Saturday, October 30, 2010

၁၂။ Moral Discourse (သို့) သင်ယူမှုဖြစ်စဉ်ကိုဖြတ်သန်းခြင်း

ကိုမူ။ ။ အေးဗျာ ဒီနေရာမတော့ကျနော်တို့ပို့စ်မော်ဒန်သမားတွေကိုနဲနဲပြောဖို့လိုလာတယ်။ ဥပမာ ဖူးကို (Michel Foucoult 1926 – 1984) ရဲ့အလိုအရတော့ Conflict ကတော့ရှိမှာပဲတဲ့။ ဒါကိုရှင်းထုတ်လိုက်ချင်လို့မရ ဘူးတဲ့။ ဟာဘားမားလိုချင်တဲ့အားလုံးသဘောညီလက်ခံနှိုင်မှု (Consensus) ဆိုတာက တခုခုကိုချိုးနှိမ်ပစ် လိုက်မှရတာမျိုးလို့ဆိုတာကိုး။ လူနဲစုရဲ့သဘောထားကိုဖိနှိပ်ပစ်လိုက်ရတာ မျိုးတွေပေါ်လာနိုင်တယ်ပေါ့။
ကိုလူ။ ။ ခင်ဗျားဆိုချင်တာက အမျိုးသမီးလှုပ်ရှားမှုတွေ၊ လူနည်းစုရပိုင်ခွင့်တွေ ဒါတွေကို Consensus နဲ့မသွားနိုင်ဘူးပေါ့။
ကိုမူ။ ။ ကျနော်တို့ဂျိမ်းဆင်နဲ့ပို့စ်မော်ဒန်အကြောင်းပြောတုန်းက အလုံးစုံအမှန်တရား (Totality/ Universality) ကိုပို့စ်မော်ဒန်သမားတွေကပယ်တယ်ဆိုတာ ပြန်သတိရစေချင်တယ်။ ဒီတော့ ဟာဘားမားနဲ့ ပို့စ်မော်ဒန်နဲ့လာညိနေတဲ့အထဲဒီတခုလည်းပါတယ်ပေါ့။ ဟာဘားမားက အဆင့်ငါးကနေခြောက်ကို ကူးပြောင်းတာကို သင်ယူမှုဖြစ်စဉ် (Learning Process) လို့ဆိုတယ်။ သူကကြိုတော့ပြောထားတာပဲမလား။ မော်ဒန်ဟာမပြီးသေးဘူးဆိုတာ။ ဒီအဆင့်ကို သင်ယူရင်းဖြတ်သန်းရဦးမယ် ဆိုတဲ့သဘောပေါ့။
ကိုလူ။ ။ ဟုတ်ပြီ၊ ဒါဆို Ethic နဲ့ Moral ခွဲတာလေးဘက်လှည့်ပါဦး။
ကိုမူ။ ။ Ethic က အကောင်းနဲ့အဆိုးခွဲတယ်။ တန်ဖိုး (Value) ကိုအခြေခံတယ်။ ငါ့အတွက် ငါတို့အတွက် ဘာကကောင်းသလဲတွေးတယ်။ Moral ကျတော့ အမှန်နဲ့အမှားခွဲတယ်။ နှုန်းစံ (Norm) ကိုအခြေခံတယ်။ ဘယ်ဟာအမှန်လဲ၊ ငါဘာလုပ်သင့်သလဲ၊ ဘာကြောင့်လဲ ဆိုတာတွေမေးတယ်၊ တွေးတယ်။
ကိုလူ။ ။ အကောင်းအဆိုးနဲ့ အမှားအမှန်ကွာတာတော့ဟုတ်ပါပြီ။ တန်ဖိုးနဲ့ နှုန်းစံကိုဘယ်လိုခွဲတာလည်း။ တန်ဖိုးကိုအခြေမခံတဲ့ စံနှုန်းစံထားဆိုတာမျိုးကောရှိလို့လား။
ကိုမူ။ ။ ဟာဘားမားအဆိုအရတော့ Value ဆိုတာ ယဉ်ကျေးမှုနဲ့ဆက်စပ်တယ်။ Culture ကလာတာ၊ တဦးချင်း၊ အုပ်စုတစုနဲ့ပိုသက်ဆိုင်တယ်။ ဖြည်းဖြည်းချင်းဖွံ့ဖြိုးလာတာ။ ဒါပေမဲ့ Normကတော့ စံတခုအနေနဲ့ရှိတယ်။ သတ်မှတ်လိုက်တာ။ ဥပမာဗျာ ကျနော်တို့ယဉ်ကျေးမှုမှာ ကြီးသူကိုငယ်သူကရိုသေတာ၊ ဒါက Value၊ လူကြီးသူမကဆုံးမရင်လိုက်နာရတာမျိုး။ သက်ကြီးစကားသက်ငယ်ကြားတို့ဘာတို့ဟာ ဒီတန်ဖိုးကိုပံ့ပိုး ထားတာမျိုးပေါ့။ စံနှုန်းနဲ့ချဉ်းကပ်တဲ့အခါမျိုးကြတော့ ငယ်တဲ့သူက ဟာဒီလူကြီးဒီအယူအဆကို ဘာစံကိုယူပြီးပြောတာလဲ၊ သူပြောတာကိုလက်ခံဖို့ခြေခြေမြစ်မြစ်ဘာရှိသလဲ။ ဒါတွေဝင်လာတယ်။
ဒါ့အပြင် Norm (စံနှုန်း) တခုသတ်မှတ်ဖို့ဆိုတာ ဆက်စပ်ပတ်သက်သူအားလုံး လက်ခံလိုက်နာ နိုင်တာမျိုးဖြစ်ရမယ်။ ဥပမာ၊ လူတယောက်တယောက်ကို ကတိက၀တ်ပေးပြီးမဖောက်ဖျက်ရဘူး ဆိုတာ ကိုယ်ကျင့်အရ၊ တန်ဖိုးအရကောင်းပေမဲ့အားလုံးကျင့်သုံးဖို့မလွယ်ကူဘူး။ ခင်ဗျားဟာကတိပေးပြီးလို့ကတော့ ဘယ်တော့မှမဖျက်ဘူးဆိုတာက သိပ်ကောင်းတဲ့တန်ဖိုးတခုပေါ့။ ဒါပေမဲ့ စံနှုန်းတခုအနေနဲ့ တခြားသူအားလုံး လိုက်နာကျင်သုံးရမယ်လို့တော့သတ်မှတ်လို့မဖြစ်ချေဘူး။ သို့သော် သူတပါးအသက်မသတ်ရဖူး ဆိုတာကျတော့ နှုန်းစံအနေနဲ့ကိုလက်ခံပြီးကျင့်သုံးသင့်တာမျိုးဖြစ်တယ်။
ကိုလူ။ ။ ဒီတော့ Ethic ကအချက်အလက်တခု ရဲ့ခိုင်မာမှုဟာ ဆက်စပ်ပတ်သက်မှု၊ အခြေအနေတခုပေါ်မှီခိုမှု တွေနဲ့ဆိုင်ပြီး Moral ကျတော့ ဘယ်ပေါ်မှုမမှီခိုတော့ဘူး၊ သူချည်းပဲမှန်ကန်ပြည့်စုံမှုရှိနေတယ်။ Conditional နဲ့ Unconditional ကွာသွားတယ်။ Relative နဲ့ Absolute ကွာလာတယ် ပေါ့။
ကိုမူ။ ။ အတိအကျပဲ။ သီအိုရီအရတော့ Ethic က ကိုယ့်လုပ်ဆောင်ချက်ကနေထွက်လာတဲ့အကျိုးဆက်တွေ ကိုမူတည်ပြီးကောင်းဆိုး (မှားမှန်) ခွဲတဲ့ Theological ဖြစ်ပြီး Moral ကတော့ ခင်ဗျားဘယ်လိုတာဝန်တွေ ကိုယူတယ်ဘာတွေ လုပ်တယ်ဆိုတဲ့အချက်ကိုမူတည်ပြီး မှားမှန်ခွဲတယ်။ Deontological လို့ဆိုတယ်။ နည်းလမ်းကိုကြည့်တာနဲ့ ရလဒ်ကိုကြည့်တာ နှစ်ခုကွဲသွားတယ်။
ကိုလူ။ ။ ခင်ဗျားအလုံးကြီးတွေနဲနဲလျှော့ပါလေ။ ခုလောက်ဆိုရင် ဟာဘားမားဟာ Ethical Discourse ထက်စာရင် Moral Discourse ကိုပိုဦးစားပေးတယ်ဆိုတာကျနော်ရိပ်မိသွားပါပြီ။
ကိုမူ။ ။ ဟုတ်တယ်၊ လူ့အဖွဲ့အစည်းတခုမှာ ဆက်စပ်ပတ်သက်နေတဲ့သူ (agent) အားလုံးလက်ခံ လိုက်နာနိုင်တဲ့ စံနှုန်းတွေရှိရမယ်။ သတ်မှတ်ရမယ်။ ဒါတွေနဲ့ conflict တွေကိုရှင်းရမယ်။ ဒီလိုမရှင်းနိုင်သေးတာဟာ အဲဒီလူ့အဖွဲ့အစည်းဟာ Post-conventional Morality ရဲ့အဆင့်ခြောက် ကိုမရောက်သေးလို့ပဲ။ ရှေ့အပတ်ကပြောတာနဲ့ပြန်ဆက်စပ်ရရင် ကိုယ်ကျင့်ဖွံ့ဖြိုးမှုရဲ့ အဆင့်ငါးကနေ ခြောက်ကို ကူးပြောင်းဖို့လုပ်နေတဲ့ သင်ယူမှုဖြစ်စဉ်ကို Moral Discourse နဲ့ဖြတ်ကျော်ရမယ်ဆိုတာ ဟာဘားမား အယူအဆပဲ။
Moral Discourse တို့ Ethical Discourse တို့ဆိုတာ တွေကိုဟာဘားမားရှေ့ကဆရာသမားတွေ ပြောခဲ့ဘူးတာမရှိဘူး။ သူကစတာပဲ။ ကျနော်တို့ ခုပြောတာလည်း သဘောလေး ငုံမိတယ်ဆိုရုံသာပါ။ ခင်ဗျားစိတ်ဝင်စားရင် ကန့် ကစပြီး လေ့လာစေချင်တယ်။

KZကေ

Tuesday, October 26, 2010

၁၁။ Post-conventional Morality: ကိုယ်ကျင့်ဖွံ့ဖြိုးမှု၏ နောက်ဆုံးအဆင့်ကိုမျှော်ကြည့်ခြင်း

ကိုလူ။ ။ ရှေ့ဆက်မသွားခင်ပြီးခဲ့သမျှလေးပြန်ပြောကြည့်ရအောင်လား။
ကိုမူ။ ။ ကျနော်တို့ပြောချင်တာလေးနဲနဲတော့ပုံပေါ်လာပုံပဲ။ ရောမအင်ပါယာပြိုကွဲအပြီး အလယ်ခေတ်မှာ ဘာသာရေးစစ်ပွဲတွေ၊ ကျောင်းတော်ကလွှမ်းမိုးမှုတွေများတော့ အနောက်တိုင်းလူ့အဖွဲ့အစည်းဟာ တချို့သမိုင်းဆရာများအလိုအရဆို အမှောင်ခေတ်ထဲဖြတ်သန်းခဲ့ရတယ်။
ကိုလူ။ ။ ပြီးတော့ ရီနေးဆန်း အလင်းရောင်၊ ပြီးတော့ Enlightenment (ညာဏ်အလင်းပွင့်ခေတ်) ကစတည် လိုက်တဲ့ မော်ဒန်ခေတ်။ ခုပို့စ်မော်ဒန်ကတော့ကော။
ကိုမူ။ ။ ဘာသာရေးယုံကြည်မှုအစွန်းရောက်ခဲ့တဲ့ အလယ်ခေတ်ကိုပြင်ဖို့ Enlightenment တွေးခေါ်ရှင်တွေက ဆင်ခြင်မှုကိုရှေ့တန်းတင်ခဲ့ကြတယ်။ ဆင်ခြင်တုံတရားနဲ့ပြည့်စုံတဲ့ လူ့အဖွဲ့အစည်း ဘာသာရေးအစွဲအလန်းကင်းတဲ့လူ့အဖွဲ့အစည်းမျိုးပေါ့။ ဒီမှာမော်ဒန်လူ့အဖွဲ့အစည်းဖြစ်လာတယ်။
သိပ္ပံနည်းပညာ တွေအရမ်းထွန်းကားလာတယ်။ ပို့စ်မော်ဒန်ဆိုတဲ့အသုံးတွင်ကျယ်စပြုလာတာကို ၁၉၆၀ ပြည့်နှစ်တွေမှာစတွေ့တယ်။ လူသားရဲ့ ဆင်ခြင်နည်းလမ်းတကျအတွေးအခေါ်နဲ့နည်းနာတွေထက်ကျော်လွန်ပြီး လူ့အဖွဲ့အစည်းဟာပိုရှုပ်ထွေး လာတယ်၊ ဒါကြောင့် အခြားအယူအဆသစ်တွေကိုရှာဖွေရမယ်။ ခေတ်ကိုအခြားအမြင်တွေနဲ့မြင်တတ်ဖို့လိုလာပြီဆိုပြီး ပို့စ်မော်ဒန် ဆရာများက ဆိုလာတယ်။ ဒါပေမဲ့ ဟာဘာမားဟာ မော်ဒန်မပြီးသေးဆိုတာ ဆင်ခြင်တုံတရားကိုလက်လွှတ်လို့မရဘူးဆိုတာ အချက်သုံးချက်ကိုရှင်းရင်းရပ်တည်ခဲ့တယ်။
ကိုလူ။ ။ တစ်၊ သူ့ဘာသာစကားအမြင်မှာအခြေခံတဲ့ အဓိပ္ပါယ်ကိုနားလည်ခြင်း၊ ဆက်တော့ Validity Claim သုံးမျိုး။ နှစ်၊ ဒါကိုတခါသူက စံနစ် (System) က ဘ၀ကမ္ဘာ (Lifeworld) ကိုလွမ်းမိုးရင်းပေါ်လာတဲ့ ရှုပ်ထွေးမှု တွေကြောင့် လူတွေဟာအဖြစ်အပျက်တွေကိုမှန်မှန်ကန်ကန်နားမလည်နိုင်တော့ဘူး။ တနည်းဆိုရရင် ငွေ နဲ့ အာဏာကို အခြေခံထားတဲ့ Instrumental Actions တွေကြောင့်လူဘ၀ဟာ လူမှုမတည်ငြိမ်မှုတွေနဲ့ ရင်ဆိုင်နေရတယ်။ ဆင်ခြင်မှုအခြေခံလူ့အဖွဲ့အစည်းဟာမဖြစ်နိုင်တာမဟုတ်ဘူး။ မော်ဒန်ခေတ် ရဲ့ကောင်းမွန်တဲ့ နှုန်းစံတန်ဖိုးတွေကို Communicative Actions သုံးပြီးပြန်လည်တည်ဆောက်ရမယ်လို့ဆိုတယ်။
ဒီလိုကျနော်နားလည်တာမှန်လား။
ကိုမူ။ ။ ဟုတ်ပါတယ်။ ကျနော်တို့ ဟာဘားမားရဲ့ကိုယ်ကျင့်ပိုင်းအယူအဆကိုဆက်ကြမယ်။ သူက ကလေးဘ၀ကစလို့ လူတွေရဲ့ ကိုယ်ကျင့်ဖွံ့ဖြိုးမှုသီအိုရီကို Lawrence Kohlberg (1927 – 1987) ဆိုတဲ့ Developmental Psychologist တယောက်ဆီကယူတယ်။ ဒီမှာ အပိုင်းသုံးပိုင်းရှိပြန်တယ်။ Pre-conventional, The conventional နဲ့ Post-conventional လို့ဆိုတယ်။ တပိုင်းကိုတခါ ၂ဆင့်ပြန်ခွဲလိုက်တော့ စုစုပေါင်း ခြောက်ဆင့်ရှိသွားတယ်။ ပထမပိုင်း Pre-conventional Moral ရဲ့ အဆင့်တစ် မှာ ပြစ်ဒါဏ်၊ ရိုသေမှု နဲ့ တခြားသူကို မထိခိုက်စေတာကစတယ်။နှစ် ကျတော့ကိုယ့်ရဲ့ကိုယ်ပိုင်အကျိုးစီးပွားကို ဖြည့်စီးပေးနိုင် မဲ့နည်းလမ်းတခု အဖြစ်မြင်တာ၊ တခြားသူတွေ ကိုလည်း ဒီလမ်းပဲလိုက်စေချင်တာ။
ကိုလူ။ ။ ဆက်ပါဦး
ကိုမူ။ ။ ဒုတိယပိုင်း Conventional Morality ကျတော့ အဆင့် ၃ နဲ့ ၄ ဖြစ်လာပြီ။ သုံးမှာ လူကောင်းဖြစ်စေဖို့၊ လိမ္မာယဉ်ကျေးတဲ့ အမျိုးကောင်းသား၊ အမျိုးသမီးကောင်းလေးတွေဖြစ်လာဖို့၊ စည်းကမ်းတွေလိုက်နာတာ၊ မျှော်လင့်ထားသလိုဖြစ်စေတာ၊ တခြားသူတွေတွက်စိုးရိမ်ပူပန်တတ်လာတာ။ တခါ အဆင့်လေးမှာ တာဝန်ယူတာ၊ ကိုယ့်ဝန်းကျင်နဲ့ လူ့အဖွဲ့အစည်းရဲ့ လူမှုကျင့်ဝတ်နဲ့ဖြစ်စဉ် တွေကိုထိမ်းသိမ်းတာ တွေပါလာတယ်။
ကိုလူ။ ။ အပိုင်းတစ်ရဲ့အဆင့်၂ဆင့်မှာ Morality ဆိုတာကိုသင်ယူနေတုန်းပဲရှိသေးတယ်။ အပိုင်းနှစ်ရဲ့ အဆင့်သုံးနဲ့လေးရောက်တော့မှကျင့်သုံးဖို့သဘောဝင်လာတယ်လို့ကျနော်တော့မြင်တယ်။ Post-conventional ကိုပြောပါဦး။
ကိုမူ။ ။ အဆင့်ငါးရောက်တော့ Morality ဆိုတာလူ့အဖွဲ့အစည်းရဲ့ အခြေခံမှန်ကန်မှု၊ တန်ဖိုး၊ ဥပဒေနဲ့လျှော်ညီတဲ့ စည်းမျဉ်းတွေလို့သိမြင်ရမယ်လို့ဆိုလာတယ်။ လူများစုကြီးရဲ့သဘောထားနဲ့ မကိုက်ညီဘူးဆိုရင်တောင်မှ လူနည်းစုရဲ့တန်ဖိုးထားပုံနဲ့စံတွေကို ကာကွယ်ရမယ်ဆိုတယ်။ နောက်ဆုံးအဆင့်ခြောက်မှာ Morality ကို အားလုံးဆက်စပ်လက်ခံနိုင်တဲ့ယူနီဘာဆယ် အခြေခံနှုန်းစံတန်ဖိုး အဖြစ်နားလည်လက်ခံထားဖို့ပဲဖြစ်တယ်။ တရားမျှတမှုအခြေခံစည်းမျဉ်းတွေ၊ ညီမျှမှု နဲ့ လူ့ဂုဏ်သိက္ခာကို လေးစားသိမှတ်ပြုဖို့ထိပါလာတယ်။
ကိုလူ။ ။ ဟုတ်ပြီလေ။ သူကဒီ Morality ခြောက်ဆင့်ကနေဘာကိုဆက်ပြောချင်တာလဲ။
ကိုမူ။ ။ သူက Moral နဲ့ Ethic ဆိုပြီးခွဲပြောတယ်၊ တကယ်တော့ ၁၉၈၀ ပြည့်နှစ်တွေထိသူလည်း ဒီနှစ်ခုကို လှယ်သုံးနေတာပါ။ ၁၉၉၁ နောက်ပိုင်းရောက်လာမှသာစခွဲပြီး ပြောလာတာ။ ဆိုတော့ကာ သူက Moral Discourse ကနေ Ethical Discourse ဆိုပြီးခွဲလိုက်တယ်။ လောလောဆယ်တဆင့်ဖြတ်ပြီးချုပ်လိုက်ရင်တော့ ပြည့်စုံတဲ့လူ့အဖွဲ့အစည်းတခုကိုရဖို့ဆိုတာ Post-Conventional Morality ထိရောက်အောင် သွားနိုင်ရမယ် လို့ဆိုတာပေါ့လေ။
ကိုလူ။ ။ ကျနော်ကြားဖူးတာပေါ့ဗျာ။ Moral နဲ့ပါတ်သက်ပြီး ယူနီဘာဆယ်စံ ထိရောက်အောင်စခဲ့တာ ကန့် (Immanuel Kant 1724 – 1804) လို့ဆိုတယ်။ ဟာဘားမားနဲ့ဘာတွေကွာလို့လဲ။
ကိုမူ။ ။ ဟာဘာမားအလိုအရ ကန့်ဟာ Monological ဖြစ်နေတယ်ပေါ့။ လူတဦးချင်းစီရဲ့ လွတ်လပ်ခွင့် ကိုပိုဦးစားပေးလိုက်တယ်။ တဦးတယောက်ပေါ်အားပြုထားတဲ့အမြင်ကနေဘယ်လိုယူနီဘာဆယ် အဆင့်ကိုသွားလို့ရမလဲပေါ့။ ဟာဘားမားဝေဖန်တာပါ။ ကန့်က အဆင့်ငါးမှာရပ်နေတယ်၊ အဆင့်ခြောက်ထိမရောက်သေးဘူး၊ Dialogical မဖြစ်သေးဘူး ဆိုတယ်။ တကယ်တော့ကိုယ်ကျင့်ဆိုတာက ခင်ဗျားတယောက်တည်းနဲ့ကိုက်ညီပြီး လက်ခံထားတာမျိုးကိုပြောလို့မရဘူးလေ။ လူမှုဝန်းကျင်၊ လူ့ဘောင်လောက၊ လူ့အဖွဲ့အစည်း စတာတွေအားလုံးနဲ့ သဘောညီဖို့လိုတာပဲမဟုတ်လား။
ကိုလူ။ ။ ဒါဆိုသူတို့အနောက်တိုင်းလူ့အဖွဲ့အစည်းဟာ အဆင့်ငါးထိတော့ရောက်နေပြီပေါ့။ အဆင့်ခြောက်ကို မကူးပြောင်းနိုင်သေးဘူးလို့ဆိုချင်တာလား။

KZကေ

Saturday, October 23, 2010

ဒိုင်ယာဘောလစ်ခ် ဒိုင်ယာလော့ခ် ဒိုင်ယာလက်တစ်

ခုတော့ ကိုယ်တို့ အိုက်စင်ကလင်တွေဝယ်စားကြတယ်
ကလေးတွေကလည်းကြိုက်တာကိုး
လူငယ်ဘ၀ဟာအတော်တက်ကြွဖွယ်ရာကောင်းလှတယ်
မြစ်ကူးတံတားကြီးတွေဟာ အံ့ဖွယ်သရဲပဲ
ဘင်္ဂလားပင်လယ်အော်မှာအထီးကျန်အလုပ်ထဲပျော်အောင်နေခဲ့စဉ်က
ကျနော်ဟာရှေးမာ့စ်ဟေနီနဲ့တခန်းတည်းတက်ခဲ့ဘူးတယ်ဆိုတဲ့
ယဉ်ကျေးတဲ့အိုင်းရစ်အင်ဂျင်နီယာတယောက်နဲ့အလုပ်ထဲမှာတွေ့ခဲ့ဘူးတယ်
သူဟာ နယူးယော့နဲ့လန်ဒန်ပဲ အိုင်ယာလန်တော်လှန်ရေးအကြောင်းတခွန်းမှပြောမသွားခဲ့ဘူး
နေနဲ့ထုတ်တဲ့လျှပ်စစ်ဓါတ်ဆိုတာကလည်း နောက်ထပ်အံ့ဖွယ်သရဲပါပဲ
နောက်တော့ကာရာအိုကေခေတ်ကိုရောက်တယ်
လူငယ်တွေဟာအသက်သုံးဆယ်လောက်ရောက်တာနဲ့ညနေဘက်ဆိုညောင်းတတ်နေပြီ
လှည်းတန်းမှာ နိုင်ငံခြားဘာသာသင်ကျောင်းတွေ အကြော်ဆိုင်တွေ
တခြားဆူလွယ်နပ်လွယ်တွေများ ကြိတ်ကြိတ်တိုးပဲ
စည်တယ် စီဘီယာဆိုင်တွေ အမြုပ်တွေကလည်းစီစီထနေတာပဲ
၁၉လမ်းမှာတရုတ်ဆိုင်တဆိုင်က ဒေါင်ကနဲဆိုအကြော်ခံဒယ်ပြားကြီးကိုခေါက်လိုက်ရင်
ညှော်နံ့တွေဟာလုံးကနဲပဲ ကျနော်တို့ရှုကြတာပါပဲ
သွေးပေါင်ချိန်ဖို့ဆိုတာ အကြောတက်တယ်ဆိုတာ ကိုယ်တော်ပြီနဲနဲများနေပြီတို့ဆိုတာ
ဘယ်တုန်းကမှမကြားခဲ့ဘူး ခုလို ၅၀၀ မီလီလီတာဘီယာဘူးဆိုတာ
ဒီလိုပဲပေါ့ အချိန်ကာလဟာ ကိုယ်တွေ့ဘူးသမျှ ယှဉ်နိုင်သူမရှိပါဘူး
ဘာမဆိုဖြစ်နိုင်တယ် ဘာမဆို တကယ့်ကိုဘာမဆိုပဲ
ကိုယ်ကတော့ပျော်တာပါပဲ
ဆရာစံလမ်းမှာ ထော်လီကွေ့မှာ သခင်မြပန်းခြံမှာ ဗိုလ်ချုပ်အောင်ဆန်းလမ်းမှာ ဘီပီအိုင်မှာ
အင်းစိန်ပန်းခြံမှာ ဂွတ်တလစ်မှာ တာမွေအ၀ိုင်းမှာ အင်းလျားကန်စောင်းမှာ တွေ့တဲ့ဆိုင်ထိုင်လိုက်ကြတာပါပဲ
တောသားဆိုပေမဲ့ ကိုယ်ဟာရန်ကုန်ကိုလက်ဝါးပေါ်တင်ပြီးလှည့်ပစ်သလိုသွားတယ်
ရင်ခွင်ထဲထည့်ပြီးလည်းချစ်ခဲ့ဘူးတယ်
ခုတော့အရာရာချိန်ဆရတယ် အိုင်ဂိုးတူအော့ဖစ်စ်ရက်စတာဒေး ဆိုတာမျိုးမပြောမိအောင်
စိတ်ချကျနော်နောက်နေ့စောစောရောက်အောင်လာခဲ့မယ်ဆိုတာမျိုး မပြောမိအောင် အမျိုးမျိုးပေါ့လေ
ကိုယ့်မြို့လေးတော့ရေဒါဏ်မိုးဒါဏ်က နလံမထူသေးဘူးတဲ့
အင်ဂျီအိုတွေရှိသေးတယ် မယ်လမင်းမပါတဲ့နို့မှုန့်တွေ ရေမယိုတဲ့တာလပါတ်ဖျင်စတွေ
အော်ခေတ်ကြီးများပြောပါတယ် မွေးကင်းစလေးကစလို့ သေကောင်ပေါင်းလဲအရွယ်ကြီးထိ
ထောင်ချောက်တွေနဲ့ စစ်တုရင်မှာနေ့မီးညမီးကူးတုန်းက အဆိပ်ပွန်းလိုင်းခွဲနဲ့အောင်မြင်ခဲ့ဘူးတယ်
ကိုယ်ဟာယုန်လိုအပြေးသန်တယ် ပရွက်ဆိတ်လိုရှေ့ကကောင်နောက်လိုက်ပြီး
အစာရှာတယ် နွားလားဥဿဖ ဗျုဟာကိုသိတယ် စစ်ခေါင်းတည်ရာဇွတ်ဝင်ထိုးတတ်တယ်ပေါ့
ခါတရံ ဆင်ခြင်ညာဏ်ကလည်းတိရိစ္ဆာန်သာသာပါ သို့ပေမဲ့အလုပ်ဖြစ်တယ်လေ
ချစ်ခင်သူတွေရှိတယ် မုန်းသူတွေရှိတယ် အချောင်သမားထင်ချင်သူတွေရှိတယ်
အနစ်နာမခံနဲ့တားတဲ့သူတွေလည်းရှိပါတယ် ဒီလိုပေါ့
အဖြစ်နဲ့အပျက်ဟာခေါင်းနဲ့ပန်းပဲ ခေါင်းပေါ်ကပန်းပဲ
အခန့်မသင့်ရင် ညူကလီးယားဓါတ်ပေါင်းဖိုတွေဘာတွေနဲ့ဖြစ်ဦးမှာ ဒီတော့
တောမှာပွင့်တဲ့ပန်း တောမှာပဲလန်းဆန်းစေချင်တယ် ဆိုတဲ့အတွေးအခေါ်မျိုးနဲ့တော့
မဖြစ်ချေဘူးပေါ့ဗျာ

KZကေ

Saturday, October 16, 2010

၂၀၁၀+

ဆီးဘန်နီဆရာတော်ရဲ့ သေသော်မှတည့်သြော်ကောင်း၏
ကို ငါငယ်ငယ်ကအလွတ်ကျက်ခဲ့တယ်
ဆန့်ကျင်ဘက်အနေနဲ့ ငါအခုကျန်းမာရေးလိုက်စားတယ်
ဒီတော့ ငါညနေဘက် ဂျော့ကင်ပြေးတာခွင့်လွှတ်စေချင်တယ်
ဒီတော့ ငါဆေးလိပ်ဖြတ်လိုက်တာ ခွင့်လွှတ်စေချင်တယ်
နှိုးစက်သံကြားတိုင်း အလန့်တကြားနိုးနေတုန်းပဲ
ဒီတော့ ငါမရင့်ကျက်သေးတာ ခွင့်လွှတ်စေချင်တယ်
အစစ အရာရာပေါ့ ငါ့အသက်လေးရှာကြံမွေးနေတာကိုဖြစ်နိုင်ရင် ခွင့်လွှတ်စေချင်ပါတယ်။
သွားတိုက်တယ်၊ အရှက်မရှိတဲ့မျက်နှာကိုသစ်တယ်
မနက်ခင်းတိုင်း အိတ်ကလေးဆွဲပြီး ကော့ပက်ကော့ပက်နဲ့ မီးနီကိုလစ်ရင် ဖြတ်လျှောက်တယ်
အစည်းအဝေးတွေမှာခပ်တည်တည်နဲ့ ရွှီးတယ်
နားမလည်သော်လည်းခေါင်းငြိမ့်တယ်
အနဲဆုံး စတိုင်အရတော့ဆရာကြီးပုံစံဖမ်းတယ်
ပိုကြီးတဲ့ကောင်ကပြောရင် ဒါမှန်တာပေါ့လို့အဆစ်ပါတယ်။
မဖြစ်ညစ်ကျယ်လုပ်လို့မရဘူးဆိုတာ ငါကောင်းကောင်းသိတယ်
မင်းမကြိုက်ရင်လည်းနေ အင်အားဟာခုနေတော့အမှန်တရားပဲ
အမှန်တရားအစစ်ဟာဖိနပ်ကြိုးပြတ်နေတာလား
အမှန်တရားလာနိုင်တဲ့နေရာထိုင်ခင်းမျိုး ငါတို့ကမဖန်တီးလို့များလား တခုခုပဲ
ဒုတိယကမ္ဘာစစ်ကို ဘီ၅၂ နဲ့သိမ်းပစ်လိုက်တာ ကိုယ့်လူရဲ့
နာဇီချင်းအတူတူ မူဆိုလီနီ နဲ့ ဟစ်တလာတို့နေတဲ့ ဥရောပကို ယန်းကီးတွေကအနုမြူဗုံးမကြဲခဲ့ဘူး
နောက်တော့ ဟီးရိုးရှီးမား ဟာ ဇီးရိုးအကြီးစား ဖြစ်သွားတာပေါ့
ငါစိတ်နာတဲ့ထဲဒါလည်းပါတယ်ဆိုပေမယ့် ဂရင်းကတ်ပေးရင်တော့ စဉ်းစားမိအုန်းမလားပဲ
မင်းကနုသေးတယ် အနဲဆုံးမင်းနှလုံးသားကနုသေးတယ်
တုတ်တပျက် ဓါးတလက်ချင်း ကတော့ ငါ့သွေးကလည်း နဂါးနီမှာမြစ်ဖျားခံခဲ့တာပါ
ပြီးတော့ ခုခေတ်က ဘေးအိမ်မှာ ဖိုင်ဘာအော့တစ်ကြိုးကအခွေလိုက်ချနေပြီ
အာဗာတာလိုကားမျိုးကိုရိုက်သူကရိုက်လုိ့ ကြည့်သူကသုံးဘက်မြင်နဲ့ကြည့်နေကြပြီ
ငါတို့က ရှောပင်းမောထဲက အိပ်ယာခင်းနဲ့ ခေါင်းအုံးစွပ်တွေဟောင်းလို့ ဈေးချတုန်းပြေးဝယ်ဖို့ပဲ
အားလပ်ရက်ချိန်းပြီးဘီယာသောက်ဖို့၊ တိမ်ပြာပြာမြင်ရင် ချစ်တင်းနှီးနှောကြဖို့ပဲ၊
ပွင့်ပွင့်လင်းလင်းပြောရရင် တယောက်ယောက်ကသာထောက်ပံ့ထားလို့ကတော့
အိပ် စား ကာမ သာသာပဲဖြစ်မှာ၊
နာမည်ဆိုးပေမဲ့ အနေရချောင်တယ်ဆိုတာမျိုးပဲဖြစ်မှာ၊
ငါတို့က နွားကျောင်းသားတွေသေနတ်ပစ်တဲ့ ကားထဲကလူကြမ်းကောင် သေနတ်ပြောင်းဝကမီးခိုးငွေ့မှုတ်တဲ့ကောင် ကိုကြောက်ကောင်းတုန်း
ငါတို့က နွားတွေလို လူတွေသီးနှံအတွက်အသားကုန်ရုန်းပြီး အသားအတွက် ကိုယ်အစားခံရမဲ့အလှည့်ကိုစိတ်အေးလက်အေး စောင့်တုန်း
ငါတို့က စာအုပ်အထူကြီးတွေဖတ်ပြီး ရေကူးနည်းသင်နေတုန်း
ငါတို့က ရေနစ်သူတွေကိုကယ်ဖို့ လယ်ထဲကိုထော်လာဂျီနဲ့သွားပြီး ကောက်ရိုးတမျှင်ကိုရှာတုန်း
ငါတို့က ငါတို့လုပ်အားခထဲကနေ ရေငုပ် မီးလှုံ တုန်းခုန် ဇယ်ခတ်ကောင်တွေကို
အခွန်အကောက်များဆက်သတုန်းပေါ့
ဒီတော့ စိတ်လျှော့ အသောက်အစားလျှော့ ငါ့ခွက်ထဲနဲနဲပိုထဲ့ပေါ့
ဟုတ်ပြီလား ဟီးဟီး ဟားဟား
ခံရပါများလာတော့ ငါလည်းငိုသံပါကြီးနဲ့မရယ်တတ်တော့ပါဘူး
တို့ဘ၀တို့ကမ္ဘာထဲကလိုပေါ့
အရက်ကုန်လေ ငါတို့ရဲ့မျိုးချစ်စိတ်ဓါတ်တွေကပိုထက်သန်လာလေပဲ
နီးနီးနားနားမှာ စစ်သားစုဆောင်းရေးတပ်မရှိလို့မို့
စစ်ထဲတော့မ၀င်ဖြစ်လိုက်ဘူး
ငါတော့ တရုတ်ကြမ်းဆရာတွေမျက်နှာကြည့်နေရတော့
အချုပ်တန်းဆရာဖေကိုသတိမရအားသေးဘူး။
“ရှေ့တန်းမှာစစ်သားတွေကအလံအစုတ်ကလေးကိုင်ပြီး
တောင်ကုန်းတွေဆီပြေးတက်နေကြတယ်
နောက်မှာတိုင်းပြည်ကရောင်းစားပြီးသွားပြီ” တဲ့။ တော်တီလာဖလက်ဟာ ရက်စက်လွန်းလှပါတယ်။
ဘာအရေးလဲ
ငါကတခြားတိုင်းပြည်တွေလှည့်ကျွန်ခံနေတာပဲမလား။
ငါတို့ဟာ သဘောင်္ဝမ်းပေါက်တာမဖာပဲ
အိပ်ခန်းထဲကလူကြီးမိဘများကိုပစ်ပြီး ကုန်းပတ်ပေါ်ကမျိုးဆက်သစ်တွေကိုပစ်ပြီး
အသက်ကယ်လှေကိုရှာခဲ့ကြသူတွေပေါ့။
ငါတို့ဟာ ကိုလံဘတ်နဲ့ ဗတ်စကိုဒဂါးမား ကိုအားကျပြီး
ပထမတော့နယ်မြေသစ်ကိုရှာကြသူတွေထင်ခဲ့တာပါ
ခုပြန်ကြည့်မှ မိမိဆန္ဒအလျှောက် မိမိကိုယ်ကို ကျွန်ကုန်ကူးခဲ့သူများပေါ့။
ကိုယ့်ပေါင်ကိုယ်လှန်ထောင်းရတာပျော်စရာမကောင်းပါဘူး
ကိုယ့်ပေါင်ကိုယ်ပြန်လှီးစားရတာပိုလို့ပျော်စရာမကောင်းပါဘူး
ဟင်္သာကိုးသောင်းဇတ်ပါ
ငါဆက်ပြောရင်မင်းမျက်ရည်ကျတော့မှာပဲ
ခုငါကျနေသလို မင်းမျက်ရည်ကျတော့မှာပဲ
ဒီတော့ တခုပဲ ငါတို့ကြေကွဲ ဒေါသထွက် ၀မ်းနည်း ပူဆွေး
မျက်ရည်များဘူးသီးလုံးလိုက်ကျတာကလွဲလို့ တခြားဘာမှမလုပ်တတ်တော့ဘူးလား
ငါတို့သေကောင်ပေါင်းလဲ သင်ထားတဲ့ပညာက ကျွန်ပညာရေးသက်သက်ပဲလား
ခုလိုရေထဲမိုးထဲမှာ ဇက်ပေါ်ဝဲနေတဲ့ ဓါးမှာနေရောင်အလက်ကို သက်တန့်လိုငေးကြည့်နေတာလား
ခံစားတတ်ရင်သဘာဝဟာအလှတရားတခုနေမှာပါ
ဘ၀သည်ပင်အလှတရားတခုဖြစ်နိုင်ပါရဲ့
လွတ်မြောက်မှုကတော့ စဉ်းစားဆင်ခြင်စရာကိုမလိုတဲ့ ပကတိအလှတရားဖြစ်ပေလိမ့်
ငွေဆီက အကြောက်တရားက ကြီးစိုးအုပ်မိုးနေတဲ့အတွေးအခေါ်တွေဆီက
ငါလွတ်မြောက်ဖို့ကြိုးစားနေပါတယ်
တနေ့ငါလည်း မင်္ဂလာဒုံအပြည်ပြည်ဆိုင်ရာလေဆိပ်ကအထွက်
ရန်ကုန်မြေကိုဒူးထောက် နဖူးထိငုံ့နမ်းပြီး
ငါ့လူမျိုးနဲ့ငါ့တိုင်းပြည်အတွက်သက်သက် တစက္ကန့်ချင်းရှင်သန်ဖို့
သစ္စာပြုနိုင်မယ်မျှော်လင့်မိပါရဲ့။

KZကေ

Sunday, October 10, 2010

နေ့များ။ ပျောက်ဆုံးမနေသဖြင့်မိမိကိုယ်ကိုရှာဖွေရန်ငြင်းဆိုခြင်း

ငြင်းမရသည့်အထဲတွင်မနက်ဖြန်လည်းပါသည်
စွန်ကြိုးကအိုက်ကျလာတော့သူနဲနဲရစ်တင်လိုက်သည်
တနင်္လာ အင်္ဂါ စသည်ဖြင့်
နံရံပေါ်တွင် ကမ္ဘာ့မြေပုံရှိသည် နံရံဘေးတွင်စားပွဲတလုံးရှိသည်
သူသည်အလွန်ခေတ်မှီချင်သူဖြစ်သော်လည်းဆေးဆိုင်မှပါရာစီတမော၂ကဒ်ဝယ်လာခဲ့သည်
ဓါတ်ဗူးကိုကျော်ကြည့်လိုက်လျှင်မိုးမိထားသည့်ပြူတင်းပေါက်ဘောင်နှင့်ငှက်ကလေးတကောင်
အိမ်တွင်လှောင်ချိုင့်မရှိပါ သူ့အတွေးအခေါ်ကလုံလောက်ပါသည်
အမဲလိုက်ရာတွင်သုံးသည့်ရှေးခေတ်လက်နှိပ်ဓါတ်မီးကြီးရှိသည် သမင်နှင့်ဒရယ်ချိုများမရှိပါ
ဓါတ်ခဲတွေကမော်တာကျည်ဆံတွေလောက်တော့မကြီးပါ
သို့သော်အမှောင်သည်တော်တော်အထွန်းခံနေသည်
တိရိစ္ဆာန်ဆေးကုဆရာဝန်နှင့်စနေနေ့မနက်တွင်စုံတောမြိုင်လက်ဘက်ရည်ဆိုင်တွင်ချိန်းထားမိခဲ့သည်
ကမ္ဘာကြီးပိုပူလာသည် သိုးမွေးအင်္ကျီတွေရောင်းရတုန်းပဲဖြစ်သည်
တယ်လီဗေးရှင်းထဲတွင် ရေခဲတောင်တွေမှာ ရေခဲလျှောစီးသည့်အားကစားတွေပြိုင်ကြတုန်းပဲဖြစ်သည်
ဂျိမ်းစဘွန်းသည်နောက်ဆုံးထွက်သည့်ကားသစ်ထဲတွင်နှင်းတောင်ပြိုကျသည့်ကြားထဲမှလွတ်မြောက်လာသည်
စစ်အတွင်းကကြီးကျယ်သောစိုက်ပျိုးရေးတခုမှာ မြေမြှုပ်မိုင်းများဖြစ်သည်
ပိုပေါ့၏အဆိုပါအမွေကို ကမ်ဘောဒီးယားလယ်သမားများတူးဖော်တွေ့ရှိဆဲဖြစ်သည်
စားပွဲထိုးကလေးက ၀က်ခြေထောက်စွတ်ပြုတ်ရပြီလို့ပြောသည်
စားအုံးဆီအစစ်နှင့်ကျော်သော အီကြာကွေးရပြီလို့ပြောသည်
သူတို့တရုတ်ပြည်မှလာသောဘီစကစ်တွေတချပ်ပြီးတချပ်စားကြသည်
တရက်တော့မြို့ထဲတွင်ဈေးကြီးသည့်ကော်ဖီတခွက်လောက်သွားသောက်ကြဖို့ပြောဖြစ်ကြသည်
အဲသည်မှာအာသာဟယ်လီ၏ ဇစ်မြစ်စာအုပ်ထဲမှာပါသော ဘလူးစ်တေးဂီတကိုလည်းနားဆင်နိုင်မည်
ဝင်ရိုးစွန်းတွင်ရေခဲများအရည်ပျော်ကြနေပြီ
ပျားရည်သောက်သော်လည်းဝက်ဝံတွေဆီးချိုမဖြစ်ဟု ဆရာဝန်ကပြောသည်
နောက်တော့လက်နှစ်ဘက်ဆန့်တန်းမြှောက်ပြီး ၀ါးကနဲအော်သည် ဘေးဘီကြည့်ပြီးထပြန်သည် အမွှေးထူသည့်ခွေးပေါက်စလေးနှစ်ကောင်ဆေးလာထိုးလိမ့်မယ်လို့လဲပြောသည်
နိုင်ငံခြားကသွင်းလာသည့်ဆေးတွေနှင့်နိုင်ငံခြားကသွင်းလာသည့်ခွေးတွေဖြစ်နိုင်ပါသည် ဂလိုဘယ်လိုက်ဇေးရှင်းကိုသူသိသည်
နေရောင်သည်ကျားသစ်အရေခွံနဲ့ဖြစ်သည် မိုးမရွာပါ
ရေအားလျှပ်စစ်ဓါတ်နှင့်ထုတ်လုပ်မည့်မိုးအတုမရွာသေးပါ
ကံကောင်းထောက်မသဖြင့်သူ့ဂျင်းဘောင်းဘီခါးနံပါတ်မှာမနှစ်ကအတိုင်းပဲဆိုသည့်အသံကြားရသည်
သူ့အသိလည်းမနှစ်ကအတိုင်းသာဖြစ်သည်
သူဝတ်ထားသောတီရှပ်သည်မနုဿဗေဒအသင်းမှထုတ်သောမျောက်ပုံအရုပ်နှင့်ဖြစ်သည်
သူတို့နိုင်ငံခြားကိုမျောက်တွေပြန်တင်ပို့ကြသည်
ကိုရီးယားဇတ်လမ်းတွဲတခုအပြီး တီဗီဖိုက်မှကြံ့ခိုင်ကျန်းမာပြည်မြန်မာအစီအစဉ်လာနေပြီ
နောက်ကျောတွင်ကျောက်ပတ်တီးစီးထားသော တက္ကသိုလ်နာမည်ကိုအင်္ဂလိပ်လိုရေးထားသည်

KZကေ

Saturday, October 2, 2010

စက်တင်လိုအခြားဘာလများရှိလေမလဲ

မနက် ကိုးနာရီ တနင်္ဂနွေနေ့
မနေ့ညကိုနက်စေတဲ့ဒဿန အလကားဆိုတာ ခုမနက်မှငါရိပ်မိ
ခေတ်မှီဖို့ဆိုတာခုတော့ငါတို့လိုကယ်ကိုနားလည်ဖို့ပဲ
အသင့်လုပ်စက်တင်ဘာလနှင့် တနင်္ဂနွေနေ့
ကော်ဖီဟာပူနေတုန်းမှာပဲဟောင်းသွားတော့
ငါပိုင်သယောင်ဖြစ်နေတဲ့မနက်လေး နှေးသွားအောင် ရိုးရာအနံ့သွင်းချင်လာ
တယ်လီဖုန်းထဲဝင်နေတဲ့ အောင်ပါစေနဲ့ စည်တော်ကြီးနဲ့ နတ်ချင်းနဲ့ ဗျောသံနဲ့
စက်တင်ဘာလ U tube ထဲ ကြိုးစားထားတဲ့သီချင်းစာသားတွေ
ငါတော့ဘယ်တုန်းကမှ ဆိုင်းမကြိုက်ခဲ့ဘူး
ငါ့အကြိုက်ဟာ ဘယ်တုန်းကမှ အရေးမကြီးခဲ့ဖူး
တချိန်လုံးကြိုးစားပမ်းစား လောဂျစ်နဲ့ မဖြစ်
တချိန်လုံးအစက်အပြောက်တွေဆိုလည်း ဘယ်လိုဥမ္မာတကောမျိုးဖြစ်မလဲ
ကလေးတွေကြိုက်တဲ့ဂိမ်း ကျောင်းစာတွေမှာဘာလို့မရှိရသလဲ
စာကြည့်တိုက်ထဲမလဲစာအုပ်တွေချည်းပဲ
ကိုလိုနီ၊ ကိုလိုနီနောက်ပိုင်း၊ အရှေ့တိုင်းဝါဒ၊
ငါခေတ်မှီချင်လွန်းလို့ပါ အရှေ့တိုင်းဝါဒနောက်ပိုင်းမရှိသေးဘူးလား
မရှိ ငါဆိုတာတောင်မရှိဘူးဆိုတော့ ငါသိချင်တယ်ဆိုတာတွေလည်းရှိပုံမရ
အေးစက်ခြောက်ကပ်သော မဟာပညာရှိကြီး ဂိုဂဲကြောင့်
ကမ္ဘာကြီးဟာ၂ချက်လောက်ကလစ်လုပ်လိုက်ရင် ပက်ပက်စက်စက်ပွင့်လာ
လူအထင်ကြီးအောင်လုပ်ချင်တာနဲ့ လူအထင်သေးအောင်လုပ်မိတာနဲ့
နောက်ထပ် အသက်ကြီးလာတဲ့နွားနို့နဲနဲထည့်ခိုင်းထားတဲ့ကော်ဖီတခွက်
ကတ်ပြားနဲ့စာရင်းနဲ့ခေတ်မှီပြီးရင်းမှီနေတဲ့ ငွေဟာနံပါတ်တမျိုးပဲ
သုမနကျော ကတော့ နံပါတ်တုတ်တမျိုးပဲလို့ဆိုတယ်
ပေနေတဲ့ပျင်းစရာကို အ၀တ်လျှော်စက်ထဲဖျက်ပစ်မှ
ကော်ပီနဲ့ပေ့စ်ရှိတာကိုပဲ ဒီနိုင်ငံဟာမျိုးပွားနှုန်းနဲနေသေးတယ်
ဆယ်ကျော်သက်တွေနေရာမလပ်ရင်ချင်းအပ်နေတာကိုပဲ
စီးကရက်တွေဈေးကြီးနေတာကိုပဲ
အဖိုးကြီးတွေဘီယာနေညိုတိုင်းအသောက်မပျက်တာကိုပဲ
ပေနေတဲ့အ၀တ်လျှော်စက်ထဲကစက်တင်ဘာကိုငါထုတ်လိုက်တော့
ပို့စ်နေရှင်နယ်လစ် မိုးဖွဲဖွဲကျလာတယ် မိုး
အော် မစိုစေချင်သူကိုမစိုဘူးဆိုတဲ့မိုးများဖြစ်လေမလား
ငါပြုံးပုံကအစ ခေတ်နောက်ကျ
အိပ်ရာကနိုးလျှင် နောက်တပတ်သံသရာပြန်ပတ်ရန် အဆင့်သင့်ဖြစ်ရန်။

KZကေ