Monday, December 21, 2009

စိမ်းညှိရေ၏ ရှည်လျှားသောနှစ်သစ်

ပို့စ်မော်ဒန်ပုိ့စ်များ များလာပြီးကျနော့်တွင်စံနစ်တကျခေါင်းစဉ်ခွဲထားခြင်းများမရှိခဲ့ပါ။
မတော်တဆအလည်ရောက်လာသူများစိတ်ဝင်စားခဲ့သော် ပို့စ်မော်ဒန်ကျွဲပြဲစီးခြင်း သည်အစပို့စ်ဖြစ်ပါသည်။
ထိုမှစဖတ်စေချင်ပါသည်။ “ရှင်းထားသောနှင့်စုပုံထားသောအမှတ်သညာများ” မှာ ကြားဖြတ်ဝင်ထားသောကဗျာကြော်ငြာဖြစ်ပါသည်။ မူလက ဒုတိယခေါင်းစဉ်ခွဲအဖြစ် “decoding နှင့် transcoding ကိုလေ့လာခြင်း” ဟုအမည်ပေးထားသော်လည်း ပို့စ်တင်ခါနီးမှာဖျက်ခဲ့မိပါသည်။ ဆက်တိုက်အားပေးစောင့်ဆိုင်းဖတ်သူများကိုကျေးဇူးတင်ရင်း ခြောက်သွေ့သောအရေးအသားများအတွက် အားနာမိပါသည်။
နောက်ထပ် ၃သို့၎ ပို့စ်လောက်တင်ပြီးသော်ပြီးလောက်ပါပြီ။
ပို့စ်မော်ဒန်ရှင်းလင်းချက်များတွင်ဂျိမ်းဆင်၏ချဉ်းကပ်မှုကနားလည်ရသိပ်မခက် လက်တွေ့ဘ၀နှင့်လည်းနီးစပ်မည်ထင်သဖြင့် အားထုတ်ကြည့်မိပါသည်။ ကိုယ်လိုနားလည်လိုသူများအတွက်လမ်းစရစေရန်သာဖြစ်ပါသည်။
ခုရေးနေတာထက်ကျနော်နဲနဲပိုသိတယ်ဆိုလျှင်လည်းထိုအသိမှာ မရေရာမှုများသာဖြစ်ပါလိမ့်မည်။။။။။
ရေစီးထဲတွင်ရေမှော်စိမ်းညှိများတင်လာတာကိုယနေ့သတိထားမိသည်။
ရေစပ်ရှိပွင့်ဖတ်စိမ်းကိုလက်နဲ့ဖိတွန်းလိုက်သော်ဖြူဝင်းသောကျောက်သားမျက်နှာပြင်ကိုမြင်ရသည်။
သူကူးခပ်သောအလျှားအတိုင်းရေစီးကိုရင်ဆိုင်ရင်းတန်းနေသောအစိမ်းမျှင်များဘယ်ကရောက်လာသလဲကျနော်လည်းမစဉ်းစားခဲ့ပါ။
နှစ်သစ်တွင်ချစ်ခင်သူများစုစည်းပျော်ရွှင်နိုင်ပါစေ။

KZကေ

တီဗွီဇတ်လမ်းကောင်းသဖြင့်အလျှင်အမြန်ဝတ်ပြုလိုက်ရသော ပန်းစင်္ကြာမှန်ပြောင်းထဲကဘာသာတရား

မီဒီယာနှင့်ဈေးကွက်၏အရှိန်အ၀ါကြီးမားလာသည်။ မော်ဒန်အကြိုခေတ်ကပေးခဲ့သောဘုရားသခင်၏နေရာကို ယူလိုက်သည်ဟုပင်တင်စားရတော့သည်။ ဘုရားစာတွေကရှည်သည်။ ဂိုဂဲမှာတခါကလစ်ရင်အကုန်သိရသည်။ တနင်္ဂနွေဘုရားကျောင်းသွားချိန်မရ။ ဒီနေ့စတင်းဖို့တံတားကိုသရဲနီတွေလာမည်။ ဘီယာဆိုင်မှာနေရာကောင်းလေးရဖို့လိုသည်။ မော်ဒန်ခေတ်တုန်းကသူ့အရင်ဖြစ်ခဲ့ပြုခဲ့ယုံကြည်ခဲ့သမျှကိုခေတ်မမှီ အားလုံးဟောင်းကုန်ပြီဟုသတ်မှတ်ခဲ့သည်။
အော်စကာဝိုင်းကအားလုံးအသစ်လုပ်ကြဆိုသည်။ ဒါဝင်၏ဆင့်ကဲဖြစ်စဉ်အရ ထာဝရဘုရားသခင်၏ဖန်ဆင်းမှုကို ငြင်းဆိုသည်။ သိပ္ပံခေတ်အသိတရားနှင့်ဘုရားသခင်ကိုကိုးကွယ်ဖို့ဆုတောင်းဖို့လိုသေးသလော။ ကောင်းကင်ဘုံသည် တခြားကမ္ဘာ။ ဘာသာရေးယုံကြည်ကိုးကွယ်မှုမှာ မေးခွန်းထုတ်စရာဖြစ်ခဲ့သည်။ ရှေးရိုးယုံကြည်ကိုးကွယ်မှုများကိုမော်ဒန်ခေတ်အသိအမြင်များဖြင့်ဖွင့်ဆိုချက်အသစ်များလုပ်ကြသည်။ ပို့စ်မော်ဒန်မှာဒီပြဿနာမရှိ။ သမိုင်းကိုမျက်ခြေပြတ်သွားသောပို့စ်မော်ဒန်လူသားသည်အတိတ်နှင့်ယနေ့ကြား တွင်စိုးရိမ်ပူပန်စရာမရှိ။ နေ့စဉ်လူနေမှုဘ၀သည်သာ တိတိကျကျဆိုရလျှင် မီဒီယာနှင့်ဈေးကွက်က အရိပ်ထိုးထားသော နေ့စဉ်ဘ၀ ကိုသာအာရုံစိုက်တော့သည်။ ဘာသာတရားအကြောင်းစဉ်းစားချိန် သိပ်မပေးနိုင်တော့။ သဘာဝ မသိစိတ် ၀ိညာဉ်လောက ဒါတွေမတွေးအားပြီ။
တဘက်တွင်ပို့စ်မော်ဒန်ခေတ်ထဲ အခြေခံဝါဒီတို့၏ဘာသာရေးယုံကြည်မှုတွေအရေးပါလာတာ မြင်တွေ့နေရသည်။
တကယ်တမ်းတွင်အခြေခံဝါဒီတွေကယုံကြည်မှုနှင့်လက်တွေ့ရုပ်ဝထ္ထုလောကကိုပေါင်းစပ်နေထိုင်နိုင်စွမ်းရှိသည်။
ကျမ်းစာနှင့်ခေတ်ပြိုင်လူမှုဘ၀ကြားမှာဘာအခုအခံမှမရှိလက်ခံထားသူများဖြစ်သည်။ မော်ဒန်ခေတ်အသိတရားနှင့်ကျမ်းစာကို ပြင်ဆင်မွမ်းမံခြင်းအဓိပ္ပါယ်အသစ်ဖွင့်ခြင်းကိုပင်ငြင်းပယ်ခဲ့ သူများဖြစ်သည်။ ကျမ်းရင်းထဲမှာကိုပင်ကိုယ်ဝန်ဖျက်တာ ကိုယ်ကြိုက်တဲ့ဘောလုံးအသင်းနိုင်ဖို့ ဆုတောင်းတာကို ကန့်သတ်ထားခြင်းမရှိဟုဆိုသည်။ ဒါကကျမ်းစာပါတကယ့်ဘာသာရေးပညတ်ချက် ယုံကြည်မှုများနှင့် ကွဲလွဲနိုင်သော်လည်း အခြေခံဝါဒီများ အဓိပ္ပါယ်ဖွင့်ပုံမှာအတိတ်ကိုပုိ့စ်မော်ဒန်လူသား ရုပ်ရှင်များမှတဆင့် လက်ခံထားပုံနှင့်ပုံစံတူပင်။
လူမှုဝန်းကျင်တွင်လည်းသူတို့အတွက်မ၀င်ဆန့်နိုင်စရာမရှိ။ ပို့စ်မော်ဒန်သမားများက တခုထဲသောအလုံးစုံအမှန်တရား ကိုငြင်းချက်ထုတ်ပြီး မတူကွဲပြားမှုများကိုလက်ခံနိုင်လျှင်သူတို့၏ဖြစ်တည်မှုကို ဆန့်ကျင်စရာမရှိပေ။ ထောက်ပြစရာရှိတာကအခြေခံဝါဒီများကသာ အခြားသူတို့၏မတူကွဲပြားသော အယူအဆနှင့်ယုံကြည်မှုကိုသာလက်မခံနိုင်ခြင်းပင်။ သို့သော်သူတို့သည်လည်းအခြားသူများနည်းတူ ပို့စ်မော်ဒန်ခေတ်၏ဈေးကွက်မီဒီယာနှင့်ယဉ်ကျေးမှုထဲကြိုက်သည်ဖြစ်စေ မကြိုက်သည်ဖြစ်စေ မျောပါနေရသည်။
သူတို့လည်းအီးမေးသုံးရသည်။ ဆူပါမားကက်ထဲဈေးဝယ်ရသည်။ ညတိုင်ရောက်လျှင်တီဗွီကြည့်ရ ကြော်ငြာတွေကြည့်ရသည်သာ။
အနောက်တိုင်းယဉ်ကျေးမှုကိုဆန့်ကျင်သောအခြေခံဝါဒီများသည် ဒီယဉ်ကျေးမှုနှင့်မကင်းနိုင်ပေ။ အီရန်ကိုကြည့် ခေတ်မှီမီဒီယာတွေနည်းမျိုးစုံသုံးသည်။ အီရတ်နဲ့စစ်မှာအနောက်လုပ်ခေတ်မှီလက်နက်တွေသုံးသည်။ ခေတ်မှီဘဏ်စံနစ်သုံးသည်။ ဒီနေ့ခေတ်ထဲဒီပစ္စည်းတွေမှမသုံးနိုင်လျှင် ဒီစံနစ်တွေမှမယဉ်ပါးလျှင် မဖြစ်ဆိုတာသူတို့လည်းနားလည်ထားသည်။ ကမ္ဘာ့ဘာသာတရားဈေးကွက်ထဲ သူတို့လည်းသူတို့ယုံကြည် ကိုးကွယ်မှု ကိုပြန့်ပွားအောင်ဆောင်ရွက်နေသည်။ အခြေခံဝါဒီတို့၏ယုံကြည်ကိုးကွယ်မှုစံနစ်သည်လည်း ပို့စ်မော်ဒန်ယဉ်ကျေးမှုပန်းစင်္ကြာမှန်ပြောင်းထဲက အစက်အပျောက်အခက်အလက်တခုဖြစ်သည်။

KZကေ

Sunday, December 20, 2009

မိချောင်း၏ကုန်ထုတ်လုပ်မှုဖြစ်စဉ်ကိုစားသုံးခြင်း

ကိုလူ။ ။ ကျနော်တို့ဟာအချက်အလက်တွေ အမှတ်အသားပုံရိပ်တွေကိုစားနေတယ်လို့ဆိုပါလား
ကိုမူ။ ။ မငြင်းနဲ့။ ခုခင်ဗျားဝတ်ထားတဲ့စပို့ရှပ်ပေါ်ကမိချောင်းရုပ်ကဘာအဓိပ္ပါယ်လည်း။ ခုဒီဘက်ကိုလျှောက်လာနေတဲ့ချာတိတ်စီးထားတဲ့ဖိနပ်ပေါ်ကအမှန်ခြစ်ကလေးကကောဘာသဘောလဲ။
ကိုလူ။ ။ ကျနော်သဘောပေါက်သွားသလိုပဲ။ မိချောင်းရုပ်ကမိချောင်းပဲဒါ့အပြင်ဘာမှမဆိုလိုဘူး။ အမှန်ခြစ်က Nike တံဆိပ်။ ဒီထက်တော့ဘာမှမပိုဘူး သို့သော်ဒါတွေကိုပို့စ်မော်ဒန်လူသား ကသုံးစွဲနေတာကို ခင်ဗျားက အမှတ်အသားပုံရိပ်တွေကိုစားနေတယ်လို့ဆိုချင်တာကိုး။
ကိုမူ။ ။ ခင်ဗျားဟာဒီဝတ်စုံလေးနဲ့ကြည့်ကောင်းတယ် အဖြူလေးနဲ့ခန့်ညားတယ်ဆိုတာထက် လိုဂိုကပေးတဲ့ အရှိန်အ၀ါတခုကိုပါလိုချင်လာတယ်။ စားသုံးသူယဉ်ကျေးမှုခေတ်ထဲပလပ်ထိုးသွင်းပြီးချိတ်လိုက်တယ်။ တဆင့်တက်ပြောရရင်ခင်ဗျားဟာ ကုန်ပစ္စည်းကိုတင်မဟုတ်တော့ဘူး ကုန်ပစ္စည်းထုတ်လုပ်တဲ့ဖြစ်စဉ်တခုလုံးကိုသုံးစွဲလိုက်တာ။
ကိုလူ။ ။ တချို့လူတွေကလည်းဒီလူဘာဝတ်လည်းကြည့်ပြီးဆက်ဆံချင်ကြတာကိုးဗျ။ မော်ဒန်ခေတ်တုန်းကလည်းဒီလိုရှိခဲ့မှာပါပဲ။ တခြားနမူနာတခုလောက်ထပ်ပေးနိုင်ဦးမလား။
ကိုမူ။ ။ ရုပ်ရှင်ထဲ ကားတစီးနောက်ကိုရဲကားတွေကလိုက်တယ်။ ပညာပြခန်းတွေနဲ့ကားပြိုင်မောင်းကြရင်း တနေရာမှာကားတွေဆင့်တိုက်ချလိုက်တာမနဲဘူး။ တခါ တခြားရုပ်ရှင်တခုမှာဧရာမပေါက်ကွဲမှုကြီး ဖြစ်တယ်။ အပျက်အစီးတွေကသောက်သောက်လဲပေါ့။
ကိုလူ။ ။ ကုန်ကျမဲ့ငွေကလည်းနဲမှာမဟုတ်ဘူး။ ကျုပ်တို့ရပ်ကွက်တခုလုံးရဟန်းခံပြီးတပတ်လုံးမီးခိုးတိတ်ကျွေးလို့ရမယ်ထင်တယ်။ ဆိုချင်တာက။
ကိုမူ။ ။ ဒါပေမဲ့လူတွေကကြည့်ကြတာကိုးဗျ။ ခေတ်မှီနည်းပညာသုံးပြီးဖျက်ပြတဲ့အပျက်အစီးတွေကိုကြည့်တာ စောစောကကျနော်ပြောတဲ့ ကုန်ပစ္စည်းထုတ်တဲ့ဖြစ်စဉ်ကိုစားသုံးနေတာပဲမဟုတ်လား။ နောက်ကားမှာပိုဖျက်ပြဦးမယ်။ ကြည့်ကြဦးမှာပဲ။ အပျက်အစီးနဲသွားရင် အရင်ကားလောက်မစွံပါဘူးကွာလို့ပြောခံရမှာအသေအချာပဲ။
ကိုလူ။ ။ ကျနော်တို့ဟာပုံရိပ်တွေ မီဒီယာ ခေတ်မှီနည်းပညာနဲ့ ကုန်ပစ္စည်းထုတ်လုပ်မှုဖြစ်စဉ်ကြီးတခုလုံးကိုစားနေတာလို့ ဒါကြောင့်ခင်ဗျားကဆိုတာကိုး။
ကိုမူ။ ။ မီဒီယာနဲ့ပုံရိပ်တွေ ပို့စ်မော်ဒန်ယဉ်ကျေးမှုဟာ ကျနော်တို့နေ့စဉ်လူနေမှုဘ၀တွေကိုလွှမ်းမိုးတယ်။ အရင်းရှင်ခေတ်နှောင်းရဲ့ဈေးကွက် ကလည်းကျနော်တို့လူနေမှုဘ၀တွေကိုထိန်းချုပ်လာခဲ့တယ်။ ကျနော်နဲ့ခင်ဗျားဟာ နေရာဒေသအရ အသက်မွေးဝမ်းကျောင်းမှုအရ စိတ်ပါဝင်စားမှုအရ ကွဲပြားမှုတွေရှိနေပေမဲ့ ပို့မော်ဒန်ခေတ်ရဲ့အမှတ်အသားပုံရိပ် မီဒီယာ နှောင်းအရင်းရှင်ခေတ်ရဲ့ ဈေးကွက် နဲ့ စားသုံးသူယဉ်ကျေးမှုအောက်မှာမျောပါနေကြရတာကတော့အတူတူဖြစ်လာတယ်။

KZကေ

Saturday, December 19, 2009

မင်းမရှိဘူးညာပြောလိုက်တဲ့အဆင့်မြင့်နည်းပညာသုံးမီဒီယာ

မော်ဒန်ခေတ်၏အဓိကကျသည့် ထုတ်ကုန်တခုသည် မော်တော်ကားဖြစ်သည်။ ပို့စ်မော်ဒန်ခေတ်တွင်မူ
ဒီဂျစ်တယ်ပုံရိပ်များပင်ဖြစ်သည်။ လူတွေကပုံရိပ်တွေမှာသာယာလာသည်။ ကွန်ပြူတာနဲ့မိုဘိုင်းဖုန်း
သည်ယနေ့ခေတ်၏အထင်ကရ ဒီဂျစ်တယ်ပုံရိပ်များပင် ယနေ့ခေတ်၏အဆင့်မြင့်နည်းပညာသုံး
မီဒီယာများပင်ဖြစ်သည်။
နောက်ဆုံးပေါ်မီဒီယာတွေကအချက်အလက်တွေသယ်လာသည်။ အမှတ်အသားပုံရိပ် (sign-image)
တွေကိုအချက်အလက်တွေအဖြစ်သယ်လာသည်။သည်အမှတ်အသားပုံရိပ်များသည်ပို့စ်မော်ဒန်ခေတ်လူသား၏
စိတ်တီဗွီမှချယ်နယ်လိုင်း တွေဖြစ်လာသည်။ ဂိမ်းအသစ်ထွက်သည်။ဝင်းဒိုးဗာရှင်းပြောင်းပြီ။
နိုကီယာအသစ်ကရုပ်ပုံအတွက်၁၂မက်ဂါဘိုက် သုံးနိုင်ပြီ။ ဆိုတော့အဆင့်မြင့်နည်းပညာသုံးမီဒီယာတွေလည်း
ပိုခေတ်မှီလာ ပိုကြည်လင်လာ ပိုအံ့အားသင့်စရာများဖြစ်လာသည်ဆိုတာထက်ဘာမှမပို။
သည့်နောက်မှာဘာအဓိပ္ပါယ်မှမရှိတော့။အရုပ်တွေအသံတွေပိုကောင်းလာသည်ပိုမြန်လာသည်။
စားသုံးသူကအဆင့်မြင့်နည်းပညာသုံးမီဒီယာကိုသုံးတယ်ဆိုတာကဒါတွေကိုစားသုံးလိုက်သည်ဆိုသည့်သဘော။
ဒါတွေကိုစားသုံးနိုင်သည်ဆိုသည့်လူမှုအဆင့်အတန်းတခုကိုပြနိုင်သည်ဆိုတာထက်ဘာမှမပိုတော့။
ဒါထက်ပိုသည့်အဓိပ္ပါယ်မရှိတော့။
မီဒီယာနဲ့အချက်အလက်တွေ သူတို့ကိုချိတ်ဆက်ထားတဲ့ကွန်ယက် ဒါကလည်းတချိန်လုံးပြောင်းနေသည်။
ကုန်ပစ္စည်းအသစ်တွေဈေးကွက်ထဲတချိန်လုံးပြောင်းနေသလိုမျိုး။ အမြဲတမ်းပြောင်းနေသည့်
အမှတ်အသားပုံရိပ်တွေ နှင့် အမြဲပြောင်းနေသည့်ကုန်ပစ္စည်းတွေ အပြန်အလှန်မှီခိုလာကြသည်။
ပန်းစင်္ကြာမှန်ပြောင်း၏အခြမ်းနှစ်ခုဖြစ်လာပြီးအပြိုင်လှည့်သည်။ တခုနဲ့တခုထွင်းဖောက်သည် စီးဝင်သည်။
အဆုံးမှာ ယဉ်ကျေးမှု နှင့် ဈေးကွက်ကိုခေတ်မှီနည်းပညာသုံးမီဒီယာကပေါင်းစပ်ပေးတော့သည်။

KZကေ

Thursday, December 17, 2009

ဂေါ်ဇီလာစူပါမားကက် သရဖူအလှကုန် စားသုံးသူယဉ်ကျေးမှု

ကိုလူ။ ။ ဒီအတိုင်းသာဆိုခင်ဗျားနဲ့ကျနော်ဟာ တယောက်နဲ့တယောက်အဆက်အစပ်မဲ့ချထားတဲ့ ပို့စ်မော်ဒန်ခေတ်ထဲကပုံရိပ်နှစ်ခုပေါ့။
ကိုမူ။ ။ ဆိုပါတော့လေ။ သို့သော်ကျနော်တို့မှာတူနေတာတွေရှိတယ်။ တီဗွီကနေ့စဉ်လာနေတဲ့ဒီကြော်ငြာတွေကြည့်ပြီး ဒီစူပါမားကက် ဒီဈေးတွေထဲမှာ ဒီကုန်ပစ္စည်းတွေကို ၀ယ်နေကြရတာပဲ။ ခြင်ဆေးခွေဆိုတော့ဂေါ်ဇီလာ ချောင်းဆေးပျောက်ဆေးဆိုတော့ ဒီကိုဒင်း ဒါတွေပဲမဟုတ်လား။
ကိုလူ။ ။ အင်း စားသုံးသူယဉ်ကျေးမှုခေတ်ကိုရောက်နေပြီ။ ဒါတော့သဘောတူရမှာ။
ကိုမူ။ ။ အဓိပ္ပါယ်နဲ့သမိုင်းဆိုတာ ကုန်ပစ္စည်းဆိုတဲ့လှုိုင်းတွေအောက်နစ်သွားတာ။ ဒီခေတ်မှာတော့အားလုံးကရောင်းဖို့ပဲ။ အဆိုတော်မလေးက သွားတိုက်ဆေးကြော်ငြာတယ်။ မင်းသမီးက ဇီးထုပ်ကြော်ငြာတယ်။ မင်းသားနဲ့တွဲပြီးတခါ အမွှေးတိုင်ကြော်ငြာတယ်။ ယဉ်ကျေးမှုဆိုတာလည်းဈေးကွက်ထဲကိုရောက်လာပြီ။
ကိုလူ။ ။ ဟုတ်တယ်။ ဈေကွက်ကသိပ်ကြီးလာတယ်။ တကယ်ဆိုရင် တကမ္ဘာလုံးဟာဈေးကွက်တခုလို့ပြောလို့ရအောင်ကိုကြီးလာတာ။
ကိုမူ။ ။ စူပါမားကက်တွေအများကြီးကို လူတဦး သို့ အဖွဲ့အစည်းတခုကပိုင်တာ။ နေရာအလိုက် တခုချင်းဆီကို တယောက်ယောက်ကိုကိုယ်စားလှယ်ပေးလိုက်တယ်။ ဒီကိုယ်စားလှယ်ကလည်း သူ့မားကက်ထဲ ဆိုင်ခန်းတခုချင်းဆီကို ပြန်ပြီးအငှားချထားပြန်ရော။ ဘီလျှံနဲ့ချီချမ်းသာတဲ့သူဋ္ဌေးကြီးနဲ့ သူ့ကုန်တိုက်ကိုကြော်ညာတဲ့မင်းသား မင်းသမီးနဲ့စူပါမားကက်ရဲ့လူသွားများတဲ့ထောင့်လေးတနေရာမှာ အလှပြင်ပစ္စည်းတွေရောင်းနေတဲ့မိန်းကလေး။ အားလုံးဟာဈေးကွက်နဲ့ယဉ်ကျေးမှုထဲမှာ ဆက်မိသွားတယ်။ ဈေးကွက်ဟာယဉ်ကျေးမှုနဲ့ပေါင်းစပ်စိမ့်ဝင်သွားတော့ ဘယ်သူမှကင်းလို့ မရနိုင်တော့ဘူး။
ကိုလူ။ ။ ဒါကြောင့်စားသုံးသူယဉ်ကျေးမှုဟာအရမ်းအားကောင်းလာတာကိုး။
ကိုမူ။ ။ မပြီးသေးဘူဗျ။ မီဒီယာရဲ့အခန်းကိုလည်းပြောဖို့လိုလိမ့်ဦးမယ်။ ဒါကိုမှကျနော်တို့မပြောဘူးဆိုရင် ပုိ့စ်မော်ဒန်နဲ့အရင်းရှင်ခေတ်နှောင်းကိုနားလည်ရခက်လိမ့်မယ်ဆိုပဲ။

KZကေ

Wednesday, December 16, 2009

ဖြစ်သမျှကို ဆေးခန်းကောင်တာ နှင့် အနုစိတ်နိုင်ငံရေး

ပို့စ်မော်ဒန်လူသားသည်ကမ္ဘာကြီးကိုတခုနှင့်တခုအဆက်အစပ်မဲ့နေသည့်ပုံရိပ်များစုစည်းထားမှု
အဖြစ်မြင်လာခဲ့သည်။ ကိုယ်သည်ပင်လျှင်ထိုပုံရိပ်တွေထဲကတခုဖြစ်လာခဲ့ပြီ။ ဘ၀အဓိပ္ပါယ်တို့ အစစ်အမှန်
အတွေ့အကြုံတို့ ဆိုတာတွေကိုအာရုံမစိုက်တော့။ အဖြစ်အပျက်တွေကိုမစီစစ်တော့ပဲ ဒီအတိုင်းလက်ခံသည့်
အလေ့အကျင့်ရလာခဲ့တော့သည်။ ပြင်ပအတွေ့အကြုံနှင့်တကယ့်လိုအင်ဆန္ဒမကိုက်ညီဆိုတာမျိုးမရှိတော့။ ငါကဆေးကျောင်းတက်လိုက်ရလို့သာဆရာဝန်ဖြစ်လာတာတကယ်တမ်းကကဗျာဆရာဖြစ်ချင်တာဆိုသည့်
ပြဿနာမျိုးပို့စ်မော်ဒန်မှာမရှိ။ ဘ၀မှာဘာဖြစ်ရမည်ဆိုတာကပုံရိပ်ကိုအဓိပ္ပါယ်ဖော်သလိုမျိုးဖြစ်သည်။ ဖြစ်နေသည့်
အတိုင်းလက်ခံသွားနိုင်တာကသာ Transcoding လို့ဆိုသည်။
သို့သော် ကိုယ့်အတွေ့အကြုံအတွက်တာဝန်ယူစရာမလိုတော့ဆိုတာ အန္တရယ်လို့ဂျိမ်းဆင်ကသတိပေးသည်။
လူ့ဘ၀သည်ကမ်းခြေကိုအပန်းဖြေထွက်လာသည့် package tourမဟုတ်။ ကမ်းစပ်ကခရုခွံလေးတွေကောက်ရုံခရီးသွား။ ဘွဲ့လက်မှတ်ရရုံတက္ကသိုလ်တက်။ အတွေ့အကြုံတွေကရောက်လာပြီးပြန်ထွက်သွားသည်။ ကျနော်တို့ကအထူးကုဆေးခန်းကောင်တာက အမျိုးသမီးလို အတွေ့အကြုံတွေကိုမလေးနက် တခုပြီးတခု မှတ်ပုံတင်ထားလိုက်သည်။
ရုံးမှာအောက်ကစာရေးလေးကိုထုတ်လုပ်ရေးစာရင်းတွေစုထားသည့်ဖိုင်တွဲရှာခိုင်းသည်။ ကျောင်းသွားကြိုတော့ကလေးတွေအနေအထားသိရအောင်သူတို့ဆရာမနဲ့စကားစမည်ပြောရသည်။ စူပါမားကက်ထဲမှာဆေးတံသောက်ဆေးဗူးမတွေ့တော့အရောင်းစာရေးတွေမေးရသည်။ အလွှာစုံ နေရာစုံ တနေရာပြောင်းတိုင်း
ချဉ်းကပ်ပုံကပြောင်းသွားရသည်။ ဒါတင်လားဆိုတော့မပြည့်စုံသေး။ ရုံးမှာက ကိုယ့်ဋ္ဌာနကလူတွေစုပြီးထမင်းစားကြသည်။ အိမ်ရောက်တော့မြို့ထဲမှာနေသည့်သူငယ်ချင်းစီးပွားရေးသမားနှင့်ဘီယာဆိုင်သွားဖို့ချိန်းသည်။ ရပ်ကွက်ဓမ္မာရုံမှာ တလမ်းထဲနေသည့် ဘုရားဒကာနှင့် လပြည့်နေ့ညတရားပွဲဘယ်ကိုယ်တော်ပင့်မလဲတိုင်ပင်ရသည်။ ပို့စ်မော်ဒန်ခေတ်ထဲနိုင်ငံရေးဆိုတာ အားလုံးအတွက် တခုတည်းသောပုံစံကိုရဖို့ ညှိနှိုင်းဆောင်ရွက်မှုမျိုးမဟုတ်တော့ပေ။ သမိုင်းထဲမိမိကိုယ်ကိုနေရာမချနိုင်သောပုိ့စ်မော်ဒန်လူသားသည်နီးစပ်ရာ ပတ်သက်ရာအစုအဖွဲ့လေးတွေနဲ့ အနုစိတ်နိုင်ငံရေး (micropolitics) ကိုလုပ်သည်။ တချို့ပတ်ဝန်းကျင်ထိမ်းသိမ်းရေး တချို့ငြိမ်းချမ်းရေး တချို့မီဒီယာ တချို့နည်းပညာ အစရှိသည် အစုအဖွဲ့လေးတွေရှိလာကြသည်။ လူတဦးချင်းစီသည်မိမိကိုယ်စားပြုသည့်အဖွဲ့အစည်းတခု(များ)မှမိမိကိုယ်ပိုင်အမှတ်အသားကို
ရှာဖွေလာသည်။

Saturday, December 12, 2009

ရှင်းထားသောနှင့်စုပုံထားသောအမှတ်သညာများ

ဒီမစ်ထရီကိုအောက်တိုဘာတော်လှန်ရေး
အပြီးမော်စကိုတွင်မွေးသည်
ကျောင်းဆင်းခေါင်းလောင်းထိုးပြီးလျှင်ကျောင်းသားအားလုံး
နိုင်ငံတော်သီချင်းကိုသီဆိုရသည်
စမစ်ကျွန်းသည်ထိုင်းနိုင်ငံအရှေ့ပိုင်းတွင်ရှိပြီး
ဘန်ကောက်မြို့တော်မှမဝေးလှ
ရေတံခွန်သည်အမြင့်တနေရာမှစတင်သော
ပြုတ်ကျနေသည့်အလှတရားတခုပင်
အတန်ငယ်လှမ်းသည့်နေရာတွင်ကြည်လင်သော
စမ်းချောင်းငယ်ဖြစ်ပြီး
ရေထဲနစ်မြုပ်နေသည့်တိမ်အပြာတစ်စကို
ကျွန်တော်ကိုင်ကြည့်မိသည်
ရေတိမ်တိမ်တွင်နွေးနေသောအပြာရောင်တိမ်
ဇူးရစ်လေဆိပ်တွင် တထောက်နားကြသည်
ခရီးဆောင်အိတ်ကိုချိန်ပြီး လက်မှတ်ယူပြီး
လူဝင်မှုကြီးကြပ်ရေးအရာရှိနှင့်တွေ့သောအခါ
နီရဲသောနိုင်ငံကူးလက်မှတ်ကိုသူစေ့စေ့စပ်စပ်ကြည့်တော့သည်
လေတဟူးဟူး
ဇတ်လမ်းထဲကဆောင်းရာသီ
ချမ်းလွန်းသဖြင့်ကော်လံစကိုပင်ထောင်ထားမိသည်
အိမ်တံခါးကိုဖြေးဖြေး ကားတံခါးကိုဖြေးဖြး
ပိတ်ပြီးစက်နှိုးသော် တောင်ပိုင်းရေဒီယိုမှ
ယနေ့နံနက်ခင်းရာသီဥတုကိုနားထောင်ကြည့်မိသည်
ကျောင်းအသွားတောလမ်းကလေး
ဒီလမ်းကိုမြညိုပြာခြေဖ၀ါးတို့ဖြင့် ရင်နှင့်ဖောက်ခဲ့သည်ပင်
အဝေးတွင်တောင်ညိုပြာမှောင်မှာ
အလွမ်းရိပ်တို့အဝေးဝေ့
လက်ဖက်ခင်းများ ကလေးများ တောပန်းများ အနာဂတ်များ
မီးလင်းဖိုသည် သခင်ဟန့်ထားသဖြင့်
ပျပ်ဝပ်နေသော ခွေးတကောင်ပမာ ယဲ့ယဲ့လင်း
အတွင်းခန်းတွင်ချောင်းသံ သဲ့သဲ့အက်
အခါးရည်တွင်အငွေ့ မျှင်းမျှင်းလွင့်
ညိုပြာရန်ကုန်လာဖို့ရှိသေးလား ကိုသော်တာအမေးကို
တွေရင်း ၀ဲဝဲမော့
နီရဲသောအလင်းတွင်သူတို့မမြင်ကြရ
လမ်းများပိတ်နေပြီး မီးပွိုင့်တွင်ရေတွက်ခြင်းကိုသင်ယူကြသည်
နှစ်သစ်ကူးနွေအ၀ါတွင် ပိတောက်ရွှေဝါကို မျှော်လင့်ကြရပေဦးမည်။

KZကေ

Thursday, December 10, 2009

ရာဇ၀င်ကားကြည့်ရင်းအိပ်ပျော်သွားတဲ့မနက်ဖြန်

ကိုလူ။ ။ ခင်ဗျားလုပ်တာနဲ့ပဲ တီဗွီချယ်နယ်ပြောင်းတာတောင်ပို့စ်မော်ဒန်နဲ့မလွတ်ပါလားဗျ
ကိုမူ။ ။ တကယ်လည်းတီဗွီ ဟာကျနော်တို့နေ့စဉ်လူနေမှုဘ၀ကိုလွမ်းမိုးနေတာကိုး။ စဉ်ဆက်မပြတ်လွှင့်ထုတ်နေတဲ့ TV အစီအစဉ်တခုဟာ တချိန်လုံးလှည့်ပေးနေတဲ့ ပန်းစင်္ကြမှန်ပြောင်း ကြီးပဲမဟုတ်ဘူးလား။
ကိုလူ။ ။ ထားပါလေ။ ဒါပေမဲ့ အဓိပ္ပါယ်တွေပျောက်ကုန်တယ်ဆိုတဲ့သဘောကတော့ အဓိပ္ပါယ်မရှိဘူးဆိုတဲ့သဘောပဲ။ ဒါတော့ဘ၀င်မကျချင်ဘူးဗျာ
ကိုမူ။ ။ ဘယ်သူကကောTV ပုံရိပ်တွေကြည့်ပြီး ဘာအဓိပ္ပါယ်ပါလိမ့်စဉ်းစားကြလို့လဲ။ ဒီနေ့ကုန်ပစ္စည်းကြော်ညာတခုဟာ စီးပွားရေးလား ဖျော်ဖြေရေးလားဆိုတာတောင်မကွဲပြားတော့ပါဘူး။
ကိုလူ။ ။ TV ကြောင့်မို့ ကမ္ဘာကြီးရဲ့တခြားနေရာကဖြစ်ရပ်တွေကိုကျနော်တို့ချက်ချင်းသိကြရတယ်လေ မကောင်းဘူးလား။
ကိုမူ။ ။ ဒါပေါ့လေ။ တခုသတိထားမိဖို့လိုတာက TV က တကမ္ဘာလုံးကိုစုစည်းမိစေတယ်။ စူနာမီ တို့နာဂစ်တို့ ကိုလူတွေချက်ချင်းသိပြီး ခံစားရစေတယ်။ လူများစုကြီးဟာတချိန်ထဲမှာအဖြစ်အပျက်တခုပေါ်မှာရှိနေကြတယ်။ တဘက်ကပြောမယ်ဆိုရင် ဒါသမိုင်းကိုမှတ်တမ်းတင်နေတာပဲ။
ကိုလူ။ ။ ဒါတော့နားလည်သားဗျ။ ဒီလိုလေ ခုဖြစ်ခုပဲသမိုင်းထဲရောက်သွားလို့ ချက်ချင်းသမိုင်း (instant history) ဆိုပြီးပြောကြတာတွေကြားဖူးလို့ပါ။
ကိုမူ။ ။ သို့သော် ဒီသို့သော်လည်းအရေးကြီးမယ်ထင်တယ်။ ဒီနေ့ မုန်တိုင်းကျတယ်။ နောက်တစ်ပတ်ကျတော့ ငလျှင်လှုပ်တယ်။ ပြီးတော့တခါ မိုက်ကယ်ဂျက်ဆင်ဆုံးတယ်။ ဒီပန်းစင်္ကြာမှန်ပြောင်းဟာပုံရိပ်တွေကိုတင်လှည့်တာမဟုတ်ပဲ အဖြစ်အပျက် ခင်ဗျားပြောတဲ့ချက်ချင်းသမိုင်းတွေကိုပါလှည့်တော့ကာ လူတွေဟာသမိုင်းကိုအလွယ်နဲ့မေ့ဖို့ အကြောင်းဖန်လာပြန်တော့တယ်။
ကိုလူ။ ။ ဟေ့လူ ခင်ဗျားလွန်လာပြီနော်။ ခင်ဗျား ပထမ အဓိပ္ပါယ်တွေကိုသတ်ပစ်တယ်။ ခုသမိုင်းကိုအပျောက်ရှင်းဖို့ကြံနေတယ်မလား။ ကျုပ်ရိပ်မိတယ်နော်။
ကိုမူ။ ။ ပုံရိပ်တွေကတခုပြီးနောက်တခုဆိုတော့ ကျနော်တို့တွက်နေ့တိုင်းအသစ်တွေကိုတွေ့နေရတယ်။ အသစ်ဖြစ်မှုဟာမြန်လာတယ်။ နောက်ဆုံးအသစ်ဆိုတာလည်းပျောက်ရော အဟောင်းကိုဘယ်လိုအဓိပ္ပါယ်ဖွင့်ကြမလဲ။ အသစ်နဲ့အဟောင်းကြားမှာရှိတဲ့ ကွဲပြားမှုဟာပျောက်သွားတယ်။ ဒီတော့ မနက်ဖြန်ဆိုတာဘာလဲနောက်ထပ်ပေါ်လာမဲ့ ပုံရိပ်အသစ်တွေပဲ။အနာဂတ်ဆိုတာဒီနေ့လိုမျိုးပြောင်းနေဦးမဲ့ တူနေတဲ့ဖြစ်စဉ်တခုပဲဒီလိုနဲ့သမိုင်းဆိုတာ စဉ်းစားစရာမလိုတော့အောင်ဖြစ်လာရတယ်။
ကိုလူ။ ။ ဒီတော့ ပို့စ်မော်ဒန်ခေတ်ထဲမှာ သမိုင်းကြောင်းနဲ့ယှဉ်ပြီးတွေးတာတွေ စဉ်းစားတာတွေလုပ်စရာမလိုတော့ဘူးလို့ဆိုချင်တာလား။
ကိုမူ။ ။ ဒီလိုဗျ အတိတ်နဲ့ပတ်သက်တဲ့ပုံရိပ်တွေခုခေတ်မှာအများကြီးရှိတယ်။ ဒါပေမဲ့ဖန်တီးထားတာတွေ။ ခင်ဗျားပုံတပုံကိုကော်ပီကူးတယ်ဆိုရင်တောင်မူရင်းပုံနဲ့တူသေးတယ်။ ခုကဒီလိုမဟုတ်ဘူး။ ကျနော်တို့တိုက်တင်းနစ်ကြည့်တယ်။ တကယ့်သဘောင်္နစ်ခဲ့တာမဟုတ်တော့ဘူး။ သူကကျနော်တို့ကြည့်ကောင်းအောင် ခံစားရအောင်ဖန်တီးထားတာ။ ဗီယက်နမ်စစ်ကားတွေအများကြီး တကယ်ဗီယက်နမ်စစ်ကိုမှတ်တမ်းတင်ထားတာမဟုတ်ဘူး။
ကိုလူ။ ။ ဟုတ်ပါပြီ။ နမူနာပေးစရာတွေများပါတယ်။ လိုရင်းကဘာပြောချင်တာလဲ။
ကိုမူ။ ။ ကျနော်တို့မြင်နေရတဲ့အတိတ်ပုံရိပ်တွေဟာ တကယ့်အတိတ်တွေမဟုတ်ဘူး။ ဖန်တီးထားတာတွေ။ ဒီတင် အတိတ်နဲ့လက်ရှိကြားမှာအဆက်အစပ်မဲ့သွားတယ်။ တခါ Star War လို Matrix လို ပြီးတော့ bioengineering နဲ့နွယ်တဲ့ သိပ္ပံကားတွေ ကြည့်လိုက် အနာဂတ်ဟာပုံဖော်ဖို့ရာကိုတော်တော်ခက်လာတယ်။ ပို့စ်မော်ဒန်လူသားဟာ တကယ့်အတိတ်နဲ့ တကယ့်အနာဂတ်ကနေ မျက်ခြေပြတ်သွားတယ်။
ကိုလူ။ ။ မော်ဒန်ကျတော့အတိတ်ဆိုတာ လက်ရှိအချိန်ရဲ့မတိုင်ခင်ကအဖြစ်အပျက်တွေ။ အနာဂတ်ဟာ နောက်ရောက်လာမယ့်အချိန်။ ရှင်းတယ်။ အတိတ်နဲ့ပစ္စုပ္ပန်ကြားကအကျပ်အတည်းဟာ ပြဿနာတွေ ရှိနေပေမဲ့ အနာဂတ်ကိုပုံဖော်ကြည့်ဖို့စိတ်လှုပ်ရှားမှုကိုပေးတယ်။ ခုဒီနက်ရှိုင်းမှုပျောက်သွားတယ်လို့ ဆိုချင်တယ်ပေါ့။
ကိုမူ။ ။ အတိအကျပဲ။ ပို့စ်မော်ဒန်ခေတ်မှာကာလသုံးပါးစလုံးဟာရောသွားတယ်။ ကလေးတွေဆော့တဲ့ ကတ်ထူ ပုံအရုပ်ကလေးတွေပြန်ဆက်သလိုမျိုး။ ကျနော်တို့ဟာဆက်နေကြတာပဲ သို့သော်ဒါတွေအကုန်ဆက်လို့ရမှာလားမမေးကြတော့ဘူး။ လက်ရှိအဖြစ်အပျက်တွေထဲ ကိုယ်ဘယ်နေရာမှာရောက်နေသလဲ ဆိုတာကိုနားမလည်နိုင်တော့ဘူးဖြစ်လာကြတယ်။
ကိုလူ။ ။ အင်း။ ကျနော်တို့ဟာ ကိုယ်ပိုင်အတွေ့အကြုံတွေကို မီဒီယာကပေးတဲ့ပုံရိပ်တွေနဲ့ရောထွေးဖို့ဖြစ်လာရတယ်ပေါ့။
ကိုမူ။ ။ ကျနော်တို့ဟာ ကိုယ့်ကိုယ်ပိုင်ဘ၀တွေကိုဟောလိဝုဒ်ကရုပ်ရှင်တွေ နေ့စဉ်လာတဲ့ TV စီးရီးတွေနဲ့ရောမြင်လာကြတယ်။ ကျနော်တို့ဟာသမိုင်းဆိုတဲ့နောက်ခံကားမှာကိုယ့်ကိုကိုယ်နေရာချမကြည့်တော့ဘူး။
ကိုလူ။ ။ စဉ်းစားစရာပဲဗျာ။ အချိန်ရေစီးဟာကိုယ့်အပေါ်ကိုသက်ရောက်မှုမရှိသလိုနေလာကြတယ်ဆိုတာဟုတ်နိုင်ပါ့မလား
ကိုမူ။ ။ ဒါမတင်မကဘူး ကျနော်တို့ဟာအနာဂတ်ကိုသိပ်မလေးနက်တော့ဘူး။ လူ့အဖွဲ့အစည်းကိုဘယ်ပုံကောင်းလာအောင်ပြောင်းလဲကြမလဲဆိုတာတွေမစဉ်းစားတော့ဘူး။
ကိုလူ။ ။ အနာဂတ်နဲ့ပါတ်သက်တဲ့စိုးရိမ်မှုတွေမရှိတော့ဘူးလား
ကိုမူ။ ။ အဲသည်လိုပြောကျတယ်။ တကယ်တော့မစဉ်းစားချင်တော့တာ။ တွေးမယ်ဆိုစိုးရိမ်စရာတွေကများသား။ သဘာဝအန္တရယ်။ ရောဂါဘယ။ စစ်ပွဲ စုံလို့ပေါ့ ကမ္ဘာပျက်မယ်ဆိုတဲ့ထိပါတယ်။ သို့သော်ပို့စ်မော်ဒန်လူသားကဒါတွေကိုမပူတော့ဘူးဗျ။ ပြီခဲ့တဲ့အပတ်ကခင်ဗျားမေးခွန်း မြန်မာ့လူ့အဖွဲ့အစည်းနဲ့ပို့စ်မော်ဒန်ကိုဒီအချက်တွေနဲ့ချိန်ကြည့်လေဗျာ။
ကိုလူ။ ။ ခုကျနော်နဲနဲစဉ်းစားကြည့်နေတယ်။ သမိုင်းနဲ့ယှဉ်တဲ့အတွေးကျနော့်ဆီမှာပျောက်သွားပြီလား။ ကျနော်ဟာအနာဂတ်ကိုမေ့ထားမိသလား။

KZကေ

Tuesday, December 8, 2009

စံပယ်ဖြုဖြူ နှင့် နှင်းဆီနီနီ တို့တွင်ကိုယ်စားပြုမှုမရှိ

မော်ဒန်ကအစစ်အမှန်တရားကိုရိုးစင်းတိကျသည့်အမှတ်အသားတို့ဖြင့်ဖော်ပြနိုင်မည်ဟုယုံကြည်သည်။
ပြဿနာက သည်အမှတ်အသားကကျော်လွန်ပြီးအစစ်အမှန်တရားတခုခုကိုကိုယ်စားမပြုနိုင်မှာကိုပဲဖြစ်သည်။
ပမာဆိုရသော် မျှားနတ်မောင်ပုံလေးကအချစ်စတင်မှု။ ဖူးစာ။ သို့သော်ဒီသင်္ကေံတကိုကျော်မမြင်ပဲ
ဟိုကလေးမျှားတစ်စင်းနဲ့မူကြိုကြော်ငြာနှင့်တူတယ်ဆိုရင်သွားပြီ။ အမှတ်အသားသည်
သူကိုယ်စားပြုလိုမှုကိုဖော်ပြခြင်းငှာမစွမ်းသာတော့။
ပို့စ်မော်ဒန်မှာဒါကိုပူစရာမလိုတော့။ အမှတ်အသားတွေကသူ့ဘာသာဖြစ်နေတည်နေတာ။
ပြင်ပကဘယ်အစစ်အမှန်တရားကိုမှကိုယ်စားမပြု။ ဒီနေ့ခေတ်ရဲ့ကိုယ်စားပြုပုံရိပ်တွေဟာအစစ်အမှန်တွေမဟုတ်
ပြန်ပြီးထုတ်လုပ်ဆင့်ပွားထားမှုများသာဖြစ်သည်။ ကော်ပိုရိတ် လိုဂို (LOGO) တွေမှာဒီသဘောကို
အထင်အရှားတွေ့ရသည်။ ပို့စ်မော်ဒန်လက်ရာတခုတွင်ယှဉ်တွဲထားသည့်အမှတ်အသားများ (sign)
သည်ဘာကိုမှကိုယ်စားမပြု။ အ၀ိုင်းဘေးတွင်ယှဉ်ထားသော တြိဂံပုံသည်သုံးပွင့်ဆိုင်အချစ်ဇတ်လမ်းကို
ကိုယ်စားမပြု။ သူ့အဆင်ပြေသလိုဒီဇိုင်းဆင်ထားခြင်းသာဖြစ်သည်။ သတင်းစာ တွင်ပုံရိပ်များတခုနှင့်တခု
ယှဉ်ရှိနေသော်လည်း အဆက်အစပ်မရှိ။
ဒါဘာအဓိပ္ပါယ်လည်းဆိုသည့်မေးခွန်းကမလိုတော့။ ပျောက်သွားပြီ။
ပို့စ်မော်ဒန်၏အဆိုပါပြုလုပ်ချက်များမှာမတူသောကွဲပြားမှုများအဆင်ပြေသလိုယှဉ်တွဲနေသည့်သဘောမျိုးပင်။
တခုခြင်းတွင်ကိုယ်ပိုင်ဖြစ်မှုရှိပြီးစုစည်းဖော်ပြမှုသဘောမသက်ဝင်တော့ပေ။
အလွန်ဆုံးကျနော်တို့လုပ်နိုင်တာက အမှတ်အသား တခုရဲ့ပြောနိုင်တွေးနိုင်တဲ့အချက်တွေကို အခြား
အမှတ်အသား တခုရဲ့ဖြစ်နိုင်ခြေသဘောတရားတွေနဲ့နှိုင်းယှဉ်ကြည့်ဖို့ဖြစ်သည်။ နှင်းဆီပန်းဟာဘာလဲ
ဓါးသွားဟာဘာသဘောကိုဆိုချင်တာလဲ။ ပို့စ်မော်ဒန်ဟာ ဒီ၂ခုကြားကဆက်စပ်မှု ကိုလည်းမရှာ။
နှစ်ခုစလုံးကညွှန်းဆိုမဲ့ပြင်ပကအစစ်အမှန်တရားဆိုတာလည်းမရှိ ဟုဆိုသည်။ code တွေက၀ှက်ထားတဲ့
အဖြေကိုရှာတာ decoding ဒါမော်ဒန် ။ ခုပုံစံကိုတော့ transcoding လို့ဆိုသည်။ ပို့စ်မော်ဒန်။
ငယ်ငယ်ကကြည့်တဲ့ ပန်းစင်္ကြာံမှန်ပြောင်းနှင့်တူသည်။ တခါကြည့်တယ် လှည့်တယ် နောက်တခါကြည့်တယ်။
ပုံရိပ်တခုချင်းဆီမှာဘာအဓိပ္ပါယ်ရှိမလဲ။ မရှိ။ ရည်ရွယ်ချက်က မဆုံးနိုင်တဲ့မျိုးကွဲပုံစံတွေ
ဖန်တီးကြည့်ခြင်းဖြစ်သည်။ ပန်းစင်္ကြံမှန်ပြောင်းဆိုတော့ဘိုးတော်ဘုရားခေတ်ကဟာတွေလို့ဆိုကြပေမည်။
ခုခေတ်တွင်တီဗွီ။ ချယ်နယ်တွေတခုပြီးတခုပြောင်းကြည့်သည်။ မြ၀တီ မြန်မာ့အသံ ကိုရီးယားကား သတင်း
ခလုတ်တခါနှိပ်လိုက်တိုင်းပုံရိပ်တွေကပြောင်းနေသည်။

KZကေ

Monday, December 7, 2009

အရင်းရှင်ခေတ်နှောင်း၏ယဉ်ကျေးမှုယုတ္တိ

ကိုလူ။ ။ လင်းစမ်းပါဦး ကိုဓါတ်တိုင်ရယ်
ကိုမူ။ ။ ပထမအချက်အနေနဲ့ နိုင်ငံစုံကော်ပိုရေးရှင်းကြီးတွေပေါ်လာတာပေါ့။ နိုင်ငံတွင်းမှာပဲအားကောင်းနေတဲ့ကုမ္ပဏီကြီးတွေဟာနယ်နမိတ်တွေကျော်ပြီးအဆမတန်ကြီးထွားလာခဲ့တယ်။ နိုင်ငံပေါင်းစုံက ကုမ္ပဏီတွေဒီပုံချဲ့ထွင်ခဲ့ကြရာမှာ တနိုင်ငံချင်းရဲ့အမျိုးသားအကျိုးစီးပွားဟာ အချင်းချင်းအပြန်အလှန် ကမ္ဘာလုံးစီးပွားရေး မှာချိတ်ဆက်မိသွားတယ်။
ကိုလူ။ ။ multinational company တို့ global economy တို့ ဒီအပ်ကြောင်းထပ်စကားလုံးတွေလာဦးတော့မှာပေါ့ အင်းပေ့ါလေ ရှောင်ချင်လို့လဲမရဘူးဆိုတော့။
ကိုမူ။ ။ အကျိူးဆက်က ဥရောပပုံစံကိုလိုနီစံနစ်ဟာကမ္ဘာလုံးစီးပွားရေးအတွက်မထိရောက်တော့ဘူး။ နိုင်ငံစုံကော်ပိုရေးရှင်းကြီးတွေဟာဒေသခံနိုင်ငံတွေကချမ်းသာပြီးနိုင်ငံရေးမှာစွက်ဖက်နိုင်တဲ့ အီလစ်တွေနဲ့ ဆက်မိသွားကြတယ်။ အမေရိကန်ကလည်းတွန်းတယ်။ လွတ်လပ်တဲ့ကမ္ဘာဆိုပြီး ဒီရေစီးကိုအားကောင်းစေတယ်။ ကိုလိုနီလုပ်တဲ့ခေတ်ကကုန်ပြီလေ။ ဒါဒုတိယအချက်ပေါ့။
ကိုလူ။ ။ တတိယအပြောင်းအလဲလေးလုပ်ပါဦး
ကိုမူ။ ။ ကွန်ပျူတာ မီဒီယာ နဲ့ သတင်းအချက်အလက်ခေတ်ကြီးထဲကိုရောက်လာတာပါပဲ။ လူတွေကစားပွဲတွေကုလားထိုင်တွေရေစုပ်စက်တွေ လုပ်ရောင်းမဲ့အစား ချစ်ပ်ပြားလေးတွေလုပ်လာကြတယ်။ ရောင်းကုန်က ပုံတွေဇယားတွေအချက်အလက်တွေဖြစ်လာပြီ။ သတင်းအရေးကြီးတဲ့ခေတ်ကိုကူးလာတယ်။ ကုမဏီကြီးတွေက ထုတ်ကုန်မဟုတ်တဲ့ ဒီသတင်းအချက်အလက်တွေကိုပိုကြီးထိန်းချုပ်လာကြတာပါပဲ။
ကိုလူ။ ။ ဆိုတော့ လက်ဝါးကြီးအုပ်အရင်းရှင်စံနစ်ကနေ နိုင်ငံစုံအရင်းရှင်စံနစ် (Multinational Capitalism) ကိုပြောင်းလာတယ်ဆိုပါတော့
ကိုမူ။ ။ ဂျိမ်းဆင်က အရင်းရှင်ခေတ်နှောင်း (Late Capitalism) လို့လည်းခေါ်သဗျ။ သူ့ရဲ့ Postmodernism, or the cultural logic of late capitalism စာအုပ်ကိုအခြားပညာရှင်များ ကအလျင်းသင့်တဲ့အခါညွှန်းကြတာသတိထားမိတယ်။
ကိုလူ။ ။ သဘောပေါက်သလိုပဲ။ သူက ပို့မော်ဒန်ဟာ နိုင်ငံစုံအရင်းရှင်ခေတ်နှောင်းရဲ့ယဉ်ကျေးမှု။ မော်ဒန်ဟာလက်ဝါးကြီးအုပ်အရင်းရှင်စံနစ်ရဲ့ယဉ်ကျေးမှုလို့ပြောချင်တယ်ထင်တယ်။
ကိုမူ။ ။ ဒီသဘောပါ။ ဒါပေမဲ့ ခုခေတ်ကြုံတွေ့နေရတာအားလုံးကို ပို့စ်မော်ဒန်ယဉ်ကျေးမှုပဲလို့မပြောနိုင်ဘူးပေါ့ မော်ဒန်ယဉ်ကျေးမှုလည်းရောယှက်နေသေးသလို အချို့နေရာတွေမှာ နောက်ထပ်အယူအဆသစ်တွေ ဆီသွားဖို့အုံဖွဲ့နေတာမျိုးလည်းတွေ့နိုင်ပါတယ်။ အားကောင်းနေတာကတော့ပို့စ်မော်ဒန်ယဉ်ကျေးမှုပဲ
ကိုလူ။ ။ စိတ်မရှိနဲ့နော်။ ပို့စ်မော်ဒန် ကိုနားလည်လို့ဘာအကျိုးထူးမလဲဗျ
ကိုမူ။ ။ ဂျိမ်းဆင်စကားအတိုင်းပြောရရင်တော့ ဒီနေ့လူ့အဖွဲ့အစည်းကိုနားလည်ဖို့အတွက် သဲလွန်စတစ်ခုတဲ့။ အရင်းရှင်ခေတ်နှောင်းကုန်ထုတ်လုပ်မှုပုံစံနဲ့ ဒီနေ့ယဉ်ကျေးမှုပုံစံကြားက အဆက်အစပ်တဲ့။
ကိုလူ။ ။ ကောင်းပြီ။ ဒါဆိုရင်ပို့စ်မော်ဒန်ယဉ်ကျေးမှုဟာကျနော်တို့ဆီမှာခုရှိနေပြီလား။ မြန်မာလူ့အဖွဲ့အစည်းရဲ့ဒီနေ့ဖြစ်တည်နေတဲ့ ယဉ်ကျေးမှုကိုပုိ့စ်မော်ဒန်နဲ့ဘယ်လိုဟပ်ပြလို့ရမလဲ
ကိုမူ။ ။ ခင်ဗျား ကတော့အချွှန်နဲ့မပြီထင်ပါရဲ့။ ကျနော်လည်းပြောချင်တာလျှာတချောင်းလုံး ယားနေသော်လည်း ကိုယ့်အရာမဟုတ်သေးလို့သာပါ။ ခုပြောနေတာတွေအရင်ဖြတ်ဖို့လည်းလိုသေးတယ်မလား။

KZကေ