကြောင်ကြောင်ပဲ။ ဒါပေမဲ့တခုတော့ပြောနိုင်တာပေါ့။ သက်သေပြချက်နဲ့ ယုံကြည်မှုကြားမှာ မဆုံးနိုင်တဲ့ကွာဟချက်တခုရှိနေတယ်ဆိုတာပဲ။

ပြာခြွေခွက် ၄။ ဒွန်ကွီဇုတ်စာရေးဆရာ

ကျနော်ဟာ √2 သက်သေပြချက်နဲ့မဆိုင်တဲ့ ခန်းရဲ့ကိုယ်ပိုင်ရှေ့နောက်မဆီလျှော်မှုကိုပြောခဲ့ပြီးပါပြီ။ တကယ်သာ အားလုံးဟာစံတခုထဲမှာ တခုနဲ့တခု နှိုင်းယှဉ်ထပ်ဟပ်မဖော်ပြနိုင်ဘူးဆိုရင် အားလုံးကို လက်ရှိဆိုတဲ့ရှုထောင့်တခုထဲက ပဲချဉ်းကပ်ရတော့မှာပါ။ သမိုင်းဆိုတာမရှိတော့ဘူး။ သမိုင်းဆိုတာ ခုခေတ်အမြင်နဲ့ပြန်ဖွင့်ဆိုထားတဲ့ Whiggish History တွေချည်းပဲဖြစ်တော့မယ်။ အားလုံးဟာ ခုပဲ ပစ္စုပ္ပန်ပဲ။ အမှန်တရားဆိုတာမရှိတော့ဘူး။ ခုချိန်မှာမှန်တယ်ဆိုတာပဲရှိတော့မယ်။ အခြေအနေတခုမှာမှန်နေတာပဲ။ နှိုင်းရအမှန်ဆိုတာပဲရှိတော့မှာပါ။ ဒီတော့ ငါထင်တဲ့အမှန်က မင်းထင်တဲ့အမှန်ထက်ပိုကောင်းမကောင်းဆို တာပဲပြောရမလိုဖြစ်လာတယ်။ ကျနော်တို့ ကိုယ့်ကိုကိုယ်လက်ခံထားတဲ့ အထိုင်ကိုကျော်ပြီး မြင်ကြည့်လို့မရတော့ဘူး။ ပိုဆိုးတာတခုက ကျနော်တို့ သမိုင်းဆိုင်ရာနှိုင်းရ၀ါဒ (Historical Relativism) ကိုလက်ခံလိုက်ရင် (မှတ်ချက်။ အမှန်တရားဟာ ကာလအပိုင်းအခြားပေါ်မူတည်ပြီးပြောင်းနေတယ်ဆိုတဲ့ အယူဝါဒကိုဆိုလိုသည်။ အင်္ဂလိပ်ကမြန်မာကိုကျွန်ပြုမှာပေါ့ အဲဒီအချိန်ကဒီလိုလုပ်တာမှန်တာပဲ။ ငါသာ ဟစ်တလာဆိုလည်းဒီထက်ဆိုးရင်တောင်ဆိုးမှာ ဆိုတဲ့ အမြင်မျိုးကိုဆိုလိုသည်။) လူတိုင်းကိုယ့်အမှန်တရား နဲ့ကိုယ်ရှိတာပဲဆိုတဲ့အယူအဆအထိဆက်ရောက်သွားနိုင်တာပါပဲ။ (မှတ်ချက်။ ဆောရီးကိုယ့်လူ။ ဘာမှလာပြောမနေနဲ့။ ငါ့မှာငါ့အမှန်တရားနဲ့ငါ ဆိုတာမျိုး)။ တကယ်တော့ ခန်းဟာ သမိုင်းဆိုင်ရာနှိုင်းရ အယူအဆကိုသဘောကျလက်ခံထားသူပါ။ သူ့စာအုပ်မှာရေးထားတာတခုက သူ့ဝေဖန်သူတွေဟာ မတူတဲ့ ခန်း(၁) နဲ့ ခန်း(၂) ကိုရေးနေကြတယ်ဆိုတာပဲ။ ကျနော်ကတော့ ခန်း၂ယောက်ရှိတယ်ဆိုတဲ့အချက်ကို လက်မခံပါဘူး။ ခန်းဟာ သိပ္ပံနည်းပညာတော်လှန်ရေးများ၏တည်ဆောက်ပုံ (The structure of scientific revolutions) ကို ၁၉၆၂ မှာရေးခဲ့တယ်။ နောက်တခါ ဒီနာမည်ကိုပဲသုံးပြီးနောက်ထပ်စာအုပ်တအုပ်ထပ် ရေးပြန်တယ်။ စာအုပ်နှစ်အုပ်ကိုနာမည်တခုထဲပေးတာဟာ တိုက်ဆိုင်မှုတော့မဟုတ်ပါဘူး။ တအုပ်မှာရှိတဲ့ အမြင်တွေ တချို့စာသားတွေဟာ နောက်တအုပ်မှာလည်း ထပ်တူပဲ။ ဒါပေမဲ့ အဓိကကျောရိုးကိုတော့တော်တော် များများမှာ ပြောင်းထားတယ်။ ဝေဖန်ရေးဆရာတွေရေးတာကတော့ (လောလောဆယ်အဲဒီစာအုပ်ရှိမနေလို့ သေချာအောင်ပြန်မကြည့်နိုင်ဘူး) ခန်း(၂) ဟာ သူ့နာမည်တူတခုက (ခန်း ၁ ကိုဆိုလိုတယ်) တင်ပြခဲ့တဲ့ အဓိကကျတဲ့အယူအဆတွေကိုပြန်ချေဖျက်ဖို့ကြိုးစာထားတာလို့ဆိုတယ်။ ကျနော့်အမြင်မှာတော့ ခန်းနှစ်ယောက် စာအုပ်နာမည်တူနှစ်အုပ် ဆိုတာဟာ သူ့ဖီလော်ဆော်ဖီကို ရှေ့နောက်ညီအောင် ကျနော်တို့ ဖတ်ဖို့မဖြစ်နိုင်တော့ဘူး။ ခန်းအတွက်ကတော့ ဒီအဖြစ်ဟာ တယောက်နဲ့တယောက်အမြင်ခြင်းယှဉ်ထပ်မကြည့်နိုင်တဲ့သူနှစ်ဦးဟာ စကားပြောလို့မရနိုင်ဘူး ဆိုတဲ့ သူ့ဖီလော်ဆော်ဖီ ကိုပံ့ပိုးနေတယ်။ သူ့ရေးထားတာက မတူတဲ့ကမ္ဘာနှစ်ခုက လူတွေ အမြင်ခြင်းမနီးစပ် သူတွေဟာ တစိတ်တပိုင်း သို့ မပြည့်ဝတဲ့ ဆက်ဆံရေးတခုကိုပဲထူထောင်နိုင်မယ်ဆိုတယ်။ ကျနော့်အမြင်မှာတော့ ခန်း (၁)ဟာ ခင်ဗျားဝေဖန်နိုင်တဲ့ ခန်းဖြစ်တယ်။ ခန်း(၂) ကိုတော့မဝေဖန်နိုင်ဘူးဆိုတာမျိုး လုပ်ထားတာပဲ။ တွေးခေါ်ရှင် ဒေးဗစ်ဆင် ကတော့ Conceptual Relativism ဟာ ပုံမှန်မဟုတ်ဘူးတဲ့။ ပထမတော့ ထူးခြားဆန်းကြယ် တွေ့ရှိချက်လိုဖြစ်နေပေမယ့် နောက်တော့ လမ်းပေါ်ကသာမန်လူတယောက်ထက် ဘာမှမပိုဘူးဆိုတယ်။ စာကြောင်းတကြောင်းရဲ့အမှန်တရားဟာ (အခြားအရာတွေအားလုံးကြားမှာပဲ) သူ့ကိုဖော်ပြတဲ့ဘာသာစကားပေါ်မှာမူတည်တယ်ဆိုတယ်။ ခန်းရဲ့ဒီမှတ်ချက်ဟာ ကျနော့်ကို လူးဝစ် ဘိုဂဲ ရဲ့ ၀ထ္ထုတိုတပုဒ်ကိုသတိရစေတယ်။ ပီးယားမင်နား၊ ဒွန်ကွီဇုတ်ကိုရေးခဲ့သူ ဆိုတဲ့ဝထ္ထုတို။ အဲဒီထဲမှာ မင်နားဆိုတဲ့ ဇတ်ကောင်ဟာ ဒွန်ကွီဇုတ်ကိုပြန်ရေးတယ်။ (မှတ်ချက်။ ဒွန်ကွီဇုတ်မူရင်းကို စပိန်စာရေးဆရာ Miguel de Cervantes ကရေးခဲ့တယ်။ ခေတ်သစ် အနောက်တိုင်းစာပေအတွက်အဦးအဖျားထဲက အကောင်းဆုံး ဖန်တီးမှုတွေထဲကတခု အဖြစ်မှတ်တမ်းဝင်တယ်)။ မင်နားဟာ ဒွန်ကွီဇုတ်နောက်တယောက်ကိုဖန်တီးဖို့ မဟုတ်ဘူး။ ဒွန်ကွီဇုတ်ကိုပဲပြန်ရေးချင်တာ။ မူရင်းကိုကူးချဖို့လည်းမဟုတ်ဘူး။ ဒါပေမယ့် သူကမူရင်းဒွန်ကွီဇုတ်ကိုကြိုက်လွန်းတော့ တချို့စာပိုဒ်တွေစာကြောင်းတွေဟာ မူရင်းစာအုပ်ထဲက အတိုင်းထပ်တူထပ်မျှတူချင်တော့တူသွားလိမ့်မယ်။ သမိုင်းဆိုတာဘာလဲ။ တကယ့်အဖြစ်အပျက်တွေကိုစုစည်းထားတာလား။ အဲဒီအဖြစ်အပျက်တွေကို တဦးတယောက်ကသူ့အမြင်နဲ့သူလက်ခံမှတ်မိနေတာလား။ ဘောဂဲ က၀ထ္ထု နှစ်ပုဒ်မှာကွက်တိတူနေတဲ့ စာပိုဒ်တခုကိုယှဉ်ပြခဲ့တယ်။ Cervantes ရေးထားတာက “…အမှန်တရား၊ သူ့မိခင်ဟာသမိုင်း၊ အချိန်ကာလရဲ့ရန်သူ၊ အတိတ်ကာလရဲ့မျက်မြင်သက်သေ၊ ပစ္စုပ္ပုန်ရဲ့စံပြသုခမိန်၊ အနာဂတ်ရဲ့ရှေ့ဆောင်လမ်းပြ…..” မင်နား လည်းဒီအတိုင်းတလုံးမကျန်ကွက်တိ တူအောင်ရေးခဲ့တယ်။ ဒါပေမယ့် မင်နား ဆိုလိုချင်တဲ့ အဓိပ္ပါယ်ဟာ မူရင်းနဲ့လုံးလုံးကွဲသွားခဲ့တယ်။ ၀ီလျှံဂျိမ်းနဲ့ခေတ်ပြိုင်ဖြစ်တဲ့ ဇတ်ကောင်မင်နား အတွက်တော့ သမိုင်းဆိုတာ တကယ့်အစစ်အမှန်တရားကိုစုံစမ်းဖော်ထုတ်ဖို့မဟုတ်ဘူး။ တကယ့်အစစ်အမှန်ရဲ့မူလဘူတပဲ။ သမိုင်းဆိုင်ရာ အမှန်တရားဆိုတာ သူ့အတွက်တော့ဘာဖြစ်ခဲ့တယ်ဆိုတာမဟုတ်တော့ဘူး။ ဘာဖြစ်ခဲ့တယ်လို့ကျနော်တို့ ကောက်ချက်ချလိုက်ကြတာပဲ။ ကဲဒီကနေကျနော်တို့ဘာတွေငြင်းခုံစရာတွေရှိနေသလဲ။ စကားလုံးတိုင်းဟာမဆုံးနိုင်အောင်အနက်ပြန်နေ ကြတာလား။ စာဖတ်သူတိုင်းဟာသူတို့ဖတ်တဲ့စာအုပ်တွေတိုင်းကိုပြန်ရေးနေကြတာလား။ သမိုင်းဟာသမိုင်းရဲ့ အဓိပ္ပါယ်ဖွင့်ဆိုချက်ကိုပြောင်းလဲစေသလား။ ဘောဂဲဟာ ဒီဇတ်လမ်းထဲဘယ်လိုဆက်စပ်နေသလဲ။ ဘောဂဲဟာသူ့ကိုယ်သူ မင်နား နေရာမှာဝင်ကြည့်သလား၊ Cervantes နေရာမှာကြည့်သလား၊ နှစ်ယောက်စလုံးနဲ့တူသလား၊ တယောက်မှမဟုတ်ဘူးလား။ (မှတ်ချက်။ ဘောဂဲဟာအာဂျင်တိုင်း၊ လက်တင်အမေရိကရဲ့အကောင်းဆုံးစာရေးဆရာအဖြစ်ဝေဖန်သူတချို့က သတ်မှတ်ခဲ့တယ်။ သူဟာ ထူးချွန်ထင်ရှားပေမယ့် နိုဘယ်မရခဲ့ဘူး။ ကွန်မြူနစ်ဆန့်ကျင်သူဖြစ်ပေမယ့် ပီနိုးရှေး ရဲ့ ဂုဏ်ပြုမှုတချို့ကြောင့် ဆွီဒင်နိုဘယ်ကော်မတီကပလှပ်ခဲ့တယ်လို့လဲပြောကြတယ်။ ဆရာမြဘာသာပြန်ခဲ့တဲ့ မရဏအိမ်မက်တခုရဲ့မှတ်တမ်း ကိုရေးတဲ့ဂါစီယာမားကွစ်ရဲ့ ပဉ္စလက်သရုပ်မှန်ဝါဒကိုမျိုးစေ့ချပေးသူ လို့လဲဆိုတယ်။ ဘောဂဲဟာ သူ့ဝထ္ထုတပုဒ်မှာ သူ့ဇတ်ကောင် မေနားဟာ ဒွန်ကွီဇုတ်ကိုပြန်ရေးတယ်။ တချို့စာပိုဒ်တွေဟာ မူရင်းဒွန်ကွီဇုတ်ရေးသူ Cervantes နဲ့ထပ်တူထပ်မျှတူခဲ့ပေမယ့် ဘောဂဲဇတ်ကောင်မေနား ဟာ သမိုင်းဆိုင်ရာအမှန်တရားကိုလက်ခံသူ၊ သမိုင်းဟာ လူမှုဘ၀နဲ့ဆက်စပ် တည်ဆောက်ထား (socially constructed) တာသာ ဖြစ်တယ်။ အချိန်ကာလအပိုင်းအခြားကိုမူတည်ပြီးလက်ခံရမယ်။ သမိုင်းဆိုတာ ဓမ္မဒိဋ္ဌာန်ကျကျ မှန်ကန်မှုရှိတယ်လို့ Cervantes လိုလက်ခံမထားတဲ့အတွက် ကွက်တိတူနေတဲ့ စာကြောင်းတွေမှာ အဓိပ္ပါယ်ကွဲသွားရတယ်လို့ဆိုလို တာဖြစ်တယ်။) ဘောဂဲဟာ ၁၉၄၁ ကထွက်တဲ့ Citizen Kane ဆိုတဲ့ရုပ်ရှင်ကားကိုလည်းဝေဖန်ချက်ရေးခဲ့တယ်။ ကားဟာအတော့်ကိုစိတ္ထဇဆန်ပြီးေ၀၀ါးလွန်းတယ်။ ဇတ်ကားထဲမှာပါတဲ့ အခန်းတခုချင်းစီဟာလည်း အဆက်အစပ်မဲ့နေတယ်။ နောက်ကွယ်မှာ အဲဒီအဆက်အစပ်မဲ့မှုတွေအတွက် ၀ှက်ထားတဲ့ ဘာလှို့ဝှက်ချက်မှမရှိဘူး။ ဇတ်လမ်းမှာတစုံတရာ (အဓိပ္ပါယ်) ရဲ့စုစည်းညီညွတ်မှုသဘောမရှိဘူး။ ဘောဂဲက ကိန်းဆိုတဲ့ဇတ်ကောင်ဟာအတုဖန်တီးမှုတခုမျှသာဖြစ်ပြီးမျက်မြင်ပုံရိပ်တွေရဲ့မရေရာ အစီအစဉ်ကျနမှုမရှိတာသာဖြစ်တယ်လို့ဆိုတယ်။ သူပြောခဲ့တာက ဗဟိုချက်မရှိတဲ့ဝင်္ကပါလောက်ကြောက်စရာ ကောင်းတာဘာမှမရှိဘူးတဲ့။ အဖြေမရှိတဲ့ဆန်းကြယ်ဖြစ်ရပ်၊ ကျူးလွန်သူမရှိတဲ့လူသတ်မှု၊ ဘာတွေဖြစ်ခဲ့လဲ။ ဘာတွေတကယ်တန်းဖြစ်နေတာလဲ။ အဖြေမရှိဘူး။ ကျနော့်အတွက်တော့ ဒါဟာ ပို့စ်မော်ဒန်ကပေးတဲ့ ခြောက်အိပ်မက်ပဲ။ ရုန်းရင်းဆန်ခတ်ဖြစ်မှုပဲ။ ဘာထရန်ရပ်ဆဲလည်း၁၉၅၄ မှာစာအုပ်တအုပ်ရေးခဲ့တယ်။ Nightmares of Eminent Persons ထူးချွန်သူများ၏ခြောက်အိပ်မက် ဆိုတာ။ အဲဒီထဲမှာ အိပ်မက်ဆိုးတွေအများကြီးရှိတယ်၊ သချာင်္ဆရာရဲ့အိပ်မက်ဆိုး၊ စတာလင်ရဲ့အိပ်မက်ဆိုး၊ စိတ်သရုပ်ခွဲဆရာဝန်ရဲ့အိပ်မက်ဆိုး၊ အားလုံးထဲမှာ ဒေါက်တာ ဘောင်ဒလာရဲ့အိပ်မက်ကျတော့ ဖြစ်တည်မှုပဓါန၀ါဒီရဲ့အိပ်မက်ဆိုးလို့ဆိုတယ်။ အိပ်မက်ကနိုးတော့ သူထအော်တယ်။ ငါမရှိဘူး၊ ငါမရှိဘူးလို့။ အဲဒီမှာ ပိုးရဲ့ကဗျာတပုဒ်ထဲက ငှက်ဆိုးက မာလာမေ ရဲ့အသံနဲ့ မင်းရှိတယ် မင်းရှိတယ် မရှိတာ မင်းအတွေးအခေါ်ပဲလို့ပြောသတဲ့။ ရပ်ဆဲ ခေတ်ကစောတော့ ပို့စ်မော်ဒန်သမားရဲ့ အိပ်မက်ဆိုးဆိုတာမျိုးဘယ်ရေးခဲ့မလဲ။ ရေးမယ်ဆိုရင်တော့ ပို့စ်မော်ဒန်သမားက အခန်းတခုမှာထိုင်နေတယ်။ အသံတသံထွက်လာတယ်။ အမှန်တရားဆိုတာရှိတယ်။ အစစ်အမှန်ဆိုတာ တကယ်ရှိတယ်။ ပို့စ်မော်ဒန်သမားကပြန်အော်တယ် မရှိဘူး၊ ဒါတွေတကယ်မရှိဘူး။ အသံကပြန်ပြောတယ်။ ဒါတွေတကယ်ရှိတယ်၊ မင်းမယုံရင် ပြူတင်းပေါက်ဖွင့်ပြီးအောက်ကိုခုန်ချလိုက်။ ခုငါတို့ ၃၉ ထပ်မှာ။ ဒါဟာ ကျနော့်ကို Through the Looking-glass ထဲကအဲလစ်ရဲ့ Humpty Dumpty (ထင်ရှားတဲ့ကလေး ကဗျာသီချင်းထဲက ကာတွန်းဇတ်ကောင်, ဘဲဥပုံ) ကိုမေးတဲ့မေးခွန်းကိုအမှတ်ရစေတယ်။ ခမ်းနားကြီးကျယ်မှုဆိုတာ ရှင် ဘာကိုဆိုလိုချင်တာလည်း ကျမနားမလည်ဘူး။ မောင်ဘဲဥလေးကသရော်လှောင်ပြောင်ပြုံးတယ်။ မင်းဘယ်သိမလဲ။ ငါမပြောမချင်းဘယ်သိမလဲ။ မင်းအတွက် ကျေကျေနပ်နပ်အလျှော့ပေးစရာ အငြင်းအခုန်တခုရှိတယ်လို့ဆိုလိုတာ။ ခမ်းနားကြီးကျယ်မှုဆိုတာ ကျေကျေနပ်နပ်အလျှော့ပေးစရာ အငြင်းအခုန် ဆိုတဲ့အဓိပ္ပါယ်မှမဟုတ်တာလို့ အဲလစ်ကပြန်ပြောတယ်။ ငါစကားလုံးတလုံးကိုသုံးရင် အဲဒီစကားလုံးဟာ ငါထွက်စေချင်တဲ့အဓိပ္ပါယ်ပဲထွက်တယ်၊ ဒီထက်တစက်မှ မပိုမလိုဘူးလို့ မောင်ဘဲဥလေးက ခပ်ထန်ထန်ပြန်ပြောလိုက်တယ်။ ဒါဆိုရှင်ကစကားလုံးတွေကိုအဓိပ္ပါယ်အမျိုးမျိုးထွက်စေတယ်လား လို့အဲလစ်လေးကမေးတယ်။ မေးခွန်းက ဘာကိုပိုင်နိုင်ဖို့လိုမလဲ၊ ဒါအချုပ်ပဲလို့ မောင်ဘဲဥကပြန်ပြောတယ်။ ဒီမှာမေးစရာမေးခွန်းက ခန်းရဲ့ဖလော်ဆော်ဖီဟာ အမှန်တရားကိုသေးသိမ်အောင်လုပ်နေတာလား။ သမိုင်းဆိုတာကို အကျဉ်းထောင်ကြီးတခုဖြစ်အောင်လုပ်နေတာလား။ (လမ်းဆုံးရင်ရွာတွေ့ကောင်းတွေ့နိုင်ပါမယ်၊ အချိန်လေးနဲနဲပေးနိုင်ရင်ဆက်ဖတ်ကြည့်ပါဦးလား) KZကေ

Saturday, April 9, 2011

မြိုင်ကံ့ကော်ခရုပတ်လည်တံသွယ်

သန်းကောင်ထက်မနက်သောညထဲ မြိုင်ကံ့ကော်အကြောင်းပြောရလျှင် ရဲဝံ့စွာပွင့်ကြဖို့ပင် ဖြစ်နိုင်ခြေဟာနည်းသွားလား များလာသလား နှစ်များနှင့်အခြားနှစ်များ တိတ်ဆိတ်စွာမြည်သံပြု ခရုပတ်လမ်းထဲ စားဝတ်နေမှုကို ၀င်္ကပါဆိုရင်ဖြင့် ၀င်းမှည့်လာသောတံတားအောက် စီးဆင်းမြစ်ရေစမ်းကိုလည်းမခမ်းခြောက်စေ သာတောင့်သာယာ နေ့တနေ့ဆိုသည်မှာ ပန်းပွင့် လေညင်း သက်တန့် အစရှိသည်တို့သက်သက်မျှသာမဟုတ် သင်၏ ပူးပေါင်းအားထုတ်မှုလည်းလိုအပ်သည်သာ နေရောင်အစိမ်းသည် ဘဲလေးကချေမယ်၏ ပေါင်တံအလား မြက်ခင်းပေါ်ကျော့ရှင်းစွာဆင်းသက်ခဲ့ပေပြီ ကန်ရေပြင်ဝယ် ငွေငန်းဖြူပြေလျှော့လည်တံသွယ် ကျန်ရှိနေသေးသော သဘာဝအလှအပနှင့် လူ့ဘ၀ကို လွတ်လပ်စွာ တွေးခေါ်ခံစားရန် ကြွေကနုတ်အိုးမှ ပန်းပွင့်ရုန်းအထ လောကနှင့်ငါ့ရင်တွင်း ငါ့သီချင်းဟာဘယ်ကိုစီးဆင်းလေမလဲ။ KZကေ