Wednesday, November 25, 2009

မြင်ကွင်းကျယ်ကုန်ထုတ်လုပ်မှုပုံစံ

လူသည်မိမိနှင့်လောကဘယ်ပုံဆက်စပ်သလဲ မိမိအတွေ့အကြုံနှင့်ကမ္ဘာကြီးဘယ်လိုယှဉ်တွဲနေသလဲ
သိဖို့လိုသည်ဟုဂျိမ်းဆင်ကဆိုသည်။ တခုလုံးအတွက်အမှန်ကိုမတွေ့နိုင်သော်လည်း
ထိုရှာဖွေမှုဖြစ်စဉ်မှမိမိနှင့်ကမ္ဘာလောကအတွက်ပိုကောင်းသောအနေအထားတခုကိုတွေ့ရမည်။
အလုံးစုံအမှန်တရားမရှိနိုင်ရင်သော်မှ ထိုအမှန်တရားကိုရှာဖွေဖို့အားထုတ်ရင်းလူသား၏
ဥါဏ်ပညာ နှင့်စွမ်းဆောင်ရည်ပိုမြင့်တက်လာမည်။ လောကကောင်းကျိုးပိုလုပ်ဆောင်နိုင်မည် ဆိုတာပဲဖြစ်သည်။
သူလည်းသူ့အမှန်နဲ့ ကိုယ်လည်းကိုယ့်အမှန်နဲ့ အဖြစ်အပျက်တွေကိုသူ့သဘောအတိုင်းပစ်ထားလို့မဖြစ်။
အခြားသူများ၏လွတ်လပ်မှုကိုမနှောင့်ယှက်ပဲ ကိုယ့်ဘ၀ကိုယ်ပဲ့ကိုင်နိုင်စွမ်းရှိရမည်ဟုဂျိမ်းဆင်ကယူဆသည်။
ဒီအတွက် အစိတ်အပိုင်းတခုချင်းစီကိုနားလည်ရုံနဲ့မပြီး တခုလုံးကိုလည်းခြုံမြင်နိုင်စွမ်းရှိရမည်။ မြင်ကွင်းကိုကျယ်နိုင်သမျှကျယ်ကျယ်ချဲ့ဖို့လိုသည်။
Marx ကလူတွေရဲ့ဘ၀နေထိုင်မှုပုံစံကိုလူ့အဖွဲ့အစည်းရဲ့ကုန်ထုတ်လုပ်မှုပုံစံက ပုံဖော်သည် ဆိုသည်။ ကုန်ထုတ်လုပ်မှုပုံစံ (mode of production) သည် လုပ်အား သဘာဝအရင်းအမြစ် နည်းပညာ ရင်းနှီးမြှုပ်နှံမှု စတာတွေကိုဘယ်ပုံစုစည်းအသုံးပြုသလဲဆိုသည့်ပေါ်တည်သည်။ လူသည် သင့်တော်သည့်ကုန်ထုတ်လုပ်မှုပုံစံကိုရွေးချယ်ရန် ကုန်ထုတ်လုပ်မှုပုံစံမျိုးစုံကိုလေ့လာရမည်။ လက်ရှိကုန်ထုတ်လုပ်မှုပုံစံ၏သဘာဝနှင့်ကိုယ်နေရာဘယ်မှာရှိနေသလဲ ချိန်ဆတတ်ရန်လိုသည်။
ကုန်ထုတ်လုပ်မှုပုံစံဆိုသည်လည်းလူနေမှုစတိုင် စကားပြောဆိုပုံ ဖက်ရှင် ဘာသာတရား အနုပညာတို့နဲ့မကင်းနိုင်ရာ ဒါကိုလေ့လာခြင်းသည် ဓလေ့ထုံတမ်းယဉ်ကျေးမှု ကိုလေ့လာခြင်းဟုလည်းဆိုနိုင်သည်။ မော်ဒန်ယဉ်ကျေးမှုမှပို့စ်မော်ဒန်ယဉ်ကျေးမှုကိုကူးပြောင်းခြင်းသည် ကုန်ထုတ်လုပ်မှုပုံစံကိုပါပြောင်းလဲစေခဲ့ပေသည်။
၂၀ရာစု၏ပထမနှစ်၆၀တွင် ကုန်ထုတ်လုပ်မှုပုံစံမှာ လက်ဝါးကြီးအုပ်အရင်းရှင်စံနစ်ပေါ်တွင်အခြေခံသည်။
နိုင်ငံတိုင်းတွင်ကုမ္ပဏီကြီးအနည်းငယ်ကသာတိုင်းပြည်စီးပွားရေးကိုအဓိကပုံဖေါ်သည်။ အစိုးရကလည်းဒီပုံအတိုင်းလည်ပတ်ခွင့်ပြုထားသည်။ နိုင်ငံကြီးတွေကသူတုိ့ကုမ္ပဏီကြီးတွေအတွက် ကုန်ကြမ်းရရန်နယ်သစ်ရှာကြသည်။ ကိုလိုနီစံနစ် အင်ပါယာဝါဒ နှင့် ကမ္ဘာစစ်ကြီးတွေပေါ်ခဲ့သည်။
နည်းပညာနောက်ခံမှာ လျှပ်စစ်စွမ်းအင်သုံးစက်ပစည်းများဖြစ်သည်။
သို့သော်၁၉၅၀ပြည့်နှောင်းပိုင်းနှင့်၁၉၆၀ပြည့်နှစ်များတွင်
ကုန်ထုတ်လုပ်မှုပုံစံ၌အဓိကအပြောင်းအလဲ၃ခုပေါ်လာခဲ့သည်။

KZကေ

Tuesday, November 24, 2009

ဂျိမ်းဆင်ကိုအစဆွဲခြင်း

ကိုလူ။ ။ တခုဖြတ်မေးမယ်နော်။ ဒီအလုံးစုံအမှန်တရားဆိုတာတကယ်မရှိနိုင်ဘူးလား။ ဥပမာ တံခါးအားလုံးကို
ပွင့်တဲ့သော့လိုပေ့ါ။ ကျောင်းတွေမှာခုထိသင်နေတာဒီအခြေခံအတိုင်းပဲရှိသေးတယ်ထင်တယ်။
ကိုမူ။ ။ အလုံးစုံအမှန်တရားဆိုတာက totality/ universality ကိုကျနော်ဆိုလိုတာ။ ခင်ဗျားပြောတဲ့ master key ပေါ့လေ။
ဒါကြောင့်ပို့စ်မော်ဒန်သမားတွေက ဒီသဘောတရားသက်ဝင်တဲ့ ရှင်းလင်းချက်နဲ့အရေးအသား တွေကို
master narrative လို့ခေါ်ကြတယ်။
ကိုလူ။ ။ ဒါဆိုအချို့အစဉ်အလာဘာသာရေးထုံးတမ်းစဉ်လာသွန်သင်မှုတွေဟာ master narrative
ဘောင်ထဲမှာရှိနေတယ်လို့ ခင်ဗျားဆိုချင်တာလား။
ကိုမူ။ ။ ဟုတ်တယ်ပြောရမှာပဲ။ ကျွန်တော်တို့ငယ်ငယ်ကပုံပြင်တွေအများကြီးနားထောင်ခဲ့ရတယ်။
ရိုးသားကြိုးစားရင်တနေ့ကြီးပွားမှာပဲဆိုတဲ့ပုံပြင်တွေ။ ခုလိုပြောလို့ခိုးကြ၀ှက်ကြဟေ့လို့အားပေးနေတာမဟုတ်ဘူးနော်။
ရှေးအစဉ်အလာမှမဟုတ်ပါဘူး။ သမိုင်းဟာလမ်းဆုံးသွားပြီ။ ဈေးကွက်စီးပွားရေးနဲ့ လစ်ဘရယ်ဒီမိုကရေစီ
ဟာနိုင်ငံအားလုံးအတွက် အဖြေပဲတို့။ အားလုံးဟာအမေရိကန်ယဉ်ကျေးမှုနဲ့ လူနေမှုစတိုင်
နောက်ကိုလိုက်ကြရတော့မယ်/ လိုက်နေကြတယ်ဆိုတာမျိုး တို့ကိုလည်း master narrative ထဲ ထဲ့နိုင်ပါလိမ့်မယ်။
ကိုလူ။ ။ ခင်ဗျား master narrative ဆိုတာကြီးစကားလှယ်ပေးပါဦးဗျာ။ ကျုပ်သူများပြန်ဆရာလုပ်ချင်ရင်ခက်မယ်။
ကိုမူ။ ။ meta narrative သို့ grand narrative လို့လည်းခေါ်ကြတယ်။
ဇတ်လမ်းငယ်လေးတွေရဲ့သီးခြားအနေအထားမပေါ်လွင်တော့ပဲ ခြုံငုံ ကောက်ယူပြီး ရှင်းတဲ့ဇတ်လမ်း။
စုတ်ချက်တခုချင်းစီအသေးစိတ်ထက် တခုလုံးကြီးသဘောကိုယူတာ။ Big picture လို့လဲရေးတာတွေတွေ့ဘူးတယ်။
ကျနော်တို့ဆီကပညာရှင်တွေသဘောမညီခင် ခုနေတော့ master narrative ပဲလုပ်ပါဗျာ။ စကားမစပ်ပြောရရင်ဒီနေ့ခေတ်နိုင်ငံတွေမှာတိုင်းရင်းသားမျိုးနွယ်စုတခုချင်းရဲ့အရေးကိုမှိန်ပြီးယေဘူယျလူမျိုးဘောင်တခုထဲကနေကိုင်တွယ်ဖို့ကြိုးစားနေကြတာတွေ မပြေလည်တာတွေတွေ့ရတယ်။ ဒါကို ပို့စ်မော်ဒန်နိုင်ငံရေး ရဲ့အကျပ်အတည်းတခုလို့ပြောနိုင်တာပေါ့။
ကိုလူ။ ။ ကိုယ့်လူ ခင်ဗျားနိုင်ငံရေးနောက်မှလုပ်။ ခုပြောတဲ့ထိနားလည်သလောက်ကောက်ချက်ချရရင် ပို့စ်မော်ဒန်သမားတွေက အလုံစုံအမှန်တရားကိုငြင်းတယ် ဆိုတော့ မော်ဒန်ခေတ်ရဲ့အထင်ကရ မာ့စ်ဝါဒကိုဆန့်ကျင်လိုက်တာပေါ့။
ကိုမူ။ ။ Marx ၀ါဒီတွေထဲမလည်း ပို့စ်မော်ဒန်သမားတွေရှိပါတယ်။ ထင်ရှားတာက FREDRIC JAMESON
သူ့အကြောင်းကျနော်တို့ဆီက စာဆောင်တွေထဲရေးတာတွေနဲနဲတော့ဖတ်ဘူးတယ်။
ကိုလူ။ ။ လုပ်စမ်းပါဦး Marx ၀ါဒီက ပို့စ်မော်ဒန်နဲ့တလမ်းသွားအမှန်တရားကို ဘယ်သို့ဝေဖန်ပြီးဘယ်ပုံလက်ခံလိုက်တာပါလိမ့်။
ကိုမူ။ ။ ကားလက်မှတ်ကြီးရဲ့တပည့်သားမြေးတွေက ခေါင်းမာတာခင်ဗျားလည်းသိသားသနဲ့။ ဂျိမ်းဆင်ကြီးကအလုံးစုံအမှန်တရားကို ပို့စ်မော်ဒန်ဘောင်ထဲကနေသူလက်ခံလိုက်ပုံကတမျိုး။ ယဉ်လှတယ်။
ကိုလူ။ ။ ဒီလိုဆိုလည်းနောက်တခေါက်ယဉ်ယဉ်လှလေးအကြောင်းလုပ်ပါဗျာ။

KZကေ

Sunday, November 22, 2009

တလမ်းမောင်းအမှန်တရား

ပို့စ်မော်ဒန်ကာလသည်၁၉၆၀ပြည့်နှစ်များတွင်အစပြုသည်။
မော်ဒန်နှင့်အဓိက ကွဲလွဲသည့်အချက်မှာ အလုံးစုံအတွက် တခုတည်းသောအမှန်တရား ကိုငြင်းဆိုခြင်းဖြစ်သည်။
လူသည်သဘာဝအရ ကိုယ့်အယူအဆ။ သိမှတ်လက်ခံထားမှုများကို
ပတ်ဝန်းကျင် အသိုင်းအ၀ိုင်းတို့မှ ထောက်ခံပံ့ပိုးစေလိုသည်။
လူတဦးချင်း၏ သိစိတ်သည် အထီးတည်းမဟုတ်။ အဆက်အစပ်ရှိသည်။
သိစိတ်သည် လူတဦးနှင့်တဦး ဘာသာစကားကြားခံဖြင့်ကူးလူးဆက်ဆံရင်းပေါ်ထွက်လာရခြင်းဖြစ်သည်။ အချုပ်မှာ လူ့သိစိတ်သည် လူမှုဝန်းကျင်နှင့် တရစပ်ထိတွေ့နေရသည်။
သည်အခြေခံပေါ်မှာထိုင်ပြီးမော်ဒန်ခေတ်တွင်အားလုံးအတွက်အမှန်တရားတခု ယုံကြည်မှုတခုကိုရှာသည်။ နမူနာဆိုရသော် ဆိုရှယ်လစ်စံနစ်ဖြင့်သာ သာယာဝပြောသောလူ့ဘောင်ကိုရောက်ကြရမည် ဆိုတာမျိုးဖြစ်သည်။ အပြည်ပြည်ဆိုင်ရာအလုပ်သမားများသွေးစည်းကြ ဆိုတာလည်းဒီသဘောပဲဖြစ်သည်။
ကိုယ့်အတွက်အမှန်သည် သူ့အတွက်လည်းအမှန်ဖြစ်ရမည်။ ဘယ်သူမဆို၁၀တန်းမှာအမှတ်ကောင်းကောင်းနဲ့အောင်ရင်
ဆေးကျောင်းတက်ရမည်။ ဘ၀နောင်ရေးစိတ်အေးရမည်။
ကျနော်တို့နှင့်နီးစပ်သောသာဓကများဖြစ်ပါသည်။
ဦးဘ၏အမှန်တရားသည် ဘေးအိမ်ကဦးမြ၏အမှန်တရားနှင့်မတူတော့စိတ်မသက်သာစရာဖြစ်ရသည်။ မိမိ၏အတွေ့အကြုံအစုံအလင်ကိုတလမ်းသွားအမှန်တရားထဲမော်ဒန်လူသားကမောင်းသွင်းသည်။ မိမိကိုယ်ကိုထိမ်းချုပ်ဖို့အခြားသူများကိုထိန်းချုပ်ဖို့ကြိုးစားလာကြတော့သည်။ မော်ဒန်တခေတ်လုံး(၁၈ရာစုမှသည်၂၀ရာစုနှစ်ဝက်ကျော်ထိ)၏အာဏာရှင်ဆန်မှုသည်ထိုအယူအဆမှမွေးဖွားလာခဲ့လေသည်လား မပြောတတ်နိုင်။ ဟစ်တလာကအာရိယန်သွေးသည်သာမြင့်မြတ်သည်။ ဒါ့ကြောင့်ကမ္ဘာကိုအုပ်စိုးရမည်ဆိုသည်။
ပို့စ်မော်ဒန်က မော်ဒန်လူသား၏ ထိုဗဟိုမှချုပ်ထားသောအတွေးအခေါ်ကိုတွန်းထုတ်သည်။
လက်တွေ့အဖြစ်ရပ်များအရ ဒီအယူအဆ အလုပ်မဖြစ်တော့ဟုမြင်လာကြသည်။

ဆက်ပါဦးမယ်

Saturday, November 21, 2009

ပို့စ်မော်ဒန်ကျွဲပြဲ စီးခြင်း

ကိုလူ။ ။ ခင်ဗျားလာတာအတော်ပဲ။ ကျနော်တခုမေးချင်နေတာ။ ပို့စ်မော်ဒန်ဆိုတာဘာလဲဗျ
ကိုမူ။ ။ မထိတ်သာမလန့်သာဗျာ။ ခင်ဗျားကကျုပ်ကိုဘာထင်လို့ဒီလိုအထူးအဆန်းမေးခွန်းတွေမေးရတာပါလိမ့်
ကိုလူ။ ။ ခင်ဗျားကဒါမျိုးတွေနှံ့စပ်လို့ပါကိုယ့်ဆရာရယ်
ကိုမူ။ ။ အင်း ကျနော်ဖတ်ဖူးတဲ့ကာတွန်းတခုသွားသတိရတယ်။ ကားမှတ်တိုင်မှာဗျာ လူတွေအများကြီးစောင့်နေတုန်း
တယောက်က ဆရာ လို့ခေါ်လိုက်တာ အားလုံးလှည့်ကြည့်ကြတာကလား
ဘာပဲဖြစ်ဖြစ်ပေါ့လေ ဆရာဆိုတော့လည်းသိသမျှလေး ၀ါးကြည့်ရတော့မှာပေါ့
ကိုလူ။ ။ ဆရာကတော့တကယ့်ဆရာပါဆရာရယ်
ကိုမူ။ ။ ဒီလိုလုပ်မယ်လေ။ ပို့စ်မော်ဒန်ဆိုတဲ့စကားလုံးကိုပဲခဏနားလည်အောင်ကြိုးစားရအောင်။
စကားလုံးချည်းသက်သက်ပေါ့ဗျာ ပို့စ်မော်ဒန်ကိုခင်ဗျားဘယ်လိုနားလည်လဲ
ကိုလူ။ ။ ဟာ ဟေ့လူ ခင်ဗျားကဖြေမှာလား မေးမှာလား
ကိုမူ။ ။ ဒီလောက်တော့ ခင်ဗျားရပါတယ်လေ လုပ်ကြည့်စမ်းပါ
ကိုလူ။ ။ ပို့စ်မော်ဒန်ဆိုတော့ မော်ဒန်လွန်ပေါ့ မဟုတ်ဘူးလား
ကိုမူ။ ။ မငြင်းသာပါဘူးလေ ဆိုတော့တဆင့်တက်ကြည့်ရအောင် ခင်ဗျားအဖြေအရ ပို့စ်မော်ဒန်ကိုနားလည်ဖို့
၂ခုတော့သိဖို့လိုလာတယ် မော်ဒန်ဆိုတာဘာလဲနဲ့ ဘာလို့မော်ဒန်ကိုလွန်လာရတာလဲ
ဒီလိုပြောရင်ရနိုင်မယ်ထင်တယ်
ကိုလူ။ ။ ဆက်စမ်းပါဦးဗျာ
ကိုမူ။ ။ မော်ဒန်ဆိုတာလည်းပြောရရင်ရှည်မှာပဲ
ဒီအထဲကျနော်တို့ဆီမှာပြောတဲ့မော်ဒန်နဲ့အနောက်ကလူတွေပြောတဲ့မော်ဒန်ကတူပုံမရဘူး
ကိုလူ။ ။ ဒီအကြောင်းနောက်မှရှင်း ခုပို့စ်မော်ဒန်ဆိုတာကိုပဲဦးတည်ပြီးပြောဗျာ
ကိုမူ။ ။ မော်ဒန်ကိုလွန်လာရတဲ့အကြောင်းတွေကတော့များပုံရတယ် ကျနော်စကားခံထားတယ်နော်
ဝါးကြည့်မယ်ဆိုတာ ဒီထဲကအခရာကျတဲ့အချက်လေးတွေရွေးပြောရင်ကောင်းမလားပဲ
ကိုလူ။ ။ ခင်ဗျားသဘော ကျုပ်နားလည်အောင်ပြောဖို့တော့လိုမယ် ဒါလိုရင်းပဲ
ကိုမူ။ ။ အဲသည်မှာခက်တာပဲ ကျနော်လည်းနားမလည်လို့လျှောက်ဖတ်ရင်း ဖတ်သမျှလေးပြောပြမှာပါ
ပို့စ်မော်ဒန်ဆိုတာ အဓိပါယ်တွေဆုံးရှူံးသွားတာလို့ တချို့ဖွင့်ဆိုချက်တွေမှာဆိုသဗျ
လွန်လွန်ကဲကဲပြောရရင်ပို့စ်မော်ဒန်ဆိုတာနားလည်ဖို့မဟုတ်ဘူးဆိုပဲ
ကိုလူ။ ။ ကျုပ်ကတော့ နားလည်မှဖြစ်မယ် ခင်ဗျားကိုလည်းဆရာခေါ်ပြီးပြီ ရအောင်သာရှင်းပေတော့
ကိုမူ။ ။ သင့်မြတ်လှပါပေတယ် ကောင်းပြီလေ မရဲသော်လည်းဒီကျွဲပြဲ ကျနော်စမ်းစီးကြည့်တာပ

ဆက်ပါဦးမယ်