Tuesday, March 24, 2009

ကော်ဖီတခွက်

ကော်ဖီမစ်ယဉ်ကျေးမှုပေါ်လာတဲ့နောက်ပိုင်းရေးဖြစ်တဲ့ကဗျာပါ
ကဗျာကတော်တော်ကြာသွားပါပြီ
သို့သော်ဖတ်လို့ရဦးမယ်ထင်တာနဲ့ပဲတင်လိုက်တာပါ
................................

အဝတ်စများအသားစများပါးလာ
တီရှပ်လိုဖြုတ်ရတပ်ရလွယ်သောစကားလုံးများ
ဩော်ဒါက ငါတို့ဖြတ်သန်းနေသောအချိန်ကာလကြီးပဲ
အရာရာအဆင်သင့်ပြင်ဆင်ပြီးခဲ့သယောင်
လက်ထဲကကော်ဖီထုတ်ကိုသာဖွင့်ပါကွယ်
မိန်းမလှများ အဖြစ်အပျက်များ
လူနာတင်ကားတစင်းလိုဖြတ်သန်းသွားခဲ့ပြီ
တဝီဝီအညှီရှာနေသောစိတ်များအုပ်စုဖွဲ့
တရားဖို့ မျှတဖို့ တရားမျှတဖို့
အခုလိုခုခံထားခဲ့သော်
နောင်နှစ်များကြာသော် ဒီဝေဒနာရယ်စရာ
ကိုယ့်ကော်ဖီနဲ့ ကိုယ့်ဖီလော်ဆော်ဖီနဲ့
ကိုယ့်ဒါဏ်ရာနဲ့ ကိုယ့်လျှာနဲ့
မှားဖို့လွယ်သောနေ့ရက်များကိုဖြတ်သန်းရာ

KZကေ

Friday, March 20, 2009

နေ့များ၊ကန်ဘက်ခြမ်းဒိုင်ယာရီ

မနှစ်ကနှစ်ဝက်ကရေးခဲ့သောကဗျာဖြစ်သည်။
ဝထ္ထုတွေထဲရေးသည့်မီးခြစ်ဆံဗူးတွေစီထောင်ထားသည့်အတိုင်း
တိုက်ခန်းများ
အောင်ချိမ့်ကဗျာထဲကအတိုင်း
ခိုအိမ်လိုဖရိုဖရဲအရာများပွနေသော
အခန်းရှည်မျောမျောလေးမှာ.........
ကျနော်လည်းကန်ဘက်ခြမ်း ကမ်းကခွာခဲ့တာမကြာသေး
ပင်နီဆူလာကမြန်မာလဘက်ရည်ဆိုင်မှာ
ရွှေတွေပလာဇာ ၅ထပ်လုံးပြည့်စည်ကားနေပါ့မလားပဲ
........................................................................

လေသည်၁၁ထပ်အမြင့်တွင်ရုန်းကန်နေသည်
ကျွန်တော်လည်းအနုပညာအသစ်ကိုခုံမင်သူဖြစ်သည်
သို့သော်အနုပညာသည်အသစ်မရှိဆိုပြန်သော်
ရိုးရိုးသားသားပြောရသော်သတင်းစာ၌ မိုးတစိမ့်စိမ့်စကားလုံးများလူးလှိမ့်နေသည်
သင်ရှာနေသည့်အလုပ်ကအစိမ်းလိုင်းပေါ်မှာ၂ဆင့်စီးရမည်
အမျိုးသမီး၏ဖက်ရှင်မှာ ရေတဝက်မြုပ်နေသောလယ်ယာမြေပမာ
ရင်ဘတ်ပေါ်တွင်စိမ်းလန်းသီးနှံဂယက်ထဆင့်ပွားအနက်
ဒေါက်အတက်အဆင်းပေါ့ပါးမှုဟာတင်းတင်းရင်းရင်းရှိပါစ
မြေတွင်းလေလျှင်မီးရထားလင်းလိုက်မှောင်လိုက်ဒရွတ်တိုက်စဉ်
တယ်လီဖုန်းအဓိပ္ပါယ်မျိုးစုံနဲ့မည်လေသည်
ခေတ်မှီသူများ Wသုံးလုံး နှင့် @.comဟာဆောင်ကြွားကြွား
လူတွေသွန်ချထားသည့်လမ်းများပေါ်လစီများတော်ရိလျှော်ရိများတိုင်းရေးပြည်ရာငြင်းခုံစရာများ
စိတ်မပါသော်ငြားတီဗွီအပြားပရိုမိုးရှင်းမားကက်တင်းအမ်ဘီအေမိုးလေဝသ
လူ့ဘဝ၏ကျိူးကြောင်းစုံလင်သည့်ပြကွက်များ ကဒ်ပြားအသစ်Code နံပါတ်နှင့်ချစ်ရပါသော ဝေးလံသူများ
ရရစားစားအိုမင်းအောင်မစောင့်နိုင်သောအရက်များရက်များဂုဏ်သတ္တိများ
ခါးခါးလောကဓံတရားနှင့်ဓါတ်လှေကား
ကိုယ်တို့ဟာနေ့စဉ်မြေညီထပ်နှင့်ထိပ်ဖျား အနိမ့်အမြင့်အသွားအပြန်နှင့်အလင်းအမှောင်ကိုကစား
“ဘုရားသိကြားမလို့တပည့်တော်အားညတွင်ကျောက်တုံးကြီးလို
လေးလေးကြီးအိပ်ပျော်ပြီးမနက်မှာပေါင်မုန့်လေးလိုပေါ့ပေါ့ပါးပါးနိုးလာပါစေဗျား”
ပလာတွန်ကာရာတာယက် - လယ်သမားစစ်သားကြီး
Tolstoy ၏ စစ်နှင့်ငြိမ်းချမ်းရေး…… ဆရာမြသန်းတင့်ဘာသာပြန်မှ

KZကေ

Tuesday, March 17, 2009

နောက်ဆက်တွဲနေ့များ............... ၃

ကျနော်တို့စခဲ့တဲ့နေရာကိုပြန်သွားကြမယ်။
ဒီတော့စာပေအနုပညာမှာကြားခံဘာသာစကားရဲ့visual effect မရှိသဖြင့်အစဉ်အလာဖွဲ့ထုံးများမှခွဲထွက်
သော်စိတ်ပါဝင်စားမှုအနဲပါးဆုံးဖြစ်မည် ဆိုသည့်ကောက်ချက်ကို သီးခြားစဉ်းစားရပါမည်။ (ခင်မောင်ရင်၏
နှမလက်လျှော့နေလေတော့ ရုပ်ရှင်။ အီတာလျှံ နှင့် ပြင်သစ်တို့မှ လှိုင်းသစ် ရုပ်ရှင်လှုပ်ရှားမှုများလည်း အတော်တွန်းထိုးလွန့်လူးခဲ့ရပါသည်)။
ဘာသာစကားရဲ့ပင်ကိုယ်သဘာဝတွင်ပင်စာရေးသူဆိုလိုရင်းကိုပို့ဆောင်ရန်မပြည့်စုံမှုများရှိနေသည်ဟု
အယူအဆများရှိနေပြီးဖြစ်သည်။ (ကျနော်အနည်းငယ်ဖွင့်ဆိုခဲ့သည့် structuralism မှာ language
ထောင့်မှ ချဉ်းကပ်မှုသာဖြစ်ပြီး မနုသဗေဒ စာပေ ယဉ်ကျေးမှုစသည်ဖြင့်အခြားချဉ်းကပ်မှုများ
လည်းရှိပါသေးသည်။ ထိုမှတဆင့် ခုအသုံးများသော binary oppositions, semiotics စသည့်အယူအဆများမှသည် post-structuralism နှင့် postmodernism များ၏အဆက်အစပ်များရှိနေပါသည်။ ကျနော်တို့ဆီတွင် ပညာရှင်များအားထုတ်ကြသော်လည်းကျယ်ပြန့်ရန်လိုအပ်နေဆဲဖြစ်ပါသည်။ ကျနော်ကတော့ဘာမှမဟုတ်ပါပဲတတ်စွမ်းသမျှ လေးရေးကြည့်တာ ဖြစ်ပြီးရှုတ်ထွေးခဲ့သော် အမှားအယွင်းများတွေ့ခဲ့သော် နားလည်စေချင်ပါသည်)
ကျနော့်အမြင်တွင် စာရေးသူတဦးသည်သူ့ခံစားချက်အတိုင်းစာဖတ်သူသိမြင်နိုင်ရန်အားထုတ်လိုပါသော်လည်း ဖန်တီးမှုအပိုင်းတွင်ကြားခံဘာသာစကား၏ကန့်သတ်မှုအပြင်သူ့ခံစားချက်မှသည်အနုပညာပစ္စည်းတခုဖြစ်လာ
သည်ထိ ဖြတ်သန်းသည့်အဆင့်များတွင်ပင်လွတ်ကျကျန်ခဲ့နိုင်ပါသေးသည်။ (အော်ဒီနေ့အင်းလျားကလေတွေမွှေးပါတယ်
မှတ်တယ် မြကြာဖြူလာတာကိုး...ဆိုသည့်တင်အောင်နီကာတွန်းစာသားကို ကိုးကားပြပါရစေ။ အခန့်မသင့်ရင်သူ့ဆိုလိုရင်း
ကနေဝေ့ထွက်သွားမလားပဲ)
ဖန်တီးမှု၏ပြင်ပတွင်မူ (စာဖတ်သူလက်ထဲရောက်သွားသည့်အခါ) အနုပညာတခုကိုခံစားသူကဘယ်ပုံ
ခံစားသည်ဆိုသည့်အချက်မှာ စာဖတ်သူ၏ဘ၀ဖြတ်သန်းမှု အတွေ့အကြုံ ဆည်းပူးလေ့လာမှု နှင့် အနုပညာလက်ရာကို အရသာခံလိုစိတ်တို့ကိုလည်းထဲ့သွင်းစဉ်းစားရပါတော့မည်။
Bob Perelman က china ကဗျာကို တရုတ်တန်းမှာလမ်းလျှောက်သွားရင်း တရုတ်ပြည်တွင် ရိုက်ထားသည့် ဓါတ်ပုံအယ်ဘမ်တခုကဓါတ်ပုံများကိုကြည့်မိပြီးရေးခဲ့သည်ဟုဆိုသည်။ ဂျိမ်းဆင်ကသူ့ဝေဖန်စာကိုအဲဒီအချက်
ကိုသိပြီးမှရေးတာဖြစ်သော်လည်း ကျနော်ကကဗျာဖတ်ပြီး ဆိုနေကျသီချင်းကဗျာကိုသတိရသွားစဉ်က
ဒီအကြောင်းမသိရသေးပါ။ ပြောချင်တာက ဖန်တီးသူဘက်တွင် ပဲလ်မင်းကဓါတ်ပုံတွေကိုကြည့်ပြီး သူထင်ရာရေးသွားတာလား။သူ့ရှိရင်းစွဲ ပုဂ္ဂလိကခံစားချက်များနှင့်ထင်ဟပ်ညှိနှိုင်းရေးသွားတာလား ဆိုတာကတော့ သူသာသိပေမည်။ ဖတ်သူကျနော့်ဘက်တွင်မူ ဒီကဗျာကိုဘယ်လိုအဆက်အစပ်တွေနဲ့
ဘယ်ပုံရောက်အောင်ခံစားမိသွားသည်ဆိုတာကအခြားအပိုင်းတပိုင်းဖြစ်နေသည်။ ဒီအထဲ ကဗျာဆရာကLP
ကဗျာဆရာဖြစ်ပြီး ဘာသာစကား၏နေ့စဉ်ဘ၀အပေါ်လွှမ်မိုးချယ်လှယ်မှုများပေါ်တန်ပြန်လိုသူဖြစ်နေသည်။
အနှစ်ချုပ်လျှင်မီဒီယံကတော့သုံးရဦးမည်။ မီဒီယံကိုမသုံးချင်သည့် Conceptualist များလည်းရှိပါသည်။ အိမ်သာကမုတ်ကြီးပြပွဲတင်တာတွေလည်းရှိပါမည်။ ကြိုက်သူများကြိုက်ပြီးကဲ့ရဲ့သူများလည်းရှိကြသည်ပင်။
ကြားခံမကြိုက်လို့ လူကိုယ်တိုင်သရုပ်ဆောင်ပြသည့် performance တွေလည်းရှိသည်။ သို့သ်ာဒီမှာလည်းလူက
ကြားခံဖြစ်ရသည်။ ဒါက Material ပိုင်းဆိုလျှင် processing မှာလည်းပြောခဲ့သလိုထွက်ကျသွားနိုင်တာတွေရှိ
သည်။ နောက်ဆုံး end user ကလည်းသူ့လုပ်ပိုင်ခွင့်တွေအပြည့်ရှိနေသည်မဟုတ်ပါလား။ ဖွဲ့ထုံးပြသနာကစာပေ
မှာသာမဟုတ်။ ဂီတမှာလည်းသံဆန်းဆိုတော်တော်နဲ့နားမ၀င်ပါ။
အနုပညာလက်ရာတရပ်ကိုခံစားသည့်အခါခံစားဖို့လိုလိုလားလားရှိဖို့လည်းလို။ ကိုယ့်ခံစားမှုအလေ့အကျင့်
နှင့်မယဉ်ပါးသေးလျှင်သည်းခံဖို့လည်းလို။
တနေ့ပြီးတနေ့အကြောင်းအရာများအပြောင်းအလဲတွင်ပုံသဏန်ကလည်းရုန်းမည်။
ပုံသဏန်ပြောင်းလျှင်အဓိပ္ပါယ်လည်းအသစ်ဖြစ်မည်။ မဟောင်းခင်ထိတော့သစ်မည်ပေါ့။
သစ်တာမကြိုက်ရင်မဟောင်းမိစေဖို့လိုမည်။
အနုပညာနဲ့ Reality ရှာတာပါဆိုရင် ပရမတ်ကို ပညတ်နဲ့ဖမ်းတာ မှားမှန် ကျနော်လည်းမဝေဖန်
ရဲပါလေ။

Sunday, March 15, 2009

ရွှင်ပြုံး

ဒီနေ့မေးတွေစစ်ပြီးဖျက်သင့်တာဖျက် သိမ်းသင့်တာသိမ်း ပြန်သင့်တာပြန် တွေလုပ်ရင်း
သူငယ်ချင်းတယောက်ပို့ထားတဲ့ ဟာသလေးတွေထဲကကောင်းမယ်ထင်တာတွေ မဖျက်ခင်
ဘာသာပြန်မိတယ် ခုဒါကိုဝေမျှတာပါ

မိန်းမ။ ။ယောင်္ကျားတွေများတခုခုပြောလိုက်။နားတဖက်က၀င်ပြီးတဖက်ကပြန်ထွက်လာ
တာပဲ
ယောင်္ကျား။ ။မိန်းမတွေကျတမျိုးကွ။ ပြောလိုက်ရင်နား၂ဘက်စလုံးက၀င်သွားပြီးပါးစပ်က
ပြန်ထွက်လာရော

ကောင်မလေး။ ။ကိုသက်ကပြောတော့ငါ့ကိုချောတယ်တဲ့။ ဖိုးချိုကတော့ရုပ်ဆိုးလိုက်တာတဲ့
နင်ကောဘယ်လိုထင်လဲ
ကောင်လေး။ ။အင်း၂မျိုးလုံးနဲနဲစီမှန်တာပဲ။ နင်က ချောချောမောမောကိုရုပ်ဆိုးတာ

ဆရာ။ ။သူမျာစိတ်မ၀င်စားတဲ့အထိစကားတွေပြောနေတာဘယ်လိုလူမျိုးလို့ထင်လဲ
တပည့်။ ။ကျောင်းဆရာပါ

ဆရာ။ ။မောင်လှ မင်းစကားများလှချည်လား
မောင်လှ။ ။မျိုရိုးလိုက်တာပါဆရာမ
ဆရာ။ ။ဘာပြောတယ်
မောင်လှ။ ။အဖိုးကလမ်းဘေးဈေးသည်။ အဖေကကျောင်းဆရာပါ
ဆရာ။ ။မင်းအမေကကော
မောင်လှ။ ။သူကမိန်းမပါ

လူနာ။ ။ဆရာ ကျနော့်အခြေအနေကောင်းမယ်မလား
ဆရာဝန်။ ။ရာနှုန်းပြည့်ကောင်းစေရမယ်။ မှတ်တမ်းတွေအရဆိုရင်ဒီရောဂါက
ဆယ်ယောက်မှာကိုးယောက်တော့သွားတာပဲ။
ကျုပ်အတွက်ဒါ၁၀ယောက်မြောက်။ မပူနဲ့ ရှေ့ကကိုးယောက်သွားပြီ

ဆရာ။ ။ဂျော့ဝါရှင်တန်ဟာသူ့အဖေရဲ့ချယ်ရီပင်ကိုခုတ်ပြီးသူခုတ်မိတာဝန်ခံခဲ့တယ်
သူ့အဖေကဘာလို့အပြစ်မပေးတာလည်းသိလား
တပည့်။ ။ဂျော့လက်ထဲမှာပုဆိန်ကိုင်ထားတုန်းပဲလေ

ဘလော့ဖတ်သူ။ ။ခင်ဗျားကဟာသတွေကောရေးလား
ဘလော့ဂါ။ ။မင်းဘလော့ကရယ်ရသားပဲပြောရင်ဟာသတွေကြောင့်လို့ဖြေလို့ရတာပေါ့

Wednesday, March 11, 2009

နောက်ဆက်တွဲနေ့များ.......... ၂

System of signs ကို structure လို့ ဆောဆူးကွယ်လွန်ပြီးတော့နာမည်ပေးတယ်။
Sign ကကောဘာကိုဆိုတာလဲ။ သူက word စကားလုံးတလုံးပဲ။ ရေ ဗျာ water ဒါဟာ sign တခု။ ပြီးတော့
ဒါဟာ form ။ အဲဒီမှာ ၂ပိုင်းရှိနေတယ်။ ရေ ဆိုတဲ့စကားလုံးကတခု။ ရေလို့သိလိုက်တဲ့အသိကတခု။
ဒီ၂ခုကို structuralism က signifier နဲ့ signified လို့ခွဲလိုက်တယ်။ sign ကို၂ မျုိုးခွဲတာ။ အညွှန်းနဲ့ အညွှန်းခံပေါ့။
ပထမမှာစကားလုံးနဲ့ အသိကြားကအဆက်အစပ်က အတိအကျမပြောနိုင်ဘူး။ ကြာလာတော့ဒါဟာ ဓလေ့တခု သို့ စည်း တခုဖြစ်လာတယ်။ arbitrary ကနေ convention ဖြစ်လာတယ်။
ပြီးတော့ ရေ အစား ဘီယာ လို့ပြောရင် sign ပြောင်းသွားသလို meaning လဲပြောင်းသွားတယ်။
ဆိုတော့ ပုံသဏန်ပြောင်းတော့ အဓိပ္ပါယ် ပါလိုက်ပြောင်းတယ်။ sign တခုနဲ့တခုမတူရတဲ့အကြောင်းရင်းကအဓိပ္ပါယ်
ကိုကွဲအောင်လုပ်လိုက်တယ်။ ခြားနားခြင်းကအဓိပ္ပါယ်ကိုဖြစ်စေတာ။ အဓိပ္ပါယ်ကိုကျနော်တို့လုပ်နေတာမဟုတ်ဘူး။
ရှေ့မှာပုံသဏန်နဲ့အဓိပ္ပါယ်ကချိတ်ပြီးပါလာတယ်လို့ဆိုခဲ့တယ်။ (bounding up လို့ပြောတယ်)။
structure ကအဓိပ္ပါယ်ကို ဖြစ်နိုင်စေတယ် (possible) ဆိုတာနဲနဲတော့ရှင်းလာပြီ။
ဆောဆူးကိုဒီလောက်နဲ့ရပ်လိုက်ရင်ဒါလေးများဗမာဆေးစားလို့ခင်ဗျားကပြောမယ်။
သူကတဆင့်ထပ်တက်တယ်။ သစ်ပင်ဆိုပါတော့။ အဲဒီစကားလုံးကနေ သစ်ပင်ဆိုတဲ့အသိက reality ကိုသိတာ
မဟုတ်ဘူး။ သစ်ပင်ဟာပြင်ပလောကမှာဘယ်အရာဝထ္ထုတခုကိုကိုယ်စားပြုမလဲ။ ဒီအသိက
သရက်ပင် မာလကာပင် စသည်ဖြင့်အစုအဝေးတခုရဲ့ concept ကိုသိလိုက်တာ။
အစစ်အမှန်မဟုတ်ဘူး။ တခါ မြင်းဆိုတဲ့စကားလုံးပဲရှိပြီး မြည်းဆိုတဲ့စကားလုံးသာမရှိခဲ့ရင်
မြည်းတွေ့တိုင်းမြင်းလိုကောင်လို့ ပြောတော့ပဲ။ ချုပ်လိုက်တော့လူတယောက်ရဲ့အသိ
အမြင်နဲ့ ခံစားမှုတွေကို သူမမွေးဖွားခင်ရှိခဲ့တဲ့ ဘာသာစကားက ကန့်သတ်ခဲ့တယ်။ အစစ်အမှန်တရားကို လူဟာ
ဘာသာစကားတဆင့်ခံနဲ့ပဲချဉ်းကပ်ရတယ်ဆိုတဲ့ကောက်ချက်ကိုရောက်လာပါတယ်။

ဆက်ဦးမှာပါ

Sunday, March 8, 2009

နောက်ဆက်တွဲနေ့များရောင်းရန်ရှိသည် (သို့)........

နေ့များရောင်းရန်ရှိသည်ကိုတယောက်ကမှတ်ချက်ပေးလာပါတယ်။
အဲဒီမှာ စာပေအနုပညာရဲ့အလုပ်လုပ်ပုံ နဲ့ အနုပညာဖန်တီးမှုမှာ မီဒီယံ ရဲ့
အနေအထားတွေပါလာပါတယ်။
ပြောရရင် ဂျိမ်းဆင်ကို ကိုးကားရာမှာ china ကိုကျနော်ဖော်ပြချင်တဲ့ရည်ရွယ်ရင်းကနေ
လိုသလောက်ယူခဲ့တယ်။ ပြီးတော့ နောက်ကဗျာတပုဒ်ရေးဖြစ်ပုံကို အရင်စိတ်အခံများ
နဲ့ဆက်စပ်ကြည့်ခဲ့တယ်။ ခုမှတ်ချက်ကိုကြည့်ပြီး အရင်ကလည်းရေးချင်တဲ့အကြောင်းအရာ
တခုကိုသွားဖို့လုပ်ကြည့်တယ်။ ကျနော်ရေးတာကြိုက်ရင်မှတ်ချက်ပေးတဲ့ဆရာလေးကိုကျေးဇူးတင်ရအောင်ပါ။
ကဲ....
ဆရာဇော်ဂျီရဲ့ဖန်ပြာခွက်နဲ့ကျောက်စက်ရေကစကြည့်ရအောင်။
ခင်ဗျားလည်းသိတယ်။ ဒါပုံသဏန်နဲ့အကြောင်းအရာအကြောင်းပြောတာ။
ဒီနှစ်ခုညီညွတ်ဖို့လိုတယ်ဆိုတာ။ form နဲ့ content ဘာပိုအဓိကကျသလဲပြောကြရင်
ဖန်ပြာခွက်နဲ့ကျောက်စက်ရေကိုညွန်းကျတော့တာပဲ။ မမှားနိုင်ဘူးကိုး။
ကောင်းပြီ ကျနော်တို့ကင်မရာတလုံးကို ကုန်သည်ကြီးများဟိုတယ်ပေါ်ကနေ
ဆူးလေဘုရားလမ်းပေါ်တနေရာကိုအသေထောင်ထားမယ်။ နောက်နေ့မှာအဲဒီအခွေပြန်ကြည့်
ခင်ဗျားနာရီဝက်လောက်ကြည့်ပြီးရင်တော်ပါတော့အော်မှာပဲ။
ဘာဖြစ်လို့လဲ။ နာရီဝက်အတွင်းမှာဦးထုပ်၁၀လုံး။ ကားအစီး၅၀။ လူ ၇၃ ယောက် စသည်ဖြင့်
တွေ့နိုင်ပါတယ်။ သို့သော် အဲဒီထဲကမှ အတွဲ၁တွဲနောက်ကိုတောက်လျှောက်လိုက်ရိုက်မယ်။
ရှေ့က နောက်က အတွဲကပန်းခြံထဲထိုင်နေရင် ဟိုးတိုက်အမြင့်တနေရာက ကင်မရာထောင့်တွေ
ပြောင်းမယ် ကစားမယ် ဆိုပိုစိတ်ဝင်စားဖို့ရှိလာမယ်။ ဘာလို့လဲ form ၀င်လာတာကိုး။
အနုပညာမှာ အကြောင်းအရာကောင်းရင်ပြီးတာပဲနဲ့ရပ်နေလို့မရဘူး။ (နာမည်ကြီးမင်းသားမင်းသမီးအတွဲကို နောက်ကလိုက်ပြီးတချိန်လုံးရိုက် ကြည့်လို့ကောင်းမလား) ပုံသဏန်ကိုလည်းဂရုစိုက်ရတယ်။
သို့ပေသည့် စာဖတ်သူတယောက်ကို form တို့ structure တို့သွားပြောရင်ကြိုက်မှာမဟုတ်ဘူး။
သူတို့စာဖတ်တာ သို့မဟုတ်ရုပ်ရှင်ကြည့်တာဟာ ဒါတွေကိုလေ့လာဖို့မဟုတ်ဘူး။
သို့သော်ပြောခဲ့သလို form ကိုရှောင်လို့မရဘူး။
ဒါဆို structure ဆိုတာကကောဘာဖြစ်မလဲ။ နဲနဲဆက်ကြရအောင်။
Structure က form ထက်ပိုအခြေခံကျတယ်။ form ကအဓိပ္ပါယ်နဲ့တွဲလာတယ်။ Structure ကျတော့
အဓိပ္ပါယ် ကို possible ဖြစ်အောင်လုပ်ပေးတယ်ဆိုတယ်။ ဒီတော့ရှင်းဖို့လိုလာပြီ။
ဘာလို့လဲဆိုတော့ကျနော်တို့က အဓိပ္ပါယ်ကို ကိုယ်တိုင်လုပ်တယ်ထင်ထားတာကိုး။
Structuralism ကို ဆွစ်ဘာသာဗေဒပညာရှင် ဖာဒီနန်ဆောဆူး ကစခဲ့တယ်။
သူ့အရင်ပညာရှင်တွေက ဘာသာဗေဒကိုသမိုင်းနဲ့ယှဉ်ပြီးလေ့လာတယ်။ ဥပမာ Eat ဆိုတာက စားတာ။
ဒီစကားလုံးဟာ လက်တင်ဘာသာက Ear ကနေလာပြီး ဘယ်သို့ဘယ်ပုံပြောင်းတယ် စသည်ဖြင့်ပေါ့
ဂျာမာန်မှာဘယ်လိုသုံးတယ်။ ပြင်သစ်ဘာသာနဲ့ရောပြီးဘာညာပေါ့ ဒီအရွေ့နဲ့အဆက်အစပ်ကိုရှာကြတာ။
တချို့ပညာရှင်တွေက သဒ္ဒါကိုအာရုံကျတယ်။ ဒီစကားလုံးကနာမ် ပြီးတော့ ful ပေါင်းလိုက်ရင် နာမ၀ိသေသန။
ဆော့ဆူးကတမျိုး။ သူကလုံးဝကွဲသွားတယ်။ သူကဘာသာစကားအားလုံးရဲ့တည်ဆောက်ပုံစနစ်ကိုသိဖို့ကြိုးစား
တာ။ နောက်ပိုင်းမှာဒါကို system of sign (structure) ဆိုပြီးခေါ်ကြတယ်။ ဒါပေမဲ့ ဆောဆူးက structure
ဆိုတဲ့စကားလုံးကိုသုံးခဲ့တာတော့မဟုတ်ဘူး။

ဆက်ဦးမှာပါ

ဖြတ်စများ ၄

ကိုတီတီအောင်

ပိုက်ဆံတွေပျက်ပဟလို့ကျနော်ပြောတုံးကခင်ဗျားကမထိတ်သာမလန့်သာဗျာလို့ပြောခဲ့တယ်နော်။ ပြောရရင် စီးပွားရေးဆိုတာကျနော်တို့နဲ့အလှမ်းဝေးလွန်းလှပါတယ်။ စီးပွားရေးပြသနာတွေကုစားဖို့ကဝေးလို့ အခြေခံတွေ နားလည်ဖို့ကိုမနဲဖတ်ကြည့်ရတာကလား။ အခန့်သင့်ချင်တော့ကျနော်တို့ဖတ်ဖြစ်တဲ့NWT/ IHT က ပေါကရပ်မင်ကြီးက စီးပွာရေးနိုဘယ်၂၀၀၈ ကိုရတယ်။ သူလတ်တလောရေးတဲ့ THE RETURN OF DEPRESSION ECONOMICS AND THE CRISIS OF 2008 ကိုဖတ်ဖြစ်တော့ ခင်ဗျားကိုကျနော်သိသလောက် လေးပြောချင်လာတယ်။ နဲနဲသည်းခံကြည့်ဗျာ။

နိဒါန်း

ခုထိတော့ကျနော်တို့စီးပွားပျက်ကပ်ထဲရောက်နေကြတာမဟုတ်ဘူးဗျ။ လောလောဆည် အကျပ်အတည်းကကြီးတယ်ဆိုတဲ့တိုင်အောင် ပျက်ကပ်ထဲရောက်တဲ့အထိတော့ဆိုးမသွားနိုင်ဘူးလို့ (အာမမခံဘဲ) ကရပ်မင်ကြီးကပြောတယ်။ ဒါပေသည့် ၁၉၃၀နှစ်တွေကပျက်ကပ်စီးပွားရေးရဲ့ အရိပ်အရောင်တွေ ကိုတော့တွေ့နေရပါပြီတဲ့။ ဒီနေ့ခေတ်နိုင်ငံတွေဟာဆိုးဆိုးဝါးဝါး စီးပွားရေးကျဆင်းမှုတွေနဲ့ကြုံရမယ်။ ထိပ်တန်းရောက်ခေတ်မှီနိုင်ငံကြီးတွေဟာစက်ရုံတွေ ဆက်လည် ပတ်ဖို့အလုပ်သမားတွေကို ဆက်ထိန်းထားဖို့ လုံလောက် တဲ့ငွေကြေးမရှိဘူးလို့ လွန်ခဲ့တဲ့ ၁၅ နှစ် လောက်ကဘယ်သူတွေးမိမှာလဲ။ကမ္ဘာ့စီးပွားရေးဟာ ကျွန်တော်တို့ထင်ထားခဲ့တာထက်ပိုပြီး အန္တရယ် ကြီးတဲ့အနေအထားကိုရောက်နေပါပြီ။ဘာလို့ဒီလောက်ထိ ဆိုးဝါးသွားတာလဲထက်ပိုအရေးပါလာတာ ကဒီအကျပ်အတည်းကနေဘယ်လိုထွက်ကြမလဲနဲ့ဘာတွေပြင်ဆင် ထားဖို့ကောင်းမလဲသိရရင်မဆိုးဘူးလားလို့ပဲ။

ပျက်ကပ်စီးပွားရေးဆိုတာဘာလဲ

ပျက်ကပ်စီးပွားရေးပြန်လာပြီဆိုတာဘာအဓိပ္ပါယ်လဲ။ ပြီးခဲ့တဲ့မျိုးဆက်၂ခုအတွင်းပထမဆုံးအကြိမ်အဖြစ် DEMAND SIDE ECONOMY ကျဆုံးသွားတာပါ။ ထုတ်သလောက်မဖြုန်းနိုင်ကြတော့ဘူးဆိုတဲ့သဘောပေါ့။ စားသောက်ဆိုင်ကရေခဲသေတ္တာထဲဘီယာပုလင်းတွေချွေးပြန်နေတဲ့ပုံဆို ခင်ဗျားဒက်ကနဲသဘောပေါက်မှာပါ။ ဒီကိစ္စကစီးပွားရေး ပညာရှင်ကြီး တွေမှမဟုတ်ဘူး။ ပေါ်လစီမိတ်ကာတွေ ခင်ဗျားတို့လိုပညာတတ်ပြည်သူလူထု တွေအထိဘယ်သူမှ အဆင်သင့် မဖြစ်ကြသေးပါဘူး။
ခင်ဗျားမှတ်မိမှာပါ။ တခါကအိမ်မြေအကျိုးဆောင်တယောက်နဲ့အိမ်ခန်းကိစ္စခင်ဗျားတို့ပြောကြတော့သူ ပြောတဲ့စကားလေ။ ဈေးနှုန်းကိုဘယ်သူကသတ်မှတ်လို့ရသလဲ။ ဈေးကွက်ကသတ်မှတ်တယ်ဆိုတာလေ။ ဈေးကွက်နဲ့ဈေးနှုန်းဆိုတာကလည်းဘာမို့လို့လဲ။ ၀ယ်လိုအားနဲ့ရောင်းလိုအားပဲမဟုတ်ဘူးလား။ ဒါကျနော်က လူပြိန်းနားလည်သလိုပြောတာပါ။ သို့ပေမဲ့ အခြေခံအားဖြင့် ပညာရှင်တွေကြားထဲလည်းဒီကိစ္စပဲငြင်းခုံကြတာပါ။ Supply side economics နဲ့ Demand side economics ပေါ့။
စီးပွာရေးအခြေအနေတွေမကောင်းဘူး အလုပ်လက်မဲ့နှုန်းတွေမြင့်နေတဲ့အချိန်မှာ လုပ်ခတွေနည်းမယ် ဝယ်လိုအားကျမယ် ဒါဘာဆန်းသလဲ။ သူနဲ့အတူတွဲပြီး ဈေးနှုန်းတွေပါကျလာရင်ဘာပြောစရာရှိမလဲ။ ခင်ဗျား တလ ၂၀၀၀ ရနေရာကနေ ၁၈၀၀ ဖြစ်ဦးတော့ ဆန်ဈေးက တအိတ်နှစ်သောင်းကနေ ၁သောင်းခွဲဖြစ်လာရင် ဘာအရေးလဲ။ ၀ယ်လိုအားပြန်လာမယ် ထုတ်လုပ်မှုလိုမယ် လုပ်ငန်းတွေပြန်ရှိလာမယ် (အလုပ်လက်မဲ့ နှုန်းကျ သွားမယ်) မဟုတ်ဘူးလား။ သို့ပေမဲ့စီးပွားရေးကျလို့ ၀ယ်လိုအားကျတိုင်း ဈေးကျတယ် ဆိုတာလက်တွေ့မှာ ချက်ခြင်းဖြစ်တာမှမဟုတ်တာ။

Friday, March 6, 2009

မွေးနေ့ကိတ်

ဗြူတီ မှာ၂၀၀၃ တုန်းကပါဘူးတဲ့ကဗျာတပုဒ်တင်လိုက်တယ်
မွေးနေ့ကဇန်န၀ါရီ ဘလော့ကတလနောက်ကျမှလုပ်တော့
မွေးလစောင့်မယ်ဆိုဒီကဗျာတင်ဖို့ရာအတော်ကြာသွားမှာ။ ဒါနဲ့ပဲ

...........
သင်ဟာကိတ်မုန့်ရဲ့ဘယ်အစိတ်အပိုင်းဖြစ်ခဲ့သလဲ
ရထားထွက်ပြီးမိနစ်အနည်းငယ်အကြာ
ရှုခင်း ကောမြေနှင့်
ယနေ့ခေတ်မစားတော့သောဆင်ခြင်တုံတရားကို
ကွဲပြားရတယ်။
ပြူတင်းပေါက်များချိတ်ဆက်ပြောင်းလဲရာ
ပန်းပွင့်ပေါ်ရေစက်တင်တာ
ဖန်ခွက်မှန်ချပ်နှလုံးသားအစရှိသည်ဖြင့်
ကွဲရှလွယ်သောအရာဝထ္ထုတခုလွတ်ကျသံ
ငှက်များရုတ်တရက်အတောင်လန့်ခတ်ထပျံ။
လောကမြင်ကွင်းကျယ်ဆေးရောင်စုံပုံ
မဆန်းကျယ်လှတော့
ရေပိုက်ဖွင့်သလို ဇစ်ပိတ်သလို
ယခုအဖြစ်နှင့် ယခုအပျက်အကြား
အလင်းရောင်နှင့် ပူလောင်မှုနှင့်
ရှေ့ကဖယောင်းမီးကိုငါငြိမ်းပြီ။

KZကေ

အချစ်ကိုကြာရှည်ခံခြင်းနှင့်

ဒီရက်ပိုင်းသိပ်မအားတာနဲ့ ရေးပြီးသားလေးတွေထဲက
ကောင်းမယ်ထင်တာလေးတွေတင်ကြည့်ပါဦးမယ်။

အချစ်ကိုကြာရှည်ခံခြင်းနှင့်
(*ပြထားသောနေရာများတွင်သူ့စိတ်တိုင်းကျဝင်ရောက်ရေးသားခြင်း)


လွယ်ကူအောင် သူ့အလိုလိုရိုးစင်းသွားအောင် ကျွန်တော်မပါပဲ
ခေတ်ထဲကျယ်ဝန်းလာသောအတွေးတခု သစ်သီးအနုအချို့ဝင်းအု
*
ဖြစ်ကြောင်းကုန်စင်မှာ
လူ့ဘဝနှင့်ပြည်ထဲရေးနှင့်ဝမ်းရေးတို့နှင့်ဆက်စပ်မိသမျှဖြစ်ကြောင်းကုန်စင်မှာ
*
ကျွန်တော်ပျော်ဖို့ဆန္ဒရှိပါပြီ
ခင်ဗျားအလိုကိုလည်းရှိပစေပေါ့
ဘာကိစ္စကိုယ့်ဘဝကိုယ်ညာမလဲ
*
ဖြစ်နိုင်ခြေအလုံးစုံကို အချိန်ကာလကသင်ကြားခဲ့ပါတယ်
*
*
သမရိုးကျ ရိုးမြေကျ အစိမ်းမှအရင့်တိုင်အောင်
ရင်ချင်းအပ်ခြေဖျားထောက်ချစ်သတ္တိပြင်းထန်ဖို့
အာရုံခြောက်ပါးစလုံးတလုံးတစည်းတည်းစိမ့်ဝင်အောင်
*
ဒုက္ခကိုသစ်ခွပန်းနဲ့အိမ်ရှေ့ဝရံတာမှာ
*
တကိုယ်လုံးစိတ်တိုင်းကျ ရောမန်တိကကြည့်မှန်မှာ
ဥတုသုံးလီရင်ဆိုင်မည်အမည်ရသော
ကိုယ်တို့မျှော်လင့်ဆဲအပြာရောင်ဥယျာဉ်ကိုပျိုး။

KZကေ

Sunday, March 1, 2009

ဆက်သွယ်ခြင်း ၃

သက်ဆင်ကမန်စီးတီးကိုပြန်ရောင်းသည်
ဗြိတိလျှတွေကသူ့ကိုခိုလှုံခွင့်မပေးတော့ ဒူဘိုင်းက တည$500 တန်ဟိုတယ်တခုမှာချို့တဲ့စွာနေရသည်
ခုအောက်စဖို့ပညာတတ်ကလေးကပြန်လာဖို့ခေါ်သော်လည်း
သူ့ထောက်ခံသူတွေကလမ်းပေါ်ပြန်ထွက်ကြဦးမည်ဆို၏
ကျနော်ဒီတခေါက်မက်တာပွတ် (ပတ်တရာနားကစက်မှုဇုံမြို့လေး) ရောက်တော့ တည ဘတ်တထောင်
တန်ဟော်တယ် က
ဧည့်ကြိုကလေးပြောသည့်ဆာဝါဒီခ မှာယိုးဒယားနိုင်ငံရေး၏မည်သည့်အရိပ်ငွေ့မှမတွေ့ရ
လိုကယ်နဲ့ ဂလိုဘယ်ကိုချိန်ကြည့်ဦးမှဆိုပြီး
နာမည်နဲနဲ ရှိသည့် ဒေသခံ ရက်ဂင်စီ ဘရန်ဒီလေး မြည်းကြည့်မိပါတယ်
၃ပက်လောက်ဝင်သွားတော့ ဂါဇာမဟုတ်သည့် ပတ်တရာကမ်းစပ်မှာ ကျနော့်အလွမ်းဓတ်က တဖျတ်ဖျတ်
(နော်မန်ဒီတုန်းကတော့ အံမယ် မနူးမနပ်ကဗျာဆရာက တိုက်ချင်ခိုက်ချင်စိတ်တွေပင် ၀င်ဖူးသည်)
ခုတော့ လီရှန်လွန်းတို့ ကျွန်းဋ္ဌာနေမှာ တိုးနယား တွေက ယိုးဒယား သမင်လိုက်သလိုမဟုတ်
ရုတ်ရုတ်သဲသဲ ဂျက်ကီးချန်းရယ်သလို စပ်ဖြဲဖြဲ ဂီတ နှင့်
နှစ်ကူးဆိုတော့ ဘောင်းဘီတိုလေးတွေနဲ့ အိမ်ပြန်သွားသည့်
မလေးတရုတ်မလေးတွေ ပရိုမိုးရှင်းလုပ်သည့် ဆူဝေသောဘီယာဆိုင်တွေပင် တိတ်တိတ်ဆိတ်ဆိတ်
ဒီနေ့ တပီပါ ၄၅.၆၂$, ဓတ်ငွေ့ One MM BTU ကို ၄.၄၉$ ။ နှစ်ခုစလုံးနဲနဲစီကျ။ CAC 40
ကယောင်ယောင်လေးပြန်တက်။
ဒီမနက်ဘွန်လေးက မြန်မာထမင်းဆိုင်မှာ ၀က်သားနဲ့ မျှစ်နဲ့ ရုံးပဒေသီးကျော်နဲ့ အရင်ဈေးပဲ S$ 3.5
ဆက်သွယ်ခြင်း ၃ ကို တယောက်ယောက်က တခုခုပြောလျှင် ကောင်းမှာပဲဘာလို့ထင်မိပါလိမ့်

(အပေါ်ကစာချီးလေးကတရုတ်နှစ်ကူးတရက်မှာချစ်ခင်သူများကို
ကဗျာပို့စဉ်ကရေးပေးခဲ့တာမို့ သတိတရပြန်ထဲ့ပေးတာပါ)

ဆက်သွယ်ခြင်း ၃

ကျောက်မီးသွေး၏ နာကျင်သောခွန်အားမှာ လင်းနေသောအနက်ရောင်ပင်
သဘောင်္ကဖရွိုက်၏ မသိစိတ်ကိုတိုက်မိပြီ
အချိန်ကာလတဖြည်းဖြည်းစိမ့်ဝင်ရာနံရံပေါ်၌တစက္ကန့်များတောင့်တင်းနေ
ရေတံခွန်တွဲလောင်းကျနေ
သံလိုက်တုံး၂တုံးလိုဇတ်ကနဲရုန်းနေသောအချစ်စိတ်သည်ဒွိဟ
ငါဟာငါ့အပေါ်ငါသာအာရုံရသည်ဆိုသော်လည်း
လေကိုဖမ်းနေသောပိတ်စ
…………………………………..

KZကေ

နေ့များ။ ရောင်းရန်ရှိသည် ၃

အလုပ်သမားခံစားမှုအဖွဲ့။ လတ်တလောလုပ်ငန်းခွင်အခက်အခဲတွေ။ အစွဲအလမ်း။
လျှင်လျှင်သစ်ပင်များမြန်မြန်ဆိုတဲ့စကားလုံးဟာThe landscape is motorized ရဲ့ပယောဂများလား။ ကဗျာနှစ်ပုဒ်ပေါ်ရဲ့အဆက်အစပ်နဲ့ညွှတ်ချက်တွေ။

ကဗျာကိုခံစားနိုင်တာဥါဏ်ပညာကြီးရင့်လို့မဟုတ်ပါဘူးတဲ့ ပလေတိုးက
နွေလယ်နေရဲ့ မြို့ကြီးတွေဟာ မင်းမပါလည်းပျင်းစရာမဟုတ် ဆိုတဲ့ R&B သီချင်းတပုဒ်နဲ့
ဂျိမ်းဆင် ကလက်ဝဲကိုသစ်စေချင် ပဲလ်မင်းကဘာသာစကားကိုသစ်စေချင်
The train takes you where it goes ပေါ့။ ဘာဖြစ်သေးလဲ ။
ကျနော်ဟာဟောင်းလာတဲ့စနေနေ့တနေ့ ညရထားရဲ့စတီးလက်ကိုင်ကွင်းကိုတင်းတင်းဆုပ်ပြီး
ရောင်းစားလို့ရတယ်ဆိုပေမဲ့ ဘ၀ကိုဒါးစက်ပြန်သချင်သူ အထည်ချုပ်သမလေးရဲ့နေ့တွေ ချုပ်ရိုးချုပ်သားဖြောင့်တန်းပါစေ ရုတ်တရက်များ စိတ်ကူးခဲ့မိလေသလား။
.........................

နေ့များ။ရောင်းရန်ရှိသည်


မားမားကရိန်းကြီးမတ်မတ်ခေါင်းငိုက်စိုက်
သွေးသံဂဟေချောင်းတရဲရဲငြိမ်ပြီ
စိန်ပန်းအလုပ်ကြမ်းအုတ်ခဲနီနီအထပ်လိုက်
နားနားသူဋ္ဌေးသားနေနေဘိလပ်မြေ
တည်ဆောက်ပြုပြင်အလုပ်သမားအသားညှပ်ပေါင်မုန့်စား
မိုးတိုးတိုက်တို့မတ်တတ်ကျန်ခဲ့
လျှင်လျှင်သစ်ပင်များမြန်မြန်
ပြေးတမ်းညအမှောင်မီးရောင်ကိုလိုက်တမ်း
ဆော့ငါတို့ဟာနေ့တွေနဲ့ကစား
ချစ်ခြင်းကမ္ဘာကြီးမေတ္တာသည်ပင်ဆာလောင်အိမ်အပြန်တောင့်တနေ။


KZကေ

နေ့များ။ ရောင်းရန်ရှိသည် ၂

တနေ့မှာ Fredric Jameson (အမေရီကန်မတ်ဝါဒီလက်သစ်စာပေအနုပညာဝေဖန်ရေးဆရာ) ရဲ့ The postmodernism or the cultural logic of late capitalism စာအုပ်ရဲ့တနေရာမှာ China ဆိုတဲ့ကဗျာတပုဒ်ကိုဖတ်ရတယ်။

We live third world from the sun, number three, nobody tells us what to do.
The people who taught us to count are being very kind.
It is always time to leave.
………………….
………………….
……………………..
Run in front of your shadow.
A sister who points to the sky once a decade is a good sister.
The landscape is motorized.
The train takes you where it goes
Bridges among water
……………….
………………
……………..
Go to sleep.
You look great in shorts. And the flag looks great too.
Everyone enjoyed the explosions.
Time to wake up.
But better get used to dreams.

ရေးသူ အမေရိကန်LP (Language Poetry) ကဗျာဆရာ Bob Perelman ပါ။
ဝေဖန်ရေးဆရာက အဆက်အစပ်မဲ့တဲ့ဝါကျတွေနဲ့တည်ထားတာဖြစ်လို့အားလုံးသဘောညီ
အဓိပ္ပါယ်တခုရဖို့မဖြစ်နိုင်သော်လည်း ဒါဟာ စူးစမ်းချင်စရာ ထိမ်ဝှက်ဖွဲ့ဆိုထားတဲ့ နိုင်ငံရေးကဗျာတပုဒ်အဖြစ်မြင်ခဲ့ပါတယ်။
တရုတ်ပြည်သစ်ရဲ့မပြီးဆုံးသေးတဲ့ လူမှုရေးစမ်းသတ်ချက်တွေ မမျှော်လင့်ပဲ ဆူပါပါဝါနှစ်ခုကြားကပေါ်ထွက်လာမှု။
မြေပိုင်ရှင်စံနစ်နဲ့ အင်ပိုင်ယာစံနစ်မှာ နှစ်များစွာကြာခဲ့ပြီးပထမဆုံးထွက်လာတဲ့ Collective destiny
နဲ့ ကိုယ်ပိုင်အသံကိုဖွဲ့ခဲ့တယ်။
သို့သော် ကဗျာရဲ့ညီညွတ်စည်းလုံးမှု (Unity, ဒီမှာတော့ အဓိပ္ပါယ် လို့သဘောယူလည်းရနိုင်ကောင်းမယ်) ဟာဘာသာစကားရဲ့ဘောင်ထဲမှာမရှိတော့ပဲအပြင်ကိုထွက်လာခဲ့တယ်လို့လည်းဆိုပါသေးတယ်။
ကျနော်ကတော့ ဘာကြောင့်မှန်းမသိ လွန်ခဲ့တဲ့အနှစ် ၂၀ နီးပါးက ဆိုနေကျသီချင်းကို
ဖျတ်ခနဲသတိရလိုက်တာကတော့အခြား နိုးကြားမှုတခုပဲဖြစ်ပေလိမ့်။

ဆက်ဦးမယ်

နေ့များ။ ရောင်းရန်ရှိသည်

ကြာခဲ့ပါပြီ။
ချယ်ရီမှာ ဆရာညွန့်ကြူးကဗျာအလှရှာပုံတော်လုပ်တော့
ဆောင်းပါးမစခင်အမြဲတမ်းဖော်ပြလေ့ရှိ တဲ့အချီအချစကားပြောခန်းတခုရှိပါတယ်။ ဆရာဇော်ဂျီဘာသာပြန်တဲ့ပလေတိုးနိဒါန်းထဲကပါ။
ကဗျာကိုခံစားနိုင်တာဟာစိတ်နှလုံးတက်ကြွမှုကြောင့်ပါတဲ့။
တော်လို့တတ်လို့ထက်မြက်လို့မဟုတ်ပါဘူးတဲ့။
ဆရာညွှန်းခဲ့တာတွေထဲကတပုဒ်ကိုကျနော်မှတ်မိနေခဲ့တယ်။
နွေလယ်နေရဲ့ဆိုနေကျသီချင်း။

“စက်ရုံတံခါးဖွင့်ဖို့
သူတို့လိုပဲငါလာခဲ့
မြို့တော်ရဲ့ဟိုမှာဘက်ကိုလေ”

တောင်ဒဂုံသားကဒလသင်္ဘောကျင်းထဲထမင်းချိုင့်ဖွင့်နေချိန်
သာကေးဒီးယန်းအပျိုဖြန်းကလေးလည်းအင်းစိန်ရွာမကအထည်ချုပ်စက်ရုံထဲ
ဘ၀ဆိုတာအပ်ချည်လုံးလို အချိန်တန်ရင်အကုန်ပြေသွားမှာပဲ
လို့တွေးနေနိုင်တယ်။

“နေလုံးကအိပ်မှုံစုံမွှား
အရှေ့ဖျားမှာတွားတက်စ”

အလင်းရောင်သဲ့သဲ့မြင်တာနဲ့အိမ်ဟာရုံခါဖို့ပဲ
ကျနော့်ဘလော့ထဲမှတ်ချက်ပေးသူတဦးအလိုအရဆိုရင်
နပိုလီယံတောင်နိုးတာနဲ့ထရဆိုကိုး။

“ဘတ်စကားမှတ်တိုင်မှီရပ်
ပါးစပ်ဟဟသန်းဝေ
အိပ်တန်းကြောင်ငှက်ကလေးရေ
မင်းအိမ်ပြန်တော့မယ်လား
ငါတော့အလုပ်သွားတော့မကွဲ့
စက်ဆီညစ်ထေးထေးနဲ့
အေးစက်စက်သံထည်ကြီးတွေအောက်
ငါ့ကြွက်သားတွေညောင်းညာခိုက်
မင်းအိပ်ဖြစ်အောင်အိပ်လိုက်ဦး
မင်းနဲ့ငါမပါတဲ့
မြိုတော်ရဲ့ညနေခင်း
သူ့ဘာသာစီးဆင်း
ဆိုနေကျသီချင်းနဲ့
တို့ကိုတွေးမဲ့သူလည်းကင်းရဲ့မဟုတ်လား”

ကဗျာကကျန်သေးပေမဲ့ဒီနေရာမှပဲရပ်ကြည့်ရအောင်။
ကဗျာဖတ်သူဟာ ကဗျာရေးသူပေးချင်တဲ့ အချက်ကိုရသွားခဲ့ပြီဖြစ်ပါတယ်။
ဂျက်လန်ဒန်ရဲ့ပင်လယ်ဝံပုလွေကိုဘာသာပြန်ခဲ့သူဆရာညွန့်ကြူးက
သူဖတ်ဖူးသမျှအကောင်းဆုံးအလုပ်သမားလူတန်းစားဖွဲ့ကဗျာလို့ဆိုခဲ့ပါတယ်။

ဆက်ဦးမယ်